Jump to content
منتدى البحرين اليوم

المراه البحرينيه ...... مدربه سياقه !!!


Bounty

مارأيك بوجود مدربات للسياقه  

43 لقد صوت الأعضاء

  1. 1. مارأيك بوجود مدربات للسياقه

    • أؤيد
      24
    • لا أؤيد
      10
    • لا يهمني الامر
      7


Recommended Posts

السلام عليكم ورحمه الله وبركاته

 

 

قبل ما ابدا الموضوع احب اقول لكم شي عشان اخلص ظميري

 

ان هالاستبيان والردود محتاجتهم الى مشروع

 

يعني راح انشر الاراء او بعضها

 

وطبعا بدون اسماء

 

 

فاللي ما يحب ان احط رده يقول وانا محترمه اراءكم

 

 

 

 

 

المهم ندخل بالموضوع

 

طبعا من فتره مو قليله سمح للمراه البحرينيه انها تكون مدربه سياقه

 

فما رايكم انتو بهالموضوع <<<<< وليش

 

وشنهي الايجابيات والسلبيات من وجهه نظركم

 

 

 

 

 

وتحياتي..

Link to comment
Share on other sites

انه اؤيد هالموضوع

 

مع اني خذت الليسن قبل هالقرار بس حبيت ابدي رأيي،،

 

اول شي ايجابي في هالموضوع ان اي شخص يبي يتدرب عنده حرية الاختيار بين الريال او المرأة عشان يختار الشخص اللي يحس انه بياخذ راحته معاه اثناء التدريب،،

 

وبعدين السالفة مافيها الريال يمشي احسن من المرأة او العكس الجنس مايحدد من الافضل في التدريب يعني ماعتقد بيختارون اي احد عشان يكون مدرب او مدربة،،

 

وانه اجوف ان الموضوع مافي له سلبيات بالعكس قرار جدا ممتاز انهم يخلون المرأة مدربة سياقة،،

 

ومسامحة على الاطالة

 

تحياتي Bahrain.gif

Link to comment
Share on other sites

أؤيد اكيد ،

لأن في بنات يرتاحون اكثر مع البنات اللي نفسهم ،،

يعني لما ريال يدربهم يخافون ــ و مع المرأة بياخذون راحتهم ،،

و المرأة بعد تطول بالها في هالسوالف ،،

لكن الريال يمكن حتى يصارخ على اللي يدربه

وبس

Link to comment
Share on other sites

وعليكم السلام00 باونتي

 

الموضوع جدا مهم00 فعلاً البعض من الفتيات يرتاحون للمرأه أكثر

 

لأن المرأه تتعامل بلطف مع التلميذه00 عكس الرجل أتوقع أنه يصارخ

 

على أي خطأ بسيط ولا يهتم ويجعل المتدربه تتخسبق وتدوده و تخق

 

وماتعرف يمينه من شماله00 وبذلك أنا من المؤيدين لأن تكون المرأه

 

مدربة سياقه 0

 

شكرا على الموضوع00 باونتي 0

Link to comment
Share on other sites

user posted image

 

أؤيد thumbup.gif

لان في بعض من الناس مايسمحون حق

بناتهم يركبون مع مدرب سياقه (( ريال ))

فعشان مايمنعونهم من السواقه لازم تكون

مدربه سياقه موجوده biggrin.gif

 

user posted image

Link to comment
Share on other sites

مشكورين كلكم على ابداء اراءكم

 

 

واحب اوضح نقطه مهمه في هالسالفه

 

ان الخلوة بين المراه والرجل حرام ... يعني المرا تضطر اذا تبي تتدرب انها تاخذ معاها محرم

 

كما ان السماح للنساء انهم يدربون سياقه كان لرفع الحرج عن المراه

 

لان شكثر حريم محتاجين يسوقون لكن ما يتدربون بسبب ان المدرب رجل

 

 

 

هذي مجرد نقطه من الموضوع

 

وشكرا على الردود

 

 

Link to comment
Share on other sites

والله ما عندي ثقة في سياقة البنات

ما اقول ان كل البنات سياقتهم مو عدلة

ولا اقول كل الرجال تدريبهم عدل

بس السنة الجاية اذا بتدرب ان شاء الله مع مدرب

 

فالجواب لا يهمني الأمر لاني في جميع الاحوال ما باخذ مدربة

وشكرا

Link to comment
Share on other sites

 

