كـ ل ـي دلع

فهل جلست يوم من الايام تريد ان تبكي فلم تستطع ؟؟؟؟ نعم تحصل .. إذا كان بجانبي أحد لا أحب أن يرى دموعي ... أو حتى لو كنت وحيدة تحتبس الدموع وهل البكاء بالنسبة لك ضعف ؟؟؟؟ ليس ضعف لأنه يخفف الأوجاع .. بصراحة أرتاح كثيراً بعد البكاء و لكن البكاء في كل وقت و بكثرة و على أقل شي يعتبر ضعف واذا بكيت فما الذي ابكاك ؟؟؟؟ من الطبيعي جداً إنني بكيت ... بصراحة دموووعي غالية .. و ليس من السهولة أن تسقط ... و لا أبكي إلا على شئ فعلا" يستدعي البكاء .... لكن الشيء اللذي يبكيني هو .................................. ما بقول

ألااااااي أنا أمووووووت في هالممثلة ...

1- كيف تتصرف إذا شفت أعز ربعك يمشي في درب غلط؟؟ وشنو الأشياء اللي تقدر تقدمها له؟؟ عندي صديقة شوي جذي ... نصحتها و بينت لها مخاطر هالشي اللي تسويه .. ولمحت لها واايد بعد بس عمري ما جبرتها أو هاوشتها على شي لأنها دايم تحط لنفسها المبررات . عليي أنصح ... وهي كيفها 2- شلون تتصرف لما يكون هالشخص أخوك أو أختك أو واحد من أقربائك؟؟ اختي واايد وايد قريبة مني ... يعني لو تمشي في سكة غلط راح أوقف لها و أنصحها و أبين لها حجم الغلط اللي تسويه و شنو راح ينتج عنه من مشاكل لها في المستقبل ... و ما بسمح لها إنها تواصل في هذا الطريق مهما كان ... يعني صديقتي نصحتها و هي كيفها ... لكن أختي مستحيل أجوفها تغلط و أسكت عنها .. 3- أيهما تفضل.. أن تخسر صديقك.. أو أن تسايره وتتجاهل الغلط اللي يسويه؟؟ مع العلم ان مايضرك في شي ويضر نفسه.. ولكنه (القلب.. آآآآآه منك يا القلب)؟؟؟!!!! أسايره و أتجاهل الغلط .. مدام هشي مايضرني ... لكن بظل حزينة عليها أكيد 4- شنو يمثل لك أعز أصدقائك؟! ما أقدر أستغني عن الصداقة وايد مهمه في حياتي .. بس هذا اللي أقدر أقوله .. : : انت طرحت موضوع مهم .. في شخص عزيز على قلبي عنده ربع من هالنوع ... عاددي يسايرهم .. ولا ينصحهم و بصراحة يحترق قلبي على هالناس .. محد ينصحهم و يوجهم بالعكس يشجعونهم و يقولون بعد شسوي الريال يبي يعرس و ماعنده خل يستانس لا يموت و هو ما ذاق .... وايد اتضايق على هشي ... واذا جيت قلت لهم حرام ما بيقتنعون .. شلون شخص ما يصلي بيقتنع إن الزنا حرام مثلا ؟؟ لكن لازم نجي نبين لهم الأضرار الصحية اللي تنتج عن هشي ... كلام صحي و علمي واقعي ... المشكلة إني ناقشت هالشخص العزيز و قلت له انصح ربعك يقول خلهم يستانسون شسوون بعد الدنيا قصيرة و مادري شنو المهم انا طلعت عن صلب الموضوع بس لأن هشي من زمان في بالي و بضايقني ... مشكلة خاطري أحلها بس مو عارفه شلون صج ماعرف هالأشخاص بس كل الناس يهموني أحب الناس و أخاف عليهم ..........

