][][ ..أنــا و أنـتـه ،، تـ ع ــاهـدنـ ـا نـ ح ـب ،، ولا بـ ع ـد نـ ـقسـ ـ ـى .. ][][

[وردهـ جوري]

بو

 

وااااااايد 3 أيام

[daloo3a alba7rain]

وااااااااااااايد 3 اياااااام !!!

 

 

بس معلييش بنكوون في الانتظاار تحملي تزيدين عن ال 3

[زيزواي]

بسرعة حبيبتي يلا نبي البارت

 

[القيثارة الحزينة]

البارت تقرييييييييييييييبا خااالص ..

 

يعني ها يبيله شوية تكملة على تعديلات على اضافات خخخخ

 

وبكرة ان شااااااااااااااااء الله راح يكون عندكم ..

 

 

[السمكة المفترسة]

ناطرين البارت بااااجر

 

 

 

 

 

[soso pr!nceSs]

يلا لا ...

[الريــم]

 

ننتظر البارت باجر

يعطيج العافيه

[daloo3a alba7rain]

احنا ننتظر بس متى ؟؟؟؟

[وردهـ جوري]

في إنتظااااااااااااارهــ بكل لهــفــه

[القيثارة الحزينة]

صباحوووو على احلى اعضااااء

 

لا تاكلوننننننننني خخخخخخخ اكاني ييت خلاص

 

اليوم البارت عن جد طووووويييييييل

 

قلت بكمله لكم بعد عشان المغرب انزله .. لكن شكلكم مافيكم صبر

قلت اكتب لكم هاي بس

 

الـ ج ــزء الـثـامـــن ع ــشر

 

( بيت بو عبد الله ) ..

دخلت شيرين البيت وهي تعبانة من الدواااام ... ومتنرفزة .. بس كل ما تذكر ان اليوم راح يجيهم فارس و اهله .. تطير من الفرحة لكن هذا ما يمنع انها تخاف وترتبك شوي ..

كنت طالعه ع الدرج .. نادتها امها وهي طالعة من المطبخ : يمه شيرين ييتي ..

شيرين تلتفت لها : هلا يمه اي ..

ام عبد الله مبتسمة : يلا روحي بدلي ونزلي تغدي .. ناطرينج ع الغدا ..

شيرين : ابوي هني ؟

ام عبد الله : اي ابوج اليوم ماراح الشركة ..

شيرين : ان شاء الله يمه دقايق و انه عندكم ..

رجعت ام شيرين للمطبخ تجهز الغدا مع الخدامات ..

راحت شيرين فوووق عشان تبدل ملابسها وهي لازالت تفكر باليوووم .. بدلت ملابس الشغل وهي تحاول تطرد هالافكار من بالها .. ولبست لها تيشيرت وردي ناعم مع جينز واااسع .. اريح لبس و عملي .. لمت شعرها ورفعته لفوق بكليب .. ونزلت خصلاته الكستنائية بدلال .. نزلت تحت .. وهي نازلة لقت بويهها شخص دخل البيت .. وقفت مكانها تطالعه .. ومرة وحده استوعبت المسكينة ههه وصرخت بفرح : عبد الله ؟؟؟؟

راحت تركض وحظنته ..

عبد الله حس نفسه مشتاق لهالبيت ومشتاق لأهله .. هزه الشوق والحنين بهاللحظة .. ياليتك يا عبد الله قاعد اهنيه مع اهلك ولا سببت لنفسك هالتعب !!

طرد هالافكار من باله عشان يستانس ولو بهاللحظات مع اهله اللي اشتااااق لهم وااايد ..

العنود كانت تطالعهم وتحس بالحزن في داخلها .. ليتها عندها اخت جذي مثل عبد الله و اهل وبيت ... !!!

عبد الله يضحك بصوت عالي وهو يضرب شيرين على راسها بمزح : يالكريييييييهه وحشتينييي ..

شيرين تضحك وتدزه بعيد عنها : روووح يا الدب .. خلني اسلم على العنوووود ..

تروح يم العنود وهي تقول : هلا والله هلا بالعرووووووووس منوووورة .. ( تبوسها ) الحمد لله ع السلامة .. شلونج فديتج ؟؟

العنود تبتسم لها بحب : الله يسلمج .. الحمد لله بخير ..

شيرين تنغزها بذراعها وهي تغمز لها : هاااا شلون شهر العسل ( وتطالع عبد الله ) عساااه بس ما اذاج الدب هذا .. اعرفه زيييييين .. مليييييييييغ ودفش .. ههههههههه

رفعت راسها العنود تجوف تعابير وجه عبد الله .. لقته يضحك ومستانس .. !!! غريب هالانسان ..

ابتسمت اهي الثانية وقالت لشيرين : ههههه الحمد لله .. لا اخوج مافي منه ( وتطالعه باستهزاء ) ..

شيرين تضحك : شعلييييييك .. يمدحووونك بعد ..

عبد الله تأثر بكلام العنود وتركهم رايح للمطبخ : مالج خص .. من حرتج .. خل اجوف امي و ابوي احسن ..

ضحكت شيرين ومسكت يد العنود وخذتها معاها وراحو ورا عبد الله : امشي امشي سلمي ع امي و ابوي ..

مشت العنود وهي مستحية منهم .. صحيح قعدت معاهم مرة عقب الزواج .. بس ما تعودت عليهم اكثر ولا اخذت عليهم.

مشت مع شيرين .. ودخلو المطبخ وكااان كبيييير وواسع ..ظلت العنود تطالعه .. وسحبتها شيرين لغرفة الطعام اللي منفصلة عن المطبخ شوي .. ودخلوووها .. دخلت العنود ولقت عبد الله حاظن امه و امه تبجي ..

هزها المنظر .. حست نفسها بتبجي .. افتقدت امها وايد ..

ليتها تكون مكان عبد الله بهالوقت وتحظنها امها و تفرح لها ..

ام عبد الله حاظنة عبد الله وتصيح : يا بعد قلبي يا عبد الله .. وحشتني .. ما تحملت غيبتك .. وشلونك وشخبارك؟

عبد الله يبتسم لأمه بحب ويمسح ع راسها : فديتج يمه انا بخير .. انتي وحشتيني يممممه ( يبوسها ع راسها ) شخبارج يا عمري؟

ام عبد الله تحظنه مرة ثانية : انا بخير بشوفتك .. ما تعودت تغيب عني كل هالمدة يا عبد الله ..

بو عبد الله بمزح يسحب عبد الله من امه : يه خلينا نسلم ع الولد عاد ..

عبد الله حظن ابوووووه .. حس بمشاعر غير وغيييير وهو بحظن ابوه .. هذا ابوه اللي ما تخلى عنه ولا في مرحلة من مراحل حياته .. وهو كان يقابل كل هذا باستهتار !! ما يدري ليش جى هالشي ع باله بهالوقت وحس روحه ظلم ابوه..

في هالوقت راحت ام عبد الله وحظنت العنود : هلا والله ببنيتي هلا .. الحمد لله ع سلامتج .. تو ما نووور بيتنا يالقمر ..

العنود مستحية وهي تبوس راسها : الله يسلمج عمتي .. منور بوجودج ..

ام عبد الله : ها وشلونكم هناك عسى بس استانستو؟؟؟

العنود مبتسمة لهالحرمة اللي دخلت قلبها بسرعه : اي عمتي فديتج .. استانسنا الحمد لله ..

ام عبد الله : الحمد لله ..

راحت العنود وسلمت ع بو عبد الله .. اللي ماجافته من يوم العرس !!!!

حبته ع راسه : شلونك عمي ..

بو عبد الله : هلا والله خلا ببنتيتي .. الحمد لله ع سلامتكم .. ويييه مابغينا نشوفج ..

ضحكت العنود برقة وهذي اللي خبل بعبد الله وهو يطالعها .. لما قطعت افكاره شيرين وهي تدزه : هلوووو اكلت البنية بعيونك حششششى ..

عبد الله يعطيها نظرة : مالج خص .. مرتي وكيفي ..

ضحكت عليه شيرين .. وقالت ام عبد الله : يمه عبد الله وش فيك .. ضعفان و احسك مريض .. فيك شي يمه؟ طمني عليك ..

بو عبد الله : بدينا بالوسواس اللحين .. كاهو الولد اشزينه جدامج .. مافيه شي ..

العنود ارتبكت .. اكيد بيقولون منها !!!

عبد الله يضحك ويمشي عليهم السالفة : لا يمه فديتج مافيني شي .. بس خبرج هناك برد عندهم ومرضت وصادني انفلونزا خفيفة .. وللحين يعني هاه شوي خفيت ..

ام عبد الله : ما تجوف شر ياعمري .. عساك اللحين احسن ؟

عبد الله : لا الحمد لله تمام ..

شيرين : شنووووووو ما بتغدوووونا؟؟؟؟

ام عبد الله تضحك : ايه شوفة الغالين نستنا كل شي .. حياكم تفضلو .. جيتو بوقتكم ..

عبد الله راح اخذ العنود ومسكها من يدها وسحبها معاه وقعدها يمه ع الطاولة وهو يضحك ..

شيرين : هههههههههههههههههه الله يعينج يالعنود على اخوي ..

ام عبد الله : فديته .. شزينه مافي مثله ..

شيرين : اي بدينا اللحين .. جى ولدها خلاص الدلع كله له .. احنا مالنا الا الله ..

عبد الله يحرك حجاته : موتي قهر ..

هاذي عادتهم عبد الله والعنود .. كل واحد راسه براس الثاني وكله مناقر هههههه ..

ام عبد الله : ههه بعد من عقبج بيفضى علي البيت .. يلا كلكم بتروحون وبتخلوني ..

بو عبد الله باتسامة وهو ماسك الشوكة بياكل : ما خبرناك يا عبد الله ..

عبد الله يرفع راسه ويطالعهم وهو ياكل : شنوو؟؟

ام عبد الله مبتسمة وهي تطالع شيرين : شيرين انخطبت ..

عبد الله مبطل عينه يطالعهم واحد واحد : هااااااه ؟؟ وليش محد قال لييييييييي ؟؟؟؟؟؟؟

بو عبد الله : بعد ما صار شي واليوم راح ايووون البيت نتفق ع كل شي .. تونا رادين لهم خبر من جم يوم ...

عبد الله : بعدددد؟؟؟ و انا اخر من يعلم ؟؟؟

ام عبد الله تطالعه مستغربة : من قال .. بعد هذا احنا قلنالك ..

بو عبد الله : شفييييك .. بعد قلنالك توها السالفة اللحين .. ماصار شي ..

عبد الله : ايه ولا كأني ولدكم ولا اخوها عشان تعلموني ولا تسألوني ..

العنود منحرجة منه .. نغزته بذراعها وقالت له بصوت واطي : شفييييك .. بدال ما تبارك لاختك .. لا تخرب عليها وناستها ..

عبد الله طالعها بنظرات يعني : مالج شغل ..

طنشته و افترت على شيرين اللي كانت يمها وباستها وقالت : مبرووووووووك مقدما ياعروووسة تستاهلين ..

