Jump to content
منتدى البحرين اليوم

يوميات طالب سعودي في جامعة بحرينية !


Recommended Posts

دعوني قبل أن أدلف إلى كتابة يومياتي " البحرينية " أعترف لكم بالآتي :

 

هذه اليوميات لا تعبر سوى عن رأي كاتبها وحده , فلا يجب أن تُعتبر حالة شعورية عامة تمثل رأي سعودي عام. كما أن الشخصيات البحرينية سيئة كانت أو جيدة لا تمثل سوى نفسها , ولا يمكن اعتبارها ممثل عن الطيف المجتمعي البحريني.

 

يهمني أيضاً الإشارة إلى أن فكرة كتابة هذه اليوميات نشأت الآن , وهذه اللحظة , وكل ما سأكتبه هنا لم يسبق تسويده وتبييضه كما يُقال.

 

أنا أكتب من الذاكرة فقط. الأسماء المذكورة غير حقيقية , وإن كنت سأحرص على أن تحمل الأسماء الاعتبارية مضموناً مشابهاً لذلك الذي تحمله الأسماء الحقيقية , ( فقط حتى يستمتع محبي روايات أغاثا كريستي :P )...

 

.........

 

ذبحني أبو مشعل بالحديث عن التسجيل في هذه الجامعة !!

 

أبو مشعل مسجل في برنامج الماجستير لإدارة الأعمال , وكل ما شافني قال لي : صدقني هالبرنامج يصلح لك ( حشا برنامج في روتانا :ssm19: ). تذكرون المسلسل الكرتوني اللي فيه رجل بوليس قصير( كلب صغير وأنتو بكرامة ) يطارد مجرم خطير ( قطو كبير , عتوي على قولة أخواننا الكوايته :ssm9: ) كل ما انخش المجرم في مكان وجد الشرطي معه , وكان الشرطي يردد دائماً كلمة : بووو. يقولها بدلاخة غريبة. يهرب بعدها المجرم وهو يقطع شعره , بينما يمشي الشرطي بحثاً عنه في هدوء وعلى مهل ( على أأل من مهله :LL على قولة إخواننا في مصر العروبة والكفاح والتحدي , يعيش أحمد عرابي , يعيش محمد علي كلاي , يعيش شعبان عبدالرحيم ,وإييييييييييييييييييييييييه , أنا بأحب " بوووووو " وبأكره الحرامية إيييييييييييييييه) :ssm16:

 

أبو مشعل صار بالنسبة لي مثل هالشرطي القصير , كل ما شافني قال : بووو , قصدي قال هالبرنامج يصلح لك.

 

مرة من المررايت قلت بأعطيه وجه وبروح معاه للجامعة وأسأل عن هالبرنامج ( أدري , أعرف وش تفكرون فيه . تقولون الحين , هالدلخ هذا كفو ياخذ ماجستير؟! . ما عندي رد عليكم سوى أن اقول لكم : بووو . غصبن عليكم آخذها . لا تخلوني أسجل الحين مرة ثانية عناد فيكم :). تعرفون نكتة المحشش اللي جالس يلعب بلوت مع حمار !! قالوا له الناس مستنكرين : تلعب بلوت مع حمار ؟؟؟ قال : هاللي مش عاجبكم ( يقصد الحمار ) هزمني مرتين .خخخخخ . ( لحد يفهم غلط ....)

 

بيني وبينكم أنا وافقت على روحة البحرين عشان ألعب بليارد !! لأن أبو مشعل دوخ راسي ,ما غير " يزعط " أنه لاعب بليارد محترف ( زعط يزعط إلحاحاً يعني يتفشخر على قل سنع ) وأنه كسَّر راس كثيرين , بيني وبينكم هو متدين أكثر مني , عشان كذا أنا أصدقه ( بيني وبينكم أنا إذا قارنت نفسي فيه أحس أني المسيح الدجال :ph34r: ) خلوا هالمعلومة في روسكم . تصدقون أحياناً أكذب على نفسي , ولا أقول لنفسي إني كذبت عليها . وتروح المسكينة تصدق , لين أعلمها , وبعد ما أقول لها تزعل شوي وبعدين ترضى , وبعد ذلك أقول لها الحقيقة المرة : أني كذبت عليها يوم اعترفت لها . وهكذا !! يعني بعيد عنكم عاهة :sad: ....قولوا ما شاء الله )...

بيني وبينكم أبو مشعل " يهك " في بعض الأحيان ( هك يهك إلحاحاً , يعني بالعربي الفصيع شلخَ, وبالعربي الفصيح : كذبَ ). مرة قال أنه ضرب خمسة رجال . مع أني أذكر أنه قبل سنة دبغه شاب ما يزال في المرحلة المتوسطة :up:

 

المهم رحنا للجامعة ....وش ذا يا ولد ؟ بناااااات ... صرخت بأعلى صوتي : ياهووووووو. ا أبو مشعل أبغى أسجل في الجامعة.

 

- يا ولد أركد. قالها أبو مشعل وهو يعدل نظارته

 

- ماني براكد . وش دخل أهلك أنت . قلت لك أبغى أسجل يعني أبغى أسجل . يا ولد وش ذا البنات ؟ شعر وجنز ومكياج . آخر مكياج أذكره في حياتي كان ديرم أمي !!

 

- يا ابن الحلال أركد لا تفشلنا .

 

- وش أفشلك فيه ؟ قلت لك أبغى أسجل في هالجامعة .

 

- وش الله بلاني بهالخبل . أنت الحين سألت وشهي المواد أو كم هي الرسوم أو كم المدة ؟

 

- يا أخي إن شاء الله ندرس عبري , وبـ500 ريال , وقرن كامل !! نو بربلم ( أحلى يا فرنسي )

 

- يا ابن الحلال الرسوم 50 ألف ريال .

 

- إيش ؟؟؟؟؟؟ ( أكبر مبلغ شفته في حياتي 500 ريال , كان أبوي يقول لنا إذا نجحتوا أوريكم 500 ريال , وإذا نجحتوا في السنة اللي بعدها أخليكم تلمسونها !! :cc2: )

 

- هاه !! وين راح شغل الهبال اللي قبل شوي ؟

 

- هاه ؟ قمت أحك راسي . كنت أفكر من وين أجيب 50 ألف ريال !! ( حتى البنوك في ظني ما فيها أكثر من 500 ريال أو ألف ريال . :n5: . ولد فقر ما عليك شرهة ). فكرت : بعملية حسابية بسيطة( تراي ضعيف في الحساب , لكنني فنان في الجغرافيا. تبون دليل ؟ عاصمة فنزويلا : شافيز !! صح ؟ . سؤال ثاني عشان الحبايب : عاصمة جزر القمر ( شفتو الذكاء عارف أنه ولا واحد فيكم يعرفها , وخلوا عنكم الزعاطة . العاصمة هي مدشقشر. :cc2: يا ولد يا واثق أنت .) المهم بعملية حسابية بسيطة ...هممممم 1000 تقسيم 2 ضرب 2 , أعط أبوك اللي عطاك . قط نصفها في البحر . واحد في اليد , يصير الحل النهائي : يبغالي أسطو على 14 بنك حتى أستطيع توفير هالمبلغ !!

 

- وش هالكلام يا الأفدغ ( قالها , ولا أخفيكم أني زعلت منها , سامحته لأنني غلطت عليه واحنا جايين في السيارة قبل الجوازات رغم أنه ما زعل , قلت له : تصدق يا أبو مشعل شكلك تشبه الحمار . قال : قول ما شاء الله !!:) )

 

قلت له : طيب يأبو مشيعل , وش الحل ؟

 

- اصبر . خلنا نسأل ؟

 

- يا أخي تسأل عن إيش . جحش أنت ما تفهم ؟ مش أنت مسجل في هالجامعة ؟!!

 

- إيوا الله نسيت . بس تعال أنا مسجل عن نفسي , الحين أنا اسجل عنك !! ( ألعن أبو الذكاء يا شيخ ). ذكرني بذاك الشاب اللي لقوه يدخن سيجارتين, قالوله : ليش تدخن سيجارتين ؟ قال : وحدة عني ووحدة عن أخوي اللي في السجن . بعد كم يوم لقوه يدخن سيجارة وحدة بس , قالوله : ما شاء الله أخوك طلع من السجن ؟ قال : لا أنا اللي بطَّلت تدخين !! :ssm18:

 

- يا أبو مشعل . أنت وش بتسأل عنه ؟ اسألني وأنا أجاوبك ...خخخخخخ

 

- يا أخي لا تستخف دمك , خلنا نسأل التسجيل متى يبدأ برنامجكم ؟

 

كان فيه زحمة في مكتب التسجيل . كانت فيه وحدة كاشفة وجهها وشعرها ما غير تطالع فيني. قمت أنا وترززت. وأطالعها على جنب. مدري ليه حسيت كاني توم كروز ( إيه هيَّن , والله حدك نجاح الموجي ) ....

