ولد دلمون

مرحبا بالكل ,, يسرني ان اقدم لكم العرض التالي للراغبين بالقروض الشخصية .. قروض بأقل الفوائد على مستوى البحرين !! للاتصال .. 36777649 حسين محمد كما و يمكنكم الاستفسار عن طريق الرسائل الخاصة اضافة لرقم الهاتف المدون اعلاه .. و مرحبا فيكم

مشكوور اخوي

اللي يقدر يساعدني اشتغل في بنك او شركة محترمة بدفع له مبلغ و قدره 500 دينار ,,و مستعد اوقع على تعهد بهذا الشيء بحيث ان تمت المعاملة و تم توظيفي اسلمه او اسلمها هذا المبلغ . بشرط الشغلة تكون داخل البنك او الشركة يعني مو شغلة فرارة بالسيارة , و انا عندي دبلوم في البزنس من الجامعة و شهر ثمانية انشالله بتخرج و عندي خبرة 5 اشهر . اللي جاد او جادة و حابين يساعدوني انا مستعد ادفع هالمبلغ لهم .

الف شكر اختي شجون الزمن و انا سمعت عن هذي الشركة و الصراحة مدير الموظفين السابق في الشركة اللي كنت اشتغل فيها انتقل لها , يعني لو قدمت له اوراقي انشالله يمكن ياخذني بس ماعرف وين مكانها او مكتبهم , اذا تعرفين اختي الكريمة مكانهم بتفيديني وايد و الف شكر لج . اخوي مليت شكرا لك بس مندوب مبيعات مابي و تسلم .

انا عندي دبلوم في البزنس , و اشتغلت لمدة 5 شهور في وكالة سيارات , و ابحث عن وظيفة براتب لا يقل عن 300 دينار و اذا كان اكثر بعد بيكون ممتاز . ابي مساعدتكم لي و اذا فيه شركات او بنوك او شركات اتصالات او اي شي يتعلق بالبزنس و جزاكم الله خير . ولد دلمون

هلا اخوي ,, في شركة عقارات السيف , تروح لهم و تقدم طلب حق التوظيف في ماجيك اايلاند , و موفق انشالله .

خبرة خمس سنوات ؟! و من وين البحريني الخريج يجيب الخبرة ؟! الخبرة تجي اذا شغلوه لو هالشركة يبون كل شي عالجاهز خل يشغلون بحرينيين و يتعبون عليهم

اختي ذيبة المحرق انا عندي دبلوم من جامعة ama و قدمت في باس عن طريق الانترنت بس محد رد علي من كم يوم , هل الافضل اقدم السي في مالي باليد ؟! و هل كون ان عندي دبلوم بياخذوني ولا بدون واسطة ما ياخذون احد ؟! و انشالله بروح لهم و مشكورة اختي و مشكورين كلكم

هههه والله اختي ماعتقد هالسيارة دخلت فحص اصلا !! تلاقينه يسوقها و هي غير مؤمنه و غير مسجلة !! من جذي ماتم فحصها !! هذا اللي اتوقعه .

للرفع .. وين اقدر احصل الاغنية و باقي اغاني الفنان المحبوب يوسف محمد ؟! انا اسأل في قسم الفنان و في منتداه و ياليت القى اجابة ,, و لانه نحب الفنان الرائع يوسف محمد فنحب نعرف وين نقدر نحصل اغانيه . ياليت نلقى جواب !!

مرحبا .. باااااااك للكل .. ايفا تسلمين على الصووورة الخطييرة للغالية الفاتنة مرووووة صج روووعة و خطييرة الصوورة من قلب فديت مراااوي .. و يسلمووو مرة ثانية

ابي هالاغنية (افاخر اني بحريني) للفنان يوسف محمد من كلمات عارف الهاشل ,, الاغنية روعة جدا و لما اسمعها بالراديو بالفعل ينتابني احساس رائع ,, لكن للاسف اعمال يوسف محمد ماعرف من وين نحصل عليها !! لدرجة رحت محل اليوم للاغاني و الكاسيت (علما باني انزل كل الاغاني اللي ابيها من النت و احطها بالسي دي حق السيارة) ,, لكن رحت محل عشان اشتري سي دي هالاغنية و اغاني وطنية اخرى ان وجدت ,, لكن الهندي اللي في المحل مايعرف شي عن الاغنية و لا عن يوسف محمد و عرف انه له اغاني وطنية و عطاني شريط كاسيت و قديم اشوي و مافيه اللي ابيه و انا ابي سي دي بعد مابي كاسيت . و موقع الفنان يوسف محمد على النت غير شغال ,, و قسمه بمنتدى بحرين تودي مافيه اغاني جديدة و الاغاني القديمة الروابط مالها خلاص غير صالحة ,, فياريت تشوفون لنا حل . و من وين اقدر احصل اغاني يوسف محمد او حتى لو في محل كاسيت معتبر موثوق اقدر احصل فيه اغانيه اللي ابيها ,, و هذا عتب على الفنان المتميز يوسف محمد انه نلاقي صعوبة شديده للوصول لاعماله!!

هلا اختي ,, اشتريه له قلم حلو ويا كفلنك . يعني الكفلنك اللي حق زرار الثوب او حتى القميص ,, مع قلم حلو بيكون هدية ممتاز , و يفضل لو كانوا طقم (القلم و الكفلنك) و تحصلينهم في اماكن وايد . تحيتي

انا اختلف مع الاخ وسيم اللي يدافع عن هذا الاب المتعجرف . و يبرر له خطأه . قال رسول الله صلى الله عليه و سلم (من جاءكم من ترضون خلقه و دينه فزوجوه و الا تكن فتنة في الارض و فساد كبير ) . فاذا هذا الشاب مافيه اي عيب في اخلاقه و دينه ,, و زيادة على هذا انه من اهله و يشتغل ,, و هي تبيه ,, ليش الاب معاند و يرفض ؟! انا برايي يتوكلون على الله و يتزوجون غصب عن هذا الاب المتعجرف لانه بالنهاية اللي راح يدوم لها و تعيش حياتها معاه هو زوجها ,, و ثاني شي تقدم لها مرات وايدة يعني حرام ترفضه اكثر و خصوصا هي تبيه ,, فمدام هي بلغت السن القانوني ,, انا اقول خل يتوكلون على الله و يتزوجون و يحطون ابوها جدام الامر الواقع و بعدين مرده غصب عنه بيقتنع . تحيتي

هلا اختي نوفة ,, بالعكس ترى موضوعج حلو . و انا برايي انه دام الشاب يكلمها يعني يبيها !! و لو ماكانت عاجبته ,, جان ماوافق يكلمها (انا لو مكانه يعني جذي) ,, لو ماكانت عاجبته او مرتاح لها باي شكل من الاشكال ,, ما وافق انه يكلمها ,, و اذا حبها و ارتاح لها اكيد بيرتاح لشكلها ,, و ترى صج الشباب يهتمون بالبنت الجميلة ,, بس لما بيتزوجون يهتمون بالجمال و باشياء ثانية بعد مع الجمال ,, يعني اذا بنت جمالها عادي لكن فيها صفات وايد حلوة و اسلوب و تعامل حلو و بعد تهتم بكشختها و جذي,, ممكن الشاب ينعجب فيها و يرتاح لها و يحبها ,, و اذا هي منزعجه لانه يقولها ان في بنات حلوات ,, برايي ماتنزعج وايد لان اذا حبها الشاب صج ,, مابتهمه اي بنية . هذي رايي و الف شكر على الموضوع