شيرين يازعم مستحية : الله يبارك فيج حبيبتي ..

العنود طالعت عبد الله بنظرة .. يعني تكلم قول شي ..

عبد الله : مو قبل ما نبارك .. خل نعرف منو سعيد الحظ هذا اللي بياخذ اختي ؟؟

بو عبد الله مبتسم : فارس .. فارس العامري ..

عبد الله يفكر : فارس ؟ منو فارس ؟؟؟ ( يسكت شوي ومرة وحده يقول ) اييييييييي لا تقول لي هذاك التاجر فارس العامري .. ايه ايه عرفته .. ( يتلفت على شيرين وهو يضحك ) والله منتي بهينة يا بنت عبد العزيز .. ههههههه فاااارس مرة وحده .. بالمبارك بالمبارك .. تستاهلين .. الله يتممها ان شاء الله بخير .. ( يلتفت على ابوه ) والله فارس هذا مافي مثله .. سمعته واصلة لوييين .. الكل يشهد له بأخلاقه ..

ام عبد الله : اي والله .. ولد ناس اجاويد .. نعرفهم من زمان احنا ..

عبد الله مبتسم وهو فرحاااااان لأخته بقووووة ..

بو عبد الله : ونبيك اليوم العصر تكون اهنييييه .. لانه راح ايي مع اهله ..

عبد الله يطالع العنود .. ابتسمت له العنود وهزت راسها موافقة .. لانه متفق معاها يروحووون لأهله العصر ..

ابتسم لها بحب وقال : ان شاء الله يبه .. بنظل اهنيه للعصر ..

وكملوا غداهم وكل منهم حامل بداخله مشاعر خاصة فيه .. شيرين وفرحتها بفاااارس .. و ام عبد الله وبو عبد الله اللي فرحتهم اليوم فرحتين برجعة عبد الله وزواج شيرين ..

وعبد الله اللي فرحان من قلبه لأخته شيرين .. اللي ضامن مستقبلها مع واحد مثل فارس !!! ومشاعر ثانية تجتاج قلبه تجاه العنود .. حسها حبت اهله ... وها الشي اللي ريحه وايد .. بس ما يدري لمتى راح يستمر هالشي ..

اما العنود .. حست بالراح وسط اهل عبد الله .. حستهم اهلها .. وحست ان عبد الله محبوووب عند اهله وايد ..

لكن تفكر .. هل اذا رحت بيت عمي اليوم المغرب .. راح ارد مرة ثانية مع عبد الله ولا خلااااص.؟؟

هالشي اللي ضايقها وايد وعكر عليها فرحتها بأهل عبد الله وبشيرين !!!

لكنها وكلت امرها لربها .. واللي رايده ربها بيصير وهي راضية فيه !!

 

( بيت بو رائد )

ريم كانت قاعده بغرفتها ترتبها .. تحس بملل مو طبيعي .. من بعد ما سافرت العنود وتزوجت .. ما شافتها ولا كلمتها .. تحس انها افتقدتها واااايد .. لانها كانت اختها مو بس صديقتها .. قعدت ع السرير وهي تجوف صورتها مع العنود معلقة وهم بلبس التخرج يضحكون .. ياليت هالضحكة ترجع بيوم .. رحت يارائد وفرقتنا .. ما عدت اجوفها ولا اكلمها !! حست نفسها بتصيح لكن .. اندق الباب ودخلت عبير مبتسمة ...

عبير : هااااااي وش تسوين ..

ريم : هلا .. ولا شي .. متمللة ..

عبير واقفة وتتعبث بأغراض الريم اللي عند المرايا ..

ريم نزلة راسها وتفكر : عبير .. تهقين العنود للحين بشهر العسل .. ما ردت؟؟؟

عبير اللي ما تدري عن سالفة العنود ورائد .. تلتفت عليها وتقول : وييي صج تعالي .. عنودوه وينها ما تبين كلش لا حس ولا خبر ..

ريم : يوم اللي بتسافر دقت علي وهي رايحة المطار .. ومن ذاك اليوم للحين ما اتصلت .. اخاف اتصل فيها و ازعجهم ولا شي ..

عبير : انتي انتظريها اكيد اذا صار عندها وقت بتدق..

ماكملت كلامها عبير و الا تلفون ريم يرن .. وكان رقم غريب

ريم : رقم غريب ..

ردت : الووو ..

العنود : هلااااا والله ..

ريم ردت : هلا والله هلا بهالصووووت .. هلا بالعرووس ..

العنود تأثرت بريم وحست الذكريات ترجعها لورا .. لكن .. ما حبت تنكد الجو ع ريم وفرحتها .. لان حستها فرحانة .. وصج ان ريم وحشتها وايد .. ف يلا .. اللي راح راح .. خلهم يعيشون لحظاتهم !!

العنود : ريموووووووووه يا الكريهه وحشتينيييييييي ..

ريم : فديتج عنودده .. شلونج شخبارج طمنيني عليج ..

العنود : انا الحمد لله بخير .. انتي شخبارج وشمسوية؟؟؟

ريم : والله الحمد لله انا بخير .. بس مكانج فاضي يا عنوووود .. وحشتيني وايد ( حست نفسها بتصيح ) ما تعودت تبتعدين عنيييي هالكثر ....

العنود صاحت : الريم حبيبتي .. انتي بعد وحشتيني .. انا رديت امس البحرين ..

ريم تصرخ : والله ؟؟ بذمتج؟

العنود تضحك : هيييي بعدج خبلة انتي ما تغيرتي؟ خخخخ .. اي رديت امس الليل .. انه اللحين في بيت اهل عبد الله .. في الليل ان شاء الله بيي البيت .. وبمرج بيتكم بعد ..

ريم فرحانة : فديييييييييتج والله .. انتظرج ها .. باخذ المعلومات منج هههههههه ..

العنود : خخخ اقول اسكتي بس .. وشلونهم اهلج .. شلون امج ؟ وعبير شلونها؟ ووائل شلونه وابوج؟؟

ريم : اي اي كلهم بخير .. اذيتيني خخخخ .. شوي بس عبوور بتكلمج ..

العنود : والله .. فديتها وينهي ..

ريم : دقيقة .. اكاهي وياج ..

عبير : الووووو عنووووود ..

العنود : عبوووور .. هلااااااا والله .. شلوووونج يا عصلا .. انتي بعدج عظامة ما تغيرتي؟ ههههههه

عبير : عصلا بعينج يا دوبا .. غيرانة مني اي اي قولي قولي ..

العنود : مالت عليج خخخخ .. انزين شخبارج وشمسوية ..

عبير : والله بخير ما اسال عنج ولا وحشتيني كلش .. افتكيت منج اصلا ..

العنود : خخخخخخخخ شعور متبادل ..

عبير : اي الحمد لله ..

العنود : ههههه عن جد وحشتوني .. ووحشني هبالكم انتي و اختج خخخ ..

عبير : اي بعد حضرتج عرستي .. ولا احنا موب مستعيلين ع اعمارنا .. كاحنا موجودين .. متى ما بتيين حياج ..

العنود : مالت عليج ههههه .. متى بتداومووون ؟

عبير : اوف لا تذكريني .. عقب اسبوووع .. و انتي بعد وراج دوام ولا خلاص؟

العنود : لا بسم الله علي .. بواصل ان شاء الله ..

عبير : اي احسب .. انزين هاج ريموووه اذتني ..

ريم : هلووو عنوود ..

العنود : هلا ريماني .. انزين حبيبتي .. بخليج اللحين ها .. وفي الليل ان شاء الله بييكم ..

ريم : اوووووووكيه انتظرج ..

العنود : يلا مع السلامة ..

ريم: ههههه والله وكبرنا وقمنا نقول مع السلامة .. وين ايامج .. باي سويتي .. وتيك كير حياتي خخخخ ..

العنود : هههههههه ولا يهمج .. باي باي ..

ريم : ههههه بايات ..

سكرت ريم التفون و اهي فرحاااااااانة .. بردة العنود ..

الفتت ع عبير بحماس : وحشتني عنودووو . و اخيرا بجووووفها .. صار لي شهر ما جفتها الكريهه ..

عبير وهي ماشية بتطلع من الحجرة : اقول ترى خالتي ام مشعل تحت مع امي .. انه بنزل ..

الريم : والله؟؟ انتظريني بنزل وياج ..

عدلت ريم شعرها اللي كانت فاتحته .. وربطته ع شكل ذيل خيل .. ورتبت ملابسها ونزلت تحت .. وراحت تسلم ع ام مشعل ..

ريم : سلام عليكم ..

ام مشعل : عليكم السلام .. هلا والله ببنيتي .. وشلووونج ؟

ريم : بخير .. شلونج انتي خالتي ..

ام مشعل : والله الحمد لله ..

ريم تقعد جنب اختها عبير : وينج خالتي لا نجوووفج ولا تيينا ...

ام مشعل : بعد شسوي .. منشغلة ويا هالعيال .. وبعد من راحت العنود .. صرت بروووحي ..

ام رائد : الا العنود شخبارها ؟ ما تدق عليكم ؟؟

ام مشعل : امبلى تدق بين فترة وفترة ..

ام رائد : متى بترد ؟

ام مشعل : والله صار لها اسبوع مادقت ولا ادري عنها .. مادري شخبارها احاتيها ..

ام رائد : ان شاء الله ماعليهم شر ..

ابتسمت ريم لعبير وفهموا ان العنود ما خبرتهم انها بترد .. يازعم مفاجأة ..

الريم تساسر عبير : خخخخ مالت عليها عنودوو .. مسوية فيها ام مفاجآت بعد

ضحكت عبير بصوت واطي وهي مخلية يدها على بوزها ..

 

( بيت فارس )

فارس كان كاااااشخ ع الاخر .. لابس ثوب بيضة وغترة بيضة بستايل قطري !!! وقف عند الدرج وهو ينادي اخته اللي بعدها ما خلصت .. و امه كانت قاعده بالصالة تحت معاه ولابسة وخالصة .. وقاعده تشرب شاي..على ما تنزل فجر..

فارس معصب : يمه قلت لج بنتج هذي خلها تقعد بالبيت .. اذتنااااا تأخرنا ع الجماعه .. شتسوي ذي ( ويصرخ ) فجررررررررررر .. فجروووه ووصمخ انزلي .. وش تسوييين

ام فارس تضحك عليه وهي تنزل بيالة الشاي : يمه وش فيك مستعيل جذي .. توها خمس الا ..

فارس : خمس .. ما باقي ع اذان المغرب الا ساعه ونص .. يعني ماكو وقت .. ( ويرجع يصرخ ) فجووور والله لأمشي عنج ها ..

في هالحزة نزلت فجر بكامل اناقتها ورقتها وكشختها .. فجر بياضها مو طبيعي .. تحس بشرتها مثل القطن .. بيضا وناعمة وحلوووة .. مميزها خشمها الطوووويل وعينها الواسعة بشكل حلوو ..

