Jump to content
منتدى البحرين اليوم

حب من طرفين


Recommended Posts

 

 

طبعا هاذي اول مره في حياتي احاول اني ألف قصه

بتكون هذي البدايه

و هذي القصهـ صارت في البحرين بس انا غيرت فيها شوي

و سويتها قصه كلش غير عن الي صار

انشاللهـ تعجبكم القصهـ عشان اكملها =)

 

القصهـ اسمها ((حب من طرفين))

و هاذي اهم الشخصيات في القصه

و البقيه بتعرفونها ويا الاحداث

 

نور: بنيه في الثانوي , طيوبه و على نياتها

طويلهـ شوي حنطاويه , عيونها عسليهـ و شعرها اسود طويل

زين: رفيجه نور الروح بالروح و اهمهـ ربع من الأبتدائي و علاقتهم ليحين قويه و اهمه مثل خوات و اكثر ,, قصيرة شوي و بيضه شعرها ناعم لي جتفها

حنان: بنت خالة نور وايد كلووز وياها و اهيه بعد تعتبر من ربع نور و زين , حنان طولها زين بيضه و ضعيفهـ.

 

عبدالله: يدرس في الجامعهـ عمرهـ 20 سنهـ و اهوة طويل و حنطاوي اجرب للأبيض.

طارق: رفيج طلال من زمان و دايما وياه , اسمر و طويل شوي

 

و بقيهـ الشخصيات بتعرفونها مثل ما قلت لكم,,

 

الجزء الاول

 

اليوم يوم الجمعه اخر يوم اجازة في عطله الصيف

الكل كان يستعد حق المدرسه باجر الي يتشرون الدفاتر و ياخذون المراييل و الي والي طبعا تعرفون هل استعدادات ..

كانت نور في حجرتها على اللابتوب مالها تجيك ايميلاتها و تسولف في المسنجر ويا زين رفيجتها..

 

 

نور: زينو ما نبي المدرسه تبتدي ما ستانسنه في الاجازة

زين: اي ما استانسنه 3 شهور في البيت و مو اناسه

الا اناسه و نص

نور: روحي زين علقل انتو سافرتو مب احنه قاعدين في البيت

زين: كله رقاد و طلعه ويا خالاتج و حنون وياج شتبين اكثر؟؟

نور: يالله معلينه احين .. برزتي كلشي حق المدرسه؟؟

زين: يعني بقى لي شوي يمكن بعدين اروح ويا امي

نور: لا لا شرايج نقول حق امي تقطنه مجمع السيف نروح نشتري الي نبيه ويانه حنون بعد ؟؟

زين: جوفيها اذا رضت اتصلي فيني

نور: اووووقي باااااااي

زين: هههه بااي

 

 

نور بصرااخ: يمه يمه ,,

ام نور : هلا يمه شفيج تصارخين ؟؟

نور: يمه يصير توديني انه و زينو و حنون مجمع السيف نشتري اغراض حق المدرسه ؟

ام نور: انزين بس ودي فروووح وياكم

نور: اوو يمه ما نبيها تغربلنه

ام نور: لا تودونها مافي روحه اذا جذي

نور: لا لا كلشي و لا الطلعه بس بنوديها

و راحت نور و خلت امها تضحك على سوالف بنتها >>ههه يا حليلها

 

راحت نور حق فرح اختها الي اصغر منها ب 3 سنين

طبعا مثل كل الخوات وايد يتهاوشون على الثياب و على اي شي تقريبا ههه

نور: بسرعه بدلي بنروح السيف يس يس ونااسه

فرح: صج ؟ من بودينه ؟ اكيد امي ايا عليها اكيد حست فيني يوم قلت لها اني ابي اطلع

نور: لا اصلا انه الي قلت سيده رزت فيسها ههههههه

فرح: يالله اهم شي نطلع يالله برع ببدل

نور: انزين باي

((طبعا نور غير عن فرح اختها عندها اخو واحد عود يدرس في الجامعه اسمه احمد و اخت بعد في الجامعه بس اصغر من اخوها بسنه وحده بس اسمها العنود))

