Jump to content
منتدى البحرين اليوم

يوميات طالب سعودي في جامعة بحرينية !


Recommended Posts

  • Replies 489
  • Created
  • Last Reply

Top Posters In This Topic

  • 2 weeks later...

خخخخخخخخخخخخخ

 

اشهد بالله إني مهوي :ssm19:

 

دخلت الموضوع بعد مدة من الغياب , وقرأت ما كتبته , فوجدت أنني مهبول من جد ! قولوا ما شاء الله لا قوة إلا بالله.

 

بس ترى هذا اللي عندي .

 

لا تسمتون وجيهكم , تبون تقرون شيء . أنا اصلاً عندي اختبار هالجمعة في البحرين , والمادة غثييييييييييييييييثة :sad:

 

تذكرني بيوم السبت الساعة 7 وربع الصبح :up:

 

إلى كل الأخوة والأخوات , غزاكم اللهو كول خيرون ...( صاير مصري نصَّاب ) :ssm16:

 

مدري ليه كل ما سمعت مصري يقول : غزاكا اللهو كول خيرون , حسيتها ينصب علي . عشان كذا , قلت لواحد منهم مرة : اقول لك , خلي عنك حركات النصب والفهلوة , محنا دافنينوه سوا :LL ( لحد يسألني وش دافنين , لأني أسمعها كذا), قال : دافنين إيه بس , سامحك الله يا أخي . قلت : اقول يا الذكي خل عنك حركات النص كوم , واصحى للون ( والله اني خطير صاير محمود المليجي :ssm16: ) .

 

طبعاً ما اذكر وش اللي صار بعد هالعبارة , ما صحيت إلا وأنا في المستشفى :ohmy: , لأن المصري فغَّع وجهي , شكله مطوَّع ارتفع ضغطه , فقال لنفسه في سبيل الله , وكنت اسمعه وهو يضربني يقول : الله أكبر , تحيا مصر !! :ssm19:

 

وأنا من هلوسة الضرب اللي جاني اقول : عاش ابو سعد , يحيا ابو خلود :ohmy: !! ( لا تسألوني منهم ذولا , هماني اقول لكم إني مهلوس , فكيف أعرف منهم هذولا :zq13: . والله يا خوفي يكونون من اللي اضربوني معاه , يعني من باب المساعدة له والمساندة , ما يخالف , اخوان في الله يساعدون اخوهم . :ssm9:

 

بس خلاص . انتهت بطاريتي , بأروح البيت اذاكر ...

 

بليز يا جماعة الخير ادعوا لي أتوفق في الامتحاااااااان , وغزاكم اللهو كول خيرون ....خخخخخخخ :ssm19:

Link to comment
Share on other sites

:bahflag:

 

:ssm19:

 

السلام عليكم يا قوم ....

 

عدنا إلى قواعدنا سالمين . :ssm19:

 

ما بغينا نخلص من هالمادة الغثيثة ؟ :ssm18:

 

لا وبعد فوقها جلسة في البحرين !!

 

يا إني بغيت أنهبل هالأسبوع , أول مرة من بداية برنامج الماستر ( مدري ليه لين الحين ماني مصدق اني طالب ماجستير ...خخخخخ :up: ) , أجلس في البحرين ثلاثة ايام !!

 

العادة أجلس يوم وأرجع الشرقية اليوم الثاني , وهكذا . بس اذبحونا الدكاترة بالبحوث هالمرة فاضطريت أجلس .

 

ما وظيفتي إلا روحة وجيَّة من الجامعة للشقة , ومن الشقة إلى لاميزون كافيه , ومن اللاميزون إلى الجامعة , وهكذا .

 

تصدقون أن عمَّال اللاميزون صاروا يعرفون كل شيء عني . :sad: )

 

المهم , أنا الحين ماني رايق لكم من جد , لأني ما نمت زين , وبسبب ضغط العمل اليوم...

 

لكن الوعد قدام ....

 

أما الأخت اللي تقول إني منسم من جد :zq13: , فلا اقول لها سوى حزبي الله ونعم الوكيل , حزبي الله ونعم الوكيل , حزبي الله ونعم الوكيل :up:

 

 

 

 

 

Link to comment
Share on other sites

وجاء يوم اختبار المادة الأولى " مادة الإدارة الحديثة " . على فكرة أول يوم أدخل الفصل فيه , سمعت الدكتور يقول " الحديثة " . فقلت له : آسف يا دكتور شكلي غلطت بالفصل . مدينة الحديثة هي مدينة أردنية , والظاهر أن مادتك في الجغرافيا !! :de20:

 

طالع فيني , وقال : ليلتنا فُلَّ ( شكله كان يتطنز علي :sad: ) . قلت : أوه أوه . شكل المادة تنسيق حدايق , دام فيها فُل وياسمين وجوري !

 

قال : إيه العبقرية دي .

 

قلت : هوا انت شفت حاغة ؟ ( واثق من نفسي هاه ؟ , شسوي يعني , الثقة من الله :ssm19:

 

- اغلس اغلس يا ابني , الله يهديك .

 

- آمين . بس يا دكتور متأكد أن المادة في الإدارة ؟

 

- نعم يا حبيبي , المادة في الإدارة . أعاننا الله على إدارتها بسلام .

 

قمت أنا قلت بصوت فاقع : حلووووووووووووووووة يا دكتور . يا ولد انتا يا ولد. إدارة , وأعاننا على إدارتها . وأقوم أدغدغ الدكتور , وأنا اقول : يا حلو انتا يا حلو ! :LL

 

وهو يقول : لأه يا ولد . خلاص يا ابني . اختشي يا اسمك إيه . بس يادلعادي ( وشفيه الدكتور صار كأنه نجوى فؤاد :ssm18: )...طلع المسكين يغير من الدغدغة ...

 

المهم جلست , وقلت للدكتور : خلاص يا دكتور , هوا احنا حناخد السنة كلها دحك والا إيه ؟!

 

المهم , نرجع لمحور حديثنا :

 

دخلت القاعة , وجلست أطالع , أبغالي مكان استراتيجي . أبغى أحل المكان قبل ياخذه أحد. وألقى الزاوية ما فيها أحد , وأجيك مسرع , كأني بأشوت ضربة ركنية :bahflag: !

 

الحمدلله . وصلت للمكان قبل ما ياخذه أحد.

 

الجمبازية جالسة قدامي . وجالسة تبرشم . تكتب على الجدار . قمت أقول بصوت عالي شوي : اصفخص على الغش والغشاشين . من غشنا فليس منا . :angry:

 

قامت وخزتني بذيك الخزَّة , اللي الله لا يوريكم . تبون الصراحة هجدتني والله ( ما قلت لكم إن هالبنت قوية :n5: ). قلت هلا . وشلونك عساكي طيبة , وشلون الأهل , وشلون من يعز عليك ؟ وشلون المذاكرة , عساكي جاهزة للأختبار إن شاء الله ؟

 

طنشتي ورجعت تكتب على الجدار . عادي عادي . ولا كأنها طنشتني . قمت وقربت من الجدار اللي تكتب عليه , وقلت لها : أفاااااااااااااااااا . والله ما هقيتها منك. إنتي تغشين ؟ لا لا لا . صراحة إني انصدمت فيكي ! ماني قادر أمسك نفسي , بأصيح . إنتي تسوين كذا . يو ديد ذيس. لا. لا . لا. كم أكره عدم الوفاء . كم أكره الغدر والخيانة . كم أكره النفاق .

قامت طالعت فيني , وقالت : شوي شوي على نفسك يا فاتن حمامة :sad: ! ( ما قلت لكم إنها قوية هالبنت ).

 

قلت لها : على الأقل اكتبي على هالجدار الأملح شيء عن التسويق ( الجزء اللي ما ذاكرته أنا ), كله في الموارد البشرية والتنظيم ؟ ما كأن احنا أصحاب , وإخوان , وحبايب !!

 

قالت : حبايب في عينك يا قليل الأدب , أنا وش بيني وبينك عشان نصير حبايب !

 

( لا حول هالبحرينيين دايم يفهمون غلط الله يهديهم , حبايب ,كلمة متداولة على نطاق واسع , بس هي شكلها متضايقة مني وتدور علي أي شيء , لأني أحلى منها , والبنات حولي زي الرز, وهي غايرة منهم :zq13: . إيه هيَّن صدقناك ).

 

قلت لها : الله يسامحك . طيب أنا آسف . احنا محنا إخوان وحبايب . احنا أعداء ويهود وصليبيين! ارتحتي كذا ؟ أووووووووف . الواحد شلون يقدر يبدع في الاختبارات وهو يلقى هالنوعيات المضطربة نفسياً ؟! ( أحلىىىىىىىىىىىى :ssm16: ).

 

والله وتقوم الخايسة من كرسيها وتدف الطاولة اللي بيني وبينها علي , إلا وأنا متكرفس على وراء , وطايح طيحة الله لا يوريكم , حتى سروالي الداخلي البرتقالي طلع قدام الناس :n5: , مع عصاقيلي اللي كأنها عصا بليارد ! ( بيني وبينكم في أحد المرات وأنا جالس في كوفي شوب , وحاط رجل على رجل , جاء واحد وسحبني مع رجلي على باله عصا بليارد بيلعب فيها على الطاولة . قلت له : هييه هييه وين يا ابو الشباب هي وكالة من دون بواب ؟! قال : المسامحة اخوي آسف ما شفتك. قلت لا عادي اخوي , بس ترى كل شيء بحسابه . يعني تبغى هالعصا لازم تدفع . وتراها عصا على كيف كيفك , مبرودة , البارح طول الليل وأنا جالس أحفها :ph34r: !! خخخخخخ)

 

المهم نرجع لمحور حديسنا . يوم طحت , جتني أم علي , زميلتنا الأخرى في الفصل , تساعدني على القومة. قلت لها : شايفة يا أم علي , أختي في الله وش سوت فيني !

 

قالت أم علي : لازم تصبر , دامك تحبها لازم تصبر !

 

قلت : أي أحبها ؟ انتي بعد ؟ هذي تنحب هذي :ohmy: ؟ والله يا غانم الصالح إنه أحلى منها !

 

قالت أم علي : وأنتا بعد مصختها مع هالبنية المسكينة !

 

- جعلها السكين , وبعدين وش مصختها فيه يعني ؟

 

- حاط دوبك ودبوها . يا أخي خلها تغش , منت مكفول بعباد الله !

 

- أفااااا . أم علي تقول هالكلام ؟ ماني مصدق !! يعني يرضيك يا أم علي أحد ينجح بالغش , ويحصل على الماجستير بالغش , ويشتغل بالغش , ويتزوج بالغش ( يخرب بيتك , وش دخل الزواج :sad: ؟!! خخخخ ) !!

 

- وأنت وش دخلك ؟

 

شوي واطالع في يد أم علي , إلا وهي كاتبه براشيم على باطن يدها !! يوم شافتني أطالع البراشيم اللي في يدها , حطت رجلها بسرعة وهي تقول : ويه ويه ويه , صادني . :angry:

 

قلت : ما شاء الله تبارك الله. انعم وأكرم !! لا بالله هزمنا اليهود !! أم علي وتغش !! أجل وش خليتي حق علي وإخوانه ؟؟؟؟ لا ويقول الشاعر : الأم مدرسة إذا أعددتها أعددت شعباً طيب الأعراق . طيب الأعراق طل في عين الشاعر وفي عين أم علي ؟! ( طيب أنت وش حارق رزقك ؟! ) . إذا الأمهات يسوون كذا , وش نقول عن العيال ؟ بل وش نقول ( حلوة بل وش نقول ) عن أجيال المستقبل . ( والله صدقت نفسي إني شخص ملتزم وحريص على الأمة . ليتهم والله يشوفونك يا الحريص وأنت ماسك الهوز حق الشيشة التفاحتين في لاميزون كافيه وحاط التلفزيون على قناة ميلودي على أغاني ساندرا وسيندريلا ولوسي !! ). يا أخي استر على أخوك المسلم . من ستر مسلماً ستره الله.

 

المهم.

 

جاء الطلاب جميعاً , وابتدأ الاختبار. قمت وسويت حركة وقائية استباقية . سويت عيوني حولاء , عشان إذا طالعت في ورقة اللي جنبي أو قدامي ما يقول المراقبين لي شيء , على بالهم أحول وجالس أطالع في ورقتي ( يا ذكي انتا يا ذكي :ssm18: ). ( وين اللي يتكلم عن الأمة واصفخص ومن غشنا فليس منا , وأفاااااااااا )

 

يا شينكم شيناه . يعني الواحد ما يزعط شوي ؟!

 

بيني وبينكم ما عرفت أحل ولا سؤال. وتورطت . دافع 3150 ريال , ولا أنجح . والله يطردني ابوي من البيت ويرميني بالرصاص , ويسحب مني الجنسية .

 

المهم قلت للجمبازية : ش ش ش . جبمبز ! ( أدلعها بعد ) . جمبوزوه ؟

 

اعوجت فمها , وقال : وش تبي يا الخايس . أي سؤال ؟

 

قلت : قولي وش ما أبي ؟ ما حليت ولا سؤال.

 

- وأنا مخلفتك وناسيتك يا الضب !

 

- لا يا أختي في الله , وبعدين قال الله : ولا تنابزوا بالألقاب .

 

- يا أخي رايق انت والله !

 

- الله يروق ايامك . ما عرفت الأسم الكريم ؟ ( موب صاحي :ssm9: )

 

- نعنبو دارك يالخبل . حل وخل عنك الصرقعة. آخرتك بتشتغل بوري ( منبه سيارة ) ( قوية بالطنازة هالبنت )

 

- خخخخخخخخخخخخ . حلوة . بيب . بيب . والله صوتي حلو وأنا بوري . عاد انتي تشتغلين بورية !! خخخخخ . وتقولين : بيبه بيبه ( مؤنث بيب ) :ssm19:

 

- والله منت صاحي . الوقت راح , حل شيء حلك بطنك. وإذا منت حال يا أخي غششني .

 

- طيب وشهو السؤال اللي تبينه ؟

 

- السؤال الثاني الفقرة الثانية من اليمين ؟

 

- نعنبو دارك أنتي توصفين دكان ؟

 

- يا أخي خلصني . الفقرة الثانية في السؤال الثاني .

 

- طيب ليش ما سألتي عن الأول ؟

 

- يا أخي الأول حليته ! أبغى الثاني .

 

- طيب دامك حليتيه ليش ما تغششيني ؟

 

- يا أخي انت سألتني وش السؤال اللي تبينه وجاوبتك ؟ تراك طفشتني . انقلع يا الخايس ما أبغى منك شيء.

 

- لكن أنا أبغى .

 

- معصي . علمني وأعلمك. غششني وأغششك .

 

- ما اسمه غش يا جبمبز . اسمه مساعدة . الغش حرام والمساعدة جايزة.

 

- طيب يالقرضاوي. خلصني .

 

- طيب عطيني أي شيء . ترى من جد ما حليت شيء . وحالتي تصعب عالكافر . على فكرة أنتي مسلمة أو كافرة ؟

 

- مسلمة وأفتخر إني بحرينية .

 

- طيب غريبة تكوني مسلمة ولا تصعب عليك حالة أخوك المسلم.

 

- ليه أنت مسلم ؟

 

- لا هندوسي في الصباح ومسيحي آخر الليل :angry: ! وجعن يوجع بطن عدوك . ما تشوفيني أصلي مع الشباب كل يوم.

 

- وش دراني يمكن مجاملة للمطاوعة اللي معانا .

 

- ( وش دراها , احم احم .)لالالا. أبداً . أنا مسلم , وأحب المجاهدين في سبيل الله . وأقوم الليل ( كثَّر منها ) وأصوم النهار ( إيه هيَّن ), وأبر بوالديَّ.