كانت رافعه شعرها البني لفوق ومخلية خصلاتها تنزل من ورا بشكل حلووو .. وخصلاتها ع ويهها تنزل وكل شوي تردها لورا .. وكانت رشيييقة حييل ولابسة تنورة سودة واسعة .. وبلوزة فوشية فيها حركات بالأسود .. وتراجيها اللي عبارة عن حلقه سوده فيها فوووشي .. ولابسة ساعة سوودة وكلها كريستال يلمع بشكل واضح ..

وحاطة ميك اب خفييف .. مجرد آي شدو وردي ممزوج بأسود .. وكحل اسود وقلوز وردي شفاف ..

وكانت تتكلم بالتلفون وتضحك وهي نازلة من عالدرج بأناقة .. وفارس كان معصب .. لكن من جافها ابتسم .. مايدري ليش .. هالبنية تأثر عليه وايد .. ما يقدر يعصب عليها ابد !!

وصلت لعنده وهي تضحك بنعووومة في التلفون .. وطبعا كانت تكلم حبيب القلب .. هشاااااام ..

وقفت يم فارس تتكلم وهو يأشر لها تسرع ..

فجر : ها؟ لالا هههههههه هااااا ترى ماكووو ردة بعدين .. و انت تحمل عاد .. هههههههه اي تستاهل خلك .. اي فديتني اعرفك ما تقدر ع بعادي ( وتضحك بحيا ) .. لا ما وحشتني ( تبتسم بخبث ) .. انزيييييين عاد هشوومي .. ترى فارس على نار واقف .. ( تطالعه وتجوفه معصب وتعض ع شفايفها بخووف ) هشومييي يلا ترى يذبحني فارس اللحين .. يممممه جوفه شلون يطالعني ..

فارس سحب التلفون منها : يالطيب يالحبيب اذيتنا .. خلااااص لاااااااه .. ورانا مشووووار العمر .. انت من يبت مرتك اهنيه و احنا مو متوفقين بسبتك ههههههه .. يلا اقلب ويهك .. يلا باي ..

سكر فارس التلفون وعطاه لفجر اللي واقفة تطالعه وكأنها ياهلة مزعلينها : حراااااام عليك .. جذي تسوي فيه؟

فارس يطالعها : ياحرام تصدقين .. ذبحته .. ( يمسكها من يدها ويمشي ) يلا يلا تأخرنا .. ( يلتفت لها يطالعها ويبتسم) وبعدين وش هالكشخة .. يــه .. رايحه عرس؟؟

فجر تطالعه بغرور وتلبس شيلتها السووودا : هههه وشفيك .. ترى طول عمري كاشخه ..

فارس يطالعها بخبث : اي من خذتي هالهشام و انا اجوف جرعة الكشخة زايدة عندج ..

(ترى فجر تهتم بالموووضة وايد وتحب تكشخ ع طووول وتحب المكياج والاكسسوارات والعطورات والازياء .. واللحين بعد راحت الكويت .. يعني خلاص .. هناك مركز الموضة والشياكة .. )

فجر بحيا : طول عمري كاشخه .. حق هشام وحق نفسي بعد .. ( وتمشي عنه بغرور صوب امها ) ..

فجر : يلا ما بنمشي؟؟

ام فارس تطالع فجر : فدييييييييتج يا فجووورة .. الله يحرسج من العيييين ..

فارس وهو ياخذ مفتاح سيارته ونظارته من ع الطاولة ويقول : اييي ماعليج يمه ... الحين بس بتجوفين خطيبتي وبتنسحرين عليها .. احسن من بنتج ذي ام اربعة واربعين ( يبتسم بخبث وهو يلبس نظارته الشمسية ) ..

توقع فجر اتيي يمه وتضربه مثل ماكانت قبل تسوي لما يذم بكشختها وبشكلها .. وتصر على انه يسحب كللامه ..

لكنها اللحين سكتت عنه و ابتسمت بغرور ومشت للباب وعقب التفتت عليهم : يلا ما بنمشي؟؟

فارس : وين عبايتج .. ليكون كنسلتيها بعد هههه ..

فجر : ههه لا كنسلتها من زمان .. وبعدين لبسي ساتر وما يحتاي البسها .. ( تروح يمه وتسحبه من يده ) يلا يلا فارس تأخرنا ..

طلعوا بره كلهم وركبوا سيارة فارس الهمر السوودا .. وكانت فجر قاعده ويا ولكن ناطة بويهها عندهم جدام ..

فجر : واااااااااي فديت شوارع البحرين .. وحشتنييي وايد .. يلا انت هي .. باجر تفرني بالبحرين .. توديني كل مكان ..

فارس ينزل نظارته ع خشمه ويطالعها من المنظرة وهو مرفع حجاته : شقالو لج .. دريولج انه؟ اشتغل عندج؟

فجر تضحك : ههه اي كومااار مالي ... انزين ما بتاخذ اجازة ؟؟؟

فارس يركز بالطريج ويقول بضيج : اي اجازة و انا اخوج ؟ .. الله يخلف علي .. ان قعدت بالبيت يوم واحد اعتفس الشغل .. ماكو حد يعتمد عليه من هالموظفين .. لازم توقف على روسهم ..

فجر مستغربة : يعني شلوووون؟؟ بتعرس ولا بتاخذ اجازة؟

فارس يضحك : لالا يمكن اسبوعين بس عشان بنسافر وبنرد .. اتمنى انها تتفهم موقفي يعني .. لان من بعدها وراي سفرة لأمريكا عشان دراستي .. وبتكون هاي اخر سفرة بقدم فيها كل شي .. عشان بعدين احصل الشهادة ويمكن اطول فيها شهرين ..

فجر مو قادرة تستوعب : حراااااااااام عليك .. والبنت ؟؟ تراها عروووووس .. تتركها جذي؟؟؟

ام فارس : الله يهديك .. بتطفر البنت من اول شهر !!!

فارس عصب فجأة : مو انتو اللي قلتو لي تزوج؟ قلتلكم ما اقدر .. لكن اصريتو علي .. وكاني سمعت كلامكم .. و اللحين جوفو شتقولون لي .. انا ريال وراي التزامات ثانية ..

ام فارس وفجر مستغربين منه .. هذاااا اللي مستانس ومتشقق ومو مخليهم في حالهم .. ليل ونهار شيرين وشيرين .. ما يشيل سيرتها ابد .. اللحين متضايق من هالزواج !!!

فجر مستغربة : فااااااارس!!!

ام فارس تلتفت عليه : جوف .. لاتفضحنا ويا الناس والجماعه .. ولا تفشلنا في بنتهم .. وش هالكلام اللي تقوله؟؟ يوم انك ما تبي تتزوج .. ليش تروح لبنت الناس وتفشلنا ؟؟؟

فارس منحرج: السموحة منج يمه .. والله يشهد اني مستانس عشان هالزواج .. بس شسوي .. قلت هالكلام غصبا عني .. بروحي متضايق عشان حاس اني بقصر بحقها .. وعارف انها ما تستاهل اني اسوي لها جذي ببداية زواجنا .. بس يايمه انتي ادرى بالحال ..

ام فارس : لكن بعد ما يصير تقول هالكلام ..

فارس يبتسم يحاول يلطف الجو : خلاص يمه عاد .. كلمة وسحبناها .. انسيها .. ( يمسك يدها ) .. استانسي بولدج .. تراه معرس ههههههه ..

ام فارس تضحك وتقول : الله يوفقك ان شاء الله ويسعدك ..

فجر : هاااا خلك ريال مو تفشلنا ويا البنت .. اعرفك مو شي ويا الجنس الناعم .. خخخخخخخخ ..

فارس يمد يده لورا ويضربها ع راسها : اقول خلج في حالج احسن .. بعدح ماعرفتي اخوج .. ( يحرك لها حجاته ) روووومانسي و احسن من رشدي اباظة ههههههههههه ..

فجر : كح كح غبااار .. طلعت مال اول انت .. اي رشدي اباظة واللي يهديك؟ قول روميووو .. جذي بتشرد البنت منك هههههههههه ..

فارس بغرور : يحصل لج بس انتي؟؟؟

وظلوا ع هالحال وهم يتناقرووون .. ليما وصلوووا البيت ..

قبل ما ينزل فارس من السيارة .. قام يعدل غترته بالمنظرة .. و اخذ عطره اللي بالسيارة ورش له وعفس المكان ..

فجر : كح كح .. ذبحتنااااا .. هاي بعد ما بتجوفها ومسوي جذي .. عيل لو بتجوفها وش بتسوي ..

فارس يعدل غترته : ههههههه الاناقة اهم شي ..

ام فارس : وش فيكم بتصيفون في السيارة ؟ يلا ننزل .

فارس يلتفت على امه بجدية : يمه .. قولي لهم ترى نبي عرس مرة وحده .. ماله داعي خطوبة ولا ملجة ولا هالحركات... ليش التأخير يعني؟؟

فجر : حرااام عليك .. مسكينة عرس مرة وحده؟ ليش مافي خطوووبة؟

فارس بملل : والله ماله داعي .. و انتي سأليهم وجوفي رايهم .. ان وافقوا زين .. و ان ما وافقوا والله شنسوي بعد امرنا لله ..

ام فارس : ان شاااء الله و لا يهمك .. يلا ..

نزلوا من السيارة .. ودقوا جرس الباب .. طلع لهم عبد الله ..

عبد الله رحب بفارس وسلم عليه : هلا والله هلا فارس .. حياك تفضل ..

فارس حاول يتعرف عليه بس ماعرفه : اهلين .. اممم عبد الله ؟

عبد الله يضحك : اي عبد الله .. ما جفتني ذيك المرة لما جيتنا .. كنت مسافر .. حياك حيياك تفضل ..

فارس : الله يحييك ..

دخله مجلش الرجال .. وفجر و امها راحوا ع طووول وين ما اشر لهم عبد الله وطلعت لهم ام عبد الله دخلتهم ..

ام عبد الله تسلم ع ام فارس: هلا والله يا حي هالشوووف .. حيالله ام فارس .. وشلووونج وشخبارج ..

ام فارس : ياهلا بأم عبد الله .. الحمد لله بخير .. وشلووونكم انتو .. وينكم عننا كل هالسنين ..

ام عبد الله : وش نسوي يا ام فارس .. مشاغل الدنيا لا بركة فيها .. اشغلتنا عن الحبايب والطيبين .. ( تنتبه لفجر ) ماشاء الله .. هذي بنتج ؟

ام فارس تبتسم : اي هذي فجر بنيتي ..

راحت فجر سلمت عليها : هلا خالتي شلونج ..

ام عبد الله مبتسمة : هلا والله بنيتي الحمد لله شلونج انتي ..

فجر : بخير خالتي ..

ام عبد الله : حياكم تفضلوا ..

قعدت فجر ونزلت شيلتها على كتفها وقعدت تعدل بشعرها .. و ام عبد الله تطالعه ..>>> اعجبت فيها خخخ ..

قعدوا كلهم بالصالة الفخمة الووواااسعة .. وقامو كل وحده تاخذ اخبار الثانية و يسولفون على ايام زمان وذكرياتهم .. وووووو من هالكلام .. فجر ملت .. تبي تجوف العروووس .. فيها حماااس مو طبيعي ..

