مشدخ Posted يوليو 23, 2007 Report Share Posted يوليو 23, 2007 يسلمو على البارت Link to comment Share on other sites More sharing options...
محرقاويه مفتخره Posted يوليو 23, 2007 Report Share Posted يوليو 23, 2007 ثاانكس يعطيج العافيه ننتظر التكمله Link to comment Share on other sites More sharing options...
بنت الحداده Posted يوليو 23, 2007 Author Report Share Posted يوليو 23, 2007 تسلموووون حبااااايبي على الردود وهذا البارت لعيوووونكم .. رامي:من شيخه؟؟ ريم توقعت شيخه لانها لاحظت نظراتها كلها اعجاب له لكن ما كانت تدري انها مجرد اعجاب بشكله لا اكثر..:الي يات سلمت علي رامي تذكر و حمد ربه انها ما قصدت هذيج ألي للحين رامي لا تعليق على الي صاده لما شافها:ههههههههههه لا شله يعني؟ ريم:ما دري بس حسيتها تشوفك بنظره مو طبيعيه.. رامي:لا تطمني ما شغلت بالي ولا شي كل السالفه و ما فيها اني افكر وين نطلع انه وعدول باجر آخر الدوام ريم:اهاااا رامي حاول يتناسا ذيج البنت آآه او من ذيج البنت ..:شرايج في البحر اليوم؟ ريم:ليش اهو في احلا منه رامي:آآآه لو بيدي قضيت عمري مقابل هل بحر بس ريم:اوووه مو كأنا نسينا روحنا قلت لهم بنمر عليهم ثمان ولحين ثمان الاعشر وحنا ما تحركنا رامي نروح لهم.. آآه الله يصبرني بس.. رامي:بس احنا ماندل؟؟ ريم:شيخه دلتني الحين انت تحرك بس رامي راح وياها .. وبعد ما دلته .. خذت ريم تلفون رامي وتصلت .. شيخه وهي مقابله هيام المعصبه عليها من كلامها .. رن التلفون وكانت رنتها غاااوي لروبي بتسمت شيخه بتسامت خبث لهيام .. هيام طنشتها شيخه:الووه؟ ريم:هلا شواخه يلا بسرعه طلعو احنا تحت ننطركم شيخه:هلا ريموووه هذا رقم من؟ ريم وهي تشوف رامي بخبث:رامي!! شيخه:حلفييي ريم:والله شيخه:هههههههه ازين انتي ما عندج ريم : لا شيخه:اوكي دقايق ونازلين لج هيام اتشوف شيخه بهتمام :وين رايحه شيخه وهي تتعدل عند المنظره:قولي وين رايحين لانج بتين وياي هيام:وين ؟ شيخه:ما قلت لج بنتعشا وياهم يلا قومي هيام بعناد:ما بيي وبعدين انه ما قلت لأمي!! شيخه:هيااااااام تبيني اروح بروحي يعني يلا قومي بلا دلع هيام فكرت في الموضوع .. هيام:اوكي نطري اقول لأمي .. راحت هيام لمها الي قاعده معا ابوها يشوفون مسلسل عربي ولجو الرومانسي ولا احلا !! هيام : الله الله شهل رومنسيه ما اقدر عليكم والله بو طارق : هلا والله بشمعت البيت روح قلبي .. هيام راحت لبوها وباسته وراحت في حضنه : يبه اتحبني انه اكثر لو امي !! ام طارق تشوف هيام بنظرات وعييد بو طارق يشوف ام طارق ويضحك :هههههههههه .. اكييييييييد يعني ام طارق اشله اكو حد بغلاتها .. حمرت ام طارق هيام : هاااااااا يباا .. عيني عينك تقولها .. بو طارق : اصلا من بعد غلات امج سيييده اتين انتي فديته والله هيام : حبيبي يبه فديتك .. رفيجتي تبينا نتعشا وياهم اروح !! بو طارق : ما في مشكله حبيبتي .. بس من بيوديكم !؟ هيام وهي تحس مو قادره تنطق : اخوها .. بو طارق : عاد هاا .. ما تصير تسع الا انتي هني ترا حذرتج اذا تأخرتي مافي طلعه يومين وتلفونج خليه مفتوح ويمج .. هيام بسات ابوها : واحلا ام شتقول!! ام طارق: بعد راي ابوج ما في راي .. بو طارق بتسم لم طارق: يلا انتي ذلفي خلينا نكمل المسلسل هيام بتسمت .. وراحت عنهم .. وركبت لشيخه هيام وهي تروح عندها : رضوا.. شيخه : يلا يلاا .. نزلت وياها شيخه تنزل بسرعه وهيام تنزل على الدري شوي شوي طلعت شيخه لهم وهيام للحين تمشي شوي شوي يمكن خوف خايفه اترد اتشوفه اووف.. قلبها يرقع قبل لا تفتح الباب ضلت عشر دقايق.. كانت طلعتها اصعب لانها من غير شيخه و لاحظة انه يطالعها وطنشته.. دخلت السياره ريم:شفيج هيوم تأخرتي؟ هيام وهي خايفه يسمع صوتها او بالاحرا مستحيه لكنها كانت اتجذب هذا الاحساس وتقول .. هذا مجد لاني اول مره اركب ويا واحد غير اخواني.. وهلي هيام بصوت خافت مخملي:ولا شي.. رامي كان يسمع صوتها ويسمع كل نفس تتنفسه يميزه عن انفاس ريم وشيخه يحسها اهي غير عن كل الناس.. يراقبها من المنظره كل شي تسويه كل حركه .. نزلو من السياره ظلو البنات ينطرون رامي يدور لهم طاوله هيام كانت في حاله استثنأيه كانت مشغولة البال على تايه بأفكها أو تخوض حرب معا عقلها و تنكر أي احساس اتحسه لين اتشوف رامي.. بعد عشر دقايق رامي لقا طاوله لاربعت اشخاص فرجع لهم و اخذهم لها وهم رايحين رامي لقا رفيجه عبدالله .. بالصدفه في طريجه ولزم عبدالله على .. رامي انه يتعشا معاه عشان بروحه وما معاه احد .. الطاوله كانت قريبه من طاولتهم شيخه وهيام قاعدين في صوب وريم في صوب .. ريم قبال شيخه وهيام ما كو حد مقبلها .. كان سهل على رامي انه يشوفها ..!! هيام ماطلبت شي غير سوب بالفطر .. اما شيخه ما خلت شي ما طلبته طبعا على ظهر هل مسكين رامي وريم هم ما قصرت خذت كثر شيخه. رامي اكتفا بستيك لحم .. كان رامي شارد البال يا دوبه يشيل عينه عنها .. مو قادر يركز معا عبدالله كلش .. هيام كانت الحاله عندها اشوا من رامي .. كانت تتناساها وتندمج وياهم في السوالف .. تتجاهل نظراته الي توقف القلب !! عبدالله ..:رامي .. رامي !! .. رامييييي رامي يلتفت له .. وكنه مقعدينه من حلات نومته : هاه ! عبدالله : وينك يخي !! .. وين رحت لستيك مالمستها .. ولا هل عصير شربت منه شي ! رامي وهو في داخله .. مو مني مو مني ما اقدر شي فوق قدرتي .. !! : مالي نفس! عبدالله : افا اشله .. شصاير !؟ رامي : ما في شي بس نفسي مسدوده .. وحاس بدوخه ! .. عبدالله ..: زين اشرب ماي ع الاقل ! .. رامي .. شرب الماي حاس بالذنب ع الي يسويه في رفيجه ببس لو بيده ما طالعها ولا ثانيه !! .. وعندهم في الطاوله الثانيه !! شيخه :أحلى شي في معلمة نادية أنها خدية هيام: أهيه كانت بكامل قواها العقلية قبل لا تصير شيخوه عندها ريم : ههههههههه .. قولي صفنا كله لا يحتمل هيام : أييي أنتي ما تشوفين شلون يستهبلون ويخلونها تعيد الشرح !! شيخه وهي تضحك : ههههههههههه تذكرين يوم أتعرقل بريل سوسنو!! ريم : أي مسيجينه حسيت راسها دق في ألأرض مثل ألمطرقة هيام : أيي عورت قلبي شيخه : أهيه من بعد هل طيحه وهي كله تقول فاهمين علي كل دقيقة وكل شي يابنتي ويا ثجلها من السانها هيام وشيخه :ههههههههههههههههههه رامي ذااب في ضحكتها الناعمه .. كل شي فيها حلو .. ضحكتها بتسامتها ..نظراتها .. !! والسوالف قايمه عند ريم وشيخه شيخه:ريمووه ريم:هلاا..؟ شيخه:عندج ايميل؟ ريم:ايه شيخه:عطيني عيل ريم كتبت لشيخه ايميلها و عطتها... بعد ما كملو.. شيخه وهي متسنده:آآآخ بطنيييييييي احسه بينفجر.. هيام بصوت خافت:محد قالج كلي جذيه ريم:هههههههههههههههههههه دبه شلج ماكله هل كثر شيخه:شسوي الي يقعد ويا هيوم يحتاي ياكل سنه عله وعسى يعوض !! هيام : الحين انه الي اقولج لا تاكلين !! شيخه : لا بس ما تشجعين احد ياكل وياج ريم : أي والله هيوم ما تاكلين شي !! هيام : يعني الحين تعاونتو علي!! شيخه وريم: ههههههههههه شيخه : لمتى بنضل قاعدين هني!! ريم : اوك الحين بقول لرامي .. هيام .. لتفتت له كان توه يتأقلم على الجو ويكلم عبدلله ويمثل التناسي!! ريم : رامي .. رامي .. رامي لتفت شافها قبل لا يشوف اخته معنه يدري انها تناديه شافها اتشوفه حس قلبه وقف!! .. ريم : يلا احنا خلصنا .. رامي .. وعينه للحين على هيام الي راخيه راسها .. :اوكي سبقوني على السياره بدفع ولحقكم .. طلعو شيخه متوسطتهم .. شيخه ..: اخخ صج مو قادره اشيل عمري!! هيام : اليوم بتناميتن عندي .. شيخه : مادري على حسب اخاف نصور يسويها قصه !! هيام: مو بكيفه ! ريم: خلي هيام تقنعه شيخه : لو اهي كلمته اكيييييد بيرضا هيام : شمعنا !! شيخه : خخخ لانه الاخ صارعنا هيام وهيام!! هيام توها تعرف انه ناصر يهتم ولو شوي فيها !!.. اهي تحسه مثل اخوها .. ما تدري ولا حتى فكرت تحلل نظراته أو تحس بنبرة كلامة شيخه تعمدت اتقول هل كلام لانها تبي تحسس هيام ولو للحظه انه اخوها يتعذب ويتألم من حبها !! ..تبي تلفت نتباه هيام .. لو شوي !! هيام : افا عليج ..!! شيخه ستغربت لكن مسرع ما عرفت انه هيام راح تكلمه بسلوبها العادي !! .. وهي ما عندها مشكله !! ريم : جنه رموي نقعنا! هيام .. ردت لبحر افكارها .. آآآه مادري شآخرت هل احساس وين بيدويني بعد كل هل معاناااه .. شيخه : لا تونا واصلين .. هيام :اقول ريم .. ريم : هلا هيام :وايد اتدشين على النت!! ريم:: ههه أي طول الوقت خاصه ايام العطله .. هيام :هههههه عيل بنصير صحبه ريم : تكثرين من القعده !! هيام : أي والله ما تتخلين أي كثر اقعد .. لانه ما عندي شي اسويه في البيت التلفزين وامل منه .. وطروق كله في الشغل وجسوم كله ياكل وهنوي اممم ما ابي اظلمه ساعات يقعد وياي يشاركني الملل .. ريم : هههههههه مسكينه .. وشيخوه ! هيام : هذي اتيي وترتز على النت ما منها فايده .. شيخه : ما عليج منها .. اصلا كله اسولف وهي ساكته هيام فتحت عينها ..: آه يالعياره!! ريم : هههه خليني اشوف الوضع وشوف من العيار هيام : عادي اذا يتي بتسوي روحها تسولف !! .. ريم : خخخ ما في الا تيبين لي شهود ههههه هيام : أي هنوي شاهد شيخه : الحين بتشهدين بو كشه علي هيام : حرام عليج كلها شعرتين الي في راسه متى صارت كشه شيخه : من الي يسويه فيه عيل طالب جامعي هلون!! هيام : بسج عاد هذا هنوي فديت قلبه شيخه : مالت بس مالت ريم : اوووووووف الاخ نسا روحه داخل!! شيخه : أي والله الحين صج نقعنا .. هيام تبي يطول عشان ما تتضطر انها تشوفه .. وبعد خمس دقايق وصل رامي .. رامي : سووري على التأخيير بس عبدالله طول وكان ملزم علي اظل معاه .. ريم : مافي مشكله بس انت ودنا الحين طقينا !! رامي ابتسم وركب .. وكان يسوق على مهل عشان .. يطول الوقت ويتظل اهي في السياره اكثر !! .. وصلو بعد ربع ساعه .. لانه المطعم كان شوي بعيد .. شيخه : اوكي ريم .. يلا باي ولا تنسين باجر ..!! ريم : ههههه افا عليج .. نزلو وهيام تحسب الخطوات عشان تفلت من مراقبته الي