سجين الحب Posted يونيو 18, 2007 Report Share Posted يونيو 18, 2007 يسلموو Link to comment Share on other sites More sharing options...
حلم الأيام Posted يونيو 18, 2007 Report Share Posted يونيو 18, 2007 اولااااااااا .. احم احم انا وصلت وباركو لي كملت امتحانات وثانيا تسلمين حبيبتي على البارت الكشوووخ .. يعطيج الف عافية يالله لا تطوليــــــــن .. Link to comment Share on other sites More sharing options...
بدون اسم احسن Posted يونيو 18, 2007 Report Share Posted يونيو 18, 2007 ثـــــــــــــنكس.. Link to comment Share on other sites More sharing options...
العسووووولة Posted يونيو 18, 2007 Report Share Posted يونيو 18, 2007 WAITING Link to comment Share on other sites More sharing options...
!! misS You Posted يونيو 18, 2007 Report Share Posted يونيو 18, 2007 ثنكيوووووو ع الجزء الروووووعة بانتظاااار الاجزاء المتبقية .. تحياتي .. Link to comment Share on other sites More sharing options...
شهد Posted يونيو 18, 2007 Report Share Posted يونيو 18, 2007 ثانكس على البارتات الحلووووه ننتظر التكمله على احر من الجمر بليييز خلي الاحداث بشكل مختصر علشان لا تصير قصه واااااايد طويله ترى مشتاقين نعرف النهايه Link to comment Share on other sites More sharing options...
alshoog Posted يونيو 18, 2007 Report Share Posted يونيو 18, 2007 يسلموووو ،،، وأكاني دشيت عندج مااانع >>> مابسطرش صدقيني سااارووو عندي لج خطأ ضحكني ركب سيارته وهوو متحلف في سيارهـ حدهـ .. وبما إن اليوم آخر يوم بالإمتحانات فـ إن سارة بتكون عند وعدهاا وبتدخل المسنجر ... صرتي سباره ياساااااره Link to comment Share on other sites More sharing options...
cofyana Posted يونيو 18, 2007 Author Report Share Posted يونيو 18, 2007 ركب سيارته وهوو متحلف في سيارهـ حدهـ .. ههههههههههههههتصدقين ما نتبهت مع إني اقراا الجزء أكثر من مرة قبل ما انزله !!! ما عليه خل سارة تصير سيارة اشفيها اخليكم مع الجزء إلي مشتاقين له ****************************** رااحت على طول حطت لها غدى ... وطبعاً قعدت تتغدى على طاولة الكمبيوتر (( تننننننن .. تسجيل دخول SaROoOnA )) كان ماجد اون لاين ينطرها صار له ربع ساعة أو أكثـر .. - هلااااااا ساااااروووووووه - اهلييين .. شلونك شخبارك؟؟؟ - الحمد لله بخير .. انتي شلونج شخبارج اشسويتي بالإمتحانات ... يا ويلج اذا ما سويتي زين - ههههههه لالا الحمد لله إن شاء الله سويت زين .. الاسبوع الياي اسألني عن النتائج الحين ابي استانست واستمتع بأكل غداااي مابي شي يعكر صفوو جـوي وآنه آكل..!! - قاعدة تتغدين ؟؟ - اي .. يمي يمي عجييييب طبخ الماما .. تفضل حياك الله البيت بيتك - صج ؟؟ كااااااني بالطريج .. يلا باي باي - ههههههههههههههههه - اي صح تذكرت .. اصلاً آنه زعلان منج .. ولا آبي منج شي ... ولاتكلميني بعد - وي وي وي .. ليش زعلان ؟؟ اشصاااير ؟ ما مدانا نتكلم عشان نتهاوش ؟! - دستي فوق قلبي حرام عليج =( - اسم الله على قلبك ! ... آنه دست فوقه ؟ - ايــه حسيتج دستي فوق قلبي يوم دستي فوق الوردة .. ذبحتيني ! - اي وردة ؟!!! - لا تسوين روحج ما تعرفين ... الوردة إلي حطيتها لج .. دستـي فوقها ذبحتينها رصعيتها ولا اهتميتي لها ولا لـ إلي يابها لج - حراااام عليك ماجد مادري عن شنو تتكلم أصلاً ..!!! اي وردة ومتى انت يبنت لي وردة أصلاً ! - اليوم الظهر ردتج من المدرسة ... حطيت لج وردة على باب بيتكم .. وآنه إلي ذابح رووحي ما اصدق الشارع يفضى عشان آآقدر أروح احطها يم الباب ومحّد يجوفني... وآخرتها تدوسين فوقها وتمشين ولا جنج تجوفينها يالشريرة =( (فيها الضحكة وبنفس الوقت حزنانة)...:: والله والله والله صدقني ما جفت الوردة ولاشي ..!! ولا حسيت روحي دست فوق شي اصلاً ........!!! - اشفيج انتي عميه ما تجوفين ..!! ذيك المرة التحف والحين الوردة ههههههههههههه - اهئ ماااااااااابي .. آبي الوردة مالي شغل - بعد شنو ؟!! .. بعد ما دستي فوقها ورصعتيها مسكينة!! - ابيهااااااااااااااا =( ******************************* ((بعد جم يووم من العطلة)) تتذكرون يوم ماجد يآخذ ايميل (ليلى) بنت عم سارة ويضيفها عنده بالمسنجر ؟؟ توها الحين صارت (ليلى اون لاين) ((تنننن .. تم تسجيل دخوول lili )) <<< ---- ليلى ((ليلى تتكلم ..)) ....::: مرحبااا - من معااي ؟؟ - هلوووووووو - ووينكم ؟؟ (ليلى انتبهت إن حالة ماجد بالمسنجر بالخارج)...:: اوو صح محطوط بالخارج صج إني خبلة..!! بس يا ترى هذا من إلي ضايفني!! آنه ما عرف هالإيميل ..!! ((( ماجد ما رد عليها لأنه كان رايح يلعب كورة مع ربعه .. هاللعبة إلي يموت عليها .. ولا أقدر حتى أوصف لكم مدى عشقه لها ..)) ********************* اوففف الليلة الخميس ..!! كل الناس تستانس على ليلة الخميس لأنها طلعات ورحات وييات ووناسة .. إلا آنه ...!! ياربي ليش آنه جذي ملووله .. و ماحب آطلع ..!! كل هذا عشان ماجد .!! .. مابي آطلع عشان أكلمه ..!!! لهدرجة إدمااني وصل ..!! كرهت الطلعة والمجمعات .. وحتى اهلي وربعي ما ازورهم .. بس عشان ماجد ... عشان آقعد على النت وآنطر ماجد يدخل وآكلمه .. الحيين طاف من العطلة اسبوعين .. وباقي ثلاث اسابيع .. وآنه قاعدة بالبيت ما سويت شي الناس تسوي لها برامج بالعطلة .. تستانس .. تطلع .. تسافر .. إلا آآنه ..!!! لهدرجة !!! ... تتوقعون آنه مدمنة نت .. ولا مدمنة ماجد ..؟؟!!!! هذا شي طبيعي يا ترى إلي قاعد يصير والا لااااء ؟! (( كل هالأفكار كانت بمخيلة سارة وأهي واقفة قبال المنظرة تلف الشيله لأنها بتروح بيت خالتها.. الليلة ما بتقعد بالبيت بروحها مثل كل أسبوع.. لأن امها وأبوها ما رضوا)) ((ام خالد وبو خالد .. لاحضو اهتمام سارة بالنت .. وشلون كانت تعشقه .. وتفضله على أي شي ممكن يكون ... وحطوا بالهم عليها... وصاروا إذا بطلعون يآخذونها وياهم غصباً عنها طبعاً .. ونادراً إذا يخلونها تقعد بروحها بالبيت مثل الأول ..)) ***************************** (( الساعة 7 ونص المغرب )) رحت بيت خالتي وآنه ضايقة فيني الدنيا حدي .. كنت آبي آقعد بالبيت .. آبي أكلم مجوودي !! صج أشرار أمي وابوووي .. ياربي ليييش يخلوني غصب آطلع ..!! ((ام خالد وبوخالد طلعوا يتسوقون .. ووصلوا سارة بيت خالتها لأنها ما لها مزاج مجمعات على قولتها وعشان لا تضل بروحها بالبيت .. وطبعاً منى ومحمد راحوا يتسوقون معاهم ...)) ((دخلت بيت خالتها .. سلمت على بنات خالتها هند وشوق وسولفت معاهم شوي .. لكن سرعان ما سرحت بعيد عنهم .. حطت يدها على خدها واهي تسترجع محادثاتها مع ماجد)) (شوق إلي أكبر منها سنة وشوي)...:: سارة اشفيج ؟ (نفضت الافكار من راسها)....:: هاا ؟؟؟ اشفيني ؟!! - مادري سألي روحج .. قاعدة معانا وكأنج متأسفة إنج ييتي بيتنا ..!! ضايق خلقج ومهموومة! - آنه ؟؟ لالا وي .. اسم الله علي مووب مهموومة .. بس متمللة ..!! - اممم تبين تقعدين على النت ؟ ( يااااا حبي لـ هالبنت تفهمني ع الطاير .. قالت وكأن الفرج ياها أخيراً) ...: ايييي !! ((قامت سارة بسرعة على الكمبيوتر .. وشوق طبعاً لاحضت تغيير نفسية سارة للأفضل)) دخلت المسنجر وخسارة ما كان في أحد ... قصدي ماجد ما كان اون لاين ...!! =( ولكن بعد شوووي (( تنننننن .. تم تسجيل دخول lili )) الاااااااي ليلوو اون لاين ..!! - هلاااااااا ليلووو - اهليييين !! .. مرااحب - شلوونج شخبارج - الحمد لله .. انتي شلونج شمسوية - كلووو تمام .. وحشتيني - مي توو .. وحشتيني أكثر .. =) - =) - هاا اشصاااير داخلة اون لاين !!! مو بالعادة ..!! غريبة !! - امممم آنه الحين في بيت يدي .. بروحي متمللة تعالي معاي !! ((بيت خالة سارة يم بيت يدها )) - امممممم تصدقين عاد آنه في بيت خالتي - صج !! .. يلااا عيل تعاااالي انطرج .. تعالي لي فوق ها - اووكي مسافة الطريج .. - بااااااي - بايات (سارة تنادي شوق إلي قاعدة تحوس في موبايلها)....:: شوووق - نعموو - امممم .. سوري بس بروح بيت يدي .. هناك ليلوو بنت عمي بروح أجوفها .. من زمان ما جفتها - حرام عليج قعدي معانا توج يايه - مادري يمكن بعدين ايي .. بس قالت لي تبي تجوفني وفشلة وعدتها اروح وبعدين ماروح - اوكي على راحتج .. بس انطري شوي ع الاقل على ما امي تحط العشى - لالالالا ما يحتاي .. اكلي انتي وماعليج مني .. آنه شبعانة - فشللللة ما يصير تطلعين بدون عشى - ما عليج انتي .. قولي حق خالتي إني متعشية .. يلا بااااي - بااااااي ..!!! ******************* (( اقل من خمس دقايق وصارت سارة عند ليلووه)) سلموا على بعض وتحاضنوا ... وطاحت منهم جم دمعة بعد ..!!! (سارة)....::: وحشتيني يالكريهه - اييه لو وحشتج جان عرفتي شلون تجوفيني ..! - زين اشقاعدة تسووين بروحج ؟؟ - ولاشي .. متملله .. قاعدة ع النت ...... اييييي صح تعالي براويج عندي ايميل غريب ضايفني .. ابي تجوفين اتعرفينه او لااااء .. (( وراحوا يم الجهاز ... واشرت ليلى ع الايميل)) يوم جفت الايميل .. ما صدقت عيني .. حسيت قلبي بيطلع من قلبي ... بغيت آموت ... آآخ حسيت بألم قووي بصدري ... معقولة هذا ايميل ماجد ؟؟ وايميل ماجد شيسوي بمسنجر ليلى ؟؟؟؟ شلون ضافها ؟؟ وليش ؟؟ وعلى أي اساس !!! واشعرفه بإيميلها أصلاً ..!! ماجد انت تخوني..!!! لاااااااء مستحيل يا ماجد مستحيييل تبي تقتلني انت !! تبي تذبحني .. نااااااااوي علي .. وعلى إلي باقي فيني !!! مو كفاية إلي صار لي قبل ... والحين ياي تكملها علي حرااااااااااااام ... والله حرام عليك .. كنت احسبك غير ومافي منك بالدنياا حسبتك وحسبتك وحسبتك ... وطلعت مثلهم ! خاين ! جذاب ! مخادع ! واااععع ما شتهيك ...!!!! وخرر عن مخي .. مابي افكر فيك !! (( استجمعت كل قوووة ممكن تكون بخلايا جسمي وتنحنحت عشان صوتي لا يبين فيه الحزن)) .... ::: اتعرفينه ؟ ( قالت وصوتها مبين عليه مخنوق) (ليلى إلي ما لاحضت سارة وحزنها)...:: اقولج لااااااء ماعرفه (تضغط على صوتها عشان يطلع واضح)...:: اقصد كلمتيه من قبل ؟؟؟ - لااااء آنه اساساً ما آدخل النت إلا نادراً مثل ما تعرفين.. بس مرة صادف إني دخلت اون لاين والايميل كان اون لاين بس بالخارج .. كلمتهم بس محد رد علي ...!! - يعني ما قط كلمتي احد بهالايميل ؟! - لاااااء .. ليش اتعرفينه ؟ ( بس خلاص طاحت دمعة سارة إلي كانت تقاومها من مساعة عشان لا تطيح) - ساااارة اشفيج (نزلت راسها على طاولة الكمبيوتر.. وزادت دموعها وصوت صياحها قطع قلب ليلى) (تربت على كتف سارة وتحاول ترفع ويهها)... سارة حبيبتي اشفيج ؟؟ كلميني !! .. ليش اتصيحين ؟؟؟ من صاحب الايميل ؟؟ (بين الشهقات طلع صوت بايح ممتلي كله حزن وصياح)....:: شقولج يا ليلى شقوولج - سارة قولي لي إلي بقلبج كله .. إحنا ما تعودنا نخش على بعض .. سارة وإلي يسلمج قوومي قطعتي قلبي .. فهميني شسالفة لا توترين اعصاابي ! ((راحت ليلى المطبخ ويابت كاس ماي بارد حق سارة)) شربت سارة الماي ... ورشت وييها بالماي البارد عشان يعتدل ويهها إلي اعتفس من لصياح ... وبعدها قالت لـ ليلى كل شي ... قالت لها قصتها مع ماجد من البداية لـ النهاية .. وبكل التفاصيل ... وطبعاً سارة كانت كل شوي تقطع كلامها بالصيااح كل ما تذكرت إلي جافته من شووي بإيميل ليلى .. (ليلى واهي تطالع عين سارة الحمرااا من لصياح)...:: ساارة ما هقيت عقلج بهالصغر ! (فتحت سارة عينها على وسعهم بدهشة!!) - لا تطالعيني جذي !! اسمحي لي اقولج انتي غبية...!! عيل ليش على طول بتحكمين على الصبي بدون ما تتأكدين من السالفة ..!!! انتي جفتي مجرد ايميله عندي !! ... واصلاً آنه ما قط كلمته !! - بس هو ضافج .. يعني ناوي يسوي معاج علاقة - سخييفة ! - ليلى !! - ايييييه سخيفة !! .. واشدراج يبي يسوي معاي علاقة ... لا يصير تفكيرج تفكير يهال لو سمحتي !!! - اشقصدج ؟! - انتي ما عليج .. بس ابيج اتوقفين معاي عشان انعرف هدف ماجد من اضافته لي .. بتساعديني ؟ - اكيد ! - خلاص .. عيل أي وقت يصير ماجد اون لاين .. دقي علي وخبريني عشان أكلمه .. وأجوف شسالفة .. وآنه بتظاهر إني ما عرف ولاشي عنكم .. اتفقنا ؟ (قالت ويدها على قلبها)..:: اتفقنا (وبعد فترة سكوت وكل وحدة تفكر بإلي في بالها) (سارة)...:: يا ترى شلون عرف ايميلج ؟؟ - والله مادري - انزين تتوقعين إنه يعرف إنج بنت عمي مثلاً ؟ - علمي علمج !! ... بس أنتي لا تستعيلين .. كل شي بيبيين على حقيقته ... بس انتي لا تنسين تكلمينه وتتعاملين معاه عاادي وكأن صاير شي .. ابيج تصيرين طبيعية اوكي ؟! - إن شاااء الله ************************** اليوم إلي بعدهـ ... (يوم الجمعة) طبعاً مثل كل أسبوع .. ماجد في عمه (ابو عبد الله) .... وسارة بعد في يدها من امها مع خالاتها .... وليلى راحت بيت يدها من ابوها مع عماتها ... (بعد الغدى) - عبوووود - هااااا - آنه بخلي مسنجري مفتوح .. وبروح آرقد ... إذا جفت سارووه اون لاين قعدني هاا .. ضروري تقعدني - ليش ضروري ؟! - مالك شغل .. وحشتني كيفي !! - اشدعووه .. لا تقول البارحة ما سهرتوا