فجر : الا اقول يا خالتي .. العروس وينها ما بينت .. ( تبتسم ابتسامة واسعه ) ودنا نجوفها ونقعد معاها ..

ان فارس طالعتها بنظرة على لقافتها بدون ما تنتبه ام عبد الله ..

وقفت ام عبد الله وهي تضحك : والله اهي بغرفتها فوق .. بروح اجوفها .. خبركم البنات وحركاتهم يستحوون ..

ام فارس : على راحتها ..

ام عبد الله : عن اذنكم شوي ..

ام فارس + فجر : اذنج معاج ..

راحت ام عبدالله .. و ام فارس نغزت فجر بذراعها : وش هاللقافة .. متى ما بغت تجي البنية بتجي .. ما يحتاج بعد نادووها ..

فجر ببراءة : شسوووي يمه متحمسة ابغي اجوفها ..

ام فارس : متحمسة؟ ليش بمسابقة انتين؟

فجر تضحك: هههههه تنكت الوالدة بعد .ز

ام فارس : اقول سكتي ..

فجر تكتم ضحكتها : ان شاء الله يمه ..

فوووق وبغرفة شيريييين ..

كانت شيرين مرتبكة وايد ومعاها العنود ..

العنود : وشفيج؟ والله ما يسوى عليج ههههههه .. ها لو قايل يبي يشوفج وش بتسويييين؟

شيرين تخرعت من الفكرة : يممممه لاااا مابي ..

العنود : اعصابج ههه وخليني اعدل لج الميك اب عدل ..

قعدت شيرين بهدوووء خارجي لكن بداخلها ربكة مو طبيعية .. وقلبها يدق ..

احسااااااااااااس حلوووو لكن بنفس الوقت مخيييف .. فرحاااانة حيل لان الله جمعها بالشخص اللي تمنته وحبته !! والله عطاها ع قد نيتها . ..

دخلت عليهم ام عبد الله : ها بناااات .. شفيكم تأخرتووو .. الجماعه وصلووو ..

العنود تبتسم لعمتها : شسوووي لها بنتج .. يننتني .. ماني عارفة احط لها شي .. خااايفة .. مادري شمنه ...

ضحكت ام عبد الله وراحت حظنت شيرين اللي خايفة وتعلقت بأمها اكثر .

ام عبد الله : فديتج يا يمة .. والله وكبرتي ويى اليوم اللي اجوفج فيه عروووس ..

شيرين مستحية وخايفة : يممممممه مو وقت هالحجي .. منو تحت ؟

ام عبد الله : ام المعرس و اخته .. اسمها فجر ..

شيرين : انزييييين .. لازم انزل يعني؟

ام عبد الله : شفيج تبين تفضحينا؟ بروحهم يسالون عنج ..

شيرين مبطلة عينها : هاااااه يسألون عني؟؟ ليش؟؟

العنووود فطست من الضحك عليها .. و ام عبد الله تقول : ينت البنت و اقعدت .. بعد يسألون عنج ليييش؟ يبون يجوفووونج ويقعدون وياج .. شفيييج؟ يلا اخلصي .. خمس دقايق و انتو تحت .. يلا

طلعت ام عبد الله .. وشيرين خايفة زوووود ..

العنود : حبيبتي انتي اهدي مافي شي يستاهل .. صلي ع النبي وذكري الله وبتهدين .. شفيييج ..

غمضت عينها شيرين و خذت نفس عميق .. وهدت شوووي ..

وقفت تطالع نفسها بالمنظرة : شرايج؟

العنود : قمرررررر ماشاء الله ..

شيرين تلتفت عليها : تهقين بيقولون عني حلوووة؟ اخاف يقولون كريهه ويقولونها لفارس ويهووون عني ..

العنود : ههههههههههههههه الله يغربل بليسج .. اللحين اهو جافج ولو ما عجبتيه جان ما خطبج .. وبعدين وش يقولون كريهه .. شزيييييينج والله يحصل لهم وحده مثلج ؟

شيرين بحيا : يلا بس عاد ..

العنود : ههههههه انزين يلا ننزل .. ما سمعتي عمتي شقالت .. خمس دقايق و احنا تحت .. تراهم يسالون عنج ..

شيرين تعدل شعرها الاسود اللي فيه لمعة كستنائية خفيفة حلوووة .. كانت ماسكته بفراشة كرستالية ناعمة من فوووق .. وطايح بعدين ع ظهرها وكتفها بتموجات خفيفة حلوووة .. وغرتها اللي نازلة شوي ع ويهها على جنب حلوة وناعمة .. وكانت لابسة تنورة قصيرة لي نص ساقها بنية وقميصها البيج الحريري الجابانيز اللي له كم قصير ويتسكر على جنب .. وفيه وروود صغيرره ناعمه بنية .. وطبعا لابسة اكسسواراتها ..

العنود : بسج تمنظر في روحج .. والله تهبلييييييين ..

شيرين : يلا امشي و امري لله ..

طلعو من الغرفة ونزلو من الدرج وراحو ع طول ع المطبخ بدون ما يمرووون ع الصالة اللي فيها الظيوووف ..

العنود : يلا اخذي العصير وييبيه .. هههههههه انه بروح اقعد هناك ..

شيرين مبوزة : انزين ..

العنود باستها وهي تضحك .. وطلعت عنها بره وراحت للضيوف تسلم عليهم .. سلمت ع ام فارس وفجر اول ما جافتها انصدممممممممت .. توقعتها اهي خطيبة فارس .. هاااااااااذي رفيجتها ايام الثانوييييييية !!!!!!!! معقولة ؟؟؟؟

راحت العنود تسلم ع فجر وما تذكرتها ..

فجر : العنووووووووووود !!!!!

العنود مستغربة : اي .. ( توها تتذكر من سمعت الصوت ) .. فجررررررر؟؟؟

حظنوا بعض وسلمووو ع بعض .. وهم مشتاقين لذيك الايام .. من طلعو ن المدرسة انقطعت العلاقات وماعادو يجوفووون بعض ولا يلتقووون ..

العنود فرحانة : وشلوووونج فجر وش مسوية ؟؟

فجر : والله الحمد لله .. ما توقعت التقي بج بهالصدفة جذي .. لا وشلون ؟ خطيبة اخوووي ..

العنود فاتحة عينها : خطيبة اخوج ؟ ( عقب استوعبت وضحكت ) هههههههه لالالا انا مو شيريييين .. شفيييج حتى اسمي ما تعرفينه .. العنود يبه .. انه مرت اخو شيرين ..

فجر : يالدبه هههههههه و انا ع نياتي بعد ..

ام فارس تبتسم لهم : تعرفون بعض؟

فجر : ايييييي يمه هذي عنووود اللي كانت معاي ايام الثانوي رفيجتي اللي كنت اقولج عنها ..

ام فارس : اييييييي هلا بنيتي ..

العنود : هلا فيج خالتي ..

فجر : وعرستي يالخاينة ولا تقولييين ..

العنود مستحية : شنسوي .. وتوي اصلا رادة من السفر امس .. يعني ماصار لي الا شهر ..

فجر : اي متباركة حبيبتي ..

العنود : الله يبارك فيج .. وعقبالج .. عرستي ولا بعدج؟ ههههه

فجر : لاااا .. ههههههههه من زمان عرست خخخ .. صارلي سنة تقريبا .. و انا مو ساكنة بالبحرين .. ساكنة بالكويت .. لان ريلي كويتي..

العنود مبتسمة : اي الله يوفقج ..

فجر : عيل العروووس وينها ..

توها بتتكلم العنود .. الا شيرين داخله عليهم بالعصير وبحيا واااضح .. شووووي وتطييييييح .. مو قادرة تمشي ..

ومن دخلت عليهم .. ع طووووول دخلت قلب ام فارس وحبتها .. ناس سبحان الله تحبهم من هيئتهم .. يدخلون القلب بسرعه ..

نزلت شيرين العصير .. وراحت سلمت ع ام فارس وحبتها ع راسها ..

ام فارس تحظنها : هلا والله ببنيتي .. هلا بالعرووووس .. شخبارج فديتج؟

شيرين بحيا : الحمد لله خالتي .. انتي شلووونج ؟

ام فارس : بخير بشوفتج يالغالية ..

مشت شيرين وقلبها يدق وسلمت ع الثانية اللي قاعده وخمنت في بالها أكيد انها فجر .. ماكو غيرها .

فجر : هلاااا شيرين شخبارج ..

شيرين : هلا فيج الحمد لله .. فجر صح؟

فجر تضحك : اييي هههه ..

قعدت شيرين يم فجر والعنود .. وهي مستحية من ام فارس اللي كانت تطالعها باعجاب و بابتسامة حلوووووة ..

حست انها حبت هالمرة .. وشلووون ما تحبها وهي ام الغالي لووووووول ..

العنود تلتفت على شيرين : اي شيرين .. طلعت اعرف فجر .. كانت معاي ايام الثانوية ؟

شيرين بحيا : صج ؟ حلوو

فجر : شيرين تشتغلين بالبنك صح ؟

شيرين : اي..

فجر : اي عندي سيرتج الذاتية كلها .. فارس ما قصر هههههه ليل ونهار بس بسيرتج .. ( وتغمز لها )

فجر بطبعها ملقوووفة وكل شي تقوله ههه ومسكينة البنت ماتت من الحيا ..

وطبعا كل هالكلام يدور بين البنات بروحهم لان ام فارس و ام عبد الله يسولفون ع جنب بروحهم ..

العنود ضحكت : ههههههه جوفي شلووون ويهها خخخ ..

فجر : هههه حرام عليج .. لا تحجرينها ..

شيرين تقرص العنود وتساسرها : مو تعرفينها خلاص بتتعاونون علي .. بذبحج ..

العنود تلصق في فجر : يمه خوفتني ههههه ..

شيرين ودها تقوم تقطع العنود .. ماعليه حسابج بعدين خخخ ..

فجر : اي شيرين .. ع فكرة .. ترى فارس يقول يبي عرس مرة وحده .. بلا خطوبة يعني وهالسوالف ..

شيرين بطلت علينها خافت : هاااه؟ ليش؟

فجر : ههه شسوي فيه الاخ مشتاق مو قادر يصبر خخخ ..

العنود : ههه ملقوفة انتي اعرفج .. احلفي قال جذي .. مو تأليف من عندج ..

فجر تشهق وتحط يدها ع صدرها : حرام عليج .. انه أأللف؟ .. هههههه والله صدقيني اهو من شوي قبل ما نيي قال جذي .. ( تلتفت ع شيرين اللي مسكينة ما تدري شتسوي ) ها شيرين وش قلتي .. اذا مو موافقة ترى براحتج .. اهو قال اهم شي رايج .. اللي يريحج بيسويه ..

انحرجت شيرين ونزلت راسها : مادري ..

فجر : ههه اوكيه بقول له ما تدري ..

العنود تعاند شيرين وتسوي لفجر بخبث : شفييييج خلي البنية تفكر .. يمكن توافق ..

