السلام عليكم ورحمة الله وبركاته
أولآ :
أحب أشكر الادارة على جهدها وعلى انه صار في منتدى خاص حق الشات الصوتي,
وأحنا من زمان ننطر هالشي.
ثانيآ :
أخوي تامو أشكرك على طرحك للموضوع,
وهذه النقطه اللي انت ذكرتها واايد مهمه ويمكن حاولت اكثر مرة اني اخلي التركيز الاكبر للأدمنيه على هالنقطه بس احتمال انه ساعات الشي يصير بطريقة او بصورة مثلآ مايكون الادمن حاط باله عليها ويوم يطرد ينسى انه يسوي كوبي بيست او في نفس الوقت ينسى انه مثلآ من بدال الكوبي بيست يسوي برينت سكريين ومايدري انه هالشي مو في صالحه لأنه مادام مافي دليل ممكن ان العضو المطرود يشتكي ويكون قوي لدرجة انه يطلب الدليل فـــ إذا الادمن مسوي احتياطه من هالناحيه يكون هو واللي معاه معذورين عن الغلط,
وأحب اقول انه في البدايه يمكن الشي يكون ممل او صعب لكن مع زياده مرات الطرد (بس لاتصدقون ها )
أقصد مع تكرار الكوبي بيست او البرنت سكرين يصير نوعآ ما كـــ تعود وبعدين بتحسون انه شي لابد منه ولازم انكم تسوون هالطريقه..
وثالثآ:
اللي يحس بصعوبه في انه يسوي كوبي بيست او برنت سكرين ويحطه في المنتدى,
يقدر يطرشه على ايميل تامو او ايميلي واحنا بنحطهم في المنتدى..
في النهايه"
أتمنى اني ماكون طولت عليكم,
وأتمنى اني اكون رديت عليكم ووصلت لكم اللي ابي اقوله,
شاكرتلكم كلكم جهودكم وأنا اشهد ان الادمنيه مو مقصرين في الشات,
وأتمنى لكم كلكم الصحه والعافيه والله يقويكم وتقدرون ترفعون الشات الى اعلى مقاماته,
وأتمنى بعد انه دووووووووم كلنا نكون يد وحده وعلى قلب واحد...
كل الشكر والتقدير لكم..
أختكم,,
DaLo3AtSmOoKy