فنكوش Posted أغسطس 23, 2009 Report Share Posted أغسطس 23, 2009 (edited) و انا شفت ردج آخر رد بالموضوع عبالي حطيتي البارت ,, حدددي متشوق اعرف النهاية شلووون بتكووون بالإنتظار Edited أغسطس 23, 2009 by فنكوش Quote Link to comment Share on other sites More sharing options...
دلـوعـــة محرقيــة Posted أغسطس 23, 2009 Report Share Posted أغسطس 23, 2009 يلا حبـوو وينج .. نبيي نعرف شصار .. فديتج Quote Link to comment Share on other sites More sharing options...
بنت الحداده Posted أغسطس 25, 2009 Author Report Share Posted أغسطس 25, 2009 جاسم ..: اي والله صدقت .. ناصر كان قاعد يطالع الكل بدون ما يسمع احد .. كلشي ضاع كلشي راح منه اليوم هيام صارت لريال غيره واهو خسر كلشي خسر هيام وخسر شريفة وخسر عمره الي طاف بدون زواج .. بدون ذرية يحس بأحباط وبيأس مو طبيعيين .. ياي مغصوب عشان محد يشره عليه .. وكأنه ياي يدفن سعادته وللأبد . مرت ايام .. تنعد على الأصابع كانت مثل الحلم .. حلم يقضة شي جميل وعالم وردي تتحقق فيه الأماني هيام بدارها .. تتكلم في التلفون رامي.. : باقي وايد .. 24 يوم شيصبرني هيام ..: ههههههه الصبر زين رامي.. :.. الا يذبح هيام ..: ههههه رامي.. :شرايج نطلع نتغدى سوى؟ هيام ..: اليوم؟ رامي ..: اي اليوم ودي اشوفج هيام .. : اوكي رامي.. : يلا برزي ياييج هيام ..: الحين!! رامي ..: ههه اشفيج تسأليني هالأسألة هيام ...: مادري انت كلشي حار بحار؟ رامي .. : توحشيني على طول هيام .. شلون افسر لج لهفتي عليج؟ هيام ..: لهل درجة؟ رامي ..: وأكثر .. اكثر هيام هيام ..: رامي .. رامي ..: عيون وقلب وروح رامي هيام..: احس براحة لين اكلمك .. احبك وايد رامي ..: مو كثر حبي لج .. بس تحسين براحة؟ هيام ..: وأحس بحب رامي ..: حب شلون يعني؟ هيام ..: يعني احب كلشي تقوله كلشي يخصك احبه ويهمني ويلفت نظري رامي ..: الاااه تحسين بكل هذا ؟ هيام ..: اييه رامي ..: شرايج ان انا احس بأني اعيش بعالم ثاني .. اسمع دقات قلبي وانا اكلمج واحس بأني فرحان لدرجة اخليني ابي اصرخ عشان اعبر عن مشاعري هيام ..: ساعات اخاف احسد نفسي عليك رامي ...: هههههه تدرين ان نفس الشي عندي .. من زود ما انا مو مصدق أنج صرتي لي اخاف احسد نفسي هيام ..: انزين ما بتسكر الخط عشان البس؟ رامي ..: اوكي .. يلا يايج هيام..: باي رامي ..: هيام هيام..: هلا رامي..: احبج هيام ببتسامة ..: احبك سكر الخط وخذ نفس عميق .. الحمدلله يا ربي هيام اكبر هبة في حياتي .. الحمد والشكر لك يا ربي هيام .. طلعت عباتها اليديدة .. وعطتها الخدامة تكويها وحطت لها كحل خفيف .. وشالة شنطتها وبرزت ونزلت الصالة هيام ..: يمة .. يمة ام طارق.: هلا حبيبتي هيام ..: يمة بطلع اتغدى مع رامي.. ام طارق ..:اي يمة طلعي قعدي تونسي شوي بو طارق ..: طالعة قمر هيام ..: من ذوقك حبيبي قعدت جنب ابوها ولمته رن الجرس وطلعت الخدامة تفتح الباب ودش رامي.. رامي ..: السلام عليكم ام طارق وبو طارق ..: وعليكم السلام ورحمة الله رامي قعد ..: شلونكم؟ بو طارق : بخير والحمدلله انت شلونك رامي ..: انا ولله الحمد عال العال ام طارق.. صبت له جاي : تفضل رامي ...: دام فضلج بو طارق ..: ها وين بتتغدون؟ رامي ..: في المكان الي تحب هيام بو طارق ..: هاا مو يقص عليج خليه يغديج بمكان راهي هيام ..: ههههه اي مكان مع رامي راهي بالنسبالي رامي ببتسامة.:وأنا كل مكان مع هيام بالنسبة لي جنة بو طارق ..: يه يه .. اقول وأنا ابوج ما اشوفج اتقولين لي هلون حجي حلو هيام ..: ههههههه حبيبي انت مالي غيرك لمت ابوها بقووة رامي ..: يلا هيام .. مشينه ام طارق ..: انتبهوا للطريج رامي ..: لا توصين .. يلا فمان الله بو طارق ..: فمان كريم طلعوا ودشت السيارة .. هيام...: وين بنروح رامي ..: مادري محل الي تبين هيام ..: اممم مافي مكان في بالي رامي ..: اقولج شي هيام ..: قول رامي ..: هههه لا تعتبرينه سخافة هيام ..: لا شدعوة رامي ..: يوم تلمين ابوج حسيت بشي من الغيرة هيام ..: ههههههههه بس هذا ابوي رامي ..: قلت لج لا تعتبرينه سخافة مادري ليش حسيت جذي هيام ببتسامة..: ما عرفتني زين لين عرفتني بتعرف انا اعتبر هالشي سخافة ولا لا رامي ..: شلون يعني؟ هيام ..: امم تعرف بنفسك احسن رامي ..: يلا نصبر ونشووف دشوا المطعم رامي ..: ها شتامرين عليه ؟ هيام ..: أممم أنا باخذ باستا رامي ..: خلاص وانا بعد رامي طلب لهم .. رامي .. : أنزين ما اتفقنا على شهر العسل هيام ..: والجامعة؟ رامي ..: راح يكون ان شاء الله بعطلة الربيع هيام .. : أمممم مادري انت وين تبي تروح؟ رامي ..: انتي وين تبين تروحين هيام ..: أنا عادي يعني مافي مكان معين بخاطري رامي ..: اشرايج بالمالديف؟ هيام ..: ما رحتها قبل رامي ..: انا طلعت معلومات عنها وشفت صور .. صج مكان خيالي بتنسين كلشي يضيق خلقج لين شفتي الأبداع الرباني هناك هيام ببتسامة..: اقنعتني رامي .. يود يدها ..: اهمشي اشوفج مستانسة هيام وهي محمرة ..: دامك معاي .. انا بكون في قمة وناستي رامي خذ نفس ..: يا الله هيام ..: اشفيك؟ رامي ..: مستانس بصورة ما تتخيلينها شوي ووصل الأوردر .. حطت لهم الفلبينية الصحون واهي تطالع رامي بس اهو ما شافها .. هيام تنرفزت .. رامي ..: اشفيج ؟ هيام ..: ولاشي رامي ..: ولاشي وانتي هلون تغير ويهج مرة وحدة؟ هيام ..: افف رامي ! .. : الأكل مو عاجبج؟ هيام .: لاا رامي ..: عيل؟ انا ضايقتج بشي؟ هيام ..: لاا رامي ..!؟؟ هيام .. : بس الفلبينية ضايقتني شوي رامي ..: شسوت؟ هيام ..: يعني ما شفتها!! رامي: لاا!!! هيام ..: خلاص مب لازم .. رامي ..: قولي ولا ترى مب ماكل هيام ..: كانت اتطالعك مادري شلون رامي ..: ههههههههههه هيام ..: اشفيك تضحك! انا قايلة نكته ! الشرهه علي الي قايلة لك رامي ..: ههههههههههه لا والله مو قصدي هيام ..: اي مو قصدك .. قول قاعد اتمسخر علي لكن انا السبب انا شلي اقولك! رامي ..: توني فاهم الي قلتيه لي بالسيارة هيام ..: ليش انا شقلت ؟ رامي ..: امداج نسيتي ؟ هيام ..: لا بس انا قلت وايد اشياء .. رامي ..: قلتي لي بتعرف بروحك اذا انا اعتبر هالشي سخافة ولا لا هيام صارت حمرة .. رامي ..: ههههههههه .. احبج هيام هيام بنظرة حب ..: احبك اكثر رامي ..: يا ويلي انا .. اتعرفين احس روحي بتطلع لين تطالعيني جذي هيام ..: هههههههه في بيت بو طارق .. وفي دار طارق وسمر .. سمر ..: اففففففف ما اتحمل ريحة عطرك تبط راسي قطه الله يخليك طارق ..: يه ! .. انتي الي شاريته لي سمر ..: مادري احسه صار خايس افففف مو قادرة اتحمل بزوووع طارق ..: سمر فيج شي اوديج المستشفى ؟ سمر رركييض الحمام .. وتمت اتزوع .. طارق ..: سمر انتي شماكلة امس؟ سمر .. وهي تاخذ انفاسها بصوت مسموع .. : مادري ماذكر طارق ..: خلينا نروح المستشفى سمر ..: مو لازم طارق ..: اشلون مو لازم ليكون فيج انفلونزا الخنازير بس سمر اتطالعه بعصبية ..: تفاول علي تبيني اموت عشان تاخذ غيري لااااااااا طارق ..: ههههههههههههههه اسمالله عليج .. مو قصدي يالغالية سمر ..: الا قصدك .. عاد اذا فيني لازم اعاديك عشان ما تتهنا اموت وتموت وراي طارق ..: هههههههههههههههههههههههههههههههههههههه اروح لج فدوة سمر ..: ايييه قص علي بجم كلمة طارق ..: انزين زهبي عشان نروح .. سمر ..: انزين لو سمحت هالعطر قطه وبدل ثيابك لأني مو طايقة اشم ريحتك طارق ..: ول ول انزين ببدل .. البست سمر عباتها .. وغير طارق ثوبه .. سمر ..: عيل وين غترتك؟ طارق ..: ما يحتاي سمر ..: انزين يلا ركبو السيارة .. سمر ..: افففففف ريحة السيارة مو طبيعية .. خلنا نروح بسيارتي طارق ..: حرام عليج!! .. هذا العطر مافي احلى منه سمر ..: اففف ما اتحمل بختنق منن الريحة طارق ..: لا حووول راحوا بسيارتها .. وصلوا عيادة الدكتور الي على طول يراجعونه قعدوا شوي .. على ما يطلع المريض الي عند الدكتور ودشوا بعده على طول سو لها بعض التحاليل .. وابتسم .. طارق بمزح ..: هاا عسى بس مو h1n1 الدكتور ..: ههههههههههه لا اسمالله عليها .. مافيها الا العافية طارق ..: عيل اشفيها كله اتزوع ولايعة جبدها سمر ..: وأحس بصداع بعد الدكتور ..: هذي اعراض طبيعية .. سمر ..: طبيعية! بس انا عادتاً ما احس جذي الدكتور ..: طبعاً ما بتحسين وأنتي في الوضع الطبيعي طارق ..: حيرتنا يا دكتور اشفيها؟ الدكتور ..: اسمحولي اقولكم .. ألف ألف الف مبروك المدام حامل وبالشهر الثاني طارق شق حلجه ..: من صجك يا دكتور! سمر ......!!!!: انت متأكد؟ الدكتور ..: اي طلعوا من عند الدكتور وكل واحد فيهم ساكت ومصدوم ومو عارف يعبر عن فرحته للحين .. وقفها في الممر طارق ..: سمر بيينا ياهل سمر لمته .... وتمت تبجي طارق ..: لا تبجين حبيبتي .. لا تبجين يا بعد اهلي كلهم .. بيينا الي كنا نتمناه ونبيه سمر .. : مو مصدقة .. طارق ..: لا صدقي .. صدقي الله رزقنا والحمدلله سمر وهي تمسح دموعها ..: اخاف يصير مثل ذيج المرة .. طارق ..: مستحيييييييل انا بشيلج على راسي حتى الدري ماتنزلينه سمر ..ابتسمت له .. : احبك يا طارق .. طارق .. : وأنا اموت على الأرض الي تمشين عليها يابعد قلبي انتي .. سمر ..: انزين خلنا نمشي طارق ..: ما بتمشين انتي سمر ..: ليش؟!! طارق شالها .. سمر ...: طاااااارق نزلني مو قدام الناس طارق ..: أنا ما علي من احد .. انا شايل حبيبتي وزوجتي وام عيالي يقولون الي يقولونه اهمه اهمشي انتي مرتاحة وصلوا البيت ورد شالها ودش البيت وهو حاملها .. رامي وهيام كانوا توهم واصلين وقاعدين بالصالة مع ام طارق وبو طارق . . بو طارق ..: الله حي عنتر وعبله طارق وهو يضحك ..: وحي معاهم ولدهم الصغييير ام طارق وقفت ..! : سمر ! سمر ..: اي عمتي .. طارق نزلني خل اعرف اروح الم عمتي يه طارق ..: مو تعب من هني لي امي ؟ الكل ..: ههههههههههه نزلها .. ولمت عمتها .. وعمها .. بو طارق .. : خلاااااااص بتسووني شايب غصب هيام ..: وااااااااااي سمووووووور ..ان شاء الله اتيبين بنية عاد سميها هيام بو طارق ..: واذا صبي سميه صالح ام طارق ..: ما عليج منهم .. اذا بنت سميها فاطمة على بنت رسول الله .. واذا صبي سميه محمد على اسم نبينا طارق ..: يحلييييلكم اصلا أنا الي بسمي رامي ..: هههههههه انا رايي من راي عمتي سمر ..: هههه اذا بنت انا خاطري اسميها لمى طارق ..: يلا خذ الحين لمى وشذى وسهى .. يالوالد عطنه من الأسامي السنعة الأصيلة .. سبيجة زليخة مطرة مرزوقة سمر ..: اسمالله على بنتي طارق ..: ههههههههههههههههههههههه للحين ما يت وانتي صرتي المحامي مالها هيام ..: ايييي شنو تسميهم هالأسامي .. نبي اسم حلو ام طارق ..: ههههههههههههههههههههه لمى حلو سمور طارق ..: اي عاد يمة شندلعها لملم! سمر تدزه ..: ما تيوز هيام ..: لموووي سمر ..: اي هذاهوه شوي ورن تلفون بو طارق .. بو طارق ..: الو .. وعليكم السلام ورحمة الله اي نعم انا صالح النوخذة .. " تغيرت ملامحه " شلون! ..خلاص انا ياي .. بو طارق ..: انا اترخص في شي ضروري طارق ..: يبة شي في الشركة ؟ ايي معاك بو طارق ..: لا انت خلك انا مب مطول .. مع السلامة طلع بسرعة ... شلون !! .. شلون ماتت !! .. ومن متى !!!! وصل دش المغفر .. والمحامي واقف ينطره .. بو طارق ..: شلون صار كل هذا ؟! المحامي ..: سبب الوفاة سكتة قلبية ! .. بو طارق ..: سكتة مرة وحدة! المحامي ..: هذا يومها يا بو طارق.. بو طارق ..: وريهام وين!! المحامي .. :أنا خذيتها وموجودة بالسيارة .. عليك شوي اجرائات وأنا اتكفل بالباقي.. بو طارق .: لا حول ولا قوة الا بالله العلي العظيم .. وقع بو طارق على الأوراق اللازمة .. وراح يشوف بنته تشهق وهي تبجي .. لمها بحنان .. بو طارق ..: خلاص يبة لا تبجين ريهام .. : ماما ماتت .. ماعندي احد من بيقعد معاي يدرسني ويقولي حزاية قبل لا ارقد بو طارق تقطع قلبه ..: أنا .. ريهام ..: أنت ما تيي بو طارق ..: أنا باخذج معاي ريهام وهي تمسح دموعها : صج ؟ بو طارق والدمعة بعيونه .. وبصوت متألم ..: اي صج .. يودها من يدها وركبها السيارة معاه .. وتم لامها .. وصل البيت .. صار الي ما توقعه بو طارق ولا حسب له حساب بيدش البيت وبيده ياهل وهالياهل من تكون ! بنته من مرة ثانية .. اليوم بيطيح عيون عياله .. ويمكن يخسر منيرة حبيبته وزوجته وأم عياله وللأبد ..!لكن مسؤليته كأب اقوى من انه يخلي بنته كان مأمن عليها وأهي مع امها .. بس الحين ! اهي مالها بهل دنيا غيره .. بعد ما اجبر امها تبتعد عن الكل وتتفرغ لها .. صارت امها محور حياتها .. وبعد ما راحت صار كل الحمل على عاتقه .. دش البيت .. الكل متيمع بالصالة وزاد عليهم ريم وهاني .. وكأن لازم يعترف وللكل أنه مو الزوج المثالي الي تصوروه .. واعتقدوه هيام ..: هلا يبة شافت الياهل .. مثل القمر .. لها نفس عين هيام وشعرها البني الحريري .. هيام ..: من هالحلوة؟ ام طارق وقفت ..! بو طارق دش البيت وقعد وقعد البنت بحضنة بدون ما يتكلم .. سمر ..: الااااااااه قمر قمر .. انتي منو يا حلوة ريهام ..: ريهام هيام ..: اوه جريب من اسمي .. من هذي يبة؟ بو طارق .. وانفاسه اتضيق : هذي ... الكل لاحظ توتر بو طارق .. ام طارق صبت له قلاص ماي ..: اشرب يا بو طارق شكلك تعبان ..! شرب الماي ويده ترجف .. هيام ..: يبة اشفيك؟ بو طارق .. يمع قوته .. : هذي اختج يا هيام هيام كأن احد معطيها كف على ويها !! ... وأم طارق اقعدت على الغنفة والدمعة بعيونها .... طارق ..: شلون!! هاني ..: يبة انت اكيد تمزح بو طارق ..: لا ما امزح .. هذي بنتي .. من ام طارق والغصة ذابحتها ..: السكرتيرة القديمة آمال .. بو طارق التفت لها!.! بو طارق ..: أنتي تدرين .. ام طارق ببتسامة فيها ألم ..: شلون ماعرف يابو عيالي! طارق !..: شلي قاعد يصير !!!!!! ام طارق ..: ابوكم .. تزوجها بوقت انا كنت في خلاف معاه أهملته وتغليت اكثر من اللازم ..... ابتعدت عنه بقلبي وبكل مشاعري .. حبيت اعاقبه .... لأنه ما كان يعطيني الأهتمام الي كنت ابيه كنت احسه مهمل في حقي,, أنا عرفت بأنه تزوج بعد ما حسيت ان حنته علي عشان ارضى قلت .. وصار يسرح ويغيب بتفكيره .. وقتها حسيت ان في غيري وتحريت وعرفت .. حسيت بتقصيري وعذرته .. صلحت من نفسي وأنا اشوف سبب زواجه وجيه صلحت من نفسي .. عبرت له عن مشاعري وتغير .. " ابتسمت بألم" صار يهتم فيني مثل ما كنت ابي كل الي كان يبيه اني اعبر له عن الي احسه تجاهه .. كنت احس بغيرة تذبحني بس اهو مو مقصر معاي نساني انه متزوج بو طارق ..: بس انا غلطان .. غلطان ام طارق ..: لأني غلطت انت غلطت .... شي تراكمي السبب الأول فيه انا ....... ام طارق خذت البنت ولمتها .. وبجت ..: تشبهج يا هيام .. نسخة منج هيام .. لمت امها ..: انتي عظيمة يمة .. عظيمة ام طارق .. ابتسمت لبو طارق واهي تمسح دموعها..: عيل وين امها ؟ بو طارق وهو يطالع الأرض .. : توفت ... ام طارق حطت يدها على حلجها... بو طارق ..... ام طارق نزلت دموعها غصبن عنها واهي تشوف البنت صغيرة .. مثل الوردة تيتمت مبجر وانحرمت من حضن امها الي تحتاجه اي بنت بعمرها .. ام طارق ارفعت راسها تشوف بو طارق .. لمته .. أم طارق ..: لا تنزل راسك .. ابيه مرفوع على طول .. بو طارق والدمعة بعينه .. : انا سويت فيج كل هذا وتقولين لي هالكلام .. أم طارق ..: انا احبك يا بو طارق .. وقلبي سامحك وعذرك .... بو طارق ..: والله أني ما استاهلج تستاهلين واحد احسن مني .. أم طارق ..: لا تقول جذي تخليني ازعل منك .. مسحت دموعها وابتسمت له .. : انا بكون لها امها الثانية .. ام طارق وهي تكلم ريهام ..: انا بكون امج اليديدة .. ريهام .. ما تكلمت . الكل يطالعها والكل مصدوم في مكان ما تعرفه ووسط ناس اول مرة تشوفهم .. عدى رامي .. الي شافته .. كان واقف يطالع الموقف وعينه تدمع غصبن عنه .. مسح دمعته هيام .. كل الي يصير جدامها يحسسها بقوة الرابط الي بين امها وابوها .. وولحظة نست كلشي وتمت اتطالع ريهام ... اخت .. اخت انا لي اخت .. ياما تمنيت يكون لي اخت ابتسمت وهي تلاحظ حركاتها تذكرها بتفاصيل طفولتها .. كانت لامة ريل ابوها .. ليش انها خايفة .. مثل ما كانت هيام تسوي لين تروح مكان مع امها او مع ابوها .. كانت متعلقه فيهم وتخااف من كلشي.. كانت تبي تروح يود ريهام بس تباعدت عنها .. التفت رامي . ابتسم لها ..: لازم تحسسينها بأنج ما بتأذينها .. هيام ..: شلون؟ رامي .. راح لريهام بهدوء وهو مبتسم: ممكن تعطيني يدج يا اميرتي الحلوة؟ بو طارق كان لاهي بأم طارق .. يتأسف لها .. ويبرر موقفه .. ويلوم نفسه .. ويحمد ربه عليها .. ريهام .. طالعته بخوف .. رامي ..: خلاص انا بغمض عيني وانتي عطييني يدج الحلوة .. ريهام حطت يدها الصغيرة فوق يده .. رامي شال يده عن عينه وابتسم لها ..: الاااااااه .. شهل يد الناعمة ريهام ابتسمت له .. هيام يات يمه ..وبهمس ..: اهي صج اختي بس ترى أنا من كلشي أغير! رامي ابتسم لها ..: تدرين ودي ألمها هيام ..: يحلييييييييلك رامي ..: ههههههههههه نسخة منج هيام ..: وشلة تروح للنسخه وأنا موجودة رامي تم يطالعها وأهو مبتسم ..: الله لا يخليني منج .. هيام وهي تمسح تحت عينه ..: ولا منك رامي ..: ههه .. شدراج ان عيني ادمعت هيام ..: قلبي يحس .. رامي ..: يافديته.. بعد ما خيم الليل .. خذت ام طارق ريهام .. ودخلتها غرفة جاسم .. بعد ما رتبتها وبخرتها .. ام طارق ..: اليوم بترقدين هني .. لين يوصل اثاث دارج الي بروح انا وأنتي نختاره باجر ريهام ..: بس انا اخاف ارقد بروحي .. ام طارق ابتسمت لها ..: تبين ارقد معاج ريهام هزت راسها .. ام طارق ..: من عيوني غفت ريهام بسرعة ليش انها تعبانه .. وتمت تمسح على شعرها .. مرت الأيام بسرعة .. وتعودت ريهام على ام طارق وأم طارق تعلقتت فيها وايد .. اليوم .. يوم تاريخي .. اليوم قبل بيوم من ليلة عرس هيام ورامي .. الغريب ان مع قصر المدة لكن اقدروا يشترون كلشي لأن رامي يومياً ياخذ هيام السوق ويفتر معاها واهي معاه تطول بالسوق ولا تتعب .. وأهو كل ما طالت المدى بغا يمددها اكثر شيخه مع هيام بالبيت .. بترقد معاها لأن بتروح معاها الصالون الصبح شيخه ..: اييه بنودع ايام العزوبية هيام ..: ههههههههههه شلة صبيان احنا .. شيخه .. : اوف هيوم . تزوجنا بسرعة .. ما استانسنا وايد هيام ببتسامة ..: أنا قمة الوناسة الحين شيخه ..: يحليييلج .. قمة ها هيام ..: ايي شيخه ..: تعالي تعالي لا تطيرين تدعمين بالسقف ترى مافيه فتحة تطيرين منها .. هوني هوني الله يخليج هيام تدزها ..: تتمسخرين حضرتج شيخه ..: ههههههههههههههههه شدراني فيج هيام ..: انا خايفة من باجر شيخه ..: لازم بتخافين هيام ..: بس في نفس الوقت متحمسة شيخه ..: لازم بتتحمسين هيام ..: ومتوترة شيخه ..: ترى تمللت وأنا اقولج لازم هيام ..: اووف .. ماتخليني اعبر شيخه ...: شتعبرين خزني خزني حق الغاوي مان هيام ..: شيخوه تراه صار ريلي شيخه ..: ههههههه سكتي ذيج المرة زلت لسان وقلتها جدام علي .. قلب ويهه علي يوم كامل هيام ..: ههههههههههههه شيخه ..: تدرين .. يوم عن يوم احبه اكثر هيام ..: الله يخليكم لبعض سمر .. دشت ..: انتوا للحين ما رقدتوا؟ هيام ..: مافيني رقاد .. سمر ..: ترى ما بتقدرين تقومين باجر ام طارق وريهام دشوا عليهم .. ام طارق ..: انتو بعد مافيكم رقاد هيام ..: رهوووم تعالي عطيني بوسة ركضت ريهام ولمت هيام وباستها .. هيام وهي تفرص خدوها ..: ايه عليها اختي الحلوة ام طارق ..: عيزت منها مافيها نوم هيام ..: خلاص يمة خليها انا وشيخه .. بنرقدها معانا شيخه ..: اي افا عليج خالتي .. رقدي وآمني .. ام طارق ..: يلا تصبحون على خير ريهام راحت تبوس ام طارق .. ريهام ..: تصبحين على خير يمة .. ام طارق ابتسمت لها ..: حبيبتي انتي رقدي زين .. طلعت ام طارق ووراها سمر .. شيخه .. : اقول ريهام .. اشرايج بأختج هالجيكرة تصلح عروس؟ ريهام واهي تطالع هيام مادة البرطم يازعم زعلت ..: مو جيكرة هيام ..: أييييييييه عليها شيخه ..: يعني انا عمية ما اشوف ريهام ابتسمت لها ..: ههههه شيخه ..: يحليج والله .. شيخه سحبت شعر هيام .. هيام : آآآآآي! شيخه ..: اشفيج؟ هيام ..: يه تمجعين وتقولين لي اشفيج ؟ شيخه ..: شفتي ريهام .. اختج مخرفة تتخيل اشياء ما صارت ريهام ..: شفتج شيخه ..: وه وه يمة مننننج ما يطوفج شي هيام .. سمتت شعر شيخه شيخه ..: آآآآآآآآآآآآي هيام ..: ههههههههههههههه ريهام ..: ههههههههه شيخه ..: تضحكون علي بعد! خذت المخدة وعلى ويهوم .. مر اليوم اهمه يمزحون ويسولفون وبالزور ناموا الساعة 2 .. في الصالون خولة راعية الصالون والي تحط المكياج ..: لا .. عروستنا اليلة قمة في الجمال هيام ..: من ذوقج خولة .. : بحط لج مكياج متوسط مو ثجيل ثجيل ولا خفيف خفيف .. بتطلعين قمر شيخه ..: اهي بروحها قمر خولة ..: وأنتي الصاجة شيخه ..: أنا هالله هالله فيني تراني اختها الي ما يابتها أمها خولة ..: افا عليج .. وعد تطلعين احلى منها شيخه ..: اي هلون ابيييج شحليلج هيام ..: هههههههههههههههههههه رن تلفون شيخه علي ..: الو شيخه ..: هلا حبيبي علي ..: شيخه انا انطرج تحت شيخه ..: بس انا عقب شوي بيبتدون في شعري علي ...: شيخة تكفين بخاطري اشوفج شيخه ..: وانا بعد حبيبي علي ..: يلا نزلي انا تحت انطرج شيخه ..: يلا ياية سكرت الخط ونزلت له شيخه تتلفت يمين يسار ..: وينه هذا شيخه اتصلت فيه لايمكن شيخه..: يه ! يت بترد اتدش الا يد تربت على جتفها بدفاشه التفت الا أهو مقرع ومسوي له لحية خفيفة وسكسوكة مرتبة شيخه !: شمغبر في شعرررررررررررك! علي ..: شرايج بالنيو لوك شيخه ..: هههههههههههه ولا قرعة رونالدو وبعدين شنهو ذي هضبات بقرعتك علي ..: هههههههههههههههه هاي يوم انا صغير اكثر من مرة شدخت على راسي شيخه ..: حرام عليك ليش قرعت علي ..: قلت اسوي تغيير شيخه ...: لا والله وليش ما قلت لي يمكن ما يعجبني علي ..: ادري حتى لو أني اصلع من اساس باعجبج شيخه بغرور ..: وايد واثق علي ..: انكري كلامي شيخه ..: وشلة انكر علي ببتسامة ..: لأنج تحبين علي الي داخل مب الي برى شيخه ..: صج والله ؟ علي ..: اي صج شيخه ..: من قالك؟ علي .: قلبج شيخه ..: قلبي جذاب علي ..: قلب حبييبتي مب جذاب صج انه متنمر وشرس ويشوط بس ما يجذب شيخه ..: انا قلبي متنمممممممممممممر ويشوط! علي ..: صعقني بالحب يالحب شيخه ..: لا ترقع علي ..: احبج شيخووه شيخه ..: احبك اكثر يالأقرع علي .. وهو يسمح على قرعته: اعجبج افا عليج شيخه لمته ..: انزين حبيبي انا بروح لأنهم بيبتدون في شعري بتوحشني وايد احبك علي ..: احبج اكثر ولو اني ما شبعت منج شيخه ..: يلا بااي علي ..: باايي ريم دشت الصالون عقب شيخه ريم ..: ها يه دوري؟ شيخه ..: ينية متى يتي انتي ريم .: الحين وراج شيخه ..: عيل وين سلمى ومروة؟ ريم ..: مادري .. احنا نصنا هني والنص الثاني بالصالون الثاني شيخه ..: هلون يعني ريم ..: اي .. وينها مرت اخوووي شيخه ..: من الحين سويتيها مرت اخوج ريم ..: ويييي ملج عليهاااا شيخه ..: اي بس يعني مب من الحين للحين ما حل لج الللقب ريم ..: انتي متسببة رن تلفون ريم .. ريم ..: هلا حبيبي هاني ..: ريم .. لا تتأخرون خلاص الحين بس سلمى بتييكم والباقي في الصالون الثاني ريم ..: اوكي هاني ..: انزين ريم شاالبس ريم ..: كلشي عليك حلو هاني ..: اممم اتهقين البس بدلة ولا ثوب وغترة ؟ ريم ..: اممممم احبك بالثوب هاني ..: خلاص بلبس ثوب ريم ..: يلا هاني كا يا دوري هاني ..: ريم .. ريم ..: عيونها انت هاني ..: احبج ريم ..: أموت فيك هاني ..: مع السلامة حبيبتي ريم ..: الله يسلمك في بيت جاسم سلمى ..: يلا جاسم تأخرت جاسم ..: كاني ياي سلمى ..: شتسوي؟ جاسم ..: آكل الله يهداج سلمى ..: هالحزة! جاسم..: اي اشفييها سلمى ..: تونا متغديين جاسم ..: تراج تأخرتي يلا سحبها سلمى ..: اي غير الموضوع دش السيارة وشغلها ..:يلا بسرعة سلمى ..: شنو أكلت؟ جاسم..: ولاشي بس شوي كافي سلمى ..: كافي! حرام عليك السكر اكيد ارتفع الحين جاسم..: يا بنت الحلال لا تكبرين المووضوع سلمى ..:اي كثر كليت جاسم ..: نتفه صغيرة الله يهداج سلمى ..: انا قاطة الكافي كلة من وين طلعتها جاسم ..: هاهاهاهاي شريت جيس يديد سلمى ..: جذي ها .. صبر ارد البيت وبرد اقطه جاسم ..: ياربي .. انا اشتري وهالمرة تقط شهالحالة سلمى ..: وياريت تتوب وصلوا جاسم ..: يلا حبيبتي بييج اول ما تبرزين اتصلي فيني سلمى..: جاسم لا تستغل الفرصة وتروح تاكل كافي بعد .. جاسم ..: من عيوني جم سلمى عندي انا سلمىى ..: ايي قص علي بكلمتين جاسم ..: ههههههه احبج يا اروع زوجه سلمى ..: مع السلامة حبيبي جاسم اتصل في طارق جاسم ..: ها الحين شلون بالنسبة للرياييل؟ في ناس ما عزمناهم طارق ..: لا تحاتي .. انا بخبرهم كلهم الحين جاسم ..:اكيد ؟ ما بتعطيني رقم احد انا اخبره؟ طار ق..: لا خلاص جريب اكمل جاسم ..: يلا فمان الله طارق ..: فمان كريم سكر طارق الخط سمر ..: يلا طارق والله تأخرت طارق..: انزين انزين لا تمشين بسرعة شوي شوي اشفيج سمر ..: طارققق تأخرت متى باكون جاهزة آخر وحدة يعني طارق ..: ههههه حبيبتي انتي لو تبين احجز لج صالون كامل لج ولا تزعلين سمر ..: انزين يلا طارق ..: يلا مشينه سمر تمشي بسرعة بسرعة طارق .: شوي شوي لا يصير فيج شي سمر ..: طااارق الي يسمعك يقول دبتي واصلة لي رقبتي توني حتى بطن ما طلع لي طارق ..: هم خطر سمر ..: انزين عجل طارق فتح لها باب السيارة ..: تفضلي سمر ..: والله ماشوفك اتدلعني كل هالدلع قبل طارق ..: ههههههههههههههههه حبيبتي انتي من اليوم ورايح انتي الأميرة وأنا الخادم المطيع وصل لي الصالون .. طارق نزل من السيارة معاها .. سمر ..: ويين! طارق ..: بوصلج لي باب الصالون سمر .: ما يحتاااي طارق ..: يحتاااي وصلها لي باب الصالون طارق ..: تبين اييب لج شي تاكلينه ؟ سمر ..: لا طارق ..: ما تبين شي تشربينه؟ سمر ..: لاا طارق ..: انزين ما تحسبن بتعب شي؟ سمر ..: لا طارق ..: ولا دوخه سمر ..: لا طارق .. : ولا لوعة سمر ..: لاااااا طارق ..: اكيد مو محتاجة شي؟ سمر ..