حلا الكويت

سامحوني يالغلا حاليا قاعد اكتب شوي فيه قلت لكم اني بتأخر لاني بفترة امتحانات فاينل ...قاعد احاول كثر ما اقدر اني اكتب لكم وانزله لكم قريب ...بس سامحوني اذا تأخرت لان الشي مو بيدي وانتو بعد اظن عندكم اختبارات انسو القصه وذاكرو دروسكم ..وخلو ابطال قصتنا يستمتعون بدبي لين نخلص امتحاناتنا شرايكم See u SooN ;**

ثاااااااااااانكس على الردود الحلوه .... امم انا بعد عندي امتحانات ما اتوقع اخلص القصه قبل... لان للحين ما بديت اكتب شي بالاجزاء الاخيره ... ما يمديني اختي سنفوره القصه بعض الاحداث ماخذتها من الواقع بس الاغلبيه من خيالي حبيت بس اقولكم ان في سؤال حاطته لكم مو تبع جزء 24 الصرااحه عيلتوني كنت احاول اكتب لكم بسرعه حسيت تأخرت عليكم ... السؤال اهو مال انفال وفواز هذا لجزء 25 سامحوني على هالغلطه :$ سي يو قريب ان شاء الله

وقف عند باب الغرفه اخذ نفس عميق وبعدها فتح الباب...كانت الغرفه ظلمه ما فيها غير فتحه صغيره داخل منها ضوء الشمس... قرب منها لقى الغرفه فاضيه ..التفت ناحية السرير شاف خصل من شعرها .. حلا كانت نايمه بملابسها الطلعه صاحت صاحت لما نامت بس فاصخه شيلتها قرب منها بكل شوق ولهان عليها على كل شي فيها.... قعد قبالها وتم يتاملها واهي نايمه بصمت...((آآآآآآآآآآآآآه يا حلا ليش تحرميني منج حبيبتي..)) تم يمسح على شعرها بكل هدوء ...نزلت دمعه من عينه ..مسحها وقرب منها باسها على يبهتها وابتعد عنها... حلا حست بحركه بالغرفه بس كانت غرقانه بحلمها حلا :وانا بعد احبك .. طلال تصنم مكانه ...راح لعندها مره ثانيه وقرب منها عشان يسمع شتقول.. حلا بكلام مقطع:ليش جذي...احبك ..كرهتك ..خنتني..ليش..احبك ..طلال..لا تروح...احبك طلال طلال استانس يوم سمع احبك طلال ((وانااا بعد احبج يا عمر طلال..يعني كل الي تسوينه عناد لي يا قلبي ..للحين تحبيني ..ماراح اتخلى عنج يا حلا)) قرب منها ومسك يدها وشد عليهم ...حست بجسم حار يضغط على يدها وانفاس شخص قريب منها ....نبضات قلبها زادت ... افتحت عينها بس ملامح الشخص مو واضحه جدامها.... حلا بخوف:منو.؟!! طلال من غير لا ينطق اخذ ايدنها وباسهم :... حلا عرفته وبصوت كله شوق وعذاب:طلاال طلال تم يبجي من سمع صوتها:عيونه حلا تفتح وتغمض عينها على بالها تحلم:انت طلال.ولا حلم!!؟ طلال يقرب منها ويبوس خدها:طلال حبيبتي طلال حلا تصيح لانها كانت تحلم فيه:ليش سويت فيني جذي ليش بعت حبنا بلحظه طلال:غلطان يالغاليه غلطان سامحيني حلا:بس لسويته فيني مو شويه طلال يفتح الابجور لجنبه عشان يقدر يشوفها :قلبج كبير حبيبتي سامحيني وانسي لصار حلا بعناد:لاااااااا لاااااااا مستحيييل طلال يحط صبعه على حلجها:اوشششششش ارجوج خليني بس قريب منج كفايه اسمع دقات قلبج لتقول عكس كلامج حلا تصيح:وخر طلال ..اترك ايدي طلال يشد عليهم:ارجوج على رحميني شوي حلا سكتت تحس اهي بعد ولهانه لوجوده ولهانه لحنانه...حس طلال انها هدت قرب من اذنها وساسرها طلال:احبج لو بتمين طول عمرج هاجرتني حلا دقات قلبها تزيد.... من زمان طلال ما كان قريب منها بهالشكل :.... طلال يسمع انفاسها السريعه:ليش عيل ترفضين اني اكون يمج حلا تحاول تسيطر على نفسها:طلال اطلع بره ارجوك طلال :خايفه تفقدين السيطره على نفسج؟ حلا تسحب يدها بالقوه:كافي طلال طلال:حلا انا ماراح اطلع اليوم إلا نلاقي حل لموضوعنا حلا:ماله حل غير الطلاق طلال لف ويها له بيده:هالشي يا حياتي تنسينه..انتي لي طول ما انا عايش حلا تشوفه ودموعها تنزل (آآآآآآه شكثر ولهانه لهالعيون..احبك يا طلال مهما سويت هالشي ما انكره يا عمري) طلال يشوف الحب بعيونها:ليش عيل تعاندين؟ حلا غمضت عينها لانها انفضحت :.... طلال يقرب اكثر منها:حلا شوفيني حلا تلتفت الجهه الثانيه:ما ابغى طلال يلف ويهها عليه:شوفيني؟ حلا تناظر عيونه:هممم... طلال بكل صدق:شتشوفين؟ حلا ((آآآآآآآآه يا طلال اخاف اصدقك مره ثانيه):.... طلال:حلا حلا:هممم طلال:حلا انتي طول عمرج تعرفيني اذا كنت صادق او لا من عيوني اللحين شتشوفين؟ حلا تلف الجهه الثانيه:ما اعرف...ولا ابي اعرف طلال يلف ويها غصب:لا لازم تعرفين لازم ...انتي تعرفين شكثر احبج لا تعاندين حلا :وبعدين تبيني اصدقك يعني؟ طلال:لي متى يا حلا هالعناد حلا تقوم من السرير تخاف تسامحه عن كل لسواه فيها بلحظه اخذت الشيله وحطتها على راسها لتعودت من بعد لسواه انها تلبسه جدامه ..طلال وقف معاها وتنرفز من حركتها حلا:واللحين لو سمحت كافي اتوقع قلت كل الكلام لعندك طلال وقف قبالها:بعدي ما خلصت كلامي حلا بغرور:وانا ما عندي كلام زود طلال يناظرها:ممكن اعرف ليش تلبسين شيلتج عني ..اظن اني ريلج حلا:بالاسم بس طلال تنرفز:حلا ما يصير لتسوينه كافي كافي حلا ملت من كلامه لان يضغط عليها: اذا ماراح تطلع من الغرفه انا لبتركها لك وبطلع طلال عصب:بطلع يا حلا بطلع وبخليج براحتج..بس هالوضع ماراح يتم اذا رجعنا الكويت حلا تسوي نفسها ما سمعت كلامه:حياك الله طلع طلال معصب من الغرفه وراح غرفته... تمت تصيح حلا لين نامت وما قعدت إلا ثاني يوم... اما مشعل تصادف مع واحد من ربعه بالفندق وراح معه...والباجي تمو بامارات مول لين الليل رجعو الفندق نامو على طول من التعب ثاني يوم الصبح قعدت حلا امبجر ..خذت لها شاور غيرت ملابسها ونزلت اللوبي وخلت البنات نايمين... طلبت لها قهوه على ما ينزلون عشان يتريقون يميع... ((مادري لي متى يا طلال بتم متجاهلتك ..خوفي يجي اليوم لاضعف فيه وافضح لك عن شوقي وحبي الكبير لك)) كانت سرحانه تفكر بلي صار لها ويا طلال امس ((انا ليش كنت جافه معاه جذي ..مهما صار هذا طلال شلون اشوفه يتعذب ودواه بيدي....)) قطع عليها تفكيره صوت شخص وراها... :صباح الخير ردت بصوت واطي:صباح النور طلال قعد وحمد ر به من داخله انها ردت عليه السلام:شلونج؟ حلا تشرب قهوتها:بخير طلال:انا الحمدالله حلا ابتسمت لانها ما سألته ...طلال ما صدق يوم شافها تبتسم طلال :لشفته صج!!! حلا مو فاهمه شي:شنو!؟ طلال يقرب منها ويأشر على ويها:توج ابتسمتي لي حلا بحيا:على بالي عندك سالفه طلال مسك يدها وباسهم:ما تدرين شكثر ولهان على هالابتسامه حلا سحبت يدها :طلال ارجوك طلال بترجي:خلاص خلاص كافي تسمحين لي اقعد وياج طلال يشوف المنيو:امممممم حلوه قهوتهم حلا لكانت سرحانه فيه:... طلال رفع عينه لها واهي ارتبكت و التفتت للجهه الثانيه..ابتسم لها:حلا حلا:هممم طلال:قهوتهم حلوه حلا تلتفت له واهي منحرجه من نظراته لان كشفها:اييه طلال يمد يده لكوبها ويذوقها:اممم اتوقع ليش عقبج تكون حلوه حلا انحرجت:طلااااال طلال يضحك على شكلها ومن داخله متشقق انه وياها:هاا حلا نزلت راسها بحيا:بس ما في شي طلال:هههههه حلا حلا جيت بتقوم من الاحراج: ... بس مسك يدها:بليييييز قعدي حلا تقعد:... طلال يبي يسولف وياها بأي شي:نصور لي متى بيتم منخش حلا تذكرت بهاللحظه لسواه فيها:جان زين على طول طلال ضاق خلقه:ليش قاعده امبجر؟ حلا:نمت وايد امس طلال بصوت كله عذاب:انا ما نمت شي تلاقت عينها بعينه وشافت ملامح التعب واضحه عليه:ليش ما نمت؟ طلال يقرب منها:شلون تبين تغمض لي عين وانتي بعيده عني حلا بضعف:مو بيدي هالشي..وبعدين انت لازم تراعي صحتك طلال :ما تهمني صحتي...كل ليهمني انتي وبس حلا :طلال لا تضغط علي طلال يترجاها:حلا كل لابيه منج فرصه وحده مو اكثر حلا تحاول تسيطر على مشاعرها:للأسف ما تستاهل يا طلال طلال :ما عليه جربي حلا بخوف:اخاف اكرهك اكثر من جذي ...خلني عايشه على ذكرياتي الحلوه معك وكافي عذاب طلال:حلا انا ما انام ...تفكيري فيج ما يوقف تعبت يا حلا وانا احاول اترجاج حلا:لا تترجى عيش حياتك ويا (تنطق اسمها بصعوبه) شذى طلال يشوف الالم بعيونها:آآآآه يا حلا ما تدرين شكثر ندمان وشكثر ولهان عليج حلا منزله راسها وتسمعه بهدوء:..... طلال يبتسم واهو يتذكر ذيك الايام:تذكرين يا حلا ...تذكرين سفرتنا لفرنسا كنتي تقولين لي مهما صار بينا يا طلال لا تتخلى عني حلا دمعت عينها واهي تذكر ايامها الحلوه معاه:........ طلال يمسك يدها ويرفع راسها له:واللحين انا اقولج سامحيني يا حلا وعمري ماراح اتخلى عنج حلا تناظره وعيونها فضحتها عن شوقها وحبها لكبيره له جيت بتنطق عكس بلي بقلبها:انا.. طلال يحط يده على فمها:اوشششش خلينا جذي ثواني يتأمل عيونها تبادلو احلى كلمات حب صعب عليهم ينطقون فيها ... قطعت عليهم جوهم ... :طلال انت اهني رفعت حلا عينها لها وبسرعه رجعتهم لطلال وسحبت يدها بهدوء ووقفت بكبرياء :عن اذنك طلال ضرب بيده على القنفه:شياييبج انتي اللحين؟ شذى من داخلها استانست انها خربت بينهم ..:ليش تصارخ علي؟ طلال وقف بعصبيه:يوم حسيت انها رضت علي تجين تخربين شذى بفرحة نصر:مالك شغل فيها حبيبي اهي الخسرانه طلال يناظرها باستهزاء:انا الخسران يوم صدقت كلامج خلاها وراح عنها لحق حلا بس اختفت يوم راح لها الغرفه تم يطق الباب افتحت له امامه واهي للحين ما غسلت توها قاعده من النوم... امامه واقفه عند الباب تتثاوب:يالله صباح خير...شفيك معصب جذي؟ طلال:وين حلا امامه استغربت:حلوي مو اهني طلال:ما رجعت الغرفه؟ امامه ترجع تنادي عليها ..ورجعت لطلال:بس انا ونفول طلال:اوكي امامه وقفته:طلال طلال من غير نفس:شتبين؟ امامه :حلا فيها شي طلال:ما فيها شي... تم يدور عليها بالفندق بخوف ((يا ربي وين رحتي يا حلا ...حسبي الله عليج يا شذى من وين طلعتي لنا انتي )) حلا خذت لها تاكسي وراحت لمجمع قريب من الفندق تبي تكون بعيده عن الكل .... ((آآآآآآآآآآآآآآه ما اقدر ما اقدر كل ما اقول انسى لصار وارجع لك ...يطلع لي شي يذكرني بالجرح لسببته لي صعب يا طلال اسامحك صعب )) غرفة الشباب فيصل قعد من النوم قبل مشعل بعد ما دز لامامه مسج انها تتزهب بيمر عليها بالغرفه يتريقون يميع بره الفندق... لبس له شورت بيج وبلوزه بولو كحليه وكاب بيج ورش له عطر ومزاجه عال العال يغني واهو يرتب نفسه قبال المنظره ... ودي اغير كلمة اهواك بكلمه توصف لمن اغليك كلمه تفسر اني وياك عايش وقلبي ميتن فيك مشعل يقعد على صوته:هههههههههههه منو هذي لقلبك ميتن فيه ؟ فيصل يبتسم له من المنظره:من غيرها حبيبة قلبي مشعل:انا بعرف شلون يكون لك مزاج تغني وانت توك قاعد من النوم!! فيصل :بكل سهوله اذا حبيت وحده مثلها لازم يكون مزاجك جذي فيصل يغني واهو يرتب بلوزته:خذ قلبي لموت يهواك وشوف شكثر راعيه يغليك..ودي اغير كلمة اهواك مشعل يقاطعه:بس خلاص لوعت جبدي بصوتك فيصل:ههههههههههههههههه افا مشعل حطمت معنوياتي مشعل:ههههههه روح يا عمي غرد على اموم مو على راسي انا فيصل يربط جوتيه:ههههه اكيد منو غيرها يستاهل اغني له ..اغني له غلا روحي انا قلبي.. مشعل:بس بس شالمزاااج الله يهنيك ما انضلك بس فيصل يلقي نظره اخيره على نفسه:ههههه..انا رايح تبي شي مشعل يناظره:ههههه ليشوفك جنها أول مره بتشوفك فيصل:يا ربي انت شحارك اللحين مشعل يحط راسه على المخده:ليش احتر منكم!!! اطلع بره وسكر الليتات خلني انام فيصل يسكر الليت واهو يدندن:بحبك وحشتيني بحبك وانتي نور عيني مشعل يصرخ:بس خلااااااااااص لوعت جبدي ما امداها وحشتك...اطلع خلني انام فيصل بعد ما طفره:هههههههه الحمدالله انك طفرت...سي يو بباي رد مشعل كمل نومته....وفيصل راح لغرفة البنات تم يطق الباب لم فتحت له انفال فيصل مستغرب:صباح الخير انفال:صباح النور فيصل:وين القمر.؟ انفال :للحين ما طلع بليل تعال فيصل:ههههههههههه تستخفين دمج انفال:انا ولا انت ...قول وين اموم بعد ليش تدلعها غصب فيصل:ههههههههههههه يا ربي ليش محترين؟ انفال بغرور:هذا الي ناقص اغار منكم فيصل:ههههههه انزين ممكن يا عسل تنادينها؟ انفال استانست:ايي خلك جذي خوش اخو..كاهي اللحين تخلص باقي شعرها فيصل متسند عالباب:انزين حلا موجوده انفال:لأ ..ليش؟ فيصل يدزها ويدخل الغرفه:مالت عليج ...وموقفتني ساعه بره يوم دخل لقى امامه واقفه قبال المنظره تستشور شعرها...انتبهت لفيصل من المنظره لفت ويها مخترعه على بالها تتخيله...قرب منها وباسها على راسها.. :صباح الخير عالحلوين امامه:صباح النوير فيصل يقعد بالسرير وراها:ها حياتي ما خلصتي امامه:بس باقي شعري ...انزل اللوبي اللحين جايه فيصل:لا انطرج اهني امامه توهقت ما تعرف تسوي شي واهو وياها:لا فيصل خلك تحت اللحين جايه فيصل يغمز لها:ليش ما تبيني؟ امامه تشوف انفال ومرتبكه....انقذتها انفال وقعدت يم فيصل انفال:فصول انا لابسه جاهزه خل ننزل على ما تخلص اموم امامه:ايي ه فيصل يطالعها ويرد يطالع انفال:ليش!؟ امامه انقهرت:يا ربي فيصل انزل بلحقكم اللحين انفال توقف وتسحبه من يده:يالله فيصل خل البنت تاخذ راحتها فيصل:هههههههه ايي قولي من جذي بالاول امامه استحت:خلاص يالله اللحين انزل ولا تجي مره ثانيه الغرفه فيصل يقرب منه:ليش؟!! امامه ارتبكت:لا خلاص ما في شي فيصل يبتعد:هههههههههههههه انا مادري ليش ترتبكين اذا قربت منج امامه بقلبها (اعلمك يا فصول تفشلني جدام اختك):.... انفال:خلاص يا فيصل احرجت البنت فيصل يغمز لامامه:يا قلبي على لينحرجون امامه تشد على اسنانها:فيييييصل فيصل:عيونه امامه تبتسم له:انزل ويا انفال انا اللحين جايه لكم فيصل:طرده يعني امامه :يا ربييييييي فيصل:ههههههه خلاص بنطلع لا تتأخرين حياتي امامه:أن شاء الله طلعو ...واهي كملت مكياجها وشعرها بسرعه وتعطرت ونزلت لهم.... انفال وفيصل يوم طلعو تصادفو مع فجر ونهى ...ونزلو كلهم يميع ...انفال ونهى وفجر راحو للمطعم وفيصل ينتظر امامه باللوبي أول ما نزلت قرب منها فيصل واهو منبهر... فيصل:آآآآآخ يا قلبي بيصير فيني شي امامه:سم الله على قلبك فيصل:اموم شنو كل هذا!؟ امامه بحيا:بس عاد فيصل فيصل :ما قلت شي انا !!! امامه تغير الموضوع:وين بتريقني؟ فيصل سرحان يتأملها:.... امامه تحرك يدها قباله:فصولي فيصل:هممم امامه انحرجت:بس عاد والله اروح اقعد وياهم فيصل:لا لا لا خلاص وين تبين تروحين؟ امامه:مادري كيفك...على ذوقك فيصل يمسك يدها ويمشون:دام على ذوقي ماراح تندمين بعد مرور ساعتين قعد مشعل على صوت جواله وكان طلال .... مشعل بسابع نومه:هااااا طلال:مشعلوه وينك؟ مشعل:نايم طلال:ما تبي ريوق مشعل:لا امس مكثر عشى طلال:انزين احنا خلصنا ريوق اللحين بيروحون سيتي سنتر مشعل:اوكي انت روح وياهم وانا أن قعدت اجيكم طلال:خلاص انا اخذ البنات وخالتي نهى ونروح ...وفيصل وامامه كلمتهم ماراح يجون ويانا مشعل:اوكي .. طلال:خلاص عيل باي مشعل :طلاااااال طلال:هلا مشعل يتطمن:حلا وياكم؟ طلال مو عارف شيقول له:اوكي مشعل اكلمك بعدين ..باي مشعل استغرب منه ((شفيه هذا !!! ليكون بس مزعل حلا بشي...طلال اعرفه ما يتهرب من سؤال إلا اذا مسوي مصيبه)) اخذ جواله ودق على حلا يتطمن عليها...حلا كانت توها واصله عند باب الفندق بعد ما حست انها ارتاحت شوي حلا:الو مشعل:هلا حلا حلا:هلا مشعل مشعل:وينج فيه؟ حلا توهقت:اممم بالفندق مشعل:اها وياهم يعني؟ حلا:اييه مشعل براحه:اوكي خلاص حلا:خير في شي؟ مشعل بحنان:لا بس حبيت اتطمن عليج حلا نزلت دمعه غصب عنها من تحس بحنانه يذكرها بابوها:ما تقصر يا مشعل مشعل:محتاجه شي؟ حلا: لا مشكور مشعل:العفو ...بتروحين وياهم؟ حلا كانت تمشي وطلعو كلهم بويها وطاحت عينها بعين طلال ويده بيد شذى .. ابتعدت على طول:... مشعل:الووووو حلا حلا:ماني رايحه وياهم مشعل مشعل عدل قعدته:ليش ؟ حلا وصوتها بدى يختفي تدريجي خلاص بتبجي:ما ابي مشعل مشعل حس انها بتبجي:حلا وينج؟ حلا ركبت الاصنصير:بصعد غرفتي ارتاح مشعل:خلاص انا اغير لبسي واجي لج حلا:ماله داعي مشعل مشعل باصرار:حلا كل لابيه منج لا تبجين اللحين ياي لج سكره منها ...واهي دخلت غرفتها تمت تصيح بعدها دخلت الحمام غسلت ويها قبل لا يجي مشعل....سمعت صوت الباب راحت فتحت له استغربت :نفول انفال تقرب منها:حلوي شفيج؟. حلا تبتسم لها:ما فيني شي؟ انفال تناظرها بتمعن:متأكده حلا:اييه انفال:اوكي ماراح تيين ويانا؟ حلا:لا نفول احس اني تعبانه روحو انتو انفال:حسافه حلوي بنروح سيتي سنتر حلا:ما عليه اذا حسيت اني احسن اييلكم انفال:اوكي تبين شي قبل لا امشي؟ حلا:مشكوره حبيبتي انفال تطلع من الغرفه:مع السلامه رجعت حلا بتنسدح لها شوي...الا باب الغرفه ينطق مره ثانيه... راحت فتحت الباب :هلا مشعل مشعل يبتسم لها:هلا فيج...ها جاهزه حلا:مشعل مالي خلق اروح وياكم مشعل:مو إلا نروح وياهم ..نطلع مكان بروحنا حلا تناظره وعيونها تلمع من الدموع:انا... مشعل يقاطعها:حلا انا انطرج باللوبي تحت ماراح اخليج بروحج ما عطاها فرصه ترد عليه...وراح تحت يوم نزلت لهم انفال....شذى كانت تحاتي أن حلا تجي وياها بس اشوه ما جيت ...طلال سأل انفال وقالت له انها تعبانه... بس مضطر يروح وياهم... خلص اليوم على خير ..حلا ارتاحت شوي يوم طلعت ويا مشعل واهو خفف عليها بكلامه... امامه وفيصل يوم قرب موعد العشا اتصلو على طلال وراحو لهم المجمع... اما حلا رفضت تروح لهم وتمت ويا مشعل الكل رجع بليل تعبان دخلو البنات غرفتهم لقو حلا نايمه ما حبو يزعجونها ....واهم غسلو وغيرو ملابسهم ونامو على طول من التعب.... طلال يوم وصل الغرفه كان معصب حده يوم عرف أن حلا كانت ويا مشعل لو وده يروح يذبحه ((اللحين تطلع وياه وانا لااااااااااااا ...ليش يا حلا ليش؟!!!)) قربت منه شذى واهي مستانسه من لتشوفه:طلال حبيبي ما تبي تنام طلال بضيق:لا انتي نامي شذى تقعد يمه عالقنفه:اذا منت نايم اسهر وياك طلال يقوم زهقان منها:ابي اقعد بروحي شوي طلع من الغرفه وراح لمشعل واهو معصب حده.... تم يطق الباب بقوه فتح له فيصل واهو مخترع ... :طلوووووووول !!! شفيك؟ طلال يدز الباب ويدخل الغرفه:وين مشعلووه فيصل مستغرب من عصبيته اهو من اليوم ما كان على طبيعته:طلال شفيك؟ طلال :فيصل وين مشعل؟ فيصل:مو اهني طلال:وينه؟ فيصل:اظن رايح ويا رفيجه طلال تنرفز:انا اعلمه فيصل يوقفه:طلال تعوذ من الشيطان طلال:اعوذ بالله منه فيصل:اللحين ممكن اعرف شفيك؟ طلال رفع عينه له وتم ساكت:.... فيصل افهمه:يا طلال لتفكر فيه غلط مهما صار هذا مشعل شلون تفكر فيه جذي طلال يقعد بتعب:ادري يا فيصل بس اهي مو راضيه تحس فيني تعبت تعبت قمت اغار من أي احد اذا شفتها تكلمه او تبتسم له وانا لأ فيصل يبتسم له:ادري يا طلال ..بس لا تلومها طلال يوقف بملل:ذبحتوني على هالكلمه كل شوي لا تلومها لا تلومها لي متى بتم تعاقبني فيصل:طلال انت من داخلك مقتنع لسويته غلط بحقها؟ طلال بندم:بشكل كبير فيصل:احمد ربك انها رجعت لك وحاول تكسبها... بعصبيتك هذي بتخليها تعاند زود طلال يناظره وساكت:.... فيصل :واللحين روح لغرفتك ارتاح باجر اخير يوم لنا اهني لا تخليه يضيع من غير لا تراضي حلا طلال:عيزت يا فيصل ماكو فايده كل ما اقول خلاص رضت تطلع لي شذى تخرب كل شي فيصل:ههههههههههههههههههههههههههههههههههه طلال:تضحك يا فصول ها!؟ فيصل:هههههه غصب عني والله ههههه هذا قلعت لياخذ اثنين طلال ياشر على قلبهالقلب وما يسوي فيصل يبتسم له:انا قلبي حب وحده وصعب يحب غيرها طلال:طبعا هذي اختي غير عن كل البشر فيصل يذكرها:آآآآآآه صج غير عن كل البشر طلال:هههههههههههههههههه فيصل عدل نفسه:ليش تضحك ها؟! طلال:ههههه ما شفت شكلك شلون سحت علي فيصل:ههههههه لا تلومني يبنا طاري الغاليه طلال :تصدق فصول فيصل:خير طلال يبتسم له :مادري ليش اذا شفتك وكنت معصب يختفي كل شي فجأه فيصل بغرور:ههههههه بسيطه لانك كلمتني طلال يضربه على راسه:هههههه شالغرور انت فيصل:بنفسك اعترفت طلال يوقف:اروح انام احسن لي فيصل:ايي والله ...وراي شغل اخرتني طلال يلتفت عليه:شنو هالشغل ؟ فيصل يغمز له:في اهم منه ..اكلم حبيبة قلبي قبل لا تنام طلال :هههههههه شوف الساعه جم نامت من زمان فيصل بقهر:كله منك خربت علي طلال يطلع من الغرفه:هههههه بشوف شلون بتنام اللحين اخذ جواله وتم يدق على امامه بس ما ردت عليه ليش حاطته سايلنت (( الظاهر البنت من صجها نامت حسبي الله عليك يا طلول خربت علي ....)) رجع طلال غرفته وحس شكثر كان غبي لم فكر يتهاوش ويا مشعل على موضوع تافه ((الحمدالله أن مشعل ما كان موجود ...آآآآآخ يا حلا ما قمت اقدر اتحكم بتصرفاتي )) اليوم الثالث طيارتهم 7 المغرب اتفقو يروحون البرجمان دام انه قريب منهم ومن المطار .... كل واحد طلب له ريوق على غرفته ...وزهبو جناطهم عشان يطلعون مرتاحين.... راحو البرجمان على وقت غدا....وقعدو بالمطاعم فوق... فيصل:حبيبتي شنو تبين تاكليني؟ امامه توقف:اممم مادري اجي وياك فجر:يمه انا باكل بسرعه وبروح اتسوق نهى :ما شبعتي من السوق فجر:يمه شفيج اليوم اخير يوم نهى:انا سكرت كل الجناط ما في مجال ترا لاي شي يديد فجر بابتسامه:ادري يمه حاسبه حسابي لا تخافين مشعل:ههههههه شاطره بهالشي فجر:افا عليك لا توصي حريص انفال:ما تتخيل مشعل شكثر تحب شي اسمه سوق ...عادي 6 ساعات متواصله مشعل:هههههه ما شاء الله حلا:ترا انا مثلج فجور فجر:وناااااااسه حلا تاشر على بطنها:ايي بس اللحين شوفي هذا مخرب علي ما اقدر اتسوق ساعه إلا تعبت نهى:ما عليه تبلغين أن شاء الله حلا تبتسم لها:أن شاء الله طلال وشذى كانو رايحين محل المجوهرات شذى طلبت منه اهو بالاول رفض بس اهي اصرت وما حب يكسر بخاطرها ...حلا حز بخاطرها بس حاولت تتغلب على عمرها وتتجاهلهم... يوم رجعو كانت شذى متعمده ماسكه يدها بيد طلال و مايله براسها شوي ناحيته ..حلا تحس بنار بقلبها اشتعلت يوم قربو منهم ....تجهالت هالشي ومشعل لحس فيها وكلمها عشان تلتفت عليه مشعل:حلا حلا تلتفت عليه وعيونها غرقانه بالدموع:هلا مشعل قرب منها بصوت واطي:شقلنا امس صيري اقوى حلا تحاول تمسك عمرها:اوكي مشعل يبتسم لها:وين تبين تاكلين حلا:مو مشتهيه مشعل يزفها بخفيف:وبعدين !!! حلا كأنها ياهل:لا تزفني مشعل:هههههههههههههههه طلال بشوفهم ونار الغيره تشتعل بقلبه...ما يدري ليش حس أن حلا تنتقم منه بهالطريقه ...التفت على شذى بابتسامه ولا احلى طلال:شذويه شذى انصدمت على بالها تتخيل :هلا طلال يمسك يدها:شنو تبين تاكلين حبيبتي؟ شذى بتموت من الوناسه واهي تشوف معالم ويه حلا ..مسكت يده بيدها الثنتين:اممم لتبيه حياتي طلال يوقفها وياه:احد يبي شي بطريجي؟ مشعل لتنرفز من حركة طلال:لا ما نبي طلال عطاه نظره والتفت على حلا لكانت منزله راسها ودمعتها بطرف عينها ..طلال تحسف يوم شاف شكلها بس قوى نفسه وراح ويا شذى.. حلا توقف:عن اذنكم انفال لحقتها على طول ... فجر:يمه شتبين اييب لج نهى :أي شي من مطعم صيني فجر:مشعل تبي شي؟ مشعل وعينه تابع حلا:لا مشكوره رجع طلال وشذى ...انصدم يوم ما لقى حلا عينه جيت بعين مشعل :وين حلا!! مشعل بادله نفس النظره لطلال ناظره فيها مساع وقام عنه من غير ولا كلمه...طلال انقهر زود ... شذى بدلع:سم حبيبي طلال من غير نفس يمد يده عالاكل ..نهى تطالعه وبقلبها الله يعينك يا طلال... رجعت حلا ويا انفال واهي تضحك ...تلقائيا ابتسم لها طلال وارتاح انها ما تضايقت ...حلا ما ناظرته ولا عبرت وجوده اهو وشذى ...وتمت تاكل وتسولف شوي ياي مشعل ومعه برد بيده مشعل:وهذا طلبج يا ام ناصر حلا:ثااانكس مشعل:حياج ولو طلال انقهر يحس مشعل صار اقرب لها منه ... بعدها تغدو وحلا كانت ويا انفال وامامه وفجر ...ونهى كالعاده ويا شذى ..والشباب يسولفون بروحهم.... بعدها امامه وفجر وانفال وحلا راحو يتسوقون وما قالو لشذى تعالي ...هالشي يقهرها يحسسها انها منبوذه من الكل لو مو نهى تقعد وياها جان الله يعلم بحالها... الشباب راحو يتمشون بعدها قعدو بكافيه ...مشعل وطلال طول مهم يتمشون ما كلمو بعض فيصل كان يتكلم ويربط الكلام بينهم... بالكافيه فيصل تكلم بعد صمت 5 دقايق :ممكن اعرف شلي بينكم؟ طلال يناظر مشعل ويلتفت الجهه الثانيه:ما بينا شي فيصل يلتفت لمشعل:وبعدين يعني؟ مشعل يناظر طلال ويرد لفيصل:كلم هذا مو تكلمني طلال عصب:انا ولا انت.؟ مشعل:انت طلال:مشعل انت عارف لقاعد تسويه مشعل ببرود يحرق اعصابه زود:لا مو عارف علمني؟! طلال:جم مره قلت لك مالك شغل بحلا مشعل تنرفز:طلال ثمن كلامك فيصل يهديهم: يا شباب شفيكم .ّذكرو الله مشعل وطلال:استغفر الله هدو شوي بعدها... شوي شوي ردو يسولفون يميع ولا كأن صار شي بينهم... على الساعه 6 تيمعو كلهم ورجعو الفندق خذو اغراضهم وراحو المطار.... بالكويت غنيمه اليوم الصبح رجعت من السفر ...اول ما وصل الخبر لاحمد راح لها ومعاه بوكيه ورد ومن كل قلبه يدعي انها تفهمه غنيمه :نعم احمد بكل شوق:شلونج حبيبتي؟ غنيمه تقعد:لو سمحت لا تقول لي حبيبتي..دام انك مو قد هالكلمه احمد ياخذ نفس:غنيمه ممكن نتفاهم غنيمه:ما ينفع احمد:غنيمه انتي اصلا ما عطتيني فرصه افهمج الموضوع وانا خليتج على راحتج طول الفتره لطافت غنيمه بسخريه:لا تتوقع اني غيرت رايي احمد يتجاهل كلامها :اللحين ممكن تخليني افهمج ؟ غنيمه تلتفت عليه:قلت لك يا احمد ماله داعي تشرح لي كافي انك خنتني احمد:من يقول اني خنتج؟ غنيمه عيونها تغورق من الدموع:تتزوج علي ولا تقولي وعندك ولد هذا شيسمونه؟ احمد يبتسم لها:غنيمه انا مو متزوج عليج غنيمه تنرفزت (انا معصبه وهذا يبتسم):احمد لا تحاول تدور لك جذبه تبرر موقفك احمد :غنيمه اهدي شوي وخل افهمج غنيمه ناظرته بنظره يعني قول ما يهمني والتفتت عنه:... احمد قعد يمها ومسك يدها وباسهم:وربي لخلقني اني مو متزوج عليج حبيبتي غنيمه تفاجئت من حركته ييت بتسحب يدها شد عليهم:احمد ارجوك اترك ايدي احمد :ما اتركهم الا اذا خلصت كلامي غنيمه دموعها نزلت بحراره على خدها:ليش جذي يا احمد انا احبك ليش سويت فيني جذي احمد يمسح دموعها بيده الثانيه:حبيبتي انتي فاهمه الموضوع غلط خليني اقولج بعدين عاتبيني غنيمه :ما ابي اسمع شي احمد ومازال شاد على يدها:لشفتيه هذا فهد ولدي غنيمه بصدمه من جرأته:وتعترف يا احمد بكل سهوله جيت بتقوم بس اهو سحبها لعندها وقيدها:قلت لج سمعيني للآخر غنيمه تصيح:ما ابي اسمع شي كافي خلاص مو هذا الولد لسنين تبغيه كاهو يالك اللحين انا الغلطانه وانت لا احمد :من قال جذي غنيمه تنرفزت:احمد برودك هذا ينرفزني احمد:انتي تدرين اني كنت متزوج قبلج ومطلق غنيمه :هالسالفه اظن قديمه وانت مطلقها قبل لا تاخذني من سنه احمد براحه:هذا الي صار غنيمه :والولد شكو بالموضوع ..(شهقت !!!) ولدك من شيخه احمد بحزن:للأسف اييه غنيمه مو مستوعبه :شلون شلون!!! احمد ترك يدها وقف عشان يقدر يتكلم براحته: فهد ولدي من شيخه .....يوم طلقتها بعد شهرين من زواجنا انا وياج انصدم أن عندي منها ولد غنيمه :بس شلون انت يوم طلقتها ما كانت حامل احمد:للأسف كانت حامل بالشهر الثالث بس ما قالت لي كانت تبي تحرمني منه لكن يوم ولدته انصدمت أنه مصاب بمرض داوني .. غنيمه:لاااااا احمد نزلت دمعه من عينه:راجعت الطبيب وسويت فحوصات وتاكدت انه ولدي غنيمه:ليش ما قلت لي؟ احمد :خفت اخسرج غنيمه كنا تونا بداية زواجنا ..ويوم فاتحتني بموضوع تاجيل الحمل وافقت لان فهد كان عندي شيخه تخلت عنه تبرت منه ...انا لربيته غنيمه:شلون محد كان يدري؟ احمد:انا وامي وقلت لها ما تقولج ..حطيت له رعايه خاصه كان صغير ما يفهم بس يوم كبر اضطريت ازوره يوميا غنميه تقاطعه:وكنت تتحجج لي بالديوانيات والشاليهات احمد بندم:كنت احس بحيره مو عارف اقولج ولا لأ ..خفت اقولج تطلبين الطلاق غنيمه مستغربه:ليش فكرت جذي؟ احمد بحزن:لان السبب مني غنيمه مو فاهمه شي:أي سبب؟ احمد:لفيه فهد غنيمه تحط يدها على حلجها :قصدك انت... احمد يقاطعها:يوم سويت الفحوصات توقعت أن السبب لأن اهل لكن السبب اهو جيناتي اهي لتحمل هالمرض واحتمال كل عيالي يورثونه ... غنيمه بصدمه:............. احمد كمل:يوم عرفت حسيت اني خسرت كل شي...شيخه رمت علي فهد وتبرت منه وتزوجت ...وخفت اقولج وتطلبين مني الطلاق ما اقدر اعيش من دونج اعترف اني كنت اناني بس طلبج لتأجيل الحمل خلاني ارتاح نسبيا غنيمه :ليش تتوقع اني بتخلى عنك بهالسهوله احمد بندم:فكرت مليون مره كل ما اقرر اصارحج اتراجع...بس يوم تخرجتي ما كان عندي أي حل ثاني فصار الرفض من صوبي غنيمه تبجي:عشان جذي اخير ايامنا معاملتك لي كانت مو زينه احمد:لاني كنت احس اني قاعد اخونج ما اقدر اصارحج اخاف تطلبين الطلاق وتتخلين عني..وما اقدر اظل ساكت لان فهد كبر ومحتاج لي غنيمه ساكته تراجع الكلام الي سمعته:.... رجع احمد جلس يمها ومسك يدها ثنتين:سامحيني حبيبتي كنت خايف اخسرج غنيمه ترفع عينها له:و لصار اللحين احمد:ارجوج غنيمه طلبي أي شي إلا الطلاق غنيمه:احمد انت خشيت عني موضوع كبير يخصنا احنا الاثنين ..اكثر من 4 سنين يا احمد احمد:ادري اني غلطان بس لا تلوميني احبج واخاف اخسرج غنيمه نزلت راسها وساكته مو عارفه تسامحه ولا لأ اهي بالاول كانت تظن متزوج عليها بس اللحين هالشي هون عليها ...بس شلون يخبي عنها طول هالفتره احمد يقطع تفكيرها:حبيبتي انا بعطيج مده تفكرين بس الطلاق انسيه غنيمه :اح.. احمد يقاطعها يحط صبعه على فمها:ما ابي اسمع أي شي اللحين..اخذي راحتج بالتفكير بس قبل لا امشي حبيت اقولج اني احبج يا غنيمه من قبل لا اتزوج شيخه وانتي تدرين بهالشي ... وانا تعبت وايد ويا فهد خاصة اللحين يوم كبر احسه محتاج لي وبنفس الوقت محتاج لام تكون جنونه عليه وماراح القى احن منج عليه حبيبتي ...انا ما اجبرج ما ابي امنعج من امومتج بس ارجوج خلي الطلاق اخير شي تفكرين فيه غنيمه ساكته وتسمع كلامه:......... احمد وقف:اخليج اللحين حبيبتي فكري عدل باس راسها وطلع من البيت ...قعدت على القنفه واهي منصدمه من الي سمعته ((آآآآآآآآه يا احمد كل هذا تحملته بروحك ...شسوي يا ربي اسامحه ولا لأ !!!!)) غنيمه بتسامحه ولا لأ.؟!!! حلا وطلال بتكون نهاية علاقتهم الطلاق؟!! انفال ردة فعلها بعد ما شافت فواز؟!! شذى لها خطط عشان تفرق ما بين طلال وحلا من يديد؟! اتوقع البارتين الي نولته لكم وايد طوال يوفون المده الي غبت فيها :$ اتمنى اعجابكم ...قربنا من نهاية القصه اتوقع البارتين الي نزلته لكم وايد طوال يوفون المده الي غبت فيها :$ اتمنى اعجابكم ...قربنا من نهاية القصه اتوقع البارتين الي نزلتهم لكم وايد طوال يوفون المده الي غبت فيها :$ اتمنى اعجابكم ...قربنا من نهاية القصه اتوقع البارتين الي نزلتهم لكم وايد طوال يوفون المده الي غبت فيها :$ اتمنى اعجبوكم ...قربنا من نهاية القصه ههههههههههههههه علق معاي السايت :-)

