ريم المحرق Posted مايو 14, 2005 Report Share Posted مايو 14, 2005 افااااااااااااااا ليش البارتات قصيرة تراني انتظر بليييييييييييز كملوها Quote Link to comment Share on other sites More sharing options...
شنقص Posted مايو 14, 2005 Author Report Share Posted مايو 14, 2005 الجزء السابع :: في شركــة بو فارس :: بو فارس : يا هلا و الله بابو نور .. بو نور : هلا فيك بو فارس : توه ما تنورت الشركة بنورك بو نور : تسلم .. شخبارك ؟ بو فارس : بخير الحمدلله .. بو نور : الف حمدلله بو فارس : على العموم خلنا الحين في الشغل .. موافق على شروط الصفقة ؟ بو نور : اكيد موافق .. بو فارس : عيل نتوكل على الله .. ترى بعقدنا لها الصفقة راح يكون خير لي ولك بو نور باستغراب : شلون ؟ بو فارس : أنا الحين بخبرك .. احنا صفقتنا هي عن بيع الملابس .. و راح تستمر ها الصفقة لمدة سنة .. خلالها راح نضم شركاتنا وية بعض .. لتسهيل العملية و طبعا الارباح النص بالنص .. بو نور : يشرفني بان تكون شريكي بو فارس : و انا بعد يشرفني بان اكون شريكك .. و اذا ارتحنا لبعض بعد السنة نقدر نضم شركاتنا لبعض للأبد بو نور : عيل خلاص هات الاوراق عشان اوقع بو فارس : تفضل بو نور و هو يوقع : خلاص صرنا شركاء بو فارس و هو يصافح بو نور : مبروك بو نور : الله يبارك فيك حتى انت مبروك .. .. اما في الجامعــــــــة :: بعد ما انتهت محاضرة الاستاذ غازي .. برع القاعة :: يوسف : هلا احمد شخبارك ؟ أحمد : اوك و انت ؟ يوسف : تمام أحمد و هو متحمس : يوسف هاي رفيجي فارس اللي خبرتك عنه يوسف و هو يسلم على فارس : تشرفنا فارس : و انا بعد تشرفت بمعرفتك .. أحمد : اشفيكم الى متى بنظل واقفين .. قوموا نروح الكفتيريا نقعد يوسف : شوف فارس شاللي يريحه ؟ فارس : اي شىء يريحكم يريحني أحمد : عيل أمشوا في الكافتيريا :: نوف كانت تنطر نور .. نور : السلام عليكم نوف : و عليكم السلام نور : ..... نوف بتذمر : دومج مو مضبوطة في مواعيدج نور : شا سوي الطريج من قاعة المحاضرة الى هني طويل نوف : واااااااااي زين تعالي قعدي نور : اكاني قعدت نوف : أحبــــــــــــــــــه نور : تحبين منو؟ نوف : أحمد نور : تقصدين رفيج أخوج ؟ نوف : اي .. اليوم رسل لي رسالة كاتب لي فيها قصيدة يبين مشاعره .. نور : اقريه لي نوف و هي تطلع من شنطتها ورقة : لا انتي اقريه اخاف احد يسمعنا نور بصوت اقرب للهمس قاعدة تقرا الشعر : أنتي يا اللي سكنتي داخلي .. حبج مالي في قلبي .. صرتي الهوى اللي اتنفسه .. بدونج الدنيا معفسة .. عبالج انا مينون و الله بجاوبج انا مينون .. مينون بعشقـــــــج يا بنت امج و ابوج نور بعد ما قرت : .......... نوف : شفيج ؟ نور : ما فيني شىء .. بس و الله خايفة بانج في يوم من الأيام تنصدمين .. ولة يطلع .. نوف و هي تخلي ايدها على فم نور : اوووووس لا تكملين .. قصدج انه بيطلع جذاب نور تهز راسها : ....... نوف : ترى انا نوف محد ما يقدر يجذب علي نور : ياما ناس قالوا جذي و في النهاية ندموا .. نوف : لا تخليني يائسة من عيشتي نور : شوفي حبيبتي انتي حبيه بس لا تحاولين بان تبينين له عشان لا يلعب في مشاعرج .. نوف : ما فهمت ؟ نور : يعني اذا قال لج كلمة حاولي توقفينه عند حده عشان يعرف انج محترمة و ما عندج ها السوالف نوف : ........... نور : شوفي هناك أخوج و أحمد و واحد ثاني قاعدين نوف بابتسامة يائسة و هي تشوف : اي اكاهم نور : عيل قومي نطلع انا تعبانة بروح البيت ارتاح .. نوف : اي تعالي عن سالفة الليسن متى بتطلعين لج ؟ نور : ما دري بس انشاءالله ها الايام بروح اتعلم السواقة نوف : عيل قولي لي عشان ايي وياج .. نور : اليوم بسال ابوي و بتصل فيج .. نوف : اوك .. الا تعالي من بيوديج البيت نور : ابوي الحين بيي ياخذني .. لازم اطلع الحين انطره باي نوف : باي باي .. عسى الجزء يعجبكم Quote Link to comment Share on other sites More sharing options...