ببتسامة: دامي معاك ما احتاج من هالدنيا ايشي طارق ..: وبكون معاج على طول سمر ..: اصلا ما بخليك تفكر تخليني طارق ..: هههههه ياريت سمر ..: بدون ما تتمنى طارق ..: يلا حبيبتي دشي الوقفة الزايدة مو زينه سمر ..: واااي صاير لي مرشد صحي .. يلا باي طارق ..: مع السلامة يالغالية مرت العصرية بسرعة ... وصار اليل ووقت العرس أم طارق وأم رامي وأم ناصر اول الواصلين للفندق عشان يستقبلون المعازيم وبعدها سلمى ومروة وريم وشيخه وندى وحنان وصلوا وزادوا الناس وصار زحمة شيخه ..: باال كل ذيلين يصيرون لنه .. ما خبري في العائلة هالكبر ريم ..: ههههههههههه نصهم ما عرفهم امي عزمت شيخه ..: اشفيها ذيج اتخز ريم ..: ما يندرى شيخه ..: يمكن مو عاجبينها ريم ..: شيخه .. اشفيج على الآدمية ما سوت شي شيخه ..: اهي شكلها هلون يشجع على التسبب ريم ..: هههههههه شيخه ..: وينها ندوي ريم اتأشر .: كاهي هناك تسلم شيخه ..: تعالي نرز الويه ريم راحت معاها .. شيخه ..: ندوي ندى ..: هذي شيخه .. اختي .. شيخه هذي ام رفيجتي شيخه ..: تشرفنا أم زيد : الشرف لنا شيخه ..: هذي ريم .. اخت المعرس ام زيد مدت يدها اتسلم عليها شوي وراحت المرة تقعد شيخه ..: أنتي مخليتنا وقاعدة تسولفين امشي خلينا نعقر عاد ندى ..: شيخو ارفيجتي بروحها وبقعد معاها شيخه ..: ما منج فايدة ريم ..: بسج عقره شتستفيدين شيخه ..: اتيني حكة في لساني اذا ما عقرت ريم ..: حكة في لساانج! شيخه ..: اييي ما قط ياتج؟ ريم ..: لا شيخه ..: يعني هلون تحكين لسانج بأضافرج ريم قاعدة تتخيل ..: يعوور! شيخه ..: طاع هذي صدقت .. وكلها ساعات .. ودش رامي ميود هيام .. واشغل اليباب هيام كانت متوترة وزين زين تمشي .. مو راقدة امس عدل واليوم عروس لابسة فستانها الأبيض وميودة يد حبيبها الي حلمت فيه من زمان رامي كان مبتسم ويمشي بثقة.. وصلوا للكوشة قعدوا رامي بصوت مو مسموع من ازعاج الأغاني .. : انتي حورية ولا انسية؟ هيام ابتسمت بحيا رامي ..: بذمتج هذا جمال انسانة لو حورية ! هيام ..: راامي رامي ..: عيون رامي هيام .: لا تحرجني رامي ..: وربي ما قلت الا الصج !.. قمر والله أني خذيت القمر وبخشه عن هالناس عشان يكون لي بروحي هيام .. تأملت ملامحة . ووببتسامة ..: هم أنت.. طالع تينن رامي ..: بس ما ايي شي صوبج هيام ..: تحب تحرجني رامي ..: قولي احب اغازلج المصورة طلبت منه يلمها عشان تصورهم .. هيام احمرت .. طول هالفترة ما لمته ولا قربت منه وايد .. رامي لمها وهو يطالعها بعينها وهي تتحاشا تحط عينها بعيونه ... رامي : طالعيني عشان تطلع الصورة حلوة هيام ابتسمت بحيا وطالعته بعينه .. وقتها اهو الي حس انه ما يقدر يطالعها بعينها يضعف بعيونها .. ويتأثر بصورة مو طبيعية بنظارتها .. بعد ما خذت المصورة الصورة .. رامي يهمس باذونها ..: توقعت نفسي اقدر احرجج بنظراتي اكتشفت اني اضعف من اني اضل قوي وأنتي تطالعيني بعيني هيام طالعته وابتسمت بحيا ... :القوة الداخلية رامي ..: هههههههههههههههههههههههههه .. القوة الخفية هيام ..: ههههههه رامي ..:فديت هالضحكة هيام ..: تدري انك تخليني ماعرف ارد عليك رامي .: ههههههه ليش؟ هيام ..: مادري ارتبك رامي ..: يا فديت المرتبكة بعد شوي .. ام طارق ..: خبروا الحريم يتحجبون بيدشون اخوان العروس يصورون معاها الكل تغطى سلمى .. يودت جاسم اول ما وصل مثل اثنين توهم متزوجين .. جاسم ..: يا ويلي يا ويلي ! سلمى ..: ههههههههه اشرايك؟ جاسم ..: قنبلة سلمى ..: هههههههه شبهني بشي حلو جاسم ..: قمر سلمى .. قمة في الجمال سلمى ابتسمت له : وأنت طالع رزة جاسم يعدل غترته ..: صج ! سلمى ..: صجين وراه دش طارق . تلفت يدور سمر ويات له من وراه .. طارق .. يوم شافها حس بنغزة بقلبه تذكر يوم زواجه .. الملاك الي ماله شبيه لابس ابيض .. سمر ما تغيرت ابد .. للحين كأنها وحدة عمرها 18 سنة .. سمر ..: اشرايه فيني ابو ولدي .. طارق ..: رايي ؟ سمر ..: اييي طارق ..: ماعرف شقول! .. شