Jump to content
منتدى البحرين اليوم

هل تقبلين بزوج 150 دينار


Recommended Posts

آنه صــــــــراحه اي..

 

 

اللــــــــــــــــه كريم والله مو عيب ولا حرام..

 

 

اللــــــــــــه يفرجها..

 

لو اصلا البنات ما يرضون جان ما شفتو الاوادم تزوجوا..

 

الان الاحد الاقصى حق صبيان لبحرين معاشاتهم 150 يعني ما يتزوجون.. <_<

 

عادي كل شيء صار عادي الان مو ذنبه ان كان معاشه بس جذس <_<

Link to post
Share on other sites
  • Replies 83
  • Created
  • Last Reply

Top Posters In This Topic

عزيزتي واختي أم ماجد،،،

 

اول شئ حبيت اشكرك على هالموضوع الحلو واللي تفاعلوا معه الكثير،،،

 

وبعدين بصراحة اختي ماتقدر الوحده تعيش براتب 150 او حتى 180،،، واتعرفون الحياة صارت وايد صعبة ومتطلباتها كثيرة،، وبعدين الوحده عايشه في بيت اهلها وكل شئ عندها اكيد بيتغير عليها الوضع واذ افترضنا البنية تحبه وتبيه وووو بتحمل في البدايه وبتصبر لكـــــــــــــن بعدين مابتقدر وبتزيد بينهم المشاكل لان الحياة مو بس حب؟؟؟؟؟ وبعدين معناته ماعنده شقة او مكان او بتعيش بيت اهله ويمكن يتقبلونها او يمكن تصير بينهم مشاكل،،،لازم يوجد التكافئ والتفاهم والراحة النفسية قبل كل شئ،، ولا تنسون العيال شلون بياكلون ويدرسون ويلبسون او حتى اذا مرضوا وماعنكم فلوس شبتسون وغير وغيروغير ومعناتها انهم بيلجؤن حق اهلهم عشان يتسلفون وياخذون،،،انا ماقول ممكن تعيشون وتسون لكن دايما بتكونون محتاجين والحيــــــــــــــــــــــــــــــــاة وايد صعبة،،،

 

واحنا نقول لازم في وسط لا اللي راتبه قليل ولا اللي راتبه وااااايد يعني شئ في حدود المعقول اللي تكون البنيه مرتاحه واهم شئ ماتنزل عن مستواااها لانها بتتعب او اهو بيتعب معاها،،،

بس مو معناته تاخذ واحد راتبه زين واهي ماتحبه او مومقتنعه فيه وما تبيه لازم في قبول ماتخذه عشان فلوسه لانه مابترتاح واللي تفكر جذي عمره مابتعيش سعيده،،،زين يابنات،،،

 

والله يوفق الجميع يارب،،، :up:

 

مع تحيــــــــــــاتي :wub:

 

احلى قمر :bahflag:

Link to post
Share on other sites

مشكورين على تفاعلكم وعلى مشاركاتكم

 

 

مااقدر الوم احد منكم اولا لان كل شخص له افكاره وقناعاته وقناعات الناس مختلفة

 

مااقدر الوم البنت الا ترفض زواج من شخص دخله 150 لان فعلا ماتعيش

 

ولا اقدر الوم البنت الا تقبل لان هذا حال الشباب البحرينيين في هذا الوقت

 

ولكن رايي مث ماذكرت فالسعادة والحب ياتي امام كلشي

اذا اشعر ان هالشخص الا معاشه 150 بيسعدني واحبه وبحبني بضحي

والشخص اذا يبي شي يضحي بشي ثاني علشان هذا الشي

 

واحب ارد على بعض البنات الا قالو ان(( انا عايشة في بيت اهلي والا ابيه احصله مااقدر بعدين اعيش على150))

زمن ابوتكم غير عن زمن اخوانكم

زمن ابوتكم كان الوظائف متوفرة للبحريني

اما الان البحريني يعاني من البطالة

واذا كنتين تنظرين الى انج تبين تتزوجين لفلوس فلاتفكرين بحريني الجنسية الاصلية

ولكن فكري باجني او بحريني مصطنع

Link to post
Share on other sites

في البدايه حبيت اشكر ام ماجد على الموضوع المهم

 

 

وبصراحة انا الي اقوله انه كل وحده تعرف روحها

 

 

يعني انا مب مع او ضد الفكره

 

 