 

راحت نور حجرتها و عقب تذكرت انها ما تصلت حق زين و حنان عشان ايون وياها

فطرشت مسج حق زين لانها تدري عن السالفه و قالت لها تبرزي بنييج عقب شوي

و اتصلت حق حنان : هلا حنون هلا بالقاطعه

حنان: اااا توني امس محاجيتج مته قطعت ؟

نور: هههه معليج مني خرفت

حنان: ليش شي يديد؟؟

نور: عن الغلط اقول ها ترة مب موديتج السيف اليوم حرررة

حنان: لا لا بعد جبدي انتي احلة بنت خاله في العالم كلللله

نور: هههه يا ربي مصلحجيييه لكن معليه بمشيها عليج

حنان: هه انزين باي باروح ابدل

نور: بايات

 

و راحت نور تتبرز حق السيف

 

عجبتكم القصه ؟؟

قولو عشان اعرف اذا اكملها او لاء

:ssm9:

Link to comment
Share on other sites

  • Replies 586
  • Created
  • Last Reply

Top Posters In This Topic

مشكوره على القصة

 

ننتظر تكملت القصة

Link to comment
Share on other sites

 

نكمل القصه...

 

خلصو نور و فرح يبدلوون و راحو قالو حق امهم عشان توديهم المجمع .

اول شي مرو على بنت خالتهم حنان الي بيتهم يم بيت نور تقريبا

و عقب راحو حق زين الي بيتهم بعيد صوب مجمع السيف ..

المهم

دشو فرح و نور و زين و حنان المجمع عشان يشترون اغراض حق المدرسه الي بتبتدي باجر مثل ما قلت لكم

نور: وين تبون تروحون اول شي؟؟

زين: خل نروح ... عندهم قمصان حلوة حق المدرسه

حنان و نور: اوكي يالله

و راحو المحل و قعدو يتشروون لين ما صارت الساعه 3 العصر

تعبو من الدواره فقررو يقعدون يتغدوون

و قعدو ياكلون و اهمه يسولفون عن باجر اول يوم ,,

حنان: والله وايد اناااسه باروح حق ربعي فديتهم وحشوني

سارة و روان

نور: ههههه شفيج متخرعه الي يسمعج مو كل يوم تكلمينهم و تطلعين معاهم

حنان: او سكتي فشلتيني عاد

بي بي نورو طالعي من هناك و اهيه تأشر الجهه الي ورة نور

نور و زين: من؟؟

حنان: انا قلت نور انتي شكو؟؟

زين بأحراج: بس مابي اعرف

حنان: ههه شفيج انتي ما تشدين قشمرة

انه قصدي الصبي الي هناك هذاك مو عبدالله الي ويانه في المعهد؟؟

نور بأرتباك: ها وين؟؟

الي ما تعرفونه ان نور تحب عبدالله من قلبها بس عمرها ما قالت حق احد عن هالحب غير صديقه عمرها زين الي ما قط جافته في حياتها

حنان: شفيج انتي ؟ هكوة هناك

طبعا حنان ما تدري شنو في قلب نور

بس زين الي تدري و خاطرها تجوفه: وينه وينه ابي اجوف؟

حنان: جوفي واقف مناك عليه تيشرت اصفر

زين في قلبها مب سهله رفيجتي بعد: الاي حلو و اهيه تطالع نور

نور ودها تقوم و تكفخ رفيجتها لانها قالت جذي عشان تحرها

حنان: ههههه روحي زين

و من بعيد كان عبدالله نفسه يطالعهم لان نور بعد كانت في قلبه

و عمرة ما قال حق احد و لا حته رفيجه طارق الي دايما وياه

و كان يقول في قلبه: اااه يا نور يعني لازم اجوفج و اعور قلبي زياده؟ انا ادري انج ما تحبيني بس قلبي متعلق فييج

 

 

عرفتو احين ليش اسم القصه حب من طرفين؟؟

توقعاتكم شنو بيصير؟؟

يالله ننتظر ردوودكم

Link to comment
Share on other sites

:aq16::aq16::aq16: الاااااااااااااااااااااااي انه احب هلووون قصص وانه كله الف ويار رفيجتي هلون قصص ولا فوق 10 مالفين يلا حبيبت قلبي انتي انتظر التكمله بفااااارق الصبر وراح اكوووون من المتابعين للقصه ويسلمووووووو
Link to comment
Share on other sites

 

 

مشكورين كلكم على ردودكم الحلوهـ :n6:

و ان شاللهـ بابتدي اكتب الجزء

نطروووني

Link to comment
Share on other sites

نكمل القصهـ ..

 

طبعاً نور عقب ما جافت عبداللهـ تمت كلهـ سرحانهـ و ما تسولف وياهم

زين لاحظتها و قالت لها: الي ماخذ عقلج يتهنى به

نور ما ردت عليها كانت ليحين سرحانهـ

حنان: هي هي نحن هنا وين وصلتي ؟؟

نور: لا وياكم

حنان: عن شنو كنه تسولف؟؟

نور: ها اي عن المدرسه مو لا ؟

حنان و زين: ههههههههههههه لا الظاهر الاخت كللش مب ويانهـ

فرح نطت: شعليكم من اختي كيفها

زين: انزين بس قومي خل نمشي نروح البيت

و مرت عليهم ام نور و راحو البيت

 

دشو ام نور نور و فرح البيت و كانو العنود و احمد في الصالهـ

ام نور: السلام عليكم

احمد و العنود: عليكم السلام

العنود: يمه وين رحتو ؟

فرح: و انتي شكو؟؟

ام نور: فرووح شالقلهـ ادب احترمي اختج العودهـ

فرح : انزين انزين اسفين باروح ابدل باي

نور: بايي ويااج

 

و قعدو ام نور و احمد و العنود يسولفون

ام احمد: احمدي مته ناوي تخطب؟

احمد بتوتر: ها ؟ جريب جريب

ام احمد : انهـ اعرف من تاخذ منال بنت عايشه صديقتي اخلاق و ادب و جمال

احمد: لا يمهـ الي باخذها انهـ بختارها مو انتي

ام احمد: انزين يعني انت في بالك وحدهـ معينه؟؟

احمد: لا للحين تو الناس

ام احمد بعصبيه: احمد

العنود: يمه شعليج منه اذا يبي بيقول لج شلهـ تعورين قلبج

ام احمد: اي والله شله اعور قلبي ويااك

و راحت ام حجرتها

 

العنود: انا باقوم بس حط في بالك ان يوم من الايام لازم تتزوج

احمد انت لازم تنسى الي صار

احمد: العنود خليني بروحي مابي اكلم احد

العنود: الكلام معااك ضاايع

 

فوق بعيد عن ذي كلهـ كانت نور ممبطحهـ على سريرها

و تسمع اغنيهـ الجسمي بكيتك

لين ما قال: و انت للأسف منتا بدااري

نور تكلم روحها : اااة يا عبدالله جانزين تعرف شكثر انهـ احبك و انتا و لا داري ويمكن حتهـ ما تتذكر من انه

و تمت تصيييح نور على حالها و حبها الضاايع

 

و في نفس الوقت كان عبداللهـ يفكر في نور و اهوهـ يحاول يقنع روحهـ ينسى نور لانها و بكل بساطهـ ما تحبهـ و لا تفكر فيه مثل ما اهوة يفكر فيها و رن تلفون عبداللهـ (( حنين يتصل بك )) رفعهـ عبداللهـ و قال: الوو

توقعاتكم؟

من اهيهـ حنين ؟؟

و شنو سالفتها ويا عبدالله؟؟

و احمد شنو السالفهـ الي صارت له خلتهـ ما يبي يتزوج ؟؟

نور و عبدالله بيدرون عن حبهم حق بعض؟؟

 

يالله عاد نبي ردوود

:n10:

Link to comment
Share on other sites

من اهيهـ حنين ؟؟

 

يمكن وحده تحبه!!

