بروك Posted ديسمبر 12, 2005 Report Share Posted ديسمبر 12, 2005 هلا والله بفنانا المحبوب منصور اولا حبيت ارحب فيك ثانيا اذا انت موجود ابيك ترد على سؤالي _ شنو رايك في الفنان الكويتي محمد العجيمي بما انك قضيت معاه فترة طويلة في تمثيل مسلسل عذاري وخصوصا انه كل معاك في المسلسل ابي رايك بصراحة ومن جميع الجوانب تحياتي بروك Quote Link to comment Share on other sites More sharing options...
قائد الغزلان Posted ديسمبر 15, 2005 Report Share Posted ديسمبر 15, 2005 هلا منصور وبعد بسألك مرة ثانية ليش يسمونك صنغيمة وشنو معني صنغيمة سامحني على الفضولية الي فيني تحملني اشوي بس انا متحير ياريت تجواب على سؤالي اذا ممكن Quote Link to comment Share on other sites More sharing options...
شمس الضحى Posted ديسمبر 21, 2005 Report Share Posted ديسمبر 21, 2005 هلا والله بفنانا المبدع منصور . أنا بغيت أسألك كذا سؤال أنت ماتلاحظ ان المسرحيات الي يقوم المخرج محمد القفاص بإخراجها كلها نسخة من بعضها ؟ يعني مافي تجديد كلش في النص وهو قاعد يكرركم وهذي الشي مب في صالحكم . وليش أنتوا دايما تعرضون مسرحياتكم على مسرح النادي الأهلي ؟ مع أن النادي الأهلي غير مهيأ لأن تقام عليها أي عروض فأنا من رأيي أنكم تعرضونه في صالات احد الفنادق لأنها أكبر وأحسن , وتره الحين سووا مسرح يديد على ما اعتقد لجميع الأغراض بما فيها العروض المسرحية . وبغيت اسالك سؤال شخصي :هل أنت متزوج ؟ Quote Link to comment Share on other sites More sharing options...
o AnGeL eYeZ o Posted ديسمبر 21, 2005 Report Share Posted ديسمبر 21, 2005 ياهلا ويا مسهلا فيك اخوي منصووووور والله نورت المنتدى وآنه اقول شفيه المنتدى صاير سريع وكل شيء فيه حلوو اثاري انت فيه ويلا حبيت بس اسلم عليك واقول لك إن امي تموووت عليك وكله تروح المسرحيات إلي انت فيها تقول انت واايد كوميدي وتضحكها وبس ماعندي اساله وإذا بقول سؤال : امممممممممممممممم شنهوووو بتقدم من اعمال عقب عذاري وهل بتتجه حق التلفزون عن المسرح؟ وشكرا Quote Link to comment Share on other sites More sharing options...
feedee_1 Posted ديسمبر 21, 2005 Report Share Posted ديسمبر 21, 2005 السلام.. و اللة..انت يا منصور و احمد مجلي...اكثر ناس تضكون في مسرحيات العيد اللي تنعاد الف مرة.. صراحة ما تمللنا منكم..بس نطلب منكم التغيير.. و بسأل...يعني شنو صنغيمة و من سماك بهالأسم الغريب... و شكرا.. Quote Link to comment Share on other sites More sharing options...
الراحلة إلى عالم العشق Posted ديسمبر 21, 2005 Report Share Posted ديسمبر 21, 2005 فرقة ممتازة ومن الشموع المضيئة اخونا (صنقيمة) اتمنى لك خطوات سريعة نحو الافضل .. تحياتي وكل تقديري أهديه لك.. Quote Link to comment Share on other sites More sharing options...
Amoor Posted ديسمبر 24, 2005 Report Share Posted ديسمبر 24, 2005 هلا و غلا أخوي منصور نور المنتدى عندي سؤال ممكن هل ستكون متواجد في كل الأوقت معانا في المنتدى ؟ والصراحة أنت خوش فنان كوميدي أنشالله نشوفك ع الشاشة البحرينية تحياتي لك أمووور Quote Link to comment Share on other sites More sharing options...
