عاشقة مانشستر يونايتد Posted مايو 26, 2007 Report Share Posted مايو 26, 2007 thanxx nan6er el taklmla Link to comment Share on other sites More sharing options...
شهد Posted مايو 27, 2007 Report Share Posted مايو 27, 2007 مشكوووووووووره على البارت الحلو في انتظار التكمله على احر من الجمر Link to comment Share on other sites More sharing options...
cofyana Posted مايو 27, 2007 Author Report Share Posted مايو 27, 2007 (edited) ورحت اركض للغرفة عشان اجوف سارووه راقدة والا لا .... لقيت باب الغرفة مقفوول ... وطقيته طقتين (عنيفتين!!) هي اللي راحت منى عشان اجوفج المفروض وراحت تركض للغرفة عشان اجوفني راقدة او لا ...لقت الباب مقفول وطقته طقتين سوري على التصحيح .....وثانكس على البارت ونتظر البارت الجاي على احر من الجمر واتوقع انه سارة بتلاقي ماجد اون بس يمكن ما بتقول له انها كانت تجدب عليه :::انها مو مخطوبة اممم القصة بعضها اقصها بلسان حال سارة وبعضها ماجد يتكلم ... وبعض الأوقات باقي الشخصيات.. مادري فهمتيني اولا لاااء --------------------------- رديت من الشغل تعبان حدي .. طبعاً لأني البارحة ما قدرت آرقد ... خبركم كنت ناسي عمري يم البحر .. مسكين يالبحر ! كل من تحمل .. راح لك وشكى همه ! وأنت تسمع .. وتسمع وتسمع ... ولا تمل ! كل من تحمل .. راح لك وقام يطقك بالحجر , هذا وأنت إلي تشيل همومهم ... يجازونك بالحجر إلي يرمونك فيه .. !! دخلت غرفتي بتعب .. وآنه كارهـ الدنيا .. لا تطالعوني جذي ! ... أي كرهت الدنيا ..!!! ودنيا ما فيها وردة .. آنه مابيها ..!! وقولوا إلي بتقولونه عني ..! تخيّل لك وردة .. تحبها وأنت راعيها.. يمكن ما هي ملكك .. بس إنت إلي مراعيها .. كنت النور لظلمتها .. وبدمع العين مسقيها .. جرّح شوكها إيدك .. ودمّك معلّم فيها .. وجاء إنسان يقطفها ..!! وأنت إلي أحق فيها ..!! أكيد بتموت من قهرك ! أخذها وإنت راعيها ...!!!! مريت على جهاز الكمبيوتر ... طالعته !! وطالعني !! حسيت شي يجذبني له !!! ... بس كابرت ! وردة آنه آسف .... يمكن تنطريني الحين ! ... بس ماقدر اكلمج مااقدر ... تعبان يا وردة تعبان ... ولا أقدر أقولج عن إلي تعابني ! رميت بعمري على السرير ... حتى بدون ما آسبح وآبدل ملابسي ..! غمضت عيني .. ومن غمضتها ... مادريت بروحي ****************************** بغرفة مريم .. قعدنا نسولف ونضحك .. (( آنه ومريم من نقعد مع بعض ماشاء الله علينا خلاص ما نسكت من الضحك .. كل ما قالينا شي انفجرنا ضحك .. !! ......... احم قولو ما شاء الله ! لا تحسدوناا.. تف تف عين الحسود فيها عوود !! )) بعد فترة سكوت وهدوء ... (سارة واهي تآكل قطعة البسكويت إلي بيدها) ...:: مرياااامي ... (قاعدة على الكمبيوتر تحوس)...:: هلا عمري - بقولج - آمري - (وبدون أي مقدمات)........:: البارحة قلت حق ماجد آنه مخطووبة ! ((مريم قاعدة تحوس بالكمبيوتر ! ولا مهتمة بالكلام إلي قلته !! يابرودج يا مريمووه .... وكملت كلامي )) .....:::: - جان ينصدم وعلى طووول طلع من المسنجر وصار له الحين من البارحة ما جوفه أون لاين .. آنه ما توقعت هالشي يضايقه ! (( طبعاً من البارحة ما جافت ماجد اون لاين على قولة سارة .. هذا شي عظيم عندها !! .. لآنها متعودة تجوفه على طول بالمسنجر وبأي وقت ... وحتى لو كان بالشغل أو برى البيت يحط (بالخارج) أو (مشغول) ولكن اليوم ما جافته بالمرة !! وهذا الشي إلي خوفها ! ... )) <<< ---- توّج تحسين يا سارة ! وإلا وين احساسج يوم اتقولين حق ماجد إنج مخطوبة ؟؟! واهي مو مهتمه حتى ما لفت ويهها تطالع سارة وضلت تطالع شاشة الكمبيوتر ...:: - هههههه .... أشناويه عالصبي ؟؟ - أوووفف .. صج أنج فاضية !! اقولج ماجد متضايق وانتي قاعدة اتضحكين ! لفت مريم ويهها حقي وقالت لي بإستهزااء ...:: - واشتبيني اسوي لج يعني ؟؟ تبيني اصيح واصارخ والطم على صدري وويهي ... ماجد متضايق لاااا لا مستحيييل .. مااااااابيه يتضايق .. ووي عليّّـــــه !! ..... سكتت عنها وآنه متفاجأه من كلامها .. بس مريم كملت كلامها ....:: - بعديييين يالحلوووة أشفيها يعني خل ينصدم ... وألا إن شاء الله تبيني أقولج روحي عطيه بوسة تراضيه ؟؟!! - حرام عليج - شنوو حرام علي يا سارة.... قلت لج يا سارة يا عمري .. لا تصدقين أي كلام ينقال لج !! بعدين عاادي سكر بويهج وراح ,, هذااا بس دلع يهال !!! ... يبي يحسسج إنج مهمة عنده ! وتتعلقين فيه يا ست الحسن والجمال !!! - بس أهوّووه ما قال لي شي ! آنه بروحي حسيت !! - شنو الحين يا أم الإحساس بتقولين !! يعني أنج تحبينه ؟! ((كنت اشرب عصير برتقال .. إلي شرقت فيه من صدمة السؤال ... وبعد ما كحيت وكحيت وطقيت على صدري ..))...::: - لااااا .. وووي ... قِطع .. ماحبه ! - زين عيل ليش متكدره وشوي تموتين لأن ماااجد العاشق الولهان زعل ؟؟! - اتعرفيني ماحب أجرح شعور حد ! وبعدين خلاااااص ماحب اسلوب التطنز إلي تحاجيني فيه - لا ما جرحتي شعور أحد تطمني ! ... وبعدين خلي عنج حنانج وطيبج في عالم النت .. لأنه ما يفيدج ! سكت عن مريم , وسرحت عنها بعيد بأفكاري وبالكلام إلي قالته لي.. أي كلام مرياامي صح, ليش آنه أحاتي ماجد إذا زعل والا لا ؟ ولو يعني زعل ! اشفيني مسويتها قصة !! وضايق خلقي من البارحة لحّـين, ومأنبني ضميري بعد ؟؟!! بس صج صج صج اهو ليش زعل وطلع من المسنجر ؟!!! معقولة اثر فيه الخبر هالكثر ؟ انزين علاقتنا عادية جداً ولا تعدت السوالف إلي نسولفها عن المواقف إلي تصير لنا .. ليش هالقد بيتأثر يعني ؟؟! لااا مريااامي صاجة , وكلامها عين العقل, ماجد مسوي روحه منصدم ومتفاجئ لأنه يبي يحسسني إنه يحبني ويغليني .. اي اي اكيد يبي يوصل لشي ! .. لكن شنو هالشي ؟؟!!! يااااااااربي اشفيني هالقد افكر ! اشفيني هالقد احاتيه .. ليش مهتمة له ليييييش ؟؟ (((وفجأة يى على بالي السؤال إلي سألتني إياه مريووم .. شنو الحين يا أم الإحساس بتقولين !! يعني أنج تحبينه ؟!))) ... آآنه ؟! معقوولة ؟؟ لالالالالالالا اكيد لا .. مستحيل .. مو معقولة ! .. بس بس خلاص خلاص يا سارة بسج تفكير ... ماجد هذااا مجرد شخص عادي وبس .. مو ؟؟ اي اي قولي اي يا سارة قوووولي أي ! نفضت ويهي من الأفكار ... ووعدت نفسي ما افكر بهالماجد كللش ابداً ,,, والا عاد زعل والا ما زعل بالطقاق كيفه ! مالي شغل فيه ! - استحي على ويهج مريوووووووم آنه قاعدة معاج وانتي اتطقطقين بالكمبيوتر ! - اشدراني عنج ! تبيني اقعد معاج وانتي مو هني ! - مو هني ؟!!! - أيـــه ! مادري وين رحتي .. بأفكارج ! بسرعة غيّـرت الموضوع .. ودخلنا في سوالف ثانية وطبعاً ما وقفنا من الضحك ونسيت سالفة ماجد وإلي ياب ماجد بعد ! ((هذي آنه من اقعد من مريووم انسى كل شي !!)) وطبعاً نسيت إني وعدت امي إني أرد قبل الأذان مثل كل مرة .. أذن الأذان ومرت ساعة وساعتين وآنه مع مريم مو حاسين بالوقت ... عشان جذي ابوي وامي مروني بيت ارفيجتي لأن بنروح بيت يدي ... دخلت السيارة ساكتة وآنه عاضة على شفايفي خايفة يزفوني الماما والبابا (لأني مووب أول مرة أسويها فيهم) ام سارة ..:: - وين إلي بتيي قبل الأذان ؟ تدرين الساعة جم الحين ؟؟ - انزين يمه قعدنا نسولف ونسينا روحنا - حشى موووب سوالف هذي - انزين خلاص خلاص صدقيني آخر مرة .. اشتبين بعد ؟ - ايه قصي علي كل مرة آخر مرة ... بس تجوفيني ساكتة عنج .. لو ما عرف اهل مريم امها وابوها ما خليتج تقعدين كل هالوقت عندها .. (( اهل سارة وأهل مريم أصلاً يقربون لبعض من بعيد .. عشان جذي يعرفون بعض وعلاقتة البنتين قوية )) المهم رحنا بيت يدي .. وقعدت هناك مع خالاتي وبنات خالاتي .. سوالف وضحك ... بس بعد كل شوي تفكيري يشرد في ماجد .. (( لا تلوموني ! اهو فكري بروحه يروح لـ ماجد ! صدقووني آنه ماقلت له !!! ... ماجوف روحي إلا افكر فيه ! .... ورد رجع لي إحساس تأنيب الضمير , وقمت احاتيه .. يا ترى وين ماجد الحين ؟! وشخباره ؟! واشقاعد يسوي ؟! ... معقولة يفكر فيني الحين مثل ما آنه افكر فيه ؟؟؟ )) ... غلبتني عاطفتي مثل كل مرة ..... وظليت افكر وافكر وافكر .... حتى إني قمت اتأفف وكل شوي أسأل امي متى بنرد البيت (( أبي أرد البيت عشان آدخل المسنجر وأتطمن على ماجد إلي من قلت له إني مخطوبة ما جفته )) (( انزين لا تطالعوني جذي !! )) .. والله والله غصب عني ! صج إني وعدت روحي ما أفكر فيه .. والله مادري اشفيه مخي ! اهو يفكر بروحه بـ ماجد ! .. صدقووني آنه ما قلت له !! - يلا عاااااد يممممه خل نروح متملللله اصغر خالاتها ....:: - وليش يا حافظ مووب عاجبتج القعدة معانا ؟؟ - وووي اشدعوة خالتي .. بس اتأخر الوقت وتمللت ابي ارد البيت وردت علي امي .. :: - قولي ابي ارد البيت اقعد على الكمبيوتر إلي من تصبحين لين ما ترقدين وانتي قاعدة عليه .. مووب تأخر الوقت ومتملله - اوهوو يمه صج متملله .. بعدين لا تفتحين لي الحين هالموال إلي من ينفتح ما ينصك !! (( خبركم أمي وأبوي ا دايماً يقولون لي لا تقعدين على الكمبيوتر وأرحمي روحج شوي .. لأني أقعد يومياً وأقعد طوول اليوم تقريباً )) المهم .. رديت البيت الساعة 11 ونص .... وبسرررعة رحت عالماسنجر ... ((( تننننن ... تم تسجيل دخووول "ذبّـل عيوني السهر !" ))) وين ماجد ؟؟! مب أووون لاين !!! كنت متوقعة أجوفه أون لاين ... بس للأسف ما كان موجود .. ياني احباط قووي .. كنت آآبي آتطمن على ماجد وآطمن على أخبارة .. !!! صج آنه وعدت نفسي ما أفكر فيه ... ولا اهتم له .. بس ما قدرت ... صدقووني ما قدرت ,, وإلي يسلمكم لا تلوموني ! هذي آنه جذي طيبة ! وأحاتي الناس وايد ! (( تحاتين الناس وايد ؟؟ لا تقصين على روحج يا سارة أنتي ما تحاتين الناس أنتي تحاتين ماجد وووووبس !! ماجد إلي يحتل جزء كبير من تفكيرج ! ... هذا الواقع ... ليش تخبينه ؟! )) كنت فاتحة صفحة يديدة بالهوت ميل عشان ارسل رسالة حق ماجد واسأل عنه وعن أخباره.. بس سكرتها بسرعة قبل ما اكتب ولا شي !! .. (( مادري يمكن كابرت على نفسي, حتى بيني وبين نفسي مابي احس إني مهتمه له !! ومابي يحس بإهتمامي له !!)) بسررررعة رحت آرقد ... يمكن عشان أهرب من هالأفكااار وهالكلام ... أو يمكن عشان أيي باجر الصبح بسرعة وأكلم ماجد !! (( وعلى الأغلب , السبب الثاني اهو الصح ! )) كان صعب علي آرقد ... بعد إلي صار ! بس مردّي رقدت ... ********************* Edited مايو 27, 2007 by cofyana Link to comment Share on other sites More sharing options...
شقاوة الطفوله Posted مايو 27, 2007 Report Share Posted مايو 27, 2007 وووووووووووووووووين البااااااااااااااااااااااااااااقي بااااااااااااااااااااااقي الباااااااااااااااااااااااااااااااااااااقي Link to comment Share on other sites More sharing options...
دلوعة مغرورة Posted مايو 27, 2007 Report Share Posted مايو 27, 2007 يسلمو في انتظار الباقي Link to comment Share on other sites More sharing options...
العسووووولة Posted مايو 27, 2007 Report Share Posted مايو 27, 2007 ثانكس Link to comment Share on other sites More sharing options...
!.. كشوح ..! Posted مايو 28, 2007 Report Share Posted مايو 28, 2007 بصـــــــــــــرااحهـ القـــــــــــصة رووعه تسلـــــــــــم اليد الي كتبتهااا والله>> احــــــــــــناا فــــي انتـــــــــــــظااار البـــــاقي لاا اطـــــولي عليـنااا مشكــــــــــــــوورة ويعطيج الف عـــــــاافيه >>>>>>>>>> كــــشـــووخ<<< >>>>>>>>>>>>>>ـزمـــن ـــكشــخــهــ<<<< >>>تــراني متاابعه للقصه ولاا اطولي عليناا<< >>>>>ثاانكس<<<<<< Link to comment Share on other sites More sharing options...
