السلام عليكم ورحمة الله وبركاته
شلونكم حبايبي شخباركم شمسوين عساكم بخير ؟؟
المهم بدش في صلب الموضوع
من جمن اسبوع وانا اتابع قنوات وبرامج اسلامية على قنوات مثل نور دبي واقرا و المجد تلفزيون الوطن و قناة قطر الاولى مادري شسمها لوول و Peace Tv ساعات اطالع مع الاهل وساعات ابروحي وعادة عقب كل برنامج اشوي اقعد اتناقش واتكلم عن الموضوع الي تكلموا عنه ويا الاهل وساعات مع الربع.
المهم , في دعاة ومحاظرين ودكاترة وعلماء في الدين يعني يعرفون شلون يدخلون القلب بطريقة كلامهم واسلوب طرحهم للموضوع يعني صج يخلون الواحد يندمج من قلب ويخلون الواحد يتمنى انه البرنامج ما يخلص.
شكلي طولت بالمقدمة الموووهم الحين ادش في صلب الموضوع يعني ياتني فكرة ووو يمكن تكون صعبة تتحقق بس حبيت اطلع لكم الي بقلبي يعني الا وهي انه ما دام عندنا دعاة الله يحفظهم , ليش ما نسوي يعني محاضرة عالمية ونروج لها حول العالم مو بس الوطن العربي و الاسلامي فقط و ننييب دعاة ودكاترة وعلماء في الدين يحاضرون ويتكلمون عن الدين ويشرحون للناس الغير مسلمين كل شي عظييم في ديننا الحنيف و بعد فوق ذي نحضر منشدين ينشدون عقب كل محاضرة يعني الي قصدي نسوي نفس الي صار في ليالي فبراير بالكويت بس بشكل اكبر
يعني نحضر مشايخ من الخليج مثل الشيخ محمد عبدالرحمن العريفي و سليمان الجبيلان و نبيل العوضي و طارق السويدان ومحمد العوضي و أحمد الشقيري ومن خارج الوطن العربي نحضر الدكتور زاكر نايك و يوسف ايستس و حمزة يوسف وغيرهم من الدعاة سواء محليين او من خارج البحرين
اما المنشدين ماعرف وايد بس يعني انييب مشاري بن راشد العفاسي و احمد بوخاطر و حمود الخضر واحمد الهاجري و ابراهيم السعيد ومشاري العرادة وماهر زين ومحمد الحداد وسامي يوسف و زين بيخا وغييرهم من المنشدين الي ما ذكرتهم..
المهم بس حبيت اقولكم فكرتي وحلمي الي اتمنى انه يتحقق بيوم من الايام و نراوي الغرب حقيقة الاسلام بافضل طريقة ممكنة وننشر الرسالة..
ووياريت تعجبكم فكرتي وو اسف على الاطالة
ادري شي صعب بس ياريت توصل الفكرة للجهات المسؤلة ويتحركون حق هالشي مثل ما في ناس يتحركون حق اشيا ثانية ماتنفع احد.
تقبلوا تحياتي
اخوكم
shy boy