مشاكس قطر Posted أغسطس 1, 2007 Report Share Posted أغسطس 1, 2007 الـــــسلام عليكم و رحمة الله و بركاته أمــــــــل و محمد رواية من تأليفي حبيـــــت أوصل لكم أفكاري من خلالها وا انا ترددت قبل لا انزلها هني و خفت ماتحصل اقبال مثل الاقبال الحلوو بالمنتديات الثانيـــة بس شجعوني و قالوا نزلها و بتحصل اقبال وخذيت الاذن من الدكتورة هبــة و من مراقبة القسم اشواك ناعمة ... أول شي بنزل المقدمة و الجزء الاول و ذا حصلت اقبال و ردود بنزل الباقي ^^ ... فــــي زمن انتشر فيه الفســــــاد و انتشرت الرذيلة و المحادثات المحترمــــة تحت مسمى الحب و الغـــرام يظهرون شخصيــــن " أمـــل و محمـد " وراح يغيرون فكرة الحب نهائياً اللحين خلونا نتعرف على الشخصيـــات .... محمد شاب في الـ 15 و سيم، متفوق لكنه مايهتم بالدراسة ، يعيش عيشة عـادية يملاها الملل و الفـــراغ .. مايتحمــــل المسؤولية كلش كلش ... و امل هي من راح تسد الملل و الفراغ عند محمد .. في احداث القصة بتعرفون اكثر بومحمد و ام محمد كأي ام و ابو يحاولون اصلاح اخلاق ولدهم محمد اللي مايتحمل مسؤولية اي شي ابدا... و يحاولون تربية ابنائهم على مايرضي الله سبحـــانه و تعالـــى ... أمل امل هي ضحية ابو قاسي طلق الام.. والام ماهتمت بتربيــة أمل و تركتهـا على كيفـها و لمـا تفتقـد أمل وجود الابو المربي و حنان الام و نصايحها راح تلجأ لمحمد اللي راح يعوضها هالنقــص أم أمل تزوجت من ابو امل اللي كان ظالم معـاها و مارحمـها وبعد الطــلاق منه اهتمت بنفســــها و بعلاقاتها الاجتماعيــة و تركت بنتــها وهي في سن محتاج للتربية الحنان و العطف و الحزم ابو امل شخص شكاك مريـــــــض نفسياً يشك بكل شي راح يهمل بنته مع امها المطلقة و في شي بعدين راح يخليه يهتم في أمل .. ... خالد صديــــق محمد كان همه محادثة البنات ع المسن و الانتقال من وحدة للاخرىو شي راح يقلب حياته و بيصير متدين و بيحاول يصلح محمد و ينقذه من امل ... هبة بنت اجنبيـة مقيمة في الدوحـــة ، تربت تربية سليمة وسط عائلة محافظة تجاهد لتربية ابنائها و الحمدالله ماغلطوا بربتيهم .. هبة طالبة متفوقة بدراستها و مثالية و الابلات يحبونها و راح يكون لها دور مهم في تغير مسار القصــة ... فاطمــــة صديقة امل و هي من شجعتها على محمد وكانت تدبر و تخطط لها .. شخصية فاطمة بتظهر اكثر مع الاحداث احداث قصتــــنا تدور داخل مبـــاني المدارس في بيـــــوت افتقدت الحب و الحنـــان ... الجزء الاول (داخل بيت بو أمل) بو أمل و هو معصب و يصرخ من قمة راسه : البنت مسؤليتج انتي انتي روحي اشتري لها اغراض المدرسة أم أمل تصرخ هي الثانية : شنو كل شي انا ؟ كل شي انا و انت شنو مسؤوليتك؟؟ ااغراض البيت و اغراض بنتك كل شي على راسي و انت شنو مسؤوليتك بس أكل و مرعة و قلة صنعة.. بو امل : انا ؟ انا ياقليلة الادب ؟ انتي الظاهر جبتي بنت و ماتعرفين تربينها لازم انا اربيج عشان تعرفين تربينها يا حماارة (و يعطيها طرااق) أمل و هي تطالعهم ومرعوبة وتصيح :يمه يبه بس الله يخليكم بس خلاص مابي اغراض المدرسة مابي شي منكم بس الله يخليكم.. أم أمل : هاي اخرتها يا حمد تسطرني جدام بنتك !! خلاص انا ماعاد فيني صبر خلاص طلقني .. أمل وهي بتموت من الصياح : لاااااا ينه لاتقولين جذي يمه لااااا بو أمل : و الله أبركها من ساعة ..طالق .. طالق .. طالق ولو يصير بعد اقولها اربع مرات بقولها روحة بلا ردة انتي و بنتج الله لايردكم .. شبح ويوه أمل وهي شبه منهارة من الصياح : يبه لا الله يخليك يبه لاااااا.. و تروح تضم امها اللي بدت تصيح هي الثانية بو امل : بطلع شوي و برجع ماشوف شيفتج انتي و بنتج في البيت .. ولابتشوفين اللي مايسرج اذا شفتج .. تف عليكم .. ( و يطلع) ويترك امل و امها يصيحون بحرارة في الصالة ... (داخل بيت بومحمد ) الساعة 1 بالليل ام محمد : محمد يمه في بريعصي في الغرفة روح اذبحه ابي انام مب قادرة محمد وهو مندمج مع الفيلم اللي يشوفه : يمـــــــه شنو شفيج انا محمد بجلالة قدري تبيني اذبح بريعصي اسف شوفي غيري خلي علوي يذبحه ام محمد : شنو تبي اخوك الصغير يذبحه.. انت شفايدتك يحظي ؟؟ محمد : فايدتي اقعد و اشوف التلفزيون يالله يمه رجاء لاتاذيني ابي اتابع الفيلم.. ام محمد : يافرحتي بولدي الكبير اقووول مالت عليك و على امك اللي يابتك الحين زين جذي انا باخذ فراشي و بنام في غرفة اخوك علي محمد : اي يمه زين تسوين ام محمد : انزين محمد يمه حبيييبي ياولدي الكبير مابتروح تذبح البريعصي حق امك حبيبتك.. محمد : يمه حركاتج اعرفها يالله روحي نامي عند علوي ام محمد : اقوووووووووووووول حمود محمد : ها يمه ام محمد : مالت على امك اللي يابتك محمد : يمه في حد يسب عمره هههههههههههههاي ام محمد : يالله جب يالله خل اروح انام عند علوي ابرك لي ... اليوم الثاني ( اول يوم مدرسة ) الصبح // الحصة الاولى مدرسة البنات ابلة سميحة : ايييه يابنت يا امل .. انتي جاية مدرسة لازم تجيبي حاجات المدرسة مش جاية كده كانك رايحه عرس أمل : اسفة ابلة ان شالله بشتري الاغراض اليوم ابلة سميحة : طيب ياااروح ابلة سميحة بكرا مش حتدخلي الصف من غير الشنطة و الادوات سامعة يابنت؟ أمل : اي ان شالله ابلة طالبة من الطالبات : ابلة وعليه يمكن امل ماعندها فلوس تشتري هههههههه (والطالبات يضحكون بصوت عالي ) امل تفشلت و عيونها دمعت وكل موقف يصير لها يزيد كره امها و ابوها في قلبها ... في الفسحة (مدرسة البنات) فاطمة : ها أمل شخبارج وشسويتي بالاجازة أمل: و الله و لا شي قاعدة بالدوحة و همي هم فاطمة : وييي امج وابوج ليحين على حالتهم.. أمل: لا افتكينا امس تطلقوا .. انا اول شي تضايقت بعدين فكرت قلت ليش اتضايق فكة من المشاكل و الحنة كل يوم فاطمة: اااااامل من صجج!!!!!!! شدعوة امج وابوج تطلقوا و انتي جاية المدرسة صج قلبج قوي امل : يه فطوم من صجج انا اول شي صحت من تاثير الموقف بس بعدين استانست فكة و الله فاطمة : وانتوا الحين وين ساكنين ؟؟ امل : مع يدتي بروحنا في البيت انا و امي و يدتي فاطمة : اها و الله شي ابوج محد لي غاب القط العب يافار امل : ماهمت عليج ؟ فاطمة : مو مهم بعدين تعرفين امل: انزين فطوم تقدرين تشترين لي اغراض المدرسة عفيه بلييييز ماعندي حد يشتري لي فاطمة : اي اكيد كم امل عندي. بشتريهم لج و بكرا تعالي من الصبح ورى المدرسة بعطيج اياهم امل : فدييييتج فطووم ماتقصرين.. ... الفسحــــة (مدرسة الاولاد) خالد : حيالله بووووجاسم هااا شخبارك مع الاجازة محمد : والله و لا شي اجازة مملة ع النت العب و انزل العاب و اتعلم فوتوشوب ، او اتابع افلام مملة ياخي هالاجازة.. و انت شمسوي في الاجازة خالد : انا اجاااازتي يابوجاسم منورها القمر محمد يضحك : ههههههه شلون؟ خالد : فديتها من دخلت حياتي غيرتها فديت صوتها فديتها شفتها عشقتها هويتها محمد : من ؟؟؟؟؟؟؟؟؟؟؟؟؟؟؟؟؟!!!!!!!!!!!!!! خالد : مادري محمد : هههههههههههههههههههههههههههههههههههههه ماتدري و تحبها و مغرم فيها خالد : اي مادري اكلمهم ع النت هم يشلخون علي و انا اشلخ عليهم ههههه محمد : اشوفك تتكلم بصيغة الجماعة من هم؟ خالد: مادري 100 بنت عندي بالايميل اشلخ عليهم واوهمهم بالحب واتسلى وانا اقص عليهم و الوقت يمشي بسرعة محمد : بل 100 بنت مرة وحدة خالد : اي تسلية و تضيعة وقت تبي اعلمك محمد : اي و الله تكفى انا اتملل حدي و ابي اضيع وقتي بشي خالد: افا عليك يامحمد .. بعلمك ان شالله شوف اول شي ادحل منتدى ...................... (يطق الجرس) خالد: اووف طق الجر اتصل فيني اليوم بعلمك شلون محمد : اوكي... . / . تحياااتي واتمنى عجبكم البارت الاول Quote Link to comment Share on other sites More sharing options...
