بنت الحداده Posted يوليو 16, 2007 Report Share Posted يوليو 16, 2007 السلام عليكم .. آنه بصراحة وايد ترددت اذا انشر القصه ولا لا .. مو عشان شي عشان اهي شنو بالنسبا لي .. لكن قلت انشرها في بحرين تودي منتدى ديرتي الغالية .. اذا ما لقيت ردود وتفاعل ويا القصة .. ما راح اكملها .! .. هذا أول بارت من القصة (هيام قلبي) ملاحظه القصه مو بلهجه معينه .. يعني بحريني كويتي .. اماراتي .. الي تبون .. بس يغلب على لهجتها البحريني لمحرقاوي ""فديت لمحرق وهلها"" ملاحظة ثانيه كل الخواطر ولنكات الموجوده في القصه من تأليفي الخاص .. ولحقوق محفوظه لدي ولا يجوز نقل الخواطر من القصه الا بعد اذني بو طارق رجل اعمال مشهور معروف انه يملك باخره في الميناء انسان طيب و حنون لكنه يحب المظاهر وايد عنده بنت فتانه ساحره بعينها البنيه الفاتحه وشعرها الحريري وملامحها الناعمه بنت جميله بشكل مو طبيعي اسمها "هيام" اهي السنه ثالث ثنوي شاطره كل شي تسويه من غير ما تفكر عاطفيه.. تحب اليهااال وااايد حلمها انها تكون دكتوره .. هيام اصغر اخوانها اهي البنت الوحيده عند ابوها ودلوعه الي ما ينرد لها طلب عندها اخوها هاني عمره 20 سنه يدرس بالجامعه "هندسه معماريه" شكلة عادي يعني مو حلو وايد ولا اهو بكريه يعني شكله مقبول بس احلا ما فيه صفاته وربشته ولجو الي يسويه ..جاسم وهو الاكبر من هاني بسنتين خلص الثنويه و عاف الدراسه يشتغل معا ابوه .. دب شوي لانه ياكل وايد حلوه ملامحه شعره عبل لكنه يعالجه معا الجل ولحاله ومعا التعب ولسشوار يصير ستريت شوي شعره لي اذنه يعني طويل شوي.. طارق وهو اللاخ الاكبر وعمره 25 سنه يد اليمن لبوه في الشغل متزوج مر على زواجه سنه ونص من بنت عمه وهي سمر اصغر منه بثلاث سنين ما تزوجوا عن حب زواجهم كان عادي لكن معا الوقت حب طارق سمر وهي الحين حامل وفي الشهر الخامس بو طارق ريال حاد الطبع يحب الي يكلمونه أو الي يتعاملون معاه ايكونون من مثل مستواه فقد اخوه الوحيد ولي زوج ولده طارق من بنته عشان لا تتلته البنت من بعد ابوها , موت اخوه التوئم اثر عليه وايد لكن معا الايام حاول بو طارق انه يتعايش ويا الوضع لانه صار واقع بو طارق انسان واقعي وحنون على الكل عصبي ويثور بسرعه لكنه معا هذا خفيف دم من صغره ام طارق وهي مرت بو طارق تزوجته زواج من دون رضا الطرفين لكنها رضت فيه معا الايام وعاشت معاه الحلوه ولمره كل واحد منهم اكتشف في الثاني اشيه ما كان يعرفها عنه ولحين معا كبر عمر بو طارق الا انه متيم بم طارق وكأنه شاب في بدايت عمره لدرجة انه وايد ما يدلعها جدام عيالها او يحرجها او اهي بعد لازالت تستحي منه معا لسنين الطويله الي عاشتها وياه!! بو طارق يملك باخره مثل ما عرفتوا في البدايه عنده وايد ناس تشتغل عنده لكن من بينهم شاب وسيم وكلمة وسيم ما توصف وسامته صاحب شعر اسود وبنية جسم قويه معروف بطيبة قلبه "رامي"شاب ولا كل الشبان عاش حياة مره مريره مليانه بالحرمان لين قدر له القدر انه شتغل عند العم بوطارق.. بو رامي كان يشتغل في مصنع تعرض لحادث اثر فيه و خلاه مشلول ما يقوى على انه يقوم ((شلل نصفي)).. من كان عمر رامي 11 سنه و هو يصرف على عيلته على اخته الي كان عمرها 7 سنين من بدت الحياة تتصعب عليهم للحين كانوا يعيشون حياه مره لدرجة انهم ما يلقون شي ياكلونه !! رامي كان يشتغل كل الشغلات من وهو صغير يعني ياهل يصرف على اهله ..