 

شوي وقامت تعفط في وجهها كأنها شامة ريحة خايسة !! بيني وبينكم أنا خفت يكون أبو مشعل فلَّت شوي ولوث الجو بالغاز الكيماوي . خصوصاً إذا علمنا أن هوايته المحببة هي أكل الفلافل مع البطاطس على الفطور ...يعني بالله عليكم , واحد ماسك نفسه طوال هالمدة , ولقى فرصته في هالزحمة ....أنا لو مكانه أسويها :ssm19: وبكل شجاعة ..أخييييييييييييييييه منك يا خايس يا معفن يا ربي على الناعمات الحنينات .....بيني وبينكم أنا ما يحلا لي أسويها إلا في الزحمة :LL , وإذا ما فيه زحمة طلَّعت معها كحَّة ( يا ولد أنت يا تمويه :ssm19: ) ...وشفيكم ؟ الناس وشفيهم ما يحبون يتكلمون في حقائق الوجود البيولوجية والحيوية ؟ يعني الحين البنات الحلوين المزايين ما يرحون الحمام ويفضون مثل كل البشر . :ssm16: ......المهم ...طالعت فيها وقلت : فيه شيء يا مدموزيل ؟ ( شايف هذه اللقطة في فيلم لرشدي أباظة :)) .

 

ما ردت علي . اسفهتني . عاد أنا كبرت في راسي : كيف وحدة تسفهني !

 

- فيه شيء يا مدموزيل , أشوفك تطالعين فيني ؟ قلت لها

 

برضه اسفهتني .

 

- أجل لا تطالعين فيني . طالعي قدام وشبكي أصابعك على الطاولة , وإلا حطيتك غياب !

 

برضه اسفهتني ولا علقت , بل أشاحت بوججها عني.

 

قلت لأبو مشعل : يا أبو مشعل هدىء أعصابك , لا تتحمس كثير , حتى ما يفلت منك شيء.

 

قال : وش قصدك , وش اللي يفلت مني ؟

 

- اللي أنت خابر ؟

 

- وش اللي أنا خابر ؟ أنا ماني خابر شيء .

 

- الأوراق . قصدي لا تفلت منك الأوراق ( ذبحنا بالكيماوي الله يقرفه . أنا بس لو أعرف راعي البوفيَّه اللي يسويله الفلافل والبطاطس كان رفعت عليه دعوى صنع أسلحة دمار شامل !! :n5: )

 

طالع فيني , كأنه ما صدَّقني . ثم قال : طيب . وشرايك تجي تصف في هالزحمة بدل طنازتك فيني. ترى الشغلة لك ما هي لي .

 

- يا أبو مشعل أنت كلك خير وبركة . والمسلم للمسلم كالبنيان يشد بعضه بعضاً. ويا بخت من نفَّع واستنفع. والشاعر يقول : إنتا إييييييييييييييييييييييييييييييييه ....

- ووووجع . وش قصدك بنفَّع واستنفع ؟ قصدك إني جبتك لهالجامعة حتى آخذ منهم كومشن ؟

 

- أي كونديشن ؟ هم يبيعون في الجامعة مكيفات ؟

 

- كوميشن , كوميشن يا أهبل مش كونديشن . يعني سمسرة.

 

- قصدك مسمار , بس لسانك ثقيل؟

 

- وش مسماره , جعل والله المسمار ما يخلي فيك مغز إبرة . أقول لك سمسااااااررررر

 

- وشهو السمسار ذا ؟ يقرب شيء لأنفلونزا الطيور ؟

 

- أقول الشرهة بس ما هي عليك , علي أنا اللي صاف في الدور عشان واحد ما يستاهل. عنَّك ما سجَّلت.

 

- ما بقى يا أبو مشعل إلا تقول لي كان يوم أغبر يوم ما خلِّفتك !! ياخوي تراي ماني ميت على الماجستير. ولا تفكر انك تقدر تبتزني ( أحلى يا آل باتيشنو :ssm18: ) لأني صغير وطيب ويتيم....لا تنسى أن ألف وحدة تتمناني !! ( وش دخل أم هالكلام :n6: ) ....وبعدين يا أبو مشعل أنت باقي في سرندل الغاز حقك نسبة كبيرة . خلصها بعدين أجي مكانك ....

 

غضب أبو مشعل وخرج من الصف. قمت أبي أعتذر منه , وأحب راسه . طيحت نظارته بالغلط, قامت الكريهة اللي كانت تطالع فيني ودعست عليها لين كسرتها تسوي روحها ما شافتها. وقالت : أووووه أوه . آسفة والله. ما شفتها.

 

قلت لها : ولا يهمك أختي . كله فداء الوطن . :ssm19:

 

يتبع ....

 

 

 

 

Link to comment
Share on other sites

  • Replies 489
  • Created
  • Last Reply

Top Posters In This Topic

بعد محاولات مضنية وحب خشوم , وافق الأستاذ المحترم أبو مشعل إنه يرجع للصف ( زي الكلب ) :ssm9: . يوم جاء يرجع لمكانه في الصف , رفضت الكريهة أنها تسمح له يرجع...قام المسيكين يبي يرجع لآخر الصف . قلت : معصي . والله تصف في الصف غصبن من وراها هالدبة اللي كأنها دعاية كفرات بريجستون !! :LL

 

أنا قلتها والا ما قلتها , بأت هي تضرب , واللي وأقفين يضربوا , ومدير التسجيل يضرب , (حتى أبو مشعل الله يخس وجهها قام يضربني معاهم !! ) والنسوان تزغرط :ssm19: , والرغالة تؤل الله أكبر !! , وبأيت أنا اضرب فيني , لحد ما طلعلي صاحب ...ما العالم كلها بتضرب فيني , يعني وأفت عليا أنا !!

 

عينكم ما تشوف إلا النور . قمت أبي أخوفهم , أسوي روحي محترف كراتيه , وأسوي حركات بروس لي . ويجيني واحد ( شكله يكرهني ) ويسطرني ذاك السطار على وجهي !!. بيني وبينكم أنا ما حبيت أكبر الموضوع , قلت له : الله يسامحك !! :whistle:

 

اللي ذبحني من القهر , أن أبو مشعل كان يضحك علي , مش هذي بس , كان يقول لهم وأنا أسوي حركات الكراتيه : ما عليكم منه , والله ما عنده ما عند جدتي , خويي وأعرفه !! :LL

 

المهم تدخل الأمن الموجود في الجامعة , وبعد الموت سيطروا علي , لأني كنت منفلت مرة وناوي أسوي لهم مذبحة ( إيه هيَّن يا بروس ويليس ) , وجلست أقول : فكوني عليهم , فكوني عليهم . واصرخ في اللي كانوا يضربون : معليش نجيتوا مني هالمرة . والله ما أخليكم , وين تروحون مني يعني . اللي في أمه خير يطلع لي برا الجامعة !!

 

اطلعوا كلهم برا !!! رحت أنا وجلست مع رجال الأمن في الكوفي شوب داخل الجامعة نسولف( أحلى يالثقة بالنفس , ياللي ما تخضع للاستفزاز ) !!

 

قام الخايس أبو مشعل , يقول : اطلع يا غباااان . اطلع يا غباااان . وأنا اقول لرجل الأمن اللي جنبي : ترى هذا الرجل قليل الأدب , تراه يقصدك أنت بالغبااان !! :angry:

 

المهم . ما أطول عليكم , صليت ثاني يوم الفجر في الجامعة !! بيني وبينكم أنا حبيت جلسة الكوفي شوب وهي فاضية . ثاني يوم الصباح طلعت من الجامعة , لابس ملابس رجال الأمن :ph34r: , وكانوا المتظاهرين اللي ينتظرون خروجي ناصبين خيامهم مثل اللي في لبنان . انسحبت من السراي الجامعي متنكراً ورحت لأقرب فندق , ويوم جيت أدور بوك الفلوس والبطاقات ما لقيته ( خل جلساتك وسوالفك مع رجال الأمن تنفعك الحين ) , بعد استرحامات وتعطفات ودميعات وافق حارس الأمن في الفندق انه يخليني أدق تلفون على أبو مشعل. رد علي , ويوم عرفني , قال : أنت وينك يا غباااان ؟ قلت : أنت اللي وينك ؟ قال : أنا مع المتظاهرين برا !! قلت له : وجعن يوجعك . أنت معي وإلا معهم ؟ قال : أنا لا معك ولا معهم , أنا مع الحق !! يا هم مزهبين في ذا ( أي مجهزين هنا لكن بلغة أهل الرياض :ssm19: ) عجر وعصي وخيازرين على كيف كيفك . قلت أفا يا ابو مشيعل , ما كأننا إخوان , ولا كأن بيننا محبة وعداوة , وعلى قولة المثل ما من محبة إلا من بعد عداوة !! قال : وش تخربط أنت وخشتك( الخشة هي لما يوأع الواحد ما يحطش منطق :ssm18: ) ؟ عاد قام أبو مشعل ودق على الوتر الحساس , وقال : يا فيه في هالخيام لعب بلوت على كيف كيفك !! قلت : من جد ؟ قال : إيوالله من جد . والله حريفة هالبحرينيين !!