 

- ما بقى إلا تقول , وأنام مبكراً , وأحب مدرستي . ( والله قوية هالبنت )

 

يتبع....( مين اللي يتبع ؟ )

 

قلت لها : - طيب خلينا من هالسوالف . عطيني أي شيء . أي فقرة. بس لا تألفين علي من عندك.

 

قصة حقيقية حدثت في الثانوي : كانت المادة عن التاريخ وكان فيه امتحان مفاجىء , وسألنا الاستاذ السؤال التالي : ماذا تعرف عن معركة " مرج دابق " ( يا انها معركة صار فيها دبق لين هنيه . هنيه وأشار إلى بطنه :ssm16: ...خخخخ) .

 

قام الطالب اللي قدامي في الفصل في الثانوية , ينادي علي : أكسيموس , أكسيموس.

 

- نعم وش تبي ؟

 

- عطني أي شيء . أي شيء.

 

- أنت صاحي تغش مني . رح شف لك واحد " دافور " ( مالها علاقة من قريب أو من بعيد بما يحدث في دار فور . دافور نقصد بها طالب مجتهد , مثلي يعني :ssm9: ) .

 

- تكفى يا أكسيموس . أي شيء أي شيء.

 

- يا ابن الحلال . ما حليت شيء. ما أعرف شيء.

 

- أي شيء . أي شيء. على الأقل ما أخلي الورقة فاضية.

 

- يا ابن الحلال أسأل المعصقل اللي على يمينك . :ssm11:

 

- هذا نحيس . تكفى أكسيموس أي شيء.

 

- طيب بس لا تزعل إذا طلع غلط.

 

- لا لا زعل ولا شيء. معذور .

 

- طيب . أكتب , وأنا بأملي عليك من عندي .

 

- طيب

 

- لقد كانت معركة حامية الوطيس . التحمت فيها السيوف , وسقطت فيها الأعناق , وانتصر فيها جند الله على جند الشيطان . بدأت المعركة حين حاصر جمال عبدالناصر :ohmy: !! بجنوده مدينة القاهرة , لكنه لم يدخلها بل أرسل رسوله إلى أمير المؤمنين عمر بن الخطاب رضي الله عنه :ohmy: يستشيره في الأمر . فقال عمر للرسول : قل لجمال أن يأخذ خالد بن الوليد معه , وأن يُسلِّم الميمنة لطارق بن زياد :LL , والميسرة للظاهر بيبرس . وأخبره أن عمر المختار سيكون بعد يومين قريباً منهم. :sad:

لقد كانت خطة المعركة محكمة جداً. فلقد كان المنجنيق يضرب , ومع كل ضربة كان عبدالله بن الزبير رضي الله عنه يكبر وبجانبه خادم الحرمين الشريفين الملك فهد!! :ssm19: . وكان جنود الإسلام يصعدون الأسوار ويكبرون , وكان موشي دايان ومناحيم بيغن يصرخون : لقد خسرنا ! لقد خسرنا !.

وهكذا انتصر المسلمون في هذه المعركة , وعادت القاهرة إلى الحضن الإسلامي , وفرح بهذا النصر الخليفة هارون الرشيد أيما فرح. :up:

 

- خلاص .

 

- خلاص . مشكور يا أبو الأكاسيم.

 

- العفو . هوا أنا سويت شيء .

 

ثاني يوم جاء المدرس يوزع أوراق الاختبار . وجلست على أعصابي , مش عشان نتيجتي , عشان نتيجتي صاحبي !! خلَّ المدرس ورقة صاحبي آخر شيء . وقال المدرس : يخرب بيتك يا فُلان. إنتا غبت المعركة دي منين. :ph34r: ويقوم المدرس يقراها على الطلاب , حتى ماتوا من الضحك! وأنا طبعاً اضحك معهم , وأقول : صج انه موب صاحي . بالله هذي معركة . حشا مباراة كورة ناقصها حكم وصفارة :ssm16: ؟! ( يا ولد انتا يا اللي ما سويت شيء :ssm9: ). طبعاً طقني الولد هذاك اليوم طق سنة بيوم. ومن بعدها قررت إني ما أغشش أحد ( إيه هيَّن , تبي تفهمنا أنك تعرف تجاوب بس عندك قناعة إنك ما تغشش أحد ؟! إيه صدقناك :ssm16: ؟! )

 

المهم نرجع لمحور حديثنا .

 

- تكفين يا جبمبز . أي شيء .

 

قالت : شوف أنا مبرشمة على نعالي ( والله خطيرة هالبنت :LL ) , بأدفهم عليك من تحت , وأنت دف نعالك علي.

 

- طيب . الله يجزاكي خير , ويسكنك الجنة. ( مسويه عمل خير الحين تدعيلها أنت ووجهك :ssm18: ).

 

قامت ودفت نعالها ناحيتي . يوم شفت نعالها , قلت لها : بس هذي مش ماركة ؟! :n6:

 

قالت : اقووول . تبيها ولا رجعها . الشرهة علي . :sad:

 

- لا لا . ابيها . أبيها .