فجر : هههههه الله يغربل بليسج يا عنودوووه .. بتموت منج البنية ..

التفتوو على صوت ام فارس و اهي تييب طاري المعاريس ..

ام فارس تطالع شيرين بابتسامة : بعد يا ام عبد الله ماظنتي بنلاقي لفارس احسن من شيرين .. ماشاء الله عليها اخلاق و ادب وجماااال .. شزينها .. الله يوفقهم ..

ام عبد الله بفرحة عارمة : الله يسمع منج ..

ام فارس : عاد يا ام عبد الله .. ترى فارس مستعيل يقول يبي عرسه عقب شهر ع الاقل .. يقووول عنده شغل ولا ادري وش شغله .. خبرج فيه .. هالشركات كلها فوق راسه ..

ام عبد الله : اي الله يوفقه ان شاء الله .. عقب شهر يعني ماكو خطوبة ولا شي؟

ام فارس منحرجة : والله جوفي ياوخيتي .. اهو قال لي ما يبي خطوبة .. يبي يعرس مرة وحده .. وقال بعد اذا انتو معترضين اهو ما عنده مانع .. بس عشان ظروفه في الشغل يبي يعجل بالعرس ..

ام عبد الله : والله انه ماعندي مانع .. هذي الساعه المباركة ..

ام فارس تطالع شيرين بإبتسامة وشيرين مو عارفة شلون تتكلم ولا ترد : ها يبنيتي .. اهم شي رايج ؟ قولي اللي يريحج وولدي فارس ما بيزعل .. بالعكس يبي راحتج ..

شيرين مستحية مو عارفة شتقول .. تخاف توافق و يفهمونها غلط انها مستعيلة هههههههه جوفو بس تفكير البنات ..

وتبي توافق عشان فارس وما تعطل اشغاله .. اكيد مدام الحبيب يبي جذي .. اهي راضيييية .. و اصلا ابركها من ساعه خخخخخخ ..

شيرين ترجع شعرها ورا اذنها وهي منزلة راسها : والله اللي تجوفوونه خالتي .. براحتكم ..

ام فارس : يعني موافقة؟

شيرين تهز راسها بحيااااااا وتحس نفسها بتمووووت ..

ولا سمعوا الا صووووت ام عبد الله : كللللللللللللللوووووووووووووووووووووويش ..

ام فارس : ههههه متباركة متباركة يا ام عبد الله ..

ام عبد الله : هههه الله يبارك فيج .. و انتي بعد متباركة ..

فجر تبوس شيرين بفرحة : مبرووووك . .. و اخيرا فرووس بيعرس هههههههه ...

شيرين : الله يبارك فيج ..

باستها العنود وباركت لها بعد .. .. ومن عقبها كلهم باركو لها ..

عند الرياييل .. كان فارس مو شايلته الفرحة .. وخصوصا بعد ما سمع زغارييييدهم اللي وصلت لعندهم ..

وبعد ما اتفقوا ع كل شي .. المهر والعرس وهالسوالف كلها ...

بو عبد الله : عيل على بركة الله ..

فارس : على بركة الله ..

عبد الله حب فارس بسرعه ودخل قلبه .. كان يجوفه بس ما يعرفه معرفة شخصية وكان يحسه واحد ثقيل دم ومغرور .. لكن من قعد معاه حبه .. صج اللي ما يعرفك ما يثمنك !!!

صب عبد الله القهوة لفارس : تفضل ..

فارس ياخذ القهوة : تسللللم ..

عبد الله يقعد مكانه : الله يسلمك ..

فارس : ها وشلووون شركتك .. عسى امورك ماشية؟

عبد الله يبتسم : والله صارلي شهر مادري عنها ..

فارس مستغرب : شهر؟؟ وشلوون؟؟

عبد الله يضحك : ههههه شسوي توي معرس يديد .. امس راد من السفر و ان شاء الله باجر بداوم ..

فارس : اييي مبروووك مؤخرا ما درينا السموحة ..

عبد الله: هههه لا شدعوه .. الله يبارك فيك

بو عبد الله : الله ؟ باجر بتداوم ؟ توك راد ارتاح شوي ..

عبد الله بجدية : ارتحنا بما فيه الكفاية .. ومسكين مهند لحاله الشغل فوق راسه .. لازم انا اروح اجوف شسالفة ..

بو عبد الله : براحتك .. شركتك و انت ابخص بها ..

فارس : السموحة ع التدخل .. بس مهند شريكك؟

عبد الله : هههه لا عادي .. اي مهند رفيجي .. وشريكي بنفس الوقت .. يعني بصراحه ماكنت اقدر ادير هالشركة كلها لحالي .. وصديقي مهند ماشاء الله عليه .. شاطر بهالسوالف .. وماكان لاقي وظيفة .. فيشتغل معاي احسن .. وصرنا شريكين لانه بصراحه مأتمنه على كل اسراري وشغلي ويستاهل يكون شريكي ..

فارس : الله يخليكم لبعض ولا يغير عليكم .. بصراحه ياريت عندي حد يكون شريكي جذي .. جان ارتاح من هالضغط اللي علي .. رفيجي مشعل .. اللهو نسيبك .. كان بودي يشتغل معاي بس شغله مع ابوه أولى مني .. مع انه رفيجي و اخوي والله .. الله يشهد اني اعتبره اخو ماهو رفيج ..

عبد الله اللي توه يسمع عن مشعل هذا ويدري انه رفيج فارس .. يعرفه بالاسم بس وجافه في عرسه بس ما يعرفه شخصيا : الله يخليكم لبعض ..

فارس لمعت خطة جهنمية بباله و أصر انه ينفذها : ههه اخذتنا سوالف الشغل .. ( يفرك يدينه ببعض بارتباك ويطالع بو عبد الله ) والله ياعمي عندي طلب .. منحرج منكم ..

بو عبد الله : افا عليك بس .. تآمر انت .. قول و انا عمك ..

فارس: ما يآمري عليك عدو .. ودي لو بس اجوف العروس اذا مافي مانع .. اعتقد يعني من حقي ولا انا غلطان؟

بو عبد الله: هههه من حقك يا فارس .. ولا يهمك .. تآمر انت .. ( يلتفت على عبد الله ) عبد الله روح ناد اختك و انا ابوك .. وخذ فارس معاك ..

عبد الله يبتسم ويقوم يوقف : حياك تفضل ..

مشى فارس ورى عبد الله وهو مستااااااانس وفي نفس الوقت مرتبك .. اخذه للمجلس الثاني الصغير ..

عبد الله : تفضل .. ثواني وتجيك..

فارس : خذ راحتك ..

طلع عبد الله شوي برى المجلس .. ودق ع العنود عشان يقول لها تخبر شيرين ان فارس يبي يشوفها وتخليها تجيه عند المجلس ..

العنود استغربت لما جافت رقم عبد الله داق عليها .. طبعا موبايلها يديد اليوم شراه لها عبد الله بعد ذاك الموبايل اللي كسره بلندن !!!

ارتبكت وقامت ابتعدت عنهم شوي وردت : الوو ..

عبد الله أسره الصوووت ودق قلبه وقال بحب : احلى الو .. وحشتيني ..

العنود صار ويهها احمر .. وش تقول وش ترد عليه .. هذا هو عبد الله .. يوم يصرخ ويوم تجوفه روميووو زمانه !!

العنود : احم ..

عبد الله : فديتج وحشتيني ..

العنود مرتبكة : بغيت شي عبد الله ؟

عبد الله : وااااااي ياحلاته اسمي على لسانج .. حرام عليج جذي .. اقول لج وحشتيينييييييي ..

العنود تجرأت وكأنها نست كل اللي بيتنه وقالت بحيا : انته بعد ..

عبد الله جن جنونه ونسى الريال اللي ينتظره : ياعمررررررررري يالعنوووود .. فديتج ابي اجوفج اللحين ..

العنود خافت وش قالت هي شكلها خارتها : عبد الله سوري .. الضيوف هني ما يصير اتركهم .. انت بغيت شي ؟

عبد الله تذكر فارس اللي ينتظره .. تو الناس : اييي ذكرتيني .. فارس يبي يجوف شيرين .. قولي لها بسررررررعه تييني عند المجلس الثاني الصغير .. اوكيه ؟

العنود : ان شاء الله .. تبي شي بعد؟

عبد الله : اي ابييييج ..

العنود : باي ..

ع طوووول سكرته .. شكله عبد الله بدى يخورها .. راحت لعند شيرين وتركته متسند ع الجدار ذاااااااايب ..

راحت لعند شيرين وساسرتها : قومي معاي شوي ..

شيرين : ويييين

العنود تسحبها : انتي قووومي ..

قامت شيرين معاها وراحو لفوق بغرفتها : شيرينوووه عبد الله متصل يقول فارس يبي يشوووفج ..

شيرين تشهق وتخلي يدها ع صدرها : يبي يشوووفنيييييييييي

العنود تضحك ع شكلها : سرعي الريال ينطرج تحت ...

شيرين : مابي ماااااابي ..

العنود : شنو ما تبين اقول لج الريال ينتظر ..

شيرين : ليش يبي يجوفني .. مابيييييي ..

العنود : يؤؤؤ شيرين شفيييج .. بتفضحينا ويا الريال ..

شيرين بتطلع من الغرفة : كيفه .. مابي .

العنود راحت تركض وسحبتها : انتظري انتي بعد ..

ودقت ع عبد الله : الوه عبد الله .. شيرين مو راضية .. اوكيه .. احنا فوق بغرفتها .. اوكيه ..

ثواني ودخل عليهم عبد الله : يه يه يه شهالكشخخخخخخخه .. شهالحلااااة ..

شيرين :عبوودووه مالي مزاجك ..

عبد الله : هههههه شفيج انتي نفسج بخشمج وريلج شاق البوووز من الفرحة .. امشي ينتظرج بسرررعه لا تفشلينا معاه ..

شيرين بتصيح : قولو له مابييييييييي ..

عبد الله مسوي نفسه معصب : يلا عاد بلا دلع .. الريال من حقه .. بعد مو بتقعدين تفضحينا وياه .. يلا بسرعه اجوف جدامي ..

العنود خافت منه عبالها صج .. وشيرين تعرف حركاته وضربته ع صدره بيدها : يالكرييييييييييه يالدفش روح عني ..

عبد الله : عن جد شيرينوو لا تصيرين ياهل .. الريال صار له ربع ساعه ينطر فشلتينا ..

شيرين كسر خاطرها فارس وقالت : انزييين اللحين ببدل ملابسي وبرووح ..

عبد الله : وش تبدلين بعد ..

شيرين : بلا استهبال .. تبيني اروح له جذي تنورة قصيرة .. لحظة ..

مشت وراحت لغرفة الملابس ودخلت لداخل وقامت تبدل ملابسها .. بدلت تنورتها القصيرة ولبست مكانها تنورة طويلة بنفس اللون .. معاها سير عريض ع الخصر ستايل ..

