mariooooooooooooom

بس حبايبي بغيت أسألكم عن أحسن صالون في مدينة عيسى لصبغ الشعر وبالتحديد عن صالون شانزيليزيه ( شرايكم فيه) عند المغربية اللي تشتغل هناك ويا ريت الرد بسرعة ومشكورين

هاي شلونكم عساكم بخير بغيت تقرير دين 101 عن اي موضوع من هالمواضيع :- الايمان بالله او ملائكته او رسله او اليوم الاخر وابي فيه مقدمه عرض : 11 سطر بس الرأي المرجع بلييييز ابيه ضروري لنهايه الاسبوع

مرحبا حبيت اسالكم عن الدكتور خلف الميري دكتور الهيستوري ؟ ابي الرد منكم وبسرعة وبعد فيه دكتور هيستوري مو ذاكره اسمه بس في اسمه عبد الحليم ؟ وبكون شاكرة لكم بااااااااااي

هاي شلونكم لو سمحتوا بغيت تقرير كيم 212 عن اي تجربه بااااااااي

هاي للجميع حبايبي آنا طالبة اعلام وابي منكم شي بسيط وايد ان اي واحد عنده شي يضايقه في الجامعه يكتبها لي اهني ويكتب لي شنو اقتراحاته . يعني مثلا في مشكلة تواجهنا اللي اهي مشكلة الباركات فاللي عنده اقتراح فيها يذكره . ومثل الشي بالنسبة لقضية ثانية في الجامعه تشغلكم. لاني حابة آخذ آرأكم بهاي المواضيع. وبكون شاكرة لكم بايوووووووووو

قوة شخباركم آنا ابيكم وبسرعة تعطوني رايكم في دكتورة عفيفة المعتوق اللي اتدرس احصاء 105 واذا في احسن منها يا ريت تفيدوني بالاسم. ومشكورين

هاي آنا من رايي اول شي ان الحب ماله وقت محدد يعني هذا على حسب ردود بعض الاخوان ان مدام يعرفون الفروقات من البداية ليش يواصلون وجذي , بالعكس الحب ما يبي له تحديد ايي بروحه من غير سابق إنذار وثانيا فالنفرض ان اهمى المفروض يشوفون العوائق اللي ممكن تعرقل مسيرتهم لكن هم هاي الشي ما نقدر عليه ولا هو بيد كل إنسان بهالدنيا لان كل شي يصير من كتبة ربنا يعني الله اهو اللي كتب على هاي الشخصين ان يتلاقون مثلا بعدين يحبون بعض وبعدين يا يكونون لبعض او ما يكونون كل هاي بعلم ربنا الواحد الاحد, حتى لو الاهل ما وافقوا وخلاص الله كاتب لهاي الشخصين يكونون لبعض بيكونون يعني ما في قوة في هالدنيا بتفرقهم. وفي شي ان آنا من رايي اذا الاهل كانوا مو موافقين لاسباب الفروق الاجتماعية فآنا من رايي ان البنت تظل مصرة على رايها وعلى حبيبها وتحاول بكل الطرق ان تقنع اهلها عشان حتى الناس في المستقبل راح يشوفون هاي الظاهرة( الفوارق الاجتماعية) اختفت. لان بصراحة اسباب تافهة اللي يخلي الاهل يمنعون بنتهم مثلا عن الزواج من واحد موب من مواخيذهم او العكس طبعا . ثانكس

شوف اخوي اللي يتزوج على زوجته عشان ما تييب له عيال هذي موب كفوا ريال ( اسمحولي يعني ) بس باوضح لكم ليش لان اولا دام اهو مرتاح مع زوجته فهذا المفروض ان يغنيه تعب الدنيا وهموم الدنيا كلها الا إذا اصلا اهو مو مرتاح منها وبعد ما فيها عيال فهذا شي ثاني لان الريال من حقه ييب عيال , فانتوا يا الرياييل ليش ما طالعون بعد ان المرة اكيد ودها في ولد بس هذي كله كتبة الله يعني اهي في ايدها تعطيك ولد وقت ما تبي وما تعطيك وقت ما تبي اكيد لا لان اهي حالها من حالك تبي ولد. وهذا اللي يصير في الدنيا ان البنت ما فيها عيال ولا حتى العكس ذي اختبار من رب العالمين عشان يشوف مدى الصبر اللي عند الانسان. ثاني سبب واهو الاهم عندي ان الريال بس يشوف زوجته ما فيها عيال على طول راح يتزوج عليها , لكن البنت المسكينة اللي لما تشوف زوجها اهو اللي ما فيه عيال بالعكس تشوفونها واقفة وياه وتدلعه وتسويله كل شي بس عشان لا تخليه يتضايق من هالفكرة وتبين له ان عادي عندها لو ما يابوا عيال مع ان اهي في داخلها تبي بس عشان ما تبي زوجها يتضايق تسوي المستحيل.من جذي اقول لكم الريايل موب كفوا. بايووووووو