 

وأدف لها نعالي . بيني وبينكم بغى يغمى عليها من ريحة نعالي . بس وش أسوي فيها هي اللي طلبتها ! :ph34r:

 

وهكذا أنقذتني الجمبازية من الرسوب . وخرجت من الفصل وأنا ألبس نعالها , ويوم سلمت الورقة طالع في نعالي الدكتور . قلت له : لا تغتر يا دكتور ترى ما هي ماركة . إذا بغيت نعال ماركة يا دكتور تلقاها عند الجمبازية. وتراي شاريها بألف ريال !! :LL

 

قال الدكتور : إيش ؟

 

حسيت إني توهقت , قلت : لا ولا شيء.

 

سلام عليكم.

 

 

 

شقاوة الطفولة

 

مشكورة على مرورك.

 

والعفو سيدتي ( يا حلوي وأنا ذرب في الكلام . أحسه مش لايق علي ). :ssm11:

 

الجسمي

 

هلا بك . حلوة أغنية هذا وانتي مطلعة عيني :ssm19: .

 

حياك اخوي .

 

 

 

لي عودة إن شاء الله

Link to comment
Share on other sites

ملاك الخليج

 

انتي وشفيكي مستعجلة . صفي في الدور :ssm19:

 

الحين أنتي إذا كنتي صافه في اللاين حق الخباز , ترضين أحد يجي ويصف قدامك ( يلعن أبو المثال يا شيخ :bahflag: )

 

أولاً أرد على بنت الشيخ , وبعدين أرد عليك :

 

بنت الشيخ : مشكورة يا الطيبة على المشاركة , والله يسلم روحك من كل شر.

 

ابقي على السمع .

 

تحيتي

 

أيوه جيناكي يا ملكلك ....

 

تسأليني وش معنى منسم . باضرب لك مثال حتى يتضح المقال ( تكفى لا تضرب مثال أنت ويا أمثالك اللي كأنها خشتك :ohmy: )

 

إذا كنتي تسوقين سيارة , وجيتي في يوم ولقيتي التاير نايم . أكيد بتروحين تنامين. وتكلمين العمل انك ما راد تداومين ذاك اليوم أو بتكلمين وحدة من زميلاتك في الجامعة تحضرك في ورقة التحضير ( التحضير حرام ويسبب السرطان ننصحك بالابتعاد عنه * :ssm16: )

 

ثاني يوم بتموتين من البكي عشان يغير أخوكي التاير ويودي السيارة للبنشر. إذا ودا أخوك السيارة للبنشر بياخذون الجلدة الداخلية للتاير , ويحطونها في بانيو مليان ماء عشان يحددون منين التنسيم ( أي من اين يخرج الهواء ) , وهذا هو المطلوب إثباته ... :ssm16:

 

فلما تقولين عني منسم , أولاً تحتاجين إلى بانيو مليان ماء حتى تستطيعين تحديد مكان التنسيم , حتى يمكن القطع بوجود التنسيم وهو المطلوب إثباته ( وشفيني على مسألة المطلوب إثباته :LL , شكلي متأثر بنكتة المحشش ) سمعتيها والا لا يا ملاك .

 

إن كنتي سمعتيها فهذا جيد , وإذا لم تسمعيها , فهذا هو المطلوب إثباته :ssm19: ...خخخخخخخ لا من جد خلاص . ( أي جد الله يرحم والديك , إنتا خليت فيها جد ؟ :ssm9: ).

 

طيب اسمعي نكتة المحشش هذي :

 

سألوا محشش : ما هو وجه الشبه بين الحمار والأرنب ؟

 

قال : الحمار باللغة الإنجليزية يعني دونكي . احذف دون ظلت كي , كي يعني مفتاح . حط مفتاح في حكمة . الصبر مفتاح الفرج ( على فكرة مفتاح الفرج هذا أخو سعد الفرج من جهة الأب :up: ). احذف مفتاح الفرج . ظلت الصبر. حط الصبر في حكمة بعد . الصبر جميل. احذف الصبر . ظلت جميل. فيه ممثل مصري اسمه جميل راتب. احذف جميل . ظلت راتب . اعكس الحرفين الأخيرين ( التاء والباء ) صارت رابت. ورابت كلمة إنجليزية تعني بالعربي أرنب . وهو المطلوب إثباته . :ssm19::ssm19::ssm19:

 

فهمتي يا ملكلك....وبعدين شوفي تراي ما أزعل من المزح أبد . أنا منسم , ومنسم بقوة بعد.

 

وبعدين أوعدك ما أطول عليكم , بس الفترة الماضية كنت في الدراسة , وغير كذا , ما كان فيه تواصل من الجمهور , وهو المطلوب إثباته ! ( خخخخخخ :ssm9: )

 

لكن أوعدك كل ما جالي فرصة كتبت , وأنا سعيد جداً بتفاعلكم جميعاً .

 

وقريباً " أكسيموس في لاميزون كافيه "....

 

مشكورة ملاك وعساك عالقوة...