حبيبي طبعاً ( زوجي الغالي ) لأنه ما يتعوض

اللي يحب بصدق .. ما يرضى على حبيبته تطلع معاه ... و البنت الشريفة و المحترمة ما ترضى تطلع مع شاب ..... و أتوقع الشاب ، إذا رضت البنت تطلع معاه يغض النظر عنها ... ويكون معاها تسلية بس ! يعني يمكن 1% من الشباب اللي يطلعون مع بنت و يتزوجونها .. س2/ ماهو سبب تسليم العديد من الفتيات أنفسهم رخيصه لها هؤلاء المجرمين من البدايه؟ سببين السبب الأول : ممكن تكون البنت أوردي ضايعة يعني عادي تطلع مع أيّ شخص ... و السبب الثاني : ممكن تكون البنت مسكينة وقدر هالشاب يقص عليها .. أو وثقت فيه زياااادة عن اللزوم .... و لو إني أقول حتى لو كانت البنت واثقة من حبيبها لازم ما ترضى تطلع وياه اهيا شدراها الأيام شتخبي لها ! و لو يبيها خل يتقدم لها يخطبها ...

بو علي ..... ههههههه ضحكتني هذي العبارة .. بس ترى أنا ما عندي كلام على الرجل البحريني .. و أغلب اللي اعرفهم من أهلي جذي و لا بد من وجود السلبيات ولكن نتغاضى عنها ونحاول نركز على الإيجابيات و نعززها في سبيل نعيش حياة سعيدة .. مشكور أخوي لأنك نقاشتني و على فكرة أنا وايد إستفدت من ملاحظاتك و إنتقادات البناءة علشان أراجع نفسي و بالتوفيق لك يارب .... : : : أختي العلياء88 ..... بصراحة كلامج كله منطق و واقعية أحييج ألف تحية على كلامج .... و الله يخليج يارب ..

يعني شنو تبي تقول إن البحرينية سيئة ساذجة و غشيمة ؟؟؟ بصراحة مادري ليش مصر على هالفكرة !!!!!!!! اصابع يدك مو سوى .. و الي قريته في الجريدة يمكن من كاتب يعاني .... و سمعت راي الناس كلهم ؟؟؟؟؟ كل البحرينين سمعت رايهم ؟؟؟؟ أخوي أنا بحرينية ... و واثقة من نفسي أنا شنو .. و أعرف بنات بحرينيات في منتهى الأخلاق سعيدين مع أزواجهم و مريحينهم ... ليش هذي الفكرة الغلط و بعدين أنا ماقلت إن ماا فينا سلبيات كلنا موب كاملين .. و الكامل الله بس محد أحسن منّا .. ولاحد يزيد عنّ حد في شي فكرة إن السوريات أحسن أو غيرهم كلها أفكار مزيفة مزيفة مزيفة وصلت لنا بوسائل عديدة .. و لأهداف عديدة ... فكرة وهمية ..

بالنسبة لأصحاب المصالح هذا كلام صحيح مليووووون في المئة .. أما بالنسبة لسلبيات الرجل فهذا موضوع ثاني بعد .... لكنه صحيح الرجل يبي وحده إهو يمشيها بكيفه ... يمين يمين يسار يسار ... وهذا سمعته بأذني إن رجل يقول : على الأقل باخذ فلبينية بقولها ( جب ) بتسكت !!! المرأة كيان إنسانة موب سياره إنت بتمشيها و هذا ما ينطبق على الكل طبعاً... أنا أقول إن طاعة الزوج واجبة .. و هو صاحب الكلمة و أحطه فوق راسي ... بس في بعض الأمور تحتاج للنقاش و التشاور طبعا بكل هدوء و تفاهم و لباقة .... .... خصوصا إذا كان الشي يخص الزوجة . و معظم اللي يتزوجون يبون وحده تخدمهم ( و هذا كله من تربية أمهاتنا و آباءنا ) ... و هذا ماعليه خلاف .. زوجي من حقه عليي إني أهتم فيه و أداريه .. و أنا بعد من حقي عليه إن يعاملني برقة ولطف .. و ينفق عليي النفقة المعتدلة وأنا متواضعه بعد وناس يسموني الإقتصادية .. مو عشان إني ماابي ... بس لأني أراعي ظروفه المالية ...... بالنسبة للرومانسية فـ أغلب الرجال العرب مالهم فيها.. وهذي طبيعة فيهم ... ما بعترص عليها و بتماشى معاها .. بس بعد في بحرينين زينين متفهين و لطيفين و حبوبين و يقدرون المرأة ....