لي الصبح - لاااااء للأسف .. مادري اشفيها ما صارت اون لاين .. وحشتني صار لي من أمس العصر مكلمها - إلي يسمع .. يقول صار لك من قبل سنة العصر ماكلمتها - جب يلا جب ... وقعدني لا تتسطر فاهم ..!!! - زييين! - تصبح على بطيخ ! - وانت بعد ! ((بعد نص ساعة تقريباً من رقد ماجد ... وعبوود كان مندمج يقرا بالمنتديات)) (( تنننن .. تم تسجيل دخول lili )) <<<-== ليلى بنت عم سارة طبعاً ما نسيتوها (ليلى)...: مرحباا ((قبل ما يرد عليها عبد الله .. جاف الايميل ولقاه مووب ايميل سارة !! .. واستغرب ايميل بنت بمسنجر ماجد غير ايميل سارة ..!!! يا ترى من هذي ؟ .. ليكون يقص علي !! ويلعب ع الحبلين !!! .... خل اكلمها أجوف شسالفتها)) ((طبعاً الحين عبد الله اهو إلي يكلم ليلى من مسنجر ماجد)) - مراااااحب .. هلا والله - من معااي ؟ (تبهدل عبد الله ما يدري شيقول.. شكلها ماتعرف ماجد)... :: والله يالأخت هذا مووب ايميلي - عيل ؟؟! - هذا ايميل ماجد ولد عمي .. واهو الحين راقد .. تبيني اصحيه لج ؟؟؟؟ - لالا .. ما يحتاي .. بس منو ماجد؟؟ آنه ماعرفه ! - ماجد ولد عمي !! وآنه بعد ما دري من وين عرف ايميلج !! - اها - تآمرين على شي ؟ - لااااء .. شكراً ((بعد سكوووت جم دقيقة)) - اقوول - نعم ؟ - انتي شسمج ؟ - وانت اشعليك من اسمي ؟؟؟ - بل !! باين عليج حربيّــة !! - ههههههههههههه ليش !! لااء بالعكس - اشدراني سألتج عن اسمج .. بغيتي تآكليني .. هذا لو آسألج عن عمرج اشسويتي ! - اشمعنى ؟ - لأن البنات ما يحبون أحد يسألهم عن اعمارهم خخخخخ - تتطنز مع ويهك هاا ... اصلاً آنه بعدي اصغيرهـ ولا آستحي اقول عمري - عيل جم عمرج (( وظل عبد الله يسوولف مع ليلى ... وشكلهم ارتاحوا لبعض !!! ... عشان جذي عبوود خذاا ايميل ليلووو وضافها بمسنجرهـ .. وبعدين سكر المحادثة يووم حس بماجد قعد )) (( تتذكرون من قبل يوم اقولكم إن عبد الله مع بنت عمه (شبه) محجوزين لـ بعض ؟؟!! )) اي ادري فيكم شطااار وتتذكرون .. بس بلييز لا تنسووون ..!! ------------ (ماجد واهو يفرك عينه من النوم)...:: ها ما دخلت اون لاين ؟ - منو ؟ - سااااااارة بعد منو ؟؟ تستهبل علي مع ويهك - سارة لاااااااء ما دخلت .. بس دخلت وحدة ثانية !! (رافع حاجب واحد استغرباً .!!)...::: منو وحدة ثانية بعد ؟ (رايح عن باله سالفة ليلى لأنه ماقط كلمها ) - مادري اسأل روحك !! قمنا نكلم أكثر من وحدة بعد !! (تذكر مريووم ارفيجة سارة) ...:: اييه هذي ارفيجة سارة (عبد الله حسب ماجد يجذب عليه ويستغفله)..:: متأكد ؟ - ايييه متأكد.. اشعندك تحاجيني جذي .. يلا اذلف عن ويهي (( وطلع ماجد من بيت عمه معصب على عبد الله)) ********************* Link to comment Share on other sites More sharing options...
الحب الضياع Posted يونيو 18, 2007 Report Share Posted يونيو 18, 2007 في الانتظار Link to comment Share on other sites More sharing options...
بنوته آخر شقاوة Posted يونيو 18, 2007 Report Share Posted يونيو 18, 2007 امممممممممممممممممممممممممـــ مشكووووووووووورة حبيبتي على البارت الحلو مثلج والله يعطيج الف الف عااااافية تحيااتي لج Link to comment Share on other sites More sharing options...
Recommended Posts