Edited by أكسيموس
Link to comment
Share on other sites

يعطيك العافيه

بعد الهذرة والكلام الزايد والخربطه والجمبزة>> مادري شدخل الجمبازيه في السالفه

هههههههههههههههه اعتقد اني فهمت وما فهمت لكن انشاء الله وبأذن الله واذا الله راد اني افهم في المستقبل القريب والبعيد

بعطيك القوه وانشاء الله بالتوفيق وتاخذ هالماجستير هههههههه

افا عليك حاضرين انه استانس على قصصك المهبوله وايد اخذ راحتك بس مووووو وايد اووكي

ههههههههههههههههههههههههههههههههههه هههههههههههههه واي ترى مادري ليش اضحك ههههههههههههههههههههههههههههههههههههههههههههههههههههههههههه

 

يعطيك العافيه

بعد الهذرة والكلام الزايد والخربطه والجمبزة>> مادري شدخل الجمبازيه في السالفه

هههههههههههههههه اعتقد اني فهمت وما فهمت لكن انشاء الله وبأذن الله واذا الله راد اني افهم في المستقبل القريب والبعيد

يعطيك القوه وانشاء الله بالتوفيق وتاخذ هالماجستير هههههههه

افا عليك حاضرين انه استانس على قصصك المهبوله وايد اخذ راحتك بس مووووو وايد اووكي

ههههههههههههههههههههههههههههههههههه هههههههههههههه واي ترى مادري ليش اضحك ههههههههههههههههههههههههههههههههههههههههههههههههههههههههههه

Link to comment
Share on other sites

قوة

 

بصراحة ما كملت كل القصص بس أول قصتين قريت وبعدين بكمل الباقي

 

بس أسلوبك ما شاء الله حلو وسعودي مرررررررة

 

خخخخخخخخ

 

جني أتابع حلقة من حلقات طاش ما طاش :ph34r:

 

بايووز

Link to comment
Share on other sites

ملاك

 

تعرفين يعني الواحد لازم يثقل شوي :ssm18:

 

بعدين من جد انشغلت فترة . :ssm11:

 

بس الأسبوعين الجاية أتفضى لكم , وخصوصاً الأسبوع الثاني لأني بأكون في البحرين , بس الله يعين على الجمبازية. :ph34r:

 

بيني وبينك أنا خايف منها تسويلي عمل , عشاني أحسن منها في الدراسة :up: ( إيه هيَّن صدقناك ).

 

:ssm19:

 

حياك الله يا آنجل , وش تقرب لك بافي ؟ :ssm16: .خخخخخخخ

 

مودتي لك

Link to comment
Share on other sites

هههههههههههههههههههه

معلي يعيط العافيه عساك عالقوه

ناطرينك الاسبوع الجاي واذا على الجمبازيه هددها انك تكسر رجولها وبتخاف خخخخخخ

واي واي انجل كله اطالعه يحطونه في ام بي سي اكشن هههههههه

يلا سي يووووو

Link to comment
Share on other sites

  • 2 weeks later...

أعمل إيه يا ملاك

 

:dde1:

 

حوسة والله بين الجامعة والعمل والتفحيط ( التقحيص بلغة أهل كوالالامبور ) :bahflag:

 

ما وظيفتي إلا داخلة خارغة خارغة داخلة على الجامعة . تصدقين إني استحيت مني ؟! من كثر ما اشوفني وأنا داخل طالع من الجامعة. :ph34r:

 

ومن الجامعة على لاميزون كافيه , حتى صاروا الموظفين حقين اللاميزون يعتبروني واحد منهم. ( إيه أكيد غذا هم يشوفون أكثر من أمهاتهم :ssm9: !! ) . لحد يجيب طاري الأم حتى ما أفغع وجهه. :sad:

 

بس من جد يا ملاك. يا هو درسنا في السبوع الماضي دكتور . من جد حفلة هالدكتور . عليه شلخ ما هو طبيعي.

 

بس بيني وبينك أنا حزنت لأنني فقدت لقبي فقد ثبت لي أخيراً أن هناك من هو أشلخ مني !! :ssm16:

 

بس يا أنه تشذب علينا تشذب . المصيبة إنه قوي عين. يعني يشلخ الشلخة ويمشي في جنازتها ...خخخخخ ( يخرب بيت المثل يا شيخ ....خخخخخ . صدق إني مهبوووول . :ssm19: )

 

ما بقى واحد من الرؤوساء والعباقرة والسياسيين إلا وقابله هالدكتور . عشان كذا , قلت له : غريبة إني ما قابلتك قبل كذا ( أحلى يا مشهور . إيه عاد نفسي مشهور , وإلا بالله عليكم معمر القذافي الخبل وشهو أحسن مني فيه. أنا أحلى منه , واذكى منه , واشلخ منه :ssm9: ).

 

من جد ملاك كان اسبوع حفلة أخصص له الحلقة الجاية بكرة إن شاء الله ....

 

تيك كيرررررررررررررررررررررررررررررررررر

 

 

Link to comment
Share on other sites

  • 2 weeks later...

خخخخخخخخخخخخخ

 

أهلين ملكلك , كيف الحال ؟

 

من جد وحشني الموضوع والله.

 

معقولة راحت هالمدة كلها .

 

تصدقين عاد الأسبوع الجاي أنا في البحرين , لكن أوعدك إني أغثكم بردودي والأجزاء الجديدة إن شاء الله .

 

مشكووووووووووووووووووورة على اهتمامك وحرصك .

 

تشاااااااااااااااااااااااااااو

Link to comment
Share on other sites

اي امبين وحشناك ووحشك الموضوع كلش

صار شهر وبصير شهرين وانه اتهدد واتوعد فيك اني بذبحك كل مرة اتقص علينه اتقول الاسبوع الجاي لكن معلي معذوور انه علي امتحانات ومابقراها الا لين كملت بتفووتني عدل

 

يلا ااا تيك كير

Link to comment
Share on other sites

الله أكبر الله أكبر الله أكبر .