 

قلت : وين مكانك بالضبط , فيني لعب بلوت اليوم ؟

 

قال : وين داس ؟ قلت : جعل الكريهة اللي داست على نظارتك تدوس على خشمك , قل آمين.

 

وش داس وما داس ؟ قال : شف لما تطلع من باب الجامعة خامس خيمة في الوجه. بتلقى شبة نار , وبليلة , وأبو فروة ( كستناء , لكن بلغة المحاكم الإسلامية بالصومال :ph34r: ),,,

 

- طيب أنا جاي الآن يا أبو مشيعل , بس شف لي خوي محترم , ولا تعلمهم أنه أنا , تراي متنكر.

 

- طيب , أنت بس تعال.

 

المهم جيتهم , قام أبو مشعل , وقال : هلالالالا والله . يوم شافهم يطالعون فيه . قال : تراي ما أعرفه ( يا فيه دلاخة هالولد ), سلّمت عليهم , وجلست . استمروا هم يلعبون , قمت وسألتهم: وش هالجمعة , إن شاء الله فيه محاضرة دينية ؟

 

قال واحد منهم ( اللي سطرني على وجهي ) , شكله يكرهني كره العمى : فيه واحد نبغى نغير معالم وجهه , ناوين نحوله للنعجة دوللي حتى يتم الاستفادة منه في عمليات الاستنساخ.

 

قلت : ليش تروحون لهالواحد , وأنتو عندكم نعجة دولللي جاهزة , وأشرت بيدي إلى أبو مشيعل! :LL , مشاها أبو مشيعل , وما علَّق , وهذي من جد تحسب له .

 

جاء دوري في اللعب , وادهرت , وفزنا أنا والكريه اللي سطرني على كل الفرق , وشكله صار يحبني في الله ( شكله له سنين ما فاز في البلوت ).....تأخر الوقت , ونسيت نفسي , فقلت لهم : هالكلب اللي داخل ماله نية يطلع ؟ وشرايكم نهجم عليه ؟ ( نسيت نفسي :de20: ) , قام أبو مشعل وقال : الحصار إن شاء الله يسقط الحكومة ؟!! ¸الخطة ب لسه بدري عليها . ما راح نقطع الطرق , ونكسر غراش الببسي إلا إذا ثبت لنا أن الاعتصام والحصار لن يحقق شيئاً. ( أحلى يا أبو مشعل يا مخ , صاير لي سليمان فرنجية على غفلة )

 

المهم في آخر الليل , فكرت في أمر : كيف أستطيع أن أفك الحصار عني , رغم أني في الخارج! ( يا إني عبقري :ssm9: ) قلت لنفسي : الحل الوحيد هو في مهاجمة أحد الخيام حتى يظنوا أن المعكسر الثاني يهاجمهم , فتبدأ الحرب الطاحنة !! ( أي حرب وأي معسكريا أهبل , إحنا في الزير سالم ؟ :n5: ) قمت وهجمت على الخيمة المجاورة !! مسكوني ودبغوني لين قلت بس. ما فكهم مني إلا أبو مشيعل جزاه الله خير , اللي قال لهم : هذا صاحبي , ومنا وفينا , بس بالغلط هجم عليكم , كان يبغى يهجم على الخيمة اللي جنبكم !! ( يبغى يرقعها الله يوفقه , يا إني حبيت أبو مشعل في الله يوم سوا هالحركة)

 

فكرت مرة ثانية في خطة أخرى , كانت هي القاتلة . خذيت غرشة ببسي , ورميتها على مدخل الفندق فتكسر غزاز المدخل , وشوي اللي الشرطة جاية . وشوي إلا فرق تفريق المتظاهرين جاية . وأقوم أنا وأطلع من الخيمة بلباسي , لباس رجال الأمن , وأقول لفرق تفريق المتظاهرين : الله يهديهم هالشباب , حاولت أقنعهم بالذهاب إلى منازلهم , فرفضوا . قلت لهم : الديموقراطية تعني التوافق . تعني احترام حقوق الآخرين . تعني الأمن . تعني السلمية . وشهوله يعني يرمون غرشة ببسي على الفندق , أصفخص على شباب هذي الأيام . خصوصاً هذاك اللي يده كأنها مرزبة اللي في الخيمة خمسة , ومعه واحد سعودي قليل أدب بعد , كان يتهجم على الحكومة البحرينية ( خخخخخخ ) .

 

المهم كلها نصف ساعة , إلا والمتظاهرين متسدحين , وأبو مشيعل , ماسكه واحد مع اذانيه وهو يقول : أحد أحد !! وشعنده أحمد مرعي في دور بلال ! :ssm16:

 

والحمد لله انزاحت الغمَّة ذلك اليوم , وانتهى ذلك اليوم بذهابي للشرطة من أجل الكفالة ....قال لي الشرطي من جيت تكفل ؟ قال أبو مشعل : مين يعني , أكيد أنا ؟ قلت : معصي . جيت أكفل الكريه أبو يد كأنها مرزبة , لأن ورانا بلوت أنا واياه , واحنا متفاهمين مع بعض. أما أنت يا أبو مشيعل , فأنصحك بالتوبة إلى الله من سب الحكومة البحرينية , هذا جزاهم منك يا مثير الشغب والفوضى والاضطرابات , ما كفاك المذابح اللي ارتكبتها في حق المسلمين , ما اقول إلا الله يجزى حكومة البحرين كل خير اللي وقفت سد منيع ضدك وضد أمثالك من اليهود !! التفت عليَّ الضابط فقلت : الظاهر ما تدرون أن جده الرابع كان يهودي أشكنازي !!

 

قام الضابط : قال إيش ؟ أجل طلعت يهودي . يا عسكري طلعوه من السجن لا يسوون لنا مشكلة , كلش ولا اليهود !! بكرة يتهمونا بمعاداة السامية .

 

طلَّعوا أبو مشعل , وقلت له : هاه وشرايك في خطتي , شفت كيف خليتهم يطلعونك ؟( إيه هيَّن , الود ودك لو داسوا في بطنه !! :LL )

 

قال : ما تاكل تبن ؟ إلا كان ودك انهم يسجنوني , لكن ربي فشلَّك ؟

 

- دايم ظالمني يا أبو مشيعل , الله يهديك.

 

ومضينا في طريق مظلمِ , نبحث عن رابع , يكملنا للعب البلوت ....

 

يتبع

Link to comment
Share on other sites

أكسيموس كملهااااااااااا الحين الحين تكملها عااااد بليييييييز ماعندي شي لا شغله ولا مشغله كملها ابي اقره التكمله والله مافي شي سلاني الحين غير اللي كتبته يعل ربي يعطيك الصحه والعافيه

 

 

كملها انزين عشان خاطري كملها لك 5دقايق <<<<< شكله وااايد

بس يلا عشان خاطرك 5 دقايق وتحط التكمله اوكي

 

طنكيوووووووو

Link to comment
Share on other sites

هههههههههههههههههه والله اني احب تعليقاتكم يالسعوديين .. تذبحني من الضحك .. كثررر منها ( الله لا يهينك ) ..

ما تشوفه الا طالع لك عن الموضوع ( مدري ) يجيبها من وين هههههه

 

وخفة دمك محلية القصة اخوي

 

كمل بليييز ننتظرك ..

 

بسرعه

عقب ساعتين وراي امتحان .. قاعده اخفف عن نفسي >>> امحق تخفيف ههههههههه ..

 

وي ار ويتنغ ..