 

و شنو سالفتها ويا عبدالله؟؟

 

عبدالله يقص عليها بجم كلمة

 

و احمد شنو السالفهـ الي صارت له خلتهـ ما يبي يتزوج ؟؟

 

يمكن حب واللي ححبها ماتت

 

نور و عبدالله بيدرون عن حبهم حق بعض؟؟

 

انشاء الله اي

 

تسلميين على البارت واحنا في الانتظار

 

 

Link to comment
Share on other sites

 

من اهيهـ حنين ؟؟

وحده معاه بالجامعه :bab: ..!!

 

و شنو سالفتها ويا عبدالله؟؟

امم يمكن تحبه :whistle: ..!!

 

و احمد شنو السالفهـ الي صارت له خلتهـ ما يبي يتزوج ؟؟

يمكن حب مره في حياته وحبيبته خانته :ohmy: ..!!

 

نور و عبدالله بيدرون عن حبهم حق بعض؟؟

ان شاء الله .. الله يسمع منج :ph34r: ..!!

 

 

!!.. يسلمؤؤؤؤؤؤؤ حبوووبه علىى القصه الروعه ..!!

 

!!.. في انتظاار البارت اليديد بأسرع وقت ..!!

 

:n6:

Edited by marioma
Link to comment
Share on other sites

هلوو تفضلو تكملهـ الجزء

 

وصلنهـ يوم عبداللهـ يرد على التلفون و كانت حنين المتصلهـ

 

عبدالله: الوو ؟

حنين: هلا عبدالله شخبارك ؟؟

عبدالله: هلا فيج انهـ الحمداللهـ انتي شخبارج؟

حنين: تمام اسال عنك

عبدالله: سألت عنج العافيهـ .. خير ؟؟

حنين بل هاذي ليحين ما قلت شي و جذي : الخير بويهك بس شصار عن البروجكت مالنه؟؟

عبدالله: هذاني قاعد اشتغل عليهـ

حنين: اوكي اول ما تكملهـ عطني اياه عشان اسوي جزئي

عبدالله يقول حق روحهـ يعني اشكرة هذي الي بسويه شفيها ذي : اوكي

حنين ساااكتهـ كانت تبي تفتح موضوع وياه

بس توها بتكلم عبداللهـ قالها: يالله حنين انه باروح مشغول شوي

حنين تفشلت بس قالت : اوكي باي

 

انسدحت حنين على سريرها و اهيهـ تفكر في عبداللهـ

طبعاً حنين مثل ما عرفتو بنيهـ وياهـ في الجامعهـ تشتغل وياهـ على نفس البروجكت

اهيهـ واايد معجبهـ في عبداللهـ و يمكن بعد تحبهـ بس طبعاً عبدالله مو من النوع الي يعطي البنات وي

حتهـ نور الي حباها من قلبهـ كان يستحي يروح يكلمها

كانت حنين تحاول اككثر من مرهـ تقول له عن حبها لهـ بس عبدالله الي كان حاس بالشي

الي تبي تقولهـ يصدها بأي طريقهـ

 

حنين خطبها واحد من فترهـ طيب و على نياتهـ ووياها في الجامعه

كان يحبها من قلبهـ و اعترف لها و قالها بايي اخطبج

اهيهـ سكتت ما تبي تقولهـ ان اهيـ رافضهـ هالخطبهـ بس اهوهـ خذاها على اساس موافقهـ

و خطبها بس طبعا في الخطبهـ رفضت و اهوهـ طلب منها تقول لهـ السبب فقالت لهـ عن حبها ل عبداللهـ