أشواك ناعمة Posted أغسطس 1, 2007 Report Share Posted أغسطس 1, 2007 (edited) تسلــم كتكوت المنتدى على القصه الروعه >>> شخصياتها وايد كشخه و إنشالله أقراهاا كامل بس عندي سؤال ليش مسوي (( فاطمة )) شريره مو طيبه لوووووووووووول >>> ناطرين الجزء الثاني و الجزء الثامن بعد <<< لا تطول علينا ناطرين الباقي تم تثبيت القصة بواسطة أشواك ناعمة Edited أغسطس 1, 2007 by أشواك ناعمة Quote Link to comment Share on other sites More sharing options...
Fatooom7 Posted أغسطس 1, 2007 Report Share Posted أغسطس 1, 2007 وااااااااو من قلب حلوووووووووووووووووووووووووووووووووووووووووه القصه يعطيك العافية يامبدع وكاتبنا المميز لووووووووول وبنتظار البارت الثاني Quote Link to comment Share on other sites More sharing options...
ساندروز Posted أغسطس 1, 2007 Report Share Posted أغسطس 1, 2007 بصراحه البارت وايد حلووو ننتظر البارت الياي Quote Link to comment Share on other sites More sharing options...
دانه الحلوين Posted أغسطس 1, 2007 Report Share Posted أغسطس 1, 2007 يســلمــو ,, لـي عـودة عقــب مـا تغـدى هههه Quote Link to comment Share on other sites More sharing options...
دمُوع الآلم Posted أغسطس 1, 2007 Report Share Posted أغسطس 1, 2007 كل التحايا و الأشواق إلى عزيزي : مشاكس قطر السلام عليكم و رحمة الله و بركاته :~ مسـائك ورد يالغالي هلا و غلا شخبارك تمااام يا سلام عليك يا قلبي كاتب مبدع قصة في قمة الروعة إلى الأمام حبيبي و في إنتظار البارت الثاني دمـوع الآلـم Quote Link to comment Share on other sites More sharing options...
مريـ ـ ـ ـم Posted أغسطس 1, 2007 Report Share Posted أغسطس 1, 2007 وآآآآآآآآآآآآآآآآآآآآآي شنو هآآآآآآآآآآآآآآآذه شكوووؤؤؤؤؤؤووش روؤؤؤؤؤؤوعهـ وربي اكثر من رووؤؤؤؤووعهـ فديتك ناطري التكملهـ Quote Link to comment Share on other sites More sharing options...
ساندروز Posted أغسطس 1, 2007 Report Share Posted أغسطس 1, 2007 يلا ننتظر البارت الياي Quote Link to comment Share on other sites More sharing options...
free ba7rain Posted أغسطس 1, 2007 Report Share Posted أغسطس 1, 2007 واااااااااااااو .. يعطيـــك العافيـة مشاكـس .. الحيـن المنتــدى صـار خـوـوش فلهــ .. عندنــه: الكاتــب: مشاكس قطـر .. و الشاعـــرة: فطـوووم7 ننتظـــر البارت الثانـــــي Quote Link to comment Share on other sites More sharing options...
قمر الصبيان Posted أغسطس 1, 2007 Report Share Posted أغسطس 1, 2007 يســلمــو على القصه العجيبه Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.