آهات قلب Posted أغسطس 8, 2006 Report Share Posted أغسطس 8, 2006 مرحباااااا للجميع بس عندي بعض الاستفسارات عن الجامعة العربية المفتوحة... وياريت من يتكرم ويجاوب عليها الي يعرف عنها ... 1) شنو التخصصات الي كلية ادارة الاعمال موجوده فيها 2) وهل فيها دراسة مسائي واذا كانت الدراسة بس صباحية عادي لو ما نحضر المحاضرات فيها؟ 3) وهل يعطون كل طالب لاب توب للدراسة ؟؟ 4) وشلون عن الرسوم 5) وكم فصل فيها وهل فيها صيفي؟؟ 6) وهل هي معترف فيها؟؟ 7) دراستها بالعربي او بالانجليزي؟ وتسلمون مقدما وبانتظار اجاباتكم Quote Link to comment Share on other sites More sharing options...
آهات قلب Posted أغسطس 12, 2006 Author Report Share Posted أغسطس 12, 2006 افا بس معقولة محد يعرف عن هالجامعة شي ؟؟!؟؟!!!! Quote Link to comment Share on other sites More sharing options...
فرشتيه عشق Posted أغسطس 12, 2006 Report Share Posted أغسطس 12, 2006 هلا اختي انا راح ارد ع الاشيه اللي اعرفها لاني من فتره اتصلت فيهم 1) شنو التخصصات الي كلية ادارة الاعمال موجوده فيها 2) وهل فيها دراسة مسائي واذا كانت الدراسة بس صباحية عادي لو ما نحضر المحاضرات فيها؟ في مسائي وصباحي والدوام يومين في الشهر يعني يصلح للناس اللي عندهم مسوؤليه 3) وهل يعطون كل طالب لاب توب للدراسة ؟؟ الصراحه ما ادري بس ما اعتقد 4) وشلون عن الرسوم انا قالوا لي ارخص شي 40دينار اوغلي شي 130دينار 5) وكم فصل فيها وهل فيها صيفي؟؟ 6) وهل هي معترف فيها؟؟ معترف فيها بس كل المواد ذاتي يعني انتي لازم اذبحين روحج عشان لما تروحين الامتحان ع الاقل تضمنيين النجاح بس انا قالوا لي في دكتاتره يكونون اون لاين معاج اي وقت 7) دراستها بالعربي او بالانجليزي؟ في عربي وانجليزي بس التخصيصي انجليزي اللهم جمن ماده عربي ( انصحج اتروحين AMA احسن ) Quote Link to comment Share on other sites More sharing options...
الاغبياء Posted أغسطس 13, 2006 Report Share Posted أغسطس 13, 2006 (edited) 1) شنو التخصصات الي كلية ادارة الاعمال موجوده فيها في بزنس (سألي ذي لانه انه اخذ it ). 2) وهل فيها دراسة مسائي واذا كانت الدراسة بس صباحية عادي لو ما نحضر المحاضرات فيها؟ الدراسة في مسائي وصباحي على حسب ماانتي تختارين واتعدلين جدولج, وعلى الحضور لازم اتحضرين كل المحاضرات اذا ماحضرتي بيحرمونج من الامتحان حدج غياب 3 محاظرات من 8. 3) وهل يعطون كل طالب لاب توب للدراسة ؟؟ اكيد لا مااعتقد وله مرة سمعت... 4) وشلون عن الرسوم ؟؟ الرسوم يبتدي من تقربيبا 70 الى 300 دينار على حسب المواد والزاميتها.. مثل مواد عامة ارخص من مواد التخصص. 5) وكم فصل فيها وهل فيها صيفي؟؟ في 4سنوات اتخلصين البكالريوس واكيد في صيفي .. 6) وهل هي معترف فيها؟؟ الجامعة زينه وكل الدول معترفه فيها حتى السعوديه اعترفت بالجامعه مالت البحرين بس البحرين ينتظرون احد يتخرج منها... بس انشاء الله يعترفون فيها. 7) دراستها بالعربي او بالانجليزي؟ لا بالانجليزي بس في مادتين عربي بس كامل انجليزي... (( ذي موقع الجامعه اذا تبين اتعرفين عنها اكثر www.aou.org.bh )) انشاء الله افدتج .... انه من صوبي مرتاحه حق الجامعة... Edited أغسطس 13, 2006 by الاغبياء Quote Link to comment Share on other sites More sharing options...