بالنسبة لي ما يهمني الامر ذاك الزواد

بس اقول ان مهنة مدربة سياقة عادية

شنو اللي يمنع ان المرة تزاولها يعني

في عوايل ما تسمح لبناتها يركبون مع ريال

يبون لهم مدربة فذي حل لهم

 

Link to comment
Share on other sites

بالنسبه لي مايهمني الموضوع

 

لكن من وجهة النظر ان المفروض يكون فيه مدربات

 

لان في بعض النسوان ايخافون على روحهم فالمدربات زين لهم

 

على العموم مشكوره اختي على الموضوع الحلو

Link to comment
Share on other sites

تسلمين أختي على الموضوع الحلو والإستبيان الأحلى ،،

 

بـ النسبه لي أنا مؤيده للـ مدربات ،،

 

خاصه إني متدربه عند وحده منهم ،،

 

وماشاء الله عليها ،، وايد حبوبه ،،

 

وبـ نفس الوقت كانت نوعاً ما شديده ،،

 

يعني والحمدلله وايد إرتحت لها وإستفدت منها ،،

 

وبفضل الله ثم بـ فضل تدريبها الممتاز ،،

 

نجحت من أول تراي ،،

 

لأنها كانت وايد وايد وايد زينه ،،

 

 

وبـ طبيعة البنت ،،

 

ترتاح أكثر لما تكون إللي معاها بنت مثلها أو إمرأه ،،

 

يعني تاخذ راحتها أكثر ويكون الوضع أسهل في التعامل ،،

 

 

 

ومثل ما المدربين ،، فيهم الزين والشين ،،

 

هم المدربات فيهم الزين والشين ،،

 

ويمكن في مدربات أحسن بـ ألف مره من المدربين بعد ،،

 

 

 

 

والله الموفق ،،

Link to comment
Share on other sites

مشكورين جدا لى ردودكم وتفاعلكم .....

 

 

ومثل ما قالت اختي نوفه مثل ما المدربين فيهم زين وشين

 

هم المدربات فيهم زين وشين

 

وبعدين ما راح يخلونها تدرب الا وعندها كفاءه وقدرة

 

 

Link to comment
Share on other sites

ما في فرق بين رجل و مراة

 

فهو مجال عمل

 

وكل واحد\ منهم يثبت جدارته في هالمجال

 

 

انا اؤيد

 

لأن يخفف من نسبة البطالة

 

 

 

تحياتي

 

حمبووف

Link to comment
Share on other sites

user posted image

 

انا الصراحه أأود هالشي والحمدالله ان موجود عندنا..

في وايد بنات يخافون او يستحون يركبون ويا الرياييل علشان جذي يبون بنات يدربونهم,, ومنها بعد تخفيف على الرياييل..

 

user posted image

Link to comment
Share on other sites

user posted image

...

..

.

 

 

 

اكيد انا من المؤيديدن

لان بعض من البنات

صعب عليهم بان يفهمو او ان يتعاملو مع الرجال من المدربين

ربما لانهم لم يتعاملو معهم كثيرا

فلذلك سوف تعاني من كيفية الكلام معه او ربما تخجل من ان تسأله كثيرا

 

والمدربة سوف تسطيع ان تعلمها وتتعامل معها بكل سهوله

و قادرين على ان يفهمو بعض

 

والاكثر من ذلك هو ان

التدرب عند المدربة أأمن من المدرب للفتاه

وسوف يزول عنها الشعور بالخوف

 

 

وفي الاخير

ان المدربة سوف لن تقلل من قيمة المدرب

وكل شخص له الحرية في ان يختار من يريد

 

 

وشكرا باونتي على الموضع

 

.

..

...

user posted image

 

 

Link to comment
Share on other sites

اؤيد ذلك

بسبب ان هناك بعض من الاباء يلأبون بناتهم ان يركبوا

مع رجال فبوجود النسوة المدربات يمكن ان يتدربن

وكذلك ان الفتاة ربما تخجل من المدرب الرجل وبامكانها

ان تتكلم اذا لم تعرف من المراة

على الرغم من انني تدربت مع رجل

لكن كل واحد له الحق الاختيار بين المراة والرجل

واختياره هو السديد ومايرتاح له

تحياتي لج للموضوع

 

ودربكـــــــــم خضـــــــــــر

Link to comment
Share on other sites

السلام عليكم

 

 

 

