[Bounty]

السلام عليكم ورحمه الله وبركاته


قبل ما ابدا الموضوع احب اقول لكم شي عشان اخلص ظميري

ان هالاستبيان والردود محتاجتهم الى مشروع

يعني راح انشر الاراء او بعضها

وطبعا بدون اسماء


فاللي ما يحب ان احط رده يقول وانا محترمه اراءكم





المهم ندخل بالموضوع

طبعا من فتره مو قليله سمح للمراه البحرينيه انها تكون مدربه سياقه

فما رايكم انتو بهالموضوع <<<<< وليش

وشنهي الايجابيات والسلبيات من وجهه نظركم





وتحياتي..

[Cherry Bloom]

تــــم

لا أؤيد

إذا الرياييل مو لي هناك أكثرهم

عيل المرة

وهذي رايي

[MissWrangler]

انه اؤيد هالموضوع

مع اني خذت الليسن قبل هالقرار بس حبيت ابدي رأيي،،

اول شي ايجابي في هالموضوع ان اي شخص يبي يتدرب عنده حرية الاختيار بين الريال او المرأة عشان يختار الشخص اللي يحس انه بياخذ راحته معاه اثناء التدريب،،

وبعدين السالفة مافيها الريال يمشي احسن من المرأة او العكس الجنس مايحدد من الافضل في التدريب يعني ماعتقد بيختارون اي احد عشان يكون مدرب او مدربة،،

وانه اجوف ان الموضوع مافي له سلبيات بالعكس قرار جدا ممتاز انهم يخلون المرأة مدربة سياقة،،

ومسامحة على الاطالة

تحياتي

[حلا الدنيا]

أؤيد اكيد ،
لأن في بنات يرتاحون اكثر مع البنات اللي نفسهم ،،
يعني لما ريال يدربهم يخافون ــ و مع المرأة بياخذون راحتهم ،،
و المرأة بعد تطول بالها في هالسوالف ،،
لكن الريال يمكن حتى يصارخ على اللي يدربه
وبس

[بحريني قح]

وعليكم السلام00 باونتي

الموضوع جدا مهم00 فعلاً البعض من الفتيات يرتاحون للمرأه أكثر

لأن المرأه تتعامل بلطف مع التلميذه00 عكس الرجل أتوقع أنه يصارخ

على أي خطأ بسيط ولا يهتم ويجعل المتدربه تتخسبق وتدوده و تخق

وماتعرف يمينه من شماله00 وبذلك أنا من المؤيدين لأن تكون المرأه

مدربة سياقه 0

شكرا على الموضوع00 باونتي 0

[كركــ(الدلوعه)ــوشه]

أؤيد
لان في بعض من الناس مايسمحون حق
بناتهم يركبون مع مدرب سياقه (( ريال ))
فعشان مايمنعونهم من السواقه لازم تكون
مدربه سياقه موجوده

[Bounty]

مشكورين كلكم على ابداء اراءكم


واحب اوضح نقطه مهمه في هالسالفه

ان الخلوة بين المراه والرجل حرام ... يعني المرا تضطر اذا تبي تتدرب انها تاخذ معاها محرم

كما ان السماح للنساء انهم يدربون سياقه كان لرفع الحرج عن المراه

لان شكثر حريم محتاجين يسوقون لكن ما يتدربون بسبب ان المدرب رجل



هذي مجرد نقطه من الموضوع

وشكرا على الردود

[haboba]

والله ما عندي ثقة في سياقة البنات
ما اقول ان كل البنات سياقتهم مو عدلة
ولا اقول كل الرجال تدريبهم عدل
بس السنة الجاية اذا بتدرب ان شاء الله مع مدرب

فالجواب لا يهمني الأمر لاني في جميع الاحوال ما باخذ مدربة
وشكرا

[fakroo]

من الموئيدين لانه البنت الي تتدرب عند رجل يمكن ماتاخذ راحتها خاصة البنت المحجبه ولذى لابد من بديل للمدرب وهي المدربة

[ريفا المحرق]

بالنسبة لي ما يهمني الامر ذاك الزواد
بس اقول ان مهنة مدربة سياقة عادية
شنو اللي يمنع ان المرة تزاولها يعني
في عوايل ما تسمح لبناتها يركبون مع ريال
يبون لهم مدربة فذي حل لهم

[ولـد ديـرتي]

بالنسبه لي مايهمني الموضوع

لكن من وجهة النظر ان المفروض يكون فيه مدربات

لان في بعض النسوان ايخافون على روحهم فالمدربات زين لهم

على العموم مشكوره اختي على الموضوع الحلو

[نـوفـه]