اتحس فيها وما تشوفها !! .. تبي تفك روحها من نظراته .. بس وين الأفكار بتسوي فيها اكثر واكثر .. شيخه وهيام دخلو .. وفي الوقت المناسب تسع بالضبط وحمدت هيام ربها على هل صدفه لانها كانت ناسيه ومو خاطر على بالها ..!! بو طارق : هلا والله بشوااخه شيخه تروح لزوج خالتها عن قريب : هلا عمي شخبارك!! بو طارق : بخير دامج بخير .. جذي شواخه انتي في البيت ما تسلمين علي ولا اشوفج!! شيخه : سووري .. بس ماكنت ادري انك موجود !! .. ام طارق : بسك نشفت ريج لبنيه تعالي يمه راحة شيخه وحضنة خالتها .. وباستها هيام يات : الحين مخليني انه بطولي وبعرضي وميودين على هذي شيخوه الدبه ها ها .. شيخه : شتغلت الغيوره !! هيام : ايه ايه .. بنشوف من يبوسكم الصبح .. ويقولكم صباح الخير يا احلا أبين .. بو طارق: وحنا نقدر!! هيام : انتو الي يبتوها لروحكم .. بو طارق: افا عليج تعالي وخذي بوسه .. من احلا ابو هيام راحت عند ابوها ورتمت في حضنه .. : فديته ابوي يدلعني اكثر من ما اتدلعني امي .. وهي تطلع لسانها لمها .. ام طارق: غيووره من يوم يومج .. وراحت هيام وباستها ... سولفوا شوي وراحت شيخه معا هيام دارها ... شيخه وهي اتدش : زين اتصلي قوليله اني بارقد عندكم اليوم .. هيام : اتصلي من تلفونج وبكلمه .. شيخه .. دقت على ناصر .. وشاله من اول رنه لانه يدري انه شيخه ويا هيام ..!! ناصر .. : الوو شيخه .. وهي ترجف خايفه لا يزفها :هلا ناصر .. ناصر : يلا تجهزي يايج احين ! شيخه .: ناصر .. ناصر : هاه !! شيخه : اليوم ابي ابات في بيت خالتي !! ناصر : يلا بلا دلع تردين البيت شيخه : هيام كلميه ناصر .. بتكلمني !! .. انا في حلم ولا في علم .. ! .. هيام : هلا ناصر ناصر حس بحساس غريب في بطنه يخليه دايخ : هلا فيج هيام : ناصر خل شيخه اليوم تبات عندي ناصر ..لو طلبتي عيني ما بخل عليج .. : اوكي .!! هيام : اوك ناصر .. يلا تيك كير .. باي!! ناصر !! .. ............ شيخه وهي فاتحه عينها : العن !!.. شلون قنعتي !! هيام : هههه احم احم .. هيام : اف !! شيخه : شفيج بعد !! هيام .. : راسي يعورني جني مو نايمه صار لي دهر ! شيخه : لا تقولين بتنامين احين هيام : شسوي تعبانه جوفي جم ليله سهرانه ادرس مو مثلج! شيخه : يلا قلبي ويهج ونامي انه بدش اكلم ريموه .. هيام : وياج ضيفيها عندي شيخه : اوففف .. افكر !! هيام .. حطت راسها وعلى طول نامت .. في محل ثاني .. ناصر الافكار تلعب براسه .. اول مره يحس انه نبرت هيام تغيرت ولو شوي !! .. الدنيا مو سايعته من الفرحه يحس وكنه سوا انجاز .. شنو ما يكون السبب الاهم عنده اهو انه لهجت هيام تغيرت !! .. يحبها حب مو طبيعي حب يخليه يصبر على كل شي .. حتى لو قضى عمره كله يصبر تحن عليه !! نرد عند شيخه .. فتحت ايملها وضافت ريم .. ريم كانت اون .. شيخه : نكها .. فراشه لا تجيد الطيران الا معك .. ريم نكها ..: اصارع .. قسوة الدنيا !! .. .."فراشه لا تجيد الطيران الا معك".. هلالالالالالالالالا ..^^ .."اصارع قسوة الدنيا ".. وغلالالالالا .."فراشه لا تجيد الطيران الا معك".. خخخ ريموووه شهل نك!! .."اصارع قسوة الدنيا ".. هههههه .. شسوي مافي نكات .. عندج يبي .."فراشه لا تجيد الطيران الا معك".. لا انه من وين لي انه على الله وعلى دقات هيوم !! .. .."