شنقص Posted مايو 14, 2005 Author Report Share Posted مايو 14, 2005 الجزء الثامن :: نور طلعت في الحر تنطر ابوها ليما وصل فركبت السيارة .. نور : قوة يبة ابو نور : الله يقويج .. شسويتي في اول يوم لج في الجامعة ؟ نور : كان يوم عادي .. وصلت الجامعة متأخر فبسرعة رحت محاضرتي بعدين قعدت وية نوف في الكافتيريا و اكاني الحين في السيارة معاك ابو نور : انا اللي اقصده يومج وية ربعج القدامى نور : ما شفتهم .. يبين اوقاتهم مختفلة .. الا شخبار الصفقة ؟ ابو نور : قصدج الصفقة اللي وية شركة بو فارس ؟ نور : اها ابو نور : كل شىء تمام نور : الحمدلله ابو نور : اشفيج يا بنيتي ساكتة .. قولي لي !! نور : الصراحة يبة انا ابي اروح اتعلم السواقة عدل .. مع اني اعرف اسوق و عندي سيارة بس المشكلة ما عندي ليسن فاخاف في يوم من الايام الشرطة تصيدني و اروح فيها .. ابو نور و هو يفكر : اي صدقتي الله ستر يوم دعمج اخو رفيجتج نور : يعني يبة اروح ابو نور : اكيد لازم تروحين و باسرع وقت نور : مشكوووووووووور ابو نور : لا تشكريني الا لما تروحين الكورس .. الحين بتصل في المدرب اللي درب خالج على السواقة عشان يعلمج .. نور بابتسامة كبيرة : ............ ابو نور اتصل في المدرب بعد ما طلع رقمه اللي كان مخزن في جواله : الو المدرب : نعم من معاي ؟ بو نور : معاك ابو نور المدرب : يا هلا .. شلون اخدمك اخوي بو نور : ابي اييب بنتي عشان تتعلم السواقة .. المدرب : لحظة بشوف اللستة اللي عندي .. عشان اعرف متى فاضي بو نور : خذ وقتك المدرب بعد ما شاف اللستة : يناسبها يوم الخميس للتدريب .. بو نور : اي وايد زين بس ما خبرتني جم مرة لازم تيي عشان تحصل رخصة القيادة ؟ المدرب : على حسب .. هي تعرف تسوق ؟ بو نور : اي تعرف المدرب : آه منهم ها الجيل كلهم طايشين .. بو نور : ههههه هاي بعد قدرنا احنا نعاني منهم المدرب : خلاص يوم الخميس ييبها و اذا تعرف وايد زين تسوق .. بعطيها اختبار و اذا نجحت فيه بتحصل الرخصة بكل سهولة بو نور : مشكور المدرب : لا شكر على واجب تابع .. Quote Link to comment Share on other sites More sharing options...