Link to comment
Share on other sites

أكسيموس خلصت ال 5 دقايق بس انا زعلت

يلاااااااااااااا كمل تمللت قاعده جذي لا شغله ولا مشغله ملل

كمل

كمل

كمل

اتصدق يعجبني كلامكم يا السعودين ههههه ويضحك ( ابي مويه ) (ابي آيسكريم على شوكلاااطه) خخخخخخخخخخخخخخخخ <<<<< ماخذتهم هالكلمتين من سعودي في مجمع الجمعه هاهاهاهاهاهاهاها هع هع هع

 

 

يلاااا كمل تمللت

Edited by ريمو الحلوه
Link to comment
Share on other sites

ما أطول عليكم السالفة وهي قصيرة ( كل هالهذرة وتقول قصيرة , كم سم يعني ؟ :n5: ). رحت للجامعة , هالمرة من دون أبو مشيعل الله يوفقه لما فيه خير الأمتين العربية والإسلامية .

 

دلفت ( أو ذلفت , كلها صح ) على مكتب مدير التسجيل , وأنا حاط نظارات شمسية سوداء , ويقوم راسي ويضرب الباب بالغلط , وأطيح مغمى علي عنده . بس اللي عجبني فيني إني ما طيحت النظارة عشان ما يكتشف شخصيتي الحقيقية . أغمى علي وأنا مشخص . المهم , قمت أطلع من فمي زبد , وتمر . حتى إني شفت اثنين من الشباب " يقدعون " , زبد وتمر , تمر وزبد, , واسلم على الحغة أم محمود , والحغة نبوية , وبأؤلها ما يحكمشي يا هانم , هوا انتي فاكراني ما شفتكيش وانتي تسرأي الدغاجة ( اللغة المصرية الفصحى ) , دا الياهو earth ما سب سب سب ( ما عرفت أقولها الله يقلع كلامهم :ssm11: صاير كأني سيد زيان في فيلم المتسول سسسسس) ما سبشي حاغة ( يا سهلها سهلاه ) , وعلى أولة الآيل اللي يسرأنا واحنا مش داريين يسرأنا وحنا في الباي باي ( أقطع يدي إذا انتو فاهمين شيء :n5: . إذا أنا نفسي ماني فاهم شيء !!) ...

 

المهم ....قام مدير التسجيل , وكلَّم الإسعاف , يوم جاوا يشيلوني قلت لهم : بشويش إذا سمحتو , ولا تطيح النظارة . :LL . قاموا وشالوني برا خط الملعب ( هي مباراة أنت ووجهك ؟؟!! ) آسف آسف. قصدي برا مكتب المدير . قلت لهم : تكفون حطوا علي الجهاز الكهربائي اللي ينفض المريض نفض , هذا اللي يستخدمونه في ER, قام واحد من المسعفين ( شكله يكرهني ) وطالع فيني بنظرة غريبة , تشبه نظرة أبو سمير غانم في مسرحية المتزوجون اللي الشايب اللي في الصورة , وقال : ما تاكل هوا أحسن لك ؟! ( أكيد قال ما تاكل هوا , مش شيء ثاني ؟!! ) قلت : اشتغل بس , خل عنك البربرة , أنت ويا أذانيك , اللي كأنها أحجار كيرم !!

 

قام الرجال وهم معصب , وقال : كأنها أحجار كيرم هاه ؟ مش انتا تبغى النفضة الكهربائية . أبشر يا سيد.

 

المهم ويشيل الجهاز , ويحطه على وجهي , يا عنك انه فعلاً جهاز أصلي . يحطه على وجهي

وينتفض منه كل جسمي حتى عصاقيلي . كأنه مساج , بس على ثقيل. لاحظت واحد كان واقف بعيد لابس نظارات يطالع فيني , ويقوم يقول : هلا هلا , ييييس , ييييس بريك دانس , غووود , غووود . مارفلاس دانسينغ مان ....( يفكرني أرقص الخبل :LL ) , قلت لهم : حطوه على أبو الشباب هذا ترى فيه زيران ؟ :ssm19:

 

عاد بيني وبينكم , أنا استحيت وتفشلت , قمت أسوي روحي ثقيل , وكأني أسوي مساج , انقلبت على جنبي الثاني , قلت : وراء ظهري إذا سمحت . إييييه , إيييييه .

 

قام الكريه , وحذفني من نقالة الإسعاف , وقال : الله يلعنك ويلعن اللي يشتغل مسعف مع هالأشكال :angry:

 

قلت : وشفيك زعلت يا خوي . ترى الأمور سهالات , وعلى أولة الآيل : اليوم مسعف , بكره مسعوف عليك. وكما قال الشاعر : اليوم يومك يا أريش العين مسعف , بكرة بكرتك يا أريش العين مسعوف !

 

بعدين يا أخي الشغل مش عيب . وأنت من أبناء الوطن , بلد السلالالالالالالالام , بلد الأمااااان, صفقة للمنتخب :cc2: , تعرفون وراه بطولة خليج وهزايم وفشايل , فلازم نشد من رزهم ( وش رزه الله يفشلك , أرزهم أرزهم , يا ولد أنت يا مصحصح ). تبون الجد عاد , والجد هالله الله عليه. منتخب البحرين خوش منتخب لو بس يسلمون من خورات حمود سلطان ( وش حمود سلطانه الله يفشلك , حمود معتزل من عشر سنين ) , أجل خورات خليل شويعر !! ( خليل أيضاً معتزل ) , والله البلشة ! طيب من تسلم راية الخورات في المنتخب ؟ :aq11:

 

ترى في كل منتخب واحد مخصص للخورات . كان عندنا في السعودية حسين البيشي !! حسين البيشي اللاعب الوحيد في العالم الذي تسبب في موت خمسة معلقين بالجلطة , وثلاثة بالشلل , واثنين جالسين يشحتون في الشوارع , بعيد عنكم !!

 

قبل كم سنة , في أيام حسين البيشي ( وهذي القصة حقيقية ترى ) جانا مدرب جديد, نسيت اسمه , كان مدرب ممتاز للمنتخب , لكن الإدارة أجبرته على تثبيت حسين البيشي في قلب الدفاع مع صالح النعيمة ( ترى صالح النعيمة اثرم , يعني طايحة اسنانه الأمامية , تدرون من وشهو ؟ من جزمة حسين البيشي , كان يبغا يخلص كورة بقوة , وشوي اللي جزمته في فم ثالح النعيمة :whistle: ) , المهم وافق المدرب على بقاء حسين البيشي في المنتخب بشرط انه ما يلعب ولا مباراة !

 

راح المدرب إجازة , وفي الإجازة أخبرته الإدارة أن اللاعب البديل لحسين البيشي , أصيب , ولهذا فهم مضطرون ( والضرورات تبيح لعب حسين البيشي ) للاستعانة ( أمحق استعانة ) بحسين البيشي . وش تتصورون اللي حصل ؟ رمى المدرب بنفسه من الدور الرابع ومات. شهيداً شهيداً شهيداً.....

 

في أحد المباريات وبعد أن أدخل حسين البيشي هدفاً في مرماه ( كالعادة طبعاً , ما فيه شيء غريب . برافوا يا حسين ) , ربطه صالح النعيمة بحبل في المرمى !!:)

 

مرة ( وهذي ترى صحيحة ) سووا معه لقاء في التلفزيون , وكانت السعودية فايزة ببطولة , قال أهدي هذا الفوز : لجلالة الملك صلى الله عليه وسلم !! :sad:

 

ومرة سووا معه لقاء فأول كلمة قالها : ألو !!..... :de20:

 

المهم , ساعدني المسعف الثاني على القيام , ووقفت على الخط منتظراً إشارة حكم المبارة للدخول !! اشار علي مدير المكتب بالدخول وقال : يا أخي قول وش تبغى , واحنا بنسويه . من دون مشاكل , ولا تتحرك تصدم في شيء وتسويلنا بلوى ثانية بعد .

 

قلت في نفسي , دامهم خايفين مني , ليش ما أتشرط عليهم : شف طال عمرك , أبغى زوجة وسيارة وفيلا ! ( صاير لي سامي الجابر مع وجهك ) ؟

 

قال بعصبية : إيش ؟ يوم شفته زعل , قلت : لا ولا شيء طال عمرك , أمزح معك ...

 

- وأنت من متى تعرفني حتى تمزح معي ؟

 

- يا أخي المعرفة في القلب ( هي المعرفة والا المحبة :n5: ؟!) واللي أكبر منك بيوم "أعرف" منك بسنة....والقلوب شواهد , وكما قال الشاعر : رب قومٍ ذهبوا إلى قومٍ يسجلون في جامعتهم , لقوا القومن التانين زعلانين أوي , آموا مزحوا معاهم , راحوا أبلينهم في الغامعة :ssm19: .