موضوعك أخوي وايد حلو ومهم. آنا احب اشاركم النقاش بالنسبة للحرية الشخصية, ومثل ما قلتوا الحرية فيها الايجابي وفيها السلبي يعني اكبر دور يعودد للاهل اول شي فالمفروض من الاهل ما يظغطون على البنت أو حتى الولد ان ما يطلع ولا يروح ولا ييي لان كثرة الحكرة والضغوطات اهي اللي تولد اللانفجار فلما تيي اللحظة اللي يعتقد الاهل فيها انها اللحظة المناسبة للحرية راح يفجر كل اللي عنده. نيي لموضوعنا الاساسي الشخص سواء كان بنت ولا ولد لازم في البداية من الاهل ان اهمى يعطونى حريته يطلع ويغير جو بس مع المراقبة اللي بدون ما يشعر فيها الشخص ليما يتطمنون عليه فبالتالي راح تكون حرية الشخص ايجابية 100% لان حس ان اهله عطوه الحرية معناها عطوه الثقة فهذا راح يخليه في كل خطوة يمشيها يتذكر ثقة اهله فيه. ( طبعا آنا اتكلم بالنسبة للجنسين بنت ولا ولد). وبالنسبة للحرية تكون سلبية لما الواحد يستغلها بالطريقة الخطا يعني ما يحط في باله مثلا ثقة اهله فيه يحط في باله ان اهو كبر وخلاص ايسوي اللي يبيه على كيفه او ان يمشي مع ناس مو اوكي ويقدرون يخربونه وفي اسباب وايد تخلي الحرية تكون سلبية. بس بشكل عام آنا من مؤيدين الحرية الشخصية اللي لازم تكون من قبل الاهل لان اهي اهم الخطوات في المشوار بالتالي يعطي الشخص ثقة والقدرة على تحمل المسؤلية ولوحده لان بيحتاجه في حياته المهنية . وما أأيد اللي ما يعطون اولادهم الحرية خوفا عليهم لان هذا هو الدمار بعينه وعلمه. هذا رايي واتمنى حد يفهمني فيه غلط بايووووووووووو

شوفي حبيبتي الكتاب باين من عنوانه آنا آثبت لج ومليون بالمية أن اللأول اهو اللي يحبج والثاني اهو اللي يقص عليج. تدرين ليش؟؟؟ لان اللي يحب من قلبه ما يطلع كلام الحب عنده بسرعه لان نيته صافيه واهو يحب من صج ومدام ما قال لج مو معناها ان اهو ما يحبج بس اكيد اهو الحين يستحي يتكلم في ذي الموضوع وهاي اكبر دليل ان انتي الوحيدة في حياته لان لو كان غيرج في حياته جان شفتيه يتكلم عادي في الحب ( بس طبعا مو معناته ان كل واحد يتكلم في الحب اهو عنده بنات غير) آنا اقصد الحين بالنسبه لحبيبج الاولي كوني متاكده انه يحبج من قلبه والثاني تركيه عنج لان كلام الحب اللي تسمعينه اليوم منه ممكن باجر يروح والكلام اللي اليوم انتي تبين تسمعينه من الاول بتسمعينه ليما تشبعين, فتركي عنج الخيانه لان هذي خيانه في حق حبيبج واهو خلاج مو عشان تروحين تحبين غيره عشان ييي ويجوف حبيبته تنتظره ومشتاقه له. فنصيحتي لج أختاري الاول باي

وععععععع ماادري شلون تقدرون تقعدون في مدرسه العهد الدامر انا كنت فيها في بدايه السنه ما قدرت لاعت جبدي كريهه حدها المدرسه جنها مستشفى على طول نقلت مدينه حمد <_<

اي والله حرام ما تكفي عصريه حق ندرسه انا زفتت في الامتحان مع اني دارسه عدل بس نسيت المعادلات اذا يبت 15 زين والمعلمة الي اتجنن في التدريسسسس نعتمد على شرحنا احنا الى نفسنا والحفط ولا نفهم شي غير الدعاااااااااء ههههههههههههههه عرفت من تقصدين هههههههههههااااااااي حتى احنا تدرسنا بس الله يخلي المعهد

هاي شخباركم عندي طلب ابي تقرير للفنون 1- عن اي فنان بحريني مثلا عبدالله المحرقي او عباس الموسوي اي فنان و مو مشكله لو كان من صفحتين و الطلب الثاني بحث بعد للفنون عن المدرسه التشكيلية او السريالية او اي شي يتعلق بالفن و اقل شي 7 صفحات بليييييييز الي يقدر يساعدني مشكورين مقدما

مرحبا فيك مخرجنا عندي لك جم سؤال اتمنى انك تجاوبني عليهم للضرورة اذا ممكن. آنا طالبة في كلية الاعلام وحابة اسالك جم سؤال بس لانهم راح يفيدوني في تقريري الجامعي . فاتمنى انك ما تبخل علي بالاجابة 1. ما هو تقييمك للممثلين البحرينين؟ 2. هل برأيك يمكن للممثل البحريني ان يصل للعالمية؟مع ذكر التوضيح 3.ما هي مؤهلات الممثل الممتاز والمخرج الممتاز؟ 4.هل المخرج في مجتمعنا مظلوم او غير مظلوم؟ ويعطيك الصحة والعافية ان شاء الله مع السلامة

آنا طالبة في كلية الاعلام وحابه اعرف رايكم في جريدة صوت الجامعة التي تصدر كل شهر. ابي رايكم فيها واقتراحاتكم فيها وابيكم تقولون شنو فيها من نواحي ايجابية وسلبية حتى نحاول ان نتفاداها. اتمنى ان الكل يعطي رايه فيها وشكرا.....