تـــــــــــم التـــــصويت

مـــــــؤيد

 

 

موضوع جميل باونتي كما عودتينا

 

انا مؤيد تام للمرأه في هذا المجال ,, بسبب بعض الأمور

وأولها ارتباك الفتاه في هذه الأوقات من القياده و ارتباكها من

المدرب بصفته رجل في نفس الوقت

 

اما المرأه كمدربه ,, فأرى انها الأفضل لسهوله وصولها لقلب الفتاه

ولسهوله معرفتها بأحتياجات البنت و افكارها ويمكنها طمئنه المتدربه بطريقه

اسرع واسهل من الرجل وذلك بسبب طبيعتها الأنثويه ,, التي بأمكانها معرفه مابالبنت

من خفايا من دوم الحاجه للسؤال

 

 

 

دمتي لنا باونتي ,,

 

 

شكراً ...

 

دمتم سالمين

Edited by بوحصـه
Link to comment
Share on other sites

 

وانه عن نفسي من المؤيدين لوجود المدربات

 

لان المراه لما تتدرب مع رجل يمكن اتكون حتى ما تعرفه قد يسبب لها ذي الشي الاحراج و ما بتكون مرتاحه كلياً,,

 

لكن لما تتدرب مع مدربه فتقدر تاخذ راحتهاا اكثر ,,

 

ويسلموو ع الموضوع

Link to comment
Share on other sites

بسم الله الرحمن الرحيم

 

السلام عليكم ورحمة الله وبركاته،،

 

كثير من البنات يمتنعون عن التدرب والسبب ان المدرب ريال

 

يمكن يكون عندهم احراج اذا ريال معاهم

 

والبنت تقدر تتفاهم مع المدربة اكثر من المدرب

 

لذلك انا اوافق

 

لكن هذا ما ينفي ان سياقة البنات كجرة dry.gif

 

ومشكورة bounty ع الاستبيان

 

واتمنى انج تستفيدين من ردودنا

biggrin.gif

Link to comment
Share on other sites

مشكورين جدا على تفاعلكم هذا وردودكم الراااااائعه

 

اشكر كل واحد صوت بالموضوع وكلف على نفسه يرد عليه

 

ما تدرون شكثر قاعدين تساعدوني بردودكم هذي

 

 

 

وترى الاعتقاد بان المراه ما تعرف تسوق غلط

 

لان الحريم يتفاوتون في هالشي

 

ويمكن حرصها الزايد على اتباع القوانين وحدود السرعه والتزامها يخليها ما تعرف تسوق بنظر الناس المتهورين cool.gif

 

 

 

 

 

ونقطة اخرى:

 

ان بعض الرجال ما يؤدون سياقه المراه

 

لانهم يعتبرون هالمجال خاص فيهم ودخولها له اقتحام

 

وكان مو من حقها تشتغل مثل ما يشتغلون

Link to comment
Share on other sites

السلام عليكم ورحمه الله وبركاته

 

 

هلا والله اختي باونتي

 

 

انا عن نفسي .. احس ان تدريب السياقه مهنه المفروض المره ما تخوضهاااا .. ليش ؟؟

 

 

لان المره بطبيعتها تخاف من وايد اشياء .. وخصوصا لما تيييلك سياره كبيره ..تخاف لا تيي يمها .. وأكثر مسببن الحوادث النسوان .. ( مو قصدي اني اتهجم على النسوان ولا حاجه ) بس بعض الحوادث الخفيفه اللي تصير المره هي اللي تكون متسببه عنها .. بغض النظر عن حوادث الشباب اللي اغلبها .. تهوور وسرعه ..

 

 

وعلى قولة البعض المدربين الرياييل لك عليهم .. الا النسوان ..

 

 

والمره يكون عندها تحفظات اكثر ... يعني راح يكون تدريبها للسياقه في حدود معينه .. وماعتقد ان هالشي راح ينفعها ..

 

 

فليش ما نترك الشغله حق ناسها .. ؟؟ واللي هم الرجال ...

 

 

مو القصد ان الأمراة ما تجيد الشغل اللي يوكل اليها ... انما لكل شي ناسه ..