 

ضحك مدير التسجيل , وقال : في أي برنامج تبغى تسجل ؟

 

- الماجستير

 

أغمى على الرجال على طول ( أدري أدري , شكله مقهور مني ) , ويالله صحى من كبكبتي للماء على وجهه ( تبون الجد , يوم أغمى عليه , خليته طايح ورحت جلست على مكتبه , أشرب القهوة , وأستقبل المراجعين , وكل شوي أدق على السكرتيرة , اقول لها : يا حمااارة . واسكر الخط في وجهها :LL )....

 

المهم صحى الرجال من الإغماءة , وقال : أنت عندك بكالوريوس ؟!!!!

 

- ليش مش عاجبك يعني . لا يغرك شكلي تراي متواضع...( أحلى يا متواضع ) تراي من جد قوي , حتى شوف عضلاتي , وأقوم أرفع كم الثوب أوريه عضلاتي وهي منتفخة.... :up:

 

- بس بس خلاص . الله يرحم أم التعليم اللي خرَّج أمثالك . قالها بصوت خفيف

 

- إيش , كأنك تقول شيء

 

- لا ولا شيء .

 

- خفت هاه ؟ قلتها منتشياً منتصراً . وقلت بصوت خفيف : يا فيه ناس غبانات بشكل ! :ph34r:

 

وقع المدير على قبولي في الجامعة بعد أن سددت رسوم التسجيل , اللي تسلفتها من بابو راعي البقالة اللي جنب بيتنا !

 

وأصبحت طالب للماسجتير في البحرين ....

Link to comment
Share on other sites

يخرب بيتك والبيت اللي جنب بيتك

 

كما قال الشاعر عش يومك وانسى بكرة ترى بكرة ماهو لك واليوم بعد ماهو لك

 

حمستني اجي وانتسب في جامعه البحرين ونتعرف عليك بس للاسف انا ماعرف العب لوت اعرف العب بلاستيشن يمشي الحال وتراني جيد بعد في العد من العشرة للواحد بشكل مقلوب

 

لا جايك جايك يالمليون

 

المهم اشوفك في نفس الخيمه اللي لعبت فيها بلوت ولا تنسى سلم لي على ابو مشعل اللي متورط معاك

 

دمت بود

Link to comment
Share on other sites

دخل علي اخوي وأنا جامع شوي فحم بارد , وجالس عليهم , قال : خبل أنت ؟! وش قاعد تسوي ؟ قلت : جالس أنتظر على أحر من الجمر بداية الدراسة !!

 

- طيب بس أنت ما شبيت هالجمر حتى يصير حار , وتجلس عليه , وبعدين تقدر تقول أنك جالس على أحر من الجمر ؟!

 

- مجنون أنت ؟! تبغاني أحترق ؟! :ssm18: أصلاً المقصود بقولنا : أحر من الجمر , مقصود معنوي , أي أنك جالس مثل الحسران تبغى تروح الحمام ! ( يلعن أبو المثل والقياس يا شيخ !! ) فلهذا لا تهم الصورة بقدر ما يهم المضمون , على طاري المضمون , تلعب معي ضومنة ؟!

 

- يا ولد أنت يا أمثلة !! , دام الأمر معنوي يا دلخ , وشهوله مجمع هالفحم , وجالس عليه صاير كأنك دجاجة أفريقية راكه على بيضها ؟! :ph34r:

 

- يا عزيزي أنت لا تفهم في البلاغة العربية , ولا في قواعد المنطق والإتيكيت !!

 

- أحلى يا إتيكيت , بلاغة هاه . تدري أنت تشبه مين باسلوبك هذا ؟

 

- مين ؟ زكي غومعة ؟ ( مين زكي غومعة دا ؟! :whistle: )

 

- أنت تشبه واحد محشش كان يغني في برنامج نجوم الخليج , كان الجمهور يصرخون عليه : هييييه , هيييييه , سروالك مشقوق , سروالك مشقوق , رد عليهم وقال : إن شاء الله أغنيها بعد هالأغنية ....خخخخخخخخ :ssm16::up:

 

- بس أنا سروالي مش مشقوق ! وبعدين أغنية سروالك مشقوق أغنية بايخة ! :ssm16:

 

- ألعن أبو الدلاخة يا شيخ !! بالله أنت سجلت في أي جامعة , حتى أرسل لوزارة التعليم العالي بعدم الاعتراف بهذه الشهادة .....لالالا بأسوي حاجة أحسن أنفع فيها الأمتين العربية والإسلامية , بآخذ لوحة وبأكتب عليها " يوجد هنا منتمون لتنظيم القاعدة " وبأعلقها على هالجامعة ؟! :angry:

 

- يا أخي أنت وشفيك علي ؟! هذا وأنت أخوي على سنة الله ورسوله ! :sad:

 

- إلا بغيت أسألك يا أخوي هي ماجستير أو ماهستير على وزن هسترة , وخبال ؟ وبعدين هل كل طلاب الجامعة من نفس فصيلتك ؟!

 

- هي ماسجتير , وبعيد وشفيها فصيلتي . شايفني من الأميبا ؟! أنا من الثديات , حتى شوف أثدائي !!

 

- الله يلوع كبدك يا معفن !! غطي غطي :dde1:

 

- وشفيك , كأنك شايف لك قطو مدعوس في الشارع ؟!

 

- والله القطو أرحم , يخرب بيتك ليش صايرة فنيلتك برتقالية , أنت ما تغسلها من الوصخ ؟

 

- أي وصخ , هذي الفنيلة وأنا أخوك من يوم مات الوالد في عام 1983 م الله يرحمه , ويومها قلت مقولتي المشهورة : يحرم علي فصخ الفنايل وأنا حي , وإن فصخوني غصب بأقول لهم تم!!

أنت ما تدري أن أخونا الأكبر , قبل شهرين جاب عمال مساح ومقاولات , وجابو مطارقهم ومساميرهم يبغون يكسرون الوصخ اللي على الفانيلة عجزوا منه !! آخر شيء قالوا لأخونا : أخوكم هذا ( اللي هو آآآآنا ) ما ينفع فيه إلا حمض الأسيد. عاد من وقتها وهم ينتظرون دفعة الأسيد تجي.

 

- ما شاء الله عليك يا أخوي , صامد والله !

 

- وش على بالك أجل ! ( اسم برنامج إذاعي جديد. حقوق الحفظ مطبوعة.لا . حفوظ الطبع محقوقة. لالا . طبعوع الحق محفوظة . لا لا . ) :whistle:

 

خرج أخي من البيت , يشعر بالفخر وبالاعتزاز أن لديه أخ يحمل هذا الفكر النير , وهذه البلاغة الكبيرة , وهذا الاحتفاظ " المقدس " بالآثار ( الفنيلة الأثرية طبعاً ).

 

فكرت وقلت : أنا ليش ما أبدأ بتحضير نفسي من الليلة , فأقرأ في التخصص . فعزمت ( يعني نويت , مش عزمت يعني عزومة , تهبيس وأكل وشرب . يا حبكم للأكل ) على شراء كتاب في التخصص . بس وشهو تخصصي ؟!! لحظة خلوني أتذكر : إملاء وخط ؟! لالالالا . وش إملاء وخط. يمكن تكون تعبير؟؟ 0(يوم اني صغير كنت أقراها تعيير بالياء المعجمة ( يعني اللي بوزها شبرين من الزعل وضيقة النفس ) , فكنت اقول لأخوي اللي ذلف توه , وشلون تعيير؟ , يعني نقعد نعير على بعض في الفصل , أقول لهم : هيييه أنت يا سعد شف خشمك كأنه يدة دريشة للسيارة ! وأنت يا صالح مع راسك كأنه قوطي صبغ , وهم يقولون عني : يو يو يويويو , أنت وايا وجهك كأنه يوم السبت بداية الدوام !! ( كلاب يعقرون أحسن مني ) , واحد منهم يقول : أنت وايا أذانيك كأنها مساكات أكواب . وأنا اقول : مش أحسن من أذانيك اللي كأنها عقرب منسدح على بطنه ميت من الضحك !! :ssm16:

 

قال لي أخوي بعد أن نظر في عيني : أنت ستكون طامة من طوام القبيلة. ودعا لي بخير ! , ومضى في حال سبيله ( حش مسلسل ريمي صار :aq16: )

 

