Jump to content
منتدى البحرين اليوم

مواقف وطرائف وقصص


Recommended Posts

سلام عليكم

 

شخباركم

 

اخويي نضال بس حبيت اعرف وفضول عندي

 

لو سمحت بغينا نعرف سوالفك يوم انت صغير لما كبرت وسوالف ومواقف صادتك ومانسيتهها

 

واحلى ايام بعمرك

 

يعني نبي قصة حياتك من الألف الى الياء

 

مثلا ايام المدرسه شنو مواقفك مع المدرسين ؟

 

ابي اعرف غشيت مره :P لو غششت

 

ايام الطفوله حلوه كثيره

 

وايام المراهقه والشباب

 

ممكن اخ نضال اتقول لنا قصص وسوالفك كل يوم وحده قول لنا وبنرد عليك انشالله

 

ومسامحه على الإطاله بس حبيت انغير جو ونرجع لك ايام الأول قبل ماتصير ممثل

 

يعني بنسوي لك ديوانيه نضال مواقف وقصص وطرائف يوم كنت صغير لما تكبر

 

ومشكور

Link to comment
Share on other sites

  • Replies 372
  • Created
  • Last Reply

Top Posters In This Topic

اي والله.. يصراحة خوش فكرة..

 

راح أبتدي بقصة صادتني يوم كنت في أول ابتدائي..

 

أذكر مرة كان في أستاذ فاضل اسمه محمد العسيلي (مصري) كان من أفضل المدرسين اللي درسوني..

 

كان سأل سؤال وأنا رفعت يدي.. وناداني.. ورحت له ركيض وتعرقلت وطحت.. قمت إلا ثيابي متلعوزة من الغبرة مالة الصف..

 

وبخني وقال لي: "أزعل منك؟" هني أنا تسودنت لأن الكلمة أول مرة تمر علي.. حاولت أغاور بس ما رضى يفوت السالفة على خير.. رد سأل نفس السؤال.. ما جاوبته.. المرة الثالثة قال لي: "ايه؟؟ أزعل منك؟" عاد أنا قلت ما في مفر.. لازم أجاوبه

 

قلت باترجمها بروحي.. قلت يمكن معناها "أسامحك؟" قلت له وأنا راسي في الأرض "اي"!!!!!!!! :(

 

عاد الصف ما سكتوا من الضحك.. وأنا انحرجت ورحت قعدت مكاني.. وكنت شوي وأصيح!!!

 

هذا أول موقف.. والبقية قادمة.. :up:

Link to comment
Share on other sites

هههههههههههههههههههههههه والله اني مافيني شدة اضحك لكن بموووووووووت من الضحك

 

هههههههههههههههههههههه لوووووووووووووووووووووووووووول

 

 

ننطر الباقي اذا اولها جذي عيل خوش مواقف بنحصل

 

;):P;):P

Link to comment
Share on other sites

دانـــة البحرين.. تتطنزين ها؟؟؟ :angry:

 

أراويج.. لكن.. <_<

 

بس على فكرة.. لحين ما شفتوا شي.. وبصراحة أنا تعمدت أطوف مواقف الروضة.. لأنها كلش كلش قوية وما تنحط.. ههههههههههههههه ;)

 

يايتكم السوالف حبايبي.. بس انتظروا (s)

Link to comment
Share on other sites

هههههههههههههههه

 

مشكووور اخوي نضال على الموقع الطريف... 9_9

 

وانشاء الله ما تمر بمواقف مثل هذه مره ثانيه :LL

 

واتمنى اشوف عن قريب مواقف اخرى :up:

Link to comment
Share on other sites

:D هههههههههههههههههههههههههههههههههههييييييييييي بطنيييي :"( مسكين خيووو هههههههههه

 

مشكور على الموقف الظريف :P شكلك من النوع الخجول في المدرسه مووو!!! يعني م وب شيطان :wub:

 

والشكر للأعضاء بتفاعلهم معانا :up:

 

يلا نبي مواقف اكثر واكثر ويوم انت بالروضه :P قولهم بعد

 

وانا محد دازني <_< انا ومن نفسي حبيت اشارك هني B)

 

يلا ننتظر جديدك اخووي وواقف وطرائف اكثر :whistle::LL

Link to comment
Share on other sites

مشكورين شباب على المشاركة...

 

إن شاء الله الليلة أحط لكم قصتي الثانية...

 

sweet_girl

 

لو تحاولين من الحين لباجر ما بقول سوالف الروضة!! :P

Link to comment
Share on other sites

ههههههههههههههههههههههههههههههههه :up: هالقد كنت برئ أخوي نضال :LL

 

بس خوش شي والله يهال وحاطين لهم واحد مصري ما تنلام وشكله حزتها محد زعل عليك

علشان جذي ما فهمت . . . وعليا عليك :D

Link to comment
Share on other sites

ليشش عادد :"(

 

مالي خصص ابي اعرف السالفه :angry: لازم يعني لازم

 

يلا قولها شكلها حلوه وظريفه 9_9 السالفه وخصوصا يوم كنت في الروضه

 

اكيد فننن :LL

 

يلا ننتظر جديدك

Link to comment
Share on other sites

مرحباااااا

بتراويني هاا؟؟ مو سالفة طنز سالفة ضحك من قلب على الموقف ...