(صعبه الحيااه ) اخت رامي اسمها ريم بنت حلوه تدرس بكل ما عطاها الله من قوى عقليه عشان تييب علامات ترفع الراس من عمر هيام وهي بكل امل انها تتخرج وتشتغل وتغير حياتهم عشان رامي الي يدرس ويشتغل و يصرف عليهم يرتاح شوي رامي حتى وهو ياهل كان عاقل ما ترك المدرسه تابع دراسته معا علاماته العاليه الي يوم عن يوم يرفع راس ابوه المشلول الي ترك المسئوليه عليه من وهو ياهل ما يعرف شي دوم تدمع عين هل ابو على الي يصير لكن ما بليد حيله الحياه اصعب من ما تتوقعون .. في دار هيام هيام:اوووف عندنا ختبار اجا باجر الله يصبرني بس قعدت هيام تدرس بملل شي مقرف اختبار اجا على آخر ايام الختبارات هذا تعذيب نفسي .. شهل حاله مافي الا آخذ لي بريك وافتك شوي نزلت قعدت ويا اخوها كل شوي اتقوله الي حفضته في الكتاب .. هاني:انتي تراج زهقتينا صعدي دارج خربطي مثل ما تبين هيام: راسي يعورني اذا رديت صعدت دراي بيصيدني نفجار دماغي هاني:لا والله .. انزين قوليلي شخبار لختبارات وياج توج ما شفتي شي هيام بتعب:اووف وهذا الي متعبيننني هاني وهو يغمز لها: شخبار ختبارات ربعج ؟ هيام:اف متفرغ .. وما عندك سالفه .. شدراني عنهم انه هل ايام ما شوف غير شيخوه وبعدين هم ما يهتمون لك اشله معور راسك!! هاني بفخر:ولله يحمدون ربهم هاني صالح يشوفهم هيام:اوووف ما لي بارض روح عني لو سمحت هاني بصوت خافت: اوريج انه فيهم هيام بملل: يوز عني الله يخليك هاني:ازين متى اتكملون ختبارات؟ هيام:اممم يوم الاحد هاني ببتسامه:حلو يلا روحي تصلي فيهم ورتبي معاهم اطلعكم اول ما تكملون هيام ببتسامه:فديته اخوي وين بتودينا؟ هاني :المحل الي تختاره سموي هيام قامت: اقول انسى حبيبي قعدت البيت وايد ابرك هاني بخيبة:عيل شسوي غير اني اتغزل في البنات ولله من الملل موب من شي ثاني هيام:اممم شرايك شتشغل زراع في البيت اليوم تسقي الزرع لين شفتك كفو خليتك تسقي زرعتي هاني قام لها:لا حلفي بس لا او لين شفتيني كفو بعد ويا هل ويه هيام ركضت دارها بسرعه قبل لا تحصل لها ضربه مني مناك دخلت دارها شافت الكتب هيام وهي تتنفس بصوت مسموع :اففففف هذاني رديت لج يل كتب ما دري مته بفتك منج بس!! رن تلفون هيام وكانت شيخه بنت خالتها متصله هيام شالت التلفون:هلاااااا.. بالقاطعه الي ما تسأل عن بنت خالتها شيخه:هلا والله ..هيووووم واحشتينيييي شخبارج ويا الاجا؟ هيام بملل:مطلع عيني شيخه:انه تدرين شكلي بارسب فيه هيام تضحك: ههههههه يل مينونه فال الله ولا فالج شفيج انه وياج في القاعة بغششج وبنجحج مثل العام شيخه :هااا .. اشوف قمتي تمنين علي؟؟ هيام :اوووه ساميحنا شيخه:اصلاً غصبن عليج تغششيني مو بكيفج هيام: زين عرفتي انه حاكمين علي ادرس وتعذب ونتي تاخذين الاجوبه بالبارز شيخه:اوووف ما دري مته نفتك من هل مدرسه انه مستغربه دام الخير موجود اشله نروووح يا ربيي هيام: ليش عبالج عصر يدتي ما يدرسون حبيبتي العلم نوور شيخة : روحي زيين هيام:ازين شيخووه هنوي يقول بيطلعنا اول ما نخلص ختبارات شيخه وهي ميته من الوناسه:هيييييّيّيّيّه هذا اخوج كله جذي كشخه وين بيودينا؟ هيام : انه قلت له لا شيخه بعصبيه:شلللللله!! هيام:يبي يغازل ربعي شسوي له شيخه:يعني من زينهم كلهم فاسدين ما في اله سموي هيام:مو اهو يبي يغازل سموي شيخه:اووف هذا اخوج وايد عينه زايغه الله يساعد الي بتاخذه هيام :أي والله الله يساعدها شيخه:ازين هيوم انه بروح اشوف امي شتبي يلا درسي زين خلج باجر تنسين شي ترا صدقيني اذبحج هيام بملل:أي أي رتاحي انتي بس استاذة شيخه انه بحفظ و بذبح روحي انتي بس عليج نقلي زين؟ شيخه :ههههههههههه زين يلا بااي هيام:بايااات سكرت هيام التلفون من عند رفيجت عمرها اختها و بنت خالتها شيخه و دفنت روحها في الكتب وفي مكان ثاني كله صراخ ومناداه الميناء:.:. رامي يحسب الصناديق الي تركب الباخره والي تنزل منها عادل رفيج رامي بالشغل رفيج عمره.. وواحد من الفريج الي ساكنين فيه عادل:رامي.. رامي:هلا عادل:يلا ما بنمشي صارت الساعه 12 خلص دوامنا من زمان رامي وهو توه ينتبه للوقت :اوووه .. اوكي صبر دقيقة بس اوصل الكشف عادل قعد ينطر رامي الا وطارق ولد العم واصل طارق مستغرب!!:للحين ما رحتوا عادل:هلا عمي لا والله كان في صناديق ورامي يسجل في الكشف الي دخل والي طلع طارق:بس انتو دوامكم لي عشر بس عادل :خذنا الوقت شنسوي رامي طلع شاف طارق راح سلم عليه :هلاااا والله منور عم طارق طارق:أي عم أي خرابيط الله يهداكم كبرتوني .. رامي:ههههه يا هلا والله بطروووق طارق: تدرون شلون اليوم العشى علي انه بطلعكم بعشيكم في احلا مكان عادل: لا ما يحتاي عمي اتعب روحك انه متأخر ولازم ارد البيت طارق وهو ميود اذن عادل:انت لا تقولي عمي لا عضك اخذهم تعشو ا طارق ارتاح لرامي وعادل واايد وكأنهم ربعه من سنين .. قبل لاينزلهم لعند فريجهم طارق:اقول.. ثنينهم وقفو ينتظرونه يقول الي عنده طارق بتردد:خلونا ربع على طول رامي .. ضرب له فايف وبتسم طارق بتسم بتسامه عريضه:ما دري شقولك يرامي انه رتحت لكم اليوم وايد اتمنا ان صداقتنا اتم العمر كله رامي:تأكد انه الي يرافجنا ما ننساه ولا نعاديه يطارق نزل رامي وعادل وراه او راح طارق وهو فرحان انه كسب شي جبير مايدر اشله يمكن حن لايام الطيش ولربع ؟ عادل:تتوقعنه بيضل راضي فينا ؟ رامي:عادل!! خل عندك ثقه بنفسك احنا ما جبرناه يرافجنا اهو الي طلب هل شي و احنا ما نرد حد او بعدين انه رتحت له مثل مايبين من عينك انك مرتاح له عادل:أي والله شكله ريال طيب رامي :ههه يلا سلم على امك سلام كبييير عادل :يوصل راح عادل وضل رامي يمشي بخطوات ثابته متساويه تدل على شموخ وهيبة رامي جسمه معضل ومنسق دخل رامي البيت ورسم على ويهه بتسامه حلووه ريم شافته ستغربت منه ياي ويدندن .. وشاق الحلج ريم بستغراب:شهل وناسه الي نازله عليك مو عوااااايدك رامي:ههههههههه اعجبج انا ريم: انه خبري اول ما تيي تفتح بوزك شبرين وتقول ((تقلده)) يوعاااااااااان رامي بحمق مسطنع وهو ميود اذنها:انه اقول جذي حرام عليج يل ظالمه ريم:هههههههههههههههه ازين قولي شسالفت هل رواقه لزايد ولبتسامه العريضه .. وشله ما قلت يوعاااااااااااااان !!! رامي:اوووف ريمووو سالفه طويله تعالي اقولج وقالها السالفه من البدايه للنهايه ريم:اهااا .. بس اهو اشله كان ياي! رامي:مادري والله بس مبين عليه ريال طيب وخلوق ! رامي :.. اله وينه ابوي؟ ريم:في داره راح رامي لبوه في داره المظلمة فتح الباب ودخل الدار الي ينبعث منها انين وصوت بجي يعور القلب الاب من انشل وهو مقضي حياته كلها صلاه وبجي رامي عوره قلبه على ابوه قرب رامي وشغل الليت رامي وهو يدمع :بس يبه لا تبجي تعور قلبي خلاص انه مب تعبان من الي اسويه هذا واجبي يبه انه الريال من بعدك ولا نسيت ضل ابوه يتأمل ويه ولده الي صار ريال وسيم ولا كل الريايل وسيم وصاحب هيبه وجسم قوي بو رامي :شسوي يولدي انت مو مقصر والله لا يحرمنا منك .. رامي بمزح:ها الوالد شرايك فيني ما ذكرك بشبابك .. شعر كشه وعين نعسانه بتسم بو رامي وهز راسه وكأنه يذكر روحه يوم كان شباب بو رامي : ها اشوفك تهين اناقتي رامي : ههههههههه لا يبة ما اهين ناقتك يا انيق انت .. بتسم بو رامي لولده رامي : زين يبة انه رايح ابدل هدومي وأنام تامرني على شي؟؟ حط بورامي يده على جتف ولده وحضنه بقوه طلع من دار ابوه ..