Magdala

واللي اول كورس بي اس شنو موقعه من الاعراب احد يفهمنا!!!! اذا خدينا الاثبات الكورس الياي اللي بعده شنو موقعنا.. اذا الملكية والتأمينات راح تدمج؟

السلام عليكم ورحمة الله مرحبا الساع مبروك اخوي سيادي على الفوز وان شاء الله من هذا الى احسن حبيت اقولك اخوي عندنا المشكلة الرئيسية التسجيل واظن كل طالب قاعد يعاني منها الحين تكنسل التسجيل التقليدي الا اهو تملي الاستمارة وخلاص اعتمد التسجيل الالكتروني وطلبة اول سمستر بي اس ما يقدرون يسجلون!!شلون نروح لهم ويقولون ما يصير الحين كل الطلبة عادي يسجلون الكتروني واللي عنده مشكله يطبع الاستمارة واييناليش بدل هالتعبة ونطبع الاستمارة ونرجع لهم اشلا اهما بطقت اصبع في كمبيوتراتهم يقدورن يسجلو لنا يعني روحه ورده والسالفه بسيطه.. والشغلة الثاني اللي طالعين فيها ان الاسلاميات نروح له الاداب احنا ما صدقنا نكمل المواد المشتركة يطلعون لنا بالانجليزي والاسلاميات نروح لهم الاداب واس تونتي يعني شلي تغير الوضع كل طلبة الاسلاميات حقوقيين اشوله ما ايبون السكشن بالحقوق شنو راح ينقصهم؟؟ والشغله الثالثه الحين راح ينزلون الخطه اليديدة ومن ضمن اللي بيصير فيها راح يصير مادتين الزاميتين باللغة الانجليزية وماديتين اختياريتين وهذا على كلام الدكتور سالم غميض يعني تقليص عدد المواد الاختيارية..على اي اساس يطبق على الدفعات القديمة اللي مضبطة امورها على الخطة القديمه وتبي تتخرج..وهذا غير مشروع التخرج اللي طالعين فيها..بصراحة عرقلة لتخرج الطلب و وتصعيب عليهم وخصوصا اللي ما باقي على تخرجهم الا كورسين يعني الحين بالله يصير لنا اخر كورس بالجامعة مادة مشروع تخرج الا اهو عرضها ومادتين بالانجليزي يعني دمار المعدل!! وبعد في شغله ان وايد من مواد البي اس فيها تعارض بالاوقات والامتحانات!!يعني الطالب شيسوي اذا كان عندة ثلاث او اربع مواد فيها تعارض..شيسجله؟ياريت تشوفون لنا حل مع هالتعارض اللي صاير ياريت اخوي تلاقي لنا حلول لهالمشاكل اللي ما لها اول لا تالي بالقريب العاجل وبالتوفيق

مساء الخير,,, شلونكم شخباركم... الحين الدولي راح يكون عند الدكتورة سهام اليديده السمستر الياي اللي سمعت عنه كلام ما يطمن بالخير.. اللي يدرس عندها يقولون لنا شلون شرحها وشلون درجاتها ومعاملتها.. ابي اخذ الدولي واكمل مواد الدبلوم..واذا اجله ما راح ينزل بالصيف..واذا نزل منو راح يدرسه؟ ولمتىى راح أأجله... لمن ايبون دكتور غير سهام وفي نفس الوقت ما ابي تتراكم لي مواد الانج.. فأحد يخبرنا عن سهام كلش مو خوش شيء الحين بهالوقت الدكتور علوان يطلع من الجامعة واذا كلش كلش غسلت يدي من ان انزل المقرر هالسمستر شنو انزل مادة من البي اس

اوكي لمن نيي راح نلاقي والله لا انتو طابعين نسخ والله كذا نسخه والطلبة ياخذوها ينسخونها؟؟ نبي نعرف متى بالضبط نفتح الجمعية سوا كان باليوتي اج او الام دبليو لان وايد نروح والجمعية مسكره

شلون وفرتها ولمن ررحنالهم سألناهم قالولنا ما عنددهم شيء والجمعية ما توفر هالشيء وناس استلموها ؟! لكن ما اشوف عند احد ملخصات..والله يمكن عندهم وما يحبون الخير لغيرهم..كل شيء ياييز.. اتمنىىى اللي عنده هالملخصات يرفع على الاقل الاربع الجباتر الاولىى لانه من بداية الكورس وليومنا هذه ما لقينا شيء

السلام عليكم ورحمة الله وبركاته.. مرحبا الساع.. شخباركم شمسوين.. ابي منكم مساعدة بالنسبة الى التجاري الاول.. ابي ملخصات تبع المقرر تعبت وانا ادور على ملخصات ما لقيت شيء على الاقل حاليا اللي عنده ملخصات يرفع الاربع جباتر الاولىىى للميدتيرم حتى نطبع و ندرس للامتحان على ما اظن مرة سمعت ان الجمعية عندها ملخصات وسألت بنيه قالت راحت لهم وقالوا لها ماعندهم؟؟!! ساعدوني واللي يرحم والدينكم والسموحة..

مشكورة وربي يعطيج الف عافية.. مشكور اخوي يوسف.. وآآنه اول ما حاولت احل السؤال اطلعت على كتاب الدكتور البحارنه لانه كان بمتناول يدي.. وحطيت رؤوس اقلام من كتابة... الكتاب ممتع وقيم

صباح الخير شخباركم شسمويين.. عندي سؤال ما هي التعديلات التي اجريت على دستور البحرين وهل يومجد لها سند بالميثاق؟ والسموحة اذا ثقلنا عليكم