محرقاويه مفتخره Posted يوليو 22, 2007 Report Share Posted يوليو 22, 2007 مشكوره خيتو ع البارتوننتظر بارت يديد جريب =) Link to comment Share on other sites More sharing options...
بنت الحداده Posted يوليو 22, 2007 Author Report Share Posted يوليو 22, 2007 السلام عليكم .. حبيت أنزل البارت الياي عشان خاطر رفيجتي الغاليه خخخ >> أفا عليكم عشانكم كلكم عصام:حااااضر هيام نزلت ويا شيخه او اول ما دخلو هيام من يقدر ايشوفها و ما يعاكسها صعب!! اول ما دخلوا طلال واحد من الشباب الي اربعه وعشرين ساعه في السيف شغلتهم الشاغله ملاحق بنات خلق الله طلال يرمي شوي كلام على شوي نغزات .. هيام طالعت شيخه بنظرة ترجي شيخه:ما عليج منه ما يقدر ايسوي شي راحو يدورون عند المحلات و ضل طلال و ربعه يلحقونهم رامي وريم كانو بالصدفه يتسوقون بنفس المكان شيخه شافت ريم بس ما شافت رامي لانه كان يكلم البايع .. ريم تشوف شنو موجود بالــ shop شيخه:هيوم.. اكا ريم تعالي نسلم عليها هيام سمعت ريم تذكرت انه الي كان في الصوره هو... هيام:وينها؟ شيخه :اكيه في المحل الي هنيه شيخه وهيام راحو لريم شيخه وهي اتخرع ريم : ريمووووه ريم خترعت من قلب:بسم الله . خرعتيني جذي تسوين فيني حرام عليج شيخه:ههههههههههههههه .. شخبار ريموه؟ ريم ببتسامه:تمااااااام ونتي؟ شيخه:تمام ريم:هلا هيووم شخبارج هيام بمزحه:بموووت من الخوووف ريم:ههه شله هيام:تخيلي هذي شيخو خلتنا انيي هني هل حزة من غير ريال ريم:والله عيل تعالو وياي شيخه:يعني انتي الي حالج احسن من حالنا اكاه بروحج ريم:لا ويه اخاف انه ايي بروحي وياي اخوي هيام خفق قلبها مره وحده توترت ........ شيخه :والله وينه الغاوي مان خلنا انشوفه لفت ريم لاخوها الي يسولف ويا البايع وعاطيهم ظهره ريم اتأشر على اخوها:هذا هيام التفتت احساس اقوى من أي احساس صادها في هل وقت تبي اتشيل عينها عنه بس ما قدرت اقوى منها يخفق قلبها بكل غرابه عمره ما خفق قلبها هل خفقان شالت عينها عنه وهي تحس بهل احساس الغريب اعجاب مو اكثر ايييه .... شيخه:يحليله ريم:ههههه ها شقلتو اتيون ويانا قبل لا اترد شيخه دخل طلال المحل وقعد يقول كلام لهيام وهي ساكته وعاطيته ظهرها مو حزته خوف وتوتر ورجفه حاله ما نحسد عليها .. طلال:يل حلوه عطينا ويه عاد لتفت رامي لطلال الي قاعد يقط نغزات لهيام الي ما شاف منها غير ظهرها رامي راح له:شبغيت خوي طلال تأمل رامي الي جسمه بس يوحي بالخوف لأي واحد يفكر يتهاوش معااه لكن عشان لا يطلع ضعيف جدام البنات طلال:شتبي انت وخر زين رامي يود جتف طلال وضغط عليه بقوه :قلت لك شعندك معاهم!! طلال خاف رامي فحب ينسحب من الموقف طلال:وخر يدك الشرهه علي الي اكلم ناس بهل حقاره رامي كان اطول من طلال و وقفته فيها هيبه يود طلال من قميصه وبهدوء:اعتذر طلال استغل هدوء رامي:انت شفيك مب صاحي "بستهزاء"يا اخ؟ رامي عاد الي قاله وبهدوء:اعتذر طلال:شفيك انت خبل اعتذر لمنو؟؟ هيام تمت تتأمل هل انسان يقول له يعتذر لي تتأمل ويهه ما يهمني رامي بقوه:للبنت هيام حست بيوقف قبلها يقصدنيي رخت راسها أحساس غريب في قلبها ماتدري شتسميه يو ربعه كل واحد شكله اخس من الثاني الي لابس تراجي ولي شعره حالته لله و ما دري شلون ولي بناتي حالتهم لله ما حط لهم عتبار رامي لهم رامي وهو يشد قميص طلال:بتعتذر ولا شلون؟ ريم خايفه على اخوها مو عارفه شسوي :بس رامي خله رامي:مب مخليه الا لمن يعتذر للبنت واحد من ربع طلال:واذا ما عتذر؟ رامي مد يده وسحب رفيجه :شفت روسكم ذي؟ رفيج طلال:هي انت خلني شفيك منت بصاحي؟ طلال:اظاهر جذي رامي كمل كلامه:والله لخليكم تنزفون طلال من صج حس بالخوف:زين زين بس مسامحه رامي بقوه دز طلال بس رفيجه للحين رفيج طللال:خلني انه بعد لا شتنطر تره بنادي لك السكيورتي رامي:اذا رديت شفتك انت ويا المهابيل الي معاك تتعلفون في خلق الله بتشوف الي ما يعجبك دز رفيج طلال اهو الثاني وراحو ذلاك بسرعه رامي لتفت للبنت الي لا تعليق على احساسه يوم شافها مرخيه راسها رامي:تقدرون تمشون و انه بامشي وراكم شيخه بدلع : thanks رامي ما رد عليها ضل بس يفكر في هذيك البنت الي مرخيه راسها أي جمال ذا !!... حاول يتناسا رامي الموضوع وهو يمشي وراهم و ما يرفع عينه ويشوفها حاس بحساس غريب لمن يطالعها ويشوفها آآه يرامي مو وقته الي تنعجب في وحده انت لازم اتكمل دراستك وتشتغل وتغير حيات اهلك .. بس البنت .. شفيها البنت يمكن اهيه ما تدري شلون شكلي حتى .. تابع رامي حديث عقله وهو يمشي وراهم البنات مستخفين على رامي و على اناقته و لالكثر هيبته و مشيته جدام عند ريم و هيام و شيخه شيخه:ريموووووه هذا شنو اخووج شنو حلووو شنو يهبل يا ربي يا ريت عندي هلون بس عاد مو اخو ريل ههههههههه .. ريم:ههههه مينوووونه انتي والله شيخه:وين بتروحون بعدين ؟ ريم :البحر شرايكم اتيون؟ شيخه:ايييه .. صراحه الي يشوف اخوج تنفتح نفسه للطلعه ريم:هههههههههه دخلو محل ثاني دخلو و ضل رامي برا عند باب المحل ينطرهم ريم شافت البياع شاب فحبت انه يكون رامي وياهم اشرت لرامي يدخل دخل رامي و ضل يشوف هيام بعينه الي ياما يننت قلوب و ياما سحرت عيون عين سحريه بمعنى الكلمه معاني الدنيا فيها هيام ما كانت تدري انه رامي دخل shop و لتفتت من الي كانت لاهيه فيه و شافته يطالعها رامي شافها حس بنغزه في قلبه تناسا هذا الأحساس لكن ما قدر ما يبتسم لها .. هيام شافت ابتسامته رقع قلبها رقعات قووويه بشكل حتى كانت خايفه تسمعهم شيخه قعدت اتفكر اشله ابتسم لي ؟؟ اوه اكيد ما فيه سبب آآه يا ربي شنو هذا الي حس فيه اكيد اعجاب عادي ايييه ما كو شي غير.. رامي شاف اخته متورطه ما تعرف شنو تختار فراح لها وكانت هيام اتراقب تحركاته حركه حركه من غير ما تركز عينها عليه رامي بحنيه:ها في شنو متورطه ريم:آخذ هذي ولا هذي؟ رامي :الاصفر احلا وايد عليج ريم:ما عتقد !! رامي:انتي شوفيها على يدج لبست ريم السويره الي ختارها رامي وصج السويره طلعت احلا من لسويرتين الي كانت ريم تبي تاخذهم ضلت شيخه تشوفه بتعجب !!! طلعو من المحل وخلصو شرو لهم الي يبونه شيخه وريم لكن هيام.. ما قدرت تختار شي كلش من وصلو السياره هيام غصبن عليها رفعت عينها قعد اتشوفه وهو يفتح السياره وهو يدخل واول ما شغل السياره حول نظرته لها شيخه واقفه تكلم ريم لكن هيام ما كانت معاهم كلش تم يشوفها و اهيه بعد بقوات عين اتشوفه و مو هامها تشوفه بنظره قويه معنا من داخل تحترق من نظراته الي يبين من على ويهه انه فرحان عشانها تشوفه و انه متونس بشوفتها رامي من جهه ثانيه و شعرات جسمه الثابته وقفت من نظراتها قلبه يرقع بقوووه اول مره يصيدني هلون يحس معا قوته انه ضعيف جدام هل عين يحس بصغر حجمه جدامها هذي الانسانه الي هزته نااار تحرقه لمجرد نظرتها له .. يرتجف رجفت الياهل معا قوته ورجولته .. كل ما يشوفها جميله بمعنى كلمة جميله هل بنت .. شلون ما انعجب فيها هيام حست انها حرب بينها و بينه و ما رفعت عينها عنه ما شالتها ضلت اتشوفه بقوه.. انه اقوا من هل احساس انه واثقه لكن نظراته هم اقوا منها خسرت هيام الحرب ما قدرت اتقاوم نظراته الحنونه الي كلها معاني ورخت عينها بضعف .. شيخه:اوكي ريم عيل انشوفكم وقت العشا ريم:اوكي.. يلا بااي شيخه:هياااام انتي وين سرحتي؟ اتقولج البنت باي ونتي مفهيه هيام توها وتعت :هاه.. sorryريم بايات ريم بتسمت لهيام ودخلت السياره رامي سكت و ما حب يقول لخته .. لانه مب متأكد من الي يحس لاه انه اصلا ما حس بشي هذي مجرد شعور عادي.. بس هذا الأحساس اقوا مني و خلاني و لاول مره اشوف بنت بهل طريقه لاا انه شقاعد اقول ما صار شيء ركب هيام السياره و قطت روحها على السيت شيخه ركبت عقبها و اهيه مستغربه من هيام اول مره هيام تشرد بهل طريقه!! شفيهاا؟ شيخه:هيوم؟ هيام وهي ميوده راسها :هاه.. شيخه:شفيج اليوم؟؟ هيام بتوتر:هاه .. لاه ولاشي شيخه:هيوم متأكده؟ هيام:ا..ي شيخه:لا انتي اكيد فيج شي مو طبيعيه هيام وهي ميوده راسها بقوه:شيخوووه please خليني شيخه حست انه هيام شارده ومتضايقة وايد فما حبت اتضايقها نزلو بيت بو طارق هيام دخلت البيت بسرعه ما سلمت ولا شي و ركضت على دارها جاسم وهو مستغرب:شصار!! شيخه اتروح عنده:ونت بس همك بطنك ؟ كان قمت وصلتنا هاا جاسم مستغرب:اشله صار شي اشفيها هيوم؟؟ شيخه وهي تفكر:والله حتى انه ما دري شفيها طول الطريج وهي مو طبيعيه.. اروح اشوف شفيها احسن لي من مقابل ويهك جاسم بغرور:تتشرفين تقعدين تشوفويني ويا ويهج شيخه:واااع ما دورت الا انت ما قط حياتي شفتك من غير شي تاكله مايصييير جاسم يرمي عليها المخده الي على الغنفه:مالت عليج راحت شيخه بسرعه فوق من غير ما تلتفت له حتى .. دخلت شيخه بهدووء دار هيام الي شافت فيها هيام قاطه روحها على السرير وتفكر شيخه بمزحه:شتفكرين فيه.. اكيد عجبج اخوها وتبين تبوقين صورته من عندي لا تفكرين تاخذينها لتفتت لها هيام اول مره تشوف بنت خالها هلون تحسها سخيفه بتفكيرها ومتضايقه لانها ماخذه صورته ومحتفضه فيها شتستفيد لو خذتها .. تحبه؟؟ ايه يمكن عجبها وتحبه.. حست انها موب قادره تتنفس اشله ما تدري اكيد هذا لاني خايفه على شيخوه من الحب وبهدلته .. او... لا لا لا لا انه شلون اسمح لنفسي افكر بهل تفكير اهوه مستحيل يعجبني.. بس ليش لا.. لا اكيد لا انه اصلا تفكيري فيه هذا مجرد هوس غبي انه قاحمه روحي فيه .. اشله شاغله بالي فيه تلاقينه ما يدري عني ولا يعرف اسمي حتى.. اوووه انه شستفيد لو عرفت انه يعرفني خلا يولي هذا الانسان ما يستحق افكر فيه.. شيخه:هيييييييي انتي اكلمج انه.. هيام توها وتعت:هاه.. فيه شي شيخه وهي تحط يدها على خصرها:يا سلاام .. يا سلااام. الحين انه طاحت حنجرتي ونه اكلمج وتقولين لي فيه شي؟؟؟؟؟ هيام:شقلتي؟ شيخه:وايد اشياااء مت ونه احاول اقعدج من سباتج هيام ببتسامه:ههههههههه .. والله مشغوول بالي شيخه تغمز لها:بمنوو .. لاا تقولين برامي هيام بعد اسمه رامي.. اوووووووه و خير يا طير يعني بالصدفه اسمه مثل الاسم الي يعجبني.ايه بالصدفه وهو شكله صايع .. انه شحقه معوره راسي فيييه .. شيخه:هي انتي شفيييييييييييييج كله تشردين وتروحين عالم ثاني؟ هيام:ما روح محل بس شوي بالي مشغووول شيخه:قلتيلي ولضاهر الي في بالي صح هيام :شنو الي في بالج؟ شيخه وهي تتنهد:راااااااامي منو غيره الغاااوي مااان هيام بقهر مجهووول تفسيره:لا والله ما عاش الي يشغل بالي شيخه وهي تدزها:علييييناا هيووووووم هيام:لا عليج ولا شي اصلا لو فيه شي قلت لج من زمااان شيخه:والله اشك فيج انه مو قادره اصدقج هيام بغصه:انتي الي تحبينه وتموتين فييه شيخه وهي تبي تعرف الي في هيام تبي تقهرها عشان عارفتها غيوره لدرجه موب طبيعية:أي والله الريال غواني مستخفه عليه ما تمر دقيقه ما افكر فيه فيها مينني .. هيام وقلبها متقطع ما تدري شحقه هامه روحها تحبه ولا يحبها!:روحي له شله قاعده وياي عيل؟ شيخه ميوده ضحكتها:آآآه يا ريت بس مضطره انطر بعد ساعه لين يصير وقت العشا لني كنسلت سالفت البحر معاهم هيام وهي رافعه حاجب واحد:لايكون بنتعشا وياهم شيخه وهي تتعمد اتغيضها:شنو تقصدين بصفت الجمع بس انه انتي بتقعدين هنيه سمحي لي ما ارضا رموي يشوف غيري هيام نار و شبت في قلبها.. هذا هل رامي اول ما سمعت اسمه في بالها انتاباها شعور غريب .. انه شلي احس فيه هذا .. اكيد لاني اول مره اشوف واحد مثله ايييه ما فيه غير هل سبب .. هيام بقهر غير مفسر:ميته عليه يعني روحي انتي بروحج شيخه حاسه انه هيام تختبص كل ما تيب طاري رامي.. بس قالت اتأكد اكثر احسن:آآه مته بس مته؟؟ هيام وهي حاسه انها تبي تذبح شيخه عشان تطلع حرتها: و انتي اشله اتقولين لي شيخه:لاني بعد شوي بتصل في ريم و بقولها تخلي اخوها الغاوي مان ايي ياخذني هيام صج مقهوره بشكل مو طبيعي .. شفيها شيخه مو على طبايعها و انه بعد شلي باط جبدي كيفها تدق راسها في الطوف اهيه وياه .. حولت نظراتها لشيخه الي شيخه ستغربت من نظراتها لها غريبه شفيها هيوم علي شكلها معصبه.. شيخه:شفيييج؟ هيام وهي تقوم وتروح عن المنظره:ولا شي.. شيخه:الا فيج و فيج شسالفتج انتي و من صجج بتخليني اروح بروحي؟؟ هيام فلت شعرها الحريري وقعدت تلعب فيه :ايه لا تتوقعين اطلع ويا واحد مثل هذا شيخه وهي تقعد عند هيام:افااا هيوووم بتخليني اروح بروحي .. هيام بغصه:عشان تحلالج القعده وياه شيخه وهي ميوده روحها عشان لا تضحك:ما عليه انه بقوله ما يطالعج بس انتي تعالي هيام اتقوم بعصبيه:اوووووه شيخه.. خلي لج مب ميته عليه شيخه تقوم وراها:ههههههههه خلاص تعالي انتي ولا عليج منه هيام بتحدي:اوكي.. هيام في قلبها كانت اتفكر ما تروح بس مجرد انها تتخيل انه يكون ويا شيخه و ريم بروحه تنقهر.. انه هذا هل ريال ما يهمني وياويهه .. مادري اشله افكر فيه صج انه ينيت .. عند رامي وريم الي يمشون عند البحر بكل هدوء رامي الي كان شارد بباله على غير عوايده خاصه لين كان ويا اخته يركز كل حواسه وياها ويسولف و يتكلم او اذا اهيه شردت يتطنز عليها بس.. هل مره غير شاف هذيج البنت الي.. الوصف شويه على جمالها ولحراره شويه على نظراتها..الي..اقشعر بدنه لنظراتها يتذكر نظراتها وكأنها للحين اتشوفه.. يحاول يتناسا الموضووع ما يبي يحرج اخته هذي رفيجتها.. بس الي صاده ماكان شي عادي .. يمكن لازم اذعن و اعترف و اقول انه معجب فيها .. و اتمنه ما يزيد هل اعجاب اختي ما ابي افشلها .. هذي رفجتها او اكيد ما ترضا عليها..... ريم وهي تدزه :رامميييييييييييييييييييييييييييييييييييييييييييييي رامي توه يوتعي:هاه؟ ريم:يا صباح الخير انه صار لي سنه اناديك اتمنه تعطف علي وتوتعي ونت يوم باح صوتي توك وبكل برود.. تقولي ها!! رامي وهو يبتسم:sorry بس والله مو ذنبي ريم وهي تغمز له:شسااالفه .. من الي شاغل بالك رامي ما يبي يقول بس توهق ما يعرف يجذب على اخته اعز انسان في هل كون على قلبه:ههه لا بس افكر في عدول ريم:اهااا .. توقعت شي ثاني رامي وهو يشوفها ويلاحظ نظاتها: شتوقعتي؟ ريم:يمكن يعني شيخه عجبتك ولا شي؟؟ رامي:من شيخه؟؟ Link to comment Share on other sites More sharing options...
es7a8ey Posted يوليو 22, 2007 Report Share Posted يوليو 22, 2007 يعطيج العافيهـ عالقصه الروعه وبانتظار البارت الياي .. Link to comment Share on other sites More sharing options...
أم حماني Posted يوليو 22, 2007 Report Share Posted يوليو 22, 2007 ميرسي عالبارت Link to comment Share on other sites More sharing options...
&&Nice girl&& Posted يوليو 23, 2007 Report Share Posted يوليو 23, 2007 ثاانكس يعطيج العافيه ننتظر التكمله Link to comment Share on other sites More sharing options...
عواااشي Posted يوليو 23, 2007 Report Share Posted يوليو 23, 2007 مشكورة اختي على البارت و في الانتظار.................... Link to comment Share on other sites More sharing options...
اسيرة احساسي Posted يوليو 23, 2007 Report Share Posted يوليو 23, 2007 تسلميييييين ننتظرج بليز لاتتأخرين علينه Link to comment Share on other sites More sharing options...
غصون المحبة Posted يوليو 23, 2007 Report Share Posted يوليو 23, 2007 يسلمووووو على البارات ننتظر تكمله Link to comment Share on other sites More sharing options...
عواااشي Posted يوليو 23, 2007 Report Share Posted يوليو 23, 2007 في الانتظاااااااار ...... Link to comment Share on other sites More sharing options...
اميرة الاحساس Posted يوليو 23, 2007 Report Share Posted يوليو 23, 2007 تسلمين على القصة الرووعة ننتضر البارت الياي.. Link to comment Share on other sites More sharing options...
Recommended Posts