شاربه ديتول Posted يوليو 14, 2008 Report Share Posted يوليو 14, 2008 مرحبـآ مليـوون ... قصتـي موب لهجـه وحدآ .. عدة لهجآت .. بس عمـومـاً القصـه قطـريـه .. الأحدآث في دولـة قطـر .. ! من تأليفـي ^^ انشالله تنآل اعجآبكم بحطلكم اول جزء .. اذآ اعجبتكم بكملهـآ ^^ ..! أسلوب القصـه يمكن يكون غريب عليكم شوي .. بس انشآلله تتعودون .. اوكي ببلش عيلـة بـو حمـد : بو حمـد : مآلك شركـه كبيـره ومعروفـه , 47 سنـه / مآقدر يكمل الشغـل .. متولين الشغل عيالـه و عيـال اخوانـه . حده طيب و غشمرجي بس لمـا يعصب يقوم الدنيـا ويقعدهـا . امـ حمـد : آخ آخ أطيب امـ في العآلم وعلى نيآتـها بس عيبها انهـا كل تتحلطـم .. ^^ بس سوالفهـا فلـه . حمــد : عمرهـ 31 سنـه .. متـزوج بنت عمـه ريـم . للحين الله مارزقهم بعيـآل .. مملـوووح حده .. احلى مآفيه عيونـه النآعسه . متولي الشغـل ^^ زوجتهـ ريم : طيوبـه وخفيفة دم .. القعده معاها ماتنمل . 24 سنـه . تهبـل شعرهـآ كثيف بني ونآعم .. قصـير نوعـا مـآ .. احلى مآفيهاا شفآيفها مدورين اللي يشوفها يتحقرص عليها .. خدودهآ ورديين ورموشها طوآل .. وبيضه .. ^^ عبد العزيـز : جميل جميل جميل بشكل ماتتخيلونه .. عمره 27 سنه .. عيونـه وسـاع وجفنه كبير . شعره ناعم كثيف واسوووود . حنطي . طويل وكتوفه عراض .. عاشق بنت عمـه اللي ماتدري عنه .. بتعرفون من هي مع القصـه . فلك : عقدتها اسمهـا .. حلوووه .. من احلى بنات العيله .. عيونها وساع شعرها اسود قصير دايما تسويه كيرلي فيه خصل مصبوغه احمر .. خشمها ضعيف ومعرج تقريبـا .. بيضه .. وشفايفها ورديين ! عمرها 19 تدرس في الجامعه اكتفي بعيلـة ( بو حمـد ) وبآقي العيله بتتعرفون عليها مع القصـه .. ريـم وفلـك قآعدين في الصآلـه فلك تشتغل ع اللاب مالها : ريموه جهزتي حق عرس نوره ومشاري ريم بإحبآط : لااااااااا لحيـن ! كل ماقول حق حمد يوديني المول يقول مشغول عرس مابقى عليها شي 4 ايام ..! فلك : ولا انآ انا اليوم بقول حق ابوي يوديني ماعنده شي قاعد في البيت .. طبعن بتيين معاي .. ريم : اكيد بيي معاج .. ( بفضول تطل في لاب فلك ) فلك تسكر اللاب بسرعه : هاه ! هاه ! شتبين انتي ؟! ريم وهي تغمز : هااااااااااااه من اتكلميييين اعترررررررفي فلك مرتبكه : محد .. قلتلج محد ! ريم : افاااااااا بس افاااااا تخشين عني يلاا قولي شدعوه عاد ميانه بيني وبينج هااه ..؟ من ..؟ فلك : اوووووووف منج ماكلمت احد غريب ولد عمي سالم في شي ..؟ ريم تطالعها بنظرات خبيثـه : اهااااااااا متقولي كده من الصبح اممممممم .. زين عادي ليش سكرتي اللاب ..؟ اول مره تكلمين ولد عمج ..؟ نص عيال عمامي ضايفتهم .. يات على سلووم فلك ارتبكت اكثر وماعرفت شترد عليهأ : ز ..زين شـ .. شفيها يعني..؟ تمللت وسكرت بعدين اسمه سالم مو سلوم احترمي نفسج يعني و..و..ويالله عن اذنج بروح غرفتي باي ..! قامت فلك بسرعه صعدت فوق .. و ريم مستغربه من تصرفاتهـآ؟؟!@@ عند فلك في غرفتها تدورر في الغرفه رايحه راده تقعد وتهز ريولها ... ياربي الحين شقالت عني ..؟ احبه اكيد شكت اني احبه .. اووف شالبلشه .. انالله شسوي الحين .. اكيد شكت اكيد .. يا الله .. يا الله .. (( رن جوآل فلـك على نغمـة ابي حبك معي يكبر ابي اهوآك انا اكثــ..... )) فلك : هلا والله خلووود [ خالد ولد عم فلـك كبـر فلـك بس اكبر منها بشهر .. رفيج طفولتها يعتبرها اخته وتعتبره اخوها . صاحب شخصيه مرحه وخفيف دمممم ] خالد : يا مرحبا ملييييييون شو اخبارك بنت عميييي فلك : تمام انتاا كيفااااك ..؟ خالد : بخير .. ولله الحمد .. يادووووبه يادووووبه ياقااطعه ياكريهه فلك : انت الكريه .. انا القاطعه ولا انت ..؟ كل ارسلك مسجات مع الويه ..! ولا ترد بعد !! خالد : مو شسووووووي شسووووووي مشغووول مشغووول فلك : زين يالبزي انت .. تعال قولي ( تغمز ) شخبار حبيبة القلب؟ خالد يتنهد ويودي شعره على وره : شسوي فلووك شسوي ..؟ فلك : قلتلك اساعدك ياولد العم ماتباا شسويلـك ..؟ خالد : انتي تدرين بلـولـوه اذا اعرفت اني احبها بتبتعد عني .. فلك : ومن قااااااااااااالك من قااااااااااالك انها بتبتعد عنك ..؟ خالد بنبرة حزن : والله احبهــــــا والله والله .. مابي اخسرها فلك خلاص سكري سالفتها خليني متعذب وايد ارحم من انها تدري . فلك تضايقت : اوووه منك خلود .. قلتلك الحل اخطبها ياخي خالد : مينونه انتي مينونه ؟ خل اخلص جامعه يصير خير .. وخلها هي تخلص ماباقي شي اخر سنه لها بالثنويه .. فلك حبت تلطف الجو : اووووو بعد حاسبها ههههههههههاي خالد يضحك على خبالها : هه !! مالت عليج يلا باي عندي محاظره . ايي شعندج تنغنغي في اجازتج ناس تكرف وناس حاطه ريل على ريل .. فلك : اكرف اكرف خخ .. باي خالد : باي .. وسلمي على لولوه .. عنـد لولوه .. اووه نسيت اعرفكم عليها خلوني اعرفكم على عيلة بو جاسم عشان ماتتخربطون : بو جاسم : يشتغل مع بو حمد في الشركه .. تقاعد لان مايقدر يكمل الشغل وعياله دايرين الشركه مع عيال عمهم بو حمد .. ام جاسم : تحب بو جاسم حييييل قراب من بعض .. سوالفها ماتخلص هي وام حمد خوات .. بس ام حمد اكبر منها .. جاسم ولدهم توفى في حادث سياره من 8 سنين .. كان عمره 34 سنه حزنوا عليه وايد بس ام جاسم قامت تنسى مع مرور الوقت .. يعقوب : ( اكثر واحد مشتط في العيله دايمـاً متحمس ويعطي العيله حماااس .. الشباب لما يبون يطالعون مباراه لازم يعقوب يكون معاهم .. واذا ماحظر المباراه مايطالعونها .. اي لهدرجه . عمره 25 سنـه ابيض وشعره كثيف واسود ناعم .. ملامحه مرسومه عدل .. يعني حليو .. اخو لولوه ) لولوه : لولوه مرحه مرح مب طبيعي واكثر وحده خفيفة دم في العيله القعده معاها توونس مستحيل حد يقعد معاها ومايضحك .. حليوه ملامحها مرسوومه عدل .. جمآلها تركي ..بشرتها صااافيه وتدويرة ويهها حلوه تطلعها كأنها بيبي .. اكثر شي حلو فيها جسمها ونعومتها عيونها اخضر غاااامج وهذا اللي محليها .. نوره : مخطوبه لولد خالتهاا متوفيه منزمان اخت ام جاسم .. مخطوبه لمشاري 21 سنـه مملوحـه ومليانه شوي . بيضه .. عيونها عسليهـ وناعسه ..! مشاري يموت عليها .. اكبر منها ب8سنين .. فيصل : رفيج محسن الروح بالروح و عيال عم .. وعيال خاله في نفس الوقت 17 سنـه اصغر من لولوه بسنه .. بيبي فيس .. الكل يتحقرص عليه مع ان موب ياهل خخخ ..! مسافر البحرين وبيرجع بعد أسبوع .. اكثر واحد مشتاقله محسن ولد عمه خليفه .. --- لولوه تتصل في فلك لولوه : مشغول مشغول مشغول ولييييين من تكلم هاذي !! اللي يقول خطيبهاا .. والله لو خطيبها ماتكلمه هالكثر .. ( طبعـاً فلك مو مخطوبـه ) فلك : يامرحبااااااااا بلولو ! لولوه : مالت عليج من تكلمين من مساعه خلصتي رصيدج ! فلك : اكلم خلووووووووووووووووووود فديته لولوه ولأول مره تحس انها غيرانه ليش ان فلك تتفدى خالد : جب .. لا تتفدينه خطيبج هو خطيبج < معصبه ..!! فلك : وييييييييييي لا يطيح نصج يامعوده ! ليش ( تغمز ) غيراااااانه ؟ لولوه احمرت : أ ..أي عشآن جي انا متصلتلج ابي اجوفج فلوووك ضروري .. فلك فتحت عيونها ع الاخر ..لآ يكون تحبه .. !! : ها !! ليش !! لولوه : بمرج اليوم المغرب الساعه 7 اوكي ..؟ بنروح مطعم . فلك ..: اووووب شعندج صايره كريمه ؟ انشالله دووووم لولوه : ياغبغب اقولج ابيج في موضوع تقولي كريمه منقالج اني بعزمج يبـا يبي معاج بوكج وفلوسج ودفعي حق روحج منين لي انا !! فلك فاتحه عيونها ع الاخر وتقول في داخلها بخيييييله ..! شاللقح !! سكتت ماردت على لولوه .. لولوه : والله اتغشمر معاج والله .. الحين خذيتي فكره طبعن اعرفج مع الوي والله امزح والله اتغشمر والله والله فلك : باااااااااااااااااال شفيج انتي ؟؟!! ادري انج تمزحين شدعوه يلا اوكي خلاص اجوفج على خير .. لولوه : لا تنسين باي .. فلك : باي - في الشركـه .. في مكتب عبد العزيز يعافر وسط الاوراق .. ويتحلطم ( كله شغل شغل شغل والله طفشت طقت جبدي .. العمر يخلص والشغل مايخلص .. آآه ياني مشتاق لها .. بس ابي اسمع صوتها بس . مادري اغامر واتصل لها ..؟ يلاا على ابو اني اسلم عليها .. فديييت خشتها انا " ) عبد العزيز وكل ملامح الجمال والارتباك فيه : مرحبـا..! ________________________________________ اكمـل ؟؟!! Link to comment Share on other sites More sharing options...
dalooo3at_elba7rain Posted يوليو 14, 2008 Report Share Posted يوليو 14, 2008 كمليييي حبوبه .. Link to comment Share on other sites More sharing options...