المهم , وش كان التخصص اللي سجلته يا ربي : علوم ؟! لا . جفراغيا . لا . إعلام ( إيه هيَّن , أنت وجهك وجه إعلام , والله لو يدري عنك فيصل القاسم , يتوب إلى الله ويتحجب ! ). لا . علوم سياسية ؟ ( هههههاي . لا تضحكني وانا مالي خلق يا استاذ كرسي !! قال إيش قال علوم سياسية ؟! أنت كرسي لحالها وتخب عليك ! :n5: ) طيب طيب لا تدف. تربية بدنية ؟ يمكن . يا إني كنت أحسن لاعب في الحارة ( يا كزززززززاب . مش انتا اللي كل فريق يرميك على الفريق الثاني . وآخر حياتك , وبسبب أن كل فريق ما يبغاك , كانوا يخلونك ترفع يد وتنزل يد , وأنت وحظك ....حتى أن الفريقين مرة لعبوا عليك يوم دخلوا الهندي بابو معهم كرئيس لفريق , ويوم جيت أنت قالوا لبابو : مبروك يا بابو . حصلت على لاعب هدية من عندنا . هذا هو خذه معك . مبروك . صفقة لبابو يا شباب . وسووا هذاك اليوم حفلة كيك وببسي , وعرضة وتفحيط. :LL قلت لهم وش السالفة يا شباب ؟ قالوا سوينا قرعة للي مجبور ياخذك طلعت القرعة على بابو. ولهذا عملنا لك حفل اعتزال مبسط , وسامحنا على القصور ؟

 

- هأأأأو على مين ؟ وشلون تسوون لي مباراة اعتزال وأنا ما عندي خبر أني اعتزلت !! ( ألعن أبو الذكاء يا شيخ ) :ssm19:

 

- ليش هم ما قالوا لك انك اعتزلت ؟

 

- لا والله محد قال لي , وإلا كان جيت كاشخ ( الله يقلعك أنت وكشختك , فنيلة كحلية وشورت برتقالي مشقوق من وراء !! )

 

- هذا أنت دريت الآن . يا الله يا شباب خلونا نطوف باللاعب الكبير على الملعب . وشالوني وطافوا فيني على الملعب , وأنا أوزع القبلات يمنة ويسرة , وأغني : بتحبوا مين آنا , وحبيبكم مين آنا , حبيب الملايين آنا ....وفي النهاية قاموا ملاعين الخير ورموني في حاوية الزبالة !!

بيني وبينكم لقيت لي هناك اثنين من الشباب يمزمزون في السجاير . قلت لهم : مكيفين الشباب هاه ؟

 

- تفضل معنا ؟

 

- لا مشكورين عندي موعد في المؤسسة !

 

- سلم لنا عالسكرتيرة , وقول لها إنننا ما راح نقدر نجي الاجتماع اليوم.

 

- إن شاء الله , بس ترى فيه خصم عليكم !

 

- لا واللي يرحم والديك , يا أخي ذبحتنا بالخصومات, كل يوم وأنت خاصمن علينا !

 

- هذي أمانة يا إخوان , وأنا مقدر أتساهل فيها ( واقوم آخذ لي غرشة ميرندا من الحاوية وكان باقي فيها شوي ميرندا واشربها , الله يلوع كبدي :ohmy:

 

- يعني وقفت علينا أنا وهالشاب الوسيم , ما الجميع يتأخرون ويبزوطون 0 ( بزوط يبزوط إلحاحاً)

 

- القانون فوق الجميع , والناس سواسية كاسنان المشط

 

- طيب وليش ما يطبق هالقانون على الحلوة المزيونة السكرتيرة الخاصة بك؟

 

- هذي مزيونة وحلوة , وأنتو ما فيكم مزيون ولا حلو , يعني يرضيكم نطردها من المؤسسة ولا يصير باقي في المؤسسة إلا التماسيح والضبان الشيون !! وبعدين لكل قانون استثناءات , وهي الاستثناء من هذا القانون.

 

- أي استثناء أي بطيخ , إلا تلاقيها حاطه القانون تحتها وجالسة فوقه ؟!

 

- يا إخوان لا تظلمون حظكم . هذي البنت نشيطة في العمل , وحريصة , ومنضبطة ! :de20:

 

- منضبطة طل ! ما تجي كل يوم إلا الساعة 10

 

- يعني يرضيكم تجي من دون مكياج ؟ انتو شفتو شكلها من دون مكياج ؟ والله دخلت علي مرة من دون مكياج , فكرتها يحيى اليمني راعي الفوال اللي جنبنا , قلت لها : هلا يحيى وش عندك؟ قالت : أي يحيى . أنا سحر . قلت : بسم الله الرحمن الرحيم , جني سحر متلبس يحيى المسكين !! قالت : وشفيك أنت أنا سحورة ؟ ( قصدها تقول سحَّارة بصل , الله يقرفها ) . انتو شفتو خشتها إذا ضحكت ؟

 

- لا .

 

- الله لا يوريكم . مرة ضحكت في السينما . قام بطل الفيلم وفصخ الجزمة ورماها عليها !!

 

- لا حول . خلاص يا عمي مسموح مسموح.

 

المهم . نرجع لمحور حديثنا ...وش تخصصي يا ربي ؟

 

وشهو ؟ وشهو ؟ أيوه . إدارة أعمال . ماسجتير إدارة أعمال !

 

يا هووووو . صح هذا هو تخصصي . يا إني عبقري ...

 

قلت لنفسي : الخطوة الجاية ( يا ولد أنت يا مرتب ) الذهاب إلى المكتبة لشراء كتاب عن هذا التخصص. تقدمت خطوة وحدة برجلي , وقلت : وش السالفة ؟ ما وصلت للمكتبة , وأنا جالس أقول الخطوة الجاية كذا كذا ....

 

شكلي يبغالي أغير الجزمة بجزمة أديداس عشان أوصل بخطوة وحدة !

 

يتبع ....

 

أختي ريمو الزعولة

 

خفي علي شوي .

 

تراي والله يالله ألقى ربع ساعة ( صدق نفسه مدير مؤسةة من صدق ...خخخخخ )

 

لا من جد والله مشغول , لكن عشان خاطركم نكمل إن شاء الله, وأتمنى أن تجدي في الموضوع ما يسليك ويمتعك, وخليك على السمع :)

 

مودتي

Edited by أكسيموس
Link to comment
Share on other sites

ريمو

 

كلش ولا تزعلين علينا .

 

ترى ما اشغلني والله إلا زحمة العمل ( الأخ مصدق عمره مدير مؤسسة :) )

 

شكراً لمتابعتك , وأتمنى أن تتسلي أكثر وأن تدوم الضحكة على محياك.

 

مودتي

Link to comment
Share on other sites

علينا حركاتك يا ليلة الحب ؟ :ssm16:

 

لا تحاولين . أنا ماشي يعني ماشي. اللي بيني وبينكم كلكم انتهى :dde1: . ردوا صوري ورسايلي.

 

أنا بأنتحر , وأخلي اللي ما يشتري يتفجر :ph34r:

 

راح أسوي لكم مصيبة في هالمنتدى , وأسحبكم كلكم للشرطة متهمين في جريمة اغتيالي اهىء اهىء :dde1:

 

أنا اللي زاع ( يعني ضاع بس بالمصري , مش طرَّش وطلَّع اللي في بطنه الله يلوع كبده :ssm11: ) عمره سبهللا

 

لأرحلنَّ وأتركنَّ وأسيبنَّ هازا المنتدى لكم , وأبأ تعالوا . انتو ما بتغوش ليه مش تبأ تيغو :ssm19:

 

وإبأ سلملي على غوزوه :)

 

ليلة أشكرك من أعماقي على اهتمامك.( يا حلوي وأنا مؤدب , شفتيني وأنا ميت :ssm9: )

 

سلام

Link to comment
Share on other sites

القيثارة الحزينة

 

ميرسيه يا قث قث.( يخرب بيت التدليع يا شيخ :de20: )

 

نردهالك في الأفراح يا ستي,

 

أما من ناحية إني ما بغمعش فهذا صحيح. يوم إني صغير طاح علي مكيف البيت , ومن ذاك الوقت , وأنا ما بغمعش بعيد عنك. عؤبال عندك إن شاء الله , زغرطي يا أم توفيء :ssm19:

 

شكرا على مرورك , وتحيتي

 

تمنيت لو أنني أكملت هذا الموضوع من أجلكم لكن لا أحب أن أكون ضيفاً ثقيل الظل.