شمس الضحى Posted ديسمبر 26, 2005 Report Share Posted ديسمبر 26, 2005 الصراحة أنا خايفة عليك ان ياخذونك الكويت في أعمالهم ويستغلون فنك وإبداعك وتروح عن البحرين مثل مخرجنا أحمد يعقوب المقلة . Quote Link to comment Share on other sites More sharing options...
alhanoona Posted ديسمبر 29, 2005 Report Share Posted ديسمبر 29, 2005 ،، يا هلا والله فيك ،، Quote Link to comment Share on other sites More sharing options...
منصور الجداوي Posted ديسمبر 29, 2005 Report Share Posted ديسمبر 29, 2005 بسم الله الرحمن الرحيم والصلاة والسلام على سيدنا محمد النبي الأمي وعلى آله وصحبه اجمعين في البدايه اتقدم الى أسرة الفقيده بأذن الله تعالي الأخت نبأ الخزاعي بكل مشاعر الأسى راجيا من الله عزوجل ان يتغمد الفقيده بواسع رحمته ويسكنها فسيح جناته وان يلهم ذويهى الصبر والسلوان على هاذا المصاب الجلل ان العين لتدمع وان القلب ليغشع ولا نقول الا مايرضي ربنا الله يرحمها ويرحم كل اموات المسلمين الأخ بروك تحيه طيبه وبعد انا كان لي الشرف بلقاء الفنان الأخ محمد العجيمي في مسلسل عذاري والحقيقه كل اللي اقدر اقوله في حق هاذا الفنان انه الفنان الأنسان في تعامله معي وسعة صدره تجاهي شخصيا وتجاه الزملاء عامتا فهو كان لي في فترة التصوير الأخ والصديق والوالد والمدرس وكان ينبهني لشغلات كنت اغفل عنها بحكم حداثتي في التمثيل التلفزيوني وطريقة فهم الشخصيه وهو من الأسباب التي نجحت دوري وفعلته وتفاعل معها الجمهور الى آخر المسلسل فكل الشكر من بعد الله والمخرج محمد القفاص لهاذا الفنان اللي حسسني ان الفن موبس مجرد انك تكون مشهور او انك تتقن لعب الأدوار هاذا الفنان عطاني اكبر درس وهو ان الفنان بقدر مايرتفع بين الناس لازم يتواضع وللأسف هاذي المعادله مفقوده عند كثير من فنانينا الا من رحم ربي . قائد الغزلان تعرف اني مخبي سر هاذا اللقب اكثر من 19 سنه لكن الظاهر ان في عالم الشهره محد له حق يخش شي عن متابعينه بأختصار انا موبحريني انا سعودي المولد اماراتي الأهل عماني الأصل افريقي الجذور وهاذا اللقب يرجع الى بلد يسمونه سواحل وهو في آخر منطقه بين عمان واليمن وافريقيا ومعناها العبد اللي مايفهم اما من اطلقه علي فهو امي الله يسامحها لماظرب الطلاب اللي معاي بالصف الثاني ابتدائي كلمها المدير وقالها ولدج شيطان وايد فردت عليه ماعليكم منه اهو متخرع لأنه ماعنده اخوان هاذي الا سنكيما وليس صنقيمه فلم سمع المدير هاذا اللقب ضحك لأنه غريب وانتشر في المدرسه ولزق فيني ليومنا هاذا ولأنه غريب فكل واحد تم ينادي بطريقه ويكتبه بطريقه ليما استقرو على صنقيمه ولما بديت امثل في سنه 96 مع المخرج محمد القفاص حبو يطلقون علي اسم فني فقال المخرج مابنلاقي احسن من صنقيمه وبس هاذا انا اعاني من غلطه امي تسببت فيها وصرت مجبور اتماشا مع اللي حبوه الجمهور فيني الغريب انه مره من المرات ياني طفل في كواليس المسرح وقالي اسم عايلتك من اي بلد بغيت اطقه بس شفت امه فضحكت وقلت لا حبيبي هاذي العايله انا اصلها واللي بعدي بيقولون فلان بن فلان آل صنقيمه . شمس الضحى مع التحيه في البدايه انا اشكرج على قوة ملاحظاتج اولا احب اقولج ان القفاص عنده اسلوب مميز في طرح مواضيعه