تسلمين أختي على الموضوع الحلو والإستبيان الأحلى ،،

بـ النسبه لي أنا مؤيده للـ مدربات ،،

خاصه إني متدربه عند وحده منهم ،،

وماشاء الله عليها ،، وايد حبوبه ،،

وبـ نفس الوقت كانت نوعاً ما شديده ،،

يعني والحمدلله وايد إرتحت لها وإستفدت منها ،،

وبفضل الله ثم بـ فضل تدريبها الممتاز ،،

نجحت من أول تراي ،،

لأنها كانت وايد وايد وايد زينه ،،


وبـ طبيعة البنت ،،

ترتاح أكثر لما تكون إللي معاها بنت مثلها أو إمرأه ،،

يعني تاخذ راحتها أكثر ويكون الوضع أسهل في التعامل ،،



ومثل ما المدربين ،، فيهم الزين والشين ،،

هم المدربات فيهم الزين والشين ،،

ويمكن في مدربات أحسن بـ ألف مره من المدربين بعد ،،




والله الموفق ،،

[Bounty]

مشكورين جدا لى ردودكم وتفاعلكم .....


ومثل ما قالت اختي نوفه مثل ما المدربين فيهم زين وشين

هم المدربات فيهم زين وشين

وبعدين ما راح يخلونها تدرب الا وعندها كفاءه وقدرة

[hamoodeez]

ما في فرق بين رجل و مراة

فهو مجال عمل

وكل واحد\ منهم يثبت جدارته في هالمجال


انا اؤيد

لأن يخفف من نسبة البطالة



تحياتي

حمبووف

[أغـ حبيبه ـلى]

انا الصراحه أأود هالشي والحمدالله ان موجود عندنا..
في وايد بنات يخافون او يستحون يركبون ويا الرياييل علشان جذي يبون بنات يدربونهم,, ومنها بعد تخفيف على الرياييل..

[عيون البحرين]

...
..
.



اكيد انا من المؤيديدن
لان بعض من البنات
صعب عليهم بان يفهمو او ان يتعاملو مع الرجال من المدربين
ربما لانهم لم يتعاملو معهم كثيرا
فلذلك سوف تعاني من كيفية الكلام معه او ربما تخجل من ان تسأله كثيرا

والمدربة سوف تسطيع ان تعلمها وتتعامل معها بكل سهوله
و قادرين على ان يفهمو بعض

والاكثر من ذلك هو ان
التدرب عند المدربة أأمن من المدرب للفتاه
وسوف يزول عنها الشعور بالخوف


وفي الاخير
ان المدربة سوف لن تقلل من قيمة المدرب
وكل شخص له الحرية في ان يختار من يريد


وشكرا باونتي على الموضع

.
..
...

[عنيدة الخليج]

اؤيد ذلك
بسبب ان هناك بعض من الاباء يلأبون بناتهم ان يركبوا
مع رجال فبوجود النسوة المدربات يمكن ان يتدربن
وكذلك ان الفتاة ربما تخجل من المدرب الرجل وبامكانها
ان تتكلم اذا لم تعرف من المراة
على الرغم من انني تدربت مع رجل
لكن كل واحد له الحق الاختيار بين المراة والرجل
واختياره هو السديد ومايرتاح له
تحياتي لج للموضوع

ودربكـــــــــم خضـــــــــــر

[بوحصـه]

السلام عليكم



تـــــــــــم التـــــصويت
مـــــــؤيد


موضوع جميل باونتي كما عودتينا

انا مؤيد تام للمرأه في هذا المجال ,, بسبب بعض الأمور
وأولها ارتباك الفتاه في هذه الأوقات من القياده و ارتباكها من
المدرب بصفته رجل في نفس الوقت

اما المرأه كمدربه ,, فأرى انها الأفضل لسهوله وصولها لقلب الفتاه
ولسهوله معرفتها بأحتياجات البنت و افكارها ويمكنها طمئنه المتدربه بطريقه
اسرع واسهل من الرجل وذلك بسبب طبيعتها الأنثويه ,, التي بأمكانها معرفه مابالبنت
من خفايا من دوم الحاجه للسؤال



دمتي لنا باونتي ,,


شكراً ...

دمتم سالمين

تم تعديل هذه المشاركة بواسطةبوحصـه: 17 September 2005 - 06:36 PM

[دلع miss]

وانه عن نفسي من المؤيدين لوجود المدربات

لان المراه لما تتدرب مع رجل يمكن اتكون حتى ما تعرفه قد يسبب لها ذي الشي الاحراج و ما بتكون مرتاحه كلياً,,

لكن لما تتدرب مع مدربه فتقدر تاخذ راحتهاا اكثر ,,

ويسلموو ع الموضوع

[دوا الريح]

بسم الله الرحمن الرحيم

السلام عليكم ورحمة الله وبركاته،،

كثير من البنات يمتنعون عن التدرب والسبب ان المدرب ريال

يمكن يكون عندهم احراج اذا ريال معاهم

والبنت تقدر تتفاهم مع المدربة اكثر من المدرب

لذلك انا اوافق

لكن هذا ما ينفي ان سياقة البنات كجرة

ومشكورة bounty ع الاستبيان

واتمنى انج تستفيدين من ردودنا