 

تشاااااااااااااااااااااااااوات

Link to comment
Share on other sites

قول لك بتكمل يا نجيك ويا الشباب وفي ددسن محمل شياول ومطارق امفكر نفسه مقاول الاخ ونسحبك ونربطك في عمود النور ونعذبك تعذيب مو صاحي .... انخليك اتشوف اغنيه البرتقاله بدون البنات اللي فيها بس المغاني يغني البرتقاله وعذبني حاله عاشوووا عاشوووا ..... على اني عزيم عصابه لا لا عصابه عزيم لا لا لا زعيم عصابه ايه شذي صح لانه الزعامه يعني مثل اخوي الكبير في البيت كله يصفق فينا وبس بسبب وبدون سبب يعني مسوي فيها هو عادل امام .... المهم وش كنا نقول ايه لازم اتكمل حنا امتابعينك وراصدين حركاتك انت ووفنيلتك ..... الله يغثك على الفنيله حطها في المنتحف الوطني ترى كذا اتسوي خدمه للمجتمع ولي الناس اللي يدرسون معك يرتحون من الريحه الحلوه..

 

الحين ضيعتنا انت في هالكلام الزبده اكمل القصه وحنا معك...

 

يعطيك الف عافيه

 

دمت بود

Link to comment
Share on other sites

يخرب بيوتكو والبيوت اللي غمب بيوتكو :LL

 

مسوين فيها مهتمين الحين ؟ :ssm16:

 

يعني أنا بح صوتي , ولحدش عبرني ....تصدقون تصلح أغنية هالجملة : أنا بحش صوتي , ولا حدش عبرني , وإييييييه , وإيييييييه , دا أنا بحش صوتي ..إييييييييييييييه , ولا حدش عبرني ....إيييييييييييييه ( لحظة آخذ نفس معسل :whistle: ) إيييييييييييييييه . ( حشا شعبان عبدالرحيم الله يخسه. يا أخي كل ما شفت هالآدمي أتذكر هذاك الممثل المصري اللي كان دايم يمثل دور الأهوغي ويقول : أنا غاااااااي أهوا). :ssm19:

 

الشرقاوي البرتقالي :

 

يا أخي حبيتك من أول نظرة , تجي تتجوزني ؟ والمهر والطقطقة والعيال علي , قل تم ؟

 

:ssm19: زغرطي يا أم فاروء

 

على طاري عمود النور , وهذي ترى سالفة حقيقية ( يعني الباقي كله شلاخ ؟ :ssm9: ) , كلمني مرة رئيس تحرير جريدة , قال لي : نبغى نعطيك عمود في الصفحة الأخيرة , وشرايك : قلت أكيد بأصدمه ؟!! :ph34r:

 

مات من الضحك , وقال : تراي ما أمزح. قلت : ولا أنا أمزح . أنا عمود نور أدخل فيه ويخب علي. :LL

 

بعد ذلك كتبت عندهم ( ولأول مرة في التأريخ يُعطى كاتب هاوي فرصة الكتابة في الصفحة الأخيرة مباشرة . أما في التاريخ فكثر منها :n5: , تعرف يا اخي لازم أزعط شوي . زعططي يا تفيدة :ssm19: . يا حبي لهالعجوز لسانها ما غير يلعلع . تصدقون اني حبيتها في الله . اشعر أنها تقدم خدمة للإسلام والمسلمين. :ssm19: ) اقول كتبت عندهم لمدة 6 اشهر ثم أشترتني جريدة ثانية وأعطتني مساحة أحسن ( الأخ صار يقص حياته !! لا وياليته ما يشلخ. طايح تسذب في خلق الله :angry: )

 

المهم يا شرقاوي البرتقالي : نصيحة لوجه الله لا تجيب الشباب , ترى صاحبي الكريه راعي البلوت , شباب جد حفص جاهزين , والله يا هم بيلسبونكم تلسب . ترجون للسعودية جري 400 م تتابع :up: ) على طاري جد حفص, أول مرة أسمعها سألت الشباب : هو حي وإلا مات ؟ قالوا : منهو ؟ قلت جد حفص ؟ لا يكون حفص مات هو بعد. إيه إيه شكلهم كانوا في العبَّارة اللي غرقت !! قالوا : وش تقول أنت ؟ أنت محشش؟ ( حششي يا أم سلطان أبنك بأه محشش :ssm19: ). قالوا وش تخربط أنت عبارة وجملة مفيدة( يا هم محششين ربعي :LL )؟ جد حفص هذا اسم منطقة. قلت طيب ليش ما سموها : جد أكسيموس يعني ؟ هو جده أحسن من جدي في إيش ؟! :dde1:

 

اقول: والله لو كملت ما أخلص من الكلام إلا السبوع الجاي.

 

وبعدين تعال : وش سالفتك مع فانيلتي ؟ ترى كلش إلا الشرف !! ( يلعن أبو التحشيش يا شيخ , وش دخل أم الشرف. شرَّفي يا أم فيفي :ssm19: ) أنت ما تدري أن فانيلتي صارت عليها مسابقة, ياخذها اللي يفوز فيها, ما فاز فيها أحد عطوها الحكم. مات ثاني يوم من الريحة . يوم كفنوه , حطوها على قبره مثل العلم الوطني. شمَّها وقام من الموت من الريحة . شمشمي يا أم زينب :ssm19: )

 

لسه باقي فيني حتسي , لكنني تعبت من الكلام , الوعد قدام .

 

وجاي دور بنت أبو ديب , :ssm16:

 

 

Link to comment
Share on other sites

  • 2 weeks later...

بنت أبو ديب

 

تصدقون انكم تحرجونني بهذا الكم من التواصل. وخصوصاً الشرقي وريمو وبنت أبو ديب.

 

ميرسيه أوي .

 

وأعدكم بإكمالها , وأعتذر عن التأخر بالإكمال بسبب وجودي في البحرين من أجل الدراسة.

 

اليوم هو آخر يوم للدراسة في هذا الشهر .

 

أنا جالس على قلوبكم لمدة شهر . وأعدكم بإكمالها , ومن هنا أرسل تحية لأختي ريمو التي ظلت وراءي حتى دفعتني للتكملة .

 

ميرسيه لك أختي بنت أبو ديب

 

تشاو

Link to comment
Share on other sites

قالوا لي ترى هذي هي الدكتورة المسؤولة عن أعمال التنسيق .

قلت : طيب وين الحديقة ؟

قالوا وش حديقته يالخبل ؟ :ohmy:

قلت انتو ما تقولون منسقة , يعني منسقة حدايق !

قالوا وجع يوجع بطنك , هذي منسقة البرنامج ,

قلت أي برنامج لا يكون برنامج مع هالة , بس شكلها ما يشبه هالة سرحان , :up:

قالوا وش هالة سرحان أنت ووجهك ,

قلت يووووووووووووه ترى طفشتوني !!

قالوا والله انك تطفش الصين والهند بكبرها !!

قلت طيب ورا ما تبعثوني لأمريكا أطفشهم خخخخخخ عاد يا زيني وأنا أجلس لحالي في أمريكا في البراد والشواطي والـ bay watch , يهووووووو. بس تعالوا بي ووتش ولا فيه أحد أراقبه ما يصير . بس لقيتها , أسوي ووتش علي أنا !!

 

أروح ألبس بيكيني قطعتين وأجلس أراقبني وأنا أركض بنعومة ودلع وأتسدح على الشاطي وآخذ الدربيل أراقبني , وكل ما شفتني وشفت شعر رجولي , قلت الله يلوع كبدي على هالإغراء !! :ssm9:

 

وأقوم أسوي روحي بأغرق عشان يجيني أحد ينقذني بعدين يحبني وأحبه !! وأجيني أشيلني فوق , وأهبدني على الشاطي. واقول لي : مرة ثانية إذا ما تعرف تسبح يا حمار , أجلس على الشاطي ودلل رجولك في البحر. يا إني كرهتني ذاك اليوم , اكتشفت اني حقووود فعلاً . عشان كذا قررت إن الوحيدة اللي ما راح أطفشها هي باميلا أندرسون ...يهوووووووووووو ...يا اني باقوم أدربل عليها . بتصير وظيفتي في هالحياة التمقل فيها ....يا زين هالفتاة يا زينها ! :n10:

 

قالوا وجع أنت وش تقول يا جحش ؟

 

قلت معليش جحش مقبولة . لسه ما كبرت وصرت حمار . :ssm16:

 

كل هذا والدكتورة تطاله فيني فاهرتن فاغها , لالالا فاتغرن فاها , لالالا فاغرتن فاها...ايوه كدا يا راغل ...شفيء يا رااااااغل.... :n5:

 

شوي وقامت الدكتورة وطلعت آلة حاسبة من جيبها , وقامت تحسب , وهي تبكي !! قلت عسى ما شر . وشفيها تبكي . قالت : أرغوك سيبني فحالي. قالت لي وحدة من الطالبات : تراها تحسب متى تقدر تتقاعد تقاعد مبكر ؟ كله منك . منك لله . منك لله . قلت شوي شوي على نفسك يا أمينة رزق :ssm19: !! وأنا وش دخل أهلي إذا بتتقاعد مبكر والا لا ؟

 

قالت أمينة رزق : كله منك من يوم سمعت المنسقة كلامك وشافت خبالك قررت أنها تتقاعد مبكر.