وهذا الجزء الثاني ان شاء الله يعجبكم الجزء 23 بيت فيصل نهى وفجر بالصاله يسولفون... فجر:يالله يمه نبي نسافر ملييت نهى:أن شاء الله اختج اليوم توصل بالسلامه ونفاتحها بموضوع السفر فجر بملل:ايي وبعدها تقولون بترجع لشغلها وما عندها اجازه نهى:خلاص يا فجر بلا حنه زايده بنسافر أن شاء الله كلنا يميع مثل ما قالج فيصل فجر طنقرت:بنشووف بديوانية بيت بو جاسم طلال:امممم انا ما اقدر اسافر وياكم فيصل انصدم:ليش!! طلال:باجر مسافر بريطانيا أن شاء الله فيصل استغرب:ليش؟.! طلال:بروح اجيب حلا فيصل كان عارف انها عند مشعل بعد ما قالت له امامه:منو بيروح وياك؟ طلال:انا بروحي فيصل يرجع شعره لوره:اممم تبي عيل نأجلها بعد ما ترجع ويا حلا ونروح كلنا؟. طلال ابتسم له برضى:خوش فكره فيصل:خلاص ناد لي اختك خل نمشي تأخرنا على نفول طلال يغمز له :انفال باقي على طيارتها 3 ساعات فيصل:احم احم بعد بطلع مع مرتي قبل فيها شي طلال:ههههههه لا ما فيها شي بس مره ثانيه لا تقعد تألف فوق راسي لاني فاهم لك فيصل انحرج:أن شاء الله عمي طلال:ههههه لا تطنز ولا ماراح اناديها لك فيصل:يلعن ابو المذله روح ناد اختك طلال يقوم:ههههههههه بريطانيا حور تدخل الشقه :خلووووووودي خالد بالمطبخ اليوم الدور عليه بالطبخ:اهني حياتي حور تروح له:السلام عليكم خالد يبوسها على خدها:وعليكم السلام على الحلوين حور تشوف الجدر:شطابخ لنا اليوم؟. خالد يغمز لها:عيش مشخول حور:ايي خالد:وصينية لحم حور:امممم احس من الريحه الاكل حده لذيذ خالد :يلا روحي غيري لبسج كلها دقايق ويجهز الاكل حور:ما تبي مساعده حبيبي؟ خالد:لا يا قلبي كل شي جاهز حور:اوكي دقايق اغير لبسي وارد خالد يغني واهو يطبخ:انا ناطر حبيبي..ترجع لي يا حبيبي شقة مشعل حلا ومشعل ما يدرون عن لصار بالكويت.... قاعدين يتغدون وكل واحد يفكر بهمه... حلا بعد صمت:اقول مشعل مشعل ياكل اللقمه لبيده:هممم حلا:كلمت اموم عن العرس مشعل:ايي للحين على امل انج تحضرينه حلا :يا ربي هالبنت عليها عناد عيزت وانا اقنعها مشعل:من حقها يا حلا حلا تغير الموضوع:امس وصلت حاله للمستشفى عورت قلبي مشعل:شلون؟ حلا:واحد خليجي قاعد يعبر الطريج ويا رفيجه وما سمع رفيجه واهو يوقفه لان باص جاي من بعيد وسايق الباص كان سكران وما انتبه له وطيره مشعل:اففففف واصار فيه حلا بضيق:ماكو بعد شبيكون مصيره يا مشعل ارتجاج بالمخ وغير الكسور والبلاوي ما تم ساعتين وتوفى مشعل:لا حول ولا قوة إلا بالله الله يرحمه حلا:كسر خاطري رفيجه منهار..مات جدام عينه مشعل:الله يعينه...صعب اذا فقدت انسان غالي عليك حلا تذكرت ابوها ودمعت عينها:الله يرحمه مشعل فهمها :الله يرحمه...حلا حلا تمسح دمعتها:هلا مشعل بحنان:ما سألتج شلون نصوري اليوم؟ حلا تبتسم له:يسلم عليك مشعل:هههههههههه الله يسلمه بيت فيصل بعد ما خذو انفال من المطار رجعو البيت ...كانت نهى وفجر باستقبالهم... نهى تحضنها بوله:حمدالله على سلامتج يالغاليه انفال دمعت عينها:الله يسلمج يمه فجر:نفوووووووول ولهت عليج انفال تحضنها:وانا اكثر حياتي فيصل:بنتم واقفين خل ندخل قعدو كلهم بالصاله وبعدها جت نوال تسلم على انفال... فجر:ها نفوووول شلون لندن؟ انفال:اممم حلوه فجر:عشتو حلوه يعني مو عاجبتج انفال:لا يعني مو ذاك الزود فجر تنرفزت:يحصل لج ....انتي متعوده على حر الكويت انفال:يا حلاة الكويت و جوها حتى اذا كان حر غير نهى:وانتي الصاجه يا انفال مافي على الكويت نوال:شلون مشعل يا انفال؟ انفال:الحمدالله خالتي وصاني اسلم عليكم كلكم الكل:الله يسلمه بجهه ثانيه فيصل وامامه يتناقشون بموضوع ثاني ..قاعدين بقنفه لشخصين جنب بعض فيصل:طلال بيروح لها عقب باجر امامه بخوف:الله يستر يا فيصل ابوي مو ناوي خير فيصل:يعني شبيسوي اذا رفضت؟ امامه:ابوي يسوي أي شي عشان ينفذ لبراسه فيصل يطمنها: لا تحاتين حياتي هذي بنت اخوه مهما صار ماراح يسوي شي يزعلها امامه ضحكت باستهزاء:ههههه للحين ما عرفت ابوي عدل يا فيصل بالجهه الثانيه نوال :إلا اقول انفال انفال كانت تسولف ويا فجر التفتت عليها:هلا خالتي نوال تتشره :ليه ما قلتي لنا أن حلا في بريطانيا امامه وفيصل التفتو عليهم ....نهى وفجر انصدمو!!!! نهى:شنو!! انفال نزلت راسها:سامحيني خالتي بس هذي كانت رغبة حلا نهى:ليش ما قلتي لنا فيصل يتدخل:الله يهديكم اهي شعليها حلا لطلبت منها جذي امامه:الموضوع صار وانتهى ماله داعي تأنبون انفال اللحين نوال للحين معصبه عليها ليش ما قالت لها:انتي تسكتين احسن لج امامه انحرجت جدامهم ووقفت:عن اذنكم راحت بره للحديقه تنرفزت من اسلوب كلام امها لها.... فيصل يوقف :عن اذنكم انفال تلتفت على فجر انهم يصعدون غرفتهم...وبقى نهى ونوال بالصاله بروحهم نهى تأنبها:ما كان لازم تكلمينها جذي الله يهديج يا نوال نوال حست انها غلطت:شسوي يا نهى كانت تعرف وما خبرتني وانا قلبي كان يتقطع على حلا نهى:الحمدالله انها كانت عند مشعل يعني بآمان نوال تبتسم لها:هالشي لريحني أول ما عرفت بالحديقه قاعده على طرف الدري ودموعها تنزل ببطئ ...حست بيد حنونه على جتفها رفعت راسها له كان فيصل ....مسحت دموعها وابتسمت له ...مسك يدها بحنان وجلس يمها... فيصل :ما عليه حياتي هذي امج امامه تميل راسها على جتفه: عادي تعودت عليهم فيصل يبوس راسها:شرايج نتعشى بره ويا نفوله وفجوره امامه ترفع راسها له:خوش فكره خل اروح اقول للبنات فيصل يوقفها:كل يوم احمد ربي أن حطج بدربي وصرتي من نصيبي مادري شكنت بسوي لو كنتي رافضتني امامه تروح له:اموت ولا ارفضك فيصل يغمز لها:يعني تحبيني؟ امامه:فيصل في احد قالك من قبل أن فيك درجة غباء عجيبه؟ فيصل باستهبال:هههه صج محد قالي امامه تروح عنه:انادي خواتك احسن لي أول ما دخلت لازم تمر على الصاله قبل بعدها يجي الدري للدور الثاني....وقفتها نوال :امامه امامه توقف وتاخذ لها نفس:نعم نوال:وين رايحه؟ امامه:بنادي البنات فيصل بيعشينا بره نهى بغشمره:يعني ما تبونا نيي وياكم امامه:افا خالتي شالكلام اذا تبون تجون حياكم الله نهى:ههههه لا حبيبتي اخذو راحتكم روحو غيرو جو امامه:تسلمين خالتي راحت للبنات الغرفه دخلت عليهم فجأه.... امامه:بوووووووووووووووووووووووووووووووووه انفال وفجر انقزو من عالسرير:يمه امامه تروح تقعد وياهم:ههههههههههههههههه انفال:انتي ما تعرفين الذرابه امامه:هههههه لا والله ما حصل لي الشرف انفال تضربها:ههههه بايخه فجر:اموم شوفي نفول الخايسه تقول تستحي تسافر ويانا امامه:مو بكيفها اصلا غصب عنها انفال بجد:لا صج اموم استحي فشله امامه انقهرت:شنو الفشله اللحين....كلنا بنكون موجودين وان شاء الله حلوي ويانا فجر:وااااااااااو بيصير وناسه أن شاء الله امامه:انزين خلونا من هالموضوع ...فصولي يقول لكم نروح نتعشى كلنا يميع بره فجر تنقز من الوناسه:يس يس يسلم لي اخوي الغالي امامه بغيره:هي انتي لا تقولين جذي جدامي انفال:هههههههههههههههه طالع هذي تغار من اخته دخل فيصل بهاللحظه... وراح قعد يم امامه فيصل:فديت ليغارون علي امامه استحت من خواته وبصوت واطي:بس حبيبي مو جدامهم فجر:هههههههههههههههه امامه تضربها بالمخده:بس انتي سكتي لا تضحكين فجر:ههههه انزين ههههههههه انفال:وين بتعشينا ؟ فيصل:لتبونه فجر:انا مشتهيه اكل ايطالي انفال:واااااااي انا مليت من جذي ودوني مغل محل امامه:واااااو تدرين انه مطعمي المفضل انفال تغمز لها:افا عليج فجر عصبت:لا والله تتفقون علي..فيصل مالك شغل فيهم نبي ايطالي فيصل:للأسف لازم نسوي تصويت والاكثر اهو الرابح ...منو يبي مغل محل؟!! انفال وامامه رفعو يدهم:اناااا فيصل:منو يبي ايطالي؟!! فجر رفعت ايدها :اناااااااااا امامه:احنا اكثر ربحنا فجر:فيصل ما يصير ..انت تبي أي مطعم؟!! فيصل :اممممممم فجر تشوفه بنظرات تكسر خاطره... فيصل:ههههههه سوري فجوره بس لازم اكون بصف حبيبتي امامه ترفع يدها بنصر:يعيش فيصل انفال وفيصل:ههههههههههههههههههه فجر انقهرت:قطيعه تقطعكم ....خلاص بس بعد ما نخلص توديني باسكن روبنز فيصل:افا عليج من عيوني جم فجوره عندي انا فجر بدلع:ايي كلام بس؟... اموم خربتك علي امامه تشهق:اناااااااا !!! فيصل يقرب امامه له بيده:هذي ما تفرقني عنكم..دوم توصيني عليكم الله يخليها لي حياتي من غيرها ما تسوى امامه:انا الي حياتي من غيرك ولا شي انفال:بس تكفون لا تبدون لانكم ماراح تخلصون فيصل وامامه:هههههههههههههههههههه بيت جاسم بعد يومين...قعد طلال من النوم واهو حاس انه اسعد انسان بالدنيا بيروح لحلا (( واخييرااااااا يا حلا واخير يا قلبي بشوفج ..آآآآآآآه يا حلا يا ترا نفس ما انتي ولا لصار غيرج علي ؟!!)) قطعت عليه تفكيره شذى واهي متنرفزه حدها أن حلا بترجع للبيت بعد ما حست أنها كسبت طلال بدا ينسى حلا ويتأقلم وياها... شذى:طلال طلال بابتسامه:هلا شذى انقهرت واهي تشوفه شلون مستانس:لهالدرجه مستانس؟ طلال بعفويه:شلون ما استانس وانا بشوف حلا شذى انقهرت:طلال لو سمحت احترم وجودي طلال بعدم مبالاة:انتي لسألتيني شذى:افففف...انزين جم يوم بتقعد؟ طلال يعدل غترته:لما ترجع معي حلا على حسب الظروف شذى بأمل:واذا رفضت؟! طلال يبتسم لها:بترجع غصب عنها بعد ما لقيتها ماراح اخليها شذى انقهرت من كلامه وخذت مفتاح سيارتها وراحت لبيت امها ...واهو طلع للمطار بعد ما نزل وسلم على امه وابوه وامامه والكل وصاه على حلا .... فيصل كان معه بالطريج يوصله للمطار... بسيارة فيصل طلال:والله يا فيصل ما كان له معنى تكلف على عمرك فيصل يبتسم له:افا يالنسيب شالكلام ما فيها كلافه طلال:تسلم ما قصرت فيصل:طلال طلال:هلا فيصل:ما عليه يا خوك انا اعتبر نفسي واحد منكم وفيكم واخوك الصغير طلال:ههههه الصغير عاد شايفني شكبري انا ...افا عليك يا فيصل انت تمون وانت واحد منا وفينا آمرني فيصل:احكم الامور بعقلانيه وكثر ما تقدر تمالك اعصابك لا تتوقع بسهوله بترجع لك طلال سكت ثواني يفكر بكلامه(آآآآآه يا فيصل شلون يكون كلامك اذا عرفت الحقيقه ليش اهي رافضه ترد لي ماراح تلومها)) فيصل:طلال وياي؟! طلال يلتفت عليه:أن شاء الله فيصل يشد على يده:الله يوفقك يا رب بيت بو شذى ام شذى:وبعدين شبتسوين؟ شذى بقهر:مادري يمه مادري مصيبه اذا رجعت معاه اكيد بيطلقني ام شذى:ويه وييييه لا أن شاء الله لا تقولين جذي...انتي لازم تشدين حيلج وتربطينه بياهل شذى:مادري يا يمه مادري ام شذى بمكر:لا تحاتين شي ..باجر أن شاء الله نروح طبيبة امراض نساء ونتأكد شقة احمد من بعد اخير مره شافها يوم رفضت ترجع له وخبرته انها بتسافر لمكه شهر كامل ... واهو قليل ما يطلع من البيت إلا للشغل وشغلات الضروريه.... قاعد بالصاله وباله مع غنيمه ...وفهد يشوف بباي ويلعب بسيارة ريموت.... فهد يلتفت لاحمد:بابا بابا احمد كان سرحان مو معه:.... فهد بدا يصيح:بابا بابا احمد:هلا حبيبي فهد:بابا شوف هذا ما يشتغل احمد ينزل لمستواه:يمكن خلصت البطاريه حبيبي فهد يصيح:ابي العب بابا احمد:خلاص حبيبي لا تبجي اللحين اروح اشتري لك بطاريه وتصير اقوى سياره فهد يضحك بفرح:ونااااااااااااسه يصير عندي سياره سريعه احمد يحضنه:يا قلبي انت ...بابا يحبك وااااااايد فهد يشد على ابوه :انا بعد بابا واااااااااااايد احبك بريطانيا وصل طلال بريطانيا ومحد عنده خبر من حلا وطلال بعد ما طلب منهم جاسم هالشي من الكل....عشان يضمن وجود حلا عند مشعل من غير لا تغير مكانها .... كانت حلا بالمستشفى ..ومشعل كان بالشقه يدرس... رن جرس الباب ..شاف ساعته استغرب ((حلا تو الناس على رجوعها!!!))... راح فتح الباب ...وقف بصدمه يا ترا لجدامه صج :طلااااااااااااااااااااااااااااااااااااااال!!!!! طلال يبتسم له:مشعلووووووه مشعل يحضنه:شلونك يالخايس طلال:تمام حدي ولهااااان عليك شلونك يا مشعل شخبارك مشعل:الحمدالله...حياك تفضل داخل طلال يدخل معه ويفسخ جاكيته:برد الجو بره مشعل يفتح الدفايه:ايي هالايام الجو بارد طلال:شلونك يا مشعل شخبارك؟ مشعل للحين منصدم من وجوده راح قعد يمه:الحمدالله ...ليش ما خبرتني انك جاي عندي طلال يغمز له:حبيت اسويها لكم مفاجأه مشعل يبلع ريجه:منو احنا؟ طلال بضيق:انت وحلا يا مشعل مشعل انصدم:حلا!!! طلال بعتب:طول الايام عندك وما تقول لي يا مشعل مشعل بجد:اتوقع انت عارف ليش ما قلت لك وهالشي من حقها طلال تنرفز:هذي مرتي يا مشعل ولا نسيت مشعل:انا ما نسيت انت الظاهر لنسيت طلال عصب:مشعل ارجوك قطع عليهم الخناق ...دخول حلا عليهم واهي شايله بيدها اكياس من السوبر ماركت وتنادي على مشعل من غير لا تشوف الصاله حلا:مشعل تعااااااال ساعدني مشعل وطلال وقفو بصمت....طلال يشوفها يتاملها ((آآآآآآآه يا قلبي يوم عن يوم جمالج يزيد ...شكثر انا ولهان عليج )) حلا التفتت تدور مشعل...انصدمت يوم شافت لواقف جنبه ...طاحت منها الاكياس لبيدها حلا تغمض عينها وترد تفتحهم بصدمه قربت منه وقفت قباله مدت يدها بخوف يدها ترجف مهي قادره تستوعب ليصير ..مد يده لها وحطها على ويهه رجفت يدها من حرارة جسمه لوصلت لها ...ابتعدت بقوه بعد ما تأكدت فعلا انه طلال ...وركضت لغرفتها من غير أي كلمه طلال جيه بيحلقها وقفه مشعل من يده:ليش جيت يا طلال؟ طلال التفت عليه بعصبيه:جاي حق مرتي يا مشعل مشعل:طلال لا تفكر تجرحها مره ثانيه طلال ناظره بالم وراح لها الغرفه....حط يده عالباب وحمد ربه انها ما قفلته....لقاها راميه نفسها عالسرير تبجي بشكل يعور القلب طلال راح لها وقف يمها واهي منسدحه عالسرير:حلا حلا تغمض عينها صوته صارت تكرهه تحس بجرح كبير بقلبها أن سمعت صوته :..... طلال ينزل لمستواه عالسرير:ولهت عليج حلا ((لا لا لا تضعفين يا حلا)):.... طلال بكل شوق :ما وحشتج ؟ حلا نزلت دمعه من عينها:..... طلال يقرب ويساسرها من اذنها :حلا لا تسكتين قولي أي شي حلا جمعت قوتها وقامت من السرير واهو وقف وراحت وقفت قباله واهي ودها تصرخ بويها لكن كل لكانت بتسويه تلاشى يوم شافته ((آآآآآآآآآآه شكثر ولهانه عليك يا حبيبي طالع شلون ضعفت آآآآآآآه جان زين اقدر ارمي نفسي بأحضانك...)) كانت تتأمله من غير شعور تحس انها ولهانه له ولهانه لحضنه ولهانه لحبه طلال حس فيها ومن غير أي تردد ضمها لعنده بشده :سامحيني يالغاليه وربي بعدج عني جنني حلا خلاص لو بيدها تقول مسامحتك وبنسى كل شي بس خلني دوم بحضنك ...كرامتها ما سمحت لها عقلها عاند قلبها وابتعدت عنه بكل كره حلا:بكل سهوله تبيني اسامحك طلال يدري اقناعها صعب:ادري اني غلطان يا حلا وربي ادري أني ما استاهل حتى انج تسامحيني حلا تقاطعه بضحكة استهزاء:ههه اعترفت بنفسك طلال أول مره يشوفها بهالقسوه:حلا حبيبتي انا طلال حلا تناظره بعيونه ولفت الجهه الثانيه جذي بتتنازل على كل شي حلا:تغيرت !!! انت لجبرتني اصير جذي طلال يروح لها ويمسك يدها:سامحيني حبيبتي اوعدج يتصلح كل شي حلا تسحب يدها:شلون بيتصلح يا طلال ؟؟!! انت جرحت قلبي وهالجرح ماراح يبرا طول عمري طلال بتفاؤل:هالكلام من ورا قلبج ادري حلا:لا تصير واثق يا طلال لان حلا لقبل غير عن اللحين طلال :حلا ارجوج سامحيني حلا لا تخلين هالشي البسيط يهدم كل لبينا حلا تضحك من بين دموعها:هههه بسيط ههه هالشي بسيط يا طلال كل لسويته تعتبره بسيط طلال يوضح كلامه:قصدي أن ما يسوى نهدم حياتنا عشان هالموضوع كل شي ممكن يتصلح حلا تناظره بكل حزن:للاسف طلال لسويته فيني لا يمكن يكون بسيط بالنسبه لي طلال:حلا ارجوج لا تفسرين كلامي غلط حلا خلاص دموعها ما قامت تتحكم فيهم:لو كنت متزوجها يا طلال اهون علي بمليون مره اني اني اشوفها معك بال.. طلال يقاطعها بألم:خلاص يا حلا كافي كافي حلا توقف بويها:يجرحك يا طلال يجرحك ما فكرت شكثر جرحني طلال:حلا احنا كنا ناوين نتزوج على سنة الله ورسوله حلا تحس جرحها رد ينزف:ليه ليه ؟؟؟ انا سويت شلي قصرت فيه؟.؟؟ عطيتك كل شي يا طلال كل شي طلال :ادري يا حلا وربي ادري حلا تصارخ:ليش عيل ليش ليش؟؟؟ طلال يهديها:حبيبتي لا تعصبين هدي شوي حلا بصوت اعلى :لاااا تقول لي حبيبتي انا مو حبيبتك شذى حبيبتك طلال يروح لها ويمسكها من كتفها:انتي حبيبتي يا حلا انتي بعد احبج حلا تحس بضعف مو قادره تتخلص من ايده واهو شاد عليها:دامك تحبها يا طلال ليش تزوجتني !! عشان تعذبني طلال:زواجنا صار يا حلا ومن حقي اتزوج الشرع حلل اربع حلا تبجي:اذا كنت مقصره بحقك ..عطني سبب واحد اقنعني اقنعني طلال مو عارف شيقول:...... حلا تبتعد عنه وتحذره بعينه:هذا آخر كلام بينا طلال يجدم خطوه: حبيبتي.. حلا تقاطعه بصراخ:مشعل مشعل طلال عصب:مشعل شكو اللحين انا زوجج حلا تبجي:انت مو زوجي زوجي مات مااات من زمان طلقني..طلقني ما ابيك دخل مشعل وشاف حالة حلا ..راح لها يهديها مشعل:حلا شفيج اهدي.. حلا تقعد على السرير:خل يطلع مشعل ما ابغى اشوفه خل يطلقني طلال بعصبيه:شنو اطلقج هالشي تنسينه مشعل:طلال ارجوك اطلع بره طلال انصدم من خاله:مشعل شالكلام مشعل بجديه:ما تشوف حالتها خلها اللحين بعدين نتفاهم حلا تصارخ:ما ابي اتفاهم خلاااص خل يطلقني طلال انصدم من موقف مشعل:مشعل شفيك انا طلال ما يصير تعاملني جذي مشعل بنظره حازمه:انت غلطت وتستاهل ليصير لك حلا تبجي بصوت يقطع القلب تسمع مشعل شلون يكلم طلال وقلبها يعورها ما تبي علاقتهم تخترب بسبتها ما تبي تطلق تبيه ...تبي ترد له تبي تشوفه بعد هالغيبه ...بس ما تقدر كرامتها ما تسمح لها مشعل وقف اخذ طلال من يده وسحبه معه لبره ... طلال يسحب يده :من صجك انت !! مشعل:طلال ترا انا للحين ساكت و ما كلمتك بهالموضوع طلال :مشعل لا تنسى انها مرتي ولي الحق اكلمها مشعل:ودام تعرف انها مرتك ما فكرت بشعورها يوم سويت لسويته طلال يغير الموضوع:مالك حق يا مشعل تستر طول الفتره عليها واحنا قلبنا الدنيا عليها مشعل يضحك:هههههههههههههههه طلال تنرفز:ليش تضحك؟ مشعل:طول عمرك يا طلال تتهرب من المواجهه ... ما تبي تعترف انك غلطان طلال تم يناظره بصمت مو مصدق مشعل يكلمه جذي:.. مشعل :شوف يا طلال حلا يتيمه وانا اخوها مالها رجعه لك إلا برضاها طلال عصب: مو بكيفك يا مشعل مشعل قعد على القنفه:مطول في بريطانيا؟. طلال :لين ترجع معي حلا مشعل:لا تتفاؤل وايد يا طلال طلال :مشعل انت ليش تعاملني جذي بدل لا توقف معي وتصلح بينا تقوم تأيدها بلي تسويه مشعل:انا واقف جنبها لانها مظلومه يا طلال ويتيمه مالها احد طلال :يعني تظن اني يا مشعل اكرهها عشان اتعمد اجرحها مشعل بحزن:بس هذا لصار طلال :ليش يا ربي محد فاهمني يعني شسوي بقلبي اذا حب اثنين مشعل:تتزوجها يا طلال مو .. طلال يقاطعه:بس بس لا تكمل ..نقطة ضعف ..كل انسان يغلط مشعل:غلطه عن غلطه تفرق يا طلال انت جرحت حلا وصعب ترضى بسهوله طلال نزلت دمعة قهر من عينه:احبها يا مشعل ولهان عليها بشكل ما تتصور مشعل حاس فيه مهما كان هذا طلال حب يهون عليه:ما عليه يا طلال خلها تهدا جم يوم وان شاء الله يتصلح كل شي طلال يناظره بحزن: ما اتوقع يا مشعل اليوم شفت حلا غير..غيرعن كل مره غير عن حلا الي تحبني ودوم تدور رضاي مشعل يحط يده على جتفه :هونها يا طلال هونها وكل شي ينحل طلال : لا تخليني يا مشعل مشعل يبتسم له:بسوي كل لعلي مر يومين طلال سكن بفندق تنفيذ لرغبة مشعل عشان يخلي حلا تاخذ راحتها بالتفكير.... غرفة مشعل حلا:ماراح ارجع مشعل بضعف حيله:يا حلا هالشي مو بيدي جاسم يقول اذا ما رجعتي مع طلال بيجي بنفسه ياخذج حلا تبجي :ما ابي ما ابي مشعل قلبه يعوره على شكلها:حلا لا تصيحين صدقيني رجوعج له بيخفف عليج اشياء وايد حلا ترفع عينها مليانه دموع له:يخفف علي !!! الا يزيد الجرح لبقلبي ما اقدر يا مشعل ما اقدر ارجع له حلا نفسها لتزوجها مشعل :انزين انا عندي لج حل ممكن يريحج حلا تصيح:ما في شي يريحني غير الموت يا مشعل مشعل :ذكري ربج يا حلا شالكلام حلا تصيح:............ مشعل يجلس عالارض قبالها واهي على القنفه:حلا سمعيني حلا تناظره:...... مشعل :انتي رجعي معه بيتكم وان شاء الله مع الايام بتحنين له حلا :مشعل انت شتقول انت تدري شكثر انا فاقدته رغم لسواه فيني بس ما اقدر يا مشعل اصير ضعيفه جدامه مشعل بضيق:جاسم حالف يا حلا ان ما رجعتي باجر مع طلال بيجي بنفسه وبتصير مشكله حلا تصيح بصوت عالي وطلال لكان بالصاله يسمع صياحها قلبه تقطع عليها :لو ابوووووووووي حي محد سوى فيني جذي ..لو ابوي حي جان اخذ حقي منه مشعل يهديها:افا حلا شالكلام وانا اخوج وين رحت حلا:مشعل ارجوك ما ابي ارد له الله يخليك مشعل :ما اقدر يا حلا مالي أي حق اني امنعج منه ..جاسم سمعني كلام الله يهديه والله انه مو ناوي خير حلا تصيح :يعني خلاااااااص بعد كل لسواه فيني ارجع له مشعل ما عنده أي حل:......... حلا تبجي:وانا وانا مالي أي راي!!! ظلم ظلم مشعل:شسوي يا حلا الموضوع بيد جاسم مو بيدي حلا بصراخ :ما اقول الا حسبي الله عليه من عم مو كفايه جبر ابوي مو كفايه زوجني لولده غصب عنه...ما اكتفى انه كان بيسجن ابوي ياي بيكمل علي طلال انصدم من كلامها !!!!!!!!!!!!!!!!!!! حلا تكمليبيني ارجع بعد كل لصار يبيني ارجع حق واحد نذل خاني من غير لا اسوي له أي شي...عطيته كل شي حتى كليتي عطيته اياه مع اني دكتوره وعارفه شسمي ما يستحمل هالشي .... صدمه ثانيه على طلال!!!!!!!!!!!!!!!!! ((حلااااااااااااااااااااااااا اهي لمتبرعه لي بكليتها !!!)) غمض عينه بقهر وضرب بيده على الطاوله بقوه ((آآآآآآآآآآآآآآآآآآآآآآآآآه نذل حقييييييييير ما استحقها )) حلا بصراخ:وبعد كل هذا وكل لشفته منه تقولون لي ارجع له ..انا مو انسانه ما عندي كرامه ما احس ..مو كفايه خاني مشعل مو عارف شيقول لها كل كلامها صحيح:.... حلا تهزه من جتفه وصلت لحاله هستيريه:تكلم يا مشعل كلامي صح ولا لأ مشعل يناظرها واهي تهزه:........... حلا بجيها يزيد وقامت تضرب بريلها بالارض:ليش ليش ليش حرااااااااام والله حر ااااااااااام مشعل يشد على يدها عشان تصحى:حلاااااااااا خلاااااااااااص كافي بجي حلا من غير وعي رمت نفسها بحضنه تصيح محتاج لحنان احد:حرام مشعل ليسونه فيني ...انا احبه ليش سوى فيني جذي ليش... مشعل مو عارف شيسوي حضنها عالخفيف وبعد ما حس انها هدت بعدها عنه وابتسم لها:دامج تحبينه مع الايام بتسامحينه حلا حمر ويها من حركاتها حطت يدها على فمها بشهقه:انا ما ادري شلون.. انا مشعل فهمها وغير الموضوع وقف:واللحين روحي صلي لج ركعتين ورتبي اغراضج عشان ترجعين ويا طلال حلا وقفت تناظره بحزن:يعني ما في أي حل ثاني مشعل:للاسف يا حلا الا هالموضوع مو بيدي..بس انا وياج وماراح اتخلى عنج واذا سوى لج أي شي ثاني ماراح يلوم الا نفسه حلا تبتسم له:الله يخليك لي يا مشعل مشعل:سامحيني حلا بس مو بيدي شي حلا:انت سويت الي عليك واكثر...انا برجع له بالاسم من غير روح وجسد..حسبي الله على لكان السبب مشعل ابتسم لها:دام هالشي يريحج سويه حلا نزلت دمعه:عن اذنك مشعل يوقفها:حلا تلتفت له:.. مشعل:اخوج دوم موجود كلها جم شهر وراجع لج ان شاء الله ابتسمت له حلا وبعدها دخلت غرفتها ومشعل طلع لطلال بالصاله .... كان قاعد على القنفه ومنزل راسه وحاط يده على راسه ..مبين من شكله انه محتار بشي نادى عليه مشعل:طلال طلال فز من مكانه وقرب له:حلا اهي لمتبرعه لي ؟ مشعل يهز راسه بحزن:اييه طلال (صرخ بقلبه لااااااااااااا):ليش ما قلتو لي؟ مشعل يقعد بتعب:انا عرفت يوم جيت لي بريطانيا طلال يقعد يمه ودمعته على خده:آآآآآآه يا مشعل ندمان وكل يوم ندمي يزيد اكثر مشعل ما هان عليه شكله:ما عليه يا طلال كل انسان يخطأ طلال:بس انا غلطت بحق انسانه عمرها ما اخطأت بحقي...شلون قدرت اسوي فيها جذي مشعل يناظره بعتب:..... طلال:لي متى يا مشعل بتم تعاتبني بنظراتك؟ مشعل:انت تشوف انك ما تستحقها طلال وقف:كافي يا مشعل كافي رحموني مشعل يوقف معه :وحلا المسكينه منو بيرحمها مو كافي بترجع لك غصب عنها طلال:انا احبها يا مشعل وربي اوعدك اعوضها عن كل شي مشعل:انا طول عمري ما شفت حلا بهالحاله انت وصلتها لهالحاله يا طلال صعب انها تسامحك طلال مل من هالكلام :انا بروح وبرجع لها بعد ربع ساعه يا ليت تكون جاهزه مشعل بسخريه:طول عمرك ما تحب تواجه غلطك طلع من الشقه معصب وراح اخذ له سجاير وتم يدخن ... مشعل ما هان عليه حس ان وايد قسى عليه نزل يدوره لقاه يمشي ويدخن ...استغرب منه اول مره يشوف طلال يدخن معقوله حالته لي هالدرجه.... وقف وراه وسحب السجاره من حلجه...التفت طلال له مشعل بعتب:من متى يا طلال.؟ طلال بحزن:من يوم ما تركتني مشعل يرفع السيجاره بويها :وتظن هذي بتنسيك لصار طلال ينفخ بألم:آآآآه تخفف علي مشعل :ما اظن يا طلال..هذي تموتك عالبطيء طلال:ما يفرق عندي دام اهي تعاملني جذي مشعل تم يناظره واهو ساكت يشوف ملامح التعب على ويهه:.... طلال ناظره وعيونه مليانه حزن وندم وعتب على خاله ليش يعامله جذي اهو غلط بس كافي تجريح مشعل حس انه زودها معه وابتسم له:شرايك نروح نقعد بالكوفي شوب مالتنا طلال:جان زين احس محتاج قهوه بالكوفي شوب طلال وقف من الصدمه:حاااااااااااااااااااااامل!!!!!!!! مشعل:بالشهر الرابع وبتدش الخامس اظن طلال يقعد بقهر:ليش ما خبرتوني مشعل يشرب قهوته ويرجعها عالطاوله:ما كانت تبغيك تعرف طلال عصب:ما يصير يا مشعل هذا ولدي مثل ما اهو ولدها مشعل:هالشي راجع لها لا تكلمني عن هالموضوع مالي خص شكت لثواني بعدها ابتسم بفرح:يعني بصير ابو مشعل يبادله الابتسامه:أن شاء الله طلال :ما اصدق مشعل مشعل:هههههه لا صدق طلال يوقف :قوم خل نروح لها الشقه ما تدري شكثر كنا ننطر هاللحظه انا معاها مشعل يوقف:يالله مشينا وقف بنص الطريج ... مشعل:شفيك؟!!! طلال بضيق:تتوقع بتم فرحتها مثل ما كانت قبل مشعل ما فهم كلامه :شلون يعني!!! طلال يكمل طريجه:ابد ولا شي ..خل نرجع الشقه رجعو الكويت بعد ما ودعت حلا مشعل....وطلال حلف لمشعل انه ماراح يأذيها مره ثانيه ... بالطياره حلا طلبت من مشعل انه يحجز لها بعيد عن طلال بس طلال رفض هالشي وكان حاجز لهم والطياره فول ما في مجال تغيير... قعدت جنبه من غر أي كلمه من طلعو من الشقه ما نطقت معه بولا كلمه ...تمشي وراها واهو محترم سكوتها وساكت... طلال التفت عليها:مرتاحه جذي حلا اكتفت بهز راسها بنعم:..... طلال نفخ دليل على قلة الصبر بمعامله حلا له:..... بعد مرور 3 ساعات...حلا حست بتعب شوي قامت تبي توقف بتروح الحمام حست بدوخه وقعدت عالكرسي طلال مسك يدها بخوف:حلا شفيج؟ حلا تسحب يدها :لا تمسك ايدي مره ثانيه ضغطت على نفسها ووقفت وراحت الحمام ما تبي أي مساعده منه... ((أأأأأأأأأأأأه يا طلال يمي وما يفصل بينا شي وما اقدر حتى امسك يدك ....ولهانه لكل شي فيك يا طلال حتى ريحة عطرك نفسها ما تغيرت...يا ربي شلون بصبر على بعدك اكثر)) رجعت لمكانه واهي تحاول تتحكم بمشاعر الشوق لبتفضحها.... ابتسم لها طلال وعدل لها المخده لعالكرسي عشان تتسند عليها.. حلا من غير نفس:شكرا ماله داعي تعب عمرك طلال بكل حب:عمري كله فداج حلا لفت الجهه الثانيه وغمضت عينها بحسره ما تبيه يأثر عليها.... الكويت بيت بو حور قاعدين بالحديقه ويا الشباب يلعبون كره وحصه وبو حور يسولفون.... بو حور:تصدقين يا حصه حصه تصب له استكانة جاي:خير بو حور:احس حور مرتاحه ويا خالد حصه تبتسم له:الحمدالله...خالد ولد اختي ما عليه كلام بو حور:وانا اشهد حصه:شسويت على الموضوع لكلمتك فيه امس بو حور:انا اشوف ماله داعي حصه تنرفزت:شنو اهو لماله داعي قبل لا تبدي الدوامات نبي نسافر نغير جو بو حور:اخاف نشغل البنت عن دراستها حصه:ماراح نشغلها ....كلها 10 ايام بو حور :خليني اكلم البنت بالاول وبعدين نشوف حصه قامت معصبه:حتى واهي متزوجه مو مفتكين منها بيت جاسم نزلت شذى للعشى وكان فيصل عندهم....,سلمت على الكل وقعدت معهم بالطاوله... جاسم:شلونج حبيبتي شذى اللحين؟ شذى:الحمدالله عمي احسن من امس امامه تساسر فيصل:هذي وحده من خططها عشان ترجع طلال فييصل:ههههه اموم اجلي حشج فيها بعدين مو جدامهم جاسم حس بنته خربطت بشي:امامه امامه تلتفت له واهي للحين تضحك:هلا يبه جاسم بجد:كملي اكلج بلا هذره زايده امامه تشوف شذى واهي للحين تضحك:ههه أن شاء الله يبه شذى انقهرت منها بس سوت نفسها عادي وكملت اكلها.... بعد العشا قعدو كلهم بالصاله... نوال:يمه فيصل اصب لك حليب فيصل:تسلمين عمتي امامه تروح لها وتاخذ الكوب عنها:عنج يمه امامه تمد له الكوب:تفضل فيصل يغمز لها عالخفيف:مشكوره راحت قعدت يمه ..وشذى كانت بقنفه فرديه جنب قنفة امامه وفيصل ...وجاسم ونوال على قنفه لشخصين... فيصل:ها عمي شقلت على موضوع السفره؟ جاسم :والله يا ولدي يا فيصل مثل ما انت شايف حالتي صعبه علي اسافر معاكم ..والشغل ما يمشي من غيري انا او طلال فيصل :صح كلامك عمي جاسم يبتسم له:انتو حجزو وتوكلو على الله...وانتي يا ام طلال اذا بتروحين وياهم روحي نوال:ايش يوديني انا بجلس معك امامه:شعلييييك يبه شعليييييك ما تستغنى عنك نوال:اموم جاسم:هههه ولا انا استغنى عنها شذى:الله يخليكم لبعض امامه تساسر فيصل:نطقت الاستاذه فيصل:ههه اموم يوزي شذى كانت قريبه منهم وسمعتهم..وقفت معصبه:عن اذنكم بعد ما صعدت التفت جاسم لامامه:وبعدين معاج؟! امامه بكل براءه:شنو يبه!! جاسم:انتي تعرفين شنو امامه:ما سويت شي نوال تغير الموضوع:متى بتسافرون يا فيصل؟ فيصل:والله عمتي ما لقيت حجز إلا بعد 4 ايام نوال:يمديكم؟ فيصل:باجر أن شاء الله يرجعون حلا و طلال ويمدينا نجهز الجناط جاسم:على خير أن شاء الله تمو يسولفون بعدها استأذن جاسم يصعد لغرفته ولحقته نوال... امامه:انا ماراح اسافر فيصل انصدم:ليش؟!! امامه:فيصل عرسي بعد 3 اسابيع كيف تبيني اسافر؟! فيصل:حياتي ما عليه كلها 3 ايام السفره ماراح نطول امامه:صعبه فيصل ما اقدر فيصل :اموم حبيبتي انا هالسفره عشانج ابيج تغيرين جو امامه تبتسم لخوفه عليها:كفايه حياتي اليايه كلها معك هالشي يكفيني فيصل:لااااا اموم لا تحاولين تقنعيني امامه تغير الموضوع:انزبن وين لبيوديني يمشيني على البحر فيصل:افا عليج حاضرين للطيبين امامه توقف بنشاط:اوكي انطرني اغير لبسي عالسريع وارجع فيصل:كل شوق بانتظارك يا عزيزتي امامه واهي تصعد لغرفتها:ههههههههه بيت فيصل قعدت انفال من النوم واهي تحس انها عطشانه...هذي رابع مره تحلم بأن فواز يكلمها بس عمي ...ٌقلبها مقموت من كوابيسها.. غسلت وتوضت وصلت غيرت لبسها ونزلت تحت..لقت فيصل وامها يتفطرون.. انفال تبوس راس امها:صباح الخير الكل:صباح النور انفال تقعد يم فيصل:فيصل قاعد امبجر اليوم فيصل يبتسم لها:ايي ابي الحق عليج انفال:هههههه ليش شصاير؟. فيصل:ابيج تقنعين اموم تسافر ويانا مو راضيه انهى:ليش؟ فيصل:تقول ما يصير اسافر وياكم ويكون عرسي بعد اسبوع انفال:ههههههه نهى:ايي يمكن البنت تبي تجهز ترتب نفسها فيصل:ماراح يضرها 3 ايام يمه انفال:وانت يعني ما تقدر تسغنى 3 ايام فيصل:من صجج انتي انا 3 ساعات زين اقدر انفال:هههههههههه نهى:قنعيها يا انفال ولحقي على اخوج انفال تضرب يدها جهة صدرها بفخر:افا عليك يا فيصل ما طلبت شي اعتمد اموم مسافره ويانا فيصل يبوسها على راسها:تسلمين يالغاليه دوم اقول مالي غير نفول امامه بتسافر وياهم ؟!!! حلا شلون بتعامل طلال اذا رجعو الكويت.؟!! شذى بتوافق أن حلا تسافر وياهم ؟.!!! غنيمه بتغير رايها اذا عرفت قصة فهد ولد احمد؟!! الجزء 24 بريطانيا قاعد بالحديقه رجع مره ثانيه للوحده....انصدم من اثنين دخلو الحديقه باين عليهم الفرح ... تم يتأملها واهي تضحك وتسولف ...تلقائيا كان يبتسم معهم من غير أي شعور... ابتسم لا لا هذي ماهي ابتسامه يا حبيبي يا حبيبي هذي نوع من الملامه ملامه جدا رقيقه اداري بها الحقيقه بابتسامه الحقيقه ياهي مره وعسيره كيف يرضا العشير لعشيرا يرضا في جرحه وغروره لا يراعي له شعوره ياهي صعبه الليالي لاقضيها لحالي وعن عذابي وانت غافل ولا دراي وتجاهل ببتسامه ملامه جدن رقيقه اداري بها الحقيقه بابتسامه قاعدين تحت شيره كبيره ...والجو كان دافي بوجود اشعة الشمس...خالد منسدح على الارض وحاط راسه على حضنها خالد مزاجه رايق يغني لها:الله لا يحرمني منك ومن حلاك ومن دلالك ما تمنى غير شوفك تبتسم مرتاح بالك انا محتاج لحنانك حور تقاطعه:انا كلي لك يا قلبي خالد يمثل بيموت:آآآآآه قلبي قلبي حور بخوف:شفيك خالد!!! خالد يبتسم لها:كلامج يذبحني حور:هههههههههه خالد يكمل:تضحك الدنيا في عيني لرضيت واقبل اعذارك واسامح لو خطيت حور:شفيك اليوم صاير لي راشد خالد:لا تلوميني واحد عاشق شيسوي بعد!! حور بحيا:امووت على العاشق والله خالد:حوووووووووور حور:هلا خالد:قربي حور:ما ابي خالد:ههههه ماراح اسوي شي بس بقولج شي حور المينونه قربت منه ...طبع بوسه على خدها واهي تمت تتلفت من الفشله حور:يالمينون شسويت!! خالد:هههههههههههههههههههههه عادي انتي بلندن حور كانت تتلفت وطاحت عينها على مشعل لكان يناظرها والابتسامه على ويهه ..ارتبكت وما عرفت شتسوي...خالد لاحظ ارتباكها خالد:حور حبيبتي شفيج؟ حور بخوف من انه يلاحظ شي:ابد بس حسيت برد فجأه خالد يعدل قعدته ويقربها له يدفيها:جذي احسن حور ما تبي تعذب مشعل زود:حبيبي خل نرجع الشقه خالد مستغرب:ليش تونا واصلين حور:ما عليه عشاني خالد:من عيوني ... مشعل تم يناظرهم لما ابتعدت عن عينه...ضرب بيده على الطاوله بقوه من القهر لبقلبه ونزلت دمعه من عينه غصب عنه ....ما قدر يستحمل يقعد بعد لشافه اخذ كتبه ورجع شقته ((وينج يا حلا كنتي تخففين علي )) الكويت أول ما وصلو الكويت حلا طلبت منه يوصلها على طول بيتهم مارح تدخل بيت عمها وليبيها يسال عنها.... واقفين عند الباب طلال بيده الجناط وحلا بتفتح الباب...يوم دخلو التفتت عليه... حلا:لو سمحت طلال ما ابغى اشوفك بهالبيت طلال رفع حاجب منصدم:شنو!!! حلا:انت تعرف اني رجعت غصب عني لو بيدي ما ارجع لهالبيت...بس دام رجعت في شي لازم تعرفه طلال يحاول يتمالك اعصابه:خير حلا : ما في كلام بينا إلا لضروريات ولا تعتبر أن عندك زوجه اسمها حلا لان بكل وضوح اقولك انت ولا شي بالنسبه لي طلال ((آآآآآآآآه يا حلا كافي تجريح انا ولا شي )):مشكوره حلا ما ردت عليه ودخلت غرفتها وسكرت الباب عليها ما تبي أي مناقشه زايده معاه..... طلال اخذ مفتاح سيارته ورجع لبيتهم ما له مكان من بعد كلامها... أول ما وصل البيت جيت امامه تركض للباب تتوقع حلا معاه... وقفت مصدومه انه سكر الباب ودخل بروحه امامه:وين حلووووي!!!! طلال يقعد بتعب:بالبيت امامه تقعد يمه:ليش ما جبتها وياك؟! طلال باستهزاء:اهو بكيفي...اهي ما تبغى امامه:اوكي انا بروح لها اللحين طلال يوقف بيصعد يرتاح بغرفته:لريحج دخل شقته لقى شذى تفر بالتلفيزون...اول ما شافته رحت لصوبه واحضنته شذى:حمدالله على السلامه ولهت عليك طلال يبعدها ببطئ ((مو وقتج اللحين)):الله يسلمج شذى ودها تتأكد اذا رجعت معه او لأ:شلون سفرتك؟ طلال يفك زرار دشداشته:الحمدالله شذى:ازهب لك الحمام تاخذ لك شاور طلال:يكون احسن احس اني تعبان باخذ لي شاور وبنام شذى انصدمت صارلها 4 ايام مو شايفته:ما تبي تتغدا!!! طلال من غير نفس:مو يوعان ماكل بالطياره ..روحي زهبي لي الحمام شذى تروح الحمام واهي من داخلها تتقرطم ((اكيد رجعت معاها ولا ليش هالنفسيه ...الله يعيني انا لازم اكرها فيها قبل لا تحن له وترجع له)) مرت 3 ايام سريعه ما فيها أي احداث...نوال ونهى والبنات يزورون حلا بالبيت...اما طلال اخذ بنصيحة مشعل بعد ما كلمه وقاله أن يخليها كم يوم بروحها لين تتغير نفسيتها... بيت جاسم اليوم سفرتهم للامارات المغرب بالاول حلا رفضت تسافر بس البنات الحو عليها فوافقت ونفس الشي امامه ما قدرت على انفال.... امامه تكلم مشعل بالتليفون.... امامه:انزين مشعلوه يا ويلك أن كشت مشعل:ههههه يا ربي شفيج انتي اوصل وياكم أن شاء الله بعد ساعه طيارتي الترانزيت امامه:ايي اشوه لان حدي ولهانه عليك مشعل:ولهت عليج العافيه ...انا بعد يالعروس ولهان عليج نوال تسحب التليفون منها:هلا بالقاطع مشعل:ههههه هلا والله نوال نوال:هلا فيك ..ليش ما تجي لي الكويت بدل لا تروح لهم مشعل:يا ربي ما اقدر انا كالساع راجع لكم كلها 3 ايام يا نوال ما اقدر اقعد زود وبما اني ما اقدر احضر عرس بنتك لازم اراضيها واسافر معهم نوال:ايي خير أن شاء الله...كيف حالك بعد؟ مشعل:بيني وبينج مو بخير من رجعت حلا لكم...وايد فقدتها نوال:ههههههه لو يسمعك طلال يذبحك مشعل:هههههههههه نوال:محتاج لشي يا مشعل؟ مشعل:تسلمين يالغاليه نوال:الله يسلمك مشعل:مضطر اخليج اللحين نوال اروح اخلص اجراءات السفر نوال:حافظك ربي ..مع السلامه مطار الكويت الكل تجمع في بيت بو جاسم سلمو على نوال وجاسم ...وبعدها مشو على سيارتين فيصل وامامه وانفال وفجر ونهى بسياره ...وطلال وشذى بسياره بروحهم ....وهالشي حلا لكانت تبيه ما تبي تركب ويا طلال بنفس السياره ... يا ترى لي متى بتم تتجاهله !!!!؟؟؟ واقفين البنات كلهم قروب وشذى ملت من شعور احساسها انها منبوذه ما بينهم....الكل يتجنبها وتجاهل حلا لها منرفزها حتى ما ناظرتها.... فجر :واااااااو مو مصدقه واخيرا بسافر الامارات انفال:هههههههه هالبنت مينونه حلا:ما الومها الامارات شحلاتها نهى:ايي عاد الله يعينه عليها حنه على هالسوق امامه:ايي والله خالتي بعد الواحد واصل للامارات وما يروح سوقتها ما يصير شذى واقفه بروحها بعيد عنهم تلعب بموبايلها ومن داخلها تحترق ليش طلال خلاها بروحها... نهى بصوت واطي:يا بنات ما يصير جذي بتخلون البنت بعيده عنكم حلا نزلت راسها وسكتت بقهر...انفال:يمه شالكلام يعني شتبين نسوي لها؟ نهى:مهما كان اعتبروها ضيفه عيب تخلونها بروحها انفال:انا وحد ما احبها امامه:ههههههههه عيل انا شتقولين كلمة اكرها شويه فجر:مادري انا بس عاجبني ستايلها الكل:ههههههههههههههههه نهى بعصبيه خفيفه:الله يهديكم بس راحت نهى لشذى وتمت تسولف وياها.... انفال تلتفت لحلا:لا تتضايقين من امي حلا حلا بابتسامه:شدعوه انفال ..تسوي ليريحها فيصل اخذ مقعده جنب امامه بالطياره وطلال احتار بين حلا وشذى لو بيده يبي جنب حلا ..بس حلا كانت مكلمه فيصل وقالت له تبي يم البنات... اضطر طلال ياخذ مقعده يم شذى ..وتبقى نهى وانفال وفجر وحلا باربع مقاعد جنب بعض.... ما اقدر اوصف لكم شعور حلا...مهما كانت صبوره ما تقدر تستحمل تشوف حبيبها جنب وحده واهي ساكته كانت تبتسم بس من داخلها تحترق ....تحس أي كلمه منه بيخليها تنفجر وترمي نفسها باحضانه.... شذى ما قصرت كانت تسوي حركات تقهر حلا فيها.... بدبي وصلو وكان الوقت متأخر 10 بليل بتوقيت دبي ..كل واحد دخل غرفته يرتب اغراضه ... حلا وامامه وانفال بغرفه جنبهم فجر ونهى بغرفه ومشعل وفيصل بغرفه ..طلال وشذى بغرفه تكون قبال غرفهم .. غرفة البنات حلا جالسه بالبلكونه تشوف الرايح والراد وتفكيرها مع طلال ((آآآخ يا قلبي معاه بنفس الغرفه ..صبرني يا ربي مادري شلون بستحمل)) انفال كانت تستحم .وامامه ترتب اغراضها حست بسرحان حلا وعرفت بلي تفكر فيه ..راحت لها البلكونه ووقفت يمها... امامه:للحين تحبينه حلا حلا غمضت عينها بألم:حبي له يوم عن يوم يزيد رغم كل لسواه فيني امامه تشوف بطنها:مثل بطنج يعني يوم عن يوم يكبر حلا:ههههههههه امامه:ايي ضحكي جذي حلا سكتت فجأه ونزلت دمعه على خدها:اموم قلبي يحترق أن شفتهم ويا بعض امامه بحزن:مو هذا لطلبتيه...ولا طلال كان بيحجز غرفتين لج ولها ويوم عندج ويوم عندها حلا :ما ابغيه يحس اني ولهانه عليه ..اكيد ما ابغى اكون معه بنفس الغرفه علاقتي ويا اخوج اللحين كلام وبس امامه انصدمت:لي هالدرجه حلا!!! حلا :من يوم رجعت ما فسخت شيلتي جدامه امامه فتحت عينها عالآخر:ليش !!؟ حلا تبجي:تقولين لي ليش بعد ميمي..ما اقدر خلاص قلبي عافه امامه:حلوي كلامج متناقض حلا:ادري ادري وهالشي قاهرني مو قادره اتحكم بمشاعري اتجاهه طلعت انفال وراحت لهم حست الجو متكهرب وحبت تغير الموضوع انفال:حلووي يلا عاد احنا مسافرين عشان تغيرين جو حلا بحزن:دام هذي بحياتي انسو أغير جو امامه:يلا عاد حلوي خليها تولي وخلينا نستانس أول سفره لنا ويا نفول انفال بدلع:ايي والله أول سفره لي وياكم وجذي تسوين فيني حلا:ههههههههه خلاص يا قلبي ماراح اضيق خلقكم امامه:خل نلبس بجايمنا ونسولف لين انام باجر مشعل يقول من الصبح بقعدكم انفال:ايي فيصل يقول انه مسوي لنا مخطط حلا بضيق واضح:وكلهم بيجون؟ امامه تناظر انفال وترد لحلا:وبعدين يعني يا حلا تجاهليها ما كأنها موجوده حلا بغصه:صعب علي صعب انفال دمعت عينها:ادري يا عمري بس حاولي حلا تضحك لهم:ههههههههه شفيكم قلبتوها بجي انفال تضربها بالمخده:صج انج بايخه حلا ترد تاخذ مخده وتضربها فيها:ههه انا البايخه ولا انتي وتمو على هالحال وامامه واقفه بينهم ومسكره عينها وحاطه يدها على راسها عشان ما يحوشها شي امامه صرخت فجأه:بسكم بس ...يالهبله حلوي نسيتي انج حامل كانت بترمي مخده على انفال وقفت فجأه:يمه يمه نسيت انفال تضحك على شكلها:ههههههههههههههه حلا :تضحكين بعد تبين تموتين ولدي حشاشة يوفي انفال تنسدح عالسرير:فكينا انتي ولدج وتعالي نام ورانا لويه باجر اموم تنقز على السرير وتنسدح يم انفال:ماما قولي لي قصه انفال:هههههههه تبين قصه روحي لفيصل مو عندي امامه تكمش شعرها:سكتي يا حماااااااره انفال:هههههههه ترا اناديه لج اللحين امامه:فيج خير سويها انفال تغمز لها:اموم لا تعاندين امامه بغرور:كلام انفال تقوم من السرير:اوكي دقايق بس امامه خافت راحت وقفتها:ههه نفول يالهبله من صجج حلا ماتت من الضحك:هههههههههه دامج مو قد العناد ليش تعاندينها اموم وتمو ضحك وسوالف لما نامو.... بنفس الوقت غرفة الشباب انسدحو كل واحد على سريره ... مشعل منسدح على سريره يفكر بحور (يا ترا مرتاحه مع خالد حبيبتي ..نسيتيني!!!)) فيصل حس أن مشعل مو نايم:مشعل صاحي مشعل يلف عليه:ايي ما جاني نوم فيصل يفتح الابجوره:ولا انا مشعل يبتسم له:ليش؟ فيصل منحرج:امم والله الصراحه متعود اكلم بنت اختك المصون كل يوم قبل لا انام والحلوه شكلها نستني مشعل:ههههههههههههههه اهي قالت لك لازم تتغلى قبل العرس فيصل:اصلا زين انها رضت تجي معانا كانت بتقعد بالكويت مشعل:هههه من حقها العرس بعد اسبوع فيصل:الله يخلي نفول وحلا قنعوها تسافر ويانا.... على قولة نفوله تقول تودع سفر العزوبيه مشعل:ههههههههههههههههههههه فيصل بعد صمت :مشعل مشعل:هااااااا فيصل :امم انا بروح لها مشعل يمثل العصبيه:وين بتروح انثبر مكانك فيصل اخترع:من حقي مشعل:لا والله شوف الساعه جم فيصل تنرفز:يا اخي حس فيني مو قاعد ترد على موبايلها وهم ما شاوفها ماراح انام جذي مشعل:لا تنام فيصل انصدم:شنو مشعل:ههههههههههههههههههه خلاص برحمك اللحين اخذ جواله واتصل على امامه واهي ردت على طول.. امامه:هلا بخالي العزيز فيصل كان ساحب الموبايل منه:افا والله تردين عليه وانا لأ امامه ما عرفت شتقول:فيصل!!! فيصل طلع بره البلكونه ياخذ راحته بالكلام:ليش ما تردين علي؟ امامه بدلع:كنت بنام فيصل:لا والله امامه منحرجه انفال وحلا مو مخلينها براحتها:اممم اكلمك باجر فيصل بحده:لااااا اللحين امامه توهقت:اممم اوكي لحظه شوي امامه تصارخ عليهم:اففففففف شتبون لازقين فيني جذي انفال:ههههههه منو فصول امامه:مالج شغل حلا:هههههه توج تقولين خالي العزيز..شلون تحول فيصل امامه قامت منهم وراحت للبلكونه :الو فيصل:احلى الو امامه ابتسمت :ليش ما نمت للحين؟ فيصل بدلع:ما ياني نوم امامه بخوف:ليش مريض؟ فيصل:ايي امامه اخترعت:شفيك حياتي فيصل:مريض وتعبان امامه:شلي يعورك فيصل بصوت عذاب ويده على قلبه:بطني وقلبي امامه ما انتبهت له:سم الله على قلبك فيصل:يعورني حيل مو قادر انام منه امامه:وين مشعلوه عنك فيصل:مخليني ونايم امامه صدقت:يا قلبي اللحين اجيك فيصل ما صدق:صج امامه:مو تقول تعبان فيصل رد بصوت تعبان:حدي حدي مو قادر انام امامه:خلاص حبيبي اللحين ايي افتح لي الباب فيصل بمكر:اوكي حياتي لا تطولين اخاف اموت امامه:سم الله عليك من الموت اللحين يايه باي فيصل:باي خذت لها روب طويل ....لبسته فوق بجامتها... انفال مستغربه:وين رايحه.؟ امامه:مالكم شغل طلعت منهم وراحت لغرفة فيصل ومشعل حلا:هههههههههه ما قدرت تصبر انفال:ههه تلقين فصول مألف عليها قصه شفتي شكلها شلون مخترعه حلا:ههههههههههه مو هين اخوج انفال تغمز لها:افا عليج تربيتي توها بتطق الباب فتح لها بابتسامه:هلا هلا امامه استغربت شكله صاحي 100%:فيصل !! فيصل يطلع بره ويسكر الباب:عيونه امامه مستغربه:وين بتروح؟ فيصل يمسكها من يدها:مكان فيه انا وياج بس امامه تسحب يدها منه:يالدب كنت تجذب علي؟ فيصل وقف قبالها:ما جذبت عليج قلبي صج يعورني من بعدج عني امامه:يا ربيي فيصل لي متى بتم جذي يعني فيصل :لما تحنين علي وتكونين قبالي 24 ساعه امامه تلف بترد الغرفه:مره ثانيه لا تجذب فاهم فيصل عرف انها عصبت وقفها من يدها:هههههههه لحظه وين رايحه امامه :فصول وخر عني مقومني من نومي اخترعت على بالي فيك شي واخرتها غشمره من غشمراتك البايخه فيصل:هههههه بايخه عاد ...حرام عليج هذا جزاي اني ولهان عليج وما اعرف انام من غير لا اشوفج امامه معصبه:انت صاحي !!! فيصل يستعبط:ما اظن ...(يقرب من اذنها يساسرها) لاني مينون بحبج امامه تركته وراحت الغرفه بسرعه فتحت الباب ودشت ...فيصل بعد ما ارتاح أن شافها رد الغرفه استوعب أن مو معه المفتاح.. تم يطق الباب لكن مشعل بسابع نومه محد راح يفتح له وموبايله داخل...رد لغرفة البنات طق الباب راحت له امامه لانها للحين ما راحت لسريرها... شافته من الفتحه وردت عليه من ورا الباب:شتبغى؟. فيصل:ابغيك امامه/:تستخف دمك تكلم عدل فيصل :ههههههه انتي تقولين جذي..(يقلدها) شتبغى؟ امامه:روح لغرفتك فيصل يبي يكسر خاطرها :حرام عليج وين انام يعني بره امامه:فيصل ترا كلامك هذا فاهمته حلا وانفال ميتين ضحك عليهم .... فيصل:والله العظيم من صجي مشعل قافل علي الباب امامه كسر خاطرها وفتحت له الباب واهو ياي بيدش بس وقفته:فيصل حبيبي نسيت حلا ويانا فيصل رجع خطوه:ويي آسف نسيت (حسافه خربت علي خطتي ) امامه واقفه عند الباب وبيدها الموبايل :انطر ادق على مشعل فيصل يتاملها:خذي راحتج رد مشعل عقب مده امامه:مشعلوه مخلي ريلي بره ونايم مشعل اخترع:بسم الله شفيج انتي امامه:قوم افتح الباب لعمك مشعل:منو عمي؟ امامه تغمز لفيصل:منو غيره حبيب قلبي فيصل مشعل يصرخ عليها:وييييييييع ...انتي ما تستحين امامه خافت:لا تصارخ علي مشعل :وينه فصول عطيني اياه امامه تمد له الموبايل:اخذ زفني فيصل:اللحين اعلمه شلون يزفج فيصل:انت شلون ترفع صوتك على عمتك مشعل:ههههههههههه هذا لناقص اموم صارت عمتي فيصل يغمز لها:عمتك وتحمد ربك بعد مشعل:اقول فصول لا تسوي فيها بطل جدامها ترا ما افتح لك الباب فيصل بصوت واطي:لا مشعل الله يعافيك مشعل:ههههههههههههههههههههههههههههههههههههههههههههههههههههههههه يالله تعال افتح لك فيصل:اوكي ياي فيصل يعطيها الموبايل:انا رايح امامه تبتسم له:تصبح على خير فيصل يقرب وياشر على خده:ما في شي قبل النوم امامه تسكر الباب بسرعه ومن روا الباب:لاا ما في يالله روح فيصل:ههههههههه اوكي هالمره قدرتي تنحاشين ردت للبنات ولقتهم ميتين ضحك عليها... امامه انحرجت اكيد سمعو كل شي:ليش تضحكون ها انفال:والله يا اموم ما عرفت أن اخوي رومانسي إلا يوم حبج حلا:هههههههههههههههههههههههههههه امامه تحذف عليهم مخاد وتسكر الليت:انجبو ولا كلمه وخمدو نامو بالجهه الثانيه غرفة شذى وطلال ..من أول ما وصلو وطلال معصب من حلا ليش راحت بغرفة البنات كان ناوي يحجز غرفتين وكل يوم يكون عند وحده بس حلا مصره للحين على رايها.... أول ما دخل غرفته اخذ له دش سريع ونام على طول ...شذى انقهرت من حركته خذت التليفون واتصلت بحور تحس ما فيها نوم من زمان خبرها فيها اخير مره كلمتها بيوم عرسها ... حور ردت بكل وله:شذوووووووووووووووووووووي شذى:حوروه شلونج؟ حور:تمام انتي شلونج يالقاطعه؟ شذى بضيق:الحمدالله على كل حال حور حست من صوتها مضايقه:شفيج شذى؟ شذى:ابد ما فيني شي انتي شلونج شمسويه؟ حور براحه:مرتاحه يا شذى مستانسه خالد مو مقصر معاي شذى دمعت عينها:الحمدالله يا حور انتي تستاهلين كل خير حور:الحمدالله ما توقعته جذي ...احبه شذى شذى:الله يخليه لج أن شاء الله حور:آمين..انتي شلون حبيب القلب؟ شذى باستهزاء تناظره:حبيب القلب !! خليها على الله حور:ليش شذى مو مرتاحه شذى بندم:متحسفه يا حور على كل لسويته... طلال واحد ثاني مو اهو طلال حبيبي حور :ما عليه يا شذى مع الايام بيتغير شذى تصيح:ساعات يا حور احسه واحد ثاني عصبي وما يستحمل مني أي كلمه ما يبي حتى يشوفني ويسمعني كلام يسم البدن ..وساعات يصير واحد ثاني طلال الرومانسي الحنون لضحيت بنفسي عشانه حور:من عمره طلال مزاجي يا شذى لازم تتعودين عليه شذى:مليت مليت حور:ما عليه حبيبتي انتي لبغيتي هالشي لازم تستحملين شذى :الله يعين..تدرين اني بدبي حور:صج ..ويا طلال؟ شذى بقهر:جان زين...سفرة اهل جماعيه حور مستغربه:حلا وياكم؟ شذى :اييه الله ياخذها حور :لا تدعين على حلا ما تستاهل شذى:اهي سبب لفيه طلال حور تغير الموضوع:وقاعدين لمتى؟ شذى:اليوم أول ليله لنا 3 ايام وبنرجع حور:ايي منها تغيرين جو حاولي تتقربين من طلال اكثر شذى بقهر:اهو قريب مني بالشكل بس اما عقله وروحه كله مع هالحلا حور :لا تلومينه يا شذى مهما كان هذي بنت عمه ولا تنسين قبل شلون كان يسولف لنا عنها شذى باستهزاء:من صجج انسى اصلا انا من قبل لا اعرفها كنت اكرهها كان دوم يمدحها ويتكلم عنها الظاهر كان حابها واهو ما يدري حور:ههههههههههه تغارين منها شذى تسن على ضروسها:انا مو بس اغار لو بيدي اذبحها حور:ههههههههههههههههه شذى صرخت:حوووووور لا تضحكين من صجي طلال قعد على صوتها والتفت عليها بعصبيه:وبعدين يعني نبي انام في احد يتكلم هالحزه شذى انصدمت من اسلوبه وخاصة أن حور سمعت ... حور ترقع:اوكي شذويه باجر اكلمج أن شاء الله شذى نزلت دمعه من عينها:اوكي ...باي راحت له :ممكن اعرف ليش تكلمني بهالاسلوب طلال حط مخده على راسه ما يبغى يسمع صوتها:..... شذى انقهرت منه وسحبت المخده:انا قاعد اكلمك طلال قعد عالسرير معصب:انتي وبعدين وياج شذى :ليش تعاملني جذي طلال:شذى ترا تعبان ومالي خلقج ابغى انام شذى :ترا مليت من اسلوبك ومزاجك طلال عصب:شوفي يا بنت الناس ترا اذا صحيت لج ماراح تعدي هالليله على خير خليني انام احسن لج شذى خافت ورجعت خطوه:نام نام دخلت الحمام وتمت تصيح على حالها ....طلال عوره قلبه عليها مو قادر ينام ((يا ربي زين جذي سويت بالبنت ..مو زين تبجي بالحمام )) وقف عند باب الحمام:شذى فتحي الباب ما في أي رد بس صوت شهقات متواصله:..... طلال حن لها:حبيبتي فجي الباب لا تسوين بنفسج جذي شذى تصيح:روح نام مالك شغل فيني طلال :شلون تبيني انام وانتي زعلانه علي شذى بصارخ:بس بس كافي تمثيل ترا لاعت جبدي طلال:شذى حبيتبي ماله داعي للصراخ فتحي الباب شذى:ما ابي... روح نام احسن لك طلال بعناد:بتفتحين الباب ولا اكسره يعني شذى:ماراح افتح طلال تم يضغط يضغط يحاول يكسره بس اهي خافت وفتحته له شذى ويها مليان دموع:نعم شتبي طلال (يا ربي اسويت فيها):ليش كل هالبجي حياتي شذى ترفع صبعها بويها:لا تقول حياتي طلال يضمها لعنده ويمسح على شعرها:خلاص حياتي كافي بجي ادري غلطان سامحيني شذى تتمسك فيه وتمت تصيح:حرام عليك طلال انا احبك ليش تسوي فيني جذي طلال بهمس:اووشششش خلاص اهدي اللحين وتم يهدي فيها لما رضت وبعدها راحو نامو.... الكل قعد الصبح واتفقو انهم يتلاقون بمطعم الفندق تحت يتريقون يميع ... غرفة البنات امامه عيزت من حلا مو راضيه تقوم... امامه :حلوووي وبعدين يعني قومي حلا تحت الغطى:ابغى انام روحو امامه عارفه ليش ما تبي تروح عشان شذى:وبعدين يعني بتمين طول السفره جذي انفال خلصت لبس وقربت منهم:حلوي للحين ما قمتي حلا تشيل للحاف عنها:مالي خلق اروح انتو روحو امامه عصبت:ما يصير جذي حلوي ..احنا وياج حلا دمعت عينها:ما اقدر اشوفها وياه بمووت والله اموت امامه تلمها تخفف عليها:خلاص حلوي بس كافي بجي انفال بمرح:ترا حدي يوعانه ...بتقومون ولا انزل بروحي امامه:لا والله نطرينا ..يلا حلوي قومي حلا تمسح دموعها إلا صارت تنزل من غير لا تتحكم فيهم :لازم يعني؟ امامه تبتسم لها:لازم عشان تقهرينها ولا تخافين احنا وياج انفال تغمز لها:العصابه الثلاثه حلا:ههههههههه سويتو فيها عصابه واجرام امامه تسحبها:بلا هذره زايده ويلا جدامي بالمطعم كانت طاوله دائريه كبيره تكفيهم كلهم فيصل قعد واخذ كرسي جنبه لامامه ومشعل كان بيقعد فيه بس فيصل دزه ((هذا محجوز لحبيبتي)) تم يضحك .. وقعد بالكرسي لبعده بحيث تصير امامه بينهم ....طلال كان متردد ما يبي يقعد يم شذى عشان ما تزعل حلا بس كان غصب عليه يقعد يم فيصل وبعده شذى ..جلست جنبها نهى وبعدها فجر ..وصلو البنات القو السلام وقعدو بحيث انفال يم فجر ثم حلا ثم مشعل ثم امامه وتكتمل الدائره... فترة الصمت كانت سايده بين كل من حلا وطلال...الكل لاهي بالسوالف وطنش شذى ..بالاخير نهى تمت تسولف وياها ...اما طلال وحلا كل واحد منهم يخطف نظرات للثاني من غير لا يحس... قطع الصمت بينهم مشعل واهو يمسك بكوب الحليب:اموم امامه التفتت عليه:هلا مشعل يشرب ويرجع الكوب:بسج قرقه ويا فيصل واكلي فيصل:وانت شحارك مرتي وحلالي مشعل بغرور:وليش احتر؟ امامه تلتفت لفيصل:ما عليك منه ..ايي كمل وبعدين مشعل:ههههههههههههههههه حلا تساسر مشعل:وانت شعليك منهم ها مشعل بصوت واطي:ههههه بس ابي اطفر اموم حلا:هههههه عندك اياها طلال عينه عليهم شلون يتضحكون ويا بعض حس بنار بقلبه ..((معقوله اغار من مشعل ...آآآآآه يا حلا جفاج لي خلاني اغار حتى من نسمة الهوا )) نهى:انزين يا عيال وين تبون تروحون؟ فجر:خل نروح امارات مول فيصل :دوم تثبتين لي يا فجور انج اختي امامه:هههههههه ليش ؟ فيصل: لان اليوم مخططين نروح امارات مول مشعل:ها شرايكم في أي اعتراض؟ طلال:انا بالنسبه لي موافق انفال:انا وياكم امامه:وانا بعد وياكم شذى:انا ويا طلال حلا احترت من كلمتها حست بدمعه بتنزل بس مسكتها...التفت عليها مشعل بحنيه:وانتي يا ام ناصر؟ حلا :اممم قاطعتها امامه:بتجي غصبن عليها مشعل:وانتي شكو.؟ امامه بغرور:انا اكو يا خالي العزيز ريلها على ريلي حلا بمرح:خلاص سمعتها يا فيصل اهي لقالت ريلي على ريلها امامه ترقع :لا يعني قصدي اذا طلعنا كلنا يميع ..بس اذا انا وفيصل مالج امل تجين الكل:ههههههههههههههههههههههههه وصلو امارات مول فجر :يمه ابي اتسوق حق الجامعه امامه:انا بعد انفال:انا مالي خلق تونا واصلين فجر:المجمع كبير ابي افره كله حلا:ههههههه انا بتم وياج نفوله فيصل يكلم امامه:انا اجي معج امامه ما تبيه لان بتجهز لنفسها:لا حبيبي خلك ويا مشعل انا اخلص واجيك فيصل بوز:ليش ما تبيني؟ امامه توهقت وبصوت واطي:بجهز ملابس وجذي ما ابغيك تكون معي فيصل غمز لها:دام جذي اوكي ..ناقصج شي.؟ امامه:تسلم حبيبي مو ناقصني شي مشعل يقرب لهم:ها شقررتو؟ نهى:خلاص انا اروح مع البنات نتسوق فيصل:نفول تيون معانا انفال:وين؟ مشعل:انا اقول نقعد بكافيه بعدين نتمشى حلا:انا بجي وياكم شذى بصوت واطي:طلال ابي اتسوق طلال وعينه على حلا:روحي مع البنات شذى بحزن:ما ابي ..انت تعال معاي حبيبي طلال:شذى شسوي بالسوق انا خليني اروح اقعد وياهم وانتي روحي تسوقي ( بقلبه يبي يتم ويا حلا) شذى بدلع: يلا عاد طلولي لا تردني انقذت الموقف نهى نهى تقرب منهم:حبيبتي شذى ما تبين تيين معانا شذى:انا برو.. يقاطعها طلال:ايي خالتي تقول تبغى تتسوق نهى تبتسم لها:تعالي معانا حبيبتي طلال :روحي وياهم واي شي تبينه كلميني انا بكون ويا مشعل وفيصل شذى بقهر لان حلا بتكون وياهم ما عرفت شتقول:اوكي بعد ما راحو يتسوقون ...تمو انفال وفيصل ومشعل وطلال وحلا قعدو بكافيه فيصل:شتبون اطلب لكم انفال:انا بيي وياك مشعل:انا بروح الحمام وارجع اطلب لي موكا فيصل:اوكي ..وانت طلال؟ طلال:امم موكا مثل مشعل انفال:حلا شتبين تشربين؟ حلا:امممم طلال يقاطعها بابتسامه :طلبي لها لاتيه تحبه حلا رفعت عينها له وشافته يبتسم لها وردت بعناد:طلبي لي كابتشينو كرهت اللاتيه بعد ما راحو تمو حلا وطلال بروحهم وحلا لاستوعبت انها معه بروحها جيت بتقوم بس طلال مسكها من يدها وقعدها طلال:قعدي لا تروحين حلا تقعد وعينها بعيد:... طلال:شلون نصوري حلا:بخير طلال:وام نصوري حلا:تمام فترة صمت وتأمل من طلال لحلا... طلال يبي يكسر الصمت:من متى انتي تحبين الكابتشينو وتكرهين اللاتيه؟ حلا ترفع عينها له بغرور:من جم شهر كل شي احبه كرهته فهمها طلال ورد عليها بضيق:لي متى يا حلا؟ حلا لفت ويها لفيصل وانفال: لمدى الحياة طلال:شلي يرضيج؟ حلا:ولا شي طلال:اطلق شذى؟ حلا باستهزاء:لا تتوقع اني بعدها برجع لك طلال مل: يعني شتبين اسوي عشان ترضين علي اذبح عمري حلا :هم ما ينفع قطع عليهم هواشهم مشعل ... مشعل يقعد وحس أن الجو متكهرب: ها حلا تبين شي؟ حلا تبتسم له:لا مشكور طلال حس بقهر وغيره تبتسم لمشعل واهو لأ:اقول مشعل مشعل:هلا طلال بس كان يبي يقطع كلامهم مو عارف شيقول:بتدخلون قرية الثلج؟ مشعل:والله مادري اذا بتدخلون بدخل معاكم وصلو فيصل وانفال انفال تحط الصينيه على الطاوله وتقعد يم حلا: وهذا الكابتشينو لطلبتيه حلا تبتسم لها:تسلمين يا قلبي طلال يحس بغيره من أي احد..فيصل:هذا موكا يا طلال طلال وعينه للحين على حلا:مشكور فيصل:ولو مشعل:شلون الشغل اليديد انفال؟ انفال:والله وايد مرتاحه اذا خلصت تعال اشتغل معي بنفس الشركه مشعل:تصدقين شكله جذي فيصل يتقرطم: هالحمار قايل له حط لي معاه فانيلا ما حط طلال:مو مشكله ردها له فيصل يوقف: غصبن عليه ما احبها جذي حلا سرحانه تفكر بحالها ويا طلال..وطلال عينه ما فارقتها مشعل مراقبهم من يوم قعد ... مشعل:اقول طلال؟ طلال عينه مو قادره تفارقها:هلا مشعل:كلمت نوال؟ طلال:أن شاء الله أن ردينا الفندق مشعل:قولي عشان اكلمها حلا:مشعل مشعل:هلا حلا:أي صوب الحمام؟ مشعل يأشر لها :هناك حلا توقف:اوكي عن اذنكم انفال:حلوي ايي وياج حلا بحيا:لا شدعوه دقيقه راحت حلا لحمام ما كانت تقدر تستحمل تقعد ويا طلال بنفس المكان من غير لا تكلمه... طلال شوي واستأذن لحقها وقال أن بيروح يخلص شغله ويرد طلعت من الحمام لقت طلال واقف بويها ..جيت بتمشي وقفها طلال :حلا ابي اكلمج ضروري حلا :سوري ما اقدر طلال بصوت اعلى:حلا ارجوج ضروري حلا تشوف الناس حولها شلون يطالعونهم:انزين من غير صراخ طلال مسكها من يدها:امشي نروح كافيه ثاني حلا تسحب يدها:من غير لا تمسكني طلال وقف ناظرها بغضب من حركتها واهي ما اهتمت مشت عنه... قعدو بالكافيه والصمت بينهم...طلال طول المده عينه عليها واهي حاسه فيه بس متجاهلته وعينها على الناس لتمر جدامهم... واخيرا نطق:حبيبتي حلا غمضت عينها بحسره:مو لايق عليك التمثيل طلال عصب:ليش كله على بالج كلامي تمثيل حلا من غير اهتمام:لان هذا الصج طلال يقرب كرسيها منها:حلا انا احبج وادري اني غلطان وندمان ربج يغفر انتي ما تغفرين حلا :انت تشوف انك تستاهل الواحد يسامحك؟ طلال بكل الم:نسيتي كل لبينا يا حلا ...نسيتي الايام الحلوه ..انتي تدرين انتي شنو بنسبه لي يا حلا حلا نزلت دمعه من عينها:كنت يا طلال كنت طلال يشد على يدها:وما زلتي يا حلا حلا بتسحب يدها بس طلال شد اكثر:طلال ارجوك طلال:حلا انتي لارجوج انا متعذب بموت من بعدج عني مو قادر يا حلا ارجوج رحميني حلا (وانا بعد يا طلال متعذبه من بعدك عني) ردت بكل غرور:هالشي ما يهمني طلال:من متى ما كنت اهمج يا حلا؟ حلا:في غيري من يهتم فيك طلال :ما توصل لمستواج يا حلا ..انتي كل شي يا حلا بالنسبه لي ما تدرين شكثر اعاني من بعدج عني لا تتخلين عني حبيبتي لا تنسين حبنا اذا مو عشاني عشان حبنا يا حلا عشان ولدنا يعيش بينا حلا:للاسف يا طلال انت ما قدرت الحب لبينا واللحين جاي تطلب مني انا اقدر ..خلاص ما ينفع الكلام اللحين كل شي بينا انتهى .. طلال يقاطعها:حلا ارجوج سمعي حلا تقاطعه والكلمات تطلع منها بكل الم: شكثر عانيت عشان ارضيك وكنت دوم يا طلال اتعب واشقى عشان ترتاح صبرت عليك وايد يا طلال وايد خلاص انا اليوم نسيتك يا طلال كل شي بين انتهى طلال :كل هالكلام مو من قلبج ..حلا انا اكثر واحد عارف انا شنو بالنسبه لج لا تعاندين يا حلا لا تعاندين حبنا اكبر من جذي حلا بضعف:طلال ارجوك كافي كافي طلال يضغط عليها:لا يا حلا مو كافي مو كافي انتي تحبيني ومو قادره تستحملين تبعدين عني زود ..اذا تبين اطلق شذى من اللحين اطلقها بس ترجعين لي يا عمري حلا انهارات جدام الكل:حرام عليك مو كافي لسويته فيني ..ما ابغيك تطلقها طلقني انا وعيش معاها اهي طلال بعناد وصوت عالي شوي:اطلقج هالشي تنسينه يا حلا اموت ولا اطلقج حلا وقفت :عيل انسى اني ارجع لك طلال يوقفها:حلااا بلييز قعدي نتفاهم حلا تحقره وتمشي..طلال يوقف قبالها جدام الكل وبصوت عالي.. حلا:وخر عن طريجي طلال :احبج حلا احبج حلا تروح عنه ودموعها تنزل من غير وعي...قربت منهم انصدم مشعل يوم شافها... قام من كرسيه بسرعه وراح لها مشعل بخوف:حلا شفيج؟. حلا انهارت حطت يدها وغطت ويها وتصيح:ردني الفندق مشعل مشعل:خلاص اوكي انتي اهدي شوي حلا تشاهق:بلييز مشعل ردني اللحين انفال قربت منهم بخوف انفال:حلوي شفيج؟ مشعل:شكلها تعبانه شوي انا وياها بنرجع الفندق اذا سألو قولي حلا تعبت شوي انفال :اوكي...حلوي تبين ايي وياج حلا:لا انفال ما عليه برجع الغرفه ارتاح رجعو مشعل وحلا الفندق ..وطلال وصل بعد ما راحو طلال مستغرب :وين مشعل؟؟ فيصل:رجع الفندق طلال:ليش؟ انفال:حلا شوي تعبت طلال بغيره وقهر:واهو ليش راجع وياها فيصل استغرب من عصبيته:تبيها ترجع بروحها يعني طلال من غير أي وعي لكلامه:ماله داعي اهو يرجع وياها انا زوجها تجي تقول لي انفال تشوف فيصل :مادري عنهم طلال يضرب بيده على الطاوله بقهر ويمشي من غير أي كلمه... انفال :شفيه؟ فيصل (معقوله تغار من مشعل يا طلال):ما عليه تلقينه معصب انفال:شكله متهاوش ويا حلا فيصل:مالنا شغل فيهم..دقي على حبيبة قلبي شوفيها وينها اشتقت لها انفال:اففففففففف لوعت جبدي فيها فيصل يضربها عالخفيف:لا تقولين عن مرتي جذي انفال تمسك موبايلها :خلاص درينا يا اخي العزيز بعدها تلاقو كلهم بالكافيه رايحين مطعم يتغدون فيه ... وشذى لعيزت تدق على طلال طول ما هم يمشون ناحية المطاعم ما يرد عليها نهى:ها يا شذى شصار؟ شذى بحزن:ما يرد خالتي نهى:وين راح؟ امامه:انا ادق عليه اللحين شذى:عيزت وانا ادق ما يرد امامه بتجرحها:يمكن ما يبغى يرد عليج شذى انقهرت تكلمها جذي جدامهم:ليش أن شاء الله!!! امامه تبتسم لها:مادري سألي نفسج شذى تشد على اسنانها:امامه احترمي نفسج نهى حست بتصير هوشه:خلاص يا بنات شوفي شنو تبون تطلبون فجر:انا مشتهيه نروح حاتم الايراني اكله عجيييب انفال:وانتي شدراج؟ فجر:رفيجتي تقول اكله وايد حلو خاصة الكباب فيصل:شوقتيني فجور ...عاد انا مشتهي كباب امامه لاهيه تكلم طلال ...وشذى عينها عليها ومنقهره ليش طلال ما رد عليها ...سكرت امامه منه واهي تشوف شذى بكل نظرات كبرياء واستهزاء لان كلامها طلع صح نهى:ها يمه طلال وينه؟ امامه بتقهرها بأي طريقه:بالفندق خالتي مع حلا يقول تغدو فيصل:خلاص عيل خل نروح حاتم شذى انصدمت ((ويا حلا انا اعلمك يا طلال عشان جذي ما ترد علي ...)) بالفندق وصلت حلا ومشعل الفندق...وصلها مشعل لغرفتها وتطمن عليها وراح غرفته يرتاح...اما طلال بعد ما طلع من المجمع رجع الفندق واهو معصب ومفول من الغيره من مشعل.... راح لغرفة مشعل وفيصل وتم يطق الباب فتح له مشعل لكان نايم... مشعل مستغرب:طلووول!! شفيك؟ طلال معصب :وين حلا مشعل:بغرفتها بعد وين؟ طلال:ممكن اعرف ليش راد معاها الفندق مشعل مو مستحمل عصبيته: اجل تبغيني اخليها ترجع بروحها طلال:وانا مو زوجها ما تعرف تدق علي تقول لي مشعل يرفع حاجبه:شقصدك؟ طلال معصب:لو سمحت مرتي مالك شغل فيها مشعل يقرب له خطوه:وضح كلامك؟ طلال راجع كلامه وحس انه زودها شوي:.... مشعل عصب من كلامه:شوف يا طلال ..حلا قبل لا تكون زوجتك انت عارف اني اعتبرها اختي ويوم تزوجتها توقعت اني سلمتها لريال يصونها رحت جرحتها وما صنت الامانه واللحين ياي تتهمني... واهي يوم جرحتها ما لجئت إلا لي بعد ربها طلال مو عارف شيقول:انا انا... مشعل:للأسف يا طلال انت خسرت نفسك قبل لا تخسر حلا طلال:ارجوك مشعل كافي كافي انا تعبان تعبان محد حاس فيني مشعل:تعبان من شنو!!! مولازم تكون اسعد واحد بالكون خذيت شذى أول حب لك طلال:ما انفي يا مشعل اني احب شذى لكن حلا احبها بعدها عني بيذبحني ما اقدر يا مشعل حلا ما كانت قاسيه علي جذي مشعل يدخل الغرفه حس انه طلال متضايق وايد وقعد عالسرير :شلون تبيها تصير بعد لسويته فيها طلال يسكر الباب ويقعد بالكرسي قباله:ادري يا طلال بس حبها لي وين راح؟ مشعل بصدق:انت على بالك حلا تكرهك اللحين طلال:عيل لتسويه فيني شمعناته مشعل:المشكله يا طلال لو وحده غير حلا ممكن اصدق ..بس المسكينه حبها لك يزيد رغم لتسويه فيها... اهي تعاند قلبها ما تبي ترجع لك وترد تجرها انجرحت منك مره وهالشي بالنسبه لها كافي طلال:ماراح اجرحها يا مشعل بس خل ترجع لي مو راضيه تسمعني مو معطيتني فرصه اصلح فيها غلطتي مشعل:انت ما غلطت غلطه عاديه طلال بندم:ادري والله ادري مليت وانتو تقولون لي هالجمله مشعل:عيل حاول بطريقتك تراضيها طلال:تعبت يا مشعل تعبت ما في أي فايده مشعل:ما عليه حاول اذا تحبها وتبيها حاول بعد طلال ينفخ بالم:آآآآآآآه لو بس ترضى علي مشعل :صدقني يا طلال حلا مازالت تحبك بس انت جرحتها وان شاء الله مع الايام تسامحك طلال:قولي يا مشعل شسوي؟ مشعل:انت الوحيد لتعرف شلون تراضيها لحظة صمت بعدها تكلم:عندك مفتاح غرفتهم؟ مشعل استغرب من طلبه:لأ ..بس فيصل معاه واحد احتياط طلال:وينه؟ مشعل:ليش؟ طلال:ارجوك مشعل محتاج اتكلم معاها وادري انها ماراح تفتح لي باب الغرفه مشعل:لسويته فيها اليوم كافي ماراح اسمح لك تزعلها اكثر طلال تنرفز:انا عارف لبسويه يا مشعل ارجوك لا تعاند وعطني مفتاح الغرفه مشعل يناظره بتمعن:متأكد؟ طلال يبتسم له:في احد يأذي روحه راح جاب له مشعل المفتاح وقبل لا يعطيه:لا تنسى انها حلا يا طلال حلا لدوم واقفه وياك طلال: ما نسيت..ادعيلي مشعل مشعل يطقه على جتفه:موفق أن شاء الله ...الله يصلحكم لبعض وقف عند باب الغرفه اخذ نفس عميق وبعدها فتح الباب...كانت الغرفه ظلمه ما فيها غير فتحه صغيره داخل منها ضوء الشمس... قرب منها لقى الغرفه فاضيه ..التفت ناحية السرير شاف خصل من شعرها .. حلا كانت نايمه بملابسها الطلعه صاحت صاحت لما نامت بس فاصخه شيلتها قرب منها بكل شوق ولهان عليها على كل شي فيها.... قعد قبالها وتم يتاملها واهي نايمه بصمت...((آآآآآآآآآآآآآه يا حلا ليش تحرميني منج حبيبتي..)) تم يمسح على شعرها بكل هدوء ...نزلت دمعه من عينه ..مسحها وقرب منها باسها على يبهتها وابتعد عنها... حلا حست بحركه بالغرفه بس كانت غرقانه بحلمها حلا :وانا بعد احبك .. طلال تصنم مكانه ...راح لعندها مره ثانيه وقرب منها عشان يسمع شتقول.. حلا بكلام مقطع:ليش جذي...احبك ..كرهتك ..خنتني..ليش..احبك ..طلال..لا تروح...احبك طلال طلال استانس يوم سمع احبك طلال ((وانااا بعد احبج يا عمر طلال..يعني كل الي تسوينه عناد لي يا قلبي ..للحين تحبيني ..ماراح اتخلى عنج يا حلا)) قرب منها ومسك يدها وشد عليهم ...حست بجسم حار يضغط على يدها وانفاس شخص قريب منها ....نبضات قلبها زادت ... افتحت عينها بس ملامح الشخص مو واضحه جدامها.... حلا بخوف:منو.؟!! طلال من غير لا ينطق اخذ ايدنها وباسهم :... حلا عرفته وبصوت كله شوق وعذاب:طلاال طلال تم يبجي من سمع صوتها:عيونه حلا تفتح وتغمض عينها على بالها تحلم:انت طلال.ولا حلم!!؟ طلال يقرب منها ويبوس خدها:طلال حبيبتي طلال حلا تصيح لانها كانت تحلم فيه:ليش سويت فيني جذي ليش بعت حبنا بلحظه طلال:غلطان يالغاليه غلطان سامحيني حلا:بس لسويته فيني مو شويه طلال يفتح الابجور لجنبه عشان يقدر يشوفها :قلبج كبير حبيبتي سامحيني وانسي لصار حلا بعناد:لاااااااا لاااااااا مستحيييل طلال يحط صبعه على حلجها:اوشششششش ارجوج خليني بس قريب منج كفايه اسمع دقات قلبج لتقول عكس كلامج حلا تصيح:وخر طلال ..اترك ايدي طلال يشد عليهم:ارجوج على رحميني شوي حلا سكتت تحس اهي بعد ولهانه لوجوده ولهانه لحنانه...حس طلال انها هدت قرب من اذنها وساسرها طلال:احبج لو بتمين طول عمرج هاجرتني حلا دقات قلبها تزيد.... من زمان طلال ما كان قريب منها بهالشكل :.... طلال يسمع انفاسها السريعه:ليش عيل ترفضين اني اكون يمج حلا تحاول تسيطر على نفسها:طلال اطلع بره ارجوك طلال :خايفه تفقدين السيطره على نفسج؟ حلا تسحب يدها بالقوه:كافي طلال طلال:حلا انا ماراح اطلع اليوم إلا نلاقي حل لموضوعنا حلا:ماله حل غير الطلاق طلال لف ويها له بيده:هالشي يا حياتي تنسينه..انتي لي طول ما انا عايش حلا تشوفه ودموعها تنزل (آآآآآآه شكثر ولهانه لهالعيون..احبك يا طلال مهما سويت هالشي ما انكره يا عمري) طلال يشوف الحب بعيونها:ليش عيل