أخوي بو علي .. شنو تقصد بهاي النقطة ؟؟ ممكن تفصلها أكثر ... ؟ البحرينة بشنو مهتمة ؟؟ و بشنو المفروض تهتم؟؟ أنتظر ردك ...

حبيت أصحح معلومة للبعض .. تصير ساعات إن القلب يحب بس ما يفهم .. موجووود في الواقع ... فأكيد أختار القلب اللي يفهمني لأن أكيد في يوم من الأيام بيحبني .... لكن اللي يحبني بس ما يفهمني .. بعيش معاه صح .. و بتحمله صح .. لكن بظل شي ناقص بيننا ... و التفاهم هو أساس نجاح العلاقة ..

السلام عليكم *هل صادفتم موقف مشابه ؟ اي شفت وحده قريبتي تعامل زوجها جذي جنه طرطور *تتوقعون ليش هالفئة من النسوان ينزلون من قدر ازواجهم جدام الناس ؟ تفكر جذي حلو و فن ! يعني بينظرون لها إنها لها سلطة عليه وقوية رغم إن هالإسلوب لا يمت للقوة بصلة .. أما بالنسبة لرايي في الموضوع أنا ما أطلع إلا اذا خبرت زوجي .. رغم إني أعرف إنه بيوافق .. وهشي ما له خص بالثقة بس لو لاسمح الله صادها شي بالطريج بكون هو عارف وينها و يروح لها .. و أسباب ثانية بعد و غير هذا لازم نحسس الرجل بإنه رجل بحق و نحسسه بقوة كلمته و مافي أحسن من الرجل اللي شخصيته قوية .. لأن مايعجبني الضعيف

ضد .. مع أو ضد الصداقة بين الشاب و الشابة ؟؟

المشكلة مو في الرجل البحريني المشكلة في اصحاب المصالح اللي ينشرون هذي الأفكار إلى الرجل البحريني ..... وهذا قصدي في عبارة (( عمار الجيوب من خراب البيوت )) يبينون لهم بطريقة غير مباشرة بمحاسن الزوجة العربية أو الأجنبية .. و يبرزون لهم السلبيات اللي في المرأة الخليجية هذي سياسة تتبعها تلك الدول الفقيرة ... لمصالح مادية بحتة .. المغربيات مثلا .. كانوا لن يشتهروا بشيء لولا إعمار فنادق الدعارة بهم ... صدقيني هذي الحقيقة ... ولا اقصد كل المغربيات سيئات طبعاً ... اختي .. الرجل البحريني بالنسبة لهم رجل خليجي يعني غني ..... يسعون لإستنزاف جيوب الخليجين ... هذا هو السبب .... وهذا ما تأكدت منه بعد تحريات طويلة و قراءات .. مع العضوة إخصائية إجتماعية حينما كانت تجهز لكتابة بحث وعلى فكرة ترى مهند ما يعجبني كلش [/color] اخي بو علي ... انا قلت ببحث في المنتديات السورية ... بسوف الأخلاق عندهم شلون ؟ شوف هذي مقتبستنه من منتدى سوري دشيته خصيصا عشان هالموضوع بلكٍ بتقتنع ههههههههههههه ...