شنقص Posted مايو 14, 2005 Author Report Share Posted مايو 14, 2005 الحين خلونا نرجع للجامعة :: نوف كانت واقفة برع الكافتيريا تنطر أخوها .. و كانت تستحي تدش داخل الكفتيريا لان أحمد موجود .. فقالت في قلبها : ابرك شىء اروح اتصل فيه و اقول له اني قاعدة أنطره عشان يسرع و يي .. نوف : الو يوسف : ها نوف شتبين ؟ نوف : تعال بسرعة اخوي صار لي ربع ساعة انطرك برع الكافتيريا يوسف : ربع ساعة ليش ما خبرتيني ؟ نوف : خفت اسوي لك ازعاج يوسف : حصل خير الحين بيي و بوديج البيت نوف : اكاني ناطرتك باي يوسف : مع السلامة .. قام يكلم أحمد و فارس : باي شباب أحمد : على وين يوسف ؟ يوسف : نوف تنطرني برع فارس : ما شبعنا من جلستك أحمد : بسرعة روح حرام عليك خال اختك بروحها يوسف و هو مستغرب : شالحماس أحمدو أحمد : لا حماس ولة شىء .. بس حرام عليك خالها بروحها يوسف بطنازة : تبي الفكة مني ؟ أحمد : اي تصدق يوسف : مالت عليك .. خلني اروح لاختي احسن أحمد : هههههههه يوسف : اي اضحك و مشى عنهم .. و خذ أخته و راحوا البيت .. في الطريج نور اتصلت في نوف : نور : الو نوف : هلا بالطش و الرش و ماي المرد و الزعفران نور : الله الله كل هاي لي نوف : و اكثر نور : يا بعد جبدي انتي .. تعالي نوفو انا ابوي اتصل لمدرب خالي و خذ لي موعد عشان يعلمني السواقة نوف : قصدج المدرب نايف ؟ نور : اي هو نوف : هاي بعد درب يوسف على السواقة نور : عيل زين اتصلوا فيه و اخذي لج موعد نوف : خلاص عيل نور : بخليج الحين سي يو تومورو نوف : باي .. يوسف : نور كانت على الخط ؟ نوف : اي نور بس ليش تسأل ؟ يوسف : يعني حرام اسال نوف : لا بس هاي اول مرة تسأل .. مدري احس انك وايد مهتم فيها يوسف : و اذا كنت مهتم فيها انتي شدخلج .. يالله نزلي وصلنا البيت .. طلعت نور من السيارة و على ويهها علامة استفهام كبيرة .. شرايكم بالجزء ؟ و ابي توقعاتك و ترانا وايد قصرنا بحق حسن و أحلام فانشاءالله الجزء الياي بيكون عنهم Quote Link to comment Share on other sites More sharing options...
شنقص Posted مايو 14, 2005 Author Report Share Posted مايو 14, 2005 ان شاء الله عجبتكم القصه بس انه حبيت اخبركم ان بكرة اخر يوم انزل لكم لان بكون مشغوله بالامتحانات فان شاء الله اذا صار عندي وكت بخلص الامتحانات 1\6 ارجوا ان تعذروني وتسامحوني Quote Link to comment Share on other sites More sharing options...
بنية كووووووووووووووول Posted مايو 14, 2005 Report Share Posted مايو 14, 2005 بوووووو صج القصه حلووووووووووووووووة تصلحين كاتبه والله تحياتي بنيه كووووووووووووووووووووووووول باااااااااااااااااااااي Quote Link to comment Share on other sites More sharing options...
JeNeYa Posted مايو 14, 2005 Report Share Posted مايو 14, 2005 ثااااااااااااااانكس على القصة ننتظر الباقي بس حاولي بلييز لا تتاخرين علينا على الاقل في الاسبوع مرتين تسلمين على المجهووود الحلوووو Quote Link to comment Share on other sites More sharing options...
kazzam Posted مايو 14, 2005 Report Share Posted مايو 14, 2005 يسلموو Quote Link to comment Share on other sites More sharing options...
شنقص Posted مايو 15, 2005 Author Report Share Posted مايو 15, 2005 ثانكس بس مب انه الي كاتبه القصه انه قريتها وحبيت انشرها في المنتدى لان وايد حلوه بس على العموم المهم عاجبتكم يصير انزل لكم اجزاء وايد في مرة وحده علشان انخلصه بسرعه؟ Quote Link to comment Share on other sites More sharing options...
المحــ قطـر ــروم Posted مايو 15, 2005 Report Share Posted مايو 15, 2005 هذا احسن .......... وبندعيلك من قلوبنااااااا..... Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.