لسلاااااااااااااااااااااام عليكم شلوووووونكم شخبااااااااركم؟؟؟؟ ادري وااايد تأخرت عليكم سامحووووووني وبنزل لكم جزئين لاني تأخرت اتمنى يعجبكم الجزء 23 بيت فيصل نهى وفجر بالصاله يسولفون... فجر:يالله يمه نبي نسافر ملييت نهى:أن شاء الله اختج اليوم توصل بالسلامه ونفاتحها بموضوع السفر فجر بملل:ايي وبعدها تقولون بترجع لشغلها وما عندها اجازه نهى:خلاص يا فجر بلا حنه زايده بنسافر أن شاء الله كلنا يميع مثل ما قالج فيصل فجر طنقرت:بنشووف بديوانية بيت بو جاسم طلال:امممم انا ما اقدر اسافر وياكم فيصل انصدم:ليش!! طلال:باجر مسافر بريطانيا أن شاء الله فيصل استغرب:ليش؟.! طلال:بروح اجيب حلا فيصل كان عارف انها عند مشعل بعد ما قالت له امامه:منو بيروح وياك؟ طلال:انا بروحي فيصل يرجع شعره لوره:اممم تبي عيل نأجلها بعد ما ترجع ويا حلا ونروح كلنا؟. طلال ابتسم له برضى:خوش فكره فيصل:خلاص ناد لي اختك خل نمشي تأخرنا على نفول طلال يغمز له :انفال باقي على طيارتها 3 ساعات فيصل:احم احم بعد بطلع مع مرتي قبل فيها شي طلال:ههههههه لا ما فيها شي بس مره ثانيه لا تقعد تألف فوق راسي لاني فاهم لك فيصل انحرج:أن شاء الله عمي طلال:ههههه لا تطنز ولا ماراح اناديها لك فيصل:يلعن ابو المذله روح ناد اختك طلال يقوم:ههههههههه بريطانيا حور تدخل الشقه :خلووووووودي خالد بالمطبخ اليوم الدور عليه بالطبخ:اهني حياتي حور تروح له:السلام عليكم خالد يبوسها على خدها:وعليكم السلام على الحلوين حور تشوف الجدر:شطابخ لنا اليوم؟. خالد يغمز لها:عيش مشخول حور:ايي خالد:وصينية لحم حور:امممم احس من الريحه الاكل حده لذيذ خالد :يلا روحي غيري لبسج كلها دقايق ويجهز الاكل حور:ما تبي مساعده حبيبي؟ خالد:لا يا قلبي كل شي جاهز حور:اوكي دقايق اغير لبسي وارد خالد يغني واهو يطبخ:انا ناطر حبيبي..ترجع لي يا حبيبي شقة مشعل حلا ومشعل ما يدرون عن لصار بالكويت.... قاعدين يتغدون وكل واحد يفكر بهمه... حلا بعد صمت:اقول مشعل مشعل ياكل اللقمه لبيده:هممم حلا:كلمت اموم عن العرس مشعل:ايي للحين على امل انج تحضرينه حلا :يا ربي هالبنت عليها عناد عيزت وانا اقنعها مشعل:من حقها يا حلا حلا تغير الموضوع:امس وصلت حاله للمستشفى عورت قلبي مشعل:شلون؟ حلا:واحد خليجي قاعد يعبر الطريج ويا رفيجه وما سمع رفيجه واهو يوقفه لان باص جاي من بعيد وسايق الباص كان سكران وما انتبه له وطيره مشعل:اففففف واصار فيه حلا بضيق:ماكو بعد شبيكون مصيره يا مشعل ارتجاج بالمخ وغير الكسور والبلاوي ما تم ساعتين وتوفى مشعل:لا حول ولا قوة إلا بالله الله يرحمه حلا:كسر خاطري رفيجه منهار..مات جدام عينه مشعل:الله يعينه...صعب اذا فقدت انسان غالي عليك حلا تذكرت ابوها ودمعت عينها:الله يرحمه مشعل فهمها :الله يرحمه...حلا حلا تمسح دمعتها:هلا مشعل بحنان:ما سألتج شلون نصوري اليوم؟ حلا تبتسم له:يسلم عليك مشعل:هههههههههه الله يسلمه بيت فيصل بعد ما خذو انفال من المطار رجعو البيت ...كانت نهى وفجر باستقبالهم... نهى تحضنها بوله:حمدالله على سلامتج يالغاليه انفال دمعت عينها:الله يسلمج يمه فجر:نفوووووووول ولهت عليج انفال تحضنها:وانا اكثر حياتي فيصل:بنتم واقفين خل ندخل قعدو كلهم بالصاله وبعدها جت نوال تسلم على انفال... فجر:ها نفوووول شلون لندن؟ انفال:اممم حلوه فجر:عشتو حلوه يعني مو عاجبتج انفال:لا يعني مو ذاك الزود فجر تنرفزت:يحصل لج ....انتي متعوده على حر الكويت انفال:يا حلاة الكويت و جوها حتى اذا كان حر غير نهى:وانتي الصاجه يا انفال مافي على الكويت نوال:شلون مشعل يا انفال؟ انفال:الحمدالله خالتي وصاني اسلم عليكم كلكم الكل:الله يسلمه بجهه ثانيه فيصل وامامه يتناقشون بموضوع ثاني ..قاعدين بقنفه لشخصين جنب بعض فيصل:طلال بيروح لها عقب باجر امامه بخوف:الله يستر يا فيصل ابوي مو ناوي خير فيصل:يعني شبيسوي اذا رفضت؟ امامه:ابوي يسوي أي شي عشان ينفذ لبراسه فيصل يطمنها: لا تحاتين حياتي هذي بنت اخوه مهما صار ماراح يسوي شي يزعلها امامه ضحكت باستهزاء:ههههه للحين ما عرفت ابوي عدل يا فيصل بالجهه الثانيه نوال :إلا اقول انفال انفال كانت تسولف ويا فجر التفتت عليها:هلا خالتي نوال تتشره :ليه ما قلتي لنا أن حلا في بريطانيا امامه وفيصل التفتو عليهم ....نهى وفجر انصدمو!!!! نهى:شنو!! انفال نزلت راسها:سامحيني خالتي بس هذي كانت رغبة حلا نهى:ليش ما قلتي لنا فيصل يتدخل:الله يهديكم اهي شعليها حلا لطلبت منها جذي امامه:الموضوع صار وانتهى ماله داعي تأنبون انفال اللحين نوال للحين معصبه عليها ليش ما قالت لها:انتي تسكتين احسن لج امامه انحرجت جدامهم ووقفت:عن اذنكم راحت بره للحديقه تنرفزت من اسلوب كلام امها لها.... فيصل يوقف :عن اذنكم انفال تلتفت على فجر انهم يصعدون غرفتهم...وبقى نهى ونوال بالصاله بروحهم نهى تأنبها:ما كان لازم تكلمينها جذي الله يهديج يا نوال نوال حست انها غلطت:شسوي يا نهى كانت تعرف وما خبرتني وانا قلبي كان يتقطع على حلا نهى:الحمدالله انها كانت عند مشعل يعني بآمان نوال تبتسم لها:هالشي لريحني أول ما عرفت بالحديقه قاعده على طرف الدري ودموعها تنزل ببطئ ...حست بيد حنونه على جتفها رفعت راسها له كان فيصل ....مسحت دموعها وابتسمت له ...مسك يدها بحنان وجلس يمها... فيصل :ما عليه حياتي هذي امج امامه تميل راسها على جتفه: عادي تعودت عليهم فيصل يبوس راسها:شرايج نتعشى بره ويا نفوله وفجوره امامه ترفع راسها له:خوش فكره خل اروح اقول للبنات فيصل يوقفها:كل يوم احمد ربي أن حطج بدربي وصرتي من نصيبي مادري شكنت بسوي لو كنتي رافضتني امامه تروح له:اموت ولا ارفضك فيصل يغمز لها:يعني تحبيني؟ امامه:فيصل في احد قالك من قبل أن فيك درجة غباء عجيبه؟ فيصل باستهبال:هههه صج محد قالي امامه تروح عنه:انادي خواتك احسن لي أول ما دخلت لازم تمر على الصاله قبل بعدها يجي الدري للدور الثاني....وقفتها نوال :امامه امامه توقف وتاخذ لها نفس:نعم نوال:وين رايحه؟ امامه:بنادي البنات فيصل بيعشينا بره نهى بغشمره:يعني ما تبونا نيي وياكم امامه:افا خالتي شالكلام اذا تبون تجون حياكم الله نهى:ههههه لا حبيبتي اخذو راحتكم روحو غيرو جو امامه:تسلمين خالتي راحت للبنات الغرفه دخلت عليهم فجأه.... امامه:بوووووووووووووووووووووووووووووووووه انفال وفجر انقزو من عالسرير:يمه امامه تروح تقعد وياهم:ههههههههههههههههه انفال:انتي ما تعرفين الذرابه امامه:هههههه لا والله ما حصل لي الشرف انفال تضربها:ههههه بايخه فجر:اموم شوفي نفول الخايسه تقول تستحي تسافر ويانا امامه:مو بكيفها اصلا غصب عنها انفال بجد:لا صج اموم استحي فشله امامه انقهرت:شنو الفشله اللحين....كلنا بنكون موجودين وان شاء الله حلوي ويانا فجر:وااااااااااو بيصير وناسه أن شاء الله امامه:انزين خلونا من هالموضوع ...فصولي يقول لكم نروح نتعشى كلنا يميع بره فجر تنقز من الوناسه:يس يس يسلم لي اخوي الغالي امامه بغيره:هي انتي لا تقولين جذي جدامي انفال:هههههههههههههههه طالع هذي تغار من اخته دخل فيصل بهاللحظه... وراح قعد يم امامه فيصل:فديت ليغارون علي امامه استحت من خواته وبصوت واطي:بس حبيبي مو جدامهم فجر:هههههههههههههههه امامه تضربها بالمخده:بس انتي سكتي لا تضحكين فجر:ههههه انزين ههههههههه انفال:وين بتعشينا ؟ فيصل:لتبونه فجر:انا مشتهيه اكل ايطالي انفال:واااااااي انا مليت من جذي ودوني مغل محل امامه:واااااو تدرين انه مطعمي المفضل انفال تغمز لها:افا عليج فجر عصبت:لا والله تتفقون علي..فيصل مالك شغل فيهم نبي ايطالي فيصل:للأسف لازم نسوي تصويت والاكثر اهو الرابح ...منو يبي مغل محل؟!! انفال وامامه رفعو يدهم:اناااا فيصل:منو يبي ايطالي؟!! فجر رفعت ايدها :اناااااااااا امامه:احنا اكثر ربحنا فجر:فيصل ما يصير ..انت تبي أي مطعم؟!! فيصل :اممممممم فجر تشوفه بنظرات تكسر خاطره... فيصل:ههههههه سوري فجوره بس لازم اكون بصف حبيبتي امامه ترفع يدها بنصر:يعيش فيصل انفال وفيصل:ههههههههههههههههههه فجر انقهرت:قطيعه تقطعكم ....خلاص بس بعد ما نخلص توديني باسكن روبنز فيصل:افا عليج من عيوني جم فجوره عندي انا فجر بدلع:ايي كلام بس؟... اموم خربتك علي امامه تشهق:اناااااااا !!! فيصل يقرب امامه له بيده:هذي ما تفرقني عنكم..دوم توصيني عليكم الله يخليها لي حياتي من غيرها ما تسوى امامه:انا الي حياتي من غيرك ولا شي انفال:بس تكفون لا تبدون لانكم ماراح تخلصون فيصل وامامه:هههههههههههههههههههه بيت جاسم بعد يومين...قعد طلال من النوم واهو حاس انه اسعد انسان بالدنيا بيروح لحلا (( واخييرااااااا يا حلا واخير يا قلبي بشوفج ..آآآآآآآه يا حلا يا ترا نفس ما انتي ولا لصار غيرج علي ؟!!)) قطعت عليه تفكيره شذى واهي متنرفزه حدها أن حلا بترجع للبيت بعد ما حست أنها كسبت طلال بدا ينسى حلا ويتأقلم وياها... شذى:طلال طلال بابتسامه:هلا شذى انقهرت واهي تشوفه شلون مستانس:لهالدرجه مستانس؟ طلال بعفويه:شلون ما استانس وانا بشوف حلا شذى انقهرت:طلال لو سمحت احترم وجودي طلال بعدم مبالاة:انتي لسألتيني شذى:افففف...انزين جم يوم بتقعد؟ طلال يعدل غترته:لما ترجع معي حلا على حسب الظروف شذى بأمل:واذا رفضت؟! طلال يبتسم لها:بترجع غصب عنها بعد ما لقيتها ماراح اخليها شذى انقهرت من كلامه وخذت مفتاح سيارتها وراحت لبيت امها ...واهو طلع للمطار بعد ما نزل وسلم على امه وابوه وامامه والكل وصاه على حلا .... فيصل كان معه بالطريج يوصله للمطار... بسيارة فيصل طلال:والله يا فيصل ما كان له معنى تكلف على عمرك فيصل يبتسم له:افا يالنسيب شالكلام ما فيها كلافه طلال:تسلم ما قصرت فيصل:طلال طلال:هلا فيصل:ما عليه يا خوك انا اعتبر نفسي واحد منكم وفيكم واخوك الصغير طلال:ههههه الصغير عاد شايفني شكبري انا ...افا عليك يا فيصل انت تمون وانت واحد منا وفينا آمرني فيصل:احكم الامور بعقلانيه وكثر ما تقدر تمالك اعصابك لا تتوقع بسهوله بترجع لك طلال سكت ثواني يفكر بكلامه(آآآآآه يا فيصل شلون يكون كلامك اذا عرفت الحقيقه ليش اهي رافضه ترد لي ماراح تلومها)) فيصل:طلال وياي؟! طلال يلتفت عليه:أن شاء الله فيصل يشد على يده:الله يوفقك يا رب بيت بو شذى ام شذى:وبعدين شبتسوين؟ شذى بقهر:مادري يمه مادري مصيبه اذا رجعت معاه اكيد بيطلقني ام شذى:ويه وييييه لا أن شاء الله لا تقولين جذي...انتي لازم تشدين حيلج وتربطينه بياهل شذى:مادري يا يمه مادري ام شذى بمكر:لا تحاتين شي ..باجر أن شاء الله نروح طبيبة امراض نساء ونتأكد شقة احمد من بعد اخير مره شافها يوم رفضت ترجع له وخبرته انها بتسافر لمكه شهر كامل ... واهو قليل ما يطلع من البيت إلا للشغل وشغلات الضروريه.... قاعد بالصاله وباله مع غنيمه ...وفهد يشوف بباي ويلعب بسيارة ريموت.... فهد يلتفت لاحمد:بابا بابا احمد كان سرحان مو معه:.... فهد بدا يصيح:بابا بابا احمد:هلا حبيبي فهد:بابا شوف هذا ما يشتغل احمد ينزل لمستواه:يمكن خلصت البطاريه حبيبي فهد يصيح:ابي العب بابا احمد:خلاص حبيبي لا تبجي اللحين اروح اشتري لك بطاريه وتصير اقوى سياره فهد يضحك بفرح:ونااااااااااااسه يصير عندي سياره سريعه احمد يحضنه:يا قلبي انت ...بابا يحبك وااااااايد فهد يشد على ابوه :انا بعد بابا واااااااااااايد احبك بريطانيا وصل طلال بريطانيا ومحد عنده خبر من حلا وطلال بعد ما طلب منهم جاسم هالشي من الكل....عشان يضمن وجود حلا عند مشعل من غير لا تغير مكانها .... كانت حلا بالمستشفى ..ومشعل كان بالشقه يدرس... رن جرس الباب ..شاف ساعته استغرب ((حلا تو الناس على رجوعها!!!))... راح فتح الباب ...وقف بصدمه يا ترا لجدامه صج :طلااااااااااااااااااااااااااااااااااااااال!!!!! طلال يبتسم له:مشعلووووووه مشعل يحضنه:شلونك يالخايس طلال:تمام حدي ولهااااان عليك شلونك يا مشعل شخبارك مشعل:الحمدالله...حياك تفضل داخل طلال يدخل معه ويفسخ جاكيته:برد الجو بره مشعل يفتح الدفايه:ايي هالايام الجو بارد طلال:شلونك يا مشعل شخبارك؟ مشعل للحين منصدم من وجوده راح قعد يمه:الحمدالله ...ليش ما خبرتني انك جاي عندي طلال يغمز له:حبيت اسويها لكم مفاجأه مشعل يبلع ريجه:منو احنا؟ طلال بضيق:انت وحلا يا مشعل مشعل انصدم:حلا!!! طلال بعتب:طول الايام عندك وما تقول لي يا مشعل مشعل بجد:اتوقع انت عارف ليش ما قلت لك وهالشي من حقها طلال تنرفز:هذي مرتي يا مشعل ولا نسيت مشعل:انا ما نسيت انت الظاهر لنسيت طلال عصب:مشعل ارجوك قطع عليهم الخناق ...دخول حلا عليهم واهي شايله بيدها اكياس من السوبر ماركت وتنادي على مشعل من غير لا تشوف الصاله حلا:مشعل تعااااااال ساعدني مشعل وطلال وقفو بصمت....طلال يشوفها يتاملها ((آآآآآآآه يا قلبي يوم عن يوم جمالج يزيد ...شكثر انا ولهان عليج )) حلا التفتت تدور مشعل...انصدمت يوم شافت لواقف جنبه ...طاحت منها الاكياس لبيدها حلا تغمض عينها وترد تفتحهم بصدمه قربت منه وقفت قباله مدت يدها بخوف يدها ترجف مهي قادره تستوعب ليصير ..مد يده لها وحطها على ويهه رجفت يدها من حرارة جسمه لوصلت لها ...ابتعدت بقوه بعد ما تأكدت فعلا انه طلال ...وركضت لغرفتها من غير أي كلمه طلال جيه بيحلقها وقفه مشعل من يده:ليش جيت يا طلال؟ طلال التفت عليه بعصبيه:جاي حق مرتي يا مشعل مشعل:طلال لا تفكر تجرحها مره ثانيه طلال ناظره بالم وراح لها الغرفه....حط يده عالباب وحمد ربه انها ما قفلته....لقاها راميه نفسها عالسرير تبجي بشكل يعور القلب طلال راح لها وقف يمها واهي منسدحه عالسرير:حلا حلا تغمض عينها صوته صارت تكرهه تحس بجرح كبير بقلبها أن سمعت صوته :..... طلال ينزل لمستواه عالسرير:ولهت عليج حلا ((لا لا لا تضعفين يا حلا)):.... طلال بكل شوق :ما وحشتج ؟ حلا نزلت دمعه من عينها:..... طلال يقرب ويساسرها من اذنها :حلا لا تسكتين قولي أي شي حلا جمعت قوتها وقامت من السرير واهو وقف وراحت وقفت قباله واهي ودها تصرخ بويها لكن كل لكانت بتسويه تلاشى يوم شافته ((آآآآآآآآآآه شكثر ولهانه عليك يا حبيبي طالع شلون ضعفت آآآآآآآه جان زين اقدر ارمي نفسي بأحضانك...)) كانت تتأمله من غير شعور تحس انها ولهانه له ولهانه لحضنه ولهانه لحبه طلال حس فيها ومن غير أي تردد ضمها لعنده بشده :سامحيني يالغاليه وربي بعدج عني جنني حلا خلاص لو بيدها تقول مسامحتك وبنسى كل شي بس خلني دوم بحضنك ...كرامتها ما سمحت لها عقلها عاند قلبها وابتعدت عنه بكل كره حلا:بكل سهوله تبيني اسامحك طلال يدري اقناعها صعب:ادري اني غلطان يا حلا وربي ادري أني ما استاهل حتى انج تسامحيني حلا تقاطعه بضحكة استهزاء:ههه اعترفت بنفسك طلال أول مره يشوفها بهالقسوه:حلا حبيبتي انا طلال حلا تناظره بعيونه ولفت الجهه الثانيه جذي بتتنازل على كل شي حلا:تغيرت !!! انت لجبرتني اصير جذي طلال يروح لها ويمسك يدها:سامحيني حبيبتي اوعدج يتصلح كل شي حلا تسحب يدها:شلون بيتصلح يا طلال ؟؟!! انت جرحت قلبي وهالجرح ماراح يبرا طول عمري طلال بتفاؤل:هالكلام من ورا قلبج ادري حلا:لا تصير واثق يا طلال لان حلا لقبل غير عن اللحين طلال :حلا ارجوج سامحيني حلا لا تخلين هالشي البسيط يهدم كل لبينا حلا تضحك من بين دموعها:هههه بسيط ههه هالشي بسيط يا طلال كل لسويته تعتبره بسيط طلال يوضح كلامه:قصدي أن ما يسوى نهدم حياتنا عشان هالموضوع كل شي ممكن يتصلح حلا تناظره بكل حزن:للاسف طلال لسويته فيني لا يمكن يكون بسيط بالنسبه لي طلال:حلا ارجوج لا تفسرين كلامي غلط حلا خلاص دموعها ما قامت تتحكم فيهم:لو كنت متزوجها يا طلال اهون علي بمليون مره اني اني اشوفها معك بال.. طلال يقاطعها بألم:خلاص يا حلا كافي كافي حلا توقف بويها:يجرحك يا طلال يجرحك ما فكرت شكثر جرحني طلال:حلا احنا كنا ناوين نتزوج على سنة الله ورسوله حلا تحس جرحها رد ينزف:ليه ليه ؟؟؟ انا سويت شلي قصرت فيه؟.؟؟ عطيتك كل شي يا طلال كل شي طلال :ادري يا حلا وربي ادري حلا تصارخ:ليش عيل ليش ليش؟؟؟ طلال يهديها:حبيبتي لا تعصبين هدي شوي حلا بصوت اعلى :لاااا تقول لي حبيبتي انا مو حبيبتك شذى حبيبتك طلال يروح لها ويمسكها من كتفها:انتي حبيبتي يا حلا انتي بعد احبج حلا تحس بضعف مو قادره تتخلص من ايده واهو شاد عليها:دامك تحبها يا طلال ليش تزوجتني !! عشان تعذبني طلال:زواجنا صار يا حلا ومن حقي اتزوج الشرع حلل اربع حلا تبجي:اذا كنت مقصره بحقك ..عطني سبب واحد اقنعني اقنعني طلال مو عارف شيقول:...... حلا تبتعد عنه وتحذره بعينه:هذا آخر كلام بينا طلال يجدم خطوه: حبيبتي.. حلا تقاطعه بصراخ:مشعل مشعل طلال عصب:مشعل شكو اللحين انا زوجج حلا تبجي:انت مو زوجي زوجي مات مااات من زمان طلقني..طلقني ما ابيك دخل مشعل وشاف حالة حلا ..راح لها يهديها مشعل:حلا شفيج اهدي.. حلا تقعد على السرير:خل يطلع مشعل ما ابغى اشوفه خل يطلقني طلال بعصبيه:شنو اطلقج هالشي تنسينه مشعل:طلال ارجوك اطلع بره طلال انصدم من خاله:مشعل شالكلام مشعل بجديه:ما تشوف حالتها خلها اللحين بعدين نتفاهم حلا تصارخ:ما ابي اتفاهم خلاااص خل يطلقني طلال انصدم من موقف مشعل:مشعل شفيك انا طلال ما يصير تعاملني جذي مشعل بنظره حازمه:انت غلطت وتستاهل ليصير لك حلا تبجي بصوت يقطع القلب تسمع مشعل شلون يكلم طلال وقلبها يعورها ما تبي علاقتهم تخترب بسبتها ما تبي تطلق تبيه ...تبي ترد له تبي تشوفه بعد هالغيبه ...بس ما تقدر كرامتها ما تسمح لها مشعل وقف اخذ طلال من يده وسحبه معه لبره ... طلال يسحب يده :من صجك انت !! مشعل:طلال ترا انا للحين ساكت و ما كلمتك بهالموضوع طلال :مشعل لا تنسى انها مرتي ولي الحق اكلمها مشعل:ودام تعرف انها مرتك ما فكرت بشعورها يوم سويت لسويته طلال يغير الموضوع:مالك حق يا مشعل تستر طول الفتره عليها واحنا قلبنا الدنيا عليها مشعل يضحك:هههههههههههههههه طلال تنرفز:ليش تضحك؟ مشعل:طول عمرك يا طلال تتهرب من المواجهه ... ما تبي تعترف انك غلطان طلال تم يناظره بصمت مو مصدق مشعل يكلمه جذي:.. مشعل :شوف يا طلال حلا يتيمه وانا اخوها مالها رجعه لك إلا برضاها طلال عصب: مو بكيفك يا مشعل مشعل قعد على القنفه:مطول في بريطانيا؟. طلال :لين ترجع معي حلا مشعل:لا تتفاؤل وايد يا طلال طلال :مشعل انت ليش تعاملني جذي بدل لا توقف معي وتصلح بينا تقوم تأيدها بلي تسويه مشعل:انا واقف جنبها لانها مظلومه يا طلال ويتيمه مالها احد طلال :يعني تظن اني يا مشعل اكرهها عشان اتعمد اجرحها مشعل بحزن:بس هذا لصار طلال :ليش يا ربي محد فاهمني يعني شسوي بقلبي اذا حب اثنين مشعل:تتزوجها يا طلال مو .. طلال يقاطعه:بس بس لا تكمل ..نقطة ضعف ..كل انسان يغلط مشعل:غلطه عن غلطه تفرق يا طلال انت جرحت حلا وصعب ترضى بسهوله طلال نزلت دمعة قهر من عينه:احبها يا مشعل ولهان عليها بشكل ما تتصور مشعل حاس فيه مهما كان هذا طلال حب يهون عليه:ما عليه يا طلال خلها تهدا جم يوم وان شاء الله يتصلح كل شي طلال يناظره بحزن: ما اتوقع يا مشعل اليوم شفت حلا غير..غيرعن كل مره غير عن حلا الي تحبني ودوم تدور رضاي مشعل يحط يده على جتفه :هونها يا طلال هونها وكل شي ينحل طلال : لا تخليني يا مشعل مشعل يبتسم له:بسوي كل لعلي مر يومين طلال سكن بفندق تنفيذ لرغبة مشعل عشان يخلي حلا تاخذ راحتها بالتفكير.... غرفة مشعل حلا:ماراح ارجع مشعل بضعف حيله:يا حلا هالشي مو بيدي جاسم يقول اذا ما رجعتي مع طلال بيجي بنفسه ياخذج حلا تبجي :ما ابي ما ابي مشعل قلبه يعوره على شكلها:حلا لا تصيحين صدقيني رجوعج له بيخفف عليج اشياء وايد حلا ترفع عينها مليانه دموع له:يخفف علي !!! الا يزيد الجرح لبقلبي ما اقدر يا مشعل ما اقدر ارجع له حلا نفسها لتزوجها مشعل :انزين انا عندي لج حل ممكن يريحج حلا تصيح:ما في شي يريحني غير الموت يا مشعل مشعل :ذكري ربج يا حلا شالكلام حلا تصيح:............ مشعل يجلس عالارض قبالها واهي على القنفه:حلا سمعيني حلا تناظره:...... مشعل :انتي رجعي معه بيتكم وان شاء الله مع الايام بتحنين له حلا :مشعل انت شتقول انت تدري شكثر انا فاقدته رغم لسواه فيني بس ما اقدر يا مشعل اصير ضعيفه جدامه مشعل بضيق:جاسم حالف يا حلا ان ما رجعتي باجر مع طلال بيجي بنفسه وبتصير مشكله حلا تصيح بصوت عالي وطلال لكان بالصاله يسمع صياحها قلبه تقطع عليها :لو ابوووووووووي حي محد سوى فيني جذي ..لو ابوي حي جان اخذ حقي منه مشعل يهديها:افا حلا شالكلام وانا اخوج وين رحت حلا:مشعل ارجوك ما ابي ارد له الله يخليك مشعل :ما اقدر يا حلا مالي أي حق اني امنعج منه ..جاسم سمعني كلام الله يهديه والله انه مو ناوي خير حلا تصيح :يعني خلاااااااص بعد كل لسواه فيني ارجع له مشعل ما عنده أي حل:......... حلا تبجي:وانا وانا مالي أي راي!!! ظلم ظلم مشعل:شسوي يا حلا الموضوع بيد جاسم مو بيدي حلا بصراخ :ما اقول الا حسبي الله عليه من عم مو كفايه جبر ابوي مو كفايه زوجني لولده غصب عنه...ما اكتفى انه كان بيسجن ابوي ياي بيكمل علي طلال انصدم من كلامها !!!!!!!!!!!!!!!!!!! حلا تكمليبيني ارجع بعد كل لصار يبيني ارجع حق واحد نذل خاني من غير لا اسوي له أي شي...عطيته كل شي حتى كليتي عطيته اياه مع اني دكتوره وعارفه شسمي ما يستحمل هالشي .... صدمه ثانيه على طلال!!!!!!!!!!!!!!!!! ((حلااااااااااااااااااااااااا اهي لمتبرعه لي بكليتها !!!)) غمض عينه بقهر وضرب بيده على الطاوله بقوه ((آآآآآآآآآآآآآآآآآآآآآآآآآه نذل حقييييييييير ما استحقها )) حلا بصراخ:وبعد كل هذا وكل لشفته منه تقولون لي ارجع له ..انا مو انسانه ما عندي كرامه ما احس ..مو كفايه خاني مشعل مو عارف شيقول لها كل كلامها صحيح:.... حلا تهزه من جتفه وصلت لحاله هستيريه:تكلم يا مشعل كلامي صح ولا لأ مشعل يناظرها واهي تهزه:........... حلا بجيها يزيد وقامت تضرب بريلها بالارض:ليش ليش ليش حرااااااااام والله حر ااااااااااام مشعل يشد على يدها عشان تصحى:حلاااااااااا خلاااااااااااص كافي بجي حلا من غير وعي رمت نفسها بحضنه تصيح محتاج لحنان احد:حرام مشعل ليسونه فيني ...انا احبه ليش سوى فيني جذي ليش... مشعل مو عارف شيسوي حضنها عالخفيف وبعد ما حس انها هدت بعدها عنه وابتسم لها:دامج تحبينه مع الايام بتسامحينه حلا حمر ويها من حركاتها حطت يدها على فمها بشهقه:انا ما ادري شلون.. انا مشعل فهمها وغير الموضوع وقف:واللحين روحي صلي لج ركعتين ورتبي اغراضج عشان ترجعين ويا طلال حلا وقفت تناظره بحزن:يعني ما في أي حل ثاني مشعل:للاسف يا حلا الا هالموضوع مو بيدي..بس انا وياج وماراح اتخلى عنج واذا سوى لج أي شي ثاني ماراح يلوم الا نفسه حلا تبتسم له:الله يخليك لي يا مشعل مشعل:سامحيني حلا بس مو بيدي شي حلا:انت سويت الي عليك واكثر...انا برجع له بالاسم من غير روح وجسد..حسبي الله على لكان السبب مشعل ابتسم لها:دام هالشي يريحج سويه حلا نزلت دمعه:عن اذنك مشعل يوقفها:حلا تلتفت له:.. مشعل:اخوج دوم موجود كلها جم شهر وراجع لج ان شاء الله ابتسمت له حلا وبعدها دخلت غرفتها ومشعل طلع لطلال بالصاله .... كان قاعد على القنفه ومنزل راسه وحاط يده على راسه ..مبين من شكله انه محتار بشي نادى عليه مشعل:طلال طلال فز من مكانه وقرب له:حلا اهي لمتبرعه لي ؟ مشعل يهز راسه بحزن:اييه طلال (صرخ بقلبه لااااااااااااا):ليش ما قلتو لي؟ مشعل يقعد بتعب:انا عرفت يوم جيت لي بريطانيا طلال يقعد يمه ودمعته على خده:آآآآآآه يا مشعل ندمان وكل يوم ندمي يزيد اكثر مشعل ما هان عليه شكله:ما عليه يا طلال كل انسان يخطأ طلال:بس انا غلطت بحق انسانه عمرها ما اخطأت بحقي...شلون قدرت اسوي فيها جذي مشعل يناظره بعتب:..... طلال:لي متى يا مشعل بتم تعاتبني بنظراتك؟ مشعل:انت تشوف انك ما تستحقها طلال وقف:كافي يا مشعل كافي رحموني مشعل يوقف معه :وحلا المسكينه منو بيرحمها مو كافي بترجع لك غصب عنها طلال:انا احبها يا مشعل وربي اوعدك اعوضها عن كل شي مشعل:انا طول عمري ما شفت حلا بهالحاله انت وصلتها لهالحاله يا طلال صعب انها تسامحك طلال مل من هالكلام :انا بروح وبرجع لها بعد ربع ساعه يا ليت تكون جاهزه مشعل بسخريه:طول عمرك ما تحب تواجه غلطك طلع من الشقه معصب وراح اخذ له سجاير وتم يدخن ... مشعل ما هان عليه حس ان وايد قسى عليه نزل يدوره لقاه يمشي ويدخن ...استغرب منه اول مره يشوف طلال يدخن معقوله حالته لي هالدرجه.... وقف وراه وسحب السجاره من حلجه...التفت طلال له مشعل بعتب:من متى يا طلال.؟ طلال بحزن:من يوم ما تركتني مشعل يرفع السيجاره بويها :وتظن هذي بتنسيك لصار طلال ينفخ بألم:آآآآه تخفف علي مشعل :ما اظن يا طلال..هذي تموتك عالبطيء طلال:ما يفرق عندي دام اهي تعاملني جذي مشعل تم يناظره واهو ساكت يشوف ملامح التعب على ويهه:.... طلال ناظره وعيونه مليانه حزن وندم وعتب على خاله ليش يعامله جذي اهو غلط بس كافي تجريح مشعل حس انه زودها معه وابتسم له:شرايك نروح نقعد بالكوفي شوب مالتنا طلال:جان زين احس محتاج قهوه بالكوفي شوب طلال وقف من الصدمه:حاااااااااااااااااااااامل!!!!!!!! مشعل:بالشهر الرابع وبتدش الخامس اظن طلال يقعد بقهر:ليش ما خبرتوني مشعل يشرب قهوته ويرجعها عالطاوله:ما كانت تبغيك تعرف طلال عصب:ما يصير يا مشعل هذا ولدي مثل ما اهو ولدها مشعل:هالشي راجع لها لا تكلمني عن هالموضوع مالي خص شكت لثواني بعدها ابتسم بفرح:يعني بصير ابو مشعل يبادله الابتسامه:أن شاء الله طلال :ما اصدق مشعل مشعل:هههههه لا صدق طلال يوقف :قوم خل نروح لها الشقه ما تدري شكثر كنا ننطر هاللحظه انا معاها مشعل يوقف:يالله مشينا وقف بنص الطريج ... مشعل:شفيك؟!!! طلال بضيق:تتوقع بتم فرحتها مثل ما كانت قبل مشعل ما فهم كلامه :شلون يعني!!! طلال يكمل طريجه:ابد ولا شي ..خل نرجع الشقه رجعو الكويت بعد ما ودعت حلا مشعل....وطلال حلف لمشعل انه ماراح يأذيها مره ثانيه ... بالطياره حلا طلبت من مشعل انه يحجز لها بعيد عن طلال بس طلال رفض هالشي وكان حاجز لهم والطياره فول ما في مجال تغيير... قعدت جنبه من غر أي كلمه من طلعو من الشقه ما نطقت معه بولا كلمه ...تمشي وراها واهو محترم سكوتها وساكت... طلال التفت عليها:مرتاحه جذي حلا اكتفت بهز راسها بنعم:..... طلال نفخ دليل على قلة الصبر بمعامله حلا له:..... بعد مرور 3 ساعات...حلا حست بتعب شوي قامت تبي توقف بتروح الحمام حست بدوخه وقعدت عالكرسي طلال مسك يدها بخوف:حلا شفيج؟ حلا تسحب يدها :لا تمسك ايدي مره ثانيه ضغطت على نفسها ووقفت وراحت الحمام ما تبي أي مساعده منه... ((أأأأأأأأأأأأه يا طلال يمي وما يفصل بينا شي وما اقدر حتى امسك يدك ....ولهانه لكل شي فيك يا طلال حتى ريحة عطرك نفسها ما تغيرت...يا ربي شلون بصبر على بعدك اكثر)) رجعت لمكانه واهي تحاول تتحكم بمشاعر الشوق لبتفضحها.... ابتسم لها طلال وعدل لها المخده لعالكرسي عشان تتسند عليها.. حلا من غير نفس:شكرا ماله داعي تعب عمرك طلال بكل حب:عمري كله فداج حلا لفت الجهه الثانيه وغمضت عينها بحسره ما تبيه يأثر عليها.... الكويت بيت بو حور قاعدين بالحديقه ويا الشباب يلعبون كره وحصه وبو حور يسولفون.... بو حور:تصدقين يا حصه حصه تصب له استكانة جاي:خير بو حور:احس حور مرتاحه ويا خالد حصه تبتسم له:الحمدالله...خالد ولد اختي ما عليه كلام بو حور:وانا اشهد حصه:شسويت على الموضوع لكلمتك فيه امس بو حور:انا اشوف ماله داعي حصه تنرفزت:شنو اهو لماله داعي قبل لا تبدي الدوامات نبي نسافر نغير جو بو حور:اخاف نشغل البنت عن دراستها حصه:ماراح نشغلها ....كلها 10 ايام بو حور :خليني اكلم البنت بالاول وبعدين نشوف حصه قامت معصبه:حتى واهي متزوجه مو مفتكين منها بيت جاسم نزلت شذى للعشى وكان فيصل عندهم....,سلمت على الكل وقعدت معهم بالطاوله... جاسم:شلونج حبيبتي شذى اللحين؟ شذى:الحمدالله عمي احسن من امس امامه تساسر فيصل:هذي وحده من خططها عشان ترجع طلال فييصل:ههههه اموم اجلي حشج فيها بعدين مو جدامهم جاسم حس بنته خربطت بشي:امامه امامه تلتفت له واهي للحين تضحك:هلا يبه جاسم بجد:كملي اكلج بلا هذره زايده امامه تشوف شذى واهي للحين تضحك:ههه أن شاء الله يبه شذى انقهرت منها بس سوت نفسها عادي وكملت اكلها.... بعد العشا قعدو كلهم بالصاله... نوال:يمه فيصل اصب لك حليب فيصل:تسلمين عمتي امامه تروح لها وتاخذ الكوب عنها:عنج يمه امامه تمد له الكوب:تفضل فيصل يغمز لها عالخفيف:مشكوره راحت قعدت يمه ..وشذى كانت بقنفه فرديه جنب قنفة امامه وفيصل ...وجاسم ونوال على قنفه لشخصين... فيصل:ها عمي شقلت على موضوع السفره؟ جاسم :والله يا ولدي يا فيصل مثل ما انت شايف حالتي صعبه علي اسافر معاكم ..والشغل ما يمشي من غيري انا او طلال فيصل :صح كلامك عمي جاسم يبتسم له:انتو حجزو وتوكلو على الله...وانتي يا ام طلال اذا بتروحين وياهم روحي نوال:ايش يوديني انا بجلس معك امامه:شعلييييك يبه شعليييييك ما تستغنى عنك نوال:اموم جاسم:هههه ولا انا استغنى عنها شذى:الله يخليكم لبعض امامه تساسر فيصل:نطقت الاستاذه فيصل:ههه اموم يوزي شذى كانت قريبه منهم وسمعتهم..وقفت معصبه:عن اذنكم بعد ما صعدت التفت جاسم لامامه:وبعدين معاج؟! امامه بكل براءه:شنو يبه!! جاسم:انتي تعرفين شنو امامه:ما سويت شي نوال تغير الموضوع:متى بتسافرون يا فيصل؟ فيصل:والله عمتي ما لقيت حجز إلا بعد 4 ايام نوال:يمديكم؟ فيصل:باجر أن شاء الله يرجعون حلا و طلال ويمدينا نجهز الجناط جاسم:على خير أن شاء الله تمو يسولفون بعدها استأذن جاسم يصعد لغرفته ولحقته نوال... امامه:انا ماراح اسافر فيصل انصدم:ليش؟!! امامه:فيصل عرسي بعد 3 اسابيع كيف تبيني اسافر؟! فيصل:حياتي ما عليه كلها 3 ايام السفره ماراح نطول امامه:صعبه فيصل ما اقدر فيصل :اموم حبيبتي انا هالسفره عشانج ابيج تغيرين جو امامه تبتسم لخوفه عليها:كفايه حياتي اليايه كلها معك هالشي يكفيني فيصل:لااااا اموم لا تحاولين تقنعيني امامه تغير الموضوع:انزبن وين لبيوديني يمشيني على البحر فيصل:افا عليج حاضرين للطيبين امامه توقف بنشاط:اوكي انطرني اغير لبسي عالسريع وارجع فيصل:كل شوق بانتظارك يا عزيزتي امامه واهي تصعد لغرفتها:ههههههههه بيت فيصل قعدت انفال من النوم واهي تحس انها عطشانه...هذي رابع مره تحلم بأن فواز يكلمها بس عمي ...ٌقلبها مقموت من كوابيسها.. غسلت وتوضت وصلت غيرت لبسها ونزلت تحت..لقت فيصل وامها يتفطرون.. انفال تبوس راس امها:صباح الخير الكل:صباح النور انفال تقعد يم فيصل:فيصل قاعد امبجر اليوم فيصل يبتسم لها:ايي ابي الحق عليج انفال:هههههه ليش شصاير؟. فيصل:ابيج تقنعين اموم تسافر ويانا مو راضيه انهى:ليش؟ فيصل:تقول ما يصير اسافر وياكم ويكون عرسي بعد اسبوع انفال:ههههههه نهى:ايي يمكن البنت تبي تجهز ترتب نفسها فيصل:ماراح يضرها 3 ايام يمه انفال:وانت يعني ما تقدر تسغنى 3 ايام فيصل:من صجج انتي انا 3 ساعات زين اقدر انفال:هههههههههه نهى:قنعيها يا انفال ولحقي على اخوج انفال تضرب يدها جهة صدرها بفخر:افا عليك يا فيصل ما طلبت شي اعتمد اموم مسافره ويانا فيصل يبوسها على راسها:تسلمين يالغاليه دوم اقول مالي غير نفول امامه بتسافر وياهم ؟!!! حلا شلون بتعامل طلال اذا رجعو الكويت.؟!! شذى بتوافق أن حلا تسافر وياهم ؟.!!! غنيمه بتغير رايها اذا عرفت قصة فهد ولد احمد؟!!

