الهنوف اللي خذت قلبي وقفـــت ؛؛؛ اشهدا انَ الله معطيني غلاهــــــا
ضمها الصدر الحنون وبه تدفــــت ؛؛؛ عن جليد البرد تهنا في دفاهــــــا
كنها شمسَ على المشراف هفـــت ؛؛؛ والسنين اهزال وامالي وراهــــــا
شوف عيني لجل عينه يوم رفت ؛؛؛ كنها من عينها تاخذ دواهــــــــــــا
امطرت بالدمع والارياق جفـــت ؛؛؛ يوم قفت والغلا يقصر اخطاهـــــا
كنها من الحزن والاشواق خفــت ؛؛؛ غصب عنها لارضاي ولارضاها
وبين قلبي وضلوع العوج لفــــت ؛؛؛ والله ان الصدر والقلب يحماهــــا
صنتها للحب والفرحه توفـــــــت؛؛؛ و اتحمل بعدها ودرى هواهـــــــا
وزوجوها غصب والافراح دفت ؛؛؛ وطاحت احلام المحب اللي بناهـا
اتعس الايـــام يـومِ فيه زفــــت ؛؛؛ واجمل الايام يـومَ في لقاهـــــــــــا
دامها في بيت رجال وتخفـــــــت ؛؛؛ الكرامه كنز مانجرح صفاهــــــــــا
وبعد خمس اسنين فالسوق اتلفـت ؛؛؛ شفتها صدفه تخطى مع ضناهـــــا
غابت الانوار في وجهي وطفــت ؛؛؛ كل نفس بجرح تجمع في قواهـــا
جنة الفردوس بالاخطار حفت ؛؛؛ واصغر الشرهات يلحقني غثاهـــــــــا
يـمنـــع الانسان نفسـه لاتهفـت ؛؛؛ شيمت الرجال مايقصر مداهـــــــاا
؛؛؛سعود الرااقي ؛؛؛
[/size]
ملاحظه تم نشرها في اكثر من موقع