طلعت ولقت عبد الله واقف والعنود معطته ظهرها ومقابله الدريشة .. استغربت منهم بس طنشت بروحها ولبها ع هالورطة اللي هي فيها ههههههه ..

شيرين : هااااا يلا تعال معاي ..

عبد الله وعيونه ع العنود : روحي بروحج اكو في المجلس الثاني تحت ..

شيرين تروح صوبه وتسحبه من يده : هيييييي مينون انت .. مستحيل اروح بروحي .. ترى اهون ها ..

عبد الله يطالعها بنظرات حاده : اف منج ومن ريلج اذيتوني .. ( ايودها من يدها ) امشي و امري لله .. ( يلتفت ع العنود) انتظريني هنييييي ..

العنود : بنزل تحت انه ..

عبد الله وقف : عنوووود .. قلت لج انتظريني هني ..

العنود عارفه انه نيته مو صافية : اوكيه بنتظرك ..

ابتسم بها عبد الله بخبث .. وطلع وهو ماسك يد شيرين ليما نزلوا تحت .. وقفوا عند باب المجلس ومسكت شيرين عبد الله : عبد الله !!! خلك معاي

عبد الله : ههههههههه ناوية فارس يطردني .. اقول ادخلي بس .. ما بطول كلها ربع ساعه وبييج ..

شيرين : لاااااا ربع ساعه وايد ..

عبد الله : اقوووول لا يكثر بس .. ادخلي ..

بلعت ريجها شيرين .. وفوضت امرها لله ومشت ورا عبد الله ..

دخل عبد الله ع فارس اللي كان منزل راسه وباين عليه الضيق من الانتظار ..

عبد الله : سوري تأخرنا عليك ..

فارس وقف وهو يجووووووف اللي يمه .. يحقلها تتأخر يابووك : لا عادي ..

تقدمت شيرين بحيا وسلمت ع فارس : السلام عليكم ..

فارس يطالعها ومشدوووود ع الاخر : وعليكم .. السلام .. هلا شخبارج؟

شيرين : الحمد لله .. تفضل ..

قعد فارس وقعدت شيرين على بعد خطوات منه .. ومنزلة راسها بالارض للحين ما طالعت ويهه !! هههههه

عبد الله بغى يضحك ع اشكالهم بس مسك نفسه وقال : بخليكم .. عن اذنكم ..

طلع عبد الله وراح لفووووق .. وقلبه مشتااااااااااااق لحبيبته الازلية ..

في قلبه شوووق مو طبيعي .. من كلمته بالتلفون وهو مو قادر يمسك نفسه .. نسى كل شي .. في لحظة تهور تناسى الماضي وحب يتمتع باللحظات اللي هو في قربها ولا يفرط في هاللحظات والوقت اللي معاه !!! احتمال كبير جداااا ان العنود ماراح تكون له بعدين .. فما يبي يضيع هاللحظات الحلوة ..

راح بقلب مليان شوووق وحب .. فتح باب شيرين .. انصدم .. ماكو احد !!!!!!!!

عصب : هين يا العنوووود .. عيل اقولج ظلي .. وتشردين ها؟؟ معليش .. مردج بتردين لي ..

طلع من غرفة شيرين بعصبية .. بس التفت ان باب غرفته الاولية مو مسكر .. والنور مفتوووح داخل !!!

من داخل الغرفة ؟؟؟؟ محد يدخلها .. والكل تحت !!!

راح دخل الغرفة لقى العنود متخبية عنه هناك !!!!! لكنها غبية ما اختارت الغرفة المناسبة .. ماكانت تدري انها غرفة عبد الله !! بغت تنخش فيها .. ولما اكتشفت انها غرفة عبد الله بغت تطلع لكن جافت عبد الله راكب فوق !!!

دخل عبد الله ولقاها واقفة بوسطة الغرفة وتطالعه بويه كله براءة اطفال وحيا وخوووف بنفس الوقت !!

انقبض قلبه وهو يجوف منظرها ..

كانت لابسة تنورة فوشية قصيرة لنص ساقها.. ولابسة بدي اخضر فاتح بلون فاقع مناسب للفوشي وموديله انها تربطه ورا رقبتها .. وتحت البدي بلووزة فوشية بنفس لوون التنووورة .. ربع كم .. وشعرها كان مسويته كيرلي بدرجة خفيفة ومنسدل على كتفها وظهرها .. وخصلاتها نازلة ع جنب ع ويهها !!!

طالعه يااااااااهلة بمعنى الكلمة ..

عبد الله تقدم منها لا اراديا وهي ابتعدت ع ورا .. هو يتقدم وهي تبتعد .. ليما طاحت ع السرير اللي وراها !!!

ابتسم لها عبد الله بخبث وراح قعد يمها وطالعها بنظرات اربكتها ..

العنود تحس قلبها شوي ويطلع من الخوووف والربكة .. وتحس دقات قلبه مسموووعة وبتفجررر صدرها !!

ع طول قامت وقفت لما تقرب منها ..

راح وقف يمها ومسك يدينها وهي غمضت عيونها مو قادرة تفتحهم وهي خايفة ..

زعلته عبد الله هالحركة .. مازالت تخاف مني يعني !!! ..

عبد الله تعاطف معاها وكسرت خاطرررررره .. اللي سواه فيها مو شوية .. كفيل بأنه يعقدها العمر كله !!!

كلمها عبد الله بنبرة حنان ويخفف عليها : عنودي حبيبي وش فيج ..

العنود بتصيييح وتترجاه : تكفى عبد الله الله يخليك .. خلني انزل تحت ..

عبد الله كره نفسه بهاللحظة .. وده يذبح روحه ولا يجوووف العنود تخاف منه بهالطريقة ..

تقرب منها اكثر وهي لازالت مغمضة عيونها .. لمس خدها وقال : العنود تكفين .. ليش تخافين مني بهالطريقة ...؟

العنود صاحت : مو شوية اللي سويته فيني .. تكفى خلني انزلللللل ...

عبد الله حز بخاطره وايد وتقرب منها وقربها لعنده وضمها لصدره : تعرفين اني احبج .. ما اقدر أأذيج ..

العنود لازالت مغمضة عينها وتبجي : انت قسيت علي وايد .. وايد يا عبد الله ... اللي يحب ما يعذب اللي يحبه بهالطريقة ..

عبد الله ضمها اكثر وقلبه يتقطع عليها : حبيبي انا اسف اسف صدقيني انا ذاك اليوم ما كنت بوعيي .. كنت ما اجوف جدامي من العصبية .. ومن كثر ما احبج يالعنووووود .. سويت اللي سويته .. لاني ماكنت عارف شلووون اسيطر ع مشاعري ولا اشرح لج موقفي بتفهم ..

تبتعد عنه العنود وتمسح دموعها : اووكيه انا بنزل تحت ..

ابتسم لها عبد الله لان باين انها هدت شوي : ها خلاص؟؟ هديتي؟؟

العنود منزلة راسها : اي ..

تقرب منها ورفع ويهها بصبعه وهو يبتسم : ماجوووف ..

العنود تبتسم غصبا عنها .. لانها جافت ابتسامة عبد الله اللي ما قدرت تقاومها و الا تبتسم لها ..

العنود سحره شكلها اكثر وهي تبتسم له وتقرب منها وابتسم لها وهو يطالعها ..

العنود : ههه شفيك؟

تقرب منها اكثر وقال بخبث : و ش احلى من الزعل لو بعده تراضيت ؟؟؟

العنود ضحكت بحيا وبرقة وهي تحط يدها ع حلجها..

عبد الله خلاص ما يتحمل : لاااااااا ناوية علي اليوم ههه ..

العنود ع طول رفعت راسها ومسكته من ثوبه : لا تكفى عبد الله .. مو وقتك .. الضيوف تحت .. وشكلك نسيت شيرين ..

عبد الله يطالعها ومرفع حواجبه ويقول : ماشي .. وين بتروحين يعني .. مردج لي ..

ضحكت عليه العنود بحيا وراحت تركض عنه وطلعت من الغرفة .. بغى يلحقها لكنها سبقته ونزلت تحت عند الضيوف ..

نزل عبد الله وراح لشيرين وفارس بالمجلس ..

الجو عندهم اعتدل شوي بعد ماكان متكهرب .. تعودت العنود شوي ع فارس اللي كان منسحر من شكلها .. وصار مجنون فيها اكثر ..

دخل عبد الله : هاااا شخباركم خخخخ ..

فارس يطالع شيرين المستحية : بخيييير بشوفتك ..

شيرين استحت لان فارس يقصدها وعبد الله فهمها وضحك .. قامت ع طول : عن اذنكم ..

وراحت تركض فووووق ..

عبد الله : هههههههه حركات بنات ..

فارس منحرج : هههه .. طيب استأذن منكم اللحين ..

عبد الله : وين .. تو الناس ..

فارس : مرة ثانية ان شاء الله الايام بيننا .. يلا جوف لي طريق خل نسلم ع الوالد ونمشي ..

عبد الله :حياك ..

طلع فارس ورا عبد الله وراح سلم ع بو عبد الله ووعده يطرش المهر باجر وهو راح يتكفل بحجز الصالة والكروووت والعشى وهالسوالف ..

عند الحريم .. خوب شيرين راحت فوق ولا نزلت .. ماله وجه تقابلهم ..

فجر تساسر عنود : وين شيرين راحت ؟ اختفت ..

العنود تضحك : ههه جي ما تدرين .. فارس قال يبي يجوفها ..

فجر مبطلة عيونها : ياخطييييير و انا اقول وش عنده متكشخ من الصبح اثاري ناوي يجوفها ولا قال لي بعد هااا .. وينهه انزين بعدهي هناك؟

العنود : ههههه سكتي ذبحتنا موب راضية تروح لو ما يا لها عبد الله وسحبها جان فشلتنا ويا اخوج .. موب راضية .. واللحين مادري عنها .. بدق عليها ( دقت عليها ) في الوقت اللي رن تلفون فجر وردت عليه ..

العنود : هلا وينج ؟ فوق .. انزلي ( تنتبه ع فجر ) يلا شكلهم بيمشووون سلمي لا تفشلينا .. يلا بسرعه .. باي ..

سكرت و انتبهت ع فجر اللي توها مسكرة موبايلها ..

فجر : يلا اكو فارس اتصل .. يقول اهو طلع عند الباب .. يمه يلا فارس ينتظرنا ..

ام عبد الله : تو الناااااااس .. خلكم ويانا ..

ام فارس : مرة ثانية ان شاء الله .. يلا ..وينها شيرين خل نسلم عليها ..

ام عبد الله بتتكلم بس مو دارية وين راحت ..

انقذت الموقف العنود : كاهي بتيي اللحين .. لان راحت حق فارس قال بيجوفها ..

توها تتكلم العنود الا بدخلة شيرين .. راحت ام فارس وسلمت عليها وسلمت عليها فجر بعد وحظنتها ام فارس : تحملي بروحج غناتي ..

شيرين بتموووت من الحيا : ان شاء الله خالتي ..

ام فارس + فجر : يلا مع السلامة ..

الكل : مع السلامة ..