عرقوب Posted يوليو 14, 2008 Report Share Posted يوليو 14, 2008 مشكوووورة حبيبتي عالقصة الررروووعه وننتظر الباقي .. Link to comment Share on other sites More sharing options...
marioma Posted يوليو 14, 2008 Report Share Posted يوليو 14, 2008 .. وآآضح من بدايه القصه آنهأإ " روؤوعه " .. .. يعطيج ربي العآآآفيه .. .. في انتظأإرج .. =) Link to comment Share on other sites More sharing options...
ريم المحرق Posted يوليو 14, 2008 Report Share Posted يوليو 14, 2008 صج صج بارت عجيب ، نبي بقية الاجزاء Link to comment Share on other sites More sharing options...
بنوته آخر شقاوة Posted يوليو 14, 2008 Report Share Posted يوليو 14, 2008 كملييييييييييييي كملييييييييييييييي وشكرااا Link to comment Share on other sites More sharing options...
شاربه ديتول Posted يوليو 14, 2008 Author Report Share Posted يوليو 14, 2008 ولـك تؤبرونـي بنوتـآت .. مشكورين على مروركم .. ^^ الجزء الثآنـي طولتـه لكم شوي عشان تاخذون فكره اكبـر عن القصـه ! الجزء الثآني :- عبد العزيز وكل ملامح الجمال والارتباك فيه : مرحبـا..! العنـود : هـلا والله .. مـن معاي ..؟!! ( العنود بتتعرفون عليها بالقصـه ) عبدالعزيز حده مستحي : انا عبد العزيز ولد عمج شحالج ؟ العنود : هلا والله عزووووز بخير انت شحالك ..؟ عبدالعزيز " مدامها قطت الميانه بلاا هالارتباك وبتصرف عادي " : انا بخير .. الحمدالله بس حبيت اتصل اسلم عليج .. منزمان ماكلمتج قلت وين غاطه العنود اندهشت من اسلوبه : نعـم !! ليش احنا من متى انكلم بعض ..؟!! عبد العزيز : أ..أووه آسف العنود ! العنود كسر خاطرها وحبت تغير السالفه لان حسته ارتبك : عزوز اشفييك مرتبك .. عادي انا بنت عمك ! عبد العزيز حمد ربـه انها ماقالت اختك .. تموا يسولفون لييي الساعه 1 ونص الظهـر .. سكر من عندها وباس الجوال " آآه ياحبي لها بس .. احلى مافيها ضحكتها ياربي شسوي اموت عليها " تم يفكـر يفكـر يسرح ويسرح .. صحـاه صفقة الباب .. دش عليه اخوه حمد وهو معصب .. حمد وهو يصارخ : انت شفيك ؟ ماتسمع ؟! اصمخ صارلي ساعه ادق عليك وماترد وينك انت !! عبد العزيز تخرع : اشفيك اشفيك داش معصب البطاريه خلصت ومن شوي كنت اكلم واحد من الشباب بسالفه ظروريه سكرت الا خلصت البطاريه !! حمد : لاا والله ؟ احلف عاد ؟!! انت ماتدري ان اليوم في عزيمه ببيت عمي خليفه ؟! عبد العزيز اتشقق يعني بشوفها اليوم !! حمد متنرفز : لا ويشق حلجه بعد قوم لا بارج الله فيك قوم انت تتأخر وانا يهاوشوني ابوي معصب عليك وكلهم هناك بيت عمي خليفه .. عبد العزيز ببرآءه : زين انا شدراني ان فيه عزيمه .. طرطور انا عندكم امس ولا تقولون لي .. حمد : مو من زود تفهيك دوامك مخلص من ساعه .. قاعد هني ليش .. ؟؟ عبد العزيز : اوكي خلااااااص سويت لي سالفه قمنا يبا قمنا ..! حمد: اسمعني .. فلك لحينها في البيت ماجهزت .. ابيك توصلها معاك لبيت عمي انا بروح سيده مابمر بيتنا اوكي ..؟ عبد العزيز يضحك : اووكي اووكي يـبه الحين معصب ومادلي البووز شبرين على بيت عمي ياخي قمنا قمنا .. !! حمد طالع عبدالعزيز بنظره وطلع عنه .. ** في بيت بوحمد ** الساعه 2 الا ربـع فلك في الصالـه قاعده تهز ريلها وين رااح هذا وقته يتأخر عزوز . " بس آآه واخيـراً بشوف سالـم .. ليته بس يبادلني نفس الشعور .. ليته بس يدري عنـييي " تبطل باب الصالـه يدش عبد العزيز يصارخ : فلللللللللللللللك فلللللللللللللللللك يلاا يبا تأخرنااااااااااااا ياااااااااافلللللللللللك فللللللللللللللللللللللك فلك : بسممم الله عمي انت عمي ؟ ماتجوف جدامك !! كاني ياخي ماتجوف ؟ عبدالعزيز: زين زين يلاا بسرعه .. في سيارة عبد العزيز عام الهدوء في المكان .. فلك : عزوووز .. عزيز : ها شتبين ..؟ فلك : ممكن سؤال ..؟ عزيز : سئلي !! فلك : امممممممممم اتحب ..؟؟!! عزيز ارتبك وتفشل من سؤالها .. في اخت تسأل اخوها هالسؤال صج ماتستحي ! هالدبه .. فلك : ههييييييي اكلمك انا عزيز : ليش تسألين ..؟ فلك: عادي يعني سؤال عادي تيك ات ايزي .. تحب ولا .؟ عزيز طالعها بصدمه اول مره يدري ان اخته فررريي لهدرجه فلك : يييييييييي عليييييناااا قول ماتبي تجاوب خلص نسد السيره .. ساق عزيز بسرعه ووصلوآ .. ! دخلواا بيت العم خليفه وشافوا الكل متجمع على طاولة الطعام بيت العم بو حمد . وبيت العم خليفه . وبيت العم بو جاسم . ومن اول مادخلوا سلموا والكل رحب فيهم .. العنود : يمرحبااااااااااااااااا مليوووووووون ارحبوا ارحبوا .. عبد العزيز من اول ماسمع صوت العنود حس برعشه في جسمه وعلطول التفت لها وطالعها بنظره جنه حد كات عليه ماي بارد حتى العنود لاحظت واحمرت و نزلت راسها وقعدت تحوس في الصحن بالشوكه ... فلك لاحظت هالشي وقعدت اطالع عبد العزيز وطالع العنود .. اكيد صاير بينهم شي ..!! ولا ليش عبدالعزيز يطالعها بهالنظره . ريم : فلووووك تعالي حجزت لج كرسي يلااااااا فلك تركض : احسن شي سويتيه .. ( تلف للعنود ) ها عندوووه شخبارج يادبه ياقاطعه ياكريهه .. خالد : هاااااه اجوف بعض الناس باقوا جملتي .. فلك لفت لخالد : خلوووووووووووود هلا والله .. شعندك صاير مملوح .. ياوسييييييم يا مقطعناااااااا !! خالد احمر قام يحك رقبته : فلوك جب احسنلج .. لولوه قاعده على نار اكيد تحبه اكيد تحبه كلشي يدل على انها تحبه اليوم تكلمه صارلها ساعتين والحين تتغزل فيه .. ليش جي ياربي .. انا مالي حظ في شي .. حتى الانسان اللي حبيته ماتوفقت فيه .. وممن ؟ من فلك اقرب بنت لي .. نوره ( اخت لولوه 21 سنه مخطوبه لولد خالتها مشاري ) : لولوه شفيج متضايقه ومو على بعضج !! الكل سمع جملة نوره وصار هدوء .. فلك : اوووووووب بنت العم يالحزييينه يامخاوية الليل شفيج ؟ الكل ضحك على جملة فلك .. ريم : والله انتي محد مخربج الا اعضاء هالمنتدى البايخ اللي مشتركه فيه . فلك : هااااااه هااااااااه حدج على منتداي تسبين امي ابوي هلي كلهم الا المنتدى احترمي نفسج فاهمه ؟ بوحمد عصب : هااااااااااه فلــــــــــــك ! !! شالكلااااااااام ؟ سالم يطالع فلك : خلها ياعمي تتغشمـر ! فلك احمررررت ونزلت راسها : ايه اتغشمر يبه .. خالد يصفق باليدين : اوووووب اوووووب ماقدر ع الخجوووووله لا يطيح نصج .. خدج بشويش فلوك هههههههههايي فلك طالعت خالد بنص عين والكل ميت من الضحك على هبالهم .. بين هالطاوله اكثر اثنين ماتكلموا طول الوقت العنود & عبدالعزيز .. العنود مرتبكه لان عبد العزيز قبالها وجدامها على طوول .. وتحس بشعور غريب بداخلها .. مستحيه على خايفه فرحانه على مرتبكه معصبه ماتدري .. طلبت انها تبدل الاماكن مع فلك .. وصارت قبال اخوها خالد ( خالد شبيه العنود توأمها عشان جي خالد ممممملوح وحلو والكل يجوفه عبالها بناتي اخواني لان ملامحه بناتيه نوعا ما .. بس اللي يقعد معاه ويتعرف عليه يعرف ان ابضاااااااي ) .. عبد العزيز انقهر من حركة العنود وتم طول الوقت مطنقر وماد البوز شبرين .. )) عقب الغدى والوناسه والضحك .. الحين وقت الشباب يلعبون كوره .. فلك ولولوه يترجون الشباب ان يلعبون معاهم .. فلك : عزوز دخييييلك دخيييييلك .. عزيز : لاااااا قلبي ويهج .. لولوه : فلوك اخوج هذا مامنه فايده امشي عن خلود .. فلك : فديتك خلـود اناااااا تؤبر البي .. لولوه ( تضرب فلك بكوعها وتكلمها بصوت واطي ) : لا تخلين الولد يستحي .. ( علت صوتها *) خلود .. نبي نلعب معاكم مومكن .. خالد ( ونااااااسه كلمتني ) : لااا ممنوع البنات بس شباب نو غيرل نو دلع .. ( يتثيقل عليها ) لولوه : تكفى خلووووود والله ملل نقعد شنسوي ؟ خالد : لاا يعني لاا لولوه ( بدون شعور ) : فدييييييييييتك يلاا عااااااد خالد انصدم @@ اول مره تقولي فديتك ياحلوها من حلجها .. بس للاسف .. تعتبرني اخوها مو اكثر لولوه يوم شافت ان خالد سكت هي سكتت وحمرت .. فلك حبت تلطف الجو : اوووووكي انا عندي فكره بنصير مشجعات اماااااانه اااماااااانه لاتقول لااأ .. يدخل عليهم يعقوب يعقوب بحماس : يلاا يلاا خلود بنبلش المباراه يلااا لولوه تطالع اخوها وتتغزل فيه : ااااااااه من وين يايب هالجمال يا اخووي يابخت خطيبتك فييك .. يعقوب : اااااااااخ منج يعني لازم تفشليني !! مشكوره ياسستر . ( يصفق بيدينه الثنتين ويصرخ ) شبااااااب شبااااااب بنبلش يلاا عااااد .. الشباب كلهم متجمعين في الصاله يلعبون كيرم .. سالم : هاه ويبنا خمسـه ! حمد : حبيبي الخمسين عندي انا لا تنسى يا ولد .. مشاري ( خطيب نوره اخت لولوه ) : والخير عندي انا خذوها كاش مفنشكم مفنشكم .. محسن ( 17 سنـه اصغر واحد من الشباب اخو العنود ) : شباب يلاا بنبلش بنبلش المباراه ماتبون تلعبون ؟؟ مشاري وهو منهمك يضرب الحجر : شلون محسن ؟ مظبطين الحوش ؟ محسن : افا عليك نص الشباب برآ يتدربون .. يلاا عاد قاموا من على الكيرم وطلعوا بره كل واحد رفع ثوبـه وبلشوا اللعب والوناسه .. كانوا شباب وايد وكلهم من العيله واعمارهم متقاربه وهذا احلى شي .. عنـد البنات متجمعين في غرفه من غرف البنات ~ العنود : ها نـوره خلصتي تجهيزات عرسج ؟ نوره ترفع حاجب : كييف لكاااان ؟ اكيد جهزت .. وانتوا بنات ؟ لولوه : والله اني مخلصه كلشي بس باقي الكعب العله درت كل محلات الجواتي مافي كعب على لون فستاني امحققق ساره : اي مو انتي مجمعه كل الالوان وحاطتها في فستانج ! ( ساره بنت عمة فلك .. يعني بنت عمتهم اللي عايشه في الخارج وصعب عليها اتيي للخليج .. سارا ساكنه هني فالخليج بعيد عن امها عايشه مع لولوه .. في بيت خالها بو جاسم .. كبر لولوه بالظبط 18 سنه .. ربـع الروح بروح .. تحب يعقـوب بس ماقالت حق حد . طيوووبـه وغشمرجيه ماخذه وايد اطباع من لولوه وحتى لولوه ماخذه اطباع منها . حلووووه شعرها طويل وتسوي فيه نفخه صابغه خصلاات ورديه .. بيضـه .. واحلى من لولوه .. ستايلها ( ايمو ) .. ) لولوه : انزين ساروه جب انا وريتج الفستان وقلتلج لا توصفينه حق حد ابا اخليها مفاجأه ليوم العرس دق جوال نوره ** المتصل مشاري ** نوره : هه موب راده عليه كمره اقوله بهجره ليوم العرس ويتصل سالي ( اخت مشاري معرسه على ولد خالتها وحامل ) : والله حرام عليج نوروه كله يبي يكلمج وانتي ماتبين نوره : اووووف منج يعني انتي ماسويتي حق ريلج جي قبل العرس سالي : سويت له بس انتي منزمان قاطعته صارلج يمكن شهر غصبن عنه بيشتاق ( تغمز ) نوره احمرت واسكتت .. البنات قاموا يصفقون وتصفير وحاله فلك : اووووووووب اووووووووووب نوروه يابختج العنود : عااااااااااشت نوره عاااااااااشت ( تصفق ) ريم : هههههههههاي يابختك فيها يامشاري ( تصرخ ) يابختك فيهاااااااااااااااااااااااااااااااااا نوره : اوووووووص اووووووووص فضحتونا .. تدش ام حمد : شعندكم شعندكم شالصراخ !! فلك تطالع نوره بخبث : هااااا نوره اقووول اقووول ..؟!! نوره : فلوك احسن لج يوزي ..! طلعت ام حمد تهز راسها على خبالهم وتتحلطم .. ام جاسم و مرت خليفه و ام حمد قاعدين ف الصاله يسولفون ويشربون لهم شاي .. وسوألف وضحك وتحلطم .. عنـد البنآت الضحك والعبط مالي المكان .. نزلت العنود تحت تبي تشرب مـاي .. عند الشباب عزوز ينافخ من التعب : خلاص شباب اعتزلت اللعب مابي العب تعتب بروح اشرب ماي ها ..؟ خالد : لاااااااااااااااا عزوز والله اللعب معاك فلله عزوز : تسلم والله عندكم الحماس كله يعقووبان .. خلوه معاكم .. باي راح عنهم دخل المطبخ وهو يدندن " حبيب الحب .. يالحب وحبيبيي نفس روحي .. بعد روحي وحااااالي .. عسى دايم .. الخ .." العنود ارتبكت يا الله هذا عزيز .. هذا وقتك .. الحين اكيد بيكلمني .. ياربي انا ليش وايد استحي منه ؟ اللي هو ولد عمي .. خلاص بتصرف عادي ..!! كانت العنود معطيه الباب ظهرها .. دش عبد العزيز شافها انصدم .. ياويليي شهالفشيله ؟ الحين اسمعت صوتي وانا اغني .. يا الله .. عبد العزيز منزل راسـه : السلام عليكم .. العنود لحينها مستحيه : وعليكم السلام .. عبد العزيز " يلا يلا بو الزوز اعترف لها بحبك .. اعترف وباجر اخطبها .. يلاا بو الزوز اتشجع ." عبد العزيز : العنـود ..؟ طالعته كان وسيم وسيم وسيم .. ماقدرت تتحمل جماله ورد نظرها للقلاص اللي ماسكته .. : هـلا ..! عبد العزيز بكل جرأه وارتباك في نفس الوقت : انـا ... انـا .. ( وسكت ) العنود تطالعه وهي عاقده حاجبهـا ..؟؟!!! : انت ..؟؟!!! عبد العزيز : ..... العنود تطآلعهـ وهو شوي ويذوب عيونها تهبل ياربي شسوي ؟ كانت العنود حاطه كحل اسووود ولابسـه تيشيـرت طويل اسود كت .. وجنز وشعرها هادته ومسويه فيه نفخه وحاطه قلوس .. كانت حلواااااه يعني اي واحد يشوفها يعجب فيها .. عبدالعزيز ماتحمل وطلع برا المطبخ !! والعنود التسؤلات في بالها ( ياي المطبخ يسلم ويقول انا وانا وبعدين يطلع ؟؟!! شكان يبي يقول ؟؟!! اووه كيفه .. ) مسرع مانست .. بس كل ماتذكر نظراته لها تخليها تستحييي بس تتصنع انها مو مهتمتله.. وتسكت نفسها ( اهوا يعتبرني اخته وانا اعتبره اخوي ) ..! الجزء الثآلث : كل واحد انصرف بيته .. بعد ضحك و وناسـه .. في الليل الساعه 7 ونص .. " في بيت العم خليفـه بـو سـالـم " .. ** عيلة بو سآلـم ** : بو سـآلم : اصغـر اخوآنه .. يدير الشركه لحين .. الذراع اليمين حق بو حمـد اللي اهو اكبر اخوانه .. اكثر واحد من اخوانه طيب .. وكلشي عنده اوكي وتيك ات ايزي .. دايمـا مروق واذا عصب يهزء كلمتين ويسكر ع السالفه .. ^^ ام سالم : عصبيـه وبسرعه تتنرفز .. اخت ام حمد وام جاسم .. تحبهم وايد .. راعية طلعات وتحب الهيصه والوناسه وهذا احلى مافيهاا .. على الرغم من انها عصبيه الا انها في معظم الاوقات طيبه وماتطلع عصبيتها وحقدها الا في الأمور اللي تستاهل .. سـالم : غشمـرجي وفـن 23 سنـه .. لعبته الطنازه من الاشخاص المهمين في العيله يموتون عليه الشباب واي مكان يبون يطلعون لازم سالم ويعقوب يكونون معاهم .. رفيج الكل .. والكل يأمن له اسراره .. لان متفهم ^^ عـاشـق فلـك .. وهي تحبه بس كل واحد مايدري عن حب الثاني لـه .. وكل واحد متعذب .. الكل يقولهم انهم يتشابهون في تصرفاتهم .. يناسبون حق بعض .. وهالشي يسبب لهم احراج اهمه الاثنين .. العنـود : ( العنـود بنت عم عبد العزيز .. جميييييله جميييييله خشمها صغيـر وعيونهـا كبـــار ورموشها كثاف .. شفايفها ضعاف بس ورديين شعرها ناعم وطووووووووييييييييييييييييل واسود .. احلى من فلك بالرااحه .. مملووحه وملامحها مدقوقه . جسمها مخصر عدل .. هبله ومربوشه مع ان اللي يشوفها يقول انها هاديه وشايفه نفسها بس هي العكس .. لما تجتمع مع ريم يقومون العبط كله لانهم ربع وبنات عم في نفس الوقت وكبر بعض .. 24 سنـه ) خالـد : تؤأم العنـود .. 24 سنـه .. يحبون يقعدون مع بعض ويتشابهون حيييييل في الشكل .. مربووووش اكثر من العنود لان شاب .. صاحب شخصيه مرحه و رفيج فلك بالطفوله رغم فارق السن اللي بينهم الا ان اللي يشوفهم يقول اخوان نفس الحركات بالظبط ) محسنـ : وخررررررررر عنـه .. عصبي طالع على امـه .. راعي مشاكل 17 سنـه رفيج فيصـل .. فيصل معلمه ع العبط و الغشمره ولا لولا فيصل جان شفتوه كريه وماينطاق .. ! خـالـد قـاعد مع اختـه العنـود في الصـالـه العنـود ماسكه المبرد وقآعده تحوس في اظآفرهـا .. خـآلد : وليييييييييييييين سندرتينا ترى ! العنـود : يـه يـخي شتبي شتبي ؟ !! خالـد : لا تسوين فيـه ينرفزني !! العنـود : زين بس شرط .. خالـد يطالعهـا بنظرات تحسسها انها سخيفـه ههههههههههههه العنـود تطالعه بترجي : ممكن يعني لـو سمحت .. توديني فيـلآجيـو .. ابي اشتري فستان حق عرس نورآ بنت عمـي تكككككككككككككفى خلـود .. والله ماشريت شي والعرس بعد 3 ايام متى بقضي ؟ خالد شال عيونه من عليها ورد يطالع التلفزيون .. العنـود : ههههههههههههههههههههههه خلـود نظراتك تضحك .. العنـود : هييييييي انا من الصبح اكلم منو الله يخليك يالدب تكككككفى اترجاك انآ !!! خالـد : قومي لبسي وبسـرعه لان مشغوووووول مشغووووول العنود تهز حواجبها : يالبزي انتــــــــــــــا خالد عصب : قومي لا بارج الله فيج ترى بهون ! العنود : لالا خلاص قمت قمت .. ** في بيت بو حمـد ** فلك تتحلطم .. عبد العزيز : واللـه مشغول قسم باللـه يعني اجذب عليج انـا ؟ ماقدر اوديج اتصلي في خالـد ! فلك : فشله بعدين انت قاعد في البيت شعندك ؟ عبدالعزيز : بيمرني واحد من الربع بعد 10 دقايق .. سيارتي مبنجره بنروح نوديها يصلحونهـا .. فلك : متؤل كده من الصووبـح .. < قلبت مصـري طالعها عبد العزيز بنظره ورد نظره للتلفزيون .. فلك تتصل في خالـد فلـك : هــــــلا والـلــــــــــه ! خالـد : اي اي ادري ادري شتبين تقولين فلـك : تكككككككككفى ! خالد : يلاا انا اصلا بودي العنود على طريقي بمر عليج .. فلك : صج ونــــاســه عندوه بتكون معاي .. احللللللللى شي ( تنغز حق عبد العزيز وتطالعه . طبعن هو من سمع اسم العنود حس برعشـه ) ايي عاد العنود ذووق موب طبيعي فديتها انا يابخت راعي النصييب .. عبد العزيز حس انهـا تنغزلـه شال عينها من عليها اونه مو مهتم .. رد نظره للتلفزيون .. خالـد : هيي هيي انتي شفيـج تنغزين حق منـو ؟ فلك : بعدين بعدين اقولك يادووب .. اعزمك على ستار بكس هناك واقولك .. خالـد : ولك تؤبريني تؤبريني بنت عمــي .. يلاا مع السلامه فلك : باااي .. تنزل العنود من على الدري . العنـود : هـا يلاا جهـزت .. خالـد : فلك متصله علي تبيني امرها عشان هي بعد تقضي حق عرس مشاري .. العنود تشققت : لا والله ؟ احلف ؟ شالوناسه شالوناسه احلى شي .. ** مر خالـد فلـك وراحـوا فيلاجيـو .. بعد دوره على المجمع كلـه قضت فـلـك كل اغراضهـا وكلهم من ذوق العنـود .. خالـد يتحلطم ويتأفـأف : اوووووف اوفففففف !! العنود : يخي شفيييك اخذ فلك وروحوا مطعم تعشوا انا لحين ماخلصت .. بس باقي كعب .. خـالد : لا والله تبيني اهدج بروحج ..؟ عشان مايبقى واحد مايغازلج العنود تستهبل : لاا واللـه لهدرجه انا حلوه وه بس اخوي تسلم انت توأمي ولا تزعل تشبهني .. خالـد : عندوه بلا بياخه انا ماتغشمر معاج العنود : ياااااخوي يااااخوي هذاني متغشيـه وعبايتي ساتره شتبي بعد اكثـر ..!! فلـك : اي واللـه .. شتبي منهـا ! تعال انا قلتلك بعزمك على ستار بكسسسسس خالـد : يلا باي العنود تشققت : بااااياااااات اخييييي .. راحت فلك مع خالـد .. اقعدوا في ستار بكس .. طلبولهم خفايف على ماتيي العنود ويتعشون مع بعض في بيزا اكسبرس .. خالـد : زيييييييين نكمل .. حق من كنتي تنغزين فلك تفتح عيونها ع الأخر : حق عزوووووووز خالـد : شدخل عزوز في عندوه ؟ فلك : يـغبي يـغبي ( تضربه على راسـه ) خالـد : ييييييييه شفيج انتي احنا في مكان عام مو في البيت فلك تطنش كلامه : نتؤؤ انت الحين اسمعني .. يعني انت مو ملاحظ ان في شي بين عزوز وعندوه ؟!! خـالد : لااأ .. بس انا كل ماييب طاري عندوه عند عزوز يرتبك ومادري شيستوي فيـه .. بس عندوه لاا عآدي ..!! فلك : وعليه عليك ياخوي .. انا اشك اشك اشك والله اعلم ان يحبهـا بس هي ماتدري عنهـ .. خالد : لالا ماعتقـد .. نتؤنتؤ .. انسي نسي مستحيييل لالا انتي غلطانه فلوك .. ( الا يرن جوال فلك ** المتصل : اخي الدب ** خالد : هههههههههاي طاع شمسميته .. آي أخو ؟ فلك : اوووص عزوز .. بحط سبيكر وشوف بنفسك لمـا اييب طاري عندوه .. فلـك : هـلا واللـــه بو الزوز شحـالك ..؟ عزيز : هـلا تمـام .. بس بقولج انتي قاعده وين ؟ فلك : ستار بكس ليش ؟؟! عبد العزيز ارتبك : أ..أهـا .. إأ ألإ .. من معـاكم ؟؟ فلك تطالع خالد بخبث وخالد يرد لها النظره نفسها : العنـــوود وخــــألد .. عبد العزيز : أأهـا .. بس بغيت اسأل عشان اذا تبيني أمرج .. فلك تكلم خالد بصوت واطي ( ها شرايك يمرني ولا ..؟ ) خالد : لالا انا بوصلكم فلك تكلم عبدالعزيز : سمعت ؟ خالد بيوصلنا يلاا باي يابو الطلب عبدالعزيز بإحباط : باي =( ..! تسكر من عنده فلك .. وتطالع خالد بنظرة انتصار : شفت ؟ خالد يحوس بأصابعه في ذقنـه .. وعاقد حواجبه : امممممم تجيهم العنـود وتقطع حديثهم وهي تنافخ : اه اه اه تعبت وانا احوس باليالله لقيت لي كعب فلك : تعالي قعدي .. اجوفه شنو لونه ومنوين ؟ العنود : شسوي مالقيت الا بني .. كعب من ميلانو .. فلك : عاد مالقيتي الا ميلانو ! ميلانو حق جواتي مدرسه مو حق عرسسس ! شكلج شاريه جوتي سبورت .. ( يقوم خالد من على الطاوله ويروح عند شخص يسلم عليهـ ماكانت تبين ملامح الشخص بس هيئته من ورا كان يبين ان جسمه حلو .. ) العنود تحط يدها على حلجها وتشهق : فلوووك جوفي الريال اللي يسلم عليه خالد شكله ممممممممممممملوح !! اسكتت فلك وقعدت تطالع العنود بخبث وتوجه نظرها لخالد واللي يسلم عليه العنود : هاه !! شفيج !! منو هاذا !! فلك تطالع العنود بخبث وهي تضحك : عزوز اخوووي العنود انصدمت ومنزود الصدمه سكتت !! فلك تواخذت وحست انها فشلت العنود بنظراته مع ان العنود كان كلامها عادي .. حبت تغير السالفه .. : امممممم تبين اطلب لج شي ؟ يقطع كلامهـا خالـد ياي ويايب عزيز معاه : يـلا بنات بنتعشى في بيزا اكسبرس انا وفلك خاطرنا في بيزاااااا .. عزيز كان يطالع العنود .. اول مره يدري انها تتغشى غير عن بنات عماته .. كان ابو العنود مايرضالها تطلع بدون غشوه لانها وايد حلوه ويخاف عليها من سوالف شباب هالايـام .. وهي كانت راضيه بأنهـا تتغشى لان شي في صالحهـا .. عزيز : السلام عليكم فلك انهدت فيه : وعليكم السلام .. الحين انا موب قايلتلك لا تيي قلتلك خالد بيوصلنا ! عزيز : ياخي انتي شيخصج شيخصج ..! خالد : انتي ياسنيكرز .. جب احسن لج وحدج على عزوز .. انا وياه ياين ندش السينما عقب مانطلع من فيلاجيوو ..! العنود ( بدون شعور ) : اللـه ! انا خاطري ادش سينما .. معاكم معاكم .. فلك : وانااااااااااا بعـد ..! عبد العزيز : شرايك بو الوليد ؟ خالـد يتكتف ويحط ريل جدام وريل وره : والله بحكم اني بو الوليد وانت بو الزوز .. فـ طبعن ( يبتسـم ) لا ..! فلك و العنود انصدمـوا فلك : احسن اصلا من قال اني ابي اروح معاكم .. وانت مره ثانيه يابو الوليد لا تطنز على اسمـي .. احترم نفسك يعني .. ( تقوم من ع الطاوله وتسحب العنود معاها ) باي !! عبدالعزيز كان كل نظره للعنود كان قلبه يدق بسرعه لمـا يشوفهـا ويتنفس بسرعه حتى خالد لاحظ ان مرتبك شوي .. خالـد : يا سنيكرز .. تلفت لـه فلك وتطالعه بنظره : هه!هه!هه! يضحك !! ظريف ..!! عبدالعزيز : خلود يالحمار بروحها البنت متعقده من اسمها تزيد الطين بله الحين ترجع البيت وتطقها بجوه .. خالد : افااااااا بو الزوز افاااااااااااااااا نبيك عون صرت فرعون ؟ العنود : انا رايحه مع فلك لمـا نخلص عشا بندق لكم .. عبدالعزيز يتخبل لمـا يسمعها تتكلم .. كان ساكت ويطالع بهميان جنه اول مره يسمع صوت بنت . اما عند العنود !! حالـه استثنائيـه .. كانت من تحت الغشوه اطالعه بأعجاب .. ياربي شالرجوله شالرجوله !! السكسوكه حلوه عليه طالع جنــــــــــــان ..! عقب هالطلعـه رجعوهم البيت خبركم الشباب نذاله قطوهم البيت وراحوا السينمـا .. ههههههههههههههه عند العنود كانت قاعده على سريرها بس تفكر في عبد العزيز .. (( هذاك المـار قدامـي ولـه نظرآت قتـالـه (( ولـه سكسوكـةٍ حلوه بإقصـى الوجه مرتسمـه (( حرمني النوم في ليلي .. حرمني النوم عقبالـه (( يحس الشوق في صدره ذبحه وزآد في همـه (( احب امـه * واحب عمـه * احب جده * واحب خالـه . Link to comment Share on other sites More sharing options...
السمكة المفترسة Posted يوليو 14, 2008 Report Share Posted يوليو 14, 2008 روووووووووووووووووعة كملي كملي ناطرين يسلموووو Link to comment Share on other sites More sharing options...
غلاي قطر Posted يوليو 14, 2008 Report Share Posted يوليو 14, 2008 تسلمين اختي على القصة الحلوه . يعطيج العافيه ننتظر البارت Link to comment Share on other sites More sharing options...
danat aldonya Posted يوليو 14, 2008 Report Share Posted يوليو 14, 2008 رووووعة البارتات يسلمووووووووووووووووو بانتظار التكمله Link to comment Share on other sites More sharing options...
Recommended Posts