Sheeva Posted نوفمبر 11, 2006 Report Share Posted نوفمبر 11, 2006 (edited) سلام.. قبل كل شي حبيت أوجّه شكري لمايكرو على مساعداته اللي ((واايد)) وطبعاً هذيه اللي باكتبه الحين مايكرو مسويه.. فيعني ألف ألف شكر له.. :: أول شي تاريخ التسجيل يحدده قسم التسجيل نفسه وبتنحط التاريخ في الجرايد.. (( بشرط ان لا يكون مضى على تخرجهم "المسجلين" اكثر من سنة دراسية واحدة )) (( بس الحين ترى عادي حتى مواليد 81 يقبلون.. لكنّ يقبلونهم مسائي لأن الأولوية للي مواليدهم 87 و88..)) :: وستكون رسوم الدراسة لغير البحرينين بواقع 2000 دينار في السنة تسلم دفعة واحدة أو على أقساط عند بدء كل فصل دراسي ( يعني اما كاش او عند كل فصل 1000 دينار وتاخذون الصيفي مجاناً ) :: وبيكون تقديم الطلبات وملء الاستمارات وهالخرابيط كلها في قاعة المعارف (( مب شرط لأن كل مرة يغيرون المكان )) الكائنة خلف مكتب التسجيل مباشرة .. المستندات المطلوبة: 1) صورة من البطاقة السكانية وجواز السفر ساري المفعول ... يعني مو منتهي وانتو ما تدرون ... 2) النسخ الاصلية من شهادات الست فصول الثانوية مع نسخة عن كل شهادة .. 3) 4 صور .... هم ثلاث بس وإخذو معاكم وحدة احتياط 4) رسوم التسجيل : 5 دينار بحريني ... بعد التسجيل في عندكم امتحان القبول واللي الكل خايف منه ... طبعا راح يكون في مدرسة العلاء الحضرمي يم الكلية :: وهو مب صعب وايد بس يبيله تركيز لأنه قياس لمهارات اللغة الانجليزية للطالب وكله ماخذينه في الثانوي الامتحان بيكون فيه استماع وقواعد وقراءة ــ Reading... وغالبا ما يكون في الفترة من 8 الى 11 صباحا طبعا (( فيه 3 فترات يامايكرو )).. المقابلة ألغوها السنة مايندرى عن السنة الياية.. طبعا المقابلة تختلف لكل تخصص ... وبعد المقابلة واذا تم قبولكم بيعطونكم اوراق عشان تسوون فحص طبي بـ10 دينار عند مركز الرازي ... الفحص بيكون فيه أشعة وقياس ضغط الدم وقياس النظر وبعد بياخذون منكم عينة دم ... و بتروحون ليمكتب التحقيقات الجنائية عشان تطلعون بصمات ...وبعدين اهمه يطرشون البصمات حق الكلية ... زين وبعدين بيحددون لكم يوم لأستلام الجداول وبيكون فيه دفع 20 دينار مادري ليش بس كنسلوها السنة اللي طافت .. وفي بعد يوم للتهيئة والتعارف عشان تشوفون الكلية وتطالعون مرافقها عشان ما تضيعون ... عاد من كبرها الحين خخخخ... (( هذيه كله كلام مايكروو هااه )) وعادة ما يكون يوم التهيئة يوم الاربعاء (( تغيّر يمكن يكون الخميس )) وبيكون آخر يوم في الاجازة لنا ولكم بعد وبيبتدي الدوام السبت (( صار الأحد )) اللي بعده آملين من المولى العلي القدير بالتوفيق للجميع ... وبس خلاص ... اتمنى اني ما أكون نسيت شي أو قصرت في شي ... واللي عنده اي سؤال يتفضل ولا يرده الا لسانه وان شاء الله لا انا ولا الاخوات العزيزات بنقصر معاكم ... :: مشكور مايكرو..آنا نقلت اللي كتبته بس عدّلت بعض الأشيا,, إسمح لي عاد.. :: وعن سؤال إختي محرقية صغيرونة.. آنا باقول لچ الفرق بين صباحي ومسائي وإنتي شوفي شنو أحس.. الصباحي: الكتب بفلوس - فيه رحلات - فيه حفلات - كل شي يحتاج دفع فلوس انتو راح تدفعون - على حساب وزارة الصحة - الوقت من 8 الصبح لي 3 العصر - الكافتيريا مفتوحة - عندهم بريك وايد المسائي: الكتب مجان - ماكو رحلات - ماكو حفلات - كل شي مجان ويعطونكم لاب كوت مجان.. على حساب وزارة التنمية الإقتصادية.. اهمه يتكفلون في الطلبة ويدفعون عنهم كل شي - الوقت من 3 العصر لي 8 في الليل - الكافتيريا مسكوكة - ماعندهم بريك وايد - مضغوطين وايد الصباحي والمسائي لهم باصات.. عالعموم الصباحي أحسن... بالنسبة لي وبواااااااايد بعد.. :: سوري عاد مايكرو اسمح لنا.. :: Sheeva :: Edited نوفمبر 11, 2006 by Sheeva Quote Link to comment Share on other sites More sharing options...