طلعو وركبو السيارة وكان فارس ينتظرهم داخل السيارة ..

اول ما قعدو .. ع طووووووووووووول افتر لهم فارس : ها جفتوهااا؟؟؟؟ حلوة صح؟؟؟

فجر تعانده : مو احلى مني ..

فارس يطالعها على جنب : اقول اسكتي .. مابي رايج ( يتلفت ع امه بحماس ) ها يمه شرايج بالبنية ..

ام فارس : ماشااااااء الله عليها اخلاق وجمال وبنت ناس .. وش تبي اكثر من جذي .. الله يوفقكم ان شاء الله .. دخلت قلبي هالبنية .. وطول ماهي قاعده حليلها و اهي مستحية ما رفعت راسها ..

فارس متشقق ويقول بصوت واطي : فديتها ..

فجر نطت لعنده : سمعتك ..

فارس : هههههههه شعليج ..

فجر : ها يالخااااين رايح تجوفها ولا تقووول ها .. و انا اقول اشفيها البنية من قامت ما ردت .. يقولون راحت غرفتها بعدين انخشت من الخوووف المسكينة تتنافض لوووول ..

فارس : لسانج طويل ههههههههههه ..

فجر : لا .. قالت لي مرت عبد الله اخوها .. انها ماكانت راضية اتيي ..

فارس : والله ؟ و انا اقول اشفيهمممم اتاأخروووا

فجر : ههههههههه ماكانت راضية اتيي بس اخوها خلاها تيي

فارس : هههههه اهم شي يت انتي ما يخصج ..

فارس : ها يمة وش قالووو ع العرس ؟؟

ام فارس : وافقوووو .

فارس مستانس : صج والله ؟؟؟ زين زييييييييييين

فجر : وش ينيمه اليوم عاد هههه

فارس : ههههههههه وش يخصج مستانس يختي كيفي ..

فجر : ههههه عليك بالعافية .. بس صج العروووس وايد حلوة وعجبتني الله يهنيكم ..

فارس طاير من الفرحة ... و اخيرا بيتحقق حلمه !!!

 

بعد صلاة المغرب .. عبد الله والعنود سلمو ع اهل عبد الله وطلعو بيروحووون بيت اهل العنووود ..

ركبو السيارة .. وقعدت العنود تعدل شكلها .. سوت ريفريش ميك اب .. وماكانت حاطة اشياء وايد بويهها ما تحب الخرابيط الوايد .. مجرد كحل وبودر وقلوز .. عدلت شيلتها مرة ثانية ..

كل هذا وعبد الله يراقبها بدون ما تحس .. وفي داخله يقول : اااه ياريتنا نقدر نعيش بسلام وحب ..

طول الطريج وهم ساكتين .. وش يقولووون ؟؟؟ كل وحد مب عارف شيقول .. او بالاحرى في عالم اخر ..

عبد الله حب يقطع هالصمت .. شغل راديو إف إم .. وكانو حاطين أغنية ما عجبت عبد الله .. خلاه يشتغل بس قصر ع الصوووت ع الاخر ..

عبد الله : احم .. عجبني فارس وايد .. حسيت اني متطمن على شيرين معاه ..

العنود : اي حتى شيرين قالت لي انه عجبها .. الله يوفقهم ..

عبد الله : ان شاء الله ..

العنود حبت تسولف معاه بدل هالملل : حتى اهله ماشاء الله عليهم وايد طيبين .. وطلعت اعرف اخته .. كانت رفيجتي ايام الثانوية .. بس من بعدها ما قمنا نجوف بعض ..

عبد الله ابتسم : زين ..

العنود منحرجة بعد مدة قالت : بنروح بيت اهلي صح ؟

عبد الله بعناد ويمزح طبعا : لا من قال .. بنروح البيت .. انا تعبان مالي خلق اروح مكان ..

العنود بطلت عيونها : حرام عليك .. من امس ياية ولا حتى كلمتهم ولا زرتهم ..

عبد الله مازال يمثل عليها: خليها وقت ثاني .. دقي عليهم بس ..

العنود عصبت وسكتت عنه .. ودها تقوم تكفخه .. اللحين من الصبح واعدها يوديها تروووح عند اهلها .. اكيد ما يبيها تروح عشان ما تقعد هناك وتخليه .. يبيها ترد معاه .. بس اهي خلاص ماعادت تبي تعيش معاه !!!

بس مب معناته انها خلاص ماتحبه !!!

عبد الله التفت عليها لقاها معصبة وساكته .. عبد الله : شفيج ساكتة ماعجبج كلامي؟؟؟

العنود انفجرت : مو انت ما تبي تروووح ؟ خلاااااص مو لازم نروح .. وش تبيني اقوووول بعد ..

عبد الله : هدي هدي وشفيج .. انتي تدرين ليش ما ابيج تروحين ..

العنود :.......................( ساكتة ) ..

عبد الله يطالع جدام : انتي ادرى .. اخاف تروحين ولا تردين ...

العنود بحسرة وقهر : مو هذا اللي انت تبيه ؟؟؟

عبد الله يلتفت عليها بابتسامة خبيثة : افااااا؟ حد يعيف قربج ؟؟ ( مد يده ومسك يدها ) ..

العنود سحبت يدها بسرعه من يده وقالت : عبد الله ارجوك بلاش هالتمثيليات .. خلااااص .. مليت ..

عبد الله : ............( سكت ) ..

انقهر عبد الله .. يعني لازم تذكره بالواقع المريييييير .. لكنه ماحب يخرب عليهم هاللحظات الحلوة ..

ابتسم كمجاملة : امزح معاج عنودي .. من قالج ما بوديج بيت اهلج .. حتى جوفي الطريج .. مو رايحين لهم ؟؟؟

سكتت عنه العنود وبداخلها تقول : مو وقت مصاختك كلش ..

مد يده قرص خدها : بسج لا تبرطمييييين جذي .. مو حلوووة تصيرين خخخخ ..

نزلت يده العنود ولازالت ع نفس الوضع ..

عبد الله : فدييييت هالبراطم ههههههههههههههه ..

العنود تفشلت منه وقالت : عبد الله !!!!!

عبد الله : ههههههههههههه ( انتبه ان مشغلين اغنية يامميز حق راشد الماجد .. وطول ع الصوت وقام يغني وياهم وهو يضحك وهو يقصد العنود وهي فاهمه بس ساكتة ) ..

يا مميز في جمالك

في وصوفك في دلالك

في خدودك في حلاتك

كل شوقي والودادي

ذقت مركز في فؤادي

يا ملاكي يا ملاك ( يأشر ع العنووود ويضحك وهي مستحية )

يا ليلي ليلي يا ليلاه يا يليلاه

 

وجد قلبي يا وجودي

في بعادك يا العنودي( مسك يدها وقام يطالعها ويغني لها )

يالغلا زايد غرام

في حظورك او غيابك

قلبي بنبض به سرابك

محدن بقلبي سواك

 

داوي روحي من جروحي

بنظرتك يا روح روحي

كل ما تزعل عليا

ضاق وسع الكون فيا

كل رضايا من رضاك

 

يوم نور البدر لاحي

انت يا سيد الملاحي

ياعيونك في سماك

اعترف اني احبك واقبل بسلمك وحربك

وعمري قلبي ما نساك

 

http://www.6rbtop.com/library/resources/Ra...ten/9406_hi.ram

 

خلصت الاغنية .. والعنوووووووووووود المشاعر تتضارب في داخلها .. في داخلها حب كبير لهالانساااان وشووووق وودها تعيش حياتها معاه .. بس مادام انه وصل معها لمرحلة انه اهانها و انه في كل شوي ينقلب انسان ثاني ويثور بوجهها ويجرحها .. هذا اللي ما ممكن انها تتحمله طول العمر وهي عايشة معاه .. الزم ماعليها كرامتها .. فسكتت عنه مع انها بتطير من الوناسة لان عبد الله يحبها مثل ماهي تحبه .. لكن وشفايده حبه لها وهالحب كله تجريح و اهانات .. فتنسحب بكرامتها افضل !!!

عبد الله كان بداخله نفس الشعور اللي بداخل العنود.. كان يحس بالحب بداخله .. لكن في حاجز بينهم قووووي يمنع هذا الحب من النمو والتواصل ..

عبد الله دق قلبه لما وصلوا بيت العنود وانتبه لبيت رائد !!!!!! تذكر ذاك اليوم اللي توفى فيه رائد وكان اهو واقف مع العنود اهنيه بالذات عند باب بيتهم وهي تبجي وهو موب فاهم شسالفة ..

تذكر وشلون اهو كان قلبه يتقطع والشكوك والاوهام تلعب براسه وهو مو قادر يفكر .. يحس نفسه مخدوووووع بس محد فاهمه .. حس نفسه ضايع بذاك اليوم والكل يقول له انت الغلطان انت اللي شكوكك اعمتك .. لكن قلبه يقول له شي ثاني .. قلبه المجروووووووووح حاس .. حاس بكل شي ..

حس الآلام والذكريات ترجع به لذاك اليوم المشؤووم .. وحس الدنيا ضاقت به و ان المشكلة اللي هو فيها اكبر من ما هو مهوننها طول الفترة اللي طافت >>> جوف التفكير بس .. كل اللي سواه ومهوننها !!!!

التفت ع صوت العنود ماسكه يده : عبد الله عبد الله وينك .. هلووو احاجيك ..

مرة وحده نفض يده من يدها وقال بعصبية : وش تبين؟

العنود استغربت : شفيك؟ اقولك ما بتنزل ؟؟؟

عبد الله فر ويهه عنها : ماني رايح معاج مكان .. روحي بروحج ..

العنود عصبت : انت اللحين وش فيك معصب وتصارخ ..

عبد الله : مالج خص فيني .. نزلي شتنطرين ..

العنود استقوت : ماني نازلة .. الا لما تقول لي شفيك تعاملني بهالطريقة .. تعبت منك انه تعبت .. يوم تضحك ويوم تصارخ ويوم مسوي فيها مسكين .. و انه ؟ و انه امشي ع مزاجك .. مثل ما انت تبي و اتحمل و اسكت غصبا عني وما اتكلم .. ليمتى يعني ..

عبد الله يرص ع اسنانه ويقول بعصبية : قلت لج نزلي وهالموضوووع بينتهي جريب .. فكيني ونزلي ..

دق قلبها العنود .. بينتهي ؟؟؟ بينتهي جريب ؟؟؟؟؟؟ وش ناوي عليه عبد الله ؟؟؟ اكيد بيطلقها ..

ياربي خافت .. عقلها يقول لها احسن لكن قلبها ؟ قلبها اللي مو هاين عليها ..

نزلت راسها وقالت بقهر : انت واحد أناني ( رفعت راسها وصرخت عليه ) انت واحد مريض اصلا ..

عبد الله كان معصب وما له خلق وزادته العنود بكلامها .. فرفع يده وعطاها كف بقووووة وهو ماكان مستوعب اللي يسويه !!!!!!!!