اصارع قسوة الدنيا ".. ههه انتي الي شهل نك! .. .."فراشه لا تجيد الطيران الا معك".. خخخ بايقته من رفيجتي شرايج فيه !! .. .."اصارع قسوة الدنيا ".. حللوو ..الا تعالي قوليلي .. رضا اخوج تنامين عند هيوم ! .."فراشه لا تجيد الطيران الا معك".. بكلمه من هيوم !! .. .."اصارع قسوة الدنيا ".. والله !! ... شلون .."فراشه لا تجيد الطيران الا معك".. علمي علمج بس قالت له .. خلها تنام عندنا رضا !! .."اصارع قسوة الدنيا ".. غريييبه .. اهو شلون علاقته وياها !! .."فراشه لا تجيد الطيران الا معك".. اقولج شي وما تقولين لهيوم ! .."اصارع قسوة الدنيا ".. قولي ..!! .."فراشه لا تجيد الطيران الا معك".. يحبها وبشكل جنوني ! .. هيوم ما تدري وتتعامل وياه على انه اخوها ..!! .."اصارع قسوة الدنيا ".. والله !! .. ازين قوليلها لا .."فراشه لا تجيد الطيران الا معك".. انه اعرف هيوم.. ما تحسه غير انه اخوها .. ولو قلت لها بتحاول اتغير نظرتها بس ما بتقدر !! .."اصارع قسوة الدنيا ".. زين حاولي .! .."فراشه لا تجيد الطيران الا معك".. ما ابي احط هيوم في موقف مثل هذا .. ناصر لازم ينساها !! .."اصارع قسوة الدنيا ".. حرام عليج تذبحين حبه !! .. يمكن معا الايام اتحبه .."فراشه لا تجيد الطيران الا معك".. مشكلتج ما تعرفين هيوم .. تعتبر اخوها العود ومستحيل تغير هذا .. .."اصارع قسوة الدنيا ".. من متى وهو يحبها !! .. Link to comment Share on other sites More sharing options...
عواااشي Posted يوليو 23, 2007 Report Share Posted يوليو 23, 2007 يعطيج العافية اختي و في الانتظااااااااااار ....... Link to comment Share on other sites More sharing options...
بنت الحداده Posted يوليو 23, 2007 Author Report Share Posted يوليو 23, 2007 تسلمين حبيبتي عواشي على الرد .. وأنشالله ما راح أطول عشان الجزء الثاني .. أذا شفت ردود .. رح أعجل تبون القصة ردو P: تسلمين حبيبتي عواشي على الرد .. وأنشالله ما راح أطول عشان الجزء الثاني .. أذا شفت ردود .. رح أعجل تبون القصة ردو P: Link to comment Share on other sites More sharing options...
نــور الدنيــا Posted يوليو 23, 2007 Report Share Posted يوليو 23, 2007 في انتظار البارت يسلموو تعبناج معانا حبووبة تحياتي Link to comment Share on other sites More sharing options...
بنت الحداده Posted يوليو 23, 2007 Author Report Share Posted يوليو 23, 2007 ههه تعبكم راحة حبيبتي "نور الدنيا" ومثل ما قلت من شوي .. على كثر ما تردون .. على كثر ما رح أعجل وأحط البارتات Link to comment Share on other sites More sharing options...
محرقاويه مفتخره Posted يوليو 23, 2007 Report Share Posted يوليو 23, 2007 مشكوره اختي ع البارت وفي انتظار البارت اليديد Link to comment Share on other sites More sharing options...
أم حماني Posted يوليو 24, 2007 Report Share Posted يوليو 24, 2007 ميرسي عالبارت Link to comment Share on other sites More sharing options...
اسيرة احساسي Posted يوليو 24, 2007 Report Share Posted يوليو 24, 2007 تسلمين عالبارت الحلو يعطيج ربي الف عافيه ننتظرج على احر من الجمر Link to comment Share on other sites More sharing options...
Recommended Posts