Jump to content
منتدى البحرين اليوم

قصة حب مع الايام


Recommended Posts

  • Replies 273
  • Created
  • Last Reply

Top Posters In This Topic

الجزء الثالث و الثلاثون ::

 

لقد أعلنوا أنطلاق الطيارة .. و فيها يوسف و نور كانوا قاعدين في فرست كلاس

.. يوسف كان قاعد صوب الدريشة .. يوم الطيارة تحركـــت خل يومسف ايده على

الدريشة و قال بقلبه :

 

آآآآآآآآآآآآه يا الوطــن .. على ترابج ولدت .. و على أرضك كبرت .. و بلغت عليج غاياتي و أهدافي في الوجود .. و أهم شىء حصلته منج هــو الحــب .. اي الحب .. اللي صار نادر بزماننا .. الحب اللي حسنني بالأمــان في الدنيا .. حب نور هو اللي مخليني أعيش .. تدرين يا بلادي أن ها الحب هو اللي يعطيني دافع لشوفة السعادة و الفرح على شفاتي .. أحبـــج نور .. و الله العظيم أحبـــج ..

 

و بحركـــة فنتكيــة و سريعــة .. يود ايدها و ضغط عليها بكــل رقــــة .. و نـــور أبتسمـــت بدون ما تعرف في شنو كان يفكــر زوجهــا .. و حبيبها يوسف .. !

 

بعد ساعات يوم وصلوا الفندق كانوا تعبانين حيـــل فراحوا و رقدوا ..

 

*****

 

في لبنان ::

 

أحلام : خير حسن ليش مسوي لنا أجتماع ؟

حسن : خلونا نقعد كلنا عشان نقدر نتكلم بتفاهم

رشا بحرج : أحس أن وجودي ما له اي داعي !

أحلام بعصبية : شنوووووو ها الحجي رشا قعدي الله يهديج

رشا و هي محتارة : يمكن الاجتماع بس عايلي ؟

عبدالله : عيل أنتي مو من العايلة خالتي ؟

حسن : اي رشا أنتي منا و فيني

رشا : مشكورين

أمل : زين يبة خرعتنا السالفة ؟

حسن : الله يسلمكم أحنا لازم نحدد مصيرنا و مصيركم

أحلام : شلون ؟

حسن : انا و أنتي أصلنا بحرينييين .. أما عيالنا فجوازهم فرنسي .. ما يصير .. ! و أهلنا مساكين الله يعلم شصادهم ؟؟ و هل هم عايشيين ولة لا .. لازم في نهاية المطاف .. الطير يرجـــع لعشــه مهما طالت فترة الفراق له .. و أحنا لازم نرجع للوطن .. لازم

أحلام : الله على الدنيا .. سنين و الله سنين .. أكيد الصغار كبروا و تزوجوا و عيالهم الحين في سن المدرسة .. أنت صادق بكل كلمة حسن .. احنا لازم نرد للديرة .. بلدة غيرنا ما تقدر تستحملنا أكثر من جذي .. المكان الوحيد اللي يقدر يضمنا و يضم عيالنا .. هو وطننا .. ماوانا .. بحريننا .. لازم نرجع عشان نطلع جواز بحريني لعيالنا .. عشان نثبت وجودهم و هويتهم الضايعتـة من سنين .. هويتهم أنهم بحرينيين ..

عبدالله : يمة انتي في كل ها السنين .. ما سولفتي لي عن خالاتي و عماتي و خوالي و أعمامي .. ! كل اللي كنت أعرفــه أن يدتي متوفية و أن خالتي رشا أختج الوحيدة .. الحين أبي أعرف الحقيقة

أحلام : شوف يمــة .. أنت ما عندك ألا خالة وحدة و عمة وحدة .. خالتك أم يوسف عندها ولد أسمه يوسف و بنت أسمها نوف .. أما عمتك أم نور ما عندها الا بنت وحدة أسمها نور .. أكيد الحين كلهم تزوجوا .. او نسيت بعد أقول لك عندك خالة ثانية

عبدالله بغباء : منوو ؟

أحلام : هو يا ولدي نسيت خالتك رشا ؟

الكل : هههههههه

عبدالله : على عيوني خالتي رشا .. مكانتها دوم عالية و غالية عندي ..

رشا : حبيبي و الله

أمل بغيرة : و انا ؟

رشا : و انتي بعد حبيبتي

أمل : أحم أحم

عبدالله : اي تعالوا و اذا بنرد البحرين شسالفة الشركة و الأملاك اللي بلبنان و فرنسا ؟

رشا : اي شلون ما يصير ؟

عبدالله : لا كل شىء يصير .. نقدر نبيع كل شىء و نبدا بفلوسهم من الصفر

أحلام : بس حرام و خسارة تعب كل ها السنين تروح بالفاضي

حسن : اممممم صدقتي تدرون ترى نقدر نحول الشركة الى البحرين أما العقارات نبيعها و مثل ما يقولون خيرها بغيرها

أمل : و دراستي للمحاماة ؟

حسن : راح تردين هني مع بداية السنة عشان تكملين دراستج

أمل : و بروحي ؟

حسن : الى هذيج الوقت يصير خير

عبدالله : انزين اتوكل على الله و أحجز يبة

حسن : لا أصبر شوي عشان نحدد كل شىء

أحلام : تدري حسن انا اقول من الأفضل بان لا ناخذ كل أغراضنا مرة وحدة .. ناخذ نص الأغراض و بعدين أحد منا يرجع و ياخذ باق يالأغراض طبعا بعد أسترارقا في البحرين

رشا : زين وين بنسكن هناك ؟

حسن : ها الشىء اللي قاعد أفكر فيه .. تدرون الليلة اللي بنوصل بنبات يا عند أختي أم نور أو عند أخت احلام أم يوسف .. و مثل ما يقولون اذا اصبح افلح .. و انشاءالله من صبح اليوم الثاني بنروح ندور لنا بيت و نشتريه .. و انشاءالله مع الأيام تستقر أمورنا هناك ..

عبدالله : يعني الحين أتصل و أحجز تذاكر لنا ؟

حسن : اشفيك يبة مستعجل ؟

عبدالله : هو يبة مشتاق لديرتي و أهلي اللي طول عمري ما شفتهم ولة عرفتهم

حسن : انشاءالله بالهداوة بتعرف كل شىء

أمل : اقووول عبودي

عبدالله : هيي شايفتني اصغر عيايلج .. زين قولي خلصيني شعندج ؟

أمل : لا تنسى تحجز تذاكر درجة أولى

عبدالله : هههه ولة يهمج انتي همج الوحيد هو المكان اعرفج

أمل : تعجبني

عبدالله : اكيد حبيبتي لاني أخوج .. اوو يبة نسيت أسئلك انا لاي يوم أحجز ؟

حسن : حق باجر

رشا و أحلام مرة وحدة : شنوووووو ؟

حسن : بسم الله الرحمن الرحيم

أمل و هي ميتة من الضحك : هههههههههههههههه خرعتونا

رشا : بس ما يمدينا نرتب كل أغراضنا لبكرة

حسن : مثل ما قلتوا من قبل ما بناخذ كل أغراضنا مرة وحدة .. جهزوا كثر ما تقدرون .. من أغراضكم .. اللي بتحتاجونه وايد

عبدالله بعد ما أتصل على المطار وحجز : يبة حجزت بكرة الساعة

وحدة اربع العصــر

حسن : الوقت وايد زين مشكور

عبدالله : ما سويت الا الواجب

أمل : طلع أخوي مادب و يعرف اللباقة في الحجي

عبدالله : عيل شتبيني أكون وية ويهج

أمل و هي تدلع : احلى منــك

عبدالله : الله يعين اللي بياخذج

أمل : عشنووووا ليش الله يعينه بالعكس من حسن حظه .. أصلا انت في يوم من الأيام كنت معجب فيني

عبدالله : اعجاب أخو لأخــه يا سالبالة .. اصلا مع كل الصرقعة اللي فيج هم بعد أحبج أختي ..

أمل : عسى الله لا يحرمي منك يا خوي

حسن : تدرون يا عيالي ذكرتوني بمن ؟

أمل و عبدالله : بمــن ؟

حسن : بيوسف ولد خالتكم .. كنا نسميــه المصرقع .. ههه يا حليله مدري الحين تزوج ولة لا ؟

أحلام : اي يوسف .. شكثر مشتاقــة له .. و لنوفو و أم يوسف .. و أم نور و نورووو

حسن : اوووووو نورو أم لسانين

أحلام : ه حرام عليك أكيد هي الحين تزوجت و عقلت

حسن : تهقين تزوجت منو ؟

أحلام : بكرة بنعرف كل شىء

حسن : عيل يالله لخونا نروح من الحين نرقد لان بكرة من صالبح عندنا وايد أشغال

رشا : يالله مع السلامة .. انا وايد تعبانة جني بضربها نوم ههه

أحلام : نوم العوافي انشاءالله

أمل : قود نايت مامي آند دادي

أحلام : قود نايت سويتي

حسن : يالله أحلام سعيدة

أحلام : سمعت أسمي .. اقووول حسنو ليكون تزوجت علي سعيدة ؟

حسن : ههههههه لا حبيبتي انت بوجودج في حياتي صارت حياتي سعيدة

عبدالله : الله على الحب

احلام : يالل جب ور وح أخمــد

عبدالله : افا ام عبودي .. ما هقيتها منج

أحلام : يالله بوي روح أرقد بكرة علينا وايد أشغال من صبار الله بالخير ..

عبدالله : خلاص يبة مانبي الا رضاج و على قولة المثقفة أملوو و هو يغلدها : قود نايت

أحلام : حرااام عليك هههه

عبدالله : هههههههههه مع السلامة

 

ركب كل من دراه بانتظار و لهفة لليوم المقبل .. و لرؤية الوطــن عن قرب و ضم الأحباب من جديد .. و جمـــع تشتت العايلــــــة

 

تحياتي

 

 

 

 

 

 

 

 

سامحوني على التاخير بس مثل ما قلت لكم عني ظروف

وان شاء الله تعدي عل خير

شرايكم في الجزء

Link to comment
Share on other sites

ياااااااااااااه قصير وايد ماتهنينا و احنا نقرى،

 

بسرعة عاد يا اشنقص لوتدخلين بس دقيقة عشان اتنزلين لنا القصة و بعدين لا تنزلين هلون مايتسمى حتى جزء ذي وايد قصير

 

و انشاء الله اتعدي الظروف على خير و يلا لا تاخرين علينا

 

مشكورة

Link to comment
Share on other sites

الجزء الرابع و الثلاثون ::

 

اليوم بمثابــة العيد عند عايلة بو عبدالله ..( حسن ).. الكل مستانس و فرحــان .. قاعدين يطيرون من غرفة لثانية .. و يجمعــون أغراضهــم ..

أحلام و هي قاعدة تنادي : حسن يا حســـن

حسن : ها حبيبتي شبغيتي ؟

أحلام : تعال الغرفة بقول لك شىء

حسن : من عيوني الحين بيي

أحلام : تسلـــــم

حسن : نعــم أكاني وصلت شتبين ؟

أحلام : أنت حاولت تتصل في أختــك طوال ها السنين ؟

حسن : أتصلت على بيت أختي جــم مرة و كنت خايف وايد .. الشىء الوحيد اللي

كنت ابي ارعفه انهم بخيـــر بس للأسف محد رد علي .. جربت الأتصال جم مرة الى أن في يوم من الأيام رد علي ريال و قال أنـــه مأجر ها البيت و ما يدري عــن أصحابه

و أنتي حاولتي ؟

أحلام : للأسف لا لأني ضيعــت أرقام تليفوناتهــم

حسن : آه و الله آه الدنيا غريبة .. غرتنا و أخدعتنا و غربتنا عن بلادنا ..

أحلام بحزن : قول ها الشىء لنفسك أنا الحمدلله الدنيا ما غرتني ولة أخدعتني

حسن : حرام عليج أحلام رديتي على سالفة طير يليي .. مو أحنا أتفقنا بان ننسى ها السالفة خلاص أنا تعبت تعبت .. و دمعــت عيونه ( تخيلوا دموع رجل ! ) ..

أحلام و هي قاعدة تعاتب روحها : سامحني حبيبي .. أنا مسامحتك من كل قلبي على ماضينا التعيس .. و احنا الحين عيال اليوم .. تدري زلة لسان شاسوي ؟؟

حسن بأسا : مسمـــوحــة ..

و قال بقلبــه :

 

وين وين المحبــــة ؟

كيف قلبك نسيهـــا

وين وين وين الشاعر اللي كنــا عليها ؟

وين وين وين العواطفــــف ؟

كلها يا حبيبي

وين وين

 

الله شكثر ها الأغنية كانت تتعبني ! يوم طلقت أحلام شكثر كنت أسمعها و أتعذب و دمعــت عيونه من يديد .. هو يستاهل اللي قاعد يسمعــه من أحلام لأنه عذبها وايد ..

 

أحلام : يعني ما زعلت ؟

حسن و هو سرحان : هاا لا شلون أزعل و انا اللي زعلتج طول ها السنين

أحلام : بعد عمري و الله

حسن بابتسامة رضا : يالله عن الحجي الزايد قومي جهزي باقي الأغراض

أحلام : أبشر

 

و على الساعة 2 الظهر كانوا جاهزين .. فراحوا المطار ..

 

*****

 

في الطار ::

 

الشرطي : يا أخ حسن .. أنت مطلوب عندنا بالمخفر و أنتي بعد يا أخت أحلام مطلوبة

حسن : ليش عسى ما شر أحنا ما سوينا شىء

الشرطي : أدري بس تفضلوا معانا و هناك راح تعرفون كل شىء ..

حسن : بس الطيارة بس بتحلق بعد ساعة

الشرطي : لا تحاتي أحنا بنطلب منهم بأن يأجلونها لضروف طارئة ..

حسن و أهله مشوا ورى الشرطي .. و هم خايفين و محتارين ..

و هناك في مركز الشرطــة ::

الضابط : أنت حسن ؟

حسن : اي نعم

الضابط : لا تتورون و لا تخافون كل ما في الأمر أن من أكثر من 20 سنة وصلنا بلاغ

حسن : بلاغ ؟

الضابط : اي بلاغ .. عنك و عن زوجتك أحلام بسبب أختفاءكم

حسن : و من اللي بلغ عن غيابنا ؟

الضابط : أهلكم و كانوا وايد يحاتونكم و خايفين طول ها الفترة و في ها السنين ما قدرنا ندوركم في فرنسا الى أن عرفنا انكم بلبنان

أحلام : بس خلاص أحنا بنرد ديرتنا و لأهلنا

الضابظ : بس أختي انتوا الحين أمانة برقبتي و لازم أردكم سالمين للبحرين

و بسرعة طلب من مساعده .. بأن يجهز سيارة و يوصلهم المطار و يتأكد دخولهم للطيارة بعدين يرجع .. عشان لا يختفون من يديد ..

 

*****

 

في ايطاليا ::

 

تقريبا الساعة 7 بالليل ..

 

نور : أقول حبيبي

يوسف : شبيك لبيك عبدك بيت يديك

نور : زين قوم روح البرادة .. أشتر لنا حلويات و بسكويت و بيبسي يالله تراني يوعانة

يوسف : لا

نور : شنو لا يالله عمري أنت قووووم

يوسف : اي مصلحجية .. شوفي تحت في الفندق في سوبر ماركت روحي و أشتري اللي تبينه انا تعبان و ما اقدر أتحرك

نور : اوووووف مالت عليك .. امحق زوج أنت

يوسف : مشكورة على الحجي اللي يغث مثل السم ..

نور : بروح أبدل و اروح السوبر ماركت شاسوي زوجي مثل الحريم قاعد بالبيت

يوسف قعد يضحك عليه لانها عصبت : هههههههه

 

و أول ما طلعت نور من الغرفة ..

قام يوسف و زينها و ياب طاولة متوسطــة الحجــم .. و خلاها بوسط الغرفة و خل عليها شرشف خلو و شموع و كل شىء و طبعا يا حبه للورد خل مزهرية عودة فيها ورد محمدي في وسط الطاولة ..

 

( للعلم كان مجهز كل شىء حق ها المفاجأة من بالحرين )

 

و بعد دقايق سمع صوت جرس الباب .. و قال بقلبه :

 

أكيد يابوا الكيك و العشا و كان توقعه في محلــه خذ العشا و خلاه بطريقة مرتبه على الطاولة أما الكيك وداه و خلاه في الثلاجــة .. و قام بسرعة طلع هديته و خلاها على الطاولة .. و بسرعة تسبح و تكشخ .. و قام صك ليت الغرفة

 

بعد دقايق وصلت نور و في يدها اجياس .. شافت الغرفة ظلمة فخافت .. و بسرعة فتحت الليت .. أنصدمـــت .. شنوووووو ها المفاجأة الحلوة .. و طاح عينها على العلبة الموجودة على الطاولة ..

يوسف و هو يطلع من مخبأه : سبراااااايس

نور و هي تركض و تضم يوسف : حبيبي و الله

يوسف : عجبتج المفاجأة ؟

نور : اي وايد أقوول حبيبي شالكشخة ؟

يوسف : كله عشانج حبيبتي

نور : عيل ما يصير انا بعد بروح و أتكشخ و أرد

يوسف : بس عمري العشان بيبرد

نور ك لا بروح بسرعة و برد

يوسف : اوك لا تصيفين

نور بسرعة راحت لبست لها ثياب ماكسي .. حفرة .. لون وردي هادىء .. فيها ورود من بولك لون وردي غامج .. و خلت لها مكياج بسيط و أما شعرها القصير .. رفعت بعضه اما الباقي خلته مفلول .. يعني كانت أحلــى من القمر تخبل الكل ..

 

يوم راحــت راحت صوب يوسف ..

يوف فتح عيونه على آخره من الدهشــة : ..

نور : شفيك ؟

يوسف : لا ولة شىء حبيبتي تفضلي

يوم قربت من الطاولة شافت العلبة من يديد فتصدت صوب يوسف جنها تسأله افتح العلبة : ..

يوسف فهمها فهز راسه : ..

فقامت فتحت العلبة شافت فيها قلادة تينن من الؤلؤ عبارة عن قلبين ملتصقين في بعض .. واحد مكتوب داخله حرف النون و الثاني حرف الياء ..

نور : مشكووووووور حبيبي .. مشكور

يوسف : العقو حبيبتي .. و خذ القلادة من ايدها و لبسها

يوسف : ابي اشوف ها القلادة علطول مزينة رقبتج

نور هزت راسها : ..

بعدين خذ ايدها و قال لها يالله اكلي لا يبرد الأكل ..

و بدأوا ياكلون في جو رومانسي .. حده عجيـــــــــــــــب

مشاعر و أحاسيس رقيقة .. نظرات أعجباب و حب .. مغموووووورة بالعشق ..

كملت نور العشا فقامت من مكانها

يوسف : صبري حياتي بقت الكيكة

نور : بل بعد جان أصير دبـــة

يوسف : هههههههههههههههه ترى عادي مرة في العمر

نور : زين بروح دقيقة و برد

راحت يابت من شنطتها علبـــه طولانية ..

يوسف : شنوو هاي ؟

نور : لك حبيبي و كل سنة و أنت الحب في حياتي

يوسف : يعني تذكرتيني ؟

نور : شلووووون ما اتذكر هواي يا قلبي

يوسف ك فديت قلبج حبيبتي .. فتح العلبة جاف فيها قلم كشخة من شركــة معروفة .. مكتوب عليه ** حب مع الأيام **

يوسف : تسلمين يا الحب ..

نور : الله يسلمك حبيبي

يوسف قام بسرعة باس خدها و راح عند الثلاجة الصغيرة الموجودة في الغرفة بدون ما يشوف ويه نور ..

نور ما كانت تدري تستحي أو تستانس .. او او او .. الشىء الوحيد اللي قدرت تستوعبه أنها أستحت من جد مع أن بيناتهم عشرة عمـــر ..

 

يوسف : و الكيك وصل يا أحلى عسل ..

نور و هي ترجع للواقع : ابتسمت

يوسف : تعالي حياتي قطعي الكيكة

نور : لا أنت اقطعها حبيبي

يوسف و هو قاعد يتفلسف : نو بادي ول كات ذس كيك .. جست يو ماي دارلنق

 

نور تعرف يوسف بطبعه عنيد : شنسوي بعد أنتصرت يا الحبيب في المعركــة .. و أنا يا خيبتي خسرت .. يالله هات السكين بقطع الكيكة

يوسف : تك أت سويتي

نور خذت السكين و قعدت تقطع الكيكة و يابت صحنين صحن لها و صحن لزوجها و خلت فيهم قطع الكيك : تفضل حبيبي

يوسف بحمايس : لا مابي أكل يروحي أبي أحس يأكلني

نور : لا والله

يوسف مثل اليهال : مصر ابي أحد ياكلني

نور : خلاص عيل بنادي لك الخدامة اللي تشتغل بالفندق عشان تاكلك الكيكة ..

يوسف : وعععععع وعععععععع خلاص لاعت جبدي .. اقول نورو ما تخافين الخدامة تاخذني منج ..

نور : شنووووو ؟ اتخسي الا هي مالت عليها

يوسف : الحمدلله ههههه طلعتي تغارين

نور بكبرياء مزعوم : لا عيوني بس مستحيل تاخذك تدري ليش ؟

يوسف ك لا ليش ؟

نور : لانك يا عمري متولع فيني و في هواي و مستحيل تهدني و تتزوج غيري

يوسف : اها يعني واثقة من روحج ؟

نور بثقة : اكيد ما دام زوجي يوسف

يوسف : و اذا قلت لج سر ما بتزوعلين ؟

نور : ها قول ما بزعل

يوسف : اكيد

نور خافت : قول و يصير خير

يوسف : بصراحة أنا متزوج عليج و عندي 4 عيال .. وو

نور أنصدمــت : شنوو يا خاين العشرة .. شنو ؟ ما صدق يوسف اللي طول عمري ما شكيت انه يخونني .. أخ و الله أخ

يوسف قعد يضحك : ههههههه شفتي أنج تغارين يا بنت الحلال

نور بصوت واطي : يعني ما تزوجت علي ؟

يوسف و هو يضمها لصدره : أنا مستحيل أسوي ها الشىء حتى لو فطعوا راسي

نور أرتاحت شوي : الف حمدلله .. أحبج يوسف .. أحبك يا السخيف شالمقلب البايخ اللي سويته فيني .. شوي و اروح فيها

يوسف : بسم الله عليج حبيبتي في عدوينج أنشاءالله

نور و هي تضمــه : تخاف علي بعد

يوسف : اكيد عمري .. انت زوجي و أم عيالي و قلبي و روحي و كل شىء فيني

نور : فديتك و الله

 

و أستمرت ليلتهم كألف ليلة و ليلة .. و اللي يشوفهم ما يصدق انهم في الاربعين .. و الحب لحد الحين مستمر معاهم .. و الحين صار لهم يومين بايطاليا .. بكرة راح يرجعـــون البحرين ..

 

 

 

 

موتقولون قصير biggrin.gif

لان مب انه الي كاتبته sleep.gif

شرايكم بالجزء

Link to comment
Share on other sites

بعد قصير يا الدبة اشنقص، اشفيج انتي ماتحسين، الجزء الي موب قصير ان الواحد يقعد عليه جم ساعة يقراه و لا يخلص، جم مرة اقول الناس عطله و تبي اتسلي روحها، شنو بصيدج اذا نزلتي اكثر من جزء تبيني اذبحج يلا نزليييييييييييييه

Link to comment
Share on other sites

مشكوووووووورة خيو شنقص على البارت الحلو

 

وبانتظاار الاجزاء الباقية

Edited by عاشقة المحبين
Link to comment
Share on other sites

بعد قصير يا الدبة اشنقص، اشفيج انتي ماتحسين، الجزء الي موب قصير ان الواحد يقعد عليه جم ساعة يقراه و لا يخلص، جم مرة اقول الناس عطله و تبي اتسلي روحها، شنو بصيدج اذا نزلتي اكثر من جزء تبيني اذبحج يلا نزليييييييييييييه

dry.gif

 

انه قلت لكم لا تقولون قصير cool.gif

 

لان مب انه الي كاتبته sad.gif

 

المهم ثانكس على المرور

Link to comment
Share on other sites

الجزء الخامس و الثلاثون ::

 

في التاكسي كانوا قاعدين عايلة بو عبدالله .. و أخيرا وصلوا البحرين ..

وصلوا لمكانهم الأساسي .. و لبلدتهم اللي هجروها من سنين .. مشاءالله

تغيرت وايد .. العمران فيها تقدم بشكل ملحوظ .. و سميت بعصر النهضـــة

في وايد أشيا مثل الثقافة و الطب و العمران .. و السكان مشاءالله اي عدد

السكان وايد زاد .. زين خلونا نرد للقصة

بدأ حسن يرجع للماضي و للذكريات الحلوة في كل منطقة من أرجاء ديرته الغالية .. و كان يحاول يتذكر المنطقة اللي موجودة فيه بيت أخته .. اووووو ما اتذكر يا ربي

تذكر يا حسن انت وين تربيت و كبرت وين ؟ وين ؟ حسن : اي اي تذكرت روح اخوي

العدليـــة ..

سايق التاكسي : تامر أمر

في السيارة الكل كان متوتر و خايف و كان سايد بينهم صمت عجيب .. و أملووو

الله يهيدها كانت تقضم اضافرها بعصبية تخيلوها هههههه .. زين بعدين يوم وصلوا العدلية

سايق التاكسي : و الحين وين أروح ؟

حسن : امممممم ما اتذكر لحظة لحظة يا ربي ساعدني ما اتذكر لان مشاءالله البحرين

وايد تغيرت ..

أحلام : انا انا تذكرت لف أخوي على يمينك بعدين روح سيدة و أخر بيت عنك البحر هو المكان اللي نبي نروح له ..

سايق التاسكي : انشاءالله

حسن تنفس بشده لانه كان مضطرب وايد و خايف من ها اللقاء ..

و يوم وصلوا للمكان المطلوب :

حسن : انا بنزل و بشوف اذا في أحد بالبيت و أنتوا نطروني بالسيارة .. لان أخاف سالفة ايجار البيت صجية ..

أحلام : زين حبيبي روح بسرعة و لا تتأخر لاني بصراحة وايد متوترة

حسن ما جاوبها و بخطوات سريعة و واسعة راح صوب الجرس و بايد مرتجــة قرعها ..

..... : الو نعم

حسن : يا هلا هذا بيت بو نور ؟

..... : هاا لا أخوي أنت غلطان .. اوووو صج تعال انت تقصد بو نور .. اي هاي كان بيته بس هو الله يرجمــه متوفي من سنين و زوجتـــه مأجرة ها البيت

حسن : متوفي ؟ لا حول و لا قوة الا بالله زين ممكن تساعدني او تدلني على مكان زوجته او بنته ؟

..... : جنك ما كنت بالديرة من سنين .. لان البحرين باكملها تدري بسالفة وفاة بو نور .. الله يسلمك الشىء الوحيد اللي اعرفه أنهم يعيشون وية عايلة زوج نور ..

حسن : زين عيل مشكور أخوي تعبناك معانا

..... : لا عادي ما سوينا الا الواجب

و ركب التاكسي و الخيبة مبينة على ويهه ..

و بصوت جماعي : بشــر ؟

حسن : بو نور الله يرحمـــه ..

أحلام تقاطعه : توفى ؟

حسن : اي .. و هم الحين مأجرين البيت و يعيشون وية عايلة زوج نور ..

أحلام : آخ من هو زوج نووورو عشان نروح لهم .. اوووووووو حسن تعال ليش ما نروح بيت أختي يمكن نلاقين موجودين بالبيت .. لان الله يسلمك اختي وايد كانت تحب بيتها و كانت علطول تقول لي مستحيل أطلع منـــه ..

حسن : امرنا لله بس انتي تتذكرين المكان ؟

أحلام : اكيد لا تنسى باني سنين و سنين عشت هناك .. و قامت توصف للسايق عنوان البيت ..

 

و صلوا .. و اخيرا و أخيرا .. شافوا بيت عــــود محاط بسور رفيــع .. لونـــه وردي غامج .. اما البيت فكان لونه وردي فاتـــح ..

حسن : انزل بروحي انزل في البداية ولة بتنزلون وياي ؟

أحلام : لا بننزل وية بعض .. انا و انت بنتقدم .. اما الباقي فيوقفون عند باب السيارة الى أن نتأكد بوجود أختي و زوجها البيت و نناديهم ..

و قام حسن و قال لسايق التاكسي : احنا بنروح .. و انت انطرنا هني .. عشان نرجــع و ناخذ أغراضنا و نعطيك فلوسك

سايق التاكسي : انشاءالله انا ناطركم بالسيارة ..

 

و بخطوات بطيئـــة و مرتعشــة .. تقدموا حسن و أحلام .. و ها المرة بخوف أكثر دق حسن الجرس ..

يات الخدامة و فتحت الباب : يس سر .. هو دو يو وانت ؟

حسن : از ام يوسف انسايد ؟

الخدامة : يس شي از انسايد وان منت آي ول قو آند كول هر تو كام

حسن : اوكي بت بليز دونت بي لايت

راحت الخدامـــة الصالة .. فلقت بس أم نور قاعدة ..

الخدام : مدام في واحد و في وحدة برة يقولون نبي ماما أم يوسف انا شنو في قول لهم ؟

أم نور : عجيبة بها الحزة من يينا .. الحين الساعة تسع بالليل .. هووووو خلوني اروح و أشوف شالسالفة

و قامت نادت بصوت عالي أم يوسف .. و راحت عند الباب تشوف من موجود .. طبعا بعد ما لبست شيلتها و عبايتها .. و يوم فتحت الباب قعدت تدقق في ملامح الزوار ..

كانت أشكالهم مب غريبة .. بس ما قدرت تحدد هويتهم .. نعم شلون أخدمكم ؟

حسن و هو قاعد يميز ملامــح أختـــه : انتي أم نور صــح ؟

أم نور : نعم تعرفني ؟

حسن و عيونه دمعـــت : شلون ما أعرفــج و انتي اللي ربيتيني .. و انتي اللي كبرتيني .. و خطبتي لي أحلام .. تذكري يا أم نور .. انا حســــن .. حسن أخوووج .. اللي ربيتيه جنــه احد من عيالج .. حسن اللي ترككم من سنين بسبب ضروف .. حسن ..

أم نور ما قدرت توقف أكثر من جذي .. طاحت على الأرض و تسندت صوب الباب .. و هي قاعدة تتكلم بكلمات متقطعـــة من هول الصدمـــة اللي وقعت عليها .. :

حبيبي أخووي وقعدت تتنفس بشدة تعال جرب .. تعال أرجـــع لحضن أمــك الثانية ..

اخـــــــــتــــك الكبيرة .. تعال حســـن تعال ياللي هديتني طول ها السنين .. تعال

هيه هيه تعــــال و قعدت تتنفس بصوت مسموع .. تعال عشان أضمـــك لصدري .. و أحلام من شدة الموقف المأثر قعدت تصيح .. و ام نور ما انتبهت لها

قام حسن و قعد عندها من صوب اليمين قامـــــــت و حضنته و باستـــه .. : انت متأكد أنــــــــــــك أخوي و حبيبي .. ليش تركت أخــتك .. ليش على الاقل ما اتصلت فيها ليش ؟؟ ترى ما استاهل اللي سويته فيني حراااااااام عليك ..

حسن و هو يبوس راس أخته الحنونة : سامحيني أختي سامحيني .. الدنيا كانت كاتبة لنا ها القدر .. سامحيني .. و قعدوا يصيحـــــــــــون .. أم نور رفعت راسها بعد ما هدت شوي شافت حرمـــــة واقفة .. حرمـــة يبين عليها آثار آلام السنين .. أكيد هذي أحلام .. فمدت ايدها : أحلام حبيبتي و الله تعالي عندي أبوسج .. تعالي

أحلام قعت على يسار أم نور و قعدت تبوسها و تحضنها و لحد الحين كلهم قاعدين يصيحون و يشهقون عند باب البيت ..

 

ياو أم يوسف و بو يوسف و هم مستغربين من الزائر اللي ياي في ها الوقت المتأخر ..

يوم طلعوا من البيت شافوا عند الباب أم نور قاعدة على الارض بين حرمـــة و ريال .. فكانوا وايد مستغربين ؟؟

أم يوسف : منوو هذيله ؟

أحلام على طول وقفت و قعدت تحضن و تبوس أم يوسف .. و اما يوسف مستغربة من تصرف ها الحرمـــة

أحلام : أنا أختـــــــــــــــــج .. أنا أحلام يا أم يوووووووووسف .. تتذكرني ؟

أم يوسف شهقت بصوت عالي و جنها بحلم مخيف : أحلام أحلام محد غيرج .. ما صدق لا تجذبون علي يا عالم حرااااام عليكم .. وينها احلام ابيها .. ابي ها السخيفة اللي تركتنا

أحلام : انا انا أحلام .. انتي بعلم مب بحلـــم شوفيني عدل .. حبيبتي انا اختج ..

أم يوسف ما درت شتسوي تذبح روحها من الوناسة او تقعد تأنب أحلام على غربها كل ها السنين قامــــــــت بسرعة حضنـــت أختها بشدة و قعدوا يصيحون .. اكملت صار فلم هندي .. خخخخخ

أم يوسف : ليش تركتونا كل ها السنين بألم و عذاب ليش ؟

أحلام : هذي قصة طويلة .. انشاءالله بنخبركم عنها .. آآآآآآآآآآآه وحشتوني مووووووت .. شخباركم ؟ شمسوين ؟ اوووو سامحيني أم نور ما عزيتج على وفاة الغالي بو نور

أم نور جنة جرح قديم أنفتح بقلبها : آآآآآآآآآه الله يرحمــــك يا بو نور يا الغالي

أحلام : ساميحيني حبيبتي فتحت لج جرح قديم

أم نور و هي قاعدة تمسح دموعها : لا عادي

و حسن قام وسلم على بو يوسف .. و قعدوا يرحبون ببعض ..

بو يوسف : ها انشاءالله يبتوا عيال ؟

أحلام : الحمدلله ولد و بنت

الكل : الحمدلله

أم نور : شكبرهم

أحلام : عبدالله كمل الجامعـــة و الحين هو رجل أعمال اما أمل فهي باقي لها سنة و تكمل دراسة المحاماة ..

أم نور : زين وينهم الحين ؟

وافقين عند التاكسي .. الحين بناديهم ..

بو يوسف : و امشوا ندخل لان وقفتنا غلط ..

و بعدين كلهم دشوا داخــــــــــــــــــــــــــــــــــل و هناك ::

أم نور : الحمدلله أنكـــــــم رديتوا .. الف حمدلله ترى قلقنونا وايد طول ها السنين ..

احلام : الحمدلله ..

أم يوسف : زين ما قلتوا لنا شسالفة أختفائكم كل ها السنين ؟

بدأوا أحلام و حسن يطالعون بعضهم بجدية الى أن بدا حسن : هذي

سالفة طويلة ما راح نخبركم الا لما نجتمع وية العايلة كلها

بو يوسف : بس يوسف و نور مسافرين

أحلام : اي تعالوا نورووو و يوسفووووو تزوجوا وية بعض ؟

أم يوسف : من زمـــــــــــــــــان و مشاءالله عندهم عيال .. و تشوفون ها البيت هو بيت العايلة .. كلنا نعيش فيه الا نوف و زوجها و عيالهم يعيشون في بيت ثاني

حسن : و نوف تزوجت منو ؟

بو يوسف : أحمد رفيج يوسف ..

أحلام : الله يوفقهـــــــم .. بس ما قلتي لي يا أم نور متـــى بيردون يوسف و نور لان ما نقدر نقول لكم السالفة بدون وجودهـــم .. لان هذي آخر مرة بنفتح ها القصة لانها

مثل السم على قلوبنـــــــا ..

أم يوسف : على ما اضن بكرة ..

أم نور : اممممم تراني زعلانة من العيال ما سلموا علينا ..

عبدالله : اسف عمتي انا أسمي عبدالله .. و قام باس راسها و بعدين باس راس خالته و سلم على زوج خالتـــه ..

و اما عن أمل قامت بالمثل سوت .. سلمت على عمتها و خالتها ( أخت زوجــة أمها ) بس هي تعتبر أحلام أعز و أغلى من أمها اللي ما شافتها بحياتها ..

أم يوسف : و انتي يا أختي ما تعرفنا عليج ؟

رشا بهدوء : انا رشا

أم يوسف : تشرفنا ..

أحلام : رشا عندها قصة طويلة .. راح نخبركم عنها يوم نجتمــع كلنا .. من يديد تحت سقف واحد .. هي أكثر من أختي و صديقتي .. لها أفضال كثير بحياتنا ..

حسن : الصراحة أنا وايد تعبان .. و اذا ما عليكم كلافة يصير نبات عندكم الليلة و بكرة بندور لنا على بيت عشان نسكن فيه و نستقر بديرتنا ..

بو يوسف : أكيد البيت بيتـــك .. حياكم الله في أي وقت ..

حسن : الله يحييك .. وووووي نسيت .. انزل الشنط من التاكسي اكيد هو الحين واقف برع ينطر ..

عبدالله : ولة يهمك يبة انا بروح أنزل الشنـــــــط ..

و قاموا أم نور و أم يوسف .. دلوهم على الغرف الخاصة بالضيوف و الزايدة بالبيت كانوا ثلاث غرف 2 في الطابق السفلي و واحد في الطابق الثاني ..

 

الغرفة 1 في الطابق السفلي = أحلام + حسن

الغرفة 2 في الطابق السفلي = رشا + أمل

الغرفة 3 في الطابق الثاني = عبدالله ..

 

و الكل خمــــــــــــــد و هو مستانس .. لان أخيرا ألتقوا ببعض .. و طلع بأن حلم أم يوسف .. صار في الواقع $$ ..

 

 

...

 

تحياتي

وردة أمل

ترى جريب و القصة تنتهي ..

Link to comment
Share on other sites

الجزء السادس و الثلاثون ::

 

و في الصباح :

وصل خبر رجــــوع حســـن و أحلام من الغربة الى مسامـــع نوف ..

نوف : اقول قلبي

أحمد : قولي يا بعد أهلي و طوايف أهلي

نوف و هي قاعدة تلعب بشعرها : أمي أتصلت فيني من قبل شوي و قالت بأن خالتي أحلام و زوجهـــا ردوا من غربتهم بعد أكثر من 20 سنــــــــة فراق للوطــن ..

أحمد فتح فمــه : صـــــج و الله .. ما اصدق حســـن رجـــع و أخيرا .. الف حمدلله .. زين ما دريتوا شنو سبب غربتهم عنا كل ها السنين ؟

أحلام : سألت أمي بس هي قالت بان خالتي و زوجها قالوا يوم نور و يوسف بيردون من السفر بيخبرون الكل .. لأنــــــــــــــه جرح قديم قاعدين يحاولون ينسونه و ما يبون يفتحون سالفته من يديد

أحمد : عجيبة ! زين أنتي ما تبين تروحين عندهم بالبيت .. ؟

أحلام : امبلة .. بروح

أحمد : زين مادام العيال بيروحون المدرسة انتي بدلي و روحي هناك

أحلام : أكيد الحين بروح أبدل حبيبي .. و انت وصل العيال المدرســة لان السايق مو موجود

أحمد : زين خلاص لا تحاتين

أحلام : اي و نسيت أقول بان أمي عازمتنا الظهر بيتهـــم على الغدى

أحمد : خلاص عيل باخذ العيال من المدرسة و بنيي هنـــاك ..

أحلام : اتفقنا ..

 

*****

 

في بيت العايلة :

 

عيــال يوسف راحوا المدرســة وية الدريول .. فما بقى في البيت الا الكبار ..

أم نور و أم يوسف و بو يوسف .. متعودين يقومون بدري و يكونون فرش من بعد صلاة الصبــح .. ينزلون كالعادة يتريقون بسرعـــة و بعدين يقعد بو يوسف يقرا الجريدة و الحريم يقعدون يطالعون التلفزيون .. و كالعادة اليوم سووا نفس الشىء .. لانه صار بالنسبة لهم روتين يومي ما يقدرون يتخلون عنـــه ..

و على الساعة ثمـــان الصبــح .. قام حســن من النــوم .. و بدل هدومــه و طلع للصالة ..

حسن بابتسامة خفيفة : صباح الخير

الكل : صباح النور

أم نور : بتنتظر الحريم و اليهال ليما يقومون .. ؟؟ او بتتريق بروحك لان أحنا تريقنــا من زمان ..

حسن : لا مشكورين مابي اتريق لان عندي شغل

أم نور : هو في ها الحزة ؟ توكم امس رادين من الغربة و احنا نبي نقعد نسولف وياكم

حسن : هههههه بيي اليوم اللي بتملون منا

أم نور : افا يا خوي لا تقول جذي .. احنا مستحيل نمل منكم

حسن : مشكورة و الله من طيب أصلج .. انا ابي اروح ادور بيت عشان أشتريه

أم يوسف : زين ليش ما تسكنون ويانا بالبيت ؟

حسن : لا وخيتي ما يصير لان البيت ما بيكفينا و العيال بيتزوجون و انا ابي عبدالله يعيش وياي هو وية زوجته و عياله انشاءالله في المستقبل ..

بو يوسف : تبي رايي

حسن : اكيد هات اللي عندك

بو يوسف : اذا انت مب راضي تعيش ويانا شرايك تدور لكم بيت جريب منا ؟

حسن و هو قاعد يفكر : اي انا بعد فكرت جذي

بو يوسف : زين انت شفت البيت اللي مقابلنا على اليمين لونــه اخضر

حسن : لا و الله ما لاحظته لاني امس كنت تعبان يوم وصلنا

بو يوسف : هاي البيت توهم بانيينه و الحين يبون يبيعونه .. يعني هو يديد

حسن : صج .. مدري عيل شرايك نروح نشوفــه و اذا عجبنــا نتوكل على الله و نشتريــه

بو يوسف : زين ما تبي تاخذ راي اهلــك ؟

حسن : أكيـــد

يدشون عبدالله و أحلام و أمل و رشا

أحلام : شنوو أكيد ؟

حسن : الناس يسلمون أول

أحلام : ههههه السلام عليكم .. شمسوين ؟

حسن : ماشي .. بو يوسف يقول بان البيت اللي قبالهم للبيع .. شرايكم نروح نشوفه و اذا عجبنا نشتريه ..

أحلام : عيل خلاص انا بروح ابدل و بيي و ياكم

أم نور : و الريوق ؟

أحلام : لا معلة حبيبتي بناكل لنا خفايف ..

عبدالله : زين انا بعد بيي وياكم .. عن اذنكم بروح ابدل ..

رشا : اما انا تعبانة ما ابي ايي

أمل : حتى انا تعبانة ما بيي ..

حسن : خلاص على راحتكــم .. و انت يا بو يوسف بتيي ويانا

بو يوسف : خلاص عيل بروح ابدل و ارجع لكم ..

حسن : اوك

 

راحوا بدلــوا و بعدين مشوا على اقدامهــم للبيت اللي يمهــم و قعدوا يشوفونــه

حسن : صج يخبــل

أحلام : اي حلووووووووو بس مب مثل مستوى بيتنا اللي في لبنان

بو يوسف : ليش عندكم بيت بلبنان ؟

عبدالله : او خالي ما عندنا بس بيت عندنا وايد أشيا .. شركات و عقارات و وايد

بو يوسف : اهااا

حسن : زين شرايكم نشتري البيت ؟

أحلام : ما دام مكانه جريب من بيت العايلة و لاصق فيه وايد زين ..

عبدالله : اي و بعد نقدر نهدم ها الجدار اللي يفصل بين البيتين .. عشان يحيطنا سور واحــد و تكون عندنا حديقة عودة

بو يوسف : ابو الافكار انت

عبدالله : ههههه اكيد آيم آ بزنس مــان

الكل ضحــك : هههههههه

شافوا واحد قاعد يجترب منهم

..... : شلون أخدمكم ؟

حسن : الصراحة اخوي عاجبنا ها البيت و ودنا نشتريه

..... : و انا صاحت ها البيت و مستعد ابيعه

حسن : بس بجم ؟

...... : المبلغ مب وايد بس 200000 دينار

حسن : زين خلني اتشاور وية العايلة و دقيقة و بجاوبكم

حسن : شرايكم ؟

أحلام : السعر مناسب و احنا الحمدلله عندنا وايد خيــر

حسن : يعني اوافق

أحلام : اي

و رد قال للريال : انا موافق متى بنوقع العقــد

....... : اذا تبي الحيــن اييب المحامي و المحاسب

حسن : خلاص عيل ..

و يوم يابوا المحامي و المحاسب حولوا البيت باسم حسن و حسن دفع شيك لصاحب البيت ..

حسن : و متى انشاءالله نقدر نستلم ها البيت ؟

..... و هو قاعد يعطيه مفاتيح البيت : من ها اللحظة

حسن : خلاص عيل مشكور

..... : العفـــو

أحلام : عيل نييب أغراضنــا

حسن : اي شوي شوي .. مشكور بو يوسف تعبناك

بو يوسف : افا يا البووووومــة تعبك راحة

حسن : محد غيرك بووووومة وية ها الويــه

بو يوسف : هههههههههههه رديت لطبعك القديم .. ههههههه المناجرة ..

حسن : ههههههه الله يغربل أبليك ..

 

اما في بيت العايلة نوف وصلت هناك ..

فشافت أمها و ام نور قاعدين يسولفون وية بنتين غريبتين

نوف : السلام عليكم

الكل : و عليكم السلام

نوف : يمة .. خالتي ام نور .. ما عرفتونا على ها الزوار ؟

أم يوسف : حبيبتي و هي قاعدة تاشر على أمل هذي بنت خالتــج أحلام .. اما الثانية هي رشا صديقة خالتج احلام

راحت نوف و سلمت عليهم .. : تشرفنا .. الا وينهم خالتي و زوج خالتي ؟

أم نور : راحوا يدورون لهم بيت .. الحين بيوصلون لانهم من زمان طلعوا

و في ها اللحظــة سمعوا صوت الباب يتبطل

أم نور : اكيد وصلوا .. قامــت نوف من مكانها .. فشافت خالتها أحلام .. فقامـــت و باستها و حضنتها : مشتاقة لج مووووووت خالتي .. فديتج و الله .. تراج وايد تغيرتي .. صرتي عيووووزة ههههههه

أحلام : مالت عليج يا الخايسة انا عيوزة .. آي حبيبتي شمسوية انا بعد مشتاقة لج موت مووووووووووووووووت

نوف : في ها الدنيا و مشاغلها .. و قعدت تغني و هي بحضن خالتها .. :

 

و الله و الله واحشني مــــوت

و الله و الله

أخاف بعدك أموت ..

قلبي لو من حديد

ذاب و أنت بعيد ..

 

أحلام : الله الله حبيبي .. آآآآآآآآآه نوفو .. تعالي نقعد .. و نسولف وياج

نوف : تفضلي خالتي ..

 

و قعدوا يسولفون و يتكلمون .. بس أحلام و حسن ما نطقوا بكلمة عن سبب غربتهم و كانوا يتجاهلون الأسئلة اللي كانت نغزتها ها الجواب ..

 

و على وقت الغدا وصلوا .. أحمد و عياله و عيال يوسف .. و قعدوا يتغدون ..

كان جوووو فيه العتاب .. و الضحــك و الصياح .. و الفرح و كل العوامل اللي يعيشونها

البشر في حياتهم جمعوها بيوم واحــــــــــــد ..

 

و على الساعة الخمس المغرب .. وصلوا شخصين للبيت .. تخيلوا من كانوا ؟؟

 

يوسف و نور وصلوا من سفرتهــــــــــــم .. أنصدمـــوا يوم دشوا و شافوا العايلة الكريمة متجمعــة و لا في أشخاص يدد وياهــم يا ترى من يكونون ؟

 

راحوا سلموا شخص شخص .. و يوم وصلت نور صوب أحلام شافت أمها جنها تسألها منو ذي ؟

أم نور : سلمي على مرت خالتج أحلام ..

نور : منوووووووو أحلام

ما درت شتسوي نطت على أحلام ههههههه و قعدت تبوسها .. و تسلم عليها .. و تعاتبها .. و بعدين سلمـــت على الباقي و في النهاية ردت لخالهــا من يديد ..

نور : خالي حســـــــــن

حسن : اي انا يا ام لسانين

نور بدمعة : حرام عليك خالتي ترى صرت ام و حرمـــة و اللسان انقص

حسن : ههههههه احسن تعالي حبيبتي و قعدي يمي مشتاق لج

 

نور و حسن كانوا مثل الاخوان لانهم كانوا يعيشون بنفس البيت ..

قامت نور و هي تحضن خالها و الكل قعــد يصيـــــــح و ياهم ..

 

حسن : احم احم الحين بعد ما اجتمعنا كلنا تحـــت سقف واحــد و أخيرا تلاقينا

و تشكلنا أسرة من يديد .. لازم تعرفون سبب غربنــتنا لازم ..

و قعد على الأرض و هي يجفف دموعه

حسن : احلام انا اقول القصة ولة أنتي ؟

احلام : انت قول ..

 

حسن و هو قاعد يتنفس و يطالع السقف : زين بس لا تقاطعوني ولة تسألون

الكل : انشاءالله

حسن : يوم سافرنــا لفرنسا .. انا للاسف في هذاك اليوم الأسود القيت بواحد من ربعي القدامــه .. فعزمني على العشــا .. و من هذاك اليوم تدمرت حياتي .. صرت مدمن مخدرات على ايده و بعدين صرت تاجر مخدرات مشهور .. و في ها الفترة نسيت كل وعودي لاحلام و طلقتها .. و هديتها بغربة بلا عائل و مال و لا بنون .. وفي ها الوقت نفســه احلام كانت خايفة من العار اللي بيلاحقها اذا رجعــت للبحرين .. الناس

شبيقولون مرة تزوجت عن حب و راحت شهر العسل و رجعت و هي مطلقة ..

فهي شافت الفلوس اللي بحسابها كان بيكفيها حق فترة .. فقالت بانها لازم تطلع من الفندق اللي كنا تسكنه لان ايجاره وايد غالي .. و في الطريج حست بآلام في بطنها فراحت المستشفى فتلقت الصدمــة الثانية بعد طلاقها .. انهـــا حامل !!

حسن بلع ريجه بعدين كمل : و مع الأيام انا و اللي دمرني خالد كنا طالعين من احدى السهرات لاحقونا شباب الله يجزيهم الف خير و هدونا لطريق الصواب و دخلونا مستشفى العلاج من المخدرات و هناك خالد مات اما انا تشافت .. و في ها الفترة أحلام ولدت .. يابت عبدالله .. لولا مساعدة ها الغالية رشا جان هي ضاعــت .. هي و رشا صاروا اكثر من خوات و صديقات و كل شىء الروح بالروح .. و بما أن في فرنسا عندهم عادي الحرمة تولد بدون وجود ريلها .. فبهذا عبدالله ولد بدون ما انا ادري .. اما عن أحلام و رشا ربوا عبدالله طول ها السنين .. اما عني كنت احاول ادور احلام من يديد بس للاسف ما لقيتها .. فخفت ارجع البحرين لاني كنت ضان انها موجودة هني فخفت اسوي مشاكل و اكيد هي كارهتني من بعد تصرفاتي الغبية .. الطبيب النفساني اللي كنت اتعالج عنده .. قال لي بان جزء من شفائك هو بان تتزوج .. رفضت بشدة بس في النهاية قدر يقنعني فتزوجــت أم أمل .. و لما ولدت أمل توفت .. فحلفت بان ما اتزوج من يديد غير أحلام .. حبي القديم .. فقعدت اربي بنتي .. و الى ان كبرت .. و اما عن أحلام و رشا و عبدالله .. رشا وصلها خبر وفاة زوجها اللبناني اللي ترك لها املاك .. فسافروا كلهم لبنان و هناك عبدالله كبر و قعد يدرس ادارة الاعمال .. و انا سافرت بعدين وية أمل الى لبنان .. لان بنتي حصلت على بعثة من الحكومة الفرنسية عشان دراسة المحاماة .. و هناك

في يوم بنتي قالت لي في واحد يبي لي يخطبني و انا قلت حياه الله في اليوم اللي ياه .. طلع بان الخاطب هو ولدي اللي ما عرفتـــه طول ها السنين .. و بجذي شوي شوي حلت المشاكل الى انا انا و ام عبدالله رجعنا لبعض و تعهدنا بان نربي عيالنا وية بعض و نعوضهم عن الحرمان اللي حسوا فيه ..

 

يوم كمل حسن كلامـه شاف الشفقة و الدموع في عيون اللي حولــه و خصوصا الصدمــة اللي كانت ماليتهم ..

و قامت أحلام و وقفت ورى الكرسي و رفعــت يدها للأعلى و قالت :

رجعنــــــــا لبعض .. و و اخيرا بعد اكثر من 20 سنـــة قعدنا في غرفة وحدة و أجتمعنا من يديد مع بعـــــــــــض .. أحبـــكم كلكم .. لانكم في دمي و لحمــي ..

انا ما رضيت ارجـــع لحسن من يديد مع ان الجروح كانت موجودة فيني الا لسببين .. الاول باسم الحب اللي جمعنـــــــــــــــا من صغرنــــــــا و الوعود اللي صفيناها بحياتنا .. و الثاني بان نربي عيالنا وية بعض عبدالله و أمل .. صحيح أمل ما طلعت من بطني بس هي موجودة بقلبي و هي بنتي حشاشة جوفي .. احنا ما رجعنا الا عشان نجتمــــع نحن العايلة من يديد عشان يسود بين قلوبنا المحبة من يديد .. و عشان و عشان الكثير .. و لان لازم عيالي ياخذون الجواز البحريني لان هويتهم ضايعــة الكل عبالهم انهم فرنسيين .. أحنا كلنا عانينا و كلنا عرفنــــــــا معنى التضحية و الحب .. كلنا حياتنا تجتمـــــع مع مفهوم حب مع الايام .. صحيح .. بس الى متـــى ها الحب راح يكون مختفي الى متــــــى ؟؟ الحب هو الحيــــــــــــاة بعيون العشـــــــــــاق .. علموني حبنا كلنا شعلمنـــــــــا خير دروس بتقوينا في الحياة .. علمنا الشاعة و الجرأة .. علمنـــــا اللين و الرضا .. علمنــــــــا اهم شىء التضحيـــــــة .. و انا مستعدة أضحي عشان حبي .. لا تضنوني استخفيت صحيح كبرت بالسن بس ما للحب لا سن محدد ولة مكان.. و راح اموت و انا احب يا بشـــــــــر .. و انا أحـــــــــــب .. خلونا نجتمــــــع من يديد عايلة وحدة .. متحاببة .. نكون بيد وحدة .. تجاربنا بالحياة كانت صعبة بس في النهاية وصلنا للغرض اللي تمنيناه من صغرنــــــــــــــــــا و هو الحب .. الدفأ .. الحنان ..

 

و ما ان التفتت للكل شافت دمــــــــــوع السعادة بعيـــــــــــــــونهـــــــــــم .. و نظرات الحب بينهـــــــم ..

 

و قامـــــــت نور من مكانـــها : اي يا مرت خالتي .. كل حب في ها الزمان ما ينولد بيوم و ليلة .. لان الحب اللي نسمــيه بنظرة ما هو حب .. لان الحب محتـــــــــــــاج له أيام لينولد مثل الجنين اللي ببطـــــــــن أمــــــــه محتاج له ايام و شهور عشان يولد .. الحب ما ينولد الا مع الايام .. و حبنا كلنا هو حب مع الأيام .. صار و أستـــــــــــوى .. عانى من ها الدنيا الى أن أنتصــــــــــــــــــــــــــــــــــــر ..

 

&& حب مع الأيــــــــــــــــــــــــــــــــــــــــــام &&

 

أحبتي قراء القصــــــــــة وصلنا لنهاية قصتنـــا ..

باقي جزء وراح تنتهي القصــــــــــــــــــــــــــــــــــــة

و انا متأكدة بانكم بتنتظروني على أحر من الجمر عشان تعرفون النهــــــــاية ..

و مشكورين على المتابعــــــة

 

Link to comment
Share on other sites

Join the conversation

You can post now and register later. If you have an account, sign in now to post with your account.

Guest
الرد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Loading...

×
×
  • Create New...