دبدوب الرفاع

هاذي معلومة منتشرة و خاطئة و للاسف الكثير من المسلمين مصدقينها سمي البيسي بهذا الاسم بسبب وجود انزيم اسمه البيبسين و هو انزيم ينشط الجهاز الهضمي و تقدرون تشوفون مكونات اي قوطي او غرشة بيبسي و تحصلونه

افا فاتوني الله يعطيج العافية و ان شاء الله المرة الياية ألحق على جديدج

اهما اسمهم مب فرقة الاخوة على الفاضي الله لا يفرقهم ان شاء الله و ان شاء الله يحصلون حل مع شركة النظائر :rest79:

مشكورين يا جماعة الخير و اشكر كل اللي صوتولي و اشكر Police Woman على هالمسابقة

انا من قريت عنوان الموضوع قلت اكيد هي اغنية نامت عيون الناس لانها هي طويلة و فوقها الموال الرهيب و هي من افضل اغانيه عندي مشكورة اختي

انا مع فلونه سجلي كل كلامج في ورقة علشان اذا نسيتي او تخربطتي عندج الورقة بارزة و اقريها و اعتبري نفسج انج اتكلمين احد من ربعج و اعتقد في موقع تدرين تكتبين رايج فيه و يقرونه على الهوا

انا احبهم كلهم بس اكثر واحد يعجبني هو عيسى لاني احب آلة البيز قيتار B)

السلام عليكم اخوي اولا مشكورين على هالبرنامج مع ان للاسف ما حصلت فرصة اني اشوفه لظروف غربتي بس اشوف الكل يمدح فيه الحمدلله و ان شاء الله دائما الى الامام بخصوص موضوع البلوتوث للاسف احنا كعرب عمرنا ما استخدمنا التكنولوجيا في شي عدل يعني انا ادرس في بريطانيا و من اللي اشوفه ان لين يستخدمون البلوتوث يستخدمونه حق تبادل برامج, رنات, فيديوكليب او اهداف كرة قدم و بعضهم ما يعرفون البلوتوث الا حق سماعة handsfree حق لين يسوقون السيارة (لكن ما اقول انهم ملائكة ما يسوون شي ابدا!! ) بس يعني شوف شبابنا يستعملونه حق شنو... حق ترقيم و تبادل صور و افلام يعني قبل الشباب الطائش لين دخلوا مطعم ولا كوفي شوب كانوا يدورون وين البنات الحلوين علشان يجلسون صوبهم الحين صاروا يدورون التلفونات اللي فيهم بلوتوث و يعني البنات ما يقصرون يسوون عرض للجميع (طبعا مب كلهم علشان لاحد ياكلني ) و تبتدي طبعا الرسائل العشوائية لكل البنات اللي موجودة في اللسته ههههههه لا و اللي يضحكني ساعات لين يقولون البنات ان الشباب يغربلونا بالبلوتوث و ما يستحون و مادري شنو.. المشكله حلها بسيط بندي البلوتوث لين اتدشين مطعم و لا كوفي شوب او سينما و شوفي احد بيغربلج و انتي قاعدة لو لا؟ سامحوني على الاطالة و مشكورين مرة ثانية على طرحكم هالموضوع

طبعا كل اغانيهم حلوة لكن الاغاني اللي ما اتملل منهم: على غفلة اخاف انسى اشوف الليل مريت على بابكم

جزاك الله خير استاذي على ردك و انتظر ردك و انا للاسف ادرس برع البحرين ف ما عندي اي اتصال مع الاستاذين في جامعة البحرين و انا حاليا ادرس الوسائط المتعددة و من ضمن دراستي طبعا ادرس فيديو و سوالف المؤثرات و كذا فحبيت اعرف اي انواع البرامج اللي استخدمتها في اعمالك و الف شكر مرة ثانية

السلام عليكم استاذي اولا شكرا على ردك في موضوع الدولبي كان جواب شافي الصراحة, و انا الحين حبيت اسال شنو نوع ال Film Stock اللي استخدمته لفيلم الزائر و اي برنامج استخدمت حق المؤثرات المرئية (الدخان و غيرها) ؟ و شكرا

شكرا جزيلا استاذي الله يعطيك العافية يعني اللي فهمته ان Dolby Digital Surround Sound 5.1 لابد انك تمتلك الحق في استخدامه من شركة الدولبي و انه نظام لل Sound Editing and Mixing و ليس له دخل في عملية تسجيل الصوت ان كان حوار او مؤثرات او غيرها شكرا انا بعد عندي اسئلة وايد ان شاء الله انشرهم في مواضيع جديدة مشكور مرة ثانية

اهلا انا اسمعها في موقع جريدة الايام نعم اوله لكن للاسف الجودة مالتها تعيسة جدا ترفع الضغط بس هاي اللي اعرفها و ان شاء الله بقية الاعضاء يفيدونك اكثر

حاضر لك عزيزي alone و ان شاء الله فدتك و انا الصراحة ما عندي اي فكرة في كاميرات ال 35mm لان عمري ما استخدمتها و كل انتاجاتي كانت بالديجيتال و تبي الصراحة و انا انصحك بالديجيتال لان جودته عالية و ليست مكلفة كفيلم ال35mm لانك لا تحتاج انك اتحلل الفيلم و جذي جذاك اعتقد انك بتسويله مونتاج بالكمبيوتر ف ليش العبالة و شريط الديجيتال يشيل ساعة او اكثر من الفيلم و اما فيلم ال 35mm فكل رولة من الفيلم فيه بس 10 دقايق!!! هاي ليش اتشوف ميزانية افلام هوليوود كلها بالملايين الدولارات... و اعتقد ان اكيد الاستاذ بيفيدك اكثر في هالموضوع بس افضل الشيء اتدور احدى المجلات المتخصصة في التصوير الفوتوغرافي و السينمائي بس للاسف ماعرف جان نصحتك و اخوي alone اذا عندك اي سيناريوهات او مشاريع تبي اتسويها في الصيف خبرني و ارسل لي رسالة خاصة و ان شاء الله اقدر اساعدك و نستفيد من خبرات بعض لاني حاليا ادرس برع البحرين و اخلص هالسنة ان شاء الله و سامحنا اذا ما عطيتك الجواب الشافي و اكييييييييييييد استاذنا ما بيقصر

السلام عليكم استاذي انا حبيت اسالك اذا استخدمت نظام Dolby Digital Surround Sound 5.1 حق فيلم الزائر , و اذا نعم ممكن تشرح باختصار كيفية استخدامها و شكرا جزيلا