و كان طبعا يعرف عبدالله بحكم ان وياهم في الجامعهـ و من ذيج اللحظه و اهوهـ يحتقرهـ

 

نرجع لاحداث القصهـ

 

الساعهـ 9 في الليل في بيت ام احمد (( ام نور ))

كانت كل العايله متيمعه في الصالهـ يسولفون و يتغشمرون ويا بعض

 

بو احمد: هههههههه والله محد يوسع سدرنهـ في البيت الا فرووحهـ

فرح: اي هذي الحجي العدل مب الي هناك كلهـ يسكتوني و بس (( واهيهـ تأشر على نور ))

بو احمد: لا عاد حتهـ نور ما رضه عليها كلكم عيالي و احبكم

نور: الله يخليك لنه يا يبه

الكل: آميين

نور واهيهـ قايمه: يالله انه باروح وراي قعده من الصبح باجر قومي فروح ويااي

فرح: اوكي

فرح و نور: تصبحون على خير

الكل: و انتو من اهله

ام احمد: تغطو زين يمه

نور: ان شاءالله يمه

و راحو يرقدون و يستعدون حق اول يوم لهم في المدرسه

 

في الصاله قعدو شوي يسولفون و يطالعون تلفزيون لين الساعه 11 راحو الكل يرقدون

 

 

بيت ام احمد الساعه 6 و 45 دقيقه الصبح

الكل كانو متيمعين على طاوله الاكل يتريقون

بو احمد : الحمدلله يالله انه ماشي من بيي وياي ؟؟

فرح: انه يبه

بو احمد : و نور؟؟

نور: لا يبه انه باروح ويا احمد لان بنمر على زين رفيجتي بعد

بو احمد: اوكي يالله مع السلامه

ام احمد: في حفظ الله

 

نزل احمد و قال حق نور تروح السياره و اهوة بيي وراها

و راحو يمرون على زين و اهمه ما يدرون شنو المفاجأت الي تنطرهم

في اول يوم من المدرسه

 

يالله انطر ردوودكم

:n10:

 

 

 

 

 

 

 

Link to comment
Share on other sites

:aq16::aq16::aq16: ثنكس نينو على القصه الروعه والبارت الي احلى من الروعه يلا ننطر البارت الياي وقصصج الروعه وثنكيوووووووووووووووووووووووووووووو حوبو :n6:
Link to comment
Share on other sites

 

 

هههههه

ثنكس على ردج غصون المحبهـ

و هذاني باكتب لكم البارت و بنزلهـ عقب شوي

نطروني :n10:

Link to comment
Share on other sites

حياكم :ssm9:

 

وصلو نور و احمد لبيت زين

 

زين: السلام عليكم

احمد و نور: و عليكم السلام

احمد: شخبارج زين؟؟

زين: تمام انت شخبارك ؟؟

احمد: ااه الحمدالله على كل حال

استغربت زين من احمد حست ان فيه شي مب طبيعي

بس ما فكرت وايد بالموضوع لان نور قاطعت افكارها

نور: ان شاءالله يااارب اكون وياج في الصف بتوهق اذا مب وياااج

زين: أي انشاء الله

شغلت نور المسجل على اذاعه بحرين fm

 

و قعدت تردد الاغاني الي يحطونها

انزعج احمد منها فصك المسجل و قال لها: من صباح الله اغاني

نور: اففف خلاص مابي

 

وصلو المدرسه تقريبا عقب 5 دقايق تقريبا لان المدرسه وايد جريبه من بيت زين

ام احمد الي اهيه ام نور ما بغت تخلي نور تروح مدرسه يم بيتهم لان زين ما بتكون ويا بنتها نور في نفس المدرسه و طبعا ام احمد وايد ترتاح حق زين و تتمناها حق احمد ولدها ,, بس احمد من كثر ما امه حنت عليه ان ياخذها حس ان يكره زين

معنه اهيه مسكينه مالها دخل في السالفه

نرجع للقصه .....