 

( وش صاير يا أبو الشباب ؟ صاير لي أيمن الظواهري مع وجهك )

 

برضه وعناد فيكم , الله أكبر الله أكبر . وخروا عني ودي أفجر نفسي بحزام ناسف ...خخخخخخ

 

واحد من الشباب يبقى يفجر نفسه بحزام ناسف ربط الحزام في رقبته , واختنق ومات ...خخخخخ . لا وواحد ثاني من الشباب ( يا هم مخفات ربعي. عشان كذا أمشي معهم , أنا أذكى واحد فيهم . تف تف ما شاء الله علي . الشر برا وبعيد ( وش دخلها هذي الأخيرة :ssm18: ) . المهم خوينا الثاني قام يبغى يفجر نفسه بحزام ناسف , قال : أولاً بسوي تجربة عليكم يا شباب في الشقة . بأفجر نفسي فيكم , وإذا نجحت سويتها مرة ثانية في مدرس الجغرافيا حقنا :ph34r: ( أمحق جهادي . أنا قلت بيروح يسويها في إسرائيل ) المهم يا الله اقنعناه يكنسل الفكرة , وقلنا له في العيد الجاي إن شاء الله نخليك تفجر نفسك في الحوش . . بس شوفوا من جد عاد كلش ولا صاحبنا الثالث الله يرحمه ويغمد روحه الينة ( الجنة بس بلغة أهالي سترة ) . صاحبنا الثالث هذا مشى تمام , ولغَّم نفسه بحزام ناسف . وراح على إسرائيل . إلى هنا كل شيء تمام ( ترى صاحبنا هذا يجي في الذكاء بعدي على طول خخخخ :ssm16: ) . المهم وهو في الطريق إلى إسرائيل ضيَّع الطريق , ونزل في القاهرة يفكرها إسرائيل :de20: , ويروح في ميدان التحرير ( يا زعط إنه مكان مزدحم , ويقوم يصرخ : الله أكبر . الله أكبر :ssm19: . ويفجر نفسه في المصريين يفكر إنه في إسرائيل !!! ) ؟ الله يرحمه ويغمد روحه الجنة كان مجاهد وبطل واستشهادي من الطراز الأول ( إلا والله من الطراق الأول على وجهك ووجهه ) . تصدقون عاد شفته في الحلم , جاء يقول لي : إحنا ناطرينك يا أكسيموس . قلت : أنا إنش اء الله مطول ولسه ما دخلت دنيا , بعدين تعال منهم إنتو . قال : أنا والشيخ أسامة , قلت بس الشيخ أسامة بن لادن ما مات . قال : أدري أدري بس إحنا مسوينها تمويه على الأمريكان يعني انه مات !! :up: . ( ما قلت لكم خويي هذا ذكي. تراه يجي بعدي في الذكاء . يا أخي درينا . والله درينا ) .

 

المهم ما سألتوني , ليش قمت اقول : الله أكبر الله أكبر في بداية الرد ؟

 

الإجابة : لأنني وللمرة الأولى , أكتب لكم من البحرين . يا هووووووووووووه . ( ترى خويي ذاك يجي بعدي في الذكاء !!!. وهذي وش دخل أمها في السالفة ؟ ) . المهم . وعدتكم أكتب لكم عن دكتورنا مال التسويق المتقدم .

 

يا هوو دكتور . ربي لك الحمد . خلقة الله زينة . بس الرجال أحول . وفيه ضربة على الرفرف :sad: . ( حشا تتكلم عن سيارة ) . , ومدري ليه من يوم تشوفه تحس أنه نصاب. المهم . دخلت أول يوم للفصل متأخر . كالعادة ( ترى خويي ذاك يجي بعدي في الذكاء . خخخخ . خلاص توبة ما أعيدها) . المهم قال لي : إنتا طالع رايح فين ؟ قلت : لا يا دكتور أنا داخل مش طالع :ohmy: ( الحول وتأثيره بعيد عنكم ) . قال : لأه يا أستاذ , إنتا طالع , هوا أنا أحول يا ابني ؟

 

قلت : لا يا دكتور , محشوم , أنا اللي أحول . بس يا دكتور أنا داخل مش طالع. قال لي : طيب إنتظرني برا . قاموا الفصل جزاهم الله خير . وخصوصاً الجمبازية تدافع عني ( على غير العادة .الله يجعلها في موازين حسناتها . ذكرتني سالفة الله يجعلها في موازين حسناتها بواحد من الشباب في الفصل , دايم أغششه ( إيه هيَّن كثَّر منها :smile: ) , وكل ما غششته غشيشة صغيرة ( يخرب بيت التصغير يا شيخ ) , يقول : الله يجعلها في ميزان حسناتك يوم القيامة , واقوم أنا أرد عليه , وأقول : اللي ما فيه خير لأمته ودينه وشباب الإسلام ما فيه خير لنفسه . والله سبحانه يعلم خائنة الأعين وما تخفي الصدور . أقم الصلاة . خخخخخ ) المهم , قاموا الشباب والشابات يشرحون له إني داخل مش طالع . قلت للشباب : على هونكم , على هونكم , ولا تضيقون صدوركم . قلت لهم : هو مش أحول , قالوا : إلا . قلت خلاص . بأدش الحين بيحسبني طالع برا!! :up: ( يلعن أم الذكاء يا شيخ . ترى خويي ذاك يجي بعدي في الذكاء . خخخخخ ) . المهم وأقوم أسكر الباب , وأدخل . والدكتور يزعط قدام الطلاب يقول لهم : شفتو إزاي , بعض الناس ما يغوش إلا بالعين الحمراء ( إلا بالعين الحولاء وانت الصادق .خخخخ ) . الحين هو على باله أنا طلعت . قمت أنا أعقب على كلامه , قلت له : صراحة يا دكتور شخصيتك قوية . والطالب هذا اللي قبل شوي , طالب مستهتر . وزين اللي سويت فيه كذا . أنا عارف من وين يجون هالطلاب قليلين الأدب :ohmy: . قال الدكتور : أنا عارف من فين تلئيح الغيتت دا ؟ هوا اسموه إيه الطالب دا ؟

