أنا ضد التجنيس بشده بعد ( طبعا التجنيس الغير قانوني)
يعني التجنيس لازم يكون بحدود و بضوابط معينه مب كل من هب و دب عطيناه الجنسيه و الجواز البحريني , فيه دول وايد فيها بدون عايشين فيها من زمااااان خمسين و ستين سنه ما عطوهم الجنسيه مثال على هذا الامارات و الكويت و السعوديه و غيرها مب ناس ما صار لهم شي بالبلد بين يوم و ليله صاروا مواطنين حالهم من حال المواطن الاصلي يعني وين حقوق و امتيازات المواطن الاصلي??? علما بأن دول وايد يوم تجنس بشكل قانوني تعطي المجنسين جوازات بدر جات يعني فيه فرق بين المواطن الاصلي و المجنس لا و كل هذا تجنيس اعداد خياليه عبء على الدوله
كل واحد عنده وطنيه و حب للبحرين ما اعتقد بيكون مع هالتجنيس اللي قاعد يرجع البحرين لورا من الميزانيات الضخمه اللي يستنزفها و كلها على حساب المواطن الأصلي و تراجع المستوى الصحي و التعليمي و الخدمات الثانيه و البطاله في اعداد المواطنين الاصليين و المشكله الاسكانيه اللي تعاني منها البحرين و شح الاراضي و قلة الموارد غير الجرائم و العادات الدخيله عن المجتمع البحريني و فوق كل هذا الدول تجنس علماء و عقول بشريه يعني ناس يرفعون اسم البلد البلد محتاجه لهم.
إذا البلد تعاني من كل هالمشاكل ليش نزيد مشاكلنا بدل ما نعدل الوضع المعيشي للمواطنين نزيده بهالتجنيس
اتقوا الله في بلدكم و قولوا كلمة حق و بالنهايه اذا ما أثر هالتجنيس على البلد الحين لها تأثيرات مستقبليه جسيمه على الدوله و على الاجيال اليايه