 

نزلهم احمد عند باب المدرسه و قالهم: الساعه 1 و نص انتو عند الباب

نور: اوكي باااي

احمد: باي

 

مشو نور و زين بسرعه لمدرستهم كانو مشتاقين حق ربعهم و مدرساتهم الي في المدرسه سنتين قضوها في هالمدرسه ويا ربعهم نوف و احلام و طبعا بتكون هاذي اخر سنه لهم

 

دشو المدرسه و راحو صفهم الي طبعا ما يتغير لمده الثلاث سنين في هالمدرسه لقو نوف قاعده: في الصف

نوف: نورووووو زينو هذي انتو؟؟؟

نور ركضت لها و حضنتها بقوة صار لها فتره من جافت رفيجتها نوف الي تعتبر اجرب وحده لها من عقب زين طبعا

نور: وحشتيني يا الدبه

نوف: انتي اكثر والله

زين: احم احم نحن هنا

نوف: هههههه صج والله ما جفتج ؟

زين: لا والله خلني اطلع احسن عيل

نوف: تعالي وين رايحه اتغشمر وياج انه

زين: أي عبالي بعد

و قعدو ثلاثتهم يسولفون و ينطرون رفيجتهم احلام تشرف على قولتهم ههه

طق الجرس و ابتدت الحصص و احلام ما يات

نور: ليكون ما بتيي ؟؟

نوف: لا شنو ما تيي كلمتها انه قالت لي بتيي

نور: اها

زين: امشو برع خل ندور جم دوره ملل

الكل: يالله

 

راحو يدورون في المدرسه شوي يغيرون جو طق الجرس الثاني الحصص بدت

فقررو يروحون الصف

دشو الصف لقو احلام قاعده

احلام: جوف الخونه رايحين يدورون بدوني

نور: شدعوة ما تسلمين علينه

احلام: هلا بنور وحشتيني وينج ما تتصلين لا شي

نور: شنسوي بعد الدنيا دواره ههههههه

احلام: ترة شدخل حده ما يناسب ها ههههههه

قعدو يضحكون و يسولفون لين ما مرت ال3 حصص

و صار وقت الفسحه

 

قررو البنات اول شي يروحون يسلمون على مشرفتهم في الادارة الي كله تعطيهم جم زفه طول السنه ههههه بس بعد وايد حبوبه و يحبونها

دشو البنات للمشرفه

نور: هلا مشرفه شخبارج وحشتينه والله

المشرفه: هه انتو اكثر شخباركم ويا شطانتكم

نور و نوف في نفس الوقت: زينه

المشرفه: ههههه ما تهدون سوالفكم انتو؟

و قعدو يسولفون ويا مشرفتهم الحبوبه على قولتهم ههه

التفتت نور و تغيرت الوانها 180 درجه

حست ان ما تقدر تتنفس

محد غيره يخليها تحس بهل احساس

اكيد عرفتوه محد غيره ((عبدالله))

كان قاعد على الكرسي الي في حجرة المشرفه وراهم و سمع كلششي ويا المشرفه

 

 

يالله انطر ردوودكم

يمكن انزل بارت ثاني اليوم على الظروف

مشكوريييين

:n10:

 

نور: ان شاءالله يااارب اكون وياج في الصف بتوهق اذا مب وياااج

زين: أي انشاء الله

 

 

سوري على ذي الغلط

تره اهمهـ ويا بعض من زماان

:n5:

Link to comment
Share on other sites

:n5: الاااااااااي عاد بسرعه بسرعه بليييز ابي اجوف الجميل عبدلله شيسوي في حجره المشرفه :n5: <<<<<<< تتخيل عبدلله حلو :ssm9: خخخخخخخخخخخخخخخخخخ يلا بلييييييييييز بسرعه نبي البارت الياي :n6:
Link to comment
Share on other sites