لانه الولد اذا معاشه 150 او 180 هذي مب عيب او حرام ولا معناه انه مايعيش حاله حال الناس :huh:

 

لكن الي اقوله ان كل وحده لها افكار تخصها وطموح اكبر منها <_<

 

 

 

وبصراحه الي قالوا كل واحد يمد ريله على قد الحافه ماغلطوا :unsure:

 

 

 

 

وهم الي قالوانهم يبون يعشون على الحب والتفاهم وهذي يكفي انهم يواجهون ضروف الدنيا ذلين بعد كلامهم صج :unsure:

 

 

لكن الي قالوا بقعدون في بيت اهلهم ;) ماتصور ان البنت تقدر تتحمل شي اسمه عنوسه :"(

 

يمكن الحين اهم صغار يقولون هلون

 

لكن لي صكوا الثلاثين بصيحون يبون يتزوجون حتى لو ماعنده معاش :unsure:

 

هتــــــــــــــــــــــــــــــــــــــــــــــــــــــــــــــــون

 

:bahflag:

Link to post
Share on other sites

اختي ام ماجد

 

السالفة مو سالفة حب السالفة لازم نفكر بالعقل يعني بـتاخذين واحد معاشه 150او 180 مااعتقد بكفيج حق لبس او مأكل او مسكن او سيارة ولاتنسي وراكم عيال شنو ذنبهم هل العيال وهل العيال ما يبي لهم مصاريف حتى لو انتي بتشتغلين جم يعني بتحصلين 200 او 250 بعد مابكفي لج وحق عيالج

 

مسامحة

 

اختج

قمر_14100

Link to post
Share on other sites

اول شي حبيت اشكرك على الموضوع

 

وجد الموضوع رووعه

 

واما بالنسبه لي عاااااادي

 

يعني ما يهم الراتب ..اهم شي الاخلااااااااااق

 

ويعني لو كان عنده اكثر من هالراتب ولكن اخلاقه مو زينه وما يحبني شنو بستفيد من راتبه ؟؟؟

 

وعكس اذا كان راتبه قليل ولكن اخلاقه عاليه ويحبني

 

ولازم راح بيزيد راتبه مع الايام

 

هذي وجهه نظري وانتظر ردودكم

Link to post
Share on other sites

لو كنت فتاه

سوف ارفض

لانه الحياه في هذا الزمن و العصر فعلا صعبة

ربما نكون في امنيات سوف نبني و نحاول

و لكن صعب جدا

دعنا نفكر بعقل

حتى نعيش بهناء

Link to post
Share on other sites

اسلام عليكم

يمكن الي راتبه 150اعيشج احسن عيشه

ولي راتبه وايد يمكن اكون حريص او انه يسكر ويضربج

ولكن كل ما اقوله ان الناس خلقهم درجات فيهم الفقير و الغني

هل الفقير اتم طول عمره عازب

لكن تعاون الزوجين هي الحل

 

 

وشكرا

Link to post
Share on other sites

السلام عليكم ورحمه الله وبركاته...

انا في رأيي ان اذا بآخذ واحد معاشه 150 دينار شيء طبيعي فنقابل ظروف قاسيه بس كل شيء بالتفاهم والحب يصير وش فايده آخذ لي واحد معاشه 600 دينار وهو لايقدر الحياه الزوجيه ولاشيء .....اني عن نفسي لوكان معاشه 100 دينار بس ويحبني مستعده اعيش معاه في كوخ بعد.....

(مع احترامي الشديـــــــــــــــد لوجهات نظر العضوات والاعضاء)

وشكراااااااااا على هذا الموضوع الحلووووووو.... والله يعطيكم العافيه

اختكم

الملـــكه

Link to post
Share on other sites

<_< يا غرووب او عذرااء انا معاكم المهم يكون في المحبة والسعادة لكن انتوا فكروا

انا ماقول تكونون طماعين لكن فكرووا 150 شنو يقدر يسوي بهم الة اذا اهلة يساعدونة

يعني 150 ماتسوي شي وراكم عيال او صرف الـ 150 طارت في دقيقة شنو بتسوون

:angry::angry::angry: انتوا ماتفكروون شفيكم لكن الله يهديكم

تحياتي ..