العنود ماسكة خدها وتطالعه ودموعها تسيل ورا بعض .. مب عارفة تتكلم ولا وش تقول .. جرحهااااا .. وهذا موب اول جرح يجرحها وياه من تزوجو للحين ..

عشان ما تهين نفسها جدامه اكثر .. نزلت من السيارة .. بتدخل بيت اهلها .. ولكن عبد الله لحق عليها .. مستحيل يخليها تدخل بيت اهلها وهي بهالحالة .. اهو ما نزل يراضيها عشانها يعني !!

نزل وراه وراح يمشي وراها : العنود .. العنود وقفي ..

العنود مطنشة وتمشي بتروح بيتهم ..

عبدالله : العنووووووووووود قلت لج وقفي احسن لج .. لا تفضحينا بالشارع ..

ركض وراح مسكها من ذراعها ... وقعدت تتلوى بين يدينه مثل الطفلة عشان يفك يدها : خلني خلني مابييييييييييييك .. ( تضربه ع صدره بيدها ) مابيك روووح روووووح ..

عبد الله مسكها من يدها وسحبها وراه ولا آبه لصياحها ولا ضربها له .. فتح باب السيارة ..وقطها داخل بقوة .. وراح ركب من الصوب الثاني مكانه .. اول ما ركب ع طول سكر البيبان كامل طبعا لانها كانت بتنزل مرة ثانية .. ومشى وهو ساكت وهي تصيح وتصارخ عليه وهو ساكت ..

العنود تصااااااارخ : مابييييييييك مابيك خلني اروووح ..

عبد الله يصرخ عليها : لا تفكرين اني رجعتج يعني ابيج .. ما رجعتج عشان سواد عيونج .. انا بس مابي اهلج يحسون بشي .. وسكتي لا تعورين راسي ..

العنود تصيح وتصارخ : نزلني .. نزلنييييي ما بيي وياك .. مابيك .. مابيي بيتك .. اكرهككككك .. خلني اروح بيت اهلييييييييي .. ( تصرخ ) انت ما تسمع .. ( ترافس بريولها مثل اليهال ) قلت لك نزلنيييييييييييي ..

عبد الله لازال ساكت عنها وماسك اعصابه .. ويمشي بسرعه جنونية .. يبي يوصل البيت ويقطها هناك ..

العنود تضربه بذراعه وتصرخ وتبجي : اكرررررررهك نزلني مابييييييييييك .. ماحبك ودني بيتناااا ..

عبد الله وصل حده منها .. مسك ذراعه بقوة وقطها عالكرسي ع ورا : قعدي مكانج يالياهل عورتي راسي ...

العنود قامت من مكانها مرة ثانية وصرخت بأعلى ماعندها : اكررررررررررررررهك مابيك ..

ما سكتها الا كف ثاني معتبر من عبد الله وهو يصرخ : العنووووووووووووووووووود بسج سكتي ..

العنود صرخت من اللي جافته جدامها: لااااااااااااااااااااااااااااااااااااا عبد الله ..

عبد الله طاح قلبه وهو يجوف اللي جدامه بالشارع .. كان يمشي بسرعه جنونية وما يقدر يسيطر ع السرعه ولا يخفف بهالوقت اللي كانت في سيارة طالعة جدامه ..

العنود من خوفها كانت متشبثة في ذراع عبدالله وتبجي .. وعبد الله بكامل قوته لف السيارة بقووووة على جنب عشان ما يصدم بالسيارة اللي جدامه .. افترت فيهم السيارة ثلاث مرات ليما وقفت ع جنب بره الشارع اللي يطوفون فيه السيايير .. يعني بالبر ..

وقفت السيارة .. وحس عبد الله ان تفكيره انشل خلاص مو قادر يستوعب اللي صار وشلون نجوا من هالحادث بإعجوبه ... جاف الموووت بعيووونه .. ماكان يمشي بسرعه معقولة ... كان يمشي بجنوووون ..

سكت عبد الله .. والعنود كانت ساكتة وقلبها يدق دق مو طبيعي وخايفة وتبجي ..

عبد الله بصوت واطي : الحمد لله .. الحمدلله ...

العنود بصوت يرتجف ومليان خوووف ورعب من اللي جافته جدام عيونها مسكت يد عبد الله وقالت : عبد الله انا خااايفة ..

عبد الله افتر عليها بعصبية وصرخ في ويهها : جاب ولا كلمة .. سكتي وقعدي مكانج لا اللحين فريتج بهالبر بروحج .. لابارك الله فيج .. جوفي وش كان بيصير فينا بسبتج ..

العنود كانت ترتجف من الخووووف وتبجي وتحس حالها بحلم مو علم .. وعبد الله قاعد يصارخ عليها ...

انهارت وقعدت تبجي ..

عبد الله كسرت خاطره .. باين عليها خايفة .. بس خلاها تولي لانها قهرته ... جان اللحين هم راحو فيها بسبتها وبسبة صياحها الياهل !!!

عبد الله رجع يمشي مرة ثانية بس كان يمشي بسرعه معقولة والعنود كانت ساكتة وتكت صياحها بس مو قادرة ..

عبد الله يمشي ويكلم نفسه : ياريتني مت و افتكييييت من حياتي ..

العنود التفتت عليه وكلامه قطع قلبها .. ودها تقول له بسم الله عليك فيني ولا فيك .. بس ما تبي تتكلم ويصرخ عليها عبد الله مرة ثانية .. اللي فيها كافيها ..

وصلوا للبيت وكل منهم ساكت .. نزلوا و ع طووول العنود راحت غرفتها بدلت ملابسها وانسدحت ع السرير .. افكارها متلخبطة مو عارفة شلون تفكر .. حياتها صارت ما تنطاق ويا عبد الله خلاص !!!

اما عبد الله .. وش اقول لكم عنه .. احاسيس متضاربه .. احساس الحب والحزن والجروح والندم والحيرة ..

قعد مكانه بالصالة ما قدر بعد يركب فوووق .. تعباااااااااان نفسيا مو قادر يتحمل اللي يجيه اكثر ..

قطعت افكاره الخدامة جاية : سير .. عشا جاهز ..

التفت للساعه كانت الساعه 8 ونص .. ماله خلق ياكل شي ابدددد .. من اللي له خلق اكل بهالوقت ؟

عبدالله قام بيروح فوق : مابي .. جوفي مدام روحي لغرفتها قوليلها تيي تتعشى .. انا بروح غرفتي ..

راح عبد الله غرفته عشان اذا العنود تبي تنزل تتعشى .. مستحيل تنزل وهو هناك وتقابله بعد .. كسرت خاطره لكن كل ما يتذكر شكلها وهي تقول له انها خايفة مثل الياهله .. المفروض كان يحسسها بالامان وياخذها بحظنه .. لكنه صرخ بويهها وزاد خوفها ..

راح غرفته وهو ما يبي يفكر بشي .. يبي يناااااااااااام عشان باجر عنده دوااااااام .. تذكر ايام لندن .. وين كان يروح عقب كل ما يصير بينهم شي .. تمنى بهالوقت يروووووووووح .. بس تعوذ من الشيطان وراح حط راسه ونام لانه لازال تعبان من السفر ومن هالمشاكل .. عشان باجر بيقعد من الصبح وبيداوم ..

راحت الخدامة حق العنود ودقت الباب ..

العنود : منووو؟

الخدامة : انا ..

العنود : دخلي ..

فتحت الخدامة الباب : مدام ... عشى جاهز ...

العنود : مابي ..

الخدامة : اوكيه ..

توها بتطلع الخدامه نادتها العنود : عبد الله وين؟

الخدامة : هذا في يروح غرفة .. يقول مايبي عشى .. يقول روح مدام قول عشى ..

العنود منزلة راسها : ياعمري يا عبد الله ( رفعته ) خلاص روحي .. مابي ..

طلعت الخدامة .. ورجعت انسدحت العنود ع السرير .. و الافكار توديها وتييبها .. ليما رن تلفون اللي بالغرفة .. ردت عليه : الووووو ..

ام مشعل : هلا ولله هلا ببنيتي ..

العنود مستغربة : هلااااا يمه هلا والله ..

ام مشعل : هلا ببنيتي .. وشلوووووووونج وشخبااااااارج ..

العنود : الحمد لله بخير .. شلونكم انتو ..

ام مشعل : الحمد لله .. الحمد لله ع سلامتكم .. جذي ولا مريتينا و انه انطرج؟؟؟

العنود : هااا ... اي احنا وصلنا امس الليل وماحبينا نزعجكم .. واليوم رحنا بيت اهل عبد الله وتغدينا عندهم .. وطلعنا من عندهم من شوي وكنت بمركم والله بس شسمه ( تدور لها عذر ) اي السيارة اختربت علينا بالشارع وردينا البيت ..

ام مشعل : سلامات .. ماصار لكم شي ..

العنود: ههه لا ما صار لنا شي .. بس السيارة شوي خربانة ..

ام مشعل : الحمد لله .. ها عيل باجر غداكم عندي هاااااا .. لا تقولون بعد ما بتيووون ..

العنود مرتبكة : اي يمه بجوف عبد الله وبرد عليج ..

ام مشعل : شنو بعد بتجوفينه .. ما يبيلها حجي .. بتيووون ..

العنود : اي يمه يمكن عنده شغل .. بجوفه وباجر الصبح بدق عليج .. اللحين هو نام ..

ام مشعل مستغربة : توها مغرب ..

العنود : اي يمه اهو تعبان واختربت السيارة وتعب معاها وهو من مكان لمكان ( تألف ) اي وتعب ووصلنا ونام ع طوول ..

ام مشعل : ما عليه شر ان شاء الله .. عيل ماعليه ردي علي باجر الصبح ..

العنود : ان شااااء الله يمه .. الا انتي اشدراج انه وصلت ..

ام مشعل : بعد دقيت ع موبايلج مادري شفيه مسكر .. قال لي مشعل انتو رديتو لان مادري مافهمت عليه يقول رفيجه فارس يعرف اهل ريلج وقال له ان عبد الله رد .. قلت اتصل اجوفج .. الا شفيه موبايلج مسكرته.

العنود مفهيه : هاه؟ لا بس طلعت لي رقم يديد وموبايل يديد .. فارس رفيج مشعل؟

ام مشعل : اي يمه فارس هذا رفيج مشعل ماعرفتيه ..

العنود تتذكره وتقول مو معقولة هذا هو خطيب شيرين : ايييييييي عرفته يمه ...

ام مشعل : اي يمه .. بخليج اللحين .. يلا مع السلامة ..

العنود : مع السلامة ..

سكرت العنود التفون وحمدت ربها انها قدرت تمشيها ع ام مشعل شوي مني مناك وطافت السالفة .. على الله يرضى عبد الله باجر يروحوووون يتغدون ولا يفشلها ..

 

 

++++++++++++++++++++++++++++++++++++++++

 

توقعاتكم ؟؟؟

 

بصراحه تعبت في هالبارت وااااااااايد اتمنى انه عجبكم ..

 

تحياتي

قيثاروووو

Edited يونيو 16, 2007 by القيثارة الحزينة