هلوو

من الملل كتبت لكم بارت ثاني هههه

يالله انشالله يعجبكم

:n5:

 

التفتت نور و تغيرت الوانها 180 درجه

حست ان ما تقدر تتنفس

محد غيره يخليها تحس بهل احساس

اكيد عرفتوه محد غيره ((عبدالله))

كان قاعد على الكرسي الي في حجرة المشرفه وراهم و سمع كلششي ويا المشرفه

 

حست زين ان رفيجتها مب طبيعيه التفتت و جافت صبي قاعد بس ما عرفت

ان اهوه عبدالله و اعتقدت ان اهيه تغيرت لانها استحت

 

زين للمشرفه: مشرفه الله يهداج ما تقولين لنه ان في صبي قاعد فشلتينه الله يهداج

المشرفه: ههههه لا عادي هاذي ياي ينطر اخته مروة بيوديها تقص لها كجه

احلام: حلفي ؟ الااي يا حظها الي اهيه اخته

 

عبدالله طبعا كان في عالم ثاني اول ما دخلو البنات ما عرف نور بس ميزها من صوتها

حس ان روحه بتطلع منه و يوم التفتت عليه تغيرت حالته اول مرة يجوف حبيبه قلبه على طبيعتها الحلوة تضحك و تسولف اهوة دايماً يجوفها ساكته فحبها زياده

 

اما نور فعقب ما عرفت ان عبدالله اهوة الي قاعد عند المشرفه تمت ساكته ما نطقت بولا كلمه حته المشرفه استغربت منها واايد اهيه اكثر وحده تسولف وياها لين ايون عندها

 

نوف حست في نور اهمه متعودين عليها ان وايد تستحي اذا صبي موجود فقالت حق المشرفه: يالله مشرفه احنه بنروح ناكل ورانه حصص بعدين

المشرفه: اوكي عن الشطانه اقولكم ها

الكل : اوكي

 

و راحو ياكلون و نور كانت كلش ما تسولف وياهم و هذي الشي كان مب من عوايدها

فجأة وقفت و قالت: باروح الحمام

زين الي كانت تبي تعرف شنو سالفتها قالت لها: بايي وياج

راحو للحمام و نور حست ان خلاص ما تقدر تستحمل

حضنت رفيجتها و صاحت

زين: نور حبيبتي شفيج ؟؟

نور: تعبت والله اني تعبت خلاص ماقدر

زين: شفيج تغيرتي مره وحده.؟

نور: زين هذي عبدالله الي كان هناك عن المشرفه

ااااه يا ربي انه اتعب روحي و افكر ليش بس ماقدر احبه والله احبه

زين: بس نورو خلاص لا تعورين قلبي حاولي تنسين

نور: صعب والله ان صعب حاولت واااايد

زين: لا تقدرين تناسي الموضوع و عقب بتجوفين روحج ناسيته

نور: تهقين ؟؟

زين: أي يالله عاد احين احنه من زمان ما جفنه نوف و احلام و انتي يايه تخربين علينه

نور و اهيه تمش دموعها : ههههه انزين يالله

زين: يالله

 

و راحو يقعدون ويا ربعهم لين ما مرت الحصص الثلاث و صارت الساعه 1 و نص

و وصل لهم احمد و رجعهم البيت

 

 

نروح حق عبدالله الي الحين اهوة ويا اخته يطلع لها كجه هههههه

كان تفكيره كللله في نور و يضحك على سوالفها و غشمرتها ويا المشرفه

ااااه يا نور احبج والله اني تعذبت بهالحب بس دام اني عرفت ان مروو في مدرستج لازم اقربج منها بأي طريقه خلاص تعبت و صبرت واايد

Link to comment
Share on other sites

Guest
This topic is now closed to further replies.

×
×
  • Create New...