تسلمووووووووووووووون حبايبي والقصه ما صارت روعه الا بتواجدكم معاي من بداية قصتي ان شاء الله احاول انزل لكم بارت قبل العيد وان شاء الله يعجبكم

غاليتي دلوعه المغروره تسلمين على تواجدج معاي من بداية قصتي ... الحمدالله اعحبج هالجزء لا تنسيني بالجزء الياي

الله يعافيج حبيبتي غصون المحبه الحمدالله البارت اعجبج لا تحرميني من ردودج للاجزاء اليايه

سوري على التأخير حبايبي هذا الجزء ان شاء الله يعجبكم جزء 22 بريطانيا انفال منصدمه:حلااااااا حلا تلمها:نفووووووول ولهت عليج انفال تشد عليها:امبييييييه مو مصدقه حلووووووي انتي اهني حلا :ايي انفال :ترا مو فاهمه شي ..ليش انتي اهني !! ليش ما قلتي لهم الكل يدور عليج حلا تشوف مشعل :ما ابغى احد يعرف انفال حست فيها وابتسمت لها:تدرين ان لج وحشه حلا بفرح:وانتو اكثر ...شلون اموم وامج وخالتي نوال وكلكم؟ انفال:الحمدالله كلنا بخير ..واموم يا قلبي ميننه فيصل مو راضيه تسوي عرس الا بوجودج حلا ضاق خلقها:مشعل حاول فيها بس مصره انفال تقعد على القنفه:لي متى يا حلا بتمين بعيده حلا دمعت عينها وتمت تشوف مشعل مده :........ مشعل استأذن منهم وطلع ...عشان ياخذون راحتهم بالكلام انفال تمسك يدها:حلوووي حلا ترفع عينها لها:هلا انفال بحزن:لا تبجين حلا ما قدرت تستحمل اكثر شوفتها لانفال خلاها تحن للكويت وأهلها:ولهانه عليهم نفوول ما اقدر اصبر زود انفال:يا قلبي وشلي مصبرج ليش ما ترجعين حلا بتردد:ما اقدر انفال:يا حلا كلنا عارفين زواج طلال غلطه وانتي ما تستاهلين بس لعرفته من امامه ان ابوه جابره ولا ما كان يبي حلا ((آآآه يا نفول جان زين الموضوع جذي)):..... انفال ملت من سكوتها :حلا حلا انتهبت:وياج انفال:وين وياي الله يهديج سرحتي حلا :انفال طلبتج وانا ادري انج ماراح ترديني انفال :انتي تآمرين حلا :ما ابغى احد يعرف عن وجودي اهني ارجوج انفال:ما طلبتي شي يا حلا حلا براحه:كنت متوقعه ردج انفال:بس ممكن سؤال؟ حلا :تفضلي انفال:لي متى بتمين بالغربه؟ حلا :مادري يا انفال حاليا مادري عن شي ..بس مشعل وياي مو محتاجه شي انفال تبتسم لها:ما شاء الله عليه احسه حنون حلا تبادلها الابتسامه:حنون وبس ...اصلا ما تلقين مثله الله يرزقه في بنت الحلال (تغمز لها) انفال استغربت من حركتها:شقصدج يعني؟ حلا براءه:مو قصدي شي ..قومي نسوي لنا شي ناكله قبل لا يرجع مشعل انفال:اوكي يحوس بالشوارع وتفكيره كله بحبيبته حور ((آآآآآه يا حور لازم انساج يا قلبي ..بس شلون شلون !!!)) دخل سوبر ماركت ياخذ اغراض طلبتهم حلا ...وقف منصدم ((لييييييييش!! كل ما اقول انساج تطلعين لي يا حور ليش!!)) قرب منها وناسي العالم لحوله ...يحس محدغيرها موجود جدامه... بكل وله نادى عليها:حوره حور تجمدت مكانها ..غمضت عينها بشده ((لا لا ما ابي اتخيل )):.... مشعل وقف وراها ما بينه وبينها الا خطوه:حبيبتي حور ((لاا هذا مشعل مو حلم مو خيال)):وخر يا مشعل مشعل بحسره:حور طالعيني حور بعناد:مشعل روح مشعل ولهان على صوتها:آآآآه ليش حرمتيني منج ليش؟؟ حور نزلت دمعه على حالته:مشعل تكفى روح لا يشوفك خالد مشعل بحسره:زوجج حور التفتت عليه وبالم واهي تناظر عينه: ايي زوجي مشعل يبتسم لها:مرتاحه معه حور حور تبتسم له:اذا كنت تحبني يا مشعل اتمنى لي حياة سعيده وياه مشعل ينطق بصعوبه:اتمنى لج حياة سعيده وياها على حساب موتي حور تحاول تتماسك:مشعل حبنا خلاص لازم ينتهي انا تزوجت ومالي غير ريلي وانت بعد لازم تشوف حياتك مشعل ينظارها بكل حب:مالي حياة من بعدج حور ((لا لا لا تضعفين انتي على ذمة ريال ): مشعل ارجوك روح مشعل :خايفه يشوفج وياي حور تترجاه:الله يخليك لا تسوي لي مشاكل معاه خالد كان رايح مكان قريب من السوبر ماركت ...دخل من الباب يلتفت يدور على حور حور لاحظته من بعيد وابتعدت عن مشعل بسرعه:روح بلييز خالد وصل مشعل وده لو يروح يذبح هالخالد :... ابتعدت عنه حور وراحت لخالد واهي تتنفس بسرعه من الخوف خالد:ها حياتي خلصتي حور بخوف:خلاص خالد نيي باجر ما ابي شي خالد مستغرب من حالتها:شفيج حبيبتي ليش خايفه؟. حور تتمالك نفسها:ما فيني شي بس ابي ارد الشقه خالد يقرب منها:احد ضايقج حبيبتي؟ حور ترجف من الخوف:لا بس احس اني بردانه خالد يغمز لها ويسحبها لعنده ويضمها بالجاكيت:خل نرد شقتنا احسن.. لا تاخذين برد مشعل سمع كل الكلام ..ماسك دمعة قهر شد على ايده بكل قوته واهو يناظر حور بحضن خالد .. ((صرتي لغيري يا حور خلاص لغيري للابد )) من لي غيرك يا عمري لو بعدت ورحت عني لو تحس بس لفيني لحظه ما تتخلى عني نسيت اني اعشقك ولا تنسى اني بفقدك لحظة وداعك يا هي صعبه بالحيل صعبه بعد ما طبخو لهم عشا خفيف ..قعدو بالصاله ينتظرون مشعل حلا:متى تبدي دورتج؟ انفال:باجر ان شاء الله ابدي حلا:الله يوفقج..جم مدتها؟ انفال:شهر حلا بفرح:يس يس وناااسه شهر بتمين عندي انفال:هههههه الا انا لبستانس كنت احاتي اكون بروحي حلا:ههههههه اشوه اثنينا نونس بعض انفال:ومشعل يدرس الدكتوراه صح حلا:ايي ما بقى له شي ويخلص ان شاء الله انفال:الله يوفقه انفال مستغربه:حلوي حلا:هلا انفال تشوف بطنها:مو كأنج ماتنه شوي؟شالكرش حلا :هههه حرام عليج مو ماتنه انفال وخايفه من الي في بالها صح:لا تقولين حامل حلا بحزن تهز راسها بمعنى ايي :.... انفال تحط يدها على حلجها وتشهق :لاااا حلا دمعت عينها:شفتي حظي انفال كانت تمزح يوم قالت حامل :أي شهر؟ حلا:بدخل الثالث.. انفال تواسيه:حلا حبيبتي لازم ترجعين لطلال لازم تقولين له هذا ولده حلا بحزن:ما يستاهل اني اخبره انفال :مهما سوا حبيبتي يتم ولده لازم يعرف حلا :ادري يا انفال بس حاليا لأ ما اقدر ما اقدر انفال :خلاص لا تعصبين مو زين على الياهل حلا:اصلا انا مو معور قلبي غير ولدي بالموضوع بيشقى يحياته قبل لا يطلع انفال:لا تقولين جذي...لا تتشائمين كل شي يتصلح ان شاء الله حلا :ما اظن بيتصلح انفال:تفاؤلو بالخير تجدوه حلا :الله يسمع منج حلا تغير الموضوع:سولفي لي عنكم بعد ؟ انفال تتربع فوق القنفه:امم والله ماكو اموم وفيصل صايرين توم وجيري واحد يزعل والثاني يراضيه حلا:هههههههههههه ميمي ما تركت سوالف الدلع انفال:هههههههه هالشي مينن اخوي بيستخف من حركاتها ..ما عنده سيره غير سيرتها حلا:الله يتمم عليهم يا رب انفال:آمين حلا:وفجوره شلونها؟ انفال:قامت تسوق وبدت دوامها قبل سفرتي باسبوع حلا:الله يوفقها .وين اقبلوها؟ انفال:علوم اداريه هذي رغبتها حلا:ايي صح اذكر انها قالت لي تحب تخصص المحاسبه انفال:ايي الحمدالله اقبلوها حلا:تستاهل فجوره انفال :الله يسلمج...انتي شلون شغلج اهني؟ حلا:والله بالبدايه كنت شوي خايفه خاصة اذا كان دوامي بليل بس اللحين تعودت ومرتاحه انفال :الحمدالله قطع عليهم صوت الباب ...دخل مشعل واهو يتنحنح عشان حلا تتغطى ...لبست شيلتها اما انفال كانت لابستها ... كان متضايق حده ومعصب من الي شافه بالسوبر ماركت.... حلا تستقبله بابتسامه:طولت علينا مشعل كنا بنتعشى عنك.؟ مشعل من غير نفس يحط الكيس على الارض:عليكم بالعافيه تعشو...هذي الاغراض الي طلبتيها حلا مستغربه:ما قصرت مشعل : انا بدخل انام عن اذنكم انفال مستغربه:شفيه؟!! حلا حاسه فيه(اكيد شاف حور وريلها ):ما في شي بس تلقينه تعبان انفال توقف:اوكي عيل حلوي انا استأذن عشان انام باجر وراي لويه حلا :وين رايحه !! والعشى الي طبخناه ..قعدي تعشي معاي وبعدها روحي انفال:ههههه خلاص يالله بسرعه حلا تقوم:حدي يوعانه عاد انفال توقفها :ومشعل!!! حلا:شفيه؟ انفال:ينام من غير عشا؟ حلا تبتسم لها:لا تخافين برفع له انفال:اوكي حلا تغمز لها:... انفال انقهرت منها:شفيج انتي اليوم على الغمز حلا:هههههههههه ما فيني شي..بس مستانسه انج معاي مو مصدقه انفال:ههههههههههههه بعد مرور اسبوع ((غنيمه واحمد بعد الي صار بينهم ..غنيمه راحت لبيت اهلها ورافضه تشوفه او تسمع منه أي شي طول هالفتره...)) حاطه يدها على خدها سرحانه تفكر فيه ... رن موبايلها كانت امامه... غنيمه بتعب:الو امامه:قوه غنوم غنيمه:يقويج هلا والله امامه:هلا فيج ... شلونج؟ غنيمه بضيق:ما شي الحال امامه:ما غيرتي رايج غنيمه:ما اقدر اموم ما اقدر امامه:غنوم حبيبتي عطيه فرصه سمعيه غنيمه:امم انا بنفسي سمعته يقول بابا ما اقدر اسمع شي زود امامه:وبعدين يعني يا غنيمه غنيمه بدت تصيح:انطره يطلقني امامه عصبت:من صجج هذا حل غنيمه:ما اقدر ارجع له اموم ما اقدر امامه:اهلج شرايهم؟ غنيمه:ابوي بيسافر العمره شهر بروح معاه امامه:زين تسوين غيري جو الله يهديج وتغيرين رايج غنيمه :ما اتوقع امامه:الله يهديج... واحمد قلتي له غنيمه:ماله شغل فيني امامه تعدل شعرها :اوكي غنوم اخليج اللحين امي تنطرني تحت ..ديري بالج على نفسج غنيمه:ان شاء الله امامه:باي نزلت امامه الي كانت لابسه وجاهزه بيتغدون عند نهى اهي وامها وصلو البيت سلمو على بعض بعدها تغدو...صلو العصر قعدو بالصاله يشربون جاي نهى:والله قلبي بيتقطع عليها يا ام طلال نوال تصبرها:عارفه شعورج يوخيتي ..سألي امامه شلون كنت بستخف على طلال نهى بضيق:هذا ريال يا نوال ..بس البنت صعبه امامه:ان شاء الله باقي 3 اسابيع وترجع لا تحاتين خالتي يمرون بسرعه فجر تغير الموضوع:يلا عاد اموم لي متى نبي عرس ابي ارقص امامه :ما اقدر اسويه يا فجر الا بحضور حلا نوال:عيزت وانا اقنع فيها ابوها مو راضي على التأجيل اكثر نهى :يا بنتي حلا ماراح تزعل ان سويتيه بتزعل منج ليش اجلتي امامه ما تحب تناقش هالموضوع:ارجوكم خالتي يمه انا وفيصل متفقين على كل شي نوال تناظر نهى بضيق على حال بنتها ....الا بدخلة فيصل راح سلم على عمته وامه وبعدها قعد يم امامه فيصل :حيا الله من يانا انا اقول ليش البيت منور نوال :بوجودكم يا يمه فيصل بصوت واطي:شلون الحلوين امامه للحين زعلانه على الحركه لسواها فيها امس :مو زينين فيصل يقرب منها اكثر:افا ليش؟ امامه تبتعد وتروح تقعد يم امها :اقول يمه نوال ماسكه ضحكتها على خبال بنتها:خير يمه امامه تلتفت على خالتها:اقول خالتي نهى تشوف شكل فيصل شلون يناظر امامه:امري حبيبتي امامه:شرايكم خالتي نسافر الامارات يميع قبل لا ابدي دوام نهى:قدمتي اوراقج امامه:ايي خالتي بس دوامي بيبدي ان شاء الله بعد شهرين وقلت منهم تكون اجازة شهر العسل (التفتت على فيصل بهاللحظه واهو ابتسم لها بس تمت مبوزه ) فجر نقزت من مكانها:يس انتي احلى مرت اخو بالعالم امامه بغرور:احم احم نهى:والله خوش فكره بس انا لي راي امامه:شنو خالتي نهى:ننطر انفال ترجع ونروح كلنا يميع امامه :جذي حلو..ومشعل بيرجع بعد انفال بكم يوم نروح كلنا يميع نهى:ها نوال شرايج؟. نوال:والله الراي الاول ولاخير لابو طلال امامه:انا اقنعه يمه نهى :وانا على فيصل ...الشور بيده فيصل:الي تآمرين فيه يمه فجر:اقول اموم امامه تحاول تشغل نفسها بعيد عن نظرات فيصل لها:هممم فجر:تعرفين تستخدمين برنامج فوتو شوب امامه:ايي خذيت دوره فيه فجر:خوش عيل امشي نروح داري ابيج تعلميني عليه امامه تقوم:اوكي يوم وصلو الدري .. امامه:فجور انا بسوي لي كوفي واجي لج تبغين معاي؟ فجر:ايي والله ..المطبخ على يسارج امامه:ههههه شدعوه فجور ترا عرفت بيتكم فجر:هههههههههههههه راحت المطبخ تحضر لهم كوفي....واقفه ويدها على غلاية الماي الحار تنتظره يسخن..وبالها مع حلا (وييييينج يا حلااا!! ولهانه عليج )) انقزت من مكانها يوم سمعت صوته ...:تفكرين بمنو غيري امامه:.... فيصل بهمس:الحلوين زعلانين امامه حقرته:... فيصل يحوطها بيده من خصرها:ترا مو حلو عليج الدلع امامه انحرجت من حركته وابتعدت عنه:محد طلب رايك فيصل عرف انها صج زعلانه:امم القمر شلون يرضى؟ امامه تاخذ الماي وتحطه بالكوب ومتجاهله كلامه".... فيصل:امومه امامه:..... فيصل يطفرها:اماااااااااااامه امامه تكره اسمها بهالطريقه: لا تقول امامه فيصل يدري ان هالشي ينرفزها:ههههه شسوي بعد هذا اسمج امامه تلتفت عليه بنظره:بايخ فيصل بصدمه:افا انا فصولي حبيبج بايخ امامه بغرور:ومن قال انك حبيبي اصلا فيصل :عيل شنو؟ امامه تمسك الصينيه بيدها بتمر بس وقف قبالها:حالك حال أي واحد فيصل يناظرها بعيونه:من قلبج هالكلام امامه:اييه فيصل يرفع راسها بيده:اكيد امامه ابتسمت له:طبعا مو اكيد فيصل يقلب الدور له:توج قلتي اني مو حبيبج واني حال حال أي احد امامه:بس قلبي محد ملكه غيرك فيصل من داخله متشقق بس يبين العكس:لا تحاولين عرفت قيمتي عندج امامه ما تبغيه يزعل:افا فصولي حبيبي انت تعرف قدرك عندي من غير لا اقول فيصل يعطيها ظهره ويجتف يده:لا تحاولين الي بالقلب بالقلب امامه خافت صج زعل:من صجك فيصل فيصل يقلدها :لا تقولين لي فيصل امامه:ههههههههههههههههههههههههههههههههههههه فيصل يقرب لها:احبج امامه :وخر عني تاخرت على اختك فيصل يصرخ:يااا نااااس رحمووووووني بريطانيا اثنين يعيشون احلى لحظات عمرهم...صعب على الانسان ان حب لاول مره ان ينسى بسهوله ...بس خالد قدر يثبت العكس وبدا يدخل قلب حور وينسيها مشعل .... خلصت حور من دراستها وعزمها خالد على العشى بره ..تمو يسولفون ويضحكون وناسين العالم كله..خالد ما اوصف شعوره يحس انه بحلم حور جدامه وملكه وتتجاوب معاه ... سرح فيها لثواني وحور انحرجت من نظراته وانطقت واهي تشوف الحب الكبير بعيونه لها... حور:اقول خالد خالد يرفع عينه لها:عيونه حور منزله راسها بندم:سامحني خالد خالد مستغرب:على شنو؟ حور:على الي سويته فيك بزواجنا خالد يغمز لها:أي زواج فيهم ؟ حور تبتسم له :ما تخلي طبعك...عن زواجنا الاولي خالد يمسك يدها:احنا بشر يا حور مو غلط ان نتعلم من اخطائنا حور كبر بعينها:بس الي سويته فيك مو شويه خالد:تمونين يا حور جم حور عندي انا حوربدلع:امم وحده خالد:هههه وما في شك اصلا حور متردده: ودي اسالك بس تجاوبني بصراحه من غير أي مجامله خالد:سألي حياتي حور :اممم شلون اسألك خالد يشد على يدها يشجعها: سألي حبيبتي عادي..انا كلي لج اصلا حور سحبت يدها عالخفيف تبي تخفف الارتباك الي فيها:اممم خالد انت ليش تقدمت لي مره ثانيه؟ خالد كان حاس أن هذا سؤالها:تبين تعرفين ليش؟ حور :يا ليت وبكل صراحه خالد بابتسامه كبيره:لاني احبج احبج احبج حور انصدمت ما عرفت شتقول((ما كانت متوقعه يحبها بهالشكل)):....... خالد بكل صدق:هذا الصج يا حور حور بصعوبه تكلمت:من متى!!؟ خالد:من يوم عرفت أن بحياتي وحده اسمها حور حور دمعت عينها:كل هالمده خالد!!! خالد يهز راسه:ويوم عن يوم حبي لج يكبر حور :ليش ما صارحتني !!! خالد بحزن:ما كنتي تعطيني فرصه حور تبرر :انا انا.. خالد يقاطعها مبتسم:ما الومج يا حور الحب مو بالغصب...بس انتي كنتي ما تعطيني أي فرصه اتقرب منج ..كله تحطين في بالج ليش خالتي اهي حصه مرة ابوج معناته الكل بيعاملج مثلها حور :انت تعرفها خالد شلون تعاملني لا تلومني خالد:ما لمتج انا ..بس تدرين الومج على شنو؟ حور :ايي خالد :انج ما صارحتيني بحبج يوم تزوجتج ...جان صارحتيني انج مجبوره علي حور منصدمه من كلامه:.... خالد يكمل:يوم وصل لي خبر انج وافقتي توقعت انج حسيتي فيني وانج تبادليني نفس الشعور بس انا ما كنت حاس فيج فرحتي انج صرتي لي عمتني عن كل شي...انصدمت انج عايفتني وما تبغيني ومجبوره علي ...صبرت قلت يمكن تتغيرين بس اكتشف شي بنفسي انتي ما قلتي لي عنه وهالشي الي خلاني اطلقج من نفسي حور :شقصدك؟ خالد :فاهمه قصدي يا حور...بس انا الي مو فاهمه ليش ما تزوجتو؟ حور بدت تصيح:يعني كنت حاس اني احب غيرك خالد يجرحه هالموضوع بس يكابر:كان يذبحني هالشعور يا حور يذبحني حور نزلت دمعتها:آسفه خالد والله هالشي ما كان بيدي خالد يبتسم لها ويمسح دمعتها بصبعه:ادري لان لو كان الحب بيدنا جان قدرت احب غيرج وانساج حور بحيا:يعني حتى يوم عرفت وطلقتني ما كرهتني خالد :اكرهج!!!!! ههههههه هالشي مستحيل لو شنو تسوين ..حتى لو كنتي متزوجه غيري حبي لج بيتم حور بكل صدق:احلف لك يا خالد أن حبي له بده يختفي بوجودك يمي وبحبك لي خالد:ما اجبرج يا حور ابي هالشي من قلبج حور تمسك يده:هالكلام من كل قلبي ...وين الاقي مثلك حبيبي خالد بيطير من الفرحه:شقلتي؟ حور استوعبت وابتعدت بحيا:... خالد:هههههههه لا لا تعالي عيديها ما سمعت حور:شنو شنو ما قلت شي خالد :لا قلتي قلتي تكفين عيديها سنين انطرج تقولينها حور مو مستوعبه شلون قالت له جذي معقوله هالاسبوعين قدر يحتل قلبها :... خالد حس انها سرحت مسك يدها:حور حبيبتي ما ابي منج شي غير انج تكونين يمي ومعاي بحياتي وانا احلف لج اني بسعدج وعمري ما بزعلج حور تمسح دموعها جدام الحب الكبير الي تشوفه بعيونه ((آآآآآآه يا خالد شلون سويت فيك جذي )): وانا وياك طول العمر أن شاء الله خالد يبتسم لها:شرايج عيل نروح نتمشى بالحديقه قبل لا نرجع الشقه حور:ههههههههه اشوفك استانست على هالحديقه باليوم تروح لها اكثر من 5 مرات خالد برومانسيه: أول مكان اكون وياج فيه من وصلنا بريطانيا وحسيت صج انج قمتي تبادليني مبدئيا نفس الشعور حور:خالد خل نقوم احسن خالد يوقفها معها:هههههههههههههه امريكا طلال متغلب مزاجه ....ساعات يراجع نفسه شلون قدر يرجع ويا شذى بعد كل الي سوته له شلون بلحظه قدرت تنسيه فقدان حلا ....مزاجه متغلب ساعات يحن عليها ويصير طلال حبيبها لعرفته طول السنين ومن يذكر حلا والي سواه فيها ينقلب حبه لشذى لكره فجأه وما يبغى حتى يشوفها ... شذى ساعات تمل من مزاجه بس شتسوي ما تبي تخسره ...تحاول بكل لتقدر عليه ويوم تحس ان مزاجه مو اوكي تبتعد عنه ولا تكلمه لين يهدي بروحه..... مشاعر متضاربه ...مو عارف شلون يحسمها....يحس حصل على حبيبتها وبنفس الوقت خسر حبيبه ثانيه ...شعور صعب على أي احد يستوعبه لان الكل يقول القلب يحب شخص مو اكثر وصعب يحب غيره ...بس طلال حب اثنين بالاول خسر حبه الاولي و فاز بالثاني واللحين ربح الاولي وخسر بالثاني ...يا ترا بيتم على الحال اكثر!!! طلال قاعد بروحه بالبلكون يفكر بحلا ((معقوله نسيت كل لسوته لي بلحظه ... يا ربي شذى احبها ما اقدر استغنى عنها .؟..كان حلمي انها تكون لي واللحين صارت ...بس حلا راحت ...ابغى الاثنين شلون شلون؟!!)) تقطع عليه افكاره :طلال طلال لف عليها:نعم شذى تقعد بالكرسي جنبه:ما تبي نتريق حبيبي؟ طلال :مو يوعان شذى تبتسم له:شرايك نتمشى على البحر الجو روعه طلال يحس بصداع من التفكير:انا باخذ لي شور وبرد انام شذى انصدمت:من صجك طلال!!!! طلال وقف واهو زهقان من نفسه :شذى مالي خلق لاي مناقشات خليني بحالي شذى ماحبت تضغط عليه:اوكي حبيبي ..اروح ازهب لك لبسك طلال يقاطعها:ماله داعي اعرف مو ياهل وقفت شذى مصدومه من اسلوبه ...واهو حس أن زودها شوي بس مو قادر ينسى الي صار بسببها .... وقف قبال الكبت يزهب له لبسه ..غمض عينه بحسره واهو يذكر حلا... ((كان يومها ملجة خطبة امامه وفيصل ...وطلال كان توه طالع من السباحه وحلا كانت تبخر له لبسه طلال يقرب لها:الله لا يحرمني منج قولي آمين حلا تبتعد عنه:آمين طلال يناظرها:حلوي حلا مرتبكه من نظراته:هممم طلال يغمز لها:شرايج نكشت بخطبة اموم ونتم في بيتنا حلا انصدمت:من صجك انت!!! طلال يوقف قبالها:ايي حبيبتي اعزمج على العشى شعلينا منهم حلا تلهي نفسها بترتيب لبسه:اقول طلال خل اقتراحتك لك ...والبس ملابسك لا تتاخر طلال زعل وقعد على السرير:ماني رايح حلا افتحت عينها عالآخر:لا انت مو معقول طلال يضحك على شكلها:ههههههههه حلا:طلال حبيبي قوم يالله انت اخوها الوحيد طلال:مالي خلق حلا تنرفزت:يا ربي وقته دلع اللحين طلال:ههههههه شفيج جذي معصبه حلا:لان اموم ذبحتني واهي تحن علي موبايلي ما سكت حطيته سايلنت عشان افتك من حنتها طلال يغمز لها:انا اقول نسكر موبايلاتنا ونكشت فيهم حلا تسحبه من يده:اقول قوم معاي شكلك انجنيت طلال يوقفها:بشرط حلا :يا ربيي وقت تتشرط طلال:انتي تلبسيني حلا:هههههههه شخليت حق ولدي حبيبي طلال :اللحين ولدج اهم مني وحبيبج حلا بابتسامه:محد اهم منك حبيبي ..بس ليش ولدي بيكون منك بيكون بعد حبيبي نزلت دمعه من عينها وشد على البلوزه الي بيده بحسره ((محتااااج لج حلا ولهان علييج حبيبتي )) قطعت عليه تفكيره:طلال طلال لف عليه يظن حلا:عيونه شذى استانست:تسلم لي عيونك..تبيني اساعدك بشي طلال استوعب ان كان يتخيل صوت حلا ضاق خلقه ورد بنفسيه:قلت لج ما ابغى شي منج دخل الحمام وسكر بويها الباب...رمت نفسها على السرير ملت واهي تتحمل كلامه الجارح لها ..بس ساعات يرد طلال حبيبها والي ما يقدر يشوف زعلها... طلع من الحمام وشافها متكوره على السرير و تصيح..حن قلبه لها وراح لها طلال:ليش البجي اللحين؟ شذى بجيها يزيد:..... طلال يرفع ويها بيده:خلاص شذى اسف على كلامي مساع شذى تصيح:مليت من اسفك طلال كل مره نفس الشي طلال بضيق:ادري يا قلبي بس شسوي مو بيدي شذى :وانا !!! ما تحس بمشاعري ما تفكر شيصير فيني اذا سمعت هالكلام منك طلال:خلاص حياتي قلت لج اسف شذى:كافي طلال مو كل مره اسمح لك بجذي طلال عوره قلبه على شكلها :قومي معاي نتمشى على البحر شذى بعناد:ما ابي مو انت تبي تنام طلال يبتسم لها:خلاص هونت ابي اروح ويا حبيبتي شذى تناظره مستغربه من مزاجه:.... طلال حس فيها:روحي غيري لبسج عشان نروح وعازمج على الغدا شذى ما تقدر ترفض له طلب:اوكي وقفت بتروح تلبس .. نادى عليها طلال:شذوويه شذى تلتفت واهي مبتسمه:هلا طلال:لبسي احمر شذى مستغربه:ليش يعني؟ طلال تذكر انه هاللون لون المفضل لحلا مو لشذى ):امم مادري خلاص الي تبينه شذى:اوكي دقايق واخلص ((معقوله يا طلال قمت تدخل حلا بكل شي !!! نسيت حتى الي تحبه شذى َ!!!لي متى بتم جذي ..وينج يا حلاااا وينج؟.)) الكويت بيت بو حور حصه صارلها مده تكلم بو حور واهو سرحان مو منتبه لها حصه:بوحور بوحور بو حور انتبه لها:هلا حصه:من مساع اكلمك وانت بعالم ثاني بو حور ينفخ :آآآه يا حصه احاتي بنتي حصه مستغربه:ليش تحاتيها ؟ بو حور :احس اني جبرتها على خالد حصه عصبت:يعني شنو!! بو حور:ليش الصراخ اللحين حصه توقف معصبه:اللحين هذا يزاه ولد اختي يحبها ...بعد كل الي سوته فيه اول مره هم متمسك فيها بو حور عصب:لا تنسين ان احنا الي زوجناها اول مره غصبن عنها حصه :وهالمره اهي بنفسها وافقت ما اجبرناها بو حور بضيق:بس احس من عينها انها مو موافقه لهالزواج حصه تقعد يمه : خالد ولد اختي اعرفه يا بو حور يحبها من يوم اهي صغيره صدقني مع الايام بتحبه وترتاح معاه بو حور يناظرها ..3 ثواني بعدها نطق:دقي لي على حور خل نكلمهم حصه تشوف الساعه:الحين عندهم فير باجر ان شاء الله نكلمهم بو حور:خير ان شاء الله بعد مرور 3 اسابيع ما في أي تغيرات ( حلا نفسيتها شوي تحسنت مع انفال واللحين بتدخل شهرها الرابع ...مشعل تفكيره بحور قل نسبيا بوجود انفال وحلا ... حور وخالد عاشو احلى ايامهم وحور تعلقت بخالد وايد ...طلال وشذى رجعو من شهر العسل وطلال على مزاجه ما تغير...امامه خلاص قررت انها تسوي العرس اسبوع الياي من غير وجود حلا ...)) انفال باجر بترجع الكويت قاعده بالصاله في شقة حلا تودعهم ...راحت حلا تسوي لهم جاي ..دق موبايلها كان فيصل انفال بشوق:فصووووووووول ولهت عليك فيصل:هههههههه بطيتي اذني انفال:يالخايس والله وحشتني فيصل:وانتي بعد حبيبتي ..ها مستعده حق الرده انفال:ايي كل شي اوكي فيصل: عسى استفدتي من الدوره؟ انفال: الحمدالله يا فيصل وايد استفدت فيصل:يلا رجعي اموم قررت تسوي العرس انفال بفرح:واخييييييييييييييييرا متى؟ فيصل متشقق من الوناسه:اسبوع الياي أن شاء الله انفال:ايي على بالي بعد تسونه قبل لا ايي فيصل :ههههههه احنا نقدر ..مسكي امامه تبي تكلمج خليني اسوق حلا بيدها الصينيه ما كانت منتبه أن انفال تتكلم بالموبايل صرخت عليها من الممر تناديها.. حلا:نفوووووووول تعالي شيلي معاي الصينيه بتطيح مني لحظة صمت من الطرف الثاني لااااااا لاااااااااااا مو معقوله هالصوت اعرفه!!!!!!! (شهقت بصوت عالي بقلبها) حلااااا حلااااااا عند انفاااال شلون !!!!!! انفال ترد عليها :اللحين يايه امامه:........ انفال استوعبت أن في احد على الخط:الوو امامه ودموعها حابستها:هذي حلا الي عندج انفال استوعبت الي صار :شتخربطين اي حلا!! امامه بصوت اعلى:لا تجذبين نفول هذا صوت حلا اعرفه انفال مو عارفه شتقول:مو حلا مو حلا حلا حطت الصينيه قبال انفال ورفعت عينها لها.. حلا :وين الي بتساعدني ها ... ((سكتت يوم شافت ملامحها امامه من الجهه الثانيه امامه بصراخ:مااااااااا اصدق حلوي عندج وما تقولين لي انفال:امامه اهدي شوي حلا شهقت وحطت يدها على حلجها:............ انفال مو عارفه شتسوي :حلا هذي امامه حلا دمعت عيونها:لا لاااا لاااا ... ما ابغى اكلمها امامه تسمعها وتصارخ:عطيني اياها نفوووووول والله ترا ازعل عليج انفال ترمي الموبايل عند حلا :كلميها حلوي حلا متردده:مابى مابى امامه سمعتها وعصبت حدها : الوووووووووووووووو رفعت حلا الموبايل وقربته من اذنها واهي ترجف:الوو امامه انهارت من البجي :حلووووووووووووي حلوووووووووووووووي حلا تمت تصيح وتشد على يد انفال:ميمي حبيبتي امامه تتشره عليها:ليش يا حلوي ليش سويتي جذي؟؟!! حلا تصيح:لا تلوميني يالغاليه امامه:انتي عارفه غلاتج شلون قدرتي ما تكلميني طول هالمده حلا تبجي:وربي كنت اسمع صوتج كل ما مشعل يكلمج واحترق من داخل بس ما اقدر ما اقدر امامه:يا قلبي يا حلوي حاسه فيج حلا بعذاب :شفتي شفتي طلال اسوى فيني امامه:حسبي الله عليها ..اهي السبب حلا تبجي:انا اموم يتزوج علي عطيته كل شي يا ميمي كل شي امامه تهديها:وربي يا حلا ادري فيج اصيله بس شسوي ابوي جبره حلا بحزن:مرتاح وياها؟ امامه ما عرفت شتقول :..... حلا باستهزاء :عادي ميمي قولي الصج امامه :مسافرين شهر العسل..عساه بصل أن شاء الله حلا انصدمت:سسسافر امامه:حلوي حبيبتي لازم تردين كلنا محتاجين لج حلا انهارت ما تتخيل طلال ويا غيرها...رمت الموبايل ودخلت غرفتها... امامه تصارخ:الو حلا حلااااااااا امامه تلفتت على فيصل وتصيح :اخاف تسوي بنفسها شي فيصل فيصل يوقف السياره على جنب ويهديها:حبيبتي شالكلام حلا فاهمه ..تلقينها بس انصدمت امامه:حسبي الله عليها عساه ما تتهنى خربت بينهم فيصل بضيق على حال حبيبته:خلاص حبيبتي اهدي شوي رمت نفسها بحضن زوجها وتمت تصيح على حال رفيجتها وبنت عمها واخوها شلون صار....وصلو بيت جاسم نزلت امامه واهو راح لربعه الديوانيه ... دخلت امامه البيت لقت امها وابوها وشذى وطلال بالصاله .... طلال :حيا الله بالعروسه امامه للحين شايله بخاطرها منه رديت عليه بنفسيه:الله يحيك نوال:تعشيتي يمه؟ امامه تقعد :الحمدالله ويا فيصل جاسم :ليش شكلج جذي؟ امامه خافت ابوها يحس بشي:شفيني؟ جاسم :باجيه؟ امامه متنرفزه من ابوها ليش يتكلم جذي قبال شذى:وليش ابجي؟ جاسم يوقف واهو يحرك يده :بعد سوالف دلع بنات امامه (للحين دلع بنات كلها جم اسبوع وبتزوج):ما فيني شي بس تعبانه نوال :روحي ريحه بدارج حبيبتي شذى تحاول تشاركهم :ايي لازم ترتاحين عرسج باقي عليه اسبوع امامه تناظرها باحتقار:طبعا مو أي بنت اهلها يسوون لها عرس شذى حست بقصه من كلامها ..وقفت :عن اذنكم طلال التفت عليها معصب:انتي ليش لسانج طويل؟ امامه باستهزاء:خايف على مشاعرها بعد طلال بصوت عالي:اموم عيب عليج كلميني عدل انا اخوج العود امامه انقهرت أن يصرخ عليها عشانها:تصرخ علي عشان هذي طلال بعصبيه:هذي مرتي يا اموم ولا نسيتي امامه توقف بعصبيه:لا ما نسيت انها اهي الي خربت بينك انت وحلا...بس انت شكلك لنسيت انها سبب الي فيه حلا اللحين طلال انصدم من كلامها ما يعرف شيقول :... امامه توقف قباله وعينها بعينه:حسافه عليك يا خوي اذا هالاشكال صارت عندك اهم من حلا صعدت لغرفتها وتمت تصيح (( تصارخ علي عشانها ...نستك اختك وحلا والله العالم بتنسيك منو بعد ..)) طلال طلع من البيت معصب من كلام اخته...سكر الباب بقوه ونقزت نوال نوال بصوت واطي:الله يفكنا منها جاسم سمعها :يفكج من منو؟ نوال :مين غيرها شينت الحلايا جاسم :نواال انا شقلت لج ..ابيج تعاملينه مثل اموم وحلا نوال :آسفه يا بو طلال ما اقدر جاسم عصب:وبعدين معاج انتي نوال :انا هالبنت مو عاجبتني من أول يوم شفتها وبعدين شنو هذا تطلع وتدخل على كيفها جاسم:زوجها راضي انتي مالج شغل نوال :كيف يعني مالي شغل!!! زوجها لاهي بشغله واهي تلعب على كيفها جاسم :نوال ثمني الكلام لتقولينه نوال:انا ما اقول إلا حسبي الله عليها ..مادري ايش الي تحبه فيها جاسم : مرت ولدي لازم احبها نوال تنرفزت وقامت: تصبح على خير انا بنام جاسم رجع عينه على التلفيزون وما رد عليها...صعدت نوال لغرفتها إلا شذى لابسه ومتعطره وبتطلع من البيت ..وقفتها نوال:وين رايحه !!! شذى:بيت امي نوال تشوف ساعتها:احد يزور امه هالحزه !! شذى :احس اني مختنقه شوي بروح اغير جو عندها نوال ترفع حاجب:اها يعني بيتنا يخنقج شذى توضح كلامها:لا خالتي انا ما قلت جذي انتي الخير والبركه نوال :ما فكرتي شبيقولون الجيران أن شافوج طالعه من البيت ساعه 11 بليل شذى:وانا شعلي منهم ..انا عارفه وين رايحه \نوال تضحك على كلامها:واستأذنتي من زوجك؟ شذى توهقت : امم اللحين اكلمه نوال:هههههههههه بعد ما لبستي وخلصتي ... شذى تنرفزت:خالتي ليش تعامليني جذي؟! نوال تشوفها من فوق لي تحت:لان طول عمري هالاشكال ما تعجبني شذى :شقصدج؟ نوال واهي ماشيه:قصدي تعرفينه ..الله يستر على بناتنا راحت لغرفتها واهي تحس أن بردت حرتها فيها ....اما شذى رجعت لغرفتها رمت نفسها عالسرير وتمت تصيح ((ليش الكل يعاملني جذي لييييييش!!!)) بريطانيا بعد ما وصل مشعل انفال لي المطار رجع شقته و تقابل مع حلا بنفس الوقت راجعه من المستشفى مشعل:ههههه متواعدين حلا تبتسم له:لا والله بس حسيت بتعب وقلت ارجع الشقه مشعل بخوف:شفيج حلا؟ حلا تطمنه:ما فيني شي ليش خفت جذي ..مجرد ارهاق مشعل يفتح باب الشقه:يلا جدامي غيري لبسج وارتاحي بغرفتج حلا:ههههههه ليش تزف عاد؟! مشعل يسكر الباب:لانج ما تمشين إلا بالزف وايد ارهقتي نفسج بوجود انفال حلا تقعد على القنفه بالصاله:يا قلبي عليها بشتاق لها تعودت على وجودها مشعل يقعد بالقنفه لمجابلتها:افا انا ما اكفي حلا؟ حلا:ههههههه إلا تكفي وتوفي بعد مشعل يبتسم لها:تصدقين تعودت على انفال حلا تغمز له:ايي مشعل مستغرب:شنو ايي حلا تغمز له:ايي كمل مشعل:الحمدالله والشكر شفيج انتي حلا:يا ربي انت لشفيك مشعل:ما فيني شي..انتي شعندج تغمزين حلا:ماكو احس انت وانفال مناسبين لبعض مشعل بعصبيه خفيفه:حلا اخير مره اشوفج تتكلمين بهالموضوع حلا تمت تناظره مده واهي ساكته حست انها استعجلت بالكلام:... مشعل يبتسم لها ويغير الموضوع:انزين واللحين ممكن تقولين لي ليش امس طول الليل تصيحين؟ حلا استغربت شلون عرف:شلون؟!! مشعل:شنو شلون؟! حلا بحيا:يعني كيف عرفت اني كنت ابجي؟ مشعل يبتسم لها:مريت على غرفتج بكلمج سمعت صوتج تبجين حلا:ميمي عرفت اني اهني مشعل انصدم:شنو!!!!!!!!!!!!!!! حلا تقوله كل السالفه...مشعل تنرفز يوم عرف انهم سافرو شهر عسل.. مشعل:سافرو!!! حلا مستغربه: ليش ما قال لك؟ مشعل:من اخير مره كلمته مارد كلمني حلا ضاق خلقها:ليش يا مشعل؟ مشعل: ما يستاهل حلا:اهو محتاج لك مشعل (آآخ يا حلا بعد كل الي سواه فيج ):عنده غيري حلا بضيق :بس انفال قالت لي أن ميمي بتسوي العرس اسبوع الياي وتبيني احظر مشعل:حلا ممكن تسمعيني حلا :تفضل مشعل يحاول يقنعها:حلا الحاله الي انتي فيها مو عاجبتني..انا خليتج اكثر من شهر على راحتج ما يصير يا حلا ..طلال لاازم يعرف عن ولده ..وانتي لازم ترجعين لديرتج مو معقوله بتمين جذي طول عمرج ..كلها جم شهر وان شاء الله تولدين ولدج لازم يتربى بوجود ابوه حلا تدري كلامه صح بس كرامتها:ما اقدر يا مشعل ارجع له ما اقدر مشعل:انا ما قلت لج رجعي له ..بس ابغيج ترجعين الكويت حلا تمت تصيح:مو اذا رجعت الكويت عمي بيجبرني اني ارجع له مشعل وخايف من هالشي:قولي له انج ما تبين حلا:مشعل انت عارف عمي اكثر مني وكلمته تمشي على الكل مشعل:والله يا حلا انا الي اشوفه انج لازم ترجعين الكويت معاي لعرس اموم حلا:ودي يا مشعل ودي بس اخاف أن رت ما اقدر اواجه عمي مشعل:جاسم يعرف كل شي اكيد بيعذرج أن قلتي ما تبغين ترجعين حلا :ما ادري ما ادري مشعل يطمنها:لا تحاتين حلا انا ماراح اتخلى عنج حلا تبتسم له ودموعها على خدها:الله لا يحرمني منك الكويت بيت بو شذى طلال وشذى زايرين هم على الغدا ... على طاولة الطعام ام شذى تمد لها الصحن:حطي لريلج منه شذى تاخذه منها:أن شاء الله طلال:كافي عمتي الحمدالله شبعت ام شذى:ما اكلت شي يا ولدي..شوف شلون ضاعف طلال(من القهر والهم):حرام عليج عمتي وين ضاعف شذى:طلال يمه طول عمره يحب جسمه يكون جذي بو شذى يقاطعها:لا كلام على الطعام ام شذى:ههههه الله يهديك يا بو شذى بعد ما خلصنا الكل:ههههههههههههههه بعد مرور يومين امامه قاعده تحت بالصاله تكلم حلا بالموبايل امامه:حلووووووي عشاني بلييز حضري بس عرسي حلا :يا ليت يا ميمي والله ودي بس ما اقدر اشوفه ما اقدر امامه:بس احضري ورجعي حلا:سامحيني ميمي ما اقدر امامه عصبت:اففففف عليج باي سدته بويها وقفت بتصعد غرفتها إلا ابوها يطالعها بكل عصبيه جاسم بصراخ:كنتي تكلمين منو؟؟؟ امامه تخسبقت:اممم رفيجتي جاسم:شسمها؟ امامه ترجع بخوف:غنيمه يبه جاسم يلف يدها :وتجذبين بعد امامه :آآآآي يبه يعور جاسم:ليش ما تقولين انج تعرفين مكان حلا هااااا امامه بألم:يبه تعورني جاسم:تكلمي حلا وين؟؟؟؟؟ امامه تصارخ من الالم:يبه قاعد تعورني..هد ايدي جاسم يتركها بقوه وطاحت على القنفه:تكلمي حلا وييييين؟؟؟ امامه تصيح:ما اقدر اقول ما اقدر جاسم فور من العصبيه:بتتكلمين ولا شلون امامه خافت منه:حلاا حلاا جاسم بصراخ:نطقي امامه:حلا عند خالي مشعل جاسم انصدم:شنو؟ امامه:حلا ببريطانيا طلع من البيت بعصبيه من غير لا ينطق بولا كلمه .... بيت بو حور بو حور كان يكلم بنته حور ردت أول ما شافت الرقم بكل شوق حور:هلا يبه بو حور:هلا حبيبتي شلونج؟ حور:بخير يبه بخير بو حور:مرتاحه يا بنتي حور بصدق:حيل يبه حيل خالد مو مقصر معاي بو حور براحه:الحمدالله حور:انت شلونك يبه؟ بو حور:الحمدالله بخير حبيبتي حور:وخواني وخالتي حصه؟ بو حور:كلنا بخير لا تحاتين شي خالد توه دخل الشقه راجع من بره ...قعد جنب حور بو حور:خالد يمج ؟ حور تبتسم له:توه داخل يبه ..كلمه خالد:هلا عمي بو حور:هلا بولدي خالد شلونك يبه؟ خالد:الحمدالله بخير ..انتو شلونكم وشلون الكويت؟ بو حور :كلنا بخير الحمدالله خالد:دوم أن شاء الله بو حور:اخليك اللحين يا ولدي وخالتك ترا تسلم عليك بس مو موجوده يمي اللحين خالد:الله يسلمها ..ٍسلم على الكل بو حور:يوصل أن شاء الله ...حور بعينك يا خالد خالد:لا تحاتي يا عمي بو حور ارتاح من هم كبير:الله يوفقكم ..مع السلامه التفت خالد لحور ولقاها تناظره واهي تبتسم خالد يحط يده على جتفها:الحلوين يفكرون بمنو؟ حور تحط راسها على صدره:بمنو غيرك يا عمري افكر فيه خالد ضمها له:احبج حور بيت جاسم رجع جاسم من الشركه بليل معصب بعد ما تاكد أن حلا سافرت لبريطانيا ... نوال كانت بالصاله بالدور الثاني تشوف تلفيزون ...وامامه بغرفتها فوق ...وشذى وطلال بشقتهم... جاسم يصارخ :نوال طلال نوال نوال تنزل بسرعه:خير خير شفيك؟! جاسم:وين ولدك؟ نوال بغرفته: ناديه وتعالو المكتب بالمكتب طلال:خير يبه جاسم:تدري مرتك وينها؟ طلال بفرحه:لقيت حلا يبه لقيتها جاسم يشوف نوال بنظره:... نوال مستغربه:وليه تناظرني كذا؟ جاسم:اخوج المحترم طول الفتره حلا عنده وما تكلم نوال بصدمه:كيف!!! طلال :شالكلام يبه؟ جاسم:اليوم سمعت امامه تكلمها ويوم سألتها طلعت ببريطانيا طلال منصدم:اموم كانت تعرف حلا وين؟!! جاسم : انا دورت على كل رحلات الطيران وتأكدت انها رايحه لبريطانيا فشي طبيعي تكون عند مشعل طلال ارتاح نسبيا:الحمدالله جاسم بعصبيه:تحمد ربك على شنو..؟؟ طلال:الحمدالله انها عند مشعل مو بمكان ثاني..معناته كانت مرتاحه جاسم تنرفز من كلامه:المفروض عليك تعصب أن حرمتك عايشه بعيد عنك عند واحد غريب نوال:شالكلام يا جاسم مشعل منا وفينا جاسم:اجل شلون قاعده معه بشقه وحده طلال :ارحم من انها تكون بروحها جاسم : تروح اللحين تحجز لك تذكره على اقرب طيران وتجيب مرتك طلال بخوف:واذا رفضت يبه؟ جاسم عصب:مو بكيفها انا عمها والمسؤول عنها لو مو الحاله الي انا فيها جان جبتها غصب عنها نوال:البنت حرمه وما في شي يجبرها جاسم :انتي مالك دخل نوال عصبت:لي دخل يا جاسم جبرت ولدك على الزواج من هالخايسه شذى كيف تبغى حلا ترجع له طلال :ارجوج يمه تعالي معي قنعيها بموت أن ما رجعت لي جاسم بنظرة استهزاء:دامك تحبها كذا لي سويت عمايلك سودت ويوهنا ..وامك مالها دخل بينكم انت تسافر لها بروحك وترجعها ...الله لا يوفقك من ولد وطلع من المكتب واهو معصب طلال :يمه تكفين ابي حل نوال:انت غلطت يا طلال وتوقع أي شي من حلا طلال بخوف:يمه معقوله ترفض ترجع لي؟ نوال :ما استغرب هالشي حلا بترجع لطلال؟!! معقوله مشعل بيفكر بأنفال؟؟!! حور وخالد بيكملون حياتهم بسعاده؟!! شذى شنو ردة فعلها من الي بيصير؟!! غنيمه لي متى بتم بعيده عن احمد ؟!! لاا تحرموني من ردودكم وتوقعاتكم للبارت الياي