cofyana Posted مايو 28, 2007 Author Report Share Posted مايو 28, 2007 (edited) ثااااانكس لـ كل المتابعين ---------------------- ********************* الساعة سبع بالضبط هاي يوم أقوم من سريري .. قمت بسررعة الحمام أغسل ويهي وأسناني ووقفت أصلي صلاة الصبح ... وبعدين أكيد رحت ركيض عالمسنجر .. ((( تننننن .. تم تسجيل دخول ذبّـل عيووني السهر ! )) << --- ومنو غيري آنه (سارة) إلي ذبّـل عيووني السهر ؟! أممممم .. مب هني ماجد !! ياربي اشفيه !! .. معقولة صار له شي ؟!! وبعدين ليش يصير له شي ! ... أكيد اهو مو مهتم لي ! بس جذي يقص علي ! .... وآنه حضرتي مكبرهـ السالفة !! ... وووي سارووه عن هالأفكار .. مااااجد مجرد شخص عاد فهمتي والا لا ؟؟ أوووكي راح أفتح إيميلاتي إلي من القروب على ما يدخل ! ((سارة تنطر ماجد اكيد ! .. بس ماتبي تعترف إنها تنطرهـ حتى بينها وبين نفسها .... طول عمرها تكابر ! )) .... وبعد ربع ساعة بالضبط : ((( تنننننن ... تم تسجيل دخوول ماجد )) والله والله والله نقز قلبي مع نقزة المربع إلي طلع لي ع اليمين يقول لي إن ماجد أون لاين !! تدرون عاد كنت سرحانة عشان جذي اخترعت !! ... والا تصدقون إن قلبي , قلب ساااارة بعظمتها ينقز عشان ماجد !! ((آخ منج يا سارة ومن غرورج !! )) تحيّـرت سارة .. تروح اهيه أول تبدأ بالكلام .. وإلا تنطر ماجد أهو الي يبدأ بالكلام !! ومدام اهيه في حيرتها : - صباح الورد لـ الورد (F) أطمنت سارة يوم بدأ أهوّووه بالكلام ... وعرفت إن ماجد لحيّن بخير من آخر مرة كلمته فيها .. وردت عليه بسرعة : - صباح النور (#) - شخبارج وردة ؟ - آنه الحمد لله .. يقولون بخير ! بس أنت شخبارك ماجد ؟ تقول إنك تعبان ؟ - لا آنه أوكي زين - الحمد لله .. والله إنك صج خرعتني عليك .. لأنك قلت تعبان وبعدين صرت فجأة أوف لاين وبعدها يوم كامل ما جفتك اون لاين ! اقول اشفيه ذي ليكون صار له شي ! - اخترعتي علي ؟ صج ؟ - هاا ؟؟ لااا لا .. مووب اخترعت اخترعت بس قمت أحاتيك قلت يمكن فيك شي ! ((ماجد فهمها عالطاير .. درى إن سارة صج أخترعت وقامت تحاتيه .. بس حاول يغيّر الموضوع .. حق ما يحرجها ..)) - لا وردة.. آنه ما فيني إلا كل خير .. لا تشغلين بالج ((أهني سارة أنحرجت .. يوم قال لها لا تشغلين بالج ! معناها عرف إنها فكرت فيه البارحة .. بس فضلّت إنها تسكت ... وسبت روحها من فوق لي تحت يووم زل لسانها )) - هاااا .. شخبار الطلعة مع حموووودج ؟ - أي طلعة ؟!! << --- الظاهر إنها نست السالفة ! (( أي طبعاً نسيت الموضوع .. لأن سالفة زعل ماجد خذت كل تفكيري ! )) (وبسرعة تداركت الموضووع) : .. - أي ..أي أوكي زينة <<< تبهدلت ! - استانستي ؟ - اكيد =) - دوووم إن شاء الله يا وردة .. (وكمل بألم) والله تصدقين اتمنى لج كل الخير والسعادة مع حمووودج من كلللل قلبي واعماقه .. - تسلم :$ <<< انحرجت !! - الله يسلمج من كل شر يا دبه =) ما نطر ترد سارة عليه ... وقال :: - وردة آنه آبي أطلب منج طلب .. إذا ممكن طبعاً ! - طلب ؟! - أيه .. طلب ! وأتمنى أنج ما تخيبيين ظني فيج .. - أوكي .. إذا أقدر آنه ألبي لك طلبك أكيد ماراح أتردد ولا لحظة ! - لا .. إن شاء الله إتقدرين .. وأنه ثقتي فيج أكبيرة .. - قول ماجد حيرتني ! - أبيج تدعين لي .. اوكي ؟ .. أنتبهي آنه قلت لج تدعين لي مب تدعين علي ! - ههههه .. لا أشدعوه أدعي عليك ! - والله تسوينها أنتي هههههه ماستبعدها ابداً ! - لا افااا ... بعدين بس هاي تبي ؟؟ من عيووني الثنتين =) - تسلم عيونج الثنتين حق حموودج وردة =) (( امبيـــه اشفيه هذاا .. كل شوي ياب لي طاري حمودج قال حمودج مووب راضي ينسى !! )) - الله يسلمك .. بس ما قلت لي ؟ ليش أدعي لك ؟ - أبيج تدعين حقي .. لأن بكرة من الصبح عندي امتحان . - بالتوفيق ... بس ليش آنه بالذات قلت لي أدعي لك ؟ - مادري .. يمكن لأني أحس أنج جريبة مني ..! - بس آنه ما حسستك بهاي الشي ؟! - ولوو وردة .. الحاسة السادسة تكفي وتوفي ! - أممممم - تفكرين في شنووو ؟؟ - لا لااا ... ولاشي ..!! - أكيد في حموودج ... بس تستحين تقولين .. - توّه أحين داز لي مسج يقول لي صباح الخير .. !! - ودي أتعرف عليه .. - ليش ؟؟!! - علشان أقول له يتحمل فيج =) - لالا .. لا تحاتي أهوّه حاطني بعينه ومسكر علي بعد ! - الله يخليه لج .. ولا يحرمج منه - الله يسمع منك - أنخطبتوا لبعض عن علاقة حب ؟ - أيه :$ - يابختكم - عقبالك - أووه .. وينج وين آنه آخطب .. لحّيـن أصغير على قولتج .. وعلى قولة الوالدة - ماراح تظل طول عمرك أصغير .. راح تكبر وتخطب , وإن شاء الله تكون من أحسن البنات .. - إن شاء الله .. الله يسمع منج .. - عاد تحمل فيها زين .. اوكية ؟ - آنه ما بآخذ إلا وحدة .. وحدة آنه حاط عيني عليها .. وإذا خذيتهاا .. راح أخليها معززة مكرمة وملكة في بيتي آنه .. ((( ماجد كان يقصد سارة .. بس أهيه ما تدري ))) - أوو ما شاء الله .. الله يعطيك الي في بالك - الله يسمع منج يااااارب - يعني أنت أحين تعيش علاقة حب ؟ - لا - علينا ؟ - أي صج .. مب علاقة حب - أوكي كيفك - راح أقولج .. بس مب أحين - عيل امتى ؟ - آنه أحين بروح الدوام .. وإذا ييت يصير خير .. - أوكي - يلا باي .. ومع ألف سلامة اتحفظج - الله يسلمك .. باي (( وصج راح ماجد الدوام .. وظلت سارة بالماسنجر تسولف مع ربعها .. وتتصفح المنتدى وتفتح إيميلاتها عن الملل ! )) *************************** في العصر ... الساعة أربع إلا ربع ... ((( تنننن .. تم تسجيل دخول ماجد ))) وبعد 3 ثواني بالضبط .. ((( تنننن .. تم تسجيل دخول ذبّـل عيوني السهر ))) - هلاااااااا - أهلييين =) - تصدقين توني داخل جان اتدخلين بعدي مباشرة .. - هههه .. القلوب عند بعضها - أي صج ههه ... إلا اشفيج "ذبّـل عيونج السهر" - لالا مافيني شي !.. بس جذي نك نيم !! عجبني وحطيته! (( امبلااا عجبج وحطينه