ههههههههههههههههههههه

 

يالله تراني انطر بفارغ الصبر باقي المواقف ...

 

وسوالف الروضة تقولهم يعني تقولهم مو تقول لنا وتشوقنا وبعدين ما تقولهم ما يصير ذنبك على جنبك محد قال لك تحدنا عليك :angry::angry::angry:

 

لا تنسى سوالف الرووضة :angry::angry:

Edited by دانــــة البحرين
Link to comment
Share on other sites

عاشقة البدر.. أنا للحين بريء B)

 

سويتية.. أحلى دلع.. ودانـــة البحرين.. ما تنقال سوالف الروضة.. صدقوني.. :(

 

بس بحاول أشوف طريقة علشان أقولها.. ;)

Link to comment
Share on other sites

انزين

 

بقول لكم الحين سالفة ثانية صادتني في الأول الابتدائي

 

كان يومها نستلم النتايج.. أخذت الشهادة.. بس طول الوقت وأنا رايح البيت كنت فيني الصيحة حدي.. :"(

 

كنت متضايق حد حدي.. ومو طايق ولا شي.. :(

 

بس شنو السبب؟؟؟ :unsure:

 

ههههههههههههههههههههههههههههههههههههههههههههههه

 

لوووووووووووووووووووووووووووووووووووووووووووول

 

رحت البيت.. أبوي يقول لي اشفيك جذي؟؟ ليش متضايق؟؟؟

 

قلت له شوف الشهادة.. حاطين لي بس واحد!!!!!!

 

شاف الشهادة...

 

وشاف درجاتي...

 

وفي خانة الترتيب.. حاطين لي "1" وأنا كنت متضايق لأن حاطين لي بس واحد!!! :(

 

طلع ترتيبي الأول على الصف.. بعدين ابوي فهمني إن معناها إني أحسن واحد في الصف!!!!

 

:LL:LL:whistle::whistle:

Link to comment
Share on other sites

هههههههههيهيههيههيهيهيهيهيهيهي صج على نياتك خيووو :P

 

بريء حدك يوم صغير كتكوت خخخخخخخخ (er)

 

ياحليلك اتصيح على واحد

 

عيل انت من المتفوقين يوم صغير :up:

 

زين انشالله دوم

 

وننتظر جديدك خيوو

Link to comment
Share on other sites

شكراً اختي السويتية... إن شاء الله أعطيكم مزيد من المواقف.. بس خلوني أرتبها من الأقدم إلى الأحدث... ;)

 

شكراً هتانة.. نتمنى تواصلج ويانا.. هذا شرف لي :wub:

Link to comment
Share on other sites

لووووووووووووول ... وايد عجيب السالفة

 

يا جماعة .. يمكن الرجال مشغول و الله شي .. كله تبغون مرة وحدة ... شوي شوي .. >>>> حاطيني سكرتيرتك الخاصة :whistle:

Link to comment
Share on other sites

لووووووووووووووووووووووووووووووووول نضال صج صج صج برئ . . .

 

وعليا شكنت تبي يكتبون لك 32 علشان تستانس وتروح يمه أنا أكثر شي أكبر رقم :D

 

الله يساعد والدتك عليك حزتها . . .

 

أحلى دلع شفيج قاعد تحرقين . . . :blink:

Link to comment
Share on other sites

سكاي 4 وسويتي.. لا تستعجلون.. إن شاء الله بتجيكم السوالف بس عطوني فرصة..

 

أحلى دلع.. أتشرف بكونج سكرتيرتي الشخصية.. بس على شرط.. أسراري ما تطلعينهم برا!! <_<

 

عاشقة البدر.. يعني حضرتج قاعدة تتطنزين؟؟؟ خلاص يعني؟؟ ما أقول لكم سوالف جذي؟؟ :angry:

 

تحياتي

Link to comment
Share on other sites

صراحه انه مستعجله وااايد لانه ابغي اعرف اخبارك :angry:

 

وما اقدر اصبر وايد :wub:

 

انزين لين احلى دلع سكيرتك الشخصيه 9_9

 

يمكن

 

يمكن

 

يمكن

 

 

أكوووووووون موظفه عندك لو تقدر :ph34r:

 

ما ابغي الى اكون بس موظفه ما ابغي شي اكثر :unsure:

Link to comment
Share on other sites

هلا سكاي 4

 

أحد قال لكم إني وزارة العمل اللي كل وحدة قالت تبغي تشتغل عندي؟؟؟ :huh:

 

على العموم أنا أتشرف فيج اختي.. بس احلى دلع بتشتغل عندي بدون معاش.. مستعدة تكونين مثلها؟؟

 

تحياتي.. :wub:

Link to comment
Share on other sites

آنا من زمان مساعدتك صحح لحد ياخذ منصبي :angry: واكيد اخ نضال مابيفنشني :wub:

 

انت المدير وانا مساعدة المدير

 

:P

 

مابي فلوس عادي نتشرف عندك اخويي :up:

 

 

يلا ننتظر سوالفك خيووو B)

 

تحياتي السويتيه :wub:

Link to comment
Share on other sites

Guest
This topic is now closed to further replies.

×
×
  • Create New...