سامحووووووووووووووني يالغلا ادري اني تأخرت عليكم وايد ...بس كان عندي ظروف آسفه على التأخير انا هالفتره عندي امتحانات صعب علي اكتب يوميا فاعذروني على التأخير.. حبيت انزل لكم هالبارت وان شاء الله يعجبكم ..ولا تحرموني من ردودكم وتوقعاتكم انتظرها بكل شوق الجزء 21 بيت جاسم على الريوق جاسم:وين طلال؟ امامه :طلع جاسم رافع حاجب:في واحد يطلع من اول صبحيه له مع عروسته امامه تتقرطم بصوت واطي :عروسه بالغصب جاسم:شقلتي؟ امامه ملت من اسلوبه وقفت:ما قلت شي..الحمدالله الا بنزلة شذى ..لابسه ومتعطره ومتمكيجه كأنها صج عروس مستانسه ....صج صدمها طلال يوم قالها (ان عمره ما راح يكون لها ومن اول ليله لهم تركها ..بس ما فقدت الامل وحلفت انها ما تتخلى عنه مهما صار...لانها تدري شكثر يحبها وكلها جم يوم وتنسيه الي صار) امامه اول مره تشوفها امس ما حضرت العرس ما تنكر جمالها و جاذبيتها الواضحه بس تكرهها كفايه خذت مكان حلا (( امووووت واعرف ليش جبرت طلال عليها يا يبه ليش؟!!!)) شذى بابتسامه لامامه:صباح الخير امامه تعطيها نظرة احتقار:اففف صعدت امامه لغرفتها ...وشذى ما تدري ليش تعاملها جذي مع انها متأكده ان عمها ما قال لاحد عن موضوعها غير نوال..وغير الكلام الي زادته من عندها عشان تضمن مصلحتها ويا جاسم ضد طلال وتكسر خاطره جاسم يرقع موقف بنته:حياج يا بنتي تفضلي شذى تبوس راسه وتقعد يمه:صباح الخير عمي جاسم يبتسم لها:صباح النور اجلسي شذى تسلم على نوال:كيف حالج خالتي نوال بنفسيه:الحمدالله جاسم عطاها نظره لان كلمها بهالموضوع وهددها اذا ما عاملت شذى عدل مثل حلا... نوال حبت تحرجها:الا وين راح طلال من بدري؟ شذى ناظرت عمها ونزلت راسها:عنده شغل مهم جاسم بعصبيه:انا اعرف شغلي معه شذى تدافع عنه:لا عمي خله على راحته نوال تقوم بنفسيه:اكيد بيسوي الي يريحه جاسم تنرفز منها:وين رايحه؟ نوال:غرفتي جاسم:ما اكلتي شي نوال:الحمدالله شبعت راحت نوال لغرفتها ...وشذى حست انها مذمومه من الكل محد يبغيها .... رفعت عينها لعمها لقته يبتسم لها بحنيه... جاسم:كلها فتره وتعدي ان شاء الله شذى عيونه تدمع:تسلم لي عمي غرفة امامه امامه تتكلم بالموبايل:وااي فيصل بموت منها بتذبحني فيصل:سم الله عليج من الموت امامه بقهر:ما اقدر اشوفها فيصل والله ما اقدر فيصل:ما عليه يا قلبي انتي صيري اقوى هوني على طلال امامه:وانا منو يهون علي ... فيصل:افا يا قلبي وانا وين رحت امامه:اصلا من غيرك مادري شكنت بسوي فيصل استانس:يه يه من قدي على هالكلام بمرج اللحين ونطلع نغير جو شرايج؟ امامه:حدي مختنقه من البيت مو قادره استوعب انها ويانا فيصل بتفكير:اممم في طريقه تفتكين منها امامه عدلت قعدتها:صج !! شلون فيصل؟؟؟ فيصل:انج يا روح فيصل تتنازلين و تفكيني من سالفة العرس وتيين بيتج على طول جذي ترتاحين منها امامه :لا والله على بالي عندك سالفه فيصل:ههههه ليش كلامي ما اعجبج امامه:اكيد ما عجبني فيصل يمثل:افا افا اللحين صارت شذى اهم مني وشوفتها اهي الي تملى العين امامه :مين قال كذا؟. فيصل يدلع:انتي...خلاص امامه الي تبينه سويه امامه:فصولي حبيبي شفيك انت عارف ليش انا اجلت فيصل:خلااااااص خلااااااص لا تحاولين تبررين امامه تشد على اسنانها :فيييصل فيصل:عيونه امامه :لا تقولي جذي فيصل بكل صدق:حبيبتي مو قادر اصبر زود والله مو قادر رحميني امامه بتفهم:اوعدك يا فيصل اخر تأجيله هالاسبوعين لان ابوي حلف انه يجيب حلا يعني يجيبها والله يستر مو ناوي خير فيصل:يعني شبيسوي ؟ امامه بخوف:حلا شي اكيد ماراح ترضى ترجع لطلال بعد ما تعرف انه متزوج عليها واهو بيجبرها فيصل :الله يهديه ابوج هذي يتيمه امامه باستهزاء:هههههههه خلني ساكته يا فيصل ما ابي اقلل من مكانة ابوي فيصل مقدر كلامها:خلاص يا قلبي انت روحي تجهزي واللحين ياي لج امامه:اوكي حياتي..لا تتأخر فيصل:مسافة طريج لبست امامه عالسريع تحس انها زهقانه تبي تطلع مع فيصل تغير جو.... نزلت الصاله ما لقت غير شذى قاعده قبال التلفيزون ..والخادمه تشيل الريوق (( شكله ابوي راح الشركه ...هين يا شذووي انا اعلمج شلون تاخذين اخوي من حلا)) راحت للصاله ومدت يدها للريموت الي قبال شذى وغيرت القناة وقعدت على القنفه الي جنبها وتمت تشوف من غير لا تعبرها شذى استغربت من حركتها ..((يعني ما تحترمني قاعد اشوف ..حتى ما تستأذن ...طوفي يا شذى لازم اكسبها صوبي )) امامه مندمجه مع لقطة المسرحيه وتمت تضحك..بادلتها شذى الضحك :هههههه يحليله عبدالعزيز المسلم احب مسراحياته امامه التفت على الصوت وعطتها نظره وردت عينها على التلفيزون:... شذى تحاول تمسك اعصابها:انتي تحبين مسراحياته؟ امامه تحط ريل على ريل: بشكل كبير بقدر ما اكره ناس قبالي اللحين شذى تشد على اسنانها:شقصدج؟! امامه باستهزاء:اتوقع ما في غيرج بالصاله شذى توقف بعصبيه:احترمي نفسج امامه تعطيها نظره من فوق لي تحت:بعد الحب غصب يا ناس شذى:ما طلبت منج تحبيني بس احترميني امامه :هههه هم ما تستاهلين الاحترام شذى:احترمي نفسج امامه:محترمه غصب عنج ..الناس الي يرمون نفسهم على غيرهم هذول هم الي مو محترمين شذى بغرورها المعتاد:اخوج اهو الي طلب يتزوجني وتم يصر على هالشي امامه:هههههه على غيري يا حلوه شذى خافت تكون عارفه شي:شقصدج يعني؟؟ امامه ما تدري شلون قالت جذي المهم تقهرها: انتي ابخس بلي سويتيه واخوي لو مو مجبور جان ما فكر يتزوج وحده مثلج على حلا شذى بغرور:تقارنيني انا بحلا امامه تقاطعها:طبعا ما اقارن لان ما في وجه مقارنه بينكم اصلا حلا وين وانتي وين شذى انفجرت وقامت تصارخ:انا سكت عنج وايد امامه تقوم من مكانها وتعدل نفسها :لا تكفين لا تسكتين واريني شبتسوين يعني شذى بمكر:لا تخليني احطج في بالي لانج بتندمين امامه:ههههههههههه يحليلها تهدد بعد رن جوالها وكان فيصل امامه:هلا حبي فيصل:انا عند باب بيتكم يا قلبي امامه تمثل ان جبدها لايعه:اشوه انك جيت حبيبي في ناس لايعه جبدي منهم فيصل فهمها:هههههههههههههه ترفعين ضغطها امامه تكمل:ايي والله يا عمري اول مره اشوف ناس جذي يذلون نفسهم ويدرون ان القلب ملك لغيرهم فيصل مات من الضحك:هههههههههههه حرام عليج خفي عليها شوي شذى تحس ودها تذبحها :احترمي نفسج..وحسني الفاظج امامه تتجاهلها:هلا قلبي...لا هذا صوت الخادمه فيصل:حسبي الله على بليسج يا اموم امامه ماسكه ضحكتها لان شكل شذى فورت :اوكي حبيبي اللحين جايه سكرت منه وقفت قبال المنظره تتعدل ...وصرخت تنادي على الخادمه امامه:آناا آنااا آنا:يس امامه تعطي شذى نظره:نظفي الصاله عدل عشان بابا فيصل بيجي يتغدى عندنا ما ابي اشوف شي وسخ موجود آنا:اوكي ماما امامه وعينها على شذى وتكلم الخادمه:واذا شفتي شي وسخ حجمه كبير ارميه بره آنا ما فهمت بس كالعاده:اوكي ماما طلعت بعد ما حست انها بردت حرتها بشذى ...وشذى من كثر الصدمه مو عارفه شتقول واقفه منصدمه... ((اذبحها هذي !!! من وين طلعت لي يا ربي ما خلصت من حلا تجي لي هذي ...الله يعيني عليها شكلها مو هينه رفعت لي ضغطي ...عساج ما تتهنين ويا فيصل يا اموم )) بريطانيا حلا تتقلب بالسرير مو قادره تنام ايامها صارت كلها دموع وبجي وعذاب ..مو مصدقه انها تحمل في احشائها طفل من طلال (( يعني ماراح اقدر انساك يا طلال طول عمري...هالولد بيربطني فيك ..ليش سويت جذي يا طلال ليش بعت حبي لك برخيص...انا ما استاهل ليش!!!!!!))) نزلت دموعها كالشلال وتمسح بيدها على بطنها وتتخيل لو كانت هاللحظه بوجود طلال يمها لو يدري انها حامل كيف بيكون طاير من الفرحه ..غمضت عينها ورجعت راسها لي وره ..تتذكر موقفها وياه قبل لا تكتشف علاقته بشذى باسبوع ((كانت قاعده على قنفه بالصاله وطلال منسدح على القنفه وحاط راسه على ريلها ويتابعون فيلم هندي...كان الجو مره حلو بينهم ..مرت لقطه بالفيلم ولادة طفل وابوه شايله فرحان ويمه الام ..لف طلال وجهه لحلا وابتسم لها طلال:انتظر هاللحظه حلا حلا نزلت راسها بحيا:ان شاء الله تبلغ طلال يشد على يدها:بيكون احلى ولد بالعالم دام انتي امه حلا ترجع خصلة من شعرها وره اذنها:ليش مو بنت؟ طلال بابتسامه اكبر:ويكون احلى واحلى ابيها تشبهج بكل شي حلا خدودها حمرت: تبلغ يا طلال فيهم ان شاء الله طلال :بكل شي ابيها تشبهج حتى بحياج حلا:ههههه طلال يحط يده على بطنها:متى يكبر هذا متى حلا:هههههههه ايي انت شعليك انا الي شكلي يصير مو حلو طلال:انتي حلوه بكل الاحول يا حلا انتي كلج حلا اصلا حلا:خلااص طلال بس تابع الفيلم لا يطوفك وايد حلو طلال يلف عليها:ما ابغى الفيلم دام الحلا كله يمي والحلوه الي عاشتهم وياه وبنفس الوقت دموعها تنزل بحراره على ويها ... ((ليش حرمتنا من هاللحظه !!! اجذب على عمري اذا قلت بنساك يا طلال او اني ما ابيك ..انسى اسمي وما انساك يا طلال..شلون بعيش من دونك شلون بربي الولد من غيرك.)) سمعت صوت مشعل يناديها من الصاله توه راجع من بره ..ردت عليه انها اللحين جايه ..دخلت الحمام خذت لها دوش سريع غيرت ملابسها ولبست شيلتها وطلعت له واهي تبتسم لقته منزل راسه ويحوس بالجيس الي على الارض ...ابتسمت وتمت تناظره (( يا قلبي عليك يا مشعل حاسه فيك ..تحس انه ولدك الي انحرمت منه...من يوم ييت عندك وانت تراعيني وانا ولا فكرت افاتحك بموضوعك ويا حور )) حس مشعل بوجود شخص غيره بالصاله..رفع عينه شاف حلا تبتسم له مشعل يبادلها بابتسامه احلى:مرتبط حلا ما استوعبت شقال:شنو؟! مشعل يضحك لان شكلها كانت مو معه كلش:ههههههه اقولج مرتبط حلا:مرتبط بشنو.؟!! مشعل :هههههههههههههه اذا كنتي معجبه اختي سامحيني لاني مرتبط حلا استوعبت وحمرت من الحيا:هههههه مشعل حب يلطف الجو:تعالي شوفي سنو شريت حق نصوري حلا تجلس على القنفه الي جنبه:هههههه منو نصوري مشعل :حبيبي الي في بطنج حلا:ههه واذا بنت؟ مشعل:احلى واحلى حلا:ههههه شتسميها؟ مشعل بحيره:انتي الي تسمين يا حلا ..وانا ادري انج تبغين ناصر اذا ولد حلا تمهد للموضوع:اكيد..بس اذا بنت ابغيك انت تسميها مشعل يتذكر حور: اممم انتي خاطرج بشنو؟ حلا تبتسم له: الاسم الي تختاره مشعل يبتسم لها وبضيق: لو كانت بنتي كنت بسميها امم.. حلا ضاق خلقها يوم شافت الضيق بعيونه:الله يبلغك يا مشعل مشعل نزلت دمعه من عينه غصب عنه بس مسحها بسرعه لكن حلا لاحظتها:الله كريم حلا بجديه:مشعل ابغى اكلمك بموضوع مشعل يقاطعها :بالاول قومي غيري لبسج وقولي لي كل الي تبغينه بالمطعم حلا: يكون احسن بيت نهى قاعدين كلهم بالصاله وفيصل راح يتغدى عند امامه نهى:ما تستاهل حلا انفال بضيق:أي والله يا يمه ما تستاهل ..ما في مثلها فجر:ما تدرون لا تحكمون بسرعه يمكن في شي صاير خله عمي جاسم يسوي جذي انفال ترفع حاجب :يمكن ليش لأ نهى:الله يصبر هالمسكينه حلا انفال:اقول يمه نهى:خير يمه انفال:يمه اليوم مديري بالشغل فاتحني بموضوع نهى:خير ان شاء الله انفال: يبي رايي اني اروح دورة شغل بره الكويت نهى:هالشي ضروري يعني انفال:يعني يمه اهو يفيدني كمستوى في شغلي ويزيد من علاواتي نهى:استشيري اخوج انفال:قلت له يمه قالي الي يريحج نهى:استخيري يمه الله يوفقج انفال تبوس راسها:آمين بيت جاسم الكل موجود على الغدا ما عدا طلال الي مسكر جهازه ما يبي يكلم أي احد ... من ليلة عرسه طلع ما رد البيت مو قادر يشوف شذى جدامه ولا قادر يواجه امامه يدري انها ماراح ترضى على زواجه لو تم يقنعها ليه باجر... وشذى ما حبت تنزل عشان ما تفشلها امامه جدام فيصل فاعتذرت على انها تعبانه.... بعد الغدا استأذن جاسم عشان يصعد يرتاح ونوال تمت ويا امامه وفيصل وبعدها استأذنت منهم تريح بغرفتها... فيصل يطفرها:الا مرت اخوج المزيونه وينها امامه تلتفت وشراره تطلع من عينها:مين المزيونه؟ فيصل ماسك ضحكته:امم على ما اظن اسمها شذى امامه بقهر:وليه تبغى تشوفها؟ فيصل مستخف على شكلها:نتعرف عليها فيها شي؟!!! امامه تعض على شفايفها:اصعد لها اذا تبغيها فيصل :ههههه لا شدعوه بس كنت ابي ابارك لها امامه ارتفع ضغطها: عقبالك ان شاء الله فيصل يقوم ويروح يقعد يمها:الله يسمع منج من بؤج لباب السما امامه تبتعد:الله يرزقك بوحده مثلها فيصل يقرب منها ويقربها له بيده:الي ابيها تسواها مليون مره امامه تحاول تفك نفسها : ايي الله يهنيك فيها فيصل يلعب بشعرها:ما سالتيني منو؟ امامه تحاول تقوم بس شد عليها اكثر:ما ابغى اعرف فيصل يساسرها باذونها:تدرين تصيرين احلى اذا عصبتي امامه تنرفزت من بروده:فيصل وخر مالي خلقك...روح دور لك على غيري فيصل :آآآآآآه يا ناس شهدو ما تبيني امامه لفت الجهه الثانيه:..... فيصل :الحلوين زعلو؟؟ امامه تهز بريلها من غير لا تتكلم:..... فيصل :ههههههههههههههههههههههه ذكرتيني بموقف ههههههههههههههههه امامه عصبت اهي اللحين معصبه والاخ يضحك:... فيصل يكمل:تذكرين ايام الجامعه كل ما يصير لج موقف معاي وتتنرفزين تقعدين تهزين بريلج نفس اللحين ههههههه امامه تلف عليه:يا كرها من ايام خلتني اعرفك فيصل عرف انها عصبت جد:ههههههههههههههههه امامه :اتوقع ماله داعي للضحك فيصل :افا حبيبتي عصبتي اتغشمر معاج امامه:لا والله فيصل بحب:اصلا محد يسواج يا حياتي..شبي بشذى دام القمر يمي امامه تفك عمرها وتوقف:لا تحاول فيصل:ههههههه امومه حبيبتي شرايج نطلع امامه:فيصل لا تحاول فيصل يوقف قبالها ويبتسم لها:تدرين شكثر احبج امامه ساكته تناظره بعيونها:.. فيصل تم يناظرها ثواني وبعدها تكلم:كثر الحب الي اشوفه بعيونج لي امامه ابتسمت :يعني شويه فيصل :هههههههه افا امامه بدلع : لان الحب لبعيوني ولا شي من حبك بقلبي فيصل يمسك يدها ويسحبها معه:انا ما استحمل جذي امشي وياي امامه توقفه واهي ميته ضحك على شكله:هههههه وين ساحبني جذي فيصل:وين بعد لبيتنا ما اقدر اصبر زود امامه تسحب يدها:ههههههههههههه صاحي انت فيصل:انتي خليتي فيني عقل امامه راحت صوب الدري :انت شكلك ينيت انطرني اغير لبسي واجي معك لانفال فيصل بمكر:ايي لي غرفه في بيتنا ترا امامه:هههههههههه هالشي تنساه فيصل بقهر:اعلمج يا اموم صعدت فوق ...وشذى لكانت نازله تظن انهم راحو اصطدمت بامامه لكانت تركض شذى :شوي شوي بقيتي طيحيني امامه للحين على ضحكها:ههههههه حسافه لو طايحه ومتكسره شذى انقهرت من كلامها:ممكن اعرف ليش تعامليني جذي.؟ امامه تحط صبعها على راسها:كيفي جذي مو داشه مزاجي شذى تبتسم لها:امامه انا طول عمري انحرمت من الخوات يا ليت تكونين لي نفس اختي امامه :هههههه اختج ..سوري ما اتشرف خلتها ودخلت غرفتها تلبس فيصل ينتظرها تحت ....شذى دمعت عينها من القهر ..دخلت غرفتها واهي معصبه حدها من اسلوب امامه معها ما تدري شلون بتصبر اكثر.... ((كل شي يهون علشانك يا طلال ..بستحمل كل شي بس علشانك)) بريطانيا بالمطعم حلا :هههههههههه مشعل من زمان ما شافها تضحك:ليش تضحكين ترا من صجي اتكلم حلا:هههه من صجك مشعل سويت جذي مشعل:ايي والله حتى كانت معاي وحده كويتيه طالبه تدرس نفس تخصصي ..دخلتها معي بالسالفه وسامحنا الدكتور اثنينا حلا حست من الحزن الي بعيونه فجأه ان هالبنت حور فحبت تدخل بالموضوع:امممم زميلتك يعني؟ مشعل رفع عينه لها:منو ؟ حلا:البنت مشعل بضيق: ايي طالبه حالها حال أي وحده معي حلا بابتسامه:بس الي سوته معناته تعزك حيل لو كان الدكتور كاشفكم جان اثنينكم انطردتو من الجامعه مشعل يبلع ريجه:يمكن ليه اكثر من سنه معي حلا بضيق على حاله:عمرك ما حبيت مشعل؟!! مشعل انصدم من سؤالها المفاجئ:!!!!! حلا توضح سؤالها اكثر:مو معقوله يا مشعل اكثر من 4 سنين بره الكويت ما حبيت ...كلنا نمر بتجربة حب بحياتنا يا ننجح فيها او نخسر مشعل بابتسامه مزيفه:دومي خسران يا حلا..حتى تجربتي مع اهلي خسران فيها حلا دمعت عينها من كلامه:هالشي مكتوب عليك يا مشعل مشعل:ونعم بالله حلا تكمل: انا حبيت طلال وما انكر اني عشت معه احلى ايام حياتي بس بالاخير شوف ايش سوى فيني .(بجرح كبيير نطقتها) خاني بكل سهوله من غير أي سبب مشعل يهون عليها:ما يستاهلج يا حلا هالموضوع لازم تنسينه وتصيرين اقوى عشان ولدج حلا تمسح دمعتها وترد لموضوعها:وانت يا مشعل؟ مشعل:انا شفيني ؟!!! حلا:اكيد حبيت مشعل يحس وده يفضفض لاحد:وللأسف خسرت حلا ارتاحت انه صارحها:ممكن اعرف ليه؟! مشعل تم يناظرها مده واهو ساكت موعارف شيقول نزل عينه للصحن وسرح بحور:... اصدمته حلا يوم تكلمت :حوور مشعل رفع عينه لها منصدم:!!! حلا :مشعل ما ابغيك تزعل بس انا اعرف كل الي صار وهالشي عرفته بالصدفه مشعل مو فاهم ( شتقصد انها اعرفت !! معقوله طلال قالها عن كل شي مستحيل !!):..... حلا تقاطعه وكأنها قرت تفكير:طلال ما قال لي شي ...حور جيت لي يوم عرسي مشعل :شنو !!! حلا:سلمت لي ظرف فتحته وكان مكتوب كلام كثير ما فهمته بس الي اذكره كانت تحذرني من طلال وتتمنى لنا حياة تعيسه لان طلال هدم حياتها مشعل نفخ من قلبه:آآآآآه ليش يا حور ليش!! حلا تهون عليه:يا مشعل حور ما غلطت ..اهي كانت فاهمه ان طلال اهو الي هدم علاقتكم مشعل:وانتي كيف عرفتي انه مو طلال؟ حلا تذكر ذاك اليوم:يومها شكيت بطلال وتميت ابجي بس يوم خبرت طلال اضطر يقول لي كل شي وانا ما خبرت احد يا مشعل مشعل دمعت عينه : حرمت نفسي منها يا حلا .ضيعتها من يدي حلا:في امل يا مشعل تقدر تصارحها وتعلمها كل شي واهي بتقدر مشعل بقهر يضحك ودموعه تنزل:بعد شنو يا حلا !! بعد ما صارت لغيري وعندها ولد منه حلا بصدمه:شلووون!! مشعل:هذا الصج حور تزوجت غيري والحمدالله ربي رزقها بعيال الي انا كنت بحرمها منهم حلا:في امل يا مشعل في مشعل:مالي أي علاج يا حلا صعب صعب 20% ما ابي اهدم حياتها انا ادري انها تحب اليهال شلون تبين احرمها من امومتها حلا تعرف شكثر مشعل يحب اليهال:وانت يا مشعل؟! مشعل بدمعه لسعة خده من حرارتها:انا احمد ربي اني عشت 4 سنين احلى سنين عمري يا حلا مع انسانه عوضتني كل شي كنت اعتبرها كل حياتي ..ما ابغى اكون اناني وابني سعادتي على سعادتها حلا كبر بعينها:انا ما الومك يا مشعل... بس انت جذبت عليها يمكن اهي لها راي ثاني ..يمكن كانت تطلب وجودك يأي حاله من الاحوال ولا بعدك عنها مشعل يضحك بألم:ههه مو هذا يا حلا الي كانت بتسويه ...حبها لي بيخليها توافق علي حتى لو كنت مشلول ..بس انا ابيها تعيش حياتها ما ابي تتعذب معاي حلا:وتظن سعيده مع غيرك!! مشعل ينفخ:آآآآه مع السنين تنساني حلا تترجاه:مشعل حاول اخير مره..يمكن تكون مو متزوجه بس تبي تجرحك مشعل:كنت اقول لنفسي هالكلام بالبدايه ..حاولت اصارحها اكثر من مره بس ردتني وهالشي دليل انها رضت بحياتها حلا:يا مشعل لا تحكم بسرعه انت ماراح تخسر شي اذا تأكدت مشعل يبي ينهي الموضوع:ارجوج حلا سكري الموضوع مالي مزاج اللحين حلا تفهمت حالته:براحتك يا مشعل بس لازم نتفاهم فيه مره ثانيه ناظرها مشعل بألم يشكي لها حاله وبعدها ثبت نظره على شي بعيد وسرح في حور وكلام حلا شقة احمد غنيمه تكلم احمد :قلت ادق استأذن منك احمد:احنا شقلنا غنيمه بملل :ما اتوقع فيها شي اذا طلعت اغير جو احمد يتعوذ من الشيطان :انزين منو بيروح وياج؟ غنيمه:انا وامامه وانفال احمد مستغرب:منو انفال بعد؟ غنيمه:اخت فيصل زوج امامه احمد :خلاص اوكي لا تتأخرين غنيمه بنفسيه :ادري احمد:وليش تكلميني بهالنفسيه غنيمه :ما فيني شي ممكن اروح اللبس اللحين احمد يدري ان اهو السبب : روحي يا قلبي غنيمه ملت من مزاجه:باي احمد :باي ردت اتصلت على امامه...الي كانت عند انفال امامه:هلا والله غنيمه:احمد وافق امامه:خلاص نمرج ولا تجين بسيارتج غنيمه:لا خليها بسيارتي عشان ارجع امبجر امامه:اوكي براحتج لا تتاخرين غنيمه:اللبس واييلج امامه:عيل نسبقج انا ونفول السوق غنيمه:اوكي ..خل اروح اللبس لا اتاخر عليكم امامه:ايي بسرعه بباي غنيمه:باي بيت جاسم غرفة طلال وشذى رجع طلال متأخر دخل غرفته تعبان ما يبي يكلم أي احد ..غير لبسه وانسدح على السرير ... شذى دخلت الغرفه توها راجعه من بره ماصدقت يوم شافته موجود راحت لعنده شذى:طلال طلال معطيها ظهره وبنفسيه:نعم شذى تقرب منه:بتنام؟ طلال:ايي عندج مانع؟ شذى:ليش تعاملني جذي حبيبي انا شذى؟ طلال يلف عليها بكل قهر:ايي شذى الي هدمت حياتي شذى الي خربت بيتي شذى تروح له: طلال انا ما جبرتك انت الي طلبتني طلال:منج منج يا شذى لو مو ملاحقتني جان ما صار الي صار شذى:لا تحملني الغلط بروحي انت بعد وافقت على كل الي صار طلال بندم :لاني مينون مينون شذى تحاول معه:طلال حبيبي انا ادري انك زعلان عشان اختفاء حلا بس أن شاء الله بترد وقلت لك من البدايه انا راضيه اكون مرتك الثانيه ما اقدر اعيش من غيرك طلال :هدمتي بيتي يا شذى مادري شلون طاوعتج شذى :حياتي انا.. طلال يقاطعها: مابي اسمع منج أي كلمه ابغى انام سكري الليتات ولا ماراح يحصل خير بريطانيا ثاني يوم وصلو خالد وحور بريطانيا ...حور بالبدايه كانت عندها ردة فعل بعد زواجها اول مره منه ... وخالد تفهم هالشي وقدره ومخلاها على راحتها... اما اللحين حور بدت تقتنع ان مشعل انتهى نهائيا من حياتها ..وغير الحب الي تشوفه بعين خالد لها وللحين متمسك فيها...قررت تسعده كثر ما تقدر وصلو شقة حور ... خالد يحط الجناط على الارض:حمد الله على السلامه حور بابتسامه:الله يسلمك خالد يبادلها الابتسامه:شقتج حلوه حور :ايي انا ومش (( سكتت واهي منصدمه كيف كانت بتنطق باسمه جدام خالد )) خالد استغرب سكوتها المفاجئ:انتي ومنو؟ حور تلقائيا:انا ومشاعل رفيجتي اثثناها خالد :ايي ذوقكم حلو حور:تسلم... تبي نتمشى خالد ابتسم لها:منو يرفض ان يتمشى معاج شقة مشعل قاعد ويا حلا بالبلكونه واستغربت حلا من سكوته المفاجئ حلا:مشعل شفيك؟ مشعل يبلع ريجه وعينه جدام:ردت يا حلا حلا مو فاهمه شي:مين ؟ مشعل بكل عذاب نطق اسمها:حور حلا ترفع عينها للمكان الي يشوفه:هذي شقتها مشعل:ايي توه فتح الليت معناته انها رجعت حلا :مشعل انت لازم تكلمها وتتفاهمون مشعل بحزن:خلاص يا حلا احنا تناقشنا وشفتي ان ما في أي فايده حلا باصرار:لا في يا مشعل فيه بس انت الي رافض مشعل:ما اقدر اواجهها اقولها انا الي هدمت حياتنا بيدي حلا:اذا تحبك بتقدر يا مشعل مشعل:انسي حلا حور صارت لغيري حلا توها بتنطق بس تنصدم من الي شافته جدامها:... مشعل باستهزاء:هههه شفتي بعينج حلا دمعت عينها (يا قلبي عليك يا مشعل ): مشعل انا.. مشعل يقاطعها ويوقف:انسي يا حلا الموضوع ولا تذكريني فيها والله يسعدها بحياتها طبعا كانت حور نازله مع خالد ...وخالد ضامها لعنده ومغطيها بجاكيته لان الجو بارد حور بحيا:خالد خالد:ههه الجو بارد وانتي عاندتيني وما لبستي الجاكيت استحملي اللحين حور ما مانعت وتمت عنده:وين تبي نروح؟ خالد:انتي عارفه المنطقه اكثر مني حور :بوديك حديقه قريبه من اهني وايد حلوه خالد:اوكي حبيبتي حور ارتاحت من داخلها ان خالد للحين ما تغير وهالشي خلاها تصر اكثر على انها تنسى مشعل.... الكويت بعد مرور اسبوع بيت جاسم شذى ملت من اسلوب طلال ومعاملته لها ...يقعد الصبح يطلع من غير لا يكلمها ...وما يرجع الا بليل ينام على طول... ((مو هذا الي كنتي تبينه يا شذى.. صرتي زوجة طلال بس فقدتي حبيبج طلال ..آآآه يا ربي ساعدني مليييت من هالعيشه)) نزلت تحت الصاله واهي تحس انها ملانه تبي تسولف ويا أي احد لقت امامه قاعده تسولف بالتليفون ...راحت قعدت بالقنفه الي قبالها.. امامه الي كانت تكلم انفال ..شافت شذى قعدت قبالها عطتها نظره وردت تكمل سوالفها.... امامه:هههههه من صجها فجور انفال:ايي والله الهبله تقول اخذيني وياج امامه:نفول لا تسافرين انفال:ههههه خلصت من فجر دورج انتي اللحين ..كلها شهر وراده لكم ان شاء الله امامه:يعني مو لاازم انفال:محتاجه لهالسفره اموم نفسيتي وايد تعبانه امامه:الي ريحج بس عاد كل يوم بدق عليج بطفرج انفال:ههههه حلو على قلبي ..هذا اذا ذكرتيني امامه:هههههه حرام عليج انفال:ايي بتشوفين ان كلامي اهو الصح فصول اخوي خلاج تنسين الكل امامه:فديته حقه انفال:هههه الحمدالله والشكر انتو الاثنين من اكلمكم كل واحد يتفدى الثاني امامه:ههههه يا قلبي عليه وينه ولهت عليه انفال:من صجج انتي مو توج مكلمته قبل لا تكلميني امامه بشوق:ايي عدت ربع ساعه تقريبا...نفول عطيني اياه اكلمه انفال انقهرت:والله انج قليلة ادب اللحين انا باجر بسافر خليج معاي لاحقه على فصول امامه:ههههه تغارين منه فيصل الي دخل غرفة انفال وسمع جملتها الاخيره ..سحب منها التليفون... فيصل بحب:تسألبن عني يا قلبي امامه اخترعت:بسم الله انت من وين طلعت!!! فيصل:افا بدل لا تقولين لي هلا حياتي امامه بشوق:توني اسأل نفول عنك فيصل:ايي قلبي سمع قلبج يناديني وييت لج امامه:ههههههههههههه فيصل :الله لا يحرمني من هالضحكه انفال تسحب السماعه منه انفال:لوعتو جبدي انتو كله مغازل امامه:اففففف انتي من وين طلعتي عطيني فصولي انفال تشهق:انا انا تقولين لي افففف عشان فصول فيصل يسحب السماعه فيصل:فديت الي يقول اففف لغيري امامه وعينها على شذى الي فورت:فديت قلبك ..فصولي خل نطلع ملانه من البيت فيصل:حبيبتي ملانه وانا موجود اللحين امرج ونسافر على اقرب طياره امامه:هههههه ما صدق على الله...قصدي طلعني طلعه في حدود دولة الكويت فيصل:ههههه ألا تريدين خارجها امامه:لا لا اريد فقط الكويت لا غير فيصل:ههههههههههههههه دقايق وامرج امامه :ناطرتك حياتي ..لان لايعه جبدي من الي جدامي انفال كانت ساحبه السماعه من فيصل انفال:منو الي لايعه جبدج منها؟ امامه:افففف لا ذكريني ماني قادره افتح عيني شذى فورت حدها من العصبيه ..وقامت من مكانها ...وامامه استانست انها نرفزتها امامه:ههههههههههههههههه انفال:شفيج انتي بس تضحكين؟ امامه:طافج نقول نرفزت شذووه انفال:ههه يالشريره امامه بمكر:انا اعلمها ان ما كرهتها بالبيت خليتها بنفسها تطلب الطلاق من اخوي شذى صعدت غرفتها ..وخذت موبايلها واتصلت على طلال طلال رد واهو زهقان منها ... طلال:نعم !! شذى تبجي:طلال وينك طلال بكل برود:شتبين شذى: اموم اختك زهقتني مللتني حياتي طلال:وشتبين اسويلج يعني شذى تصيح:طلال انا مليت انت مو معبرني وامامه من تشوفني تقعد تطفرني طلال بقلبه تستاهلين اكثر:والمطلوب!!! شذى:طلال حبيبي انسى الي صار وخلنا نبدي من يديد طلال باستهزاء:ماراح اسامحج الا اذا رجعت حلا شذى بقهر:وانا شعلي شدراني اهي وينها طلال :انا مشغول اكلمج بعدين سكره منها واهو زهقان ...بعد حلا عنه وايد اثر فيه ..بس لحظات يحن لشذى قلبه ما يطاوعه يعاملها بهالشكل (( وينج يا حلا كافي عذاب ..وربي ندمان ندمان بس ابي اسمع صوتج )) شقة احمد قاعدين بالصاله وللحين احمد ما تغير يوم مزاجه زين يوم يغلب عليها... احمد:اقول غنيمه تلتفت عليه:... احمد:انا بروح الشاليه من باجر الصبح ويا ربعي ثلاث ايام غنيمه تلف على التلفيزون:خير ان شاء الله احمد: فأنتي روحي بيت امج عشان ارتاح غنيمه:اوكي احمد:بس هذا الي عارفته اوكي ..ان شاء الله ..خير .. غنيمه ترفع حاجب:شتبيني اقولك احمد:سولفي نفس الناس ولا ما تعرفين تسولفين غنيمه وقفت :بروح انام تبي شي احمد يوقف بعصبيه:ان رجعت من الشاليه لي كلام ثاني معاج غنيمه تروح غرفتها من غير ولا كلمه..واحمد تنرفز منها و طلع من الشقه بيت فيصل الكل نايم ..ما عدا فيصل قاعد يكلم امه بموضوع في الصاله فيصل:يمه انتي لا تضغطين عليها اكثر نهى بضيق:يا ولدي اختك كبرت ..وبعدين محد راح يتقدم لها فيصل:يمه الي تعرضت له انفال بالغزو مو شويه شي اكيد بيصير لها ردة فعل مع الكل نهى :حسبي الله عليه لو ما كانت طالعه من غرفتها ما صار الي صار فيصل بحزن:مكتوب يا يمه عليها ...مو بس اهي بنات وايد اغتصبوهم نهى دمعت عينها تذكر الي صار جدام عينها:انا قلت لها لا تطلعين من الغرفه ...بس سمعت صوت صراخك وصراخي يوم ذبحو ابوك وطلعت... وما اكتفى بذبح ابوك كمل على بنتي فيصل يهديها:خلاص يا يمه كافي انسي الي صار نهى انهارت بجي:انسى شلون انسى الي سووه فينا بالغزو مو شويه...ابوك ذبحوه جدام عيني واختك اغتصبها جدامي وما كان بيدي شي اسويه شلون تبيني انسى فيصل دمعت عينه:الله يعينج يا يمه ما الومج ما الومج قاعد تحوس بالاوراق ومندمجه فيهم ..دخل عليها احدى المراجعين المراجع:لو سمحتي اختي ترفع عينها انفال له:نعم الصدمه على ويها ما تتخيل الي تشوفه جدامها.... انفال تغمض عينها وترد تفتحهم تبي تتأكد:.... المراجع يحس انها مو طبيعيه:اختي في شي انفال ودمعه بعينها حاولت تمسك نفسها: تفضل المراجع:دام فضلج...حبيت تسوين لي هالمراجعه انفال تاخذ منه الاوراق:ان شاء الله بس تفضل ارتاح كلها ربع ساعه وتكون جاهزه ان شاء الله المراجع يقعد على الكرسي:يعطيج العافيه خذت الاوراق بسرعه وطلعت من المكتب تتنفس بسرعه ...معقوله معقوله يكون الشبه جذي واضح . معقوله نساني يا ربي اهو فواز اهو ...معقوله نساني رفعت الاوراق الي بيدها ولقت نفس الاسم تمت تصيح مو مستوعبه شلون فواز جدامها ولا عبرها ...حن قلبها له ودموعها بدت تنزل وحده تلو الاخرى ..مشتاقه لشوفته مشتاقه لحنانه مشتاقه لحبه ...ليش جذي تجاهلها ((آآآآآآآآآآآآآآآه يا فواز كل ما اقول اني نسيتك القى الزمن يذكرني فيك ..وينك يا قلبي رحت وخليتني ....ليش سويت فيني جذي يا فواز ليش!!! واللحين يوم اشوفك جدامي تتجاهلني كأنك ما تعرفني معقوله يا فواز )) مسحت دموعها بكل الم وحسره...وراحت تكمل اجراءات المعامله... انفال :خلصت معاملتك (واهي تمد له الاوراق) المراجع:مشكوره اختي استغربت انفال انه ما مد يده للاوراق انقهرت منه زود معقوله ما يبي يلتفت يطالعني:اخوي الاوراق المراجع يلتفت لها ويمد يده :سامحيني اختي ..مشكوره ما قصرتي انفال تصرخ من داخلها((لااااااااااااااااا يا ربي عمي عمي ما يشوف ؟...يا ربي الي جدامي فواز حبيبي اعرفه شلون ما اعرفه بس شلون وليش معقوله ما يشوفني عشان جذي ما عرفني)) المراجع:متى موعدي الياي.؟ انفال للحين بصدمتها دموعها تنزل بحسره والم على حال حبيبها:............ المراجع حس في شي مو طبيعي:اختي معاي؟ انفال من غير وعي نطقت اسمه الي دوم تناديه فيه الاسم الي ايام اشتقات تناديه..قالت بصوت مو واضح متقطع:ف..وا.زي المراجع :شنو؟ انفال تروح له وتوقف قباله تتامله اكثر حركت يدها قبال ويهه وتاكدت من انه عمي شهقت بعذاب:آآآآآه يا حبيبي انت حي المراجع:اختي شالكلام انفال متاكده اهو اهو حبيبه ما في شك بهالشي ردت نادته باسمه بصوت اوضح:فواازي المراجع قعد على الكرسي بصدمه ودموعه بدت تنزل من غير لا يتحكم فيها:انفااااااال راحت قعدت تحت عند ريله ودموع الفرح ماليه ويها:انت حي فواز حي فواز ما بين الالم والفرح:آآآآآآآه حي وميت بنفس الوقت انفال تبجي:وينك يا فواز..ليش تخليت عني؟ فواز :ما تخليت عنج برغبتي انفال :كنت انتظرك بكل شوق ..كان ما بقى شي على زواجنا ليش يا فواز سويت جذي ليش بعتني .. فواز يبجي: تهقين انا ابيعج يا انفال انفال بحزن :هذا الي صار فواز :كافي يا انفال لا تلوميني انفال تبجي بهستيريه:كافي كافي لا مو كافي يا فواز انت بعتني تخليت عني تدري شنو سويت فيني انت ذبحتني يا فواز فواز:بس حرام عليج انفال كافي العذاب الي شفته من دونج انفال:وانا وانا نسيتني ما فكرت فيني ما فكرت شراح يصير فيني من دونك فواز :انا ما تخليت عنج انفال تضحك باستهزاء:شتسمي الي سويته فيني فواز:انفال انا كنت بين الحياة والموت انفال توها تستوعب اكيد دامه عمي اكيد صارله شي:....... فواز حس بسكوتها وكمل:صارلي حادث وانا مسافر دبي قبل العرس بروح اشتريلج الخاتم الي كان خاطرج فيه انفال دموعها تنزل بهدوء:........... فواز:دشيت بغيبوبه ومحد يدري عني ...بعد شهر صحيت منها بس اكتشفو ان عندي نزيف حاد بالدماغ ورديت دشيت شهر ثاني بغيبوبه ..ويوم صحيت منها اكتشفو اني (بحسره يقولها ) اني عمي عمي يا انفال انفال تشهق من كل قلبها:لاااااااااااا فواز:شلون تبين ارجع لج وانا بهالحاله شلون تبين اهدم حياتج بزواجج مني ..ما اقدر اسمع بصوتج من غير لا اشوفج انفال:من قال بتهدم حياتي ...انت هدمتها في بعدك عني فواز يكمل بألم:عااااانيت وايد يا انفال وايد حاولت بكل مستشفيات المتخصصه مافي أي علاج ..فقدت الامل اني ارجع لج كرهت اني ارد الديره واشوف الحزن بعيونج ...مرت كل هالسنين و تأقلمت بحياتي اليديده وكونت نفسي بدبي ..ويوم قررت اني اواجهج بعد ما عرفت ان في امل ضعيف بالعلاج ...وصل لي خبر خطوبتج انفال منصدمه :خطويتي!!! فواز دموعه تنزل بحراره:حسيت ان حياتي انتهت مالها أي معنى ليش اعالج وارد عيوني اذا انتي مو جبالي..تميت على ما انا فيه وعندي اتم بهالحال ولا اني اشوفج يوم لغيري انفال تقاطعه:مستحيييل اتزوج غيرك مستحيل فواز فواز بصدمه:ما تزوجتي!! انفال تقرب منه:ولا راح اتزوج ..فواز انا عانيت وايد بعدك عني...وايد تقدمو لي بس كنت ارفض كان عندي امل انك بترجع لي يوم .. فواز:انفال انا عمي..ما اشوف ما اشوف انفال ما تقدر توصف فرحتها بشوفته:ابيك بكل احوالك فواز:لا يا انفال لا انفال:فواز لا تعاند كفايه ماراح منا..وانت قلت في امل ضعيف ان شاء الله تتعالج فواز:واذا ما في امل؟! انفال بكل حب:وجودك يمي يكفيني فواز:شلون تعيشين مع واحد عمي !! انفال:اعطيك عيوني فواز:لااا يا انفال وايد وايد ما استاهل انفال بكل حب:فواز لو كنت انا العميه بتتخلى عني فواز بكل ثقه:اموت ولا اتخلى عنج انفال:شلون تبيني اتخلى عنك بعد ما لقيتك ماراح اضيعك مني فواز من بين بجيه:ههههه ياهل اضيع منج انفال تمسح دموعها وتشاركه الضحك: هههههه ولهت على ضحكتك احس الروح ردت فيني فواز يمد يده واهي فهمت له ومدت يدها له :احبج انفال انفال تغمض عيونها تحس انها بحلم:....... فواز خاف من سكوتها:انفال وينج انفال تشد على يده:وياك حبيبي وياك بس مو مصدقه انك جدامي فواز يبتسم بألم:سامحيني حبيبتي انفال ردت للدموع:ما تدري يا فواز شكثر تعذبت من بعدك فواز:وانا اكثر يا انفال كنت محتاجج بكل لحظه بس كل ما افكر اني عمي وكيف بتكون حياتج صعبه معاي وكيف انج راح تكونين سعيده مع غيري يهون علي يا قلبي انفال تبجي:شلون فكرت جذي شلون فكرت ان سعادتي مع غيرك فواز يمد يده ويمسح دموعها:بس حبيبتي كافي بجي انفال :ما اقدر يا فواز قصب علي ..كلام الناس ما رحمني الي يقول ان اكيد شاف عليها شي وتركها والي يقول ان العيب منها والي يقول اني عنست والي يقول اكيد فيها شي دامها ترفض الي يتقدمون لها..وانت الوحيد الي عارف الي فيني (بجيها يزيد) ومحد غيرك قدر الي صارلي فواز يشد على يدها:الي صارل لج حبيبتي مو بيدج حسبي الله عليه انتي مالج أي ذنب انفال تتأمله واهو يتكلم تحس ولهانه لكلامه الي دوم يشجعها بعد الي تعرضت له :... فواز:نفوله لا تهتمين بكلام الناس ..فواز رجع وبيعوضج كل الي راح انفال تشاهق من البجي:...آآآآآآآآه شكثر عانيت من دونك فواز:يا قلبي يا انفال كل هذا بسببي انفال:يهون كله يهون دامك رجعت لي فواز يمسك يدها:انزين قومي نطلع من اهني مو حلوه احد يمر يشوف دموعج انفال بفرحه:دموعي تفداك يوم قامو ..فجأه اختفى فواز تمت تشوف يدها ((وين ايده وينها!!))...دموعها تنزل تنزل من غير أي احساس ..ويوم رفعت عينها لقت واحد قريب بيقرب منها ونظراته تخرع لها ... قامت تصارخ بصوت عالي تنادي عليه ينقذها ((فوااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااز ...فواااااااااااااااااااااااز )) قعدت من النوم مخترعه واهي تصارخ باسمه ((فوااااااااااااااااااااااااااااااااااااااااااااااااز)) دخلو عليها امها وفيصل سمعوها واهي تصارخ....حالتها كانت تعور القلب تعرق وتتنهد بشكل سريع ..مهي قادره تتنفس.. نهى تسمي عليها:سم الله عليج شفيج حبيبتي انفال تبجي:فواز يمه فواز حي حي بس عمي عمي ما يشوف..واحد كان مقرب مني ياي صوبي يمه يخرع يمه وخرووه عني لا يقرب وخرووووووه فيصل يروح لعندهم:نفوله حبيبتي تعوذي من بليس..انا يمج انفال وللحين تأثير الحلم عليها:وخره فواز وخره عني لا يقرب مني فيصل يشد على جتفها ويهزها يبيها تصحى:انا فيصل انفال كاني وياج حبيبتي ..تعوذي من الشيطان انفال تمت تصيج :ابي فوااز .. نهى:يا بنتي تعوذي من الشيطان انفال واهي تشاهق من البجي :اع..وذ ..بالله م..ن الشي..طان فيصل يضمها لعنده ويمسح على شعرها وقلبه يعوره على حال اخته:بس حبيبتي خلاص ...لا اله الا الله .. تم يسمي ويذكر عليها لما نامت بحضنه...وبعدها ردها لسريرها ولحفها وباسها على راسها واشر لامه الي كانت تشوف حال بنتها وتبجي من غير أي صوت انهم يطلعون بره.... نهى :شلون بتسافر اختك بروحها اذا الكوابيس للحين تحلم فيهم فيصل بضيق: يمه ان سافرت ترتاح اكثر شبيدي اسويه نهى راحت غرفتها واهي متضايقه على حال بنتها للحين مهي قادره تنسى فواز ... بريطانيا شقة حور كان خالد منسدح على السرير يتأمل حور الي نايمه يمه بكل براءه (( واخير صرتي لي ..)) كان يحبها من صغرها ..ما كان يعجبه حركات خالته حصه ومعاملتها لها ...بس كانت حور دوم بعيده عنه وتكره أي احد من اهل حصه.. فتحت عينها لقت ويه خالد قريب منها يتأملها ...سحبت للحاف وغطت ويها فيه بحيا... خالد يسحب للحاف بابتسامه:صباح الخير على احلى عروس حور ترد تتغطى بللحاف:صباح النور خالد:هههه حور شيلي للحاف حور من تحت:مابي خالد:هههههه انزين قومي يالله راحت علينا نومه ساعه 4 العصر حور شالت للحاف منصدمه:نمنا كل هذا خالد يغمز لها:ايي حور قامت من مكانها مرتبكه وبقت تتكرفس على ويها:... خالد ماسك ضحكته:شوي شوي حبيبتي لا تطيحين حور انحرجت ودخلت الحمام:كله منك خالد:هههههههههههههه شقة مشعل بعد ما تغدو قعدو بالصاله ...حلا تتابع برنامج ومشعل لاهي بدراسته... رن جواله ابتسم يوم شاف المتصل مشعل:هلا بالنسيب القاطع فيصل:هلا فيك ..شلونك شخبارك؟ مشعل:بخير الله يسلمك انت شلونك؟ وشلون الاهل؟ فيصل :كلهم بخير ..ليكون بس داق وقت غلط مشعل:ههههه لا ابد عندنا اظن 5 المغرب انت شمقعدك هالحزه؟ فيصل بضيق:والله حبيت بس اوصيك على شغله مشعل:امرني يالنسيب فيصل:ما يآمر عليك عدو بس اختي انفال ان شاء الله العصر طيارتها لبريطانيا عندها دورة شغل مشعل:بنفس منطقتي؟ فيصل:ايي وهالشي ريحني لانك معاها واقدر اتطمن عليها مشعل:لا تحاتي يا فيصل بعيوني فيصل:تسلم لي عيونك... مشعل:انت عطها رقم موبايلي واول ما توصل تكلمني ولا تحاتيها فيصل براحه:على خير ان شاء الله مشعل:سلم على الاهل كلهم فيصل:يوصل اخليك اللحين مع السلامه مشعل:مع السلامه التفت على حلا لقاها تناظره مو فاهمه شي من الي سمعته مشعل بابتسامه:هذا فيصل زوج اموم حلا بوله كبير:يا قلبي عليها ولهت عليها مشعل يمد لها التليفون: كلميها حلا :لا لا لو شنو مشعل:والله يا حلا تلقينها تحاتيج ...تدرين امس كلمت نوال تقول انها مأجله عرسها عشانج حلا انصدمت:لاا مشعل :هذا الي صار مو راضيه تسوي عرس من غيرج حلا:اقنعها يا مشعل اقنعها مشعل:حاولت معاها رافضه نهائيا..كلميها يا حلا حلا تغير الموضوع:وشيبي فيصل؟ مشعل:انفال عندها دورة شغل حلا :وانا !! مشعل :انتي شفيج؟ (استوعب ) شلون راحت من بالي!!! حلا :مشعل ما ابغى احد يعرف مشعل بحيره:مضطر يا حلا اكون معاها فيصل موصيني عليها حلا:خلاص عيل اذا جيت انا اكلمها وافهمها انفال اعرفها راح تقدر الموضوع مشعل بابتسامه:الله يهديج وتبلغين الكل انج عندي صدت عنه حلا ورجعت عينها على التلفيزون واهو رجع يكمل دراسته... بيت ام شذى ثاني يوم نزلت ام شذى للصاله بعد ما صلت الظهر عشان تزهب الغذا لابو شذى استغربت من الخادمه رايحه تفتح الباب لاحد.. ام شذى منصدمه: ام حمد ام حمد بابتسامه:السلام عليكم ام شذى تصافحها بيدها:وعليكم السلام ام حمد والابتسامه ما زالت موجوده:شلونج؟ ام شذى تأشر لها تتفضل:بخير انتي شلونج؟ ام حمد تقعد:بخير الله يسلمج..ما ابي اطول عليج بس حبيت بنفسي اعزمج ام شذى مستغربه:على شنو.؟!! ام حمد بفرح:عرس ولدي حمد ام شذى عيونها دمعت:مبروك يا وخيتي ام حمد:الله يبارك فيج ام شذى تحضنها:يستاهل حمد يستاهل ام حمد تشد عليها بوله:تسلمين يالغاليه ام شذى تلزم عليها: اليوم غداج عندي ام حمد:لا ما عليه مره ثانيه ان شاء الله ام شذى :افا تردين عزيمتي ام حمد تقنعها:العرس بعد اسبوع ولبي اوزع البطايق ..باجر ان شاء الله اعزم نفسي انا وحمد ومرته عندج وشتبغين بعد ام شذى بفرحه ما تنوصف:الله لا يحرمني منج..سامحيني على كل شي ام حمد:مسموحه.. واحنا خوات والظفر ما يطلع من اللحم ام شذى:اصيله يا ام حمد ام حمد:طلبتج لا ترديني يا وخيتي ام شذى:آمري ام حمد:اعزمي طلال وشذى نبي المياه ترجع لمجاريها احنا اهل ام شذى بضيق :والله شقولج.. ام حمد بخوف:خير ان شاء الله ...شذى فيها شي!!! ام شذى :شذى من بعد لسوته وانا ما اكلمها ام حمد:لا حول ولا قوة الا بالله ليش هذي بنتج الوحيده صج انها غلطت بس ربج غفور يسامح وبالج انتي امها ام شذى تبجي:ولهانه عليها ما تدرين شكثر فاقدتها ..بس لسوته فينا مو شويه ام حمد:انا معاج بهالكلام بس الحمدالله اهي تزوجت واسترت على عمرها مالها غيركم بهالدنيا وانتو ما عندكم غيرها ام شذى تشوف اختها لكبرت بعينها بهالكلام:طول عمري اتمنى اصير مثلج وللاسف ما قدرت ام حمد:انتي احسن مني يا ام شذى باخلاقج وطيبتج ام شذى:يعني تشوفين اني اسامحها ام حمد :ههه اصلا من قال انج زعلانه عليها قلب الام ...عندج حمد ولدي غلط وزعلت عليه ويوم الله هداه الحمدالله ردت المياه لمجاريها لانه ولدي الوحيد مالي غيره ام شذى:وانتي الصاجه احنا بس كلام ولا قلوبنا بتحترق عليهم اذا ابتعدو عن عينا ام حمد تبتسم لها:دقي على بنتج وانسي الي صار خليها تعيش حياتها الزوجيه وانتي راضيه عليها ام شذى :ان شاء الله ام حمد توقف:عيل استأذن انا اللحين وباجر ان شاء الله على العشى عندكم ام شذى:حياكم الله بالمطار فيصل:ديري بالج على عمرج انفال :ان شاء الله يا فيصل مو اول مره اسافر فجر:نفول لا تنسين كاكاو لندن انفال:ههههههه هذا الي تحاتينه فجر:شسوي احبه نهى:يا بنتي كل يوم طمنيني عليج انفال:ان شاء الله يمه فيصل:ولا تنسين انا وصيت مشعل اهو الي بيستقبلج بالمطار..اي شي تبينه كلميه لا تستحين اعتبريه انا انفال:ان شاء الله..يلا لا اتأخر على الطياره نهى تضمها:الله يحفظج انفال تودعهم:مع السلامه بيت جاسم وصل طلال متأخر كالعاده توه بيدخل غرفته ناداه ابوه جاسم:طلال طلال التفت عليه:نعم جاسم:تعال تحت ابغى اكلمك نزل له طلال واهو يطلب الصبر من ربه لان عارف الموضوع الي بيكلمه ابوه فيه طلال :خير يبه جاسم بعصبيه:ليش تعامل شذى بهالشكل؟ طلال باستهزاء:شلون عاملتها؟ جاسم:كلمني عدل طلال يتعوذ من الشيطان: انت بغيتني اتزوجها وتزوجتها اظن كافي تدخل بحياتي جاسم يروح يوقف قباله فيس تو فيس:انا ما تدخلت الا يوم شفتك مو قد المسؤوليه طلال انقهر:يعني مو رجال جاسم:الرجال ما يسوي الي سويته طلال بندم: قلت لك يا يبه كنت ناوي اتزوجها جاسم:واللحين تزوجتها بس اشوف معاملتك لها ما تدل على انك كنت تبغيها طلال:متضايق شوي يعني حرام اكون متضايق جاسم:وتحط حرتك بالمسكينه شذى طلال مستغرب من دفاع ابوه الدايم لها:انت ليش كله تدافع عنها؟ جاسم:لانك ظلمتها وتستاهل كل ليصير لك طلال انقهر:انا ولدك يا يبه جاسم:هالكلام ماله معنى ..معاملتك لشذى مو معاملة زوج لمرته حتى ما سفرتها شهر عسل طلال:ما تستاهل جاسم عصب:شوف يا طلال انا استحملتك وايد ..بعد يومين حاجز لكم لامريكا شهر كامل ويعتبر شهر عسل لكم طلال انصدم:انا ما طلبت منك !!! جاسم بتحكم واضح:مو الا تطلب هذي هدية زواجكم طلال:بس عندي شغل كثير بالشركه ما ابغى اسافر جاسم:الشركه مو متعطله عليك ..وهالموضوع انتهى (يمد له التذاكر) وهذول التذاكر روح فرح مرتك فيهم طلال بقهر:حرام عليك يا يبه هذي حياتي ما يصير تجبرني جاسم عصب: ترضى لاختك امامه تتزوج من غير شهر عسل طلال:امامه غير جاسم:لا مو غير ..ما ابغى الناس تتكلم ..روح لمرتك وخبرها طلع طلال واهو يحس ان الموت ارحم له... (( استاهل استاهل انا الي جبته لنفسي.؟..آآآه يا حلا وينج وينج ولهت عليج يا حياتي محد غيرج يحس فيني )) صعد لغرفته واهو يدعي ربه تكون شذى نايمه ماله خلق أي مناقشات... انصدم يوم شافها منسدحه على القنفه وشكلها يعور القلب ...اول مره يشوفها جذي من غير ترتيب مو حاطه مكياج ولابسه بنطلون وبلوزه وسيعه شكلها صاير مبهذل.. وشعرها مفلول بطريقه مو مرتبه ...ومعالم التعب باينه على ويها حن لها وحس ان كثير تجاهلها .. قرب منها بابتسامه خفيفه:شذى شذى تلتفت عليه بتعب:هلا طلال :ما نمتي؟! شذى تقوم تعدل قعدتها:لا ما نمت طلال يقعد يمها:ليه؟ شذى :يهمك؟ طلال :اكيد يهمني شذى ما صدقت كلامه وقفت :اللحين بنام طلال يوقفها من يدها:شفيج؟.؟ شذى عينها دمعت من تذكرت معاملته لها من تزوجو:ما فيني شي طلال تجاهل دموعها:تعالي بكلمج شذى تسحب يدها ودموعها زادت:طلال مالي خلق اسمع أي كلام جارح نفس كل مره طلال سكت يناظرها ((معقوله لي هالدرجه كنت اجرحها..ونسيت ان لي دور بلي صار)):.... شذى ملت من سكوته ودخلت الحمام وتمت تصيح بصوت عالي على حالها.. طلال كان يسمعها وقلبه يعوره مو عارف شيسوي هل اهي تستاهل او الي سواه فيها كثير!!! ((آآآه يا قلبي كيف اكون انا دموعج يا شذى...يا ربي القلب حب اثنين شلون املك الاثنين صعب صعب)) مرت 5 دقايق بعدها طلعت شذى من الحمام رايحه للسرير بتنام ... وقفها طلال من وراها:شذى شذى من غير لا تلف عليه:نعم طلال من كل قلبه:آسف حبيبتي ادري وايد زودتها شذى مو مصدقه لسمعته:.... طلال يلفها له:ادري غلطت وايد بحقج سامحيني حياتي شذى دموعها تنزل مو مصدقه طلال رد يكلمها بهالاسلوب:.. طلال:ليش البجي؟ شذى تشاهق:لان.ك من زما..ن ما قلت لي .جذي طلال كسرت خاطره ضمها لعنده:لا تلوميني حبيبتي لصار مو شويه شذى تتمسك فيه ما تبي تصحى من الي هي فيه:طلال انا احبك كل الي سويته لاني احبك طلال يبجي معاها:وربي اني احبج بس الي صار خلاني افقد اعصابي يا شذى ما اجذب عليج اذا قلتلج ان انتي وحلا بقلبي وهالشي صعب صعب شذى :انا ما قلت لك انساها ولاا طلبت منك تكرها بس ابي اكون يمك طلال يبتسم لها:وكاني يمج اللحين شذى ترفع عينها له:ما تدري شكثر تعذبت الايام لطافت برفضك لي وكلامك الجارح لي كل ما تشوفني طلال يمسح على شعرها:آسف حبيبتي بعوضج ان شاء الله على كل شي شذى بابتسامة حب:وجودك يمي يكفيني طلال طلال يطلع من جاكيته التذاكر:تفضلي شذى مستغربه:شنو هذا؟ طلال يبتسم لها:تذاكر سفر شذى:حق منو؟!! طلال :هههه حق منو بعد ..لي انا وياج يا قلبي شذى مو مصدقه: قصدك انا وياك انسافر طلال:شهر عسل متأخر شذى تلمه:احبك طلااااال طلال:وانا بعد حياتي قعدت الصبح وتحس انها اسعد وحده بهالكون ...خلاص ردت مع طلال مثل اول واحسن ...الليله الي طافت عوضها كل شي..كافي انه يمها هالشي يكفيها.... دخل طلال الغرفه ولقاها تشوف نفسها بالمنظره وتبتسم ... طلال:صباح الخير شذى:صباح الحب طلال يروح لها:ممكن اعرف شهالجمال من الصبح شذى تحوط رقبته بيدها:تريقت حبيبي؟ طلال يغمز لها :قلت نتريق بره شذى تطبع بوسه على خده:واااااااي احبك ..من زمان ما طلعت معاك طلال مرتاح يشوف الفرح بعينها:يالله يا قلبي لبسي اجهزي شذى :من عيوني يرن جوالها ..استغربت يوم شافت الرقم رفعت عينها لطلال بخوف:هذي امي طلال عارف الي صار بينهم:ردي حبيبتي شذى ترد واهي ترجف:الو ام شذى بفرح:هلا حبيبتي شذى من سمعت جذي تمت تصيح:يمه يمه ام شذى:حبيبة امج شلونج يمه شخبارج؟ شذى :انا بخير...ولهت عليج يمه ام شذى:وانا اكثر يا يمه ..شلون طلال معج شذى ترفع عينها له واهو جيه جلس يمها على السرير:بخير يمه ام شذى:مرتاحه شذى بابتسامه كبيره:الحمدالله ام شذى:اليوم انتي وطلال معزومين عندنا شذى بتطير من الفرحه:صج يمه ام شذى:ايي يا يمه انتي وطلال وخالتج وحمد شذى بتردد:حمد!!! طلال التفت بهالوقت ....وضاق خلقه لان تذكر حلا شذى:بس يمه... ام شذى فهمتها: حمد بيتزوج اسبوع الياي ان شاء الله شذى بفرح:صج يمه ام شذى:ايي وخالتج عازمتني انا وياج شذى:اصيله خالتي بعد كل الي صار ما نستنا ام شذى:واليوم بتيي ويا حمد وخطيبته تتعرف علينا شذى :خلاص يمه انا اقول لطلال وارد لج خبر ام شذى:ننطركم ان شاء الله شذى:ان شاء الله اخليج يمه اللحين ..مع السلامه التفتت على طلال...ولاحظت ملامح الحزن عليه ما لامته عرفت انه تذكر الي صار شذى تحط يدها على يده:طلال طلال يرفع عينه لها :عيونه شذى تبتسم:حبيبي امي عازمتنا على العشا اليوم..وخالتي وحمد بيكونون موجودين طلال :شذى انا ... شذى تقاطعه:ومرته طلال يرفع عينه لها مستغرب:تزوج !! شذى بفرحه:ايي طلال من كل قلبه:يستاهل حمد كل خير شذى استانست من رده:يعني راضي نروح طلال:ليش لأ شذى :وااااااي يلوموني ليش اصير مينونه بحبك طلال:اقول شذوي قومي لبسي لا اهون ونتم اهني شذى تقوم بسرعه للحمام:ههههههههه لا الا انك تهون بيت نهى قاعدين يتريقون بالصاله نهى:البيت مو حلو من غير نفول فجر بغيره:بسم الله يمه امس مسافره ..مداج تفقدينها نهى:تعودت كل يوم تتريق وياي فجر:افا يمه انا ما اكفي نهى:الا تكفين حبيبتي... متى محاضرتج؟ فجر تشوف ساعتها :محاضرتي 10 يعني باقي ساعه الا ربع ..خير يمه؟ نهى:وصليني بطريجج بيت نوال عازمتني على جاي ضحى فجر:اشوفج ما كليتي شي...جاهزه يمه؟ نهى:ايي خالصه بس البس شيلتي وعباتي مكتب فيصل رافع ريله على المكتب و يتكلم بالتليفون... فيصل:آآآآآخ على ايام الجامعه.. امامه للحين منسدحه بسريرها:ههه في احد يتمنى ايام الدراسه فيصل:لاني كنت اشوفج فيها ..الحين بالشغل محروم منج امامه:ههههه وربك مقعدني من النوم عشان تقول لي هالكلام فيصل:ما اعرف يا قلبي لازم كل يوم اصبح فيج ... امامه بدلع:حرام عليك كل يوم تقعدني من نومي فيصل:الحين النوم اهم مني امامه:يا قلبي احلامي هالايام حلوه وانت كله تخرب علي فيصل بغيره:تحلمين بمنو؟!! امامه تطفره:ما اقدر اقولك فيصل بقهر:لا والله امامه:ايي والله فيصل يطفرها:الا تعالي شلون مرت اخوج الحلوه امامه فهمته بس طوفت:باجر بيسافرون فيصل استغرب:وين؟َ!! امامه بقهر:شهر العسل عساها ما تستانس طول عمرها فيصل:ههههههه من حقها امامه:لا مو من حقها فيصل:يعني ترضين ما اسفرج شهر عسل امامه تشهق:هاااا تقارني انا بشذووه الخايسه فيصل:ههههههههههه اصلا ما في مقارنه انتي وين واهي وين امامه :فصوول بنام فيصل:افا طرده امامه:حبيبي وراي طلعه ويا فجور وغنوم ابي انام فيصل:هههه خلصنا من انفال دور فجور اللحين امامه:طلبتني ما حبيت اردها فيصل :وين بتروحون؟ امامه:السوق بعد وين فيصل:اوكي حياتي روحي كملي نومتج اللحين امامه:اشوفك العصر في بيتكم... بباي فيصل:باي بيت بو شذى وصلو طلال وشذى قبل ... وام شذى رحبت فيهم وتمو يسولفون ...وصل بو شذى وطلال سلم عليه ويحس باحراج من الي سواه بس معاملة بو شذى خلته يرتاح جزئيا ويشاركهم بالسوالف.... بو شذى :يعني باجر ماشين ان شاء الله شذى بفرح:ايي يبه بو شذى:الله يسهل عليكم طلال:اجمعين وصلو حمد وامه ومرته (مها)...سلام حمد لشذى كان شوي جاف واهي كانت منحرجه منه ....بعدها قعدو الحريم بالصاله و الرياييل راحو الجهه الثانيه عشان ياخذون الحريم راحتهم ....خاصة ام حمد متنقبه اما مها كانت متحجبه وتلبس عباة.... جهة الحريم شذى:مبروك يا مها مها:الله يبارك فيج شذى:تشتغلين؟ مها:ايي مدرسة رياضيات شذى:مو تعب عليج؟ مها:اهو تعب بس من صغري وانا احب التدريس شذى باتسامه:الله يوفقج ان شاء الله ام حمد بصوت واطي:الحمدالله شذى شكلها مرتاحه ام شذى بفرح:الحمدالله وباجر بيسافرون شهر العسل ان شاء الله ام حمد:يستاهلون كل خير جهة الرياييل حمد حاول يكسر الهدوء الي بينه وبين طلال:شلون الشغل يا طلال؟ طلال ابتسم له:والله تعب حمد:الله يعينكم... طلال:يعين الكل ...انت شلونك؟ حمد:بخير الحمدالله رجعت اشتغل مع الوالد وفتحت لي محل صغير ببدي فيه تجاره طلال:الله يوفقك ان شاء الله بالسوق بعد ما قامو من المطعم غنيمه:خلاص اموم انتي وفجور امشو وانا ارجع البلوزه وبرد البيت امامه:اوكي حبيبتي غنيمه تسلم على فجر:لا تقاطعين فجوره فجر:ان شاء الله بعد ما رجعت البلوزه ...كانت تمشي وتحس بكآبه ..تشوف الناس حواليها وبالها مع احمد ((ليش وصلت علاقتنا لي هالدرجه !!! ليش يا احمد تغيرت جذي!!!) لمحت احد من بعيد تعرفه قربت واهي مستغربه لان اهو قال انه بالشاليه ويا ربعه غنيمه بصدمه :احمد !! احمد يوقف وبصدمه اكبر:غنيمه!!!!! غنيمه مستغربه:انت مو بالشاليه؟!! احمد توهق:انا ..انا غنيمه تشوف الولد الي يمه:منو هذا؟ احمد يبلع ريجه :هذا ...هذا غنيمه مو فاهمه شي :منو هذا احمد ؟ فهد يتعلق بدشداشة احمد:منو هذي بابا؟ غنيمه بصدمه :ولدك!!! احمد يهديها:غنيمه حبيبتي هدي شوي غنيمه عيونها دمعت :عندك ولد يا احمد؟ احمد يمسك يدها والناس عيونها عليهم :غنيمه الكل قاعد يشوفنا هدي شوي غنيمه تبتعد عنه بقوه:ما ابي اشوفك بعد اليوم احمد يناديها :غنيمه ..غنيمه بس غنيمه ما عطته فرصه وتمت تركض بالسوق بدون أي وعي ...والناس عينها عليهم والكل يفسر مثل ما يبي بالسياره فهد مو فاهم شي :بابا ليش تبجي؟ احمد يمسح دموعه :مو قاعد ابجي حبيبي فهد:منو هذي بابا؟ احمد:هذي ..هذي فهد :منو بابا؟ احمد :هذي ماما حبيبي فهد بفرحه:ماما ييت من السفر نزلت دمعه من عيونه يوم تذكر شيخه :أي حبيبي هذي ماما فهد بحزن:ليش ما عطتني بوسه احمد: بتعطيك حبيبي باجر نروح لها فهد يصفق بيده بفرح:ونااااسه بيصير عندي ماما احمد رجع فهد الشقه وراح لشقته لقى غنيمه بالغرفه منهاره من البجي تلم اغراضها.... قرب منها بكل هدوء من دون لا تحس وحط يده على جتفها :حبيبتي سمعيني غنيمه انتفضت منه بكل عصبيه:ولك عين تقول لي حبيبتي بعد احمد:ارجوج هدي شوي عشان اقدر اشرح لج غنيمه :ما ابيك تشرح لي شي ما ابي منك ولا شي..كل الي ابيه أنك تطلقني وبس احمد مصدوم:اطلقج مستحيل غنيمه بكل عصبيه:لا تقول مستحيل ..انت لازم تستحي على ويهك مو كفايه الي سويته طلقني ما ابي اشوفك احمد يقرب منها :حبيبتي اهدي شوي خل نتفاهم غنيمه تبجي:وانا اقول ليش ما تبي عيال ..لان عندك ولد احمد يمسكها من جتفها:انتي فاهمه غلط سمعيني غنيمه بصراخ تبتعد:لا تقرب مني وخر عني ما بينا تفاهم طلقني طلقني احمد يصارخ :غنيمه اهدي شوي خل افهمج غنيمه تسحب الجنطه وتطلع من الغرفه:ما بينا تفاهم وورقة طلاقي ابيها توصل لي باجر واذا اليوم يكون احسن احمد يحاول يوقفها:صبري غنيمه وين رايحه غنيمه بين دموعها: طلقني يا احمد هذا اخر كلام بينا سكرت الباب بويهه وراحت لسيارتها رمت اغراضها وره وساقت بأسرع ما عندها لي بيت اهلها ...... بريطانيا بالمطار مشعل يستقبلها بابتسامه:حمد الله على السلامه نورت بريطانيا انفال بحيا:الله يسلمك مشعل:قبل لا اوديج لشقتج باخذج لشقتي انفال استغربت:ليش؟ مشعل:في مفاجأه تنتظرج هناك انفال :شنو؟ مشعل يبتسم لها:اذا قلت ماراح تصير مفاجأه انفال:ههه اوكي انشوف شلون راح تكون ردت فعل انفال؟!! جاسم بيجبر حلا على رجوعها لطلال؟!! طلال وشذى بيعيشون شهر عسلهم من غير أي مشاكل؟!! غنيمه واحمد شنو نهاية علاقتهم ؟.!! شنو قصة فهد ؟!! حور ومشعل انتهى حبهم للابد؟!!