شاف ريم قاعده تدرس رامي:الله الله .. تدرس الاخت ريم بملل: و شلي آقدر اسويه غير اني اجابل هل كتب يعني!! رامي: .ازين مو خاطرج تطلعين ؟؟ ريم بفرح :بتطلعنيي؟؟؟؟؟؟ رامي: sure مو انه اخوج الي يحبج؟ ريم تحضن اخوها بقوه :فديييتك رموووي اموت فيك انه رامي:ونتي تختارين المكان الي تبين اتروحينه بعد ريم:واااااااااااااااي.. واااااااااي فديتك حبيبي انت والله .. رامي:هههههههه الحين انتي كملي دراستج وفرحينا بالعلاامات الحلوه ريم بفرح:من عيني رامي راح داره الي اهي داره ودار ريم لكنه نادر ما يدخلها سرير له سرير لها رامي قفل الباب بدل ثيابه خذ معاه مخدته وطلع ريم:اليوم انه بنام هني اخوي حبيبي بينام في الدار رامي:الله الله.. كل هل طيبه عشان بطلعج ريم :خخخ أي رامي :اخ منج بس كل يوم الاقي رسالة على سرير مكتوب عليها اطلع لا تخلص الاكسجين يا وحش الحين صرتي الطيبة المثالية الحبوبه ؟ ريم : أي صج حطيتها لك على السرير اليوم بعد انطر بشيلها .. راحت ويات .. ريم : اخي الحبيب تقدر تاخذ الاكسجين كله لك حلال زلال رامي :ما يصير آخذ باقي الغازات ؟ ريم : للأسف لا لأنها تخصني .. رامي :جب بس جب كملي درسي يلا كملت ريم دراستها ورامي راح نام في الدار حط رامي راسه على المخده وراح في سابع نومه... طارق رد البيت يغني مستانس مفرفش سمر وقفت معصبه وشوي وتصيح:وينك انت؟؟؟ طارق وهو يغني راح وحط يده على فمها :اوووش انه اليوم مستانس سمر وهي شوي وتصيح : أي اكيد مستانس طالع معا حبيبة القلب شعليك يبه شعليك في آدمية ملطوعه تنطرك طز فيها طارق : والله والله مو جذييي سمر : لا جذاك ..!! طارق : هذا يا أختي اليوم اتعرفت على شباب وطلنا اتعشينا سوى ! سمر : كل هذا عشى ولا بعد العشى في طلعات ما الحبيبة ! طارق بصوت خافت : يارب طوف اليلة على خير .. سمر : انت شتقول ؟ طارق : اقول حبيبتي انتي ليش مو مصدقتني ؟ سمر وهي تدمع : حرام عليك الي اتسويه فيني طارق عوره قلبه :حياتي انتي خلاص سامحيني انه غلطان سمروهي تشهق:وين كنت طارق:معا الربع سمر وهي مستغربه:الربع مو انت قلتلي انك من زمان ما تدري لا عن ربع ولا شي؟؟ ولا طالع لي معا وحده وتقول ربع طارق وهو يقعد جنبها: الله يهداج بس من هل وحده يعني .. والله ما عرف غيرج سمر: أي قص علي .. خو آنه مادري بشي حتى ما تتصل لاهي معا الحبيبة طارق : الله يهداج بس حبيبة مره وحده (يطالعها بحب )والله مفيش في الالب الا انتي سمر : أي مبين .. طارق :افا وتشكين ؟ سمر : شيضمن لي .! طارق :دشي قلبي وشوفي سمر : شفت شفت .. قلتها بالسانك دشي يعني موب في قلبك .. طارق : والله مو هذا القصد !! سمر دمعت: مبله هذا هو .. طارق مسح دمعتها: والله احبج .. سمر حطت راسها على صدره وقعدت تبجي:..... طارق:اعنبوو كل هاي غيرة ! سمر:اذا ما غير عليك على من آغير؟ .................................... Link to comment Share on other sites More sharing options...
أم حماني Posted يوليو 17, 2007 Report Share Posted يوليو 17, 2007 تسلمين حبيبتي عالقصه الروعه ننتظر البارت الياي Link to comment Share on other sites More sharing options...
&&Nice girl&& Posted يوليو 17, 2007 Report Share Posted يوليو 17, 2007 يعطيج العافيه ننتظر التكمله Link to comment Share on other sites More sharing options...
marioma Posted يوليو 17, 2007 Report Share Posted يوليو 17, 2007 يسلمؤؤ علىى القصه الرووعه .! في انتظاار البارت الياي .! Link to comment Share on other sites More sharing options...