شكرا أخوي على الإطراء من ذوقك و الله بو علي ... التعميم ما يصلح... يعني مثلا لو في 1000 بنت بحرينينة مو زينة في 1000 بنت بحرينية زينة وفيها كل الصفات الحلوة اللي ذكرتها ... و لو في مليون مغربية زينة هم في مليون مغربية مو زينة ......... ولو انت مثلا في حياتك عرفت او سمعت عن بنات سذج و غشمة هذلين ما يمثلون كل البحرينيات ..... و بقولك مثال .... إحنا رحنا دبي كسياحة .. تعرفنا على ناس إماراتيين ( إحنا الخوات كنا جميلات و لبقات ) قالوا لنا البنات الإماراتيات: ماشاءالله بنات البحربن حلوييييين و خلوقين ..... اخذوا فكرة عن البحرينياات من خلالنا عرفت ممكن هالبنات قالوا لبنات عمها و بنات عمها قالوا لرفيجاتهم و رفيجاتهم قالوا الى أهلهم وجوا خطبوا وحده من عندنا هههههههههه عرفت شلون ؟ إحنا ممكن نمثل مجموعة من الشعب و ليس الكل .... و هذا نفس السوريين او المغربيين اللي يجون هني ... يعني ممكن يكون من حسن حظ صديقك تزوج سورية حلوة و خلوقة مهتمة في زوجة و غيره من الصفات الحلوة ... لكن هذا ما يعني إن كلهم كلهم كلهم جذي السوريات ..... بو علي أنا مو جاية انقص مو قيمة الجنسيات الأخرى .. لا بالعكس فيهم الخير .. فيهم الصالح و فيهم الطالح وانا أجوف في مجتمعي البحريني زوجات خوش زوجات ... من كل النواحي .. مظهر و تعامل حلو مع الناس .. إهتمامات .. إحترام للزوج .. دلع و مرح .. و غيره و غيره ... أتمنى وصلت فكرتي .... أما موضوع الزواج و الطلاق و الإهتمامات كلها مواضيع فرعية نقدر ننقاشها كمشكلة للمرأة العربية بشكل عاااااااااام ......... ننقاش أسبابها و نجد لها حلول ...... لأنها لا تقصر على بلدة أو منطقة وحده .. إنما تعاني منها بعض بعض النساء في كل العالم ......... وشكرا على مرورك الكريم أخي بوعلي و تذكر إنني أحترم وجهة نظرك وبقولك نصيحة .... الصراحة مطلوبة بين الزوجين .. واذا تزوجت قول حق زوجتك شنو تبي و شنو تحب ... عشان سعادتك وسعادتها بعد ... لان الكبت و الخوف من جرح مشاعرها بيؤدي إلى مشاكل و المشاكل تؤدي الى التعاسة ..

أهلا بمرورك أخوي .... بوعلي أنا أحترم رايك .. بس إسمحلي أعلق عليه يمكن انت تعيش وسط بنات جذي .. أو احتكيت في بنات جذي لكن هذلين ما يمثلون الكل .. أخوي .. البحرنية غالبا غالبا ترضى بغرفة في بيت الأهل و بدون خدامة و انا منهم و غيري وااااااااااااااااايد وااايد .. و هذا فيه منه العكس .. لان مثل ما قلت المتناقضات موجودة في كل مكان في العالم .. أما بالنسبة إلى الإهتمامات فحتى النت بحد ذاته إهتمام لما يكون للإستافدة و القراءة ... و ما أخالفك في نقطة إن بعض البحرينيات تهمل هذا الجانب و التربية لها دور ....... و ليس الكل طبعاً ... هذا بعد ما يجوز فيه التعميم لأن أخو صديقتي ( فروا مخه ربعه ) و أصر إنه بروح سورية و يتزوج من هناك فلسته تفلييييس و قامت تتطلب عليه على اساس إنه خليجي يعني غني <<<< في نظرهم المهم لأنه يبيها توطى لهشي رجع البحرين وياها بس للأسف خانت كل توقعاته و عاش التعاسة وياها طلقها و راح يدور بحرينية تعوضه و إنا قلت في نهاية موضوعي المسألة مو مسألة جنسيات المسألة مسألة فن في التعامل . أسلوووووووووب ... سواء كنتي من أي مكان في العالم تفهمين الرجل بتملكينه ما تفهمينه خسرتينه ... وهذي كل القصة .... بقولك شغلة بعد .. أنا زوووجة .. جميلة .. و خلوقة .. ممتعة و مرحة .. عندي إهتمامات و أهداف و طموح أهمشي أفهم الرجال شنو يبي من المرأة ؟ شكرا لمداخلتك الرائعة أخوووووي .. و أنتظر تعليقك إن أحببت