السلااام عليكم شلونكم شخباركم يالغلا... حبيت بس ابين لكم غلطة مطبعيه صارت بالجزء 20 حوار بين ام حور و بو حور والحوار الصحيح كان لازم يكون بين بو شذى وام شذى سامحوني على هالغلطه بس مع الاندماج ما قدرت الاحظ :$ وهذا بعد التصحيح بيت شذى ام شذى معصبه:ولهم عين يايين يخطبون بو شذى:انا ما رفضت ابي استر على بنتج ام شذى: انا ماراح اقعد لهم بو شذى عصب:لا تعانديني انا ما صدقت ايون يخطبون بنتج ويتزوجها على سنة الله ورسوله تيين انتي بغبائج تخربين كل شي ام شذى:انا غبيه!!! بو شذى:كفايه الي صار في بنتج من اهمالج لها ام شذى تأنبه:الا من دلعك الزايد لها بو شذى:هالكلام ما يفيد اللحين البنت غلطت والفرصه ييت لنا عشان نصلحها لا تضيعينها على بنتج ام شذى بملل:متى بيون؟ بو شذى:باجر ان شاء الله...وقلت لهم الملجه والعرس كله بمثل اليوم ام شذى:وبنتك درت بالموضوع بو شذى:ههههههههه بنتج اهي لرايحه وقايله لابو طلال كل شي ام شذى منصدمه:حسبي الله عليها من بنت ما تستحي بو شذى:لتسوي الي سوته تفكر انها تستحي اصلا ام شذى:فشلتني سيرتها صارت على كل اللسان بو شذى:عشان جذي خل نزوجها ونرتاح ام شذى:على خير ان شاء الله خلهم ايون ..ونفتك من هالموضوع انتظرو جزء 21 ان شاء الله يعجبكم

تسلمووووون على ردودكم واتمنى يكون البارت عجبكم وان شاء الله احاول انزل لكم البارت الياي بأسرع وقت