 

 

والشكر لج عزيزتي

 

 

Link to comment
Share on other sites

مشكورة أختي عالمرور والرد

 

وكلامج فيه كثير من الصحه

 

ان المراه بطبعها متحفظة جدا في السياقه

 

وهذا ما يعطيها المرونه اللازمه اللي تحتاجها عشان تسوق في الشارع

 

لان الشارع مو كله حريم مثلها متحفظين

 

فيه اشيا وايد تدفع بها الى انها تترك تحفظها شوي

 

 

ويمكن فعلا هالشغل ما خلق للحريم اصلا

 

Link to comment
Share on other sites

انا اؤيد وبشده

ليش؟ لان في بعض البنات يستحون من الرجال وبعض الاهل ما يخلون بناتهم يسوقون بحجة ان مدرب مو مدربة

Link to comment
Share on other sites

السلام عليكم ورحمة الله وبركاته

 

أنا من المؤيدين طبعاً لهذا القرار

 

أول سبب لأن البنت تقدر تاخذ راحتها مع المدربة .. إذا غلطت في الشارع و المدربة لمست يدها حتى تعدل (السكّان) على الأقل البنت ما بتنحرج من هالشيء ..

 

وبعد المدربة على الأقل تركب معاها بدون ما تحاسب لمسألة الخلوة مع المدرب .. حتى لو كان المدرب محترم .. بعض الأهل ما يوافقون أن بنتهم تتدرب مع ريال . أو حتى الأزواج ما يوافقون أن زوجاتهم يدربونهم رياييل .

 

بعض المدربين يصرخون على المتدربة إذا غلطت بصوتهم الرعب ويخلونها تعتفس من فوق لي تحت .. بعكس المدربة لو صرخت أتوقع البنت ما راح تسكت وبترد عليها بجرأة شوي.

 

بس فكرة الممتحنات ما أؤيدها بالمرة .. لأن أختي رسبتها وحدة حقيرة تشتغل في المرور وكانت الحمدلله و الشكر كأنها حيزبونة ما تبتسم ولا تحاول تخفف من خوف البنت .. إلا بالعكس تحاجيها بعصبية .. ليش ماكله حلالج البنت ..

 

صج أشكال ترفع الضغط zqa13.gif يبيلها جم طراق يعدل لها ويهها شوي .. ويوم دخلت مع ممتحن قال لها سياقتج من أحسن ما يكون مع من دخلتي اول مرة .. يوم قالت له .. قال لها ببببببببببببببل أعوذ بالله صج مكشوحة .. مادخلتي إلا مع ذي عدوة البنات dde20.gif

Link to comment
Share on other sites

مشكورين عالمشاركة خواتي

 

 

واحيانا فعلا مثل ما قلتي اختي السنيارية يكون المدرب الطف ويا المراه من المدربه

 

يعني مو بالظرورة كل مدربة يعني زينه

 

هذا شي يتفاوت فيه المدربين والمدربات

Link to comment
Share on other sites

تم التصويت .. " أؤيد " ..

 

بعض البنات ما يرتاحون يطلعون مع رجال .. أو يرتبكون لما يكونون

 

مع رجال بروحهم .. أو يمكن أهلهم يخافون يخلونها مع رجال بروحها

 

فيفضلون وجودها مع مرأة ..

 

ففي هاي الحال .. إحنا نحتاج لمرأة لتعليم السياقة ..

 

 

و بالنسبة لي ..

 

ما أفضل إني أتدرب مع مرأة .. لأنه أحس إنه الرجل يتقن هذا العمل

 

بشكل أفضل من المرأة ..

 

 

و شكراً على طرح الموضوع ..

Link to comment
Share on other sites

انا اؤيد هل شي cool.gif

 

لان في بنننات اهل هم ما يرضوون يرووحوون ويا ريااال يدربهم مو عدلة ph34r.gif

 

 

و ثاني شي الحين الناااس ما قاامووو يحصلوووون شغل يامن لهم العيش و الاكل و الصحة

 

يعني عل الاقل يشتغلووووون و يحصلون لهم جم بيزة whistling.gif

Link to comment
Share on other sites

مشكورين جدا على المرور والرد

 

 

وهذا مثل ما قلت خوي ولد البحرين شغل وكل من محتاج شغل هالايام

 

واذا كانت الحريم مو متكمكنين الحين من السياقه 100%

 

في المستقبل انشالله ومع الايام تتعود المراه على هالمجال وتبرع فيه بعد

 

 

Link to comment
Share on other sites

Join the conversation

You can post now and register later. If you have an account, sign in now to post with your account.

Guest
الرد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Loading...
×
×
  • Create New...