لولو

Link to post
Share on other sites

هلا

 

انا ما يهمني شيء اسمه فلوس اهم شيء اكون شخص احبه و احبني و نظل طول العمر مع بعض نفهم مشاعر بعض و نعيش في الهموم و الفرح مع بعض

 

تحياتي

 

رحــــــ :wub: يل

Link to post
Share on other sites

السلام عليكم ورحمة الله وبركاته

 

الله يسلمكم .. صج اهو اهم شي الأخلاق .. بس الله ما قال ارموا نفسكم بالتهلكه!

 

اهو ولبه على نفسه مسكين يعيش نفسه .. ولا سعات تلقون بعض الشباب يصرفون على اهلهم من هالمعاش يعني بالمره مافي مجااااااااااااال يصرف على زوجتة .. حتى لو تزوج وحده تشتغل اشكثر راح تساهم معاه ؟؟ اصلا حتى اهو كرامته ماراح تسمح له ويرضى ان زوجته تصرف عليه ... وهو مايدرى لي متى ؟

 

انا عن نفسي ماارضى ولا اهلي بيرضون يزوجوني جذي واصرف عليه بدال لا اهو يصرف علي ..!

 

والله يعينكم يا الشباب

Link to post
Share on other sites

السلام عليكم

 

ليش الشخص اللي راتبه متدني يتزوج في الأساس .

لا ما اقدر إلا إذا كنت أحب شخص و يستلم هذا الراتب ممكن في هذي الحالة راح اقدم تنازلات وباعتمد على أهلي في المصاريف لأن الحياة صارت صعبة ، لأن ياما ناس تزوجو أغنياء وافتقرو على يدهم وياما ناس تزوجو فقراء و استغنو على يدهم يعني الرزق بيد الله سبحانه وتعالى .

 

باي

Link to post
Share on other sites

مرحبا اول شئ

 

اشكرج اختي ام ماجد

 

وحبيت اشارك في الموضوع

 

 

اول شئ 150 دينار ماتيش الصراحه حق شحص واحد هبابها شلون اذا حق زوج وزوجه وعيال واتعرفون الحين كل شئ غالي وحال الدنيا جذي بس من وجهه نضري اذا احب واحد ويحبني اقبل بهل مبلغ

Link to post
Share on other sites

مشكورة أم ماجد على طرح هاي الموضوع المهم ... :up::up:

حبيت ابين رايي و اللي اتفقوا معاي فيه القلة من الأعضاء ..

بصراحة 150 دينار ما فيها شي .. خصوصاً أن البطالة منتشرة .. هذا معناته أن اللي يشتغل و عنده راتب 150 دينار أحسن من غيره اللي مايشتغل و يحب ايدينه مقلوبة ...

و من حقه أن يتزوج و يكون بيت و أسرة سعيدة إذا حصل له زوجة صالحة تساعده في حياته و تشاركه في الحلوة و المرة و تقدر الحياة الزوجية ... و الإنسان يتطور شوي شوي .. يعني ممكن بعد فترة يصير معاشه أكثر .. و مثل ما ذكروا الأخوان أن الحياة مب بس فلوس .. لا .. الحياة تتطلب الحب المتبادل و الاحترام المتبادل و كل هذا كفيل في تحقيق حياة كريمة .. بعيداً عن لفلوس ..

 

مع تحياتي ،،،

Link to post
Share on other sites

عيوني حبايب قلبي حنا عايشين في البحرين موب في الكويت و

لا قطر و لا ....... يعني لما يطق باب بيتكم ريال معاشة 150

استحمدي ربج :D و اللي يقولون اللي ما عنده فلوس لا يتزوج

جان شباب البحرين كلهم عزوبية و البنات كلهم عنايس طايحين

في جبد اهاليهم .... خووو الأوادم اللي عندهم اشغال عدلة مثل

ما تعرفون ما يحتاج اقول لكم بحرينيين و عايشين و تعرفون

الظروف اجانب و صاكة المعاشات 1000 و اهو رايح ......

و بعدين اللي يقولون ما يكفي المعاش اي صح انا معاكم بس انتي

درسي و اشتغلي و ساعدي ريلج الدنيا صايرة تمشي جذي ...

 

و هذي و جهة نظري

و اتمنى محد يفهمني غلط 9_9

 

تحياتي

Link to post
Share on other sites
  • 3 months later...

هذي الله يسلمك يرجع حق حكومة الدوله .... يعني الي ترضى على شعبها يستلمون معاش بهل الراتب

 

تحياتي

Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Loading...

×
×
  • Create New...