السلام عليكم شلوووونكم؟؟!! واخييييييييييييييييير ا وبعد وقت طويييييييييييييييييل كتبت لكم بااااااااااااااارت سامحوني على التأخير ادري اني تأخرت وايد بس ظروفي كانت ما تسمح لي اكتب لكم كل يوم ...وكنت ابي انزل لكم جزء طويل شوي بعد هالغيبه بالنسبه لاختي مناميه عجميه و حوريه المحرق للاسف ما اقدر احدد لكم يوم محدد لاني بفترة امتحانات ..بس قاعد احاول كثر ما اقدر اني اكتب لكم يوميا عشان انزل لكم ..بس غالبا انزل بأيام عطلة الاسبوع (( الجمعه او السبت)) سامحوووني مره ثانيه على التأخير ولا تحرموني من توقعاتكم للبارتات اليايه ..وردودكم الي عودتوني عليها من بداية قصتي يالغلا وهذا بارت 20 الجزء 20 بعد مرور اسبوع على الاحداث ... طلال بالبيت بروحه و اجواء الحزن والندم والحسره مسيطره عليه ...خاصة ان ابوه مانعه من ان يدش البيت من غير حلا..حاول يتصل على حلا بس ما في فايده غير هذا شعوره بالذنب ما يعطيه الحق ان يضغط عليها ... فيصل وامامه تخرجو من الجامعه ....وسوو حفلة عشا بسيطه في بيت نهى الكل حظرها من الاهل ما عدا طلال وحلا ومشعل ... امامه نفسيتها وايد تعبانه من اختفاء حلا المفاجئ من دون حتى لا تتصل عليها "....وخاصة عرسها قرب ومحتاجه لحلا يمها شذى بعد ما حقرها طلال وشافت ان ما في أي مجال تضغط عليه ...حاولت ترجع بيتها... ترجت امها وابوها بس ما سامحوها ... خذت لها شقه وسكنت فيها وحلفت انها ترد له كل العذاب الي شافته بسببه... بيت حور حصه تصارخ:مو كيفج يا حور حور تبجي:خلاااااص ما ابي ما ابي اتزوجه حصه تمسكها من يدها:الموضوع مو لعبه يوم كلمناج وانتي في لندن قلتي موافقه ليش غيرتي رايج اللحين حور :مابي ارد له ... ما نصلح لبعض حصه:الولد شاريج وانا قلت لامه كلمه ..مو بكيفج تقولين اللحين لأ حور:ما ابي ما ابي انتي مالج شغل يدخل بو حور راجع من الدوام... بو حور:خير شصاير؟ ليش الصراخ؟ حور تروح لابوها وتبجي:يبه ما ابي اتزوج ما ابي بو حور يمسح على شعرها:هدي يا حبيبتي ما في شي بالغصب حصه بتصنع:يا حور يا حبيبتي احنا نبي مصلحتج حور فاهمه الدور الي بتلعبه جدام ابوها:يبه ما ابي اتزوج خالد لا تغصبني بو حور ضايق خلقه على حال بنته:ليش يا حبيبتي؟ حور :ما نصلح لبعض يبه ..انا فكرت وشفت ان نرد لبعض شي مستحيل حصه تتدخل:خالد ولد اختي يبيج حور باستهزاء : رخص فيني مره حصه بحقد: من سوالفج مو معتبرته زوجج ..بس اهو يحبج ويبيج وهالشي الي خلاه ما يتزوج عقبج بو حور بحنيه:يا حور يا حبيبتي انا مو دايم لج ..ابي اشوفج في بيت ريلج عشان اموت وانا مرتاح حور تلمه:بعيد الشر عنك يبه لا تقول جذي مالي حياة من بعدك بو حور يبتسم لها ويخليها قباله:عيل ريحيني يا بنتي وافقي على خالد حور تغمض عينها بحسره تذكر مشعل:يبه انا.. حصه تقاطعها:لي متى يا حور بتمين من غير زواج ..شوفي حياتج يا بنيتي نبي نفرح فيج ابوج مو قادر ينام مرتاح من كثر ما يفكر فيج ويحاتيج حور تناظرها ودموعها ما وقفت وترد تشوف ابوها: شنو يرضيك يبه؟ بو حور:اشوفج مرتاحه في بيت ريلج حور تمت ساكته منزله راسها((ومشعل ومشعل !!)):..... حصه تضغط عليها:وافقي يا بنتي وريحي ابوج حور ترفع عينها لابوها:ابي وقت افكر حصه بملل:كفايه اسبوع كامل راح وانتي تفكرين حور تعطيها نظره يعني سكتي:اتوقع من حقي بو حور :خلاص حبيبتي لج كل الوقت ما ابي اجبرج على شي حصه عصبت:وخالد!!!! مو عيب معطين الريال كلمه بو حور :ما عليه يصبر جم يوم هذا زواج حور تبوس راسه:الله يخليك لي يبه حصه طلعت من الغرفه معصبه: محد بيضيعها غيرك بريطانيا حلا توظفت في مستشفى قريب من الجامعه الي يدرس فيها مشعل ...وبدت تتأقلم بوضعها اليديد بس ما تنكر شوقها لطلال تحس مستعده تسامحه وترجع الكويت وتنسى كل شي بس انها تشوفه ... كانت قاعده بالبلكونه تشوف الي رايح وراد ودموعها تنزل على خدها بكل الم وحسره..وتغني بقلبها بكل شوق لطلال رغم الي سواه فيها اقدر اتحمل كل شي يوقف دمي وما يمشي و خل عيني تزاعل رمشي خل كل شي بيه يصير لكن من تبعد عني احس روحي راحت مني غيابك عني جنني من دونك ما اعيش انا غيرك ما اعرف ثاني وينك بردانه احضاني ضمت ايدينها في بعض تحس بشوق فضيع لطلال ما تقدر تنكره...قاطعها مشعل... مشعل يخرعها من وراها:بووو حلا نقزت من مكانها ومسحت دموعها بسرعه:........ مشعل مات ضحك على شكلها:ههههههههه حلا حست بالم بظهرها من حركتها المفاجأه:حرام عليك خرعتني مشعل:هههههه سوري والله بس هههه شفتج سرحانه قلت اخرعج ههههه حلا ايدها وره ظهرها وتشد على عينها:حرام عليك مشعل بخوف:حلا فيج شي حلا :انا !! لا ابد ما فيني مشعل خايف من الي في باله لانها من يوم جيت عنده واهي مو طبيعيه:حلا في شي انتي خاشته عني؟ حلا بتردد:ابد مشعل:اكيد يا حلا حلا :اكيد يا طلال مشعل بضيقعلى حالها:انا مشعل يا حلا حلا حطت يدها على حلجها:اسفه مشعل بس مادري شلون.. مشعل يقاطعها بابتسامه:الحب وما يسوي حلا تنفخ بكل الم:أي حب يا مشعل أي حب الي نهايته خيانه مشعل :ما عليه يا حلا ..انا قلت لج اكلمه بس انتي ما تبغين حلا:ارجوك مشعل ما ابغيك تكلمه ولا تقول لاحد اني انا عندك مشعل بحزم:ما يصير يا حلا اكيد نوال وجاسم يحاتونج ..وامامه تلقينها ميته من البجي اللحين حلا ضاق خلقها:محد معور قلبي غيرها حدي ولهانه عليها مشعل يبتسم لها شرايج تتصلين عليهم وتطمنينهم حلا بخوف:لاااا مشعل ما اقدر اكلمهم اكيد بيسألون انا وين مشعل:يا حلا حرام عليج والله انا اعرف نوال تلقينها اللحين قالبه الدنيا عليج..والله يستر جاسم شسوى بطلال اللحين حلا بكره:يستاهل الموت مشعل:متأكده حلا دمعت عينها:ولهت عليه مشعل مشعل نزل لي عندها وابتسم لها:لهالدرجه تحبينه حلا تشابك اصابعها في بعض بحيا:ما اقدر اوصفه رغم الي سواه فيني مشعل:ما يستاهل حبج حلا بأمل:مستعده اسامحه وانسى كل شي بس اشوفه يا مشعل مشعل:خلاص اللحين اتصل عليه حلا بخوف :لاااا لا من صجك مشعل:مو انتي تبين تشوفينه حلا بكل صدق:ما اقدر اسامحه يا مشعل لسواه فيني مو شويه مشعل حس بالتناقض بكلامها وهالشي يدل على حبها الكبير له :ما الومج يا حلا حلا تبتسم له:خلاص يا مشعل خل ننسى الموضوع كدرتك وياي مشعل:افا يا حلا شالكلام انتي اختي ما بينا هالكلام حلا :تسلم مشعل يغير الموضوع:شطابخه لنا اليوم؟ حلا:لتحبه؟ مشعل يخمن:لا تقولين !! حلا تضحك على شكله :ههههه ايي اهو مشعل ينقز من الفرحه:يس يس واخيرا باكل مجبوس دياي حلا:هههه بالعافيه ان شاء الله...تبي احطه لك اللحين؟ مشعل بلهافه:اكيييد حدي يوعان شقة احمد غنيمه تكلم بنت خالتها بالتليفون... غنيمه:الله يبارك فيج..عبالج ان شاء الله دلال:الله يسمع منج باقي لي سنتين غنيمه:تمر بسرعه دلال:هههه جان زين..اخليج حبيبتي اللحين الوقت تأخر بس كنت ببارك لج بتخرجج غنيمه:تسلمين ما قصرتي دلال:مع السلامه غنيمه:مع السلامه احمد جالس يمها وحاط ريل على ريل ويطالعها بنظره...مبين انه معصب وكان يسمع كلامهم غنيمه ملت من حركاته:خير في شي؟ احمد باستهزاء:احد يدق على الناس هالحزه غنيمه تشوف الساعه:اتوقع تو الناس اللحين الساعه 12وبعدين بنت خالتي تمون احمد بعصبيه خفيفه يحذرها : ما ابي اشوف التليفون بيدج بعد الساعه 9 بليل غنيمه رفعت حاجب :نعم !! احمد:لسمعتيه غنيمه تنرفزت:شي يديد هذا؟! احمد يشوفها بنظرة تحدي:بعد اليوم ماراح يكون يديد غنيمه قامت من مكانها واهي تتأفف رايحه غرفتها:... قام احمد وقف قبالها:لما اكلمج ما تعطيني ظهرج وتروحين غنيمه عيونها بدت تدمع:... احمد يصارخ بويها: بس هذا لفالحه فيه البجي غنيمه ما قدرت تتحكم اكثر دموعها بدت تنزل عطته ظهرها بتروح غرفتها بس مسكها من يدها ولفها عليه... احمد بحنان:ليش تبجين؟. غنيمه خلاص ملت من اسلوبه:من معاملتك؟ احمد بصوت واطي:انا ولا انتي ! غنيمه تبجي:انت يا احمد انت ...انا نفس ما انا ما تغيرت احمد يحس انه زودها:خلاص حبيبتي غنيمه :لا تقول لي حبيبتي احمد يضمها له :سامحيني يا قلبي بس مابي اشوف دموعج غنيمه تبتعد عنه:احمد ارجوك لا تمثل علي احمد :سامحيني غنيمه مو قصدي ارفع صوتي عليج غنيمه تضحك باستهزاء بين دموعها:كل مره ما تقصد يا احمد احمد يقرب منها:حقج علي حبيبتي غنيمه تبتعد عنه :ما ابي منك شي ..تعبت من طبعك يا احمد ما كنت جذي ليش تغيرت .!!! تم ساكت احمد متردد مو عارف شيقول يصارحها ولا لأ...ملت من سكوته وراحت غرفتها بيت فيصل غرفة انفال فتح باب غرفتها وقرب منها يفاجأها ...التفتت عليه انفال بفرحه ما تنوصف :فواز فواز يبتسم لها:عيون فواز انفال تغمض عينها وترد تفتحهم:انت فواز فواز:ايي فواز قامت من مكانها تبي تحضنه ..فجاه بدأ يبتعد عنها انفال كمشت ويها:وين بتروح؟ فواز يبتعد اكثر:احبج انفال انفال تلحقه:انا اكثر... لحظه فواز وين بتروح؟ فواز يلوح له بيده:عيشي حياتج انفال..تزوجي انفال تحاول توقفه:لحظه فواز لحظه مالي حياة من دونك وقف فواز لها عند الباب وصارت مجابلته انفال وعيونها تدمع:ليش جذي فواز؟ ليش بتروح؟ فواز مبتسم:...... فجأه فجأه فجأه !! !!! !!! !!! !!! !! قام يتغير شكل فواز قامت تشوف كل الناس لتعرفهم...مر عليها فيصل وطلال ومشعل وابوها وجاسم وناصر وزميلها في العمل ومديرها... ورد بعدين لصورة فواز بس من غير أي ملامح ...ويها اسود بس هيئة فواز قعدت مخترعه من الكابوس وتمت تستغفر وتذكر ربها ودموعها على خدها ... حست فيها نهى لانها صرخت ..دخلت عليها واهي مخترعه من شكل بنتها... نهى تحضنها:سم الله عليج يمه شفيج؟. انفال تبجي:فواز يمه فواز نهى تذكر ربها:لا اله الا الله خلاص يا حبيبتي اهدي شوي انفال تنفض من بين يدين امها:شفته يمه كلمني قالي احبج قالها يمه سمعت صوته نهى تبجي على حال بنتها:ذكري ربج يا انفال انفال تذكر شكله بآخر الحلم:فجأه اختفى يمه كان وياي ابتعد عني واختفى.. نهى:ما عليه يا يمه حلم انفال ترجف وتقطع بالكلام: يمه ..يخرع ويها ..صار ..كان يقولي احبج .بعدين يمه ..ابيييييه يمه ..صار يخرع ..يمه قالي تزوجي ..يحبني ليش يقول جذي..يمه نادوه لي نهى تسمي عليها:تعوذي من بليس يا انفال يدخل عليهم فيصل من الضجه... فيصل:خير شفيكم؟! نهى تطمنه:ما فينا شي يمه بس اختك مخترعه من الحلم فيصل يقعد يمها وبحنيه:خلاص نفوله تراه حلم مو اكثر انفال ترمي نفسها بحضن اخوها:جان زين اكثر وكان صج وقدرت اشوفه واسمع صوته فيصل فهم قصدها فواز:يا انفال ما يصير جذي احنا اتفقنا انج تنسينه انفال ترفع عينها له:حاولت ما اقدر... يزورني باحلامي حاس فيني يا فيصل نهى عورها قلبها:بس خلاص انفال كافي فيصل يوقف:اروح اييب لها قلاص ماي تمت نهى تهدي فيها لين نامت على حضنها.... شقة شذى قعدت شذى من النوم وكانت مواعده حور تيلها بالشقه من الصبح عشان تقولها كل الي صار وياها.... حضرت لهم ريوق سريع ...وصلت حور واستقبلو بعض بكل شوق ... قعدو بالصاله يتفطرون.. شذى :حوروو ليش ضاعفه جذي خلصتي حور:هههههه بعد شسوي...الغربه وما تسوي شذى:خلاص يعني خذيتي الشهاده نقول مبروك حور :هههههه طبعا لأ شذى استغربت:عيل ليش راده الكويت ؟! حور بحزن:كلها اسبوع وبرد هذا دليل انج واصله يا شذى وتعرفين اخباري شذى تقرب منها:سامحيني حور حبيبتي والله صارت لي ظروف غصبن علي حور توها تستوعب:ايي تعالي انتي ليش قاعده بهالشقه؟ شذى دموعها نزلت:امي وابوي طردوني من البيت حور توقف من الصدمه:شنو!!!!!!!!!!! شذى:الي سمعتيه حور ترد تقعد:ليش ؟!! شذى مو عارفه شتقول تشوفها وترد تسكت:.......... حور خايفه:شذووي ليكون مسويه مصيبه شذى:شقصدج يعني؟!! مصيبه مثل شنو؟ حور:رفيجتي واعرفج تسوين أي شي اذا تبين تاخذين شي حقج شذى بندم وبصراحه واضحه:تزوجت طلال عرفي حور الي كانت ماسكه بيدها كوب حليب طاح بالارض من الصدمه:شنو!!!!!!!! شذى :حور تكفين كافي لشفته منهم لا تزيدين علي حور مو مستوعبه:تزوجتو عرفي لييييش؟!! شذى:لحظة ضعف ما نبيها بالحرام فقلت له عرفي حور بعصبيه وبنفس الوقت باستهزاء:واللحين العرفي حلال يعني!!! شذى مو عارفه شتقول:والله يا حور كنا ناوين ان ثاني يوم يقول لاهله ونتزوج على سنة الله ورسوله بس صار شي ما كنت متوقعته حور :مالج حق يا شذى لسويتيه غلط مو هين..عرفي عاد عرفي!! شذى ندمانه :ادري والله ادري حور:وينه اللحين عنج ما اشوفكم تزوجتو؟! شذى:مو قلت لج صار شي ما كنت متوقعته حور:فهميني شلون؟ شذى:اول شي لا تقاطعيني سمعيني للآخر حور معصبه حدها منها:انزين خلصيني خل اسمع البلوه لمسويتها شذى:انا كنت حاطه في بالي اني اهدم حياته ويا حلا ..عشان يتزوجني حور تقاطعها:ما شاء الله عليج فاهمه شذى:وبعدين يا حور قلتي ما راح تقاطعيني حور:كملي شذى:المشكله ما كنت اتوقع ان طلال جاد بكلامه لي اخير الايام توقعته يلعب علي ..دزيت مسج لحلا انها تيي بيتنا وكنت عازمه طلال عندي بالبيت ..يوم وصل طلال كلمني بموضوع الزواج وعرفت انه من صجه مو قاعد يلعب وصار الي صار حور:شنو الي صار؟ شذى بخوف من ردة فعلها:حلا شافتنا واحنا بغرفتي و... حور مصدومه:لااااااااا لااا تكملييييين حرااااااام عليييييكم ذبحتو البنت شذى بندم:والله ما كان قصدي ما كنت ادري ان بيصير جذي حور تتحسب عليها:حسبي الله عليج يا شذى هدمتي حياتج وحياة البنت.ما فكرتي شنو شعورها بيكون!! شذى :بس كافي حور والله حمد و امي وابوي ما قصرو فيني وطلال النذل تخلى عني حور: تستاهلين شتبين من واحد يعاملج بعد ما هدمتي حياته ...وبعدين حمد شدخله بالموضوع؟ شذى:انا تهاوشت انا وحمد وقلت ابي احرق قلبه واواريه اني قدرت انتقم من طلال وحلا حور تقاطعها ويدها على حلجها:لا تقولين لي دزيتي له مسج بعد!!! شذى تبجي:ودخل مع حلا بنفس الوقت علينا حور تطق على راسها:حسبي الله عليج يا شذى حسبي الله عليج من بنت شذى:لا تتحسبين حور محد باقي لي غيرج حور بصراخ:اكيد يبطردونج امج وابوج ...يايبه لهم العار في بيتهم ما خفتي من ربج يا شذى اهلنا عطونا الثقه بس ما توصل لهالحد شذى بندم:والله ندمانه يا حور ندمانه حور :بعد شنو شيفيد الندم اكيد حلا بتطلب الطلاق شذى بخيبة امل:جان زين يا حور ..سافرت من غير لا تقول لاحد وطلال متأثر من هالسالفه وايد احس كل حبه لي راح بلحظه حور:شويه عليج اذا يكرهج اللحين شذى بحسره:مو بكيفه يكرهني بعد ما عطيته كل شي حور باستهزاء:انتي عطيتيه برغبتج شذى تبجي:حور شفيج علي انتي اكثر وحده تعرف شنو يعني طلال بالنسبه لي حور:ليحب يا شذى ما يأذي حبيبه... يتمنى الخير له بس انتي هدمتي حياته شذى:ما فيها شي اذا سويت كل شي عشان اخذ الي احبه حور :بدون لا اذي غيري يا شذى ليش سويتي جذي شذى بعناد:حور انا مو ناقصتج ترا كافي لشفته حور باستهزاء:تبيني اصفق لج واقول لج عفيه عليج يا رفيجتي سويتي لبراسج والوحيد لخسر اهو انتي شذى بغرور:ما خسرت يا حور حور:عيل شتسمين الا صار لج؟ شذى:طلال مارده لي واذا ما يبي يتزوجني بالطيب انا اعرف شلون اخليه يتزوجني بالغصب حور توقف واهي معصبه حدها من عنادها:ما يكفيج لصارلج شناويه عليه بعد شذى :مو انا يا حور لاتخلى عن شي لي بسهوله حور تاخذ جنطتها :عنادج وغرورج يا شذى بيودرج شذى تمسكها :وين بتروحين تو الناس حور بضيق:سمحيلي شذى انتي مو شذى لاعرفها ما فيج ذرة حنيه شذى :لا تلوميني يا حور احبه بدرجة الجنون ما خله فيني عقل حور تنصحها:يا شذى يا حبيبتي انتي بطريقتج هذي قاعد تبعدينه عنج بدل لا تقربينه شذى تفكر بكلامها:بس اهو... حور تقاطعها:اكيد بيكون معصب على لسويتيه فيه ... ودامه كان ناوي يتزوجج يعني يحبج يا شذى لا تخربين على نفسج وحاولي تكسبينه شذى ساكته:.... حور تبي تغير الموضوع:دريتي حصوه شسوت فيني شذى ابتسمت لها لان صج ولهت على سوالفها:هههه قولي شسوت؟ وتمو يسولفون ويتشكون لبعض............. مر اسبوع ثاني وما في أي تغير بالاحداث الاخيره ....وامامه حالتها النفسيه تعبت زود من اختفاء حلا واجلت موضوع الزواج لين ترجع وهالشي ضيق خلق فيصل بس ما قدر يقول لا حق أي شي تطلبه حبيبته منه .... فيصل قدم اوراقه على الشغل .... وتعينه ان شاء الله قريب ..طلال حالته النفسيه وايد تعبانه.... جاسم رد يداوم بالشركه بس بكرسي متحرك للحين ما استرجع كامل قوته .... غرفة امامه منسدحه على السرير تفكر بحلا ((وينج يا حلا !! معقوله لسويتيه فيني تسافرين من غير لا تسلمين علي ولا حتى تتصلين ..)) قطع تفكيرها صوت موبايلها .. امامه تعدل صوتها:اهليين غنيمه:هلا بالقاطعه هذا وانتي للحين ما تزوجتي جذي امامه:هههه بدل لا تسلمين على طول تتشرهين غنيمه:ما تفكرين تتصلين على رفيجتج تسألين عنها امامه بضيق:سامحيني غنوم بس والله صارت لنا ظروف غنيمه:للحين حلا ما ردت امامه تمسح دمعتها: ولا فكرت تتصل تسأل غنيمه :وبعدين؟. امامه:ماكو ما اقدر اسوي العرس من غيرها غنيمه انصدمت:من صجج!! امامه: اجل تبغيني اسوي العرس وحلا ما تحضره غنيمه:وفيصل قلتي له؟ امامه:يا قلبي عليه ضاق خلقه بالاول بس بعدين اقتنع غنيمه:الله يردها لكم أن شاء الله امامه:جان زين اعرف اهي وينها في انا اعرف حلا غنوم مو معقوله تختفي جذي ولا تتصل علي غنيمه:اخاف مضايقها اخوج طلال امامه:إلا اكيد اهو السبب انا ادري ..حلا دوم تلتجأ لطلال اذا كانت متضايقه بس هالمره منحاشه منه غنيمه:الله يصلحهم امامه:آميين..انتي شلونج وشلون احمد؟ غنيمه بصوت حزين:الحمدالله على كل حال امامه حست في شي:خير غنوم صاير بينكم شي.؟ غنيمه تنفخ:اهو شي يا اموم اشياء امامه:يا قلبي ليش ما تقولين خاشه بقلبج غنيمه دمعت عينها:تعبت يا اموم وانا اطوف اقول باجر يتغير ..يمكن متضايق بس الموضوع زاد عن حده امامه:جان صارحتيه يمكن سويتي شي ضايقه؟ غنيمه:تعبت تعبت وانا اصارحه ماكو فايده .. امامه مستغربه:عمره ما كان احمد جذي غنيمه:انا شقول يا اموم..تخيلي اذا قلت له انت تغيرت واصارحه يرد يصير لي الحنون الي ما يبي يشوف دموعي واهو السبب فيهم امامه:ما عليه حبيبتي لا تضغطين عليه خليه على راحته مارده بيجي يقولج غنيمه:جان زين يقول يرتاح ويريحني معاه امامه:أن شاء الله فتره وتعدي غنيمه:اخليج اللحين حبيبتي اروح ازهب له الريوق امامه:اوكي ..ما اوصيج على نفسج غنيمه:أن شاء الله ..باي بمكتب جاسم جاسم يكلم احدى رؤساء الشركه الي يتعامل معاهم.. جاسم:الله يسلمك يا بو رهف بو رهف:ان شاء الله باجر موعد اجتماعنا نتناقش فيه على المشروع جاسم:على خير ان شاء الله بو رهف:ما تشوف شر يا بو طلال جاسم:الشر ما يجيك ما تقصر على السؤال السكرتير: استاذ بو طلال في وحده تبي تشوفك جاسم:وحده من عميلاتنا.؟ السكرتير:تقول انها تبيك بموضوع خاص جاسم مستغرب:اوكي خلها تتفضل تدخل الحرمه عليه واهو ما عرفها بس رحب فيها.. جاسم:تفضلي ..:السلام عليكم جاسم:وعليكم السلام ..:شلونك بو طلال؟ جاسم للحين مو مستوعب شي:بخير الله يسلمج منو معاي؟ ..:بغيتك بموضوع ضروري يا بو طلال جاسم بجديه:خير آمريني ...:كل الي ابيه منك يا بو طلال تسمعني للآخر بعدها تقرر جاسم:اسمع تفضلي بيت فيصل بعد الغدا تيمعو بالصاله.. نهى بحزن على حال فيصل:ما يصير يا فيصل جذي انفال:صاجه يا يمه فيصل:شفيكم!! نهى:لا تسوي نفسك مو فاهمنا...البنت لك ماراح تطير لازم تقدر ظروفها فيصل:مقدر يمه بس من حقي اتضايق انفال:ما عليه يا فيصل أن شاء الله حلا ترجع وينتهي كل شي فيصل من كل قلبه:الله يسمع منج نفول فجر:لي هالدرجه مستعيل على الزواج وعوار الراس فيصل:هههه ليش عوار راس عاد فجر:دايما يقولون الزواج عوار راس ونهاية الحياة السعيده فيصل:هههههههههههههههه نهى:كل من هالمسلسلات خربو عقولكم فجر:انا مالي شغل يمه فيصل:اهم شي بالزواج يا فجر أن يكون في تفاهم وصدق بين الطرفين فجر:والحب فيصل؟ نهى تخزها:ما تستحين من اخوج انتي؟ فجر بحيا:مو قصدي يمه فيصل يقاطعها:هههه ما قالت شي يمه...شوفي فجوره الحب مو شرط يكون قبل الزواج يمكن يكون بعد الزواج بس انا اشوف أن اذا في حب قبل الزواج يكون ناجح بنسبه اكبر فجر ما اقتنعت بكلامه:انت حبك انتهى بالزواج بس انفال تحب فواز واهو تخلى عنها صااااعقه سمعتها انفال ((لاا يا فجر ليش تذكريني فيه)) دمعت عينها ما قدرت :عن اذنكم نهى بعصبيه:شلون تقولين جذي جدام اختج ما تعرفين تثمنين كلامج قبل فجر استوعبت الي قالته:آسفه يمه والله مو قصدي نهى توقف معصبه:تدرين ان هالشي يضايقها يعني فجر:والله يمه ما كنت اقصد راحت نهى لانفال عارفه الحاله الي بتكون عليها اللحين.. فجر تلتفت لفيصل:آسفه والله مو قصدي فيصل بتفهم:ادري حبيبتي بس روحي تأسفي منها فجر تقوم:ان شاء الله غرفة انفال نهى :بس يا انفال كافي بجي انفال:ما اقدر يمه ما اقدر نهى:يا حبيبتي لازم تنسينه وتعيشين حياتج ..كل البنات الي بعمرج تزوجو وصار عندهم عيال انفال:يمه انتي الوحيده لتعرفين محد غير فواز بيرضى يتزوجني نهى تحاول تقنعها : في غير فواز يا انفال فيه بس انتي مو راضيه انفال :يمه لا تجذبين علي وعلى نفسج محد بيوافق علي نهى تقعد يمها:يا قلبي انتي مو اول ولا آخر بنت تتعرض حق هالشي وايد رياييل يقدرون الي صار لج انفال تعذبت من هالموضوع:آآآآه يا يمه لو ذابحني ولا مسوي فيني الي سواه بتم طول عمري اعاني نهى تحضنها:ربج كاتب يا انفال غيرج ما رحموهم الي عذبوهم والي قتلوهم حسبي الله عليهم انفال تذكر الي صارلها ايام الغزو وتصيح :مو كافي ذبحو ابوي كمل علي انا حسبي الله عليه حسبي الله عليه نهى تصيح وياها:خلاص خلااص حبيبتي اهدي فجر واقفه عند الباب تسمعهم ومو فاهمه شي ..لمحتها نهى نهى بعصبيه:انتي من متى اهني؟!! فجر :يمه انفال شفيها!! انفال ترفع عينها لامها :.... نهى :مالج شغل..روحي غرفتج انفال تقاطعها:يمه فجر كبرت ولازم تعرف نهى بحزن على حال بنتها:يا يمه انسي الي صارلج انفال:ما اقدر يمه هالشي بشيل عذابه طول عمري فجر:ليش انفال!!! تمت انفال تقول لها على السبب الي يخليها ترفض أي احد يتقدم لها...وليش اهي للحين متعلقه بفواز.!!.. بيت جاسم دخل جاسم على امامه ونوال الي كانو قاعدين بالصاله بكل عصبيه... جاسم بصراخ:نوال نوال نوال تروح له واهي مخترعه:خير يا بو طلال جاسم بعصبيه اكثر:لا تقولين لي بو طلال لا هو ولدي ولا ابغى اعرفه نوال:اهدى يا جاسم خير ايش سوى طلال؟! جاسم باستهزاء:ايش سوى !! قولي في شي ما سواه جاسم يلتفت على الصاله ولقى امامه واقفه مخترعه تشوف ليصير جدامها ... جاسم:صعدي لغرفتج امامه تبي تعرف الموضوع:يبه خير صاير شي؟ جاسم يشد على صوته:امامه لا تعاندين اصعدي غرفتك امامه باصرار:يبه الموضوع يخص حلا..حلا فيها شي؟ جاسم صرخ فجأه خلاها تصعد لغرفتها واهي تركض:قسم بالله اذا ما رحتي عن ويهي اللحين حرت اخوج كلها بتصير فيج نوال تشوف بنتها كيف راحت والدموع بعينها:البنت كبرت ما يصير تعاملها جذي كلها كم يوم وتروح لبيت زوجها جاسم:خلينا من موضوع بنتج ..وشوفي المصيبه لمسويها ولدج نوال ملت من عصبيته:خير شمسوي؟ جاسم:من وين يجي الخير... انا آخر عمري احد من عيالي يسوي هالسوالف نوال بخوف:خرعتني يا جاسم ايش صاير؟ جاسم :ولدج يا نوال متزوج عرفي نوال من الصدمه طاحت على القنفه لوراها وتحس ان بيغمى عليها:شتقول؟!! جاسم:الي سمعتيه ولدج نزل روسنا بالارض...المشكله الكبيره ان حلا تدري بكل هذا ويوم نسأله يقول انها مسافره دورة شغل نوال تبجي:مو معقوله طلال صاحب صلاة ما يسوي هالشي جاسم:سواه يا نوال سواه وفشلنا ....المشكله انه خبى علينا .. لو قال لي انه يبغي يتزوج ثانيه جان وافقت ولا انه يتزوجها عرفي نوال :لا حول ولا قوة الا بالله ..ربي يعينج يا حلا جاسم بألم في صدره:حسبي الله عليه من ولد... البنت يتيمه شوفي شسوى فيها نوال تبجي:لا تتحسب عليه يا جاسم هذا ولدك جاسم :مو ولدي ولا اعرفه لين يصلح غلطته نوال:شتبغيه يسوي.! جاسم بسيطره واضحه:يتزوج شذى حسبي الله عليه من ولد فشلني كيف اجابل ابوها واهو واحد من التجار لنتعامل معاهم... نوال تقاطعه بذهول:تبغاه يتزوج شذى على حلا؟!! جاسم:واذا ما تزوجها على سنة الله ورسوله لا هو ولدي ولا ابغى اعرفه نوال :وحلا بنت اخوك ما فكرت فيها ..بدل لا تصلح الموضوع بينهم تروح تكبره زود جاسم:حلا مالها شغل بهالموضوع والشرع حلل له 4 ..ولدج غلط يا نوال غلطه كبيره مع البنت ومالها حل غير الزواج نوال:اكيد حلا بتطلب الطلاق جاسم:مو بكيفها تتطلق...ما ردها بترجع لزوجها ..واهو غصب عليه بيعامل الاثنين من غير لا يفرق بينهم نوال:ظلم يا جاسم ظلم جاسم يصارخ:لاني ابي اصلح الغلطه لسواها ولدج تقولين لي ظلم ..!! نوال تبجي:حرام عليك يا جاسم لا تجبره على الزواج منها ..و فكر بحلا المسكينه كفايه لسوتوه فيها جاسم يعطيها نظره:وربي يا نوال ان شفتج تعترضين على كلامي جدام طلال ماراح يحصل طيب نوال :شقصدك؟! جاسم يحرك كرسيه يتجه لغرفته:الكلام الي بينه ما ابي احد يعرفه واذا عرفت ان احد عرف حتى لو كانت بنتج امامه او مشعل...بيكون هاليوم اخير يوم لج في هالبيت شقة شذى حور بصدمه:انتي مينونه شذى:ما كان عندي غير هالحل حور:بس انتي قلتي اشياء وايد ما صارت شذى بمكر:عشان اقدر اقنع ابوه حور:انتي جذي فضحتي طلال وقللتي من قيمة نفسج ... ماراح يطوفها لج طلال شذى بغرور:لا يطوفها بس بشوفه شلون اللحين بيقول لابوه لأ حور:حرااااام حراااام عليج شذى:الموضوع يخصني يا حور حورتنرفزت منها:عيل اذا صار شي لا تيين تتشكين لي لان الموضوع من بدايته غلط شذى:انا المسؤوله عن أي شي بيصير حور:الله يصلحج بس شذى تغير الموضوع:انتي شصار عليج؟ حور بحزن:وافقت شذى انصدمت:ومشعل ؟ حور :خلاص ما في امل نرجع لبعض لو كان يبيني جان حاول من زمان شذى تلمها:آآآآآه يا حور اثنينا مو متوفقين مع لنحبهم حور تبتسم لها:انا صج بتزوج غيره بس اهو الي تركني وعمري ما فكرت اجرحه واتمنى يعيش حياة سعيده مع مرته شذى:وانتي تعيشين حياة تعيسه ويا خالد حور:خالد يحبني وان شاء الله يعوضني شذى:هههه طلقج مره يا حور حور بندم:انا لجبرته شذى:الله يوفقج ان شاء الله ويعوضج خير حور من كل قلبها:اجمعين بيت طلال راحت له نوال تخبره... طلال يوقف بعصبيه:مو بكيفه نوال تبجي:ليه سويت كذا ليه يا ولدي؟ طلال نزلت دمعة ندم:لحظة ضعف يمه نوال:مو مبرر يا طلال..حلا ما قصرت معك بشي طلال:وانا اشهد يا يمه بس والله مادري شلون سويت جذي نوال:اهي البنت الي كنت تبغيها؟ طلال منزل راسه:ايه يمه نوال بحسره:آآآآه يا طلال لو انك قلت لي انك تبغيها جان من نفسي خطبتها لك طلال:هذا الي صار يمه نوال:والحل اللحين حلا وينها؟ طلال ينفخ بحسره:آآآآآآه يا يمه جان زين اعرف وينها ... اتم اترجاها واستسمح منها لين تسامحني..ادري غلطت يمه وغلطتي مو شويه بس والله حلا احبها فقدتها يمه احس روحي بتطلع مني اذا ما شفتها وتطمنت عليها ما ابي منها شي بس ابغى اتطمن عليها بموت يمه من العذاب و تأنيب الضمير نوال ضاق خلقها على حال ولدها راحت لعنده حضنته تخفف عليه مهما صار هذا ولدها:ما عليه يا يمه كل شي بيتصلح ان شاء الله طلال تمسك فيها مثل الياهل وقام يبجي محتاج لحنان امه:يمه والله ندمان ومستعد اسوي لها الي تبغيه بس اشوفها يا يمه نوال:ما عليه يا يمه الي سويته فيها مو شويه طلال يغمض عينه :ادري يا يمه وربي ادري نوال :اللحين ابوك بلغني اقولك هالشي .. طلال يرفع نفسه ويقاطعها:يمه من صجج بدل لا اصلح غلطتي اروح اتزوجها على حلا نوال :هذي كلمة ابوك وماراح يرد فيها طلال بعصبيه:مو كفايه زوجني حلا غصب عني اللحين جاي يكمل علي مع شذى نوال:ليش ما قلت لي بالاول انك تبغيها ولا تسوي لسويته طلال:خلاص يمه لا تعذبيني اكثر من انا متعذب نوال تأنبه:ما تستاهل حلا مو كفايه ان البنت يتيمه طلال بعذاب:يمه خلاص لا تزيدين علي نوال توقف:انا ما اخبي عليك يا طلال زعلانه منك مره وماراح اسامحك لين اشوف حلا طلال:يمه شبيدي اسوي والله اني دورتها بكل مكان ما لقيت لها أي اثر غير هذا تاركه لي رساله تقول ما ابيك تدورني نوال:ما تنلام طلال:والحل يمه نوال:انا الي علي وصلت لك كلام ابوك طلال بخوف:يمه في احد يدري غيرك انتي وابوي؟ نوال:ابوك حلفني ما اقول لاحد بس شوف عاد حرمتك مخبره مين طلال:لااا تقولين مرتي يمه وربي لوبيدي اذبحها نوال:بعد ما سويت غلطتك تبغى تذبحها طلال:يمه اكرها ما اقدر اتزوجها راح اذبحها نوال توقف:هالكلام قوله لابوك انا بالنسبه لي ماراح ارضى عليك لين اشوف حلا طلال فقد الامل:يمه انا طلال نوال:ولدي ما يسوي الي انت سويته صلح غلطتك بعدها تعال كلمني نزل راسه ندمان ومتحسف على الي سواه ...طلعت منه نوال واهي شايله بخاطرها عليه ... بعد مرور اسبوع بالمطعم اخذها فيصل يعشيها بره تغير جو ..يحس ان نفسيتها تعبانه.. فيصل يتدلع:يعني نأجله اسبوع زود امامه:ما عليه فيصل شسوي فيصل :اموم حبيبتي ماله داعي العرس ترا كل هالاشياء تعتبر شكليات ولا انتي مرتي بالحلال امامه:لا فيصل لازم عرس فيصل :قنعيني ليش لازم.؟ امامه:هذا اليوم ما يتكرر بالعمر ابي اعزم رفيجاتي واهلي ونصور عشان اذكره طول العمر فيصل:نسافر واذا رجعنا سوي استقبال امامه:لا لا فيصل بليز ابي عرس فيصل يمثل الحزن:الحين رفيجاتج صارو اهم مني امامه تحط يدها على يده:حبيبي محد اهم منك ..بس كل بنت تتمنى تسوي عرس فيصل يبوس يدها:وبسويلج ان شاء الله احلى عرس امامه :يا قلبي الله لا يحرمني منك بريطانيا مشعل مصدوم:شنو!! طلال بعد ما قاله كل الي صار بينه وبين شذى وحلا ...ومشعل سوى نفسه ما يعرف شي بس انصدم يوم قاله بعد بكرا ملجته وعرسه بنفس الوقت على شذى طلال بضيق:ماني عارف شسوي يا مشعل ..حلا مادري وينها وابوي جابرني اتزوج شذى مشعل بصراخ:وحلااا...ما فكرت فيها.؟ طلال دمعت عينه من كثر الضغوط الي عليه:تقولي ما فكرت الا تعبت من التفكير ..بس ابي اعرف وينها يا مشعل وربي اسوي لتبغيه بس تسامحني مشعل:ما تستاهل انها تسامحك يا طلال طلال:لا يا مشعل الا انت احتاجك تكون يمي مشعل باستهزاء:غلطان وتبيني اوقف معاك ..انت تدري شنو سويت بحلا وبنفسك قبل طلال بندم:والله لو اردد كلمة ندمان طول حياتي ما اوفي ...مشعل محتاجك يمي مشعل:اسمح لي طلال انت غلطت واستحمل نتيجة غلطك طلال:هذي اخرتها يا مشعل مشعل بعصبيه:لسويته مو شويه وانت تعرف مكانة حلا عندي ..ما اسمح احد يسوي بأختي جذي طلال :مشعل ماله داعي للعصبيه ... كلم ابوي ما ابغى اتزوج شذى مشعل:هههه وربي طلال انت تضحكني...تبيني انا أثر على قرارات ابوك ..وبعدين مو هذي شذى الي بعت الكل عشانها طلال:كافي مشعل كافي مشعل:هذا قليل عليك ... طلال :بس بس سكره بويه مشعل وتم يبجي مثل الياهل ندمان على لسواه..محد معبره محد واقف معاه الكل ضده..((وينج يا حلا دوم تكونين جنبي !!)) التفت مشعل وراه لقى حلا واقفه ودموعها تنزل ..((لاااا لااا مو معقوله سمعت يا قلبي عليج يا حلا شلون تستحملين كل الي يصير لج )) حلا مو مصدقه الي سمعته:بيتزوج ششش شذى؟! مشعل منزل راسه مو عارف شيقول لها:..... حلا تقرب منه:يعني كان مو متزوجها !! مشعل يبلع ريجه ويرفع عينه لها بكل اسف:سامحيني حلا حلا تحس الدنيا بدت تدور فيها:يعني ما كانو متزوجين؟!! مشعل:متزوجين عرفي يا حلا حلا صرخت من داخلها لاااااااا لااااااا مو معقوله مو معقوله عرفي عرفي ليش!!! ليييييش!!!!!!!!!!!!!!!!!!!!! ...مشعل حس الصدمه قويه عليها مشعل بصوت واطي:حلا ما كمل الي اهي طايحه بالارض غشيانه.... بيت حور ام حور معصبه:ولهم عين يايين يخطبون بو حور:انا ما رفضت ابي استر على بنتج ام حور: انا ماراح اقعد لهم بو حور عصب:لا تعانديني انا ما صدقت ايون يخطبون بنتج ويتزوجها على سنة الله ورسوله تيين انتي بغبائج تخربين كل شي ام حور :انا غبيه!!! بو حور:كفايه الي صار في بنتج من اهمالج لها ام حور تأنبه:الا من دلعك الزايد لها بو حور:هالكلام ما يفيد اللحين البنت غلطت والفرصه ييت لنا عشان نصلحها لا تضيعينها على بنتج ام حور بملل:متى بيون؟ بو حور:باجر ان شاء الله...وقلت لهم الملجه والعرس كله بمثل اليوم ام حور:وبنتك درت بالموضوع بو حور:ههههههههه بنتج اهي لرايحه وقايله لابو طلال كل شي ام حور منصدمه:حسبي الله عليها من بنت ما تستحي بو حور:لتسوي الي سوته تفكر انها تستحي اصلا ام حور:فشلتني سيرتها صارت على كل اللسان بو حور:عشان جذي خل نزوجها ونرتاح ام حور:على خير ان شاء الله خلهم ايون ..ونفتك من هالموضوع بريطانيا بعد ما نقلها مشعل للمستشفى وتأكد من الي كان خايف منه.. قال له الدكتور ان حلا حامل و لازم تاخذ مقويات لان صحتها وايد ضعيفه وهالشي مو زين للجنين... دخل مشعل الغرفه لقاها نايمه وآثار الدموع مبينه عليها ...و خصل من شعرها طالعه من الشيله ..جلس بالكرسي الي يمها ورفع راسه لسقف الغرفه ...يفكر بحور (( يا ترى مرتاحه اللحين يا حور...تفكرين فيني مثل ما افكر فيج!!)) بيت حور حور قاعده بغرفتها تبجي خلاص اليوم خالد ملج عليها و بيسافر وياها تكمل دراستها وبنفس الوقت شهر عسل...يعني ما في امل تكلم مشعل ما في امل تشوفه خلاص مافي امل ترجع له... طق باب غرفتها ...امسحت دموعها بسرعه وافتحت له.. حور بابتسامه صفراء :اهلين يبه حياك بو حور يبوسها:الله يحييج حبيبتي يقعد على القنفه لشخصين بدارها و جيت جلست جنبه... بو حور:شلونج حبيبتي حور:بخير يبه الحمدالله بو حور يبتسم لها:خلصتي كل اغراضج ..مو ناقصج شي؟ حور بحسره:كل شي جاهز يبه بس باقي جم شغله باجر بروح ويا رفيجتي شذى السوق اخلصها بو حور:اذا ناقصتج فلوس قول لي حور:مشكور يبه مو مقصر علي بشي بو حور بجديه:يا بنتي انا ادري انج مو مقتنعه بزواجج من خالد بس صدقيني خالد ريال طيب ويحبج وان شاء الله بيسعدج حور تحاول تمسك دموعها:ان شاء الله بو حور حاس فيها:كل انسان يمر بتجربة قاسيه بحياته بس لازم يتعلم منها ويستفيد مو شرط يفوز كل مره فيها حور تهز راسها:صح كلامك يبه بو حور :دامه صح هالدموع ما ابي اشوفها حور غصب عنها بجت لم تشوف حنان ابوها:بحاول يبه بو حور يضمها لعنده:الله يوفقج ويسعدج دنيا وآخره بيت جاسم امامه :شقاعد تقولين يمه!!! نوال:هذا الي بيصير امامه مو مصدقه:يتزوج على حلا !!! ليش؟؟؟ نوال مو عارفه شتقول:ابوج خطبها له امامه:وحلا!!! نوال:بتم مرته الاولى ما بتتغير مكانتها امامه:يمه مو مصدقتج ..انتي مو مقتنعه بالكلام الي تقولينه نوال بتمثيل:الا مقتنعه الشرع حلل له اربع امامه:اذا كانت مرته الاولى فيها شي عيب مرض عاقر مو مني والطريج نوال:الموضوع انتهى انا حبيت ابلغج امامه :يمه مستحييييل هالكلام يصير ما ارضى تجي وحده تكون زوجة طلال غير حلا يدخل جاسم بهالوقت راجع من الدوام ويسمع اخير جمله قالتها امامه... جاسم:محد ينتظر رضاك امامه تلتفت عليه:يبه شالكلام كيف ترضاها لبنت اخوك؟ جاسم:مالك دخل بهالموضوع امامه:كيف مالي دخل لو عمي ناصر حي الله يرحمه ما رضى تسوون في بنته جذي جاسم بعصبيه:اموم ثمني الكلام الي تقولينه ..وحنا ما ظلمناها امامه باستهزاء:كل لسويتوه فيها وما ظلمتوها !! انا ما الومها اذا سافرت وما كلمتني لتسوون فيها ما يسويه عدو بعدوه نوال ساكته تسمعهم وتدري كل الحق ويا امامه بس ما بيدها شي...جاسم فور من العصبيه :طلعي لغرفتج ولا عاد اسمعج تتكلمين بهالموضوع امامه بعناد:ما تدخل بيتنا ما نبغي نعرفها جاسم:مو بكيفح وعناد لج بتجي تعيش عندنا بالبيت امامه بدت تبجي من ظلم ابوها:حرااام عليك يبه ليش تسوي بحلا جذي هذي وصية عمي وامانه عندك حراااام حراااام صعدت لغرفتها مو مصدقه لبيسويه ابوها ...اتصلت على طلال بس اهو ما رد عليها عارف شتبغى واهو نفسيته ما تسمح له يسمع كلام يغثه زود كافي لسمعه من مشعل... شقة احمد غنيمه قررت تكلمه بجديه اليوم الموضوع كبر عن حده... دخلت غرفة النوم لقته منسدح على السرير يقرا له كتاب... غنيمه واقف قباله:احمد احمد مندمج:.... غنيمه بصوت اعلى :احمد احمد يرفع عينه لها :نعم غنيمه:ممكن نتفاهم احمد:على شنو ؟! غنيمه تروح تقعد على طرف السرير :احمد عاجبك الوضع الي احنا فيه؟ احمد:شفيه وضعنا؟ غنيمه تاخذ لها نفس عميق :احمد انا قاعد اكلمك من جد احمد:وانا مو قاعد اتغشمر غنيمه بكل حب:حبيبي انت تغيرت مو احمد حبيبي الي اعرفه احمد: لا تلوميني غنيمه:ليش ما الومك ؟! احمد:انتي الي اجبرتيني غنيمه مو مستوعبه كلامه:ليش انا شسويت لك؟ احمد :ابد ما سويتي شي غنيمه:ممكن تكلمني من غير استهزاء احمد يوقف بعصبيه:مالي خلق اتكلم بهالموضوع غنيمه توقف قباله:لك خلق يا احمد لك خلق احمد يناظرها بعناد:كسري الشر احسن لج غنيمه ما تصدق ان الي واقف قبالها احمد ..عيونها تغورق من الدموع مو عارفه شتنطق شتقول:... احمد :لا تظنين دموعج هذي اهي الحل غنيمه:دموعي غصب عني تنزل مو بيدي من الكلام الي اسمعه منك كل يوم احمد يطلع من الغرفه:بريحج و بطلع من الغرفه عشان ما تسمعين شي يغثج بريطانيا ثاني يوم رجعت حلا ومشعل الشقه وكانت طول الطريج ساكته ومشعل مقدر سكوتها... وصلو الشقه رمت نفسها على اقرب قنفه جدامها ..ومشعل نزل اغراضها وقعد قبالها... مشعل بابتسامه:حمدالله على سلامتج حلا بابتسامه مالها أي لون:الله يسلمك مشعل بعتب:ليش ما قلتي لي انج حامل؟ حلا مالها خلق لاي مناقشه: ما سمح الوقت اقول لك مشعل رفع حاجب:تدرين انج لو كنتي تامه على حالج لا اكل ولا شرب عدل جان طاح الجنين حلا:جان زين طاح وفتكيت من أي شي يربطني فيه مشعل:استغفر الله شالكلام حلا تبجي:ابي اتطلق مشعل مشعل مو عارف شيقول:يا حلا حرام الياهل يعيش بعيد عن ابوه حلا :أي ابو هذا الي يخون امه مشعل يضيق:خلاص حلا كافي لا تعذبين عمرج زود حلا:عذاب الميت يهون يا مشعل ..طلال ذبحني ما قمت احس بشي غير العذاب مشعل يهون عليها:طلال يحبج يا حلا وربي يوم كلمني ندمان على لسواه بس جاسم اجبره على انه يتزوجها حلا :مثل ما جبره علي مشعل :شالكلام يا حلا!! حلا ولاول مره تقول السر الي خبته طول هالمده: تعتقد يا مشعل طلال تزوجني حبا لي...كنت ادري انه يحب غيري مشعل بصراحه:عارف هالشي حلا:بس الي ما تعرفه ليش عمي جاسم اجبره يتزوجني مشعل :ليش!! حلا بألم: هدد ابوي الله يرحمه اذا ما انفصلت عن حمد كان بيسجنه مشعل يوقف من الصدمه:شنو!!!!! حلا تبجي:هذا الي صار ..عمي جاسم اهو السبب بكل لقاعد يصير لي والي صار لطلال وحمد بعد.. خلاني انفصل عن انسان كان ممكن انه يسعدني طول عمري و فرق بين طلال وحبيبته كل هذا ليش ليش !!! مشعل:انتي شقاعد تقولين يا حلا !! شلون جاسم كان بيسجن ابوج؟ حلا:هذا الصج يا مشعل ومحد كان يدري غيري انا وابوي وعمي مشعل:كل هذا بقلبج يا حلا ومحد يدري حلا: انا من قبل لا اتزوج طلال وانا اعاني منه تقول لي لا تعذبين روحج اللحين ...اذا زواجي منه كله عذاب بعذاب مشعل:خلاص يا حلا كافي حلا تبي تفضفض:تزوجته وادري انه ما يبغيني ...صبرت عليه وكنت ادري انه علاقته مع حبيبته ما انتهت ...ويوم حسيت صج بدا يميل لي انصدم انه يخوني بس بعد شنو... بعد ما حملت صار في شي بيني وبينه يربطنا ما اقدراتخلص منه للابد مشعل:استغفري ربج يا حلا ..ربج كاتب هالشي يمكن خيره لج عشان تردون لبعض حلا:هالشي مستحيل اني ارجع له يا مشعل مستحيل مشعل يحاول يقنعها:يمكن اذا عرف جاسم انج حامل ما يجبره على زواجه لشذى واعتبريها غلطه وحاولو تعيشون حياتكم حلا توقف :هالشي مستحيل يا مشعل وما ابغى احد يدري اني حامل مشعل بعصبيه:ما يصير يا حلا لتسوينه لازم يعرفون انج بخير وطلال لازم يعرف انج حامل حلا :تدافع عنه بعد كل لسواه فيني مشعل :لا يا حلا ما ادافع عنه ادري انه غلطان ويستاهل كل ليصير له بس ادور راحتج يا حلا ما ابي ولدج يعيش نفس حياتي بعيد عن اهله حلا:امه عنده ماراح اقصر عنه بشي مشعل:الكلام سهل يا حلا بس اذا كبر بتتعبين صدقيني حلا:مشعل اذا انا مكلفه عليك او مضايقتك مستعده اطلع من اللحين مشعل انقهر من كلامها:شالكلام يا حلا انتي الداخله وانا الطالع بس انا ابي مصلحتج حلا:مصلحتي اعرفها يا مشعل ...مالي رجعه لولد اختك وما ابغى احد يعرف اني عندك و اني حامل واذا معترض على هالشي مثل ما قلت لك مستعده امشي من اللحين مشعل :هذا اخير كلام عندج حلا بحسره:طلال ما خلى لي خيار غيره مشعل يبتسم لها:خلاص كل الي تبغينه يصير بس انتي لا تعصبين وهدي نفسج حلا دمعت عينها : مادري شكنت بسوي من غيرك.. صدق ابوي يوم قال لي انك اخوي الي ما يابته امي مشعل يستخف دمه:ههههه صدق توني ادري حلا تمسح دموعها وبحيا:آسفه مشعل اني صرخت مساع مشعل:هههه عادي حياج في اي وقت بس عاد من غير بجي ما اقدر اشوفج تبجين حلا تبتسم له:الله لا يحرمني منك مشعل:ولا منج...قومي غرفتج ارتاحي شوي عشان نطلع بليل نشتري اغراض للياهل حلا:هههه تو الناس يا مشعل توني بالشهر الثاني حتى بطني مو مبين عليه مشعل:هههههه عادي انا مشتهي اشتري له شي أي شي هذا ولد الغاليه لازم ندلعه حلا بحيا:ما قصرت دامك موجود ماراح يحتاج لاحد بيت فيصل امامه زايرتهم ..وقاعدين كلهم بالصاله... نهى :حيا الله من يانا تو ما نور البيت امامه بحيا:الله يحييج خالتي انفال:شدعوه ما تزورينا اموم فيصل : انا مانعها فجر:ليش ان شاء الله؟!! فيصل:لانكم تحنون وتلزقون فيها وتبعدونها عني فجر: يا عيني يا عيني على الحب امامه منزله راسها بتموت من الحيا من كلام فيصل مو مخليها براحتها من يوم وصلو:... انفال:بس بس حرام عليك طالع البنت شصار فيها فيصل يطل بويها:آآآآآآآه يا قلبي الله يخلي لي هالويه امامه بصوت واطي:فيصل امك اهني نهى سمعتها:هههههه ما عليه يا بنتي ولدي واعرفه ماراح يخليج براحتج شنو سر رفض انفال لكل الي تقدمو لها ما عدا فواز؟؟!! امامه وفيصل لمتى يأجلون عرسهم؟!! حلا بتم على قراراها او بتحن لطلال مع الايام ؟! زواج طلال من شذى بيحيي الحب الي بينهم؟!! حور يتقدر تنسى مشعل وتتجاهل وجوده في بريطانيا؟!! ردة فعل غنيمه اذا عرفت بسر احمد؟!!