بنت الحداده Posted يوليو 17, 2007 Author Report Share Posted يوليو 17, 2007 تسلمون على الردود .. انشالله اذا شفت في تفاعل اكثر راح انزل البارت الياي ... Link to comment Share on other sites More sharing options...
مشدخ Posted يوليو 17, 2007 Report Share Posted يوليو 17, 2007 يسلمو على البارت وفي انتظار اليديد Link to comment Share on other sites More sharing options...
al_mazuona Posted يوليو 18, 2007 Report Share Posted يوليو 18, 2007 (edited) يسلموووووووووووووو ياقلبي ع القصه الروووووعه يعطيج ربي العااااااافيه وننتظر الجزء الثاااااااااااااني>>طبعاً ما عرفتيني آنا....المعهد فاذا نزلتي الجزء الثاني خبريني طيب يا عمري والى الاماااااااااااااام دائما تقبلي مروووووووري Edited يوليو 18, 2007 by al_mazuona Link to comment Share on other sites More sharing options...
أزهاري Posted يوليو 18, 2007 Report Share Posted يوليو 18, 2007 يسلمو عالقصة الحلوة وفي انتظار بارت ثاني تحياتي .. أزهاري Link to comment Share on other sites More sharing options...
بنت الحداده Posted يوليو 19, 2007 Author Report Share Posted يوليو 19, 2007 السلام عليكم .. معني ما شوف تشجيع لكني بحط هذا البارت وبشوف الردود .. اذا حسيت أن القصة مالها ذاك الصدى مارح اكمل هذا البارت على بعد كم متر دار هيام .. هايم :يا ربي ابي اناااااااااام ذبحني الاجا شنو هذا تارسينه لنا خرابيط وحنا انيي نحفضهم باقي لي صفحه اووف كملت هيام الي بقا لها وراحت طيران على سريرها ورقدت على طوول يوم ثاني يات ام طارق تقوم هيام عشان تروح عليها ختبار الصبح اليوم ام طارق بحنيه:هيووم.. هيوم<< عيزت الام ام طارق:هياموووه وويعه قومي هيام وعينها مغمضه:يمه حبيبتي انتي الله يخليج لدريول شوراه بروح بعد شوي ابي انام ام طارق:قومي اليوم اختبارج الصبح هيام فزت:اوووه نسيت انه اليوم ختباري الصبح قامت هيام بسرعه لبست مريول المدرسه وسحت شعرها وربطته بسرعه توها بتركب السياره تذكرت انها نست تلفونها ردت بسرعه خذته وردت بسرعه هيام :عصام يلا بسرعه حرك عصام .. راحت هيام المدرسه بسرعه ولحسن حضها راحت قبل لا يبتدون لختبار شافت شيخه تحمد ربها انه هيام يات ريم في صف هيام لكن ما في بينها و بين هيام أي علاقه بدت المعلمه توزع الاوراق شيخه:هيوووووم هيام تشوفها وتضحك:هاه شيخه: اشوله متأخره ؟؟؟ هيام:اوف راحت علي نومه المعلمه لاحظة انه شيخه وايد اتكلم هيام المعلمه:هيام لو سمحتي ممكن اتين مكان ريم؟ هيام : معلمه مايصير هذا رقم معقدي المعلمه : ما عليج انه برتب الاوراق بس انتي غيري مكانج هيام تمت اتشوفه شيخه الي شوي وتصيح هيام قامت من مكانها لاحول ولا قوه ويات ريم بكل ادب مكان هيام شيخه صارت عينها حمره توها ما بدت في لختبار و غيرو مكان هيام لا بالله رسبت ريم لاحظت على شيخه انها متوتره و حالتها حاله ريم بهمس:فيج شي شيخه لتفتت لريم :اله اشيااااء ريم:مشيره في شي شيخه بهمس عشان لا تلاحظ المعلمه و تشيل ريم الي نزلت عليها من السما:كل شي بتسمت ريم :اوكي خليني احل او اعطيج كل شي بس تره يمكن في اشيه غلط شيخه بتسمت لريم وضلت يازعم اتشوف الاسأله بمتعن <<يا زعم دارسه بعد نص ساعه من وقت لختبار كملت ريم لختبار الي كان ولا اسهل بالنسبه لوحده دارسه مثلها ريم تتلفت يمين يسار اتشوف شسوي المعلمه المعلمه اول ما لهت فتحت ريم ورقتها وضلت شيخه تنقل لين خلصت اول صفحه<<في النقل ولا اشطر قبل ما تلاحظ المعلمه ريم اشرت لشيخه انها بتعطيها الباقي اول ما تغفل المعلمه و بالصدفه يا للمعلمه اتصال لهت فيه ونقلت شيخه كلشي وضلت اتوزع ابسامات بعد ما كملت لفت شيخه تشوف وين هيام الي سوت في لختبار ولا احلا هيام اتأشر لشيخه بستعجاب؟ شيخه بتسمت واشرت لها انها بتقولها كلشي بعد لختبار بعد ما كملو لختبار طلعت شيخه من الصف وراها هيام لكن مو قبل ما شكرت شيخه ريم الي صارت رفيجتها <<في ثواني هيام:شسويييييييتي؟!! شيخه :اذا انتي 99 انه 100 هيام مستغربه:ها!! شيخه :ايييييه هذي ريموووه غششتني فن والله ما خلت حرف ما عطتني اياه كشخه هذي خلاص صارت رفيجتي هيام:من ريم؟؟ شيخه :الي بدلو مكانج وياها هيام:اييييه عرفتها انزين شحقه غششتج!! شيخه :فديتيييتهاا ريماني والله تعالي اعرفج عليها هيام راحت ويا شيخه لريم الي قاعده معا رفيجتها شيخه:هلا ريموووه ريم شافت شيخه بتسمت لها:هلا فييج شيخه :اعرفج بنت خالتي هيام اكيد اتعرفينها ولا احنه في صف واحد ما نعرف بعض ريم:ههه اكيد اعرفها مو احلى وحده في الصف هيام :ههههههههه حرام عليج اضاهر ما شفتي روحج انتي اتهبلين بعد ريم :ههه لا انه يعني عادي انتي غيرر سبشل اوردر شيخه:انزين ريم بقولج شرايج اتين بيت هيام بكون انه بعد اهناك ريم: مته ؟ هيام:اول ما نكمل ختبارات ريم تذكرت انه رامي قال بيطلعها:يعني ما يصير بعد بيوم؟ هيام :شله؟ ريم:لانه اخوي قال بيطلعني وبصراحه خاطري اطلع معاه شيخه :شكبر اخوج؟؟ ريم:ثنين وعشرين سنه شيخه:شلون شكله.. ريم :ههههههههههههه عندي صورته في بوكي تبين اتشوفينه شيخه: sure طلعت ريم الصوره تمت شيخه ساكته هيام ما نتبهت للصوره كانت اتكلم وحده رفيجتها شيخه:حلفي هذا اخوج ريم:هههه أي شفيه؟ شيخه :يهبلللللل .. حلووو شنو هذاا من وين يايب كل هل حلاه جنه مغني ريم:ههههههههههههه مسكين اخوي اصلا ما في شي مبهدله غير هل حلاه شيخه مستغربه :اشله ريم: لانه لازم لين ايني ايحصل له جم كلمه من الناطور زف عشان عباله الناطور انه ياي ايغازل شيخه :قمرر ماشالله علييه رن الجرس شيخه وهيام واقفين وريم حطت الصوره بسرعه في البكووك وقامت .. .... الصوره طاحت شيخه شفاتها شالتها .. وي فديته باخذ الصووره ريم من غير ما تحس على الصوره الي طاحت .. شافت اخوها وراحت معاه شيخه للحين مسحوره بجماله .. بس كان احساسها هذا ما يتعدا الاعجاب بشكله معنا شيخه ما يوم ذلها واحد و عجبها شكله غير هذا هيام كانت اليوم ويا شيخه شيخه :هيووووم هيام:هاه؟ شيخه:شفتي ريم؟؟ هيام:شفيها؟ شيخه:عندها اخو الله لا يراووويج هايم: يلا عاد قامت اتبالغ شيخه :وييي والله من صجي هيام:انزين .. شفيه؟ شيخه:خذيت صورته خلاص انه معجبه هيام: شيخوو من صجج انتي؟ شيخه :ايييييييه اليوم راحت وطاحت الصوره خذتها خلاص بكبر الصوره وبحطها في حجرتي ولين دخل ستار اكدمي او شي بصوت له هيام تغمز لها: عبالي الاعجاب الي يليه الحب شيخه:لا انه ما ابي احب و بعدين شلون احب واحد ما شافني ولا عرفني انه ما ابي احب بعيد بعدي عن هل بلوه هيام:ازين عطيني اشوف الي ختبلتي عليه شيخه:NO WAY انه الحين حاطه الصوره في مكان امين ما بطلعها لين رحنا بيتكم براويج هيام انصاعت لاوامر شيخه ... ريم معا ضعف حالتها الماديه ما تحسس نفسها بأنها اقل من غيرها يعني دوم اتخلي اخوا اييب لها الي تبيه ما تبي اتحسس اخوها انه مقصر وصلو شيخه و هيام البيت شيخه :وينه هذا اخوج هنوي خلا اقوله يطلعنا هيام :كاهو مرتز يشوف التلفزيون شيخه راحت لهاني شيخه:هنوووي.. << مسفه لها شيخه:هنوي و صمخ هاني:هاااااه شتبين !! شيخه:بتطلعنا اول ما نكمل ختبارات؟؟ هاني يغمز لهيام:هه مو قبل ما تعرفون شرطي هيام:والله يعني بتذلنا ويا ويهك عشان بتطلعنا شيخه:صبري نعرف شرطه هاني:هاه .. قلت انه من زمان ما كو حد يفهمني غير شواخه شيخه بنفاذ صبر:خلصنا قول شرطك هاني:تدورون لي بنت فلاا شيخه :صار.. عندنا وايد بنات صيع ما عندنا اله ولد خالة اسمه هاني واحد هيام تشوف شيخه بنص عين هاني:ايوااا شواااخه عاد ما وصيج ابيها كووول يعني شكلها كشخه عشان لا مشيت وياها ما تفشلني شيخه :افا عليك بتسبح روحها لبنت الي بتشوفك بالميك اب لا تخاف .. بس وين بتودينا هاني:الي تبون شيخه:مو مشكله انقرر بعدين هيام:ازين اشله ما نروح البحر خاطري والله من زمان ما رحت شيخه:مو مشكله لكن عقب البحر اخوج بيعشينا على حسابه <<تغمز له هاني بقشمره:لا والله انه واحد ما عندي فلوس مفلس حدي هيام:سخييفف هاني:انتي شفيج علي اليوم؟؟ هيام:ما تشوف انت شقاعد اتقول هاني:والله يا هيام انه ما قاعد اتعده التلفونات واذا زادت طلعه برئة هيام:او هذا عادي بالنسبه لك تدري لو ابوي عرف شيسوي فيك؟؟ هاني:اوهووو انتي شفيج ابي استانس حسي فيني شوي والله هيام :كيفك انه ما يخصني لكن لو شفت الويل من ابوي لا تشتكي شيخه:انزين هيوم يلا نروح فوق ابي ادش مسن هيام:يلا قومي راحو فوق شيخه : اول مره دارج اتصير منوره كل مره ظلام اكيد حاطت لج ليت زود هيام:احم منوره لاني دخلتها شيخه:لا اصلا منوره لني شيخت البنات داخلتها هيام: خبله شيخه راحت عند الكمب الي حتى الكبيوتر مسويته وردي من كثر الاشيه ولالعاب الي عليه شيخه:حاطه باسورد معا ويهج هيام بفخر:أي لازم كتبت هيام الـــPASSWORD دخلت شيخه ايميلها ويا مسرع ما فتح شيخه:اشله عندج يفتح بسرعه ؟؟ هيام:لازم مو كمبيوتري شيخه:انزين براويج وحده خبله امس ضايفتني هيام:مب بنت جيرانكم؟ شيخه:ايييي اهيه هيام :ازين اهي مب اون احين شيخه :يا زعم شاطره يعني ما تدش ايام لختبارات هيام:ههه شعليج من البنت تبي تنجح شيخه:خلينا منها تدرين انه هاي ريم وايد عجبتني هيام:قولي عشان غششتج شيخه:ههههههههههههه جاكتني هيام:اهيه شله غششتج يعني انه خبري البنات ما يغششون كلش شيخه:اصلا الي يشوفني ما يقدر ايقاوم جمالي يعني على طول ينسحر او يخدمني بعينه هيام:صدقيني فيج خلل مب صاحيه شيخه:المهم خساره اليوم ما شفت اخوها يوقف بعيد هيام:أي صج وينها صورته شيخه:الحين خلج من الصوره بخليها بعدين شوفيها ابيج تشرحين لي بسرعه في الفيزيا ذيج المسألة قبل لا ارسب با جر ما خاطر اسوي مثل اليوم وقعدت هيام تشرح لشيخه نص ساعه او اول ما كملوا الا ناصر اخو شيخه متصل ناصر:اللووو انتي نقعتيني برا يلا طلعي شيخه :اوكي الحين باطلع شيخه حطت لها الصوره على الطاوله شيخه:شوفيها هيام: اوكي نزلت هيام اتوصل شيخه لعند الباب طلعت شيخه لخوها ناصر:شفيييج هلون تأخرتي؟؟ شخه :هيوم كانت تشرح لي ناصر بتردد:اهاا .. الا اهي شخبارها شيخه بنص عين:تمام .. ناصر البنت تحسك مثل اخوها لا تفكر يعني انها في يوم اتحبك ناصر ..... ناصر انسان حنون شكله عادي جدا جدااا معجب في هيام اعجاب مو طبيعي معا الايام صار هل اعجاب حب يعاني منه ناصر هيام صعدت دارها عندها لهفه اتشوف الصوره كانت الصوره مقلوبه قبل لا تشوفها قعدت اتفكر شتستفيد اهي لو جافته اهي مو من النوع الي يفكر بهل سوالف ولا الي عنده سوالف معا صبيان لكنها تحس بلهفه رفعت الصوره ونصعقت أي جمال الي يملكه هذا الانسان!! شنو هذاا مو طبيعي