والتي عادتا ماتكون مستوحاه من المجتمع اللي احنا عايشين فيه انا معاج انه في فتره من الفترات كرر نفسه ودار في نفس الحلقه اللي بس بالنهايه هو مايقدر يقدم اوينتقد موضوع خارج اهتمام المواطن ولذلك اغلب جمهونا بحريني 100 % ان شالله وبضل تشجيعكم بنقدر نطور من ادواتنا وبنقدر نتطرق الى آفاق ثانيه تشد انتباهكم اما بخصوص الصاله فأنا معاج في ان الصاله لا تصلح الا لعشى عرس هنود بس شنسوي القفاص محارب من التلفزيون والسبب مواضيعه اللي يطرحها واللي بدورها تنفس عن غضب المواطن وتبط جبد المسؤولين واكبر دليل على كلامي ياريت تشرفينا في العيد وبتشوفين وبتسمعين اللي مايخطرلج على بال والله يستر صج انا خايف اما بخصوص سؤالج الأخير فأنا مومتزوج . باب الليل مشككككور وايد على هاذا الشعور والله يخليكم لي الصراحه تشجيعكم هو اللي يخليني ابذل كل مافي طاقتي علشان اصير مصدر ابتسامتكم وسلملي على الوالده وبوس يدها وقولها منصور يقولج يمه ادعيلي ان يوفقني في هاذي المسرحيه اما عن سؤالك الثاني فأحب اقولك اني بعد ماخلص من هاذي المسرحيه راح ارتاح شويه علشان احضر نفسي بشهر 4 علشان اقف امام الكاميرا في مسلسل قطري بحريني من انتاج تلفزيون قطر وان شالله راح يكون مخالف تماما عن العملين اللي قدمتهم وبأذن الله شهر 8 راح اروح لمصر علشان اركب صوتي على اغنيتين من البومي الأول واللي راح يكون مختلف تماما عن اللي موجود بالسوق وان شالله نبقى متواصلين علشان اعطيك نسخه عربون صداقه وبالنسبه لسؤالك الأخير صحيح ان التلفزيون يغري ويشهر اكثر بس ياخي اللقى مع جمهوري ويه بويه له عندي مذاق ثاني احس وآنا معاهم بالصاله انهم اهلي ويو يعايدون علي انا تربيت وحيد ويتيم لا ابو ولا اخو ولا ولد عم انا اعتبرهم كل اللي فقدتهم . اهلين فدييييييييييي سوري اسمك ماعرفت اكتبه لأنه ماعرفت اقراه الحقيقه مشكووووووووووور انك ماتمللت منا وانا اوعدك عن نفسي اني اغير من ادواري ويالله تشجيعك هو اللي بيخلي الشباب غصب يتغيرون ويقدمون شي جديد . الراحله الى عالم العشق تحياتي لكل العشاق والى عالمهم وشكرا على هاذا اشعور الشموع المضيئه اذا مالقت اللي يناظرها تنطفي بدون اي فايده انتو القاعده ومثل ماقال المثل الصيني شون داي بي داو يعني اللي ماله اول ماله تالي انجيل هااااااااااااااااااااااااااااااااااااااااااااااااااااااااااااااااااي والله انتو تخجلوني بسؤالكم عني وتعقب اخبراي وانا لو بيدي كان قعدت معاكم طول اليوم على النت بس والله اللي مانعني عنكم هو الجديد اللي يونسكم ويخليني دايما في بالكم وهاذا مايجي الا بالتعب علشان الآقي كل هاذي القلوب اللي حولي . شمس الضحى لا تخافين على اخوش انا مادخلت الفن علشان الفلوس او علشان اكون توم كروز العرب انا واحد عادي واقل من العادي انا انسان حبيت هاذا الدرب واي عمل يجيني ويعجبني أأديه في البحرين او برع البحرين واول مايخلص تشوفيني بشوارع بلادي وبين اهلي انا قبلت التحدي وان صنقيمه ظاهره وتنتهي بس مو غريبه هاذي الظاهره تمت 9 سنوات وبعد للحين ما انتهت وان شالله ماتنتهي الا بطلوع الروح لباريها بعدين مثل مايقولون ابليس مايكسر مواعينه وعمر الشقي بقي . الحنونه اهلين فيك Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.