سامحوني يالغلا على التأخيبر....ادري تأخرت عليكم وايد كانت عندي فترة امتحانات وصعب علي اني اكتب لكم بارتات.... امس سهرت على هالبارت وانا اكتبه لكم وان شاء الله يعجبكم ... سامحوني على التأخييييييييييييييييييير ولا تنسون ردودكم وتوقعاتكم بالبارت الياي اختكم حلوي وهذا الجزء 19 وان شاء الله يعجبكم الجزء التاسع عشر ركبت سيارتها واهي متردده بلي راح تسويه... تحس قلبها مقموت من المكان الي بتروح له .... بدون أي تفكير لقت نفسها عند العنوان المكتوب بالمسج.. نزلت من سيارتها واهي تسحب نفسها بالقوه ..ما تدري ليش تحس انها رايحه بيدها ليه قبرها .... وقفت بصعوبه عند بوابة البيت الرئيسيه وضربت الجرس فتحت لها الخادمه وقالت لها تفضلي ... دخلت البيت وقفت عند الصاله وجسمها كله يرجف ... جيت لها الخادمه وقالت لها تصعد الطابق الثاني ....... بيت فيصل بعد ما خلص طلعته ويا امامه وصلها بيتهم و رجع البيت دخل البيت يغني واهو يتذكر امامه... الله لـمـا تّـكـلـم ... كـنـك تغـنـي ترنـم الورد منـك تعـلـم ... والشـاعر يضيع شِعـره حنـون ربي يصونـك ... فـي طيبتـك في عيونك دنيـاك حبـي وكونك ... ياطيب عمـري وعطـره فديت صوتـك فديتـك ... شفتك عشقتـك هويتـك ياليت تـدري ياليتـك ... غـلاك ياكـبـر قـدره توقف يوم شاف امه تعطيه نظره و معصبه بالصاله .... نهى :زين شرفت فيصل مستغرب من اسلوبها :خير يمه؟ نهى :وين الي بيطلع من الديوانيه وايي ياخذني من المستشفى يضرب راسه بيده:افففف شلون نسيت نهى بعصبيه:طبعا كاشت بأمك ولاهي مع مرتك فيصل ابتسم وجلس يمها وباس راسها:سامحيني يالغاليه والله اني نسيت نهى تلف الناحيه الثانيه:في احد ينسى امه فيصل :سامحيني يمه والله اني لهيت ..منو يابج.؟ نهى :انفال اختك ..خلصت من العزيمه ومرتني فيصل :عيل ليش متضايقه يمه؟ نهى بغيره: انك للحين ما تزوجت ومرتك نستك امك شلون اذا تزوجتها فيصل يبوس راسها:افا يمه شالكلام ولا احد يقدر ينسيني اياج انتي الخير والبركه... حقج علي دخلت انفال الصاله نازله من غرفتها وسمعت اخير كلامهم... انفال:خلاص يا ام فيصل حصل خير نهى تخزها بنظره:انتي مالج شغل انفال بوزت:افا يمه هذا و انا الي نقذتج بعد ما نساج ولدج فيصل بعصبيه:نفووووووول انفال:ههههههه شفيك اتغشمر فيصل:ما ابي غشمرتج البايخه بدال لا تطفين النار تزيدينها انفال تروح لامها وتبوسها على خدها:الحلوين يغارون نهى تبعدها :ولي عن ويهي انفال:ههههههههههه لا اليوم امي فيها شي نهى دمعت عينها :خوفي يا يمه اخوج ينسانا بعد الزواج قعد جبالها فيصل على الارض :شالكلام يمه ..منو قال ان الزواج بيبعدني عنكم.. نهى ساكته ما تبي تفقد ولدها خوفها من هالشعور اهو الي خلاها تتصرف بهالطريقه...فقدت زوجها واهي بعمر الزهور وربها رزقها هالولد الي من صغره متحمل المسؤوليه معاها وبار فيها وفي خواته ...صعبه عليها مجرد التفكير انه يتغير عليهم ويتركهم... انفال تتدخل :خلاص يمه لا تضيقين خلق فيصل توه راد مستانس نهى :يا يمه انا مو قصدي اني اشيشك على مرتك او شي ..بس ما ابيك تتغير علينا فيصل ويحس كأن يعامل ياهل صغير خايف يفقد شخص غالي عليه ..ابتسم لها:وهالشي ماراح يصير ابد لا تظنين اني بطلع من البيت او بتغير عليكم نهى من كل قلبها:آمييين فيصل بحذر :يمه امامه ضايقتج بشي؟ نهى بصدق:حشى والله يا ولدي ما شفت منها الا كل خير ..وسامحني بس يمكن كبرت الموضوع شوي واهو ما يستاهل فيصل:مسموحه يا يمه انفال تغير الموضوع:اقول فيصل فيصل فهمها:هلا انفال: انا وفجور مساع اقترحنا على امي انه نسوي لكم حفلة تخرج لك انت واموم فيصل :خوش فكره نهى:انا قلت نسويها حفله لكم انتو الاثنين تدري صعبه تسوي دي جي وجذي وعمها توه متوفي...فقلنا حفلة عشى بسيطه بينا احنا الاهل ..دام عرسكم بعيد فيصل:صح كلامج الي تشوفونه يمه نهى: ان شاء الله اكلم نوال باجر ونشوف نرجع لحلا ... صعدت للغرفه الي اشرت لها الخادمه توها بتفتح الا صوت يوقفها ... مصدوم:..حلا !!! التفتت حلا للصوت :حمد!!! شتسوي اهني؟ حمد مستغرب:انتي شتسوين!!!؟؟ حلا بضيق:وصل لي مسج للعنوان وقلت اجي اشوف شالموضوع حمد عرف السالفه:تدرين هذا بيت منو يا حلا؟ حلا ببراءه:لأ حمد ابتسم لها:انزين ذكري ربج وردي بيتج حلا مستغربه من اسلوبه وشكله الا رجع مثل حمد الاولي يوم خطبها :ليش؟؟! حمد ما عرف شيقول لها:احسن لج يا حلا طيعيني حلا بعناد تقرب من الباب:ما ابقى حمد يقرب منها وبتحذير:مو مسؤول عن الي بيصير وربي يشهد ان مالي يد بالموضوع حلا بخوف وبنفس الوقت شاكه بكلامه:اشك بهالشي حمد فهم نبرة الاستهزاء بصوتها:ربي يعلم وهالشي كافي حطت يدها الي ترجف على الباب وافتحته .... وتمنت لو ان هاللحظه انتهت ولا تشوف الي تشوفه ...تمنت لو ان دقيقه ترجع وتسمع كلام حمد ... نفس الصدمه على حمد ما توقع الوضع بيكون لي هالدرجه من النذاله والانحدار .... ...... ..... .... .... ........ .!!!! !!!! .. ؟؟؟؟ !!! ... حلا من كثر الصدمه نربط لسانها....تمت تشوف المنظر وعيونها تدمع بغزاره .... قربت منه بكل تعب ريولها مهي قادره تشيلها تحس الدنيا كلها على راسها مهي قادره تستوعب... وقف بذهول ما توقع ينحط بهالموقف جدامها .. ضربته كف على وجهه وبكل الم قالت:حقير نذل جبان وقفت قبال شذى وابتسمت بعذاب واستهزاء بالشخص الي جدامها : اما انتي مراح اوسخ يدي فيك ..لانك وسخه بالاساس طلعت من الغرفه ..وحمد الي استوعب الوضع الي صار اخذ شذى بقوه من شعرها وحذف عليها غطى السرير حمد بعصبيه:تستري يالواطيه والتفت على طلال بكل استهزاء:ما توقعتك نذل لي هالدرجه استغفر الله شلون نسيت ربك بلحظه وسويت الي سويته مع وحده واطيه مثلها...صج ما تستاهل حلا سحبها من شعرها معه للسياره ...كانت تصرخ تنادي بطلال بس من هول الصدمه كان متصنم ما يسمع ولا يحس ولا يشوف شي جدامه ...حذفها وره وحرك السياره بعيد عن مكان العار .. طلال رمى نفسه على السرير تم يراجع كل الي صار له اليوم من اول ما جيه بيت شذى ... فجأه حط يده على وجهه مكان كف حلا ...ضرب بيده على الطاوله الزجاج الي جنبه وانشقت يده ..كان ينزف دم بغزاره بس مو كثر الي ينزفه بقلبه ... ((شلووووووووووون صاااااااار جذي كيف سويت جذي كيف....استغفر الله استغفر الله...حلا شلون جيت منو قالها ..حسبي الله عليج يا شذى الله ياخذج هدمتي بيتي ...)) تذكر حلا وكيف كان شكلها يوم طلعت ..خاف عليها تسوي بنفسها شي اخذ مفتاح سيارته ولبس ملابسه على السريع وراح لبيته ..ولا فكر بحال شذى بيت حمد سحبها من السياره بكل عنف ...مسك شعرها بقسوه ودخلها معه لبيته وتم يصارخ ينادي على امه... حمد :يمه ..يمه ام حمد تنزل من فوق مخترعه ..وبو حمد معاها بس يوم شاف حالت شذى وكيف انها مو متستره عدل ..استغفر ربه من شكلها وصعد لغرفته .. قربت ام حمد بخوف منهم :خير يمه ليش ماسك بنت خالتك جذي!!! شذى تحاول تفك يده وتبجي:حراااااام عليج خالتي وخريه عني بيذبحني حمد يشد على شعرها اكثر:الذبح شويه عليج يالواطيه ام حمد:شالكلام يا ولدي عيب عليك حمد فقد اعصابه رماها على القنفه وتم يضربها بعقاله:عيب انا عيب...هذي اصلا تعرف شنو يعني عيب ..فضحتنا يا يمه فضحتنا ام حمد بخوف:ليش اسوت؟ حمد يلف على شذى وعينه حمر من العصبيه:قولي لامي شمسويه يالنذله علميها درجة الحريه عندج وصلت لي أي درجه من الانحدار ...واطيه ..واطيه شذى تصارخ بين بجيها:مو واطيه احترم نفسك حمد يضربها:ولج عين تراديديني يالقذره يالحقيره ام حمد تتدخل:تعوذ من ابليس يا حمد بتموتها واهي بيدك حمد:خليني يمه ابرد حرتي فضحتني يا يمه فشلتنا يابت لنا العار تستحق الذبح تمت تحاول معه لين بعدته عن شذى ...التفتت لبنت اختها لقتها ملتويه على نفسها والدم ينزف من خشمها وحلجها من الطق الي كلته من حمد ...غير آثار الضرب الي على جسمها... ام حمد:واللحين ممكن افهم السالفه؟!! حمد بعصبيه :هالحماره الي جدامج اليوم شفتها ويا ...استغفر الله استغفر الله شلون سويتي جذي شلون !!! شذى تبجي:انت مو فاهم شي حمد يروح لها ويهجم عليها ويمسكها من رقبتها:شنو الي مو فاهمه كفايه الي شفته بعيني حسبي الله عليج شذى تحاول تفك يده تحس انها بتختنق :وخ..ر عن.ي ا.نا زوج..ته بالحلال حمد رخى ايده عن رقبتها تدريجيا بصدمه:شنو؟!! شذى تبعد يده وتفرك مكان الي شد عليه:حسبي الله عليك كنت بتذبحني حمد مو مصدق كلامها:شلون زوجته ومن متى؟. شذى تبلع ريجها وتروح تنخش ورا خالتها : تزوجنا اليوم؟ حمد مو فاهم شي للحين:شلون؟ ام حمد مو فاهمه شي:شسالفه بالضبط؟؟!! حمد بصراخ:قولي شلوووووووون؟ شذى تتمسك بخالتها بخوف: مت..زو..جه طل.ال عر..في حمد فتح عيونه على الآخر ما حست الا بيده تضربها على ويها:عرفي يالواطيه عرفي ام حمد شهقت :ليش يا شذى ليش؟؟؟؟ شذى تبجي:بس اليوم وباجر بنتزوج على سنة الله ورسوله بس حمد خرب كل شي حمد يحذفها بالارض ويدوسها:انا يالنذله الي خربت عليكم انا !!...ولا انتي دازه مسج لحلا تبين تهدمين بيتها انتي شنو ما عندج قلب ما تحسين ما تعرفين العيب ام حمد تبعده عنها :اذكر ربك يا حمد شذى:ما اسمح لك تسوي لي جذي وخر عني ابوي حي مالك شغل فيني ام حمد تبعده:يا حمد بس يكفي لا تموت البنت بيدينك حمد:سمعتيها يمه متزوجه عرفي الواطيه ..اخرتها نوصل حق هالمستوى ام حمد تاخذ شذى وتعدل الغطا الي على جسمها:خلاص يا حمد الي سويته فيها كفايه انا علي الباجي حمد يعض على اسنانه:الي سويته شويه فيها تستاهل اكثر الحقيره خذتها ام حمد لفوق الغرفه ..وحمد طلع بكل عصبيه من البيت ... حلا خلاص تحس ان حياتها مالها معنى ... ((وصلت فيك يا طلال تخوني مع غيري .ليش ليش انا اسويت عشان تسوي فيني كل هذا....لو متزوجها ارحم علي مليون مره من اشوفك وياها بالحرام استغفر الله ما توقعتها منك ..ما اتوقعت تكون نذل وحقير)) راحت لبيت ابوها ..دخلت لغرفة ابوها وتمت تصيح وتتشكى لصورته ... خذت جوالها بعد ما هدت شوي.. واتصلت على مشعل بعد ما قررت تنفذ الي في بالها بأقرب وقت... رد بخوف :حلا حلا تحاول تغير صوتها:قوه مشعل كيف حالك؟ مشعل مستغرب:الحمدالله ...حلا خير صاير شي؟ حلا:لا ابد ليه؟ ما يصير اسأل يعني مشعل يشوف ساعته:الا يصير بس الساعه عندكم بالكويت اذا مو غلطان 2 بليل حلا تحس انها بتنهار:أي صح ...مشعل طلبتك يا خوي لا تردني مالي بالدنيا غيرك ابوي وخلاني واخو ما عندي مشعل حس ان السالفه كبيره:انتي اكثر من اخت يا حلا امريني حلا دمعت عيونها من كلامه:تسلم يا مشعل...انا باجر جايه عندك بريطانيا باذن الله اوصل بليل مشعل انصدم:كيف؟؟!! حلا:مشعل ارجوك لا تناقشني حالتي ابد ما تسمح بهالشي .. صدقني ماراح تلومني على الي بسويه واذا ما سافرت اللحين ما اضمن شراح اسوي بنفسي مشعل بعصبيه حس ان الموضوع مو هين:اللحين اكلم طلال حلا غمضت عينها اسمه صار يسبب لها جرح :لا لا تكلمه مشعل يهديها من صوتها مبين منهاره:ذكري ربج يا حلا ما في شي يستاهل حلا انهارت من البجي:في يا مشعل فيه مشعل :طلال ضايقج بشي؟ حلا تمسح دموعها:ارجوك مشعل ما ابغى احد يدري اني بسافر وخاصة طلال واذا وصلت ان شاء الله افهمك كل شي مشعل بتفهم:الي تشوفينه يا حلا حلا:ريحتني يا مشعل الله يريحك دنيا وآخره مشعل يحاول يلطف الجو:دامج بتيين عندي اكيد برتاح ان شاء الله ..اهم شي بفتك من الطبخ حلا:هههه تسلم ..اقول مشعل مشعل:هلا حلا بحيا: ما عليك امر تحجز لي غرفه بالفندق مشعل:افا يا حلا شالكلام وشقة اخوج وين راحت حلا بحيا اكثر:ما ابي اضيق عليك يا مشعل مشعل:ما فيها ضيق ولا احراج شقتي كبيره وفيها غرفتين فاضين تعالي اختاري لج وحده حلا:تسلم يا مشعل مشعل:الله يسلمج ويخليج حلا :مشعل مشعل:امريني حلا:ما يآمر عليك عدو بس بسأل شنو الاوراق المطلوبه مني اجيبها اذا بقدم على وظيفه بالمستشفى الصدمه الثانيه على مشعل:حلا شصاير؟ حلا:مشعل احنا مو اتفقنا اذا جيت لعندك اشرح لك كل شي مشعل تفهم وضعها: خلاص حقج علي ..اللحين اشوف واطرش لج مسج حلا:اوكي لان طيارتي بعد 3 ساعات مشعل بحنيه:ديري بالج على نفسج يا حلا..وان شاء الله انا وياج لا تحسين انج وحيده بهالدنيا..ربج حرمج من امج من يوم كنتي صغيره وخذا ابوج ويمكن ما وفقج مع ريلج بس اخوج دوم موجود يمج لا تشيلين هم يا حلا ..ماراح اتخلى عنج حلا تمت تصيح من كل قلبها تحس محتاجه لهالكلام:الله يخليك لي يا مشعل ما تدري شكثر ريحتني بكلامك...اخليك اللحين عشان ازهب اغراضي مشعل:توصلين بالسلامه حلا:ان شاء الله ..مع السلامه غرفة فيصل منسدح على سريره يكلم امامه واوراق المراجعه بيده.. فيصل :آآآخ يا قلبي امامه:ههه سم الله على قلبك يا قلبي فيصل:اموم خفي علي شوي امامه:هههه ما قلت شي فيصل:كل هذا وما قلتي امامه:خلاص عيل ماراح اتكلم فيصل:لا لا تكلمي قولي الله لا يحرمني منج ومن كلامج امامه:ههه انزين حبيبي خلنا روح نام شوف الساعه جم وراك امتحان باجر فيصل بدلع:ما لي خلق امتحن امامه:ما عليه راجع لك شوي ادري ما درست شي فيصل:هههه جنج تدين ماسك الاوراق بيدي اتمنظر فيهم امامه:ههههه يا قلبي ما عليه ما بقى شي وتخلص ان شاء الله فيصل ينفخ من كل قلبه:آآآخ متى اتخرج ..ابي اتزوج مليت امامه:ههههه ويي يا حرام ليش؟ فيصل:مو الي خاطبها شرطها ماكو زواج الا بعد ما اتخرج واشتغل امامه ماسكه ضحكتها:ويي ما عندها سالفه وين تلقى واحد مثلك فيصل:هههه شفتي شلون علميها امامه:افا عليك باجر اكلمها لك فيصل :صج اموم؟ امامه:ههههه شنو الي صج؟ فيصل:تكلمينها لي امامه:ههههه حبيبي شفيك سخنت فيصل:ههههه الا بموت من بعدج عني امامه:ياااا ربي يا فيصل لا تضغط علي زود فيصل:ان شاء الله خلاص على امرج امامه :حبيبي لازم ترتاح اللحين وراك امتحان فيصل:يعني طرده امامه:يا ربيي انا قلت جذي اللحين فيصل يدلع:لا طرده بس بطريقه محترمه امامه:هههههه انت بالقلب ما اقدر اطردك فيصل يصرخ:لحقوووووووووني يا ناااااااااس هالبنت بتذبحني امامه:اوششششش فضحتنا اهلك نايمين فيصل:شسوي فيج يننتيني امامه:هههههه انزين يلا يا قلبي عشاني روح نام وباجر كلمني اول ما تخلص امتحانك طمني عليك فيصل:تحاتيني ؟ امامه:ههه وربك هذا سؤال فيصل:اتأكد امامه:ماله داعي تتأكد فيصل يطفرها:اها من كلامج افهم انج ما تحاتيني امامه:انا قلت جذي فيصل:لا ترقعينها اموم قولي تبين الفكه امامه:يا ربي يدلعون بعد فيصل:ههههههه امامه:حبيبي روح نام باجر اكلمك ان شاء الله فيصل :اوكي حياتي امامه:تصبح على خير فيصل:وانتي من اهله امامه:بباي فيصل:بايااات يا قلبي صحيح اذا قالو الدنيا لحظه بعض الناس يعيشون اسعد لحظات حياتهم ...وناس تتمنى تموت وتندفن ولا انها تعيش هاللحظات ... اصعب اللحظات لحظه يخدعك فيها حبيبك الي اعطيته حياتك قسوته تصبح نصيبك بعد ما تعطيه عمرك روحك احساسك وحبك تكتشف في لحظه انه كان بس يلعب في قلبك كانت تراقبه من بعيد ودموعها تنزل مثل المطر ...ارتاحت يوم شافته حرك سيارته من البيت وقفت سيارتها بعيد ومشت بهدوء لبيتها... دخلت خذت اغراضها وتركت له رساله ((انساني ولا تفكر تلاحقني يا زوجي الخاين )) وطلعت من البيت ودعته للابد ... عدت اكثر من 5 ساعات يفر بالشوارع يدورها مالها أي أثر...حاول يتصل فيها بس جهازها النقال مغلق .... ثاني يو الصبح قعدت امامه من النوم غسلت وصلت غيرت ملابسها بتروح الجامعه ....نزلت الصاله لقت امها تفطر ... تبوس راسها:صباح الخير يمه نوال:صباح النور حبيبتي ..تعالي قعدي يمي افطري امامه تاخذ قطعة خبز وجبن بيدها:مستعجله يمه كلها ساعه وراده ان شاء الله نوال :لا تتاخرين عشان نروح نجيب ابوج اليوم يرخصونه امامه ترفع حاجب:طلال وينه ليش ما يمرج؟!! نوال تحاتي:مادري من اليوم الصبح وانا احاول اتصل عليه جهازه مغلق امامه مستغربه:غريبه موبايل طلال مغلق نوال:الله يستر امامه :خلاص يمه انا اخلص محاضرتي واجي لج بيت فيصل انفال تنادي فجر من الدور الارضي:فجوووووور يلا تأخرنا فجر من غرفتها:كاني يايه ينزل فيصل الدري ويلقى انفال متخصره ومفوره من العصبيه فيصل بابتسامه:صباح الخير على المعصبين انفال:صباح النور على المليقين فيصل:هههههههه افا نفوله انا مليق انفال:فصوول ترا مو فاضيه لبياختك فيصل يسوي نفسه منصدم:افا افا بايخ ومليق مره وحده..منو معكر مزاج حبيبتي من الصبح انفال بغرور:من متى صرت حبيبتك؟!! فيصل ماسك الضحكه الكل يغار من امامه:انتي من زمان حبيبتي توصل فجر فجر بدلع :وانا فيصل؟!! فيصل :هههه لا انتي عاد الحب الاولي ضربه خفيفه من وراه نهى:وامك وين راحت!!! فيصل:ههههههههه كلكم احبكم انفال:هالكلام على غيري...فجور خلصتي ولا امشي عنج فجر بملل:كاني جدامج خالصه لوعتي جبدي فيصل يمثل العصبيه:ليش تلوعين جبد فجوره نفول؟! ها!! انفال تدزه بيدها لي وره:وخر عن ويهي فيصل:ههههههههه هالبنت نار ان عصبت نهى :ما تنلام صارلها اكثر من ساعه تنطر اختك فجر :شسوي يمه بعد لازم اتعدل حق الصوره انفال وصلت الباب الخارجي:بسج قرقه خلصييييييني فجر تبوس امها وفيصل وتروح لها بسرعه...قبل لا صج تمشي عنها... فيصل:يله يمه انا ماشي نهى:الله يوفقك يا رب فيصل:لا تحرميني من دعواتج يمه نهى ترفع يدها:ربي يسهل عليك وتتخرج وتتزوج ونشوف عيالك فيصل يبوس راسها:تسلمين يالغاليه بالسياره انفال بجد:شوفي عاد فجوره احنا صج رضينا انج تسوقين بس تعرفين شروطنا فجر:ادري انفال:قبل 9 بليل انتي بالبيت ..و طلعات بروحج ويا رفيجاتج ما ابي..وسرعه ما ابي .. فجر بملل تقاطعها:انفال ترا للمره المليون تقولين لي هالكلام انفال:لاني اخاف عليج فجر:ادري حبيبتي مشكوره بس خلاص لا تردين تعيدين بيت ام حمد بعد الي صار امس ...ام حمد خذت شذى بعيد عن حمد ودتها غرفه فاضيه وطلبت منها ترتاح عشان باجر تتفاهم مع امها اذا رجعت من السفر ... فتحت باب الغرفه لقتها للحين نايمه...نزلت تحت لقت بو حمد يشرب جاي بالصاله بو حمد يشوفها تقرب منه:ما قعدت؟!! ام حمد:لا والله للحين نايمه بو حمد بجد:يا ام حمد ما ابيج تزعلين من كلامي بس ما احب هالاشكال تقعد في بيتي ام حمد بضيق:ما عليه يا بو حمد كلها جم ساعه و اهلها يوصلون ان شاء الله بو حمد:والله عشانج مستحملها ...ولا لو بيدي حذفتها بره البيت ام حمد:ما قصرت طول عمرك قلبك كبير بو حمد يوقف:انا استاذن اللحين ما ابي اتأخر على الدوام ..بس اذا رديت ما ابي اشوفها بالبيت ام حمد بحيره:ان شاء الله طلع بو حمد ...ونزل حمد من غرفته سلم على امه وقعد يمها... ام حمد:ها يمه شلونك اللحين؟؟ حمد للحين ما برد قلبه بشذى:ودي اذبحها يمه ام حمد:اذكر ربك يا حمد ..مهما سوت مالك حق تسوي الي سويته فيها حمد بعصبيه:انا للحين ما سويت فيها شي ام حمد قامت من مكانها:الله يهديك حمد كان بيصعد لها الغرفه يكمل عليها الي بداه فيها امس ..بس استغفر ربه وطلع من البيت قبل لا يرتكب فيها جريمه واقف عند البحر ..لو يملي البحر كله من دموعه ماراح تملي الجرح الي سببه في قلب حلا.. (( شلوووووووون سوييييييت جذي !!! انا اتزوج عرفي اخييير عمري اتزوج عرفي !!! ليش ما سيطرت على نفسي ..حلا عمرها ما جرحتني كيف سويت فيها جذي؟! ليش ما صارحتها ليش ما قلت لها ما كان عندها مانع...آآآآآه يا حلا كنتي حاسه من بداية زواجنا ان قلبي مو بس لج جان زين مصارحج وتزوجتها ولا سويت الي سويته ؟!! شيفيد الندم اللحين حلا اكييييييد مراح تسامحني..خسرتج يا حلاااا )) بيت شذى وصل بو شذى وام شذى.... ام حمد كلمتها وقالت لها ان اهي وشذى يايين لهم البيت اللحين ...وما بينت لها أي شي ام شذى:الله يسلمج يا ام حمد مشكوره على الييه ام حمد تشيل عباتها :ما سويت شي يا وخيتي ام شذى توها تلاحظ بنتها:يمه شذى منو سوا فيج جذي؟!! شذى تشوف خالتها ومو عارفه شتقول :!! ام شذى تلتفت على ام حمد:صاير شي يا ام حمد .؟ ام حمد توها بتقول لها الي صار:والله يا ام شذى بنتج... تقاطعها شذى:طحت من الدري يمه ام شذى تروح لها تلمها:بسم الله عليج يا قلبي عسى ما تعورتي شذى دمعت عيونها:أي يمه وايد يعورني ام حمد بجديه: يا ام شذى ودي اكلمج بموضوع بيني وبينج شذى بخوف:افا خالتي ماني غريبه ام حمد تشوفها بنظره:الموضوع بيني وبين امج ام شذى حاسه الجو متكهرب:يمه شذى روحي غرفتج شذى بخوف عارفه ردت فعل امها اذا عرفت:ان شاء الله يمه بعد ما قالت ام حمد كل الكلام الي قاله لها حمد لام شذى .... ام شذى توقف من الصدمه:شقاعد تخربطين؟ ام حمد:هذا الي صار وانتي مسافره ام شذى:معقوله شذى تسوي جذي وفي بيتي بعد!!! ام حمد تهديها:الي صار صار اللحين لازم تحلون مشكلتها وتسترون عليها ام شذى:اكيد حمد يتبلى عليها ام حمد:شالكلام يا ام شذى .؟!! ليش ولدي بيتبلي على بنتج بهالكلام!؟ ام شذى بغرور:لانها رفضته ودوم اهي ما تعجبه فقال اطعنها باخلاقها وانتي ما قصرتي ساعدتيه ام حمد:من صجج انتي تتكلمين؟ ام شذى:بنتي اشرف منكم ومو معناته اني خليتها جم يوم عندكم امانه جذي تسوون فيها..واذا ولدج غلط واتجه للمخدرات وهالسوالف .. ترا بنتي ما تضيع مثله ام حمد منصدمه من اسلوبها:احترمي نفسج احنا ما نتبلى على بنتج ولدي الحمدالله ربي هداه..بس انتي عميه وما تشوفين سوالف بنتج ام شذى:وطولين لسانج علي وانتي في بيتي ام حمد توقف بعصبيه:الشرهه مو عليج الشرهه علي انا الي يايه اقولج ولا انا ليش اضيع وقتي مع وحده مثل بنتج ام شذى:سنعي كلامج يا ام حمد ام حمد:شوفي كلامج قبل وروحي لبنتج وتأكدي بنفسج ..الله يستر علينا من هالبلاوي ام شذى:طلعي بره بيتي ام حمد انصدمت:تطرديني !!! ام شذى:واتبره منج ..الي تقول عن بنتي هالكلام لا اهي اختي ولا ابي اعرفها ام حمد دمعت عيونها :ما قصرتي ايي منج اكثر .. ام شذى تلف الجهه الثانيه:حياج الله شافتها ام حمد بنظرة وطلعت عن بيتها وحلفت ان ما تطبه بعد الي سمعته.... صعدت ام شذى لغرفة بنتها واهي معصبه من كلام ام حمد افتحت الباب بكل قوه وشذى الي كانت منسدحه على سريرها وقفت مخترعه .. شذى ترجف من الخوف :خير يمه... ام شذى وعيونها حمر من العصبيه:صج كلام خالتج شذى تبلع ريجها:شقالت لج؟!! ام شذى تصارخ:ردي علي لما اسألج شذى انهارت بجي من الخوف:يمه تكفين اهدي شوي ام شذى بهستيريه:تكلمي لا اذبحج اللحين بو شذى الي توه طالع من السباحه سمع صراخهم لبس على السريع وراح لهم... بو شذى:خير شسالفه؟ شذى انهارت يوم شافت ابوها :... امها قربت منها وحست ان الكلام كله صحيح ..مسكتها من شعرها: يعني الكلام الي قالته خالتج صار شذى بين بجيها:يمه والله انتو فاهمين الموضوع غلط ام شذى تعطيها طراق:حسبي الله عليج من بنت عرفي يا شذى عرفي بو شذى مو فاهم شي:شسالفه؟!! ام شذى ترفسها بريلها :بنتك فضحتنا ..فضحتنا شذى تنخش وره السرير:يمه تكفين اهدي شوي عشان افهمج بو شذى يبعدها عنها:قولي يا شذى شذى تبجي:يبه انا ادري اني غلطت بس صدقني اليوم كنا بنتزوج بو شذى مو فاهم شي:من الي بيتزوج؟! ام شذى تروح لها و تم تضربها:يالنذله وتقولينها بكل برود ...ليش سويتي فينا جذي بو شذى يبعدها:يا ام شذى بس كافي قولي لي شالموضوع ام شذى:تبي تعرف اخر دلعك لها وصلها لي وين ...بنتك متزوجه عرفي يا بو شذى التفت منصدم عليها:صج هالكلام؟ شذى تبجي:يبه والله اليوم بيتزوجني على سنة الله ورسوله بو شذى يوقفها ويعكف يدها لي وره:تزوجتي عرفي ؟!! شذى:والله يبه غلطت سامحني يبه يسحبها من يدها بقوه:طلعي بره البيت ما ابي اعرفج لا انتي بنتي ولا اعرفج شذى تحاول تتراجع بمشيتها:يبه تكفى لا تقول جذي ..وربي يبه كل شي بيتصلح اليوم ام شذى تسحبها من يدها الثانيه:يالنذله في بيتنا بعد ..ما حشمتي حتى المكان بو شذى :حسبي الله عليج من بنت هذا آخر ثقتنا فيج شذى تنزل لريله تتوسله:يبه تكفى انا بنتك سامحني بو شذى:حسبي الله عليج انتي مو بنتي من يوم ورايح بنتي ماتت ما ابي اشوفج ولاا تفكرين تيين هالبيت مره ثانيه شذى تروح لامها تحاول فيها تمسك يدها:يمه ارجوج سامحوني ام شذى تحذفها على الارض:انتي نيسه ما يجوز اخليج في بيتي...طلعي بره لا انتي بنتي ولا اعرفج بو شذى يحذف عليها فلوس:هذي الفلوس اخذيها ويا سيارتج وهدومج وطلعي بره بيتنا انا بطلع اللحين واذا رديت و لقيتج بالبيت يا ويليج طلع بو حمد ...ام شذى تفلت عليها وراحت صوب الدري تصعد الدور الثاني ...لحقتها شذى تتوسلها شذى:يمه تكفين انا بنتج ام شذى ترميها على الارض:بنتي ماتت ..طلعي بره بيتنا تمت شذى تبجي بمكانها ...ساعه كامله مرت واهي على هالوضعيه... تتوقع امها بتنزل تغير رايها بس انصدمت يوم شافت الخادمه يايبه جنطتها ومفتاح سيارتها...وتقولها ان امها تقول طلعي من البيت..خذت اغراضها وتمت تشوف البيت للمره الاخيره ..وطلعت منه للابد تمت تتصل على طلال بس ما يرد جهازه مغلق بيت جاسم نوال بفرح:الحمدالله على سلامتك توه ما نور البيت جاسم :الله يسلمج ويخليج امامه توقف الكرسي الي كانت تدز ابوها فيه:وااااي يبه البيت ما يسوى من دونك الله لا يحرمني منك جاسم :ولا منك ..الا طلال وحلا فين؟ نوال بحيره:ولا مادري عنهم يا بو طلال اثنينهم جهازهم مغلق من امس جاسم:اتصلتو على البيت؟ امامه:ايي يبه ما يردون ...محد قاهرني غير حلوي ما ترد علي وعيادتها مسكره جاسم:ان شاء الله خير بريطانيا عيونها تدور على مشعل ..يوم شافته يستقبلها ابتسمت له وراحت... مشعل:هلا والله بالغاليه حمد الله على سلامتج حلا بابتسامه تجامله:الله يسلمك مشعل :خلينا نروح الشقه الجو وايد بارد حلا:اوكي واهم يمشون طالعين من المطار ...طاحت انظار مشعل على حبيبته الي تمشي عكسه باتجاه المغادرين... دمعت عينه واهو يشوفها تمشي وراسها بالارض ... ((خلاص يا حياتي قررتي تسافرين عني ...آآآآآه يا حور جان زين اقدر اصلح الي سويته )) ما قدر يشوفها تروح منه ويمكن للابد ..استأذن من حلا وقال لها تنتظره شوي وبيرجع لها... التفتت على صوت الي يناديها بكل عذاب مشعل:حوره حور وعينها بالارض:نعم مشعل يقرب منها :خلاص بتروجين حور تذكرت الي ينطرها بالكويت:للابد يا مشعل مشعل يرفع راسها بصبعه:حوره بلييز لا تسوين فيني جذي حور:مشعل حرام عليك ارحمني كافي كل ما شفتني تسمعني كلام يعذبني زود مشعل:مو بيدي يا حور..ما اقدر انساج حور:لازم تنساني لازم مشعل :اترجاج يا حور عطيني فرصه اعوضج كل السنين الي ضيعناها حور باستهزاء:ضيعناها !!! اتوقع انك انت الي ضيعتها مو انا مشعل بنفاذ صبر: اعترف يا حور اني غلطت سامحيني يا قلبي ..وربي مستعد اسويلج كل الي تبينه حور عينها بعينه تبي تملي شوفتها منه ماراح تقدر تشوفه بعد اليوم:قبل لا اقول لك الي ابيه.. ابي منك كلمه وحده يا مشعل مشعل بكل حب :آمريني يا حياتي حور تغمض عينها بحسره:تحبني !! مشعل بكل صدق :احبج !! هذا سؤال يا حور انا مو بس احبج اتنفس هواج ..انتي كل حياتي يا حور ..يا قلبي ليش تسوين جذي انتي تعرفين شكثر احبج لو بقعد اردد هالكلمه طول عمري ما اوفي حور دمعت عيونها من كلامه:بس خلاص كافي مشعل يضغط على يدها:حور حبيبتي لا تعاندين نفسج ادري انج تحبيني لا تحرمينا من بعض حور تسحب يدها:كل الي ابيه منك يا مشعل تنساني وتنسى حبي لك والله يوفقك بحياتك مع مرتك مشعل خلاص بينجن من هالموضوع:حور حبيبتي انا مو ... حور تقاطعه:كافي مشعل كافي ما ابي اسمع تبريرات مشعل:يا حور سمعيني.. حور تمسك جنطتها :مع السلامه يا مشعل تركته قبل لا تعطيه فرصه يصارحها .....مشعل يشوفها تبتعد عنه لين اختفت من عيونه مسح دمعه من عينه وراح ... شخص واقف شاف وسمع كل شي بالصدفه .. !!!!! !!!!! !!!!! !!!! !!! !!! دمعت عينها واهي تشوف حالة مشعل ... كفايه انحرم من امه وابوه وهالمره حبيبته بعد... ((يا قلبي عليك يا مشعل ..الله يهديج يا حور ما عطيتيه فرصه يصارحج ...تفرقتو وحبكم حي بعده ما ماات )) رجعو الشقه ..وحلا طلبت من مشعل ان ما يفتح معاها أي موضوع لانها تعبانه وتبغى تنام ...واهو ما كان له مزاج كفايه الي صارله ويا حبيبته.... بيت جاسم ثاني يوم من الاحداث جاسم مو مصدق الكلام الي سمعه:شنو يعني اتفقتو على هالشي؟! طلال توهق :يبه الموضوع بيني وبينها .. جاسم بعصبيه:مو بكيفك بينك وبينها انا عمها وبحسبة ابوها شمسوي لها يا طلال؟ طلال:يبه شالكلام مو صاير شي..بس اهي عندها دورة بره الكويت واستأذنت مني وانا رضيت لها نوال :وكيف تخلي حرمتك تسافر لوحدها؟! طلال توهق :عادي يمه دورة عمل جاسم:مو مصدق كلامك يا طلال ..قول شلي صاير بينكم؟ طلال:مو صاير شي يبه جاسم بصراخ:شوف عاد يا طلال ..حلا اعرفها زين مو معقوله صارلها يومين ما بينت ولا تجي تسال عني ..وتقول انها سافرت دورة عمل بدون لاا تجي تسلم علينا او حتى تتصل ..هالكلام ما يدش العقل اكيد انت مسوي لها شي ومزعلها طلال:يبه يمه ارجوكم الموضوع بيني وبين مرتي وما احب احد يدخل بينا جاسم لو بيده يقوم يوقف له ويعلمه كيف يتكلم جذي :والله لو ما كنت تعبان جان علمتك شلون تصير رجال نوال تهديه:خلاص يا بو طلال اهدى شوي جاسم:شوف يا طلال هالبيت ما تدشه الا وحلا معك طلال:تطردني يا يبه؟! جاسم:انا ما طرتك بس البيت ما تدشه لين اشوف حلا معك واتأكد انها بخير طلال يوقف من مكانه:ما قصرت يبه ..عن اذنكم نوال تحاول توقفه:تعال يمه وين رايح؟ طلال يناظر ابوه:مالي قعده بهالبيت يمه...مع السلامه شذى يوم طلعت من بيتها تمت تحوس بالشوارع حاولت تتصل على طلال بس ما حصلته ..دقت على وحده من رفيجاتها وطلبت منها تنام عندها ... قعدت من النوم تريقت معاها وقالت لها ان اهلها مسافرين والبيت محد فيه فاضطرت تنام عندها... بعدها تشكرت منها واستأذنت...ردت تحاول تتصل على طلال وهالمره فتح وياها الخط... طلال شاف رقمها رد عليها بعصبيه... طلال:ولج عين يالواطيه تدقين؟ شذى انصدمت :الو طلال!!!!!! طلال:أي طلال الي لعبتي عليه ...طلال الي باع مرته عشانج ..طلال الي هدمتي بيته ارتحتي اللحين شذى تبجي:طلال حبيبي لا تقول جذي طلال:لا تقولييين حبيبي لا اذبحج اللحين شذى:طلال حرام عليك انا عطيتك كل شي لا تبيعني طلال يضحك باستهزاء:انتي الي بعتي نفسج يا شذى شذى:طلال حرام عليك امي وابوي اطردوني من البيت طلال:تستاهلين لانج نيسه محد يرضى يدخل بيته وحده من اشكالج شذى :لااااا طلال لا تقول جذي طلال :خسرت حلا بسبتج .وشكلي بخسر اهلي اذا درو كله منج يالحقيره شذى:انا ما جبرتك على شي انت الي قلت لي نتزوج عرفي طلال:كله منج انتي..اجبرتيني على هالشي شذى:كافي كافي طلال حرااااام عليك طلال:تستاهلين اكثر شذى بحقد:يعني بتتخلى عني بعد ما عطيتك الي تبيه طلال:ما يهمني يا شذى كل الي ابيه حلا وبس شذى:اللحين حلا صارت اهم مني طلال:من زمان بس للاسف توني ادري شذى تحس ودها لو تذبح حلا وتفتك منها للابد:طلال حبيبي ادري انك اللحين معصب خلاص انساها واحنا نتزوج مثل ما اتفقنا ونعيش حياتنا واهي بالاخير بتتأقلم ويا الوضع ضحك بصوت عالي خله قلب شذى يفز:هههههههههههههه نتزوج شلون تبيني اتزوج وحده واطيه مثلج شيضمني مو متزوجه غيري عرفي شذى منصدمه:شقاعد تقول طلال !! طلال:هذا الصدق يا شذى انا ما اسمح لنفسي اتزوج وحده فكرت تتزوجني عرفي ..جان زين فكرتي الا سويتي هالشي شذى نهارت:طلاااال حرام عليك والله اني ما تزوجت غيرك وانا ما وافقت الا لاني متأكده انك تحبني وان بعدها بيوم بتتزوجني على سنة الله ورسوله طلال :ما يهمني ..اللحين الي بينا انتهى وما ابيج تدقين علي او تحاولين تلاحقيني شذى:من صجك !! شتقول يا طلال شلون تتخلى عني بعد الي صار طلال:ما همني الي صار شذى بألم:بس انا يهمني يا طلال انا بعتك نفسي طلال :قلتي بنفسج انتي الي بعتي نفسج وانتي الي تحملي الباجي شذى:حقييييييييير طلال:ما في احقر منج ...وما ابي اسمع صوتج يالنذله سكره بويها واهو يحس انه حبه لها انقلب كره بشكل كبير ما كان يتصوره بس بعد شنو بعد ما خسر حلا !!! شذى انصدمت من كلامه مو مستوعبه بعد كل الي عطته اياه يتخلى عنها بكل هالسهوله .. ((مارااااح اتخلى عنك يا طلال انا اعلمك منو النذله والحقييره يالحقيير )) بيت حور بو حور بملل:خلاص يا حصه البنت بتوصل اليوم ان شاء الله ونتفاهم بالموضوع حصه:تراني اعتبرها بحسبة بنتي ولا جان ما اهتميت بو حور:ما قصرتي عارف هالشي حصه بدلع:اسويت على سفرتنا بو حور:كل شي جاهز ان شاء الله ..بس باقي اكد على حجز الفندق حصه :ايي لا تنسى اهم شي الفندق الي قلت لك عنه بو حور:ماراح انسى ان شاء الله حصه تبتسم له:الله يخليك لي بريطانيا قعدت حلا من النوم واهي تحس بتعب وآلام في ظهرها ...تمت تتقلب بالسرير وعيونها تدور حول الغرفه استوعبت انها مو بغرفتها ..التفتت على جهة اليسار حطت يدها على المخده ونزلت دموعها يوم تذكرت طلال والي سواه فيها... سمع مشعل حسها واهي تبجي وقف عند باب غرفتها وتم يطقه..سرعان ما مسحت حلا دموعها وغيرت صوتها... حلا:هلا مشعل مشعل:حلا قومي غسلي وتعالي الصاله ابغيج حلا:ان شاء الله اللحين جايه دخلت الحمام غسلت وصلت لها ركعتين ...لبست ملابسها وشيلتها وطلعت له الصاله مشعل كان قاعد على الطاولة الطعام ينتظرها :صباح الخير حلا بابتسامه صفرا:صباح النور مشعل يبتسم لها:كيف حالج اليوم؟ حلا بضيق:الحمدالله على كل حال مشعل يأشر لها على الكرسي الي جنبه:حياج اجلسي نتفطر حلا:مو مشتهيه مشعل مشعل يحاول يلطف الجو ملامح التعب باينه عليها:افا هذا وانا الي طابخ لج حلا:هههه عيل اذا جذي ما اقول لأ كلت لها قطعة خبز صغيره و شربت لها كوب حليب وكانت طول الوقت سرحانه ..مشعل يشوفها وقلبه يعوره عليها ..عيونها منتفخه من البجي ..بعد ما خلصو ريوق حاول مشعل يلطف الجو بينهم كان يقولها مواقف صارت له يوم وصل بريطانيا حلا:هههههههههههههههه مشعل:أي ضحكي ضحكي علي حلا:هههه من صجك مشعل سويت جذي مشعل:شسوي بعد لو مو مأشر على الحرمه وقايل انها مرتي جان اللحين انا بالسجن حلا:ههههه كل هذا عشان كنت تشوفها مشعل:مو المشكله يا حلا اني كنت سرحان وربي مادري عنها ..بس اهي على بالها استغفر الله اني قاعد اشوفها فيوم قربت منها سوت لي سالفه على بالها ببوقها او شي ما فهمت عليها كانت تتكلم فرنسي ...بس يوم نادت لي الشرطي فهمت السالفه وقلت له اني قاعد ادور مرتي ..واشرت على وحده مرت جدامي انها مرتي حلا:هههههههههه حلاته يا مشعل منادي ذيك الحرمه ويسألها اذا مرتك ولا لأ مشعل:ههههههه تخيلي لو مسويها ..جان رحت بخبر كان حلا:ههههههههههه مشعل ابتسم لها واهو يشوفها تضحك... فجأه انقلبت ضحكتها وانرسمت ملامح الحزن.... مشعل مو عاجبه حالتها:حلا ممكن تفهميني شنو صاير بالضبط؟!! حلا دمعت عينها من تذكرت الي صار:..... مشعل جلس على القنفه الي قبالها وبجديه:لي هالدرجه الموضوع جارحج حلا نزلت دموعها قصب عنها:كثيير يا مشعل كثيير مشعل يطمنها: انا بحسبة اخوج يا حلا قولي لي وربي لأخذ حقج حلا ترفع عينها له:بتصدقني؟!! مشعل بكل ثقه:اكيد حلا تاخذ نفس عميق:طلاال مشعل كان متوقع اهو السبب:شفيه؟! حلا تغمض عينها بألم وحسره على حبها :خاني مشعل ما استوعب:شنو!!! حلا تغطي ويها بيدها وتبجي وكلامها مو مفهموم:خاني يا مشعل ..انا يخوني ..ليش اسويت .انصدم القاه استغفر الله ..ما اقدر اقولها ..مادري شلون مو مصدقه خاني يا مشعل ياليت متزوجها ولا يسوي الي سواه مشعل منصدم:حلا شقاعد تقولين ..طلال مسوي جذي حلا تأشر على عيونها ثنتين المليانه دموع:بعيوني الثنتين شفته يا مشعل مشعل يحاول يفهم الموضوع مو مستوعب شلون طلال سوه جذي:اللحين قصدج أن طلال طلال ولد اختي خانج مع وحده حلا بألم:بعيوني شفته يا مشعل في بيتها ..تدري شكثر هالموقف كان قاسي علي تم يناظرها بحنان يحس قلبه بيحترق شلون سوا طلال فيها جذي واهي الي طول عمرها ما جرحته بكلمه..تم يراجع كلامها مو مستوعب شلون طلال يوصل لي هالدرجه وليش!!!معقوله تكون شذى !!! صرخ فجأه مشعل:نذل حقيييييييير شلون سوا كذا حلا تبجي مع شهقات متواصله:بموووووت مشعل من اذكر احس اني بختنق مشعل يقرب منها ويحاول يهديها:خلاص يا حلا هدي ما يستاهل تبجين عشانه حلا:شلون تقول جذي مشعل انت تعرف شكثر احبه ..وبالاخير يعاملني جذي مشعل :والله يا حلا لو كنت بالكويت جان يبته ليه عندج وعلمته شلون يسوي جذي ..انا راح اخذ لج حقج منه حلا:لاا يا مشعل ما ابغيك تسوي شي كل الي ابغيه انه يطلقني مشعل بصدمه:تطلقين يا حلا؟!! حلا:ترضاها لاختك يا مشعل تعيش مع واحد خاينها؟!! مشعل :ما ارضاها يا حلا ولا يهمج كل الي تبغينه بيصير حلا ارتاحت شوي:انا كنت ادري أن محد بياخذ لي حقي غيرك ..عمي اكيد ماراح يوافق على طلاقنا اوقف معي يا مشعل مشعل بابتسامه :لا تحاتين بتمين اهني معاي عزيزه مكرمه وطلال حسابي معه بعدين حلا ارتاحت:ريحتني الله يريحك دنيا وآخره\ دقيقة صمت بعدها تكلم مشعل مشعل :حلا بسألج سؤال بس ما ابغيج تفهميني غلط؟ حلا:قول يا مشعل مشعل:انتي تأكدتي أن طلال مو متزوجها؟ حلا بحزن:ما اتوقع مشعل:يعني ما تأكدتي حلا تكتفي بهز راسها بمعنى لأ:... مشعل :أن كان متزوجها بتسامحينه؟! حلا افتحت عينها على الآخر:متزوج علي!!! مشعل:انا اقول نفرض حلا بعذاب:اهون علي من انه يكون مو متزوجها مشعل :تبين نصيحة اخوج يا حلا حلا :اكييد مشعل:لا تستعجلين خليني اشوف الموضوع وبعدها نقرر حلا بعناد:لا يا مشعل قلبي خلاص باعه ما ابغيه مشعل يهديها:حلا لا تستعجلين انا عارف شكثر تحبين طلال ..انتي اللحين معصبه بعد ما تهدين نتفاهم بالموضوع حلا:مشعل لا تحاول ما ابغى ارد له بكل الاحوال مشعل يتجاهل كلامها:نتفاهم بعدين ..قومي غيري ملابسج خل نطلع نغير جو شنو موقف مشعل و جاسم ونوال من طلال !!!؟؟ شذى بتكتفي بالمصايب الي سوتها بين حلا وطلال ؟؟!! حور شنو ينتظرها بالكويت ويا ترى هذا اخير لقاء بينها وبين مشعل؟!! حلا بتسامح طلال اذا عرفت انه متزوج شذى عرفي؟!! فيصل وامامه بيأثر موضوع طلال على زواجهم؟!!

غاليتي عجميه اشكرج علىمشاركتج واوعدج ان شاء الله بعد نهاية القصه اعطيج ملخص عن الاحداث الي القيتها بالاجزاء الاخيره بعد ما حسيت اني اسرعت في نهاية القصه ... اختي الحبيبه ريم المها اشكرج على مشاركتج وان شاء الله انزله لكم باقرب وقت و اعذروني اذا تأخرت عليكم