يا سارة !! ... محّـد مذبّـل عينج من السهر إلا ماجد !!.... اعترفي لا تجذبين على روحج ! )) - اهاا - مااااجد - هلا - أنت وعدتني .. وآنه ما نسيت ! :$ - أي وعد ؟! - قلت لي إنك بتقول لي عن ذيج إلي حاطها أنت ابالك ! ((( اشفيني هالقعد مهتمة بالموضوع ؟! ))) <<< --- تسوين روحج ماتدرين يعني ؟!! وببرود مصطنع جاوبها :: - أيـه .. هذي وحدة <<< --- يحاول يرفع ضغط سارة ! - ههههه .. حلووة ذي وحدة - عيونج الحلوة .. بس صج أهيه وحدة ! << --- مازال يحاول يثير فضول سارة أكثر وأكثر ..!! - أي آنه آدري إنها وحدة مب ثنتين .. أهيَ وحدة وآنه هم وحدة وكل البنات وحدات ! (( آآآآخ لو تدرين يا وردتي إن انتي هـ الوحدة ! )) - يعني أحين لو أقول أسمها بتعرفينها ؟!! - أكيد لا .. بس فضول ! - زين أمري لله .. - يلا - الوحدة أهيه - أهيه منو ؟ - بنت جيرانا بالفريج .. - اهاا الله يجمعكم .. - الله يسمع منج ( قالها من ورى قلبه !) - شسمها ؟ تحيّــر شنو يرد عليها ... بس بدون تفكير قال ::: - أسمها .. غادة ! - غادة - أيه !! - أسمها مب حلو ! - آنه عاجبني .. مب لا زم يعجبج << -- محاول ثانية في رفع ضغط سارة (يمكن يحاول يرد شوي من إلي سويته فيه أول ما تعرفنا على بعض !! ) << --- منت سهل بعد يا ماجدوو !! - زين آآآدري .. فشلتني :$ - هههه .. فشلتج ؟ - ايه :$ - لا أشدعووة تتفشلين ..أعتبريني أخوج لكبير .. - آنه أكبر منك .. لا تنسى - هههه .. لا مانسيت .. بس آنه قلت أعتبريني .. ما قلت آنه أخوج الكبير صج ! - زين .. أوكي - وأي شي تحتاجينه أتذكري أخوج .. وأتأكدي إن أخوج أخوووو .. أوكي ؟ - أوكي .. تسلم - يسلمج ربي - ويسمنك - ههههه .. لا مابي - يعني أنته دب ؟ - لا مب دب - بلى - آنه كل يوم ألعب كرة قدم .. بس عشان ماأصير دب << متعقد ! - وايد زين - أووو .. ذكرتيني - بشنو ؟! - بالربع .. أحين ينطروني أكيد .. بروح قبل ما يسوون خيانة ويبدون اللعب - شكلك وايد تحب تلعب كرة قدم - مووووت - ههههه ليكون غادة أهيَ كرة القدم .. - ههههههههه ..لالا .. وإلا اقول يمكن .. يجوز .. ليش لا !! باي باي - بايات !! ***************** بعد ما رد ماجد من اللعب .. بدل ثيابه وسبح .. قال بيدخل الماسنجر يسلم على سارووه إلي ماخذه عقله! لأن ما باقي على الأذان إلا 10 دقايق .. (( تننننن .. تم تسجيل دخول ماجد )) وكانت سارة لحّيـن بالماسنجر .. - هااا مايد بشر ؟ - أبشرج بشنو ؟! بنفااذ صبر :: - نتيجة المباراة ..!! إن شاء الله فريقك أهوه إلي فاز ؟ - للأسف .. لا بحزن حقيقي ::: - أفااا - : ( - يلا ما عليك هذا اللعب جذي .. يا غالب يا مغلوب : ) وأنت اكيد اتعرف إن كرة القدم لعبة لا تقبل القسمة على اثنين !! - بس آنه رايح ألعب وآنه متحمس وايد وحاط ابالي الفوز ... أنصدمت : ( - ما عليك .. لا تضيج خلجك عشان لعبة ! يوم لك ويوم عليك .. وإن شاء الله المرات الجاية كلها لصالح فريقكم . - وردووهـ يالدبة متفاجأة من تغيير نفسيته للأفضل وبهالسرعة !! - هلا ؟ آمر - آنه جذبت عليج - جذبت علي ؟؟؟؟!!! - أيـه :$ - في شنو ؟؟؟! - إلااااا أهمه مب كفوو يفوزون علينا .. دام مجوودي أهوه إلي يلعب ! - يعني أنتوا إلي فزتوا ؟؟ - أكيـــد .. وردتيي - أوورييييك يالجذاااااب ... إن ماذبحتك آنه مووب وردة طييحت قلبي رد عليها بحماس من فرحته بنتيجة المباراة : - اسم الله على قلبج يا قلب مجوودج أنتي !! ... عادي عااادي كلي فداااج ذبحيني قتليني قطعيني .. قطيني بحر .. إلي تبين .. والله والله والله أكوون اسعد إنسان بالدنيا هذي كلهاااااااا ... (( الله .. لهدرجة تحبها يا ماجد ؟ )) سارة في محاول للهروب من الكلام الي فاجأهـااا :: - ع البركة .. وإن شاء الله من هذاا للأحسن والاحسسن يارب - الله يبارك في حياتج.. ويسمع منج مازلت سارة تحت تأثير الكلام إلي قاله ماجد من شوي بس .. ::: - وجم كانت النتيجة ؟ - أثنين مقابل ولاشي تبي تنسى الكلام الي قاله .. لالالا أكيد هذا من تأثير الفرح ونفسيته المرتاحة .. مووب لأنه يحبني !!! ......::: - إن شاء الله عاد أنت سجلت واحد منهم .. وإلا على الأقل ساعدت ؟ بثقة: - آنه سجلتهم أثنينهم بعدم تصديق .. ولتـأكيد كلام ماجد :: - صج ؟ - أي صج .. وهالقولين لج هدية =) - ووي أستحي لا تحرجني :$ - لا صج من سجلت أول قول أنتي يتي على بالي .. وقلت هاي القول لج .. جان أسجل الثاني .. والكل يركض وراي يبوون يحملوني فرحانين فيني لأني سجلت هدفين ! - انزين .. وشنو المناسبة إلي تخليك تهديني الهدفين ؟ - امممممممم .. بدون مناسبة ! واعتقد مبادلة الهدايا بين الأخوان مايبي لها مناسبة .. صح ؟ - صح ..مشكور ماجد وإن شاء الله من هاي للأحسن - لا تشكريني .. قلت لج الففف مرررة أعتبريني أخوج .. والأخوان ما بينهم هالرسميات ! - إن شاء الله ... بس أشخليت حق غادة ؟ كنت عطيتني هدية قول واحد .. والثاني حق غادة قول ! - لا اثنينهم لج انتي حقج بروحج .. مب حق غادة .. يلا أكا أذن الأذان بروح أصلي .. ولا تنسين تدعين لي .. لأن بكرة علي الامتحان .. باي تحملي بروحج - لا تهتم .. بااااي , بس بجوفك بعد الصلاة أو لا ؟ - لالا ما عتقد ! .. بكون مشغول شوي ... باجر إن شاء الله - إن شاء الله .. باااااي - باااي ( وراحوا يصلون المغرب ) ومر باجي اليوم مثل غيرهـ .... ******************* Edited مايو 28, 2007 by cofyana Link to comment Share on other sites More sharing options...
دلوعة مغرورة Posted مايو 28, 2007 Report Share Posted مايو 28, 2007 يسلمو ع البارت وفي انتظار الباجي Link to comment Share on other sites More sharing options...
شهد Posted مايو 28, 2007 Report Share Posted مايو 28, 2007 الاجزاء رووووووووووووووعه في انتظار التكمله على احر من الجمر Link to comment Share on other sites More sharing options...
Recommended Posts