بنت المحررق Posted نوفمبر 11, 2006 Report Share Posted نوفمبر 11, 2006 صج والله .. مسائي مظلومين طلعووو صج طلعــت مضيعة في الكلية مشكورة اختي شيفااا واخوي مايكروو* (ياااخي اسمك طويل متعبني لازم كل مرة احط نجمة واختصره و و و) Quote Link to comment Share on other sites More sharing options...
Andomee Posted نوفمبر 11, 2006 Report Share Posted نوفمبر 11, 2006 المسائي عندهم بريك الكفتيريا مفتوحة و المكتبة مفتوحة و في يوم في الاسبوع محاظرة وحدة بس Quote Link to comment Share on other sites More sharing options...
Sheeva Posted نوفمبر 12, 2006 Report Share Posted نوفمبر 12, 2006 المسائي عندهم بريك الكفتيريا مفتوحة و المكتبة مفتوحة و في يوم في الاسبوع محاظرة وحدة بس المكتبة مفتوحة إي.. بس الكافتيريا قال لي واحد من طلبة مسائي ان من احنا نمشي على طول تتسكّر يعني من عقب الساعه 4 يقفلونها وهذي الحچي كله قالوه لي مال مسائي ويسلموو اختي :: Sheeva :: Quote Link to comment Share on other sites More sharing options...
.. Microbiologist .. Posted نوفمبر 12, 2006 Author Report Share Posted نوفمبر 12, 2006 قبل كل شي حبيت أوجّه شكري لمايكرو على مساعداته اللي ((واايد)) وطبعاً هذيه اللي باكتبه الحين مايكرو مسويه.. فيعني ألف ألف شكر له.. أحرجتيني على خفيف ترى .. العفو خيوو .. وما سوينا الا الواجب .. (( فيه 3 فترات يامايكرو )).. خخخخ .. هذي على ايامنا بس هذي الفترة .. لكن دفعتكم قبلوو نااس وايد .. مشكور مايكرو..آنا نقلت اللي كتبته بس عدّلت بعض الأشيا,, إسمح لي عاد.. لا عادي شدعوة .. انا ولا انتي .. كل واحد .. اهم شي توصل المعلومة .. مشكورة اختي شيفااا واخوي مايكروو* (ياااخي اسمك طويل متعبني لازم كل مرة احط نجمة واختصره و و و) خخخ .. زين قولي مايكرو بس .. ما يحتاج تتعبين روحج عشان الاسم .. تره مايكرو اسمي الحركي .. المكتبة مفتوحة إي.. بس الكافتيريا قال لي واحد من طلبة مسائي ان من احنا نمشي على طول تتسكّر وانا مع خيوو Sheeva .. لان قبل لا نمشي <<< اذا يعني قعدت الا الساعة 4 .. نادرا .. ولا انا اول ما اخلص اهج البيت خخخ .. قبل لا نمشي يجي الكلينر اللي ينظفها ويقعد ينطرنا نمشي .. واول ما نطلع يقعد ينظف .. ومشكورة خيوو Sheeva على الموضوع .. تحياااااتي .. Quote Link to comment Share on other sites More sharing options...
Sheeva Posted نوفمبر 12, 2006 Report Share Posted نوفمبر 12, 2006 (edited) صج طلعــت مضيعة في الكلية إنتي مضيعة من زماااان ... ماتلحق المحاضرة كملت إلاّ شردتي.. لأ..فديتچ انا.. على كثر غيابج بس عبقرية ماشالله عليج والكل يشهد.. مشكورة اختي شيفااا واخوي مايكروو* حاضرررين للحلوين.. والعفو نيابةً عن مايكرو..آنا وهوه الحال واحد :: Sheeva :: Edited نوفمبر 12, 2006 by Sheeva Quote Link to comment Share on other sites More sharing options...
بنت المحررق Posted نوفمبر 12, 2006 Report Share Posted نوفمبر 12, 2006 ماشاء الله علي .. لا اله الا الله .. شاسوي اقعد في الكلية .. بروحه اخاف من اللي فيها (لووول) وبعدين أكل *كبيرررر* مايشجع على القعدة موولية Quote Link to comment Share on other sites More sharing options...
.. Microbiologist .. Posted نوفمبر 12, 2006 Author Report Share Posted نوفمبر 12, 2006 وبعدين أكل *كبيرررر* مايشجع على القعدة موولية جوفي ترى ما ارضى على كبير خخخخ .. كفاية اذا نطلب في الزحمة يسوي لنا قبلهم خخخ .. يدري ان اذا اشتغلنا بنذوقه الويل .. كل يوم اخطار خخخخ .. تحياااااتي .. Quote Link to comment Share on other sites More sharing options...
بنت المحررق Posted نوفمبر 12, 2006 Report Share Posted نوفمبر 12, 2006 ووووووووويه بس انتووو ... عشتووو ... حتته انه ورفيجااتي يسوي لنه قببل (احم احم واسطات احنه شعبااالك) بس انه ماتحنديت على كبير .. ااتحندى على (أكككل كبيييير) .. في فرررق شااااسع .. دقق في النظظظر مايحتااي اذكر سوالف (اكل كبيييييير) Quote Link to comment Share on other sites More sharing options...
الصمت الباكي Posted نوفمبر 12, 2006 Report Share Posted نوفمبر 12, 2006 يعطيك الف عافيه Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.