 

قلت له أنا : اسمه فايز !! ( اسم واحد من الشباب فيني حرة عليه , ولسه ما وصل ) . بعدين فايز هذا مستواه الدراسي سيء جداً . يعني ما فرقت كثير معه إذا أخذ الدكتور هذي الفكرة عنه , أما أنا فطالب ممتاز ومجتهد , ومن الظلم الواضح والبين أن يأخذ الدكتور هذي الفكرة عني :dde1: ).

 

الدكتور هذا عجيب جداً . الله سبحانه مثل ما تعرفون ياخذ ويعطي . أخذ منه النظر السليم بس عطاه قوة السمع . مرة يكلمنا عن " دجل " التسويق , ويمدح لنا التسويق , ويعلمنا بعض الحركات القذرة عن أساليب التسويق , قلت أنا : يعني بالعربي هالدكتور نصاب ؟ قام ورد علي : النصاب اللي جابته أمك :angry: ( وشفيه الدكتور قلب صار كأنه خليجي ) . عاد قلت أنا : يا دكتور الله يهديه هذا اللي قال عكن نصاب , فعلاً إنه ما يستحي . يعني حتى إن كنت نصاب , ما يقولها لك كاش كذا . المفروض يقسطها لك ( يا عيني على الأدب ). المفروض يقول لك : يا دكتور أنت نص . وبكرة يقول لك : يا دكتور أنت أب . نص وأب , كلها كلمات حلوة وجميلة , ولا تخدش الحياء . عاد سكت الدكتور واقتنع ( يا أخي يا علي أسلوب إقناع قوي . أنا المفروض مقدم برنامج " عالم البحار " . طيب وعالم البحار وش دخله في الإقناع :sad: ؟؟ مدري والله . بس هذا البرنامج اللي أعرفه) . وبعدين شوفوا ترى خويي هذاك يجي بعدي في الذكاء .

 

قمت أنا وقلت له من دون ما يشوفني : إلا نصاب ونص وأب . مش كذا وبس . إلا وأبوك امطلق أمك وأنت صغير . ( يخرب بيت الشتيمة يا شيخ خخخخ ) . مش هذا وبس . إلا وزوجتك دايرة على حل شعرها !! يا نصااااااااااااااااب . يا أونطي . يا بتاع الستات . يا بتاع النساء والسهرة ( على قولة سعيد صالح ) .

 

قام الدكتور وسوا نفسه ما يسمع , وقام يكمل الشرح . قمت أنا ( يا أخي والله إني حق مشاكل . تصدقون عاد ) , قلت له : يا دكتور أنا بأطلع برا أنادي صاحبنا . مسكين صاحبنا يا دكتور . يا الله بأصلح بينكم , وتكفى ما تردني . شوي وأجي مرة ثانية . وأنا اقول : خلاص يا دكتور سامحه هالمرة عشاني . وأغني له اتمخطري يا حلوة ( يا حولاء :ssm19: ) يا زينة . ويقومون الشباب يتناقزون يعرضون ويغنون . وتقوم الجمبازية كالعادة تسوي لنا حركات جمبازية استعراضية ( يا هي مهبووولة هالبنت ) . عاد ونقوم نشيل الدكتور ونرميه في السماء ونلقفه مثقل اللي فايزين في بطولة كرة قدم . عاد في المرة الأخيرة قلت لهم : لا تلقفونه . قالوا : لا حرام . قلت : خلوه يطيح , صدقوني تكسبون فيه أجر , وتروح منه الحولة اللي في عيونهم . عاد صدقوا الخبول ( فصل رايح في عين أمها ) . ويخلونه يهبد على راسه . وإلا هو مغمى عليه . طبعاً هذا كله صار , والجمبازية ما زالت شغالة جمبزة وحركات ( تشتغل بذمة هالبنت :LL ) . قلت أنا : الرجال مات . وش سويتوا فيه . أنا ما أعرفكمش . أنا مالي شغل . انتوا اللي كنتوا تحذفونه في الجو وتلقفونه . قالوا : مو انت اللي قلت لنا ؟ قمت وسويت روحي أحول وقلت : أنا ما أعرفكموش , وأنا إنسان أحول . ودي المرة الأولى اللي أشوفكم فيها ( وترى صاحبي دوكهي ( بالمصري , يعني هذاك ) بيغي بعدي بالزكاء :ssm18: ) ....

 

يتبع التكملة ....

 

 

 

 

 

وبرضه ترى خويي ذاك يجي بعدي في الذكاء . :ssm16:

 

 

 

Link to comment
Share on other sites

Join the conversation

You can post now and register later. If you have an account, sign in now to post with your account.

Guest
الرد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Loading...
×
×
  • Create New...