 

قلت : على كذا المفروض الحكومة تعطيني مكافأة " تنحيش الأجانب من مملكة البحرين " تصدقين يصلح اسم كتاب ؟ بس كلمة تنحيش أورجينال خالص . يبغاالي أغيرها , بس لقيتها " تفريك الأجانب من مملكة البحرين " ....لا ماش ما يصلح . أشوف غيره ...لقيتها " شوت الأجانب خارج مرمى المملكة " ....حشا طلال اليوسف !! يا عليه تشويت طلال . ما شاء الله عليه . أحسن واحد في العالم يشوت فوق العارضة !! :ssm16:

 

قلت للدكتورة : خلاص يا دكتورة , لك علي أكون أفضل طالب , أدب وخُلق وجمال , ومهري رخيص ...نيهههههههاي ....(يعني أمزح معها) ....

 

لقيتها هربت وراحت تجري وتبكي وتقول : لأه , لأه . دا كان متخبيلي فين يا ربي....بيني وبينكم أنا خفت انها ترمي نفسها من الدور الأرضي !! رحت لحقتها , وطالعت فيني على وراء ,

قالت : سبني فحالي الله لا يسيئك . مدري ليش حسيت كأني في فيلم سكريم 3 , طالعتها بنظرة مليئة بالدم :angry: , طبعاً ما لقيت دم أحطه على عيوني حتى تصير النظرة مليئة بالدم , حطيت تفال !! يعععععععععععععععععععع :de20: , لا وكتبت على التفال كلمة " أحمر " ....وجلست ألحق وراها , وأقول : حتروحي مني فين , هو دخول الحمام زي خروغوه . انتي الحين لما تدخلين الحمام وأنتي تارسه بطنك يالمصرية , مثل لما تخرجين وأنتي مريحة على الآخر . هاااااااااااااااااااااأو. جالس أخوفها . عشان في المستقبل تدير بالها علي. ( يا ولد يا ذكي ).

 

لقيتها رايحة تبي توصل للدريشة عشان تقط نفسها من فوق !! (من فوق إيش يا الخبل وأنتو في الدور الأرضي . وأنا وش دراني هي اللي بتقط نفسها !! ) قمت وأعنقر لها ! ( أوهوووو وشلون نشرح هذي الحين للبحرينيين ؟ أعنقر يعني اضع عصا في دولاب السيارة حتى تتوقف .

 

قالوا يا ولد انتا يا خطير , بس وشمعنى دولاب السيارة ؟ وهي السيارة فيها دواليب وكبتات ؟

 

قلت لا حوووول والله ما ألوم هالدكتورة ترمي نفسها من الطابق الأرضي مع وجودكم كطلاب عندها , الله يعينها عليكم .

 

يا ولد انتا يا خطير يا جحش .

 

قولوا ما شاء الله. :ssm18:

 

عاد قمت وحطيت رجولي بين رجول الدكتورة حتى طاحت على وجهها قبل ما تصول الدريشة .

 

قامت تصارخ : إلحؤني . إلحؤني . الراغل دا عاوز يغتصبني. :ph34r:

 

طبعاً محد طق لها خبر , لأنهم يعرفون انه من المستحيل أحد يفكر يغتصب هالدكتورة !! الله يكفينا الشر وجهها يذكرني بيوم السبت ! كئئئئئئئئيب مرة . حولاء ( وخلق الله زين ) . دبة. عليها مكياج لو تشوفونه تبكون !!

 

روج أصفر , وبودرة وجه كحلية , وكحل أخضر !! :ssm19:

 

يعني , شفتو بومبا ؟ الخالق الناطق ...ولو إني أشك أحياناً أن بومبا أحلى منها . بس مش كثير.( يا ولد انتا يا منصف )...

 

المهم قمت وجمعت أغراضها اللي طاحت من شنطتها . أنا أول مرة أشوف وحدة تحط كيس سكر , وحبوب كيرم , لا وحاطه صورة بيكهام !! ( طيب كيس السكر وحبوب الكيرم درينا انك سارقتهم من سوبرماركت, وش سالفة بيكهام ؟ أنا أقول لكم في أحد المراريت وأنا في طور التسجيل , قابلتها وكان معها اثنين . قمت وسلمت عليها وعلى واحد من الأثنين, وعرفتني عليه قالت : هذا زوجي . قلت : اقدع ناس !! ( مدري وش دخل أم أقدع ناس هنا ؟! ) .

قلت : طيب ورى ما تعرفوني على هالثاني ؟

 

قالوا : أي ثاني ؟

 

قلت : هذا اللي واقف مع زوجك ؟

 

قالت : يخرب بيت هزارك. دا ما فيش حد وائف ؟

 

يوم طالعت كويس إلا الثاني اللي أشوفه هو نصف زوجها الآخر . يخرب بيته على هالجسم. جسم نفرين . مثل سرير النفرين . :dde1:

 

عرفتو الآن ليش تحتفظ بصورة بيكهام . حتى تظل تتذكر صورة الجنس البشري الطبيعي كلما نست .

 

المهم بعد طيحتها وتجميعي لأغراضها , حست اني ولد حبوب....وبدأت تتعلق فيني. يا ويله اللي بتتعلق في رقبته هالمصرية الدبة !!

 

قصدي صارت علاقتها معي زينة ....

 

اللي ذبحني من القهر انها مش راضية تصدق اني سأكون متفوق . تقول : شخص من طرف أبو مشعل ما أزنش ( أظنش ) يكون متفوق ؟

 

الله يهديك يا أبو مشعل شوهت صورة السعوديين ( أحلى ياللي بيحسنها ويلمعها . الله يحلل أبو مشعل عندك )....بيني وبينكم أنا ما ألومها لأن أبو مشعل من أغبى الناس اللي شفتهم في حياتي .

 

خذوا عندكم أدلة على غبائه :

 

اللي نعرفها من يوم احنا صغار ان الناس تحط بودر على طاولة الكيرم عشان تمشي الأحجار بسهولة . أبو مشعل يحط بودر على الضومنة !! :ssm16:

 

طيب خذوا هذي عندكم : فيه أحد يبرشم خريطة في اختبار الجغرافيا, يلون البحر بالأزرق والصحراء بالأصفر ؟!! :LL

 

اللي على بعد كيلو يشوف البرشامة .

 

لا وفي السنة الثانية قالك يعني بيغير الاستراتيجية , برشم في الجغرافيا , وحط على البحر كلمة أزرق , وعلى الصحراء كلمة أصفر ! ( يا ولد انتا يا ذكي ) .... :LL

 

تلوموني فيه ...؟

 

المهم سألت عن القاعة اللي راح ندرس فيها المادة الأولى , جلست أسبوع أدورها , على ما وصلت لها , كانت الدراسة انتهت وبدأت إجازة منتصف السنة ....خخخخخخخخ ..

 

بعد إجازة نصف السنة , حضرت في نفس القاعة مادتي الأولى , وهي مادة الطلاب الثانية .

 

دخلت للقاعة ......على خجل ....وعلى مهل ...( إيه هيَّن ) ....كان الدكتور يشرح ...قلت : ممكن يا دكتور اقول شيء ؟

 

- تفضل

 

المهم , واقوم أنشد السلام الملكي السعودي : ساااااااااااااارعي للمجد والعليا ....

 

والله يقوم الدكتور المصري يوقف باحترام .وأقول للشباب والشابات : اللي يحب النبي يوأف .

 

المهم ويقوم الفصل كله ينشد معي السلام الملكي السعودي ...حتى اغرورقت عيناي بالدموع ...حشا فايز بالميدالية الذهبية في الأولمبياد .... :ssm9:

 

خخخخخخخ ...وهكذا ابتدأ يومي الأول بالسلام الملكي السعودي ...

 

 

 

 

 

 

 

 

 

 

Edited by أكسيموس
Link to comment
Share on other sites

Join the conversation

You can post now and register later. If you have an account, sign in now to post with your account.

Guest
الرد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Loading...
×
×
  • Create New...