بعد شوي حست على نفسها صج إني سخيفه قاعده اتأمل صورت الريال ومخليه دراستي .. بس الحين وين اخلي الصوره اخاف ايي هاني او جسوم ويشوفونها ويفهمون الموضوع غلط.. فكرت وايد كل مكان في دارها ممكن جسوم او هاني يفتحونه الا بوكها لانه فيه صور ربعها بس تمت اتفكر من هذا الي انه يايه بحط صورته في محفضتي.. حطت صورته في محفضتها وقعدت كل ما تبي تفتح لكتاب تفكر في الصوره .. اوه انه ليش شاغله روحي فيييييه اهو حتى ما يعرفني على قولت شيخه .. راحت هيام عند المنظره وقعدت اتشوف نفسها يمكن هذا الاحساس لاني ما تعودت اشوف حد احلى مني اووه يا ربييي قعدت اتفكر يعني اهو احلا مني !! بس ليش افكر هلون عادي انه شلي اووف كلها تفكير وهم وغم هيام مو من نوع الي تغير لو شافت حد احلى منها بس اكو شي ثاني !! .. هيام نفسها ما تعررفه هيام دقت على شيخه الي وصلت البيت وراحت في سابع نومه شيخه ونوم في عينها:الوووووووووه هيام :قومي بسج نووم شيخه:هيوم حرام عليج توني راده البيت هيام بملل:اووف قوميي شيخه عتدلت في قعدتها :ها شتبين؟ هيام:تعالي خذي الصوره شيخه:الحين انتي من صجج مقعدتني من حلات نومتي عشان ايي آخد الصوره من عندج باخذها باجر هيام:لاااه الحين تعالي خذيها شيخه:ليش شصار اخوج شاف الصوره.؟؟؟؟؟؟؟ هيام:لا .. بس تعالي خذيها شيخه:اشله!!!! عطيني سبب هيام:مافيها شي بس انه مو متعوده تكون عندي صورت حد ماعرفه ومتضايقة شيخه:انزين خشيها او لا تشوفينها هيام:مجرد وجودها صوبي احس إني موب على طبيعتي تعالي خذيهااا شيخه مستغربه من هيام :اوكي اوكي انه الحين بيي او بشوف شسالفه بعد ربع ساعه وصلت شيخه دخلت دار هيام خذت الصوره وضلت تتأمل بتسامت رامي الي ولا احلا بس شفيها هيام اشحقه هل توتر شيخه:هيوم اكيد في سبب هيام تمت اتشوف شيخه:لا ما فيه سبب شيخه :يمكن لانه انتي اتحسينه احلى منج هيام :ما دري .. بس انه ما عمري فكرت هلون شيخه:مبله ماكو الا هلون بس تره اطمنج معن بصراحه احلا واحد شفته لكنج احلى منه هيام بتسمت لشيخه شيخه:الا بسألج انتي مته شفتيه هيام:اول ما طلعتي شيخه:تدرين خاطري اشوفه في الصج هيام:....... شيخه:ونتي؟؟ هيام بغرور:ما يهمني شيخه:ههههه شفيج بتدشين ويا الريال حرب بس لانه عبالج انه احلى منج مسكين اهو شذنبه هيام:خي يوليي شيخه:ههه الا قوليلي درستي شي؟ هيام:ويا الصوره الي يبتيها وين ادرس بالله عليج خذيها بعدي عني وذلفي خليني ادرس شيخه :الحين مناديتني عشان تطرديني معليه اوريج طلعت شيخه وضلت هيام مكانها راحت شيخه وهي تفكر شفيها هيام غريبه اول مره اشوفها هلون بعد ما طلعت شيخه ارتاحت هيام وكأنه هم ونزاح عنها و ردت تذاكر شوي ويا المسى منظر الشمس عند البحر في المينا ولا احلى .. في الميناء رامي وطارق وعادل .. قاعدين معا بعض وكنهم يعرفون بعض من سنين رامي:مافيه الا انسوي قرعه ولي يطلع اسمه عليه العشا طارق :انه موافق عادل:حتى انه بس انه طبعاً الي اسحب طارق:لا انت يدك شكلها منحوسه يطلع علي بعدين العشا انه بسحب رامي:لا انت ولا اهو انا طارق:شله الاخ يده مبروكه! رامي بفخر:اجل اجل عادل كتب الاسماء في ثلاث ورقات و طواهم طارق خذ الاسماء و رجهم في يده رامي:احم احم Link to comment Share on other sites More sharing options...
عواااشي Posted يوليو 19, 2007 Report Share Posted يوليو 19, 2007 تسلمين اختي على البارت و ننتظر التكملة على احر من الجمر <<<<<<<<<مرسي Link to comment Share on other sites More sharing options...
Recommended Posts