والله اللي يبي مسلسل ناجح لازم اييب شي يديد فيه
ويتناول عدة قضايا المجتمع مليان مشاكل وبلاوي
وقبل كل هذا لازم يكون عنده قصة قوية يجذب من خلالها الناس
وعلى اساس هالقصة تجري الاحداث اللي تتناول قضايا المجتمع
ومن ضمنها
الخيانه اللي تارسه العالم حتى الزوجه اللي مومقصره مع ريلها
قام يخونها عن طريق النت وغيره
البطاله موعيب تنطرح القضية اكثر من مره اذا كانت بأسلوب جديد
لأن هالمشكلة موجوده ومأثره بشكل كبير على نفسية الخريجين
الجامعيين على وجه التحديد
التجنيس اللي مخلنا وين مانروح ننحرج من هالسؤال(ليش ضباطكم
وشرطتكم هنود)
الواسطه اللي لاعبه لعبتها ومخليه اللي مايسوى يرتقي ويعلى
على حساب طموح الناس الأحق والأجدر
التربية وزيادة الثقة بالأبناء ونتائجها العكسيه وكذلك التشديد في رقابة
الأبناء واظهار اهميه الحل الأمثل وهو مصادقه الأبناء
العمة والجنه وشلون ممكن انهم يكونون على قلب واحد واظهار
ان موشرط تكون العلاقه بين هالطرفين متأزمه يعني شنو المطلوب
من العمه وشنو المطلوب من الجنه
وغيرها من القضايا اللي ماتنتهي احنا نحتاج حق مسلسل يتكلم عن واقع
الحياة البحرينية مانبي مسلسل يزور الحقائق وكل الهدف منه استعراض
للأزياء والاكسسوارات وتكرار تافه سنوياً ولانبي مسلسل مايمر مشهد
الا لازم فيه صياح ونياح واوادم تكسر وتشدخ وافلام هنديه في الحوار
نبي دراما اجتماعيه محليه بحته نبي نحس ان احنا نشاهد مسلسل فعلاً
يعني الحين اشكثر احداث صارت في مجتمعنا البحريني لكن ولامسلسل
تطرق لها كل واحد يتكلم عن عالم خاص فيه ومن ابرزها مشكلة البطاله وقائمة 1912
وعلاوة الغلاء اللي انذلوا الناس لين عطوهم هالجم فلس
اقتدوا بالكاتبه المبدعه فجر السعيد واللي فعلاً مسلسلاتها
لايعلى عليها ماشاءلله على الطرح والتسلسل وقوة القصة
والاحداث يعني موظفه خيالها صح تماشياً مع واقع مجتمعها