دارين Posted أغسطس 13, 2006 Report Share Posted أغسطس 13, 2006 هلا حبيبتي ..... بالنسبه للتخصصات في بزنس وفي اي تي ،، بالنسبه ان يعطون لاب توب او لا ،، لا لا يعطون ولا شي ، الجامعه الملكيه للبنات اهي اللي تعطي. الدوام صباحي ومسائي عادي.. الرسوم على حسب الماده ، مثلا التهميدي الانجليزي اللي اذا ما عديتي الامتحان لازم تاخذينه ، رسومه 250 دينار والدراسه كامل تطلع ب4000 دينار تقريبا. حبيبتي في يمكن في ناس مرتاحين للجامعه بس انا رحتها سنه وطلعت ، بصراحه اعتبرها جامعه فاشله ، الدراسه تعتمد على الطالب واللي يدرسون مب دكاتره لا اساتذه يعني جنج في المدرسه ،، ما يشرحون لج الا اللي ما فهمتيه او يشرحون لج الاساسيات بس والباقي عليج ،، وايد صعبه الدراسه الصراحه ،، يعني ما انصحج فيها ، الحين ربعي اللي للحين هناك رسبوا في اغلب المواد وبيغيرون الجامعه ،، انا الحين رحت دلمون ليش ما اتيين؟؟ وايد زينه الصراحه دلمون اللي يدرسون دكاتره مب اساتده ،، والرسوم سعر الماده 120 دينار ، لتخصص البزنس ، واذا ما عندج كاش يصير تقسطين كل شهر 120 دينار ، ترى اغلبنا نقسط بس شنسوي ،،، والدراسه البزنس اغلب التخصصات بالعربي يعني بس بعض المواد الللي بالانجليزي ، امممممم شنو باقول بعد ،،، اي الشهاده والجامعه معترف فيها في بنات تخرجو وواشتغلوو مدرسات ، فأنتي حياج وبترتاحين ، وشوفي اللي يناسبج بعد ، وانتي ادرى بظروفج... بالتوفيق ان شاء الله Quote Link to comment Share on other sites More sharing options...
آهات قلب Posted أغسطس 14, 2006 Author Report Share Posted أغسطس 14, 2006 تسلمين حبيبتي فرشتية عشق ... مشكوووووووووورة ع ردج... تسلمين حبوبة الأغبياء ع ردج وع معلوماتج يعطيج العافية اختي.. تسلمين دارين ع ردج والله بصراحة شاقولج مثل مايقولون اسأل مجرب ولا تسأل طبيب ... شكلج مجربة وعارفة الظروف انا بصراحة كنت بس حاطتها في بالي لانه مافيها حضور وانا حاليا اشتغل ومن زمان كانت جامعة دلمون في بالي بس الي مخليني اتردد ادشها ان دراستها بالعربي وخبرج انا متخرجة الكورس الي طاف من جامعة البحرين دبلوم محاسبة وابي الجامعة الي تعادل لي تقريبا اكثر المواد عشان ادش في الباكالريوس فاذا ماعليج امر اختي تقدرين تعرفين تخصص المحاسبة جم مادة يعادلون لي في جامعة دلمون و كم مادة ر اح تبقى لي حق الباكالريوس اكون شاكرتلج واااااااايد ويعطيكم العافية كلكم ع الرد تسلمون لي والله Quote Link to comment Share on other sites More sharing options...
دارين Posted أغسطس 14, 2006 Report Share Posted أغسطس 14, 2006 هلا حبيبتي ..... العفو حبوبه ،، بالنسبه للدراسه بالعربي كان الكل متخوف من هالسالفه بس دام ان الوزاره تعادلها يعني تصير اهي وشهاده جامعه البحرين واحد يعني ما عليها خوف ، وترى اكثر الاشغال بس المهم عندج شهاده بكالوريوس وفي بعضهم حتى ما يهمهم المعدل ،، بالنسبه للمواد اللي يعادلونها ، يعادلون وايد مواد بس اهو يعتد على التخصص اللي تبينه يعني بتدشين بزنس او محاسبه .؟؟؟؟ اذا بزنس الشهاده بتكون من الاكاديميه العربيه للعلوم والتكنولوجيا ومثل ما قلت لج سعر الماده 120 ، واذا بتدرسين محاسبه الشهاده بتكون من جامعه اليرموك بالأردن وسعر الماده 180 ،، وبالنسبه للشغل وايد ناس يشتغلون ويدرسون يعني اخذي مسائي ،، والماده الوحده تحضرين لها مرتين بالاسبوع ومدتها ساعه وربع فان شاء الله يكون سهل عليج... حبيبتي هذي رقم الجامعه 17294400 اتصلي وقولي لهم ابي التسجيل وسأليهم وايد طيبيين ان شاء الله يساعدونج موفقه يارب Quote Link to comment Share on other sites More sharing options...
آهات قلب Posted أغسطس 15, 2006 Author Report Share Posted أغسطس 15, 2006 تسلمين حبيبتي دارين والله يعطيج العافية ... مشكورة ع المعلومات .... تسلمين وموفقين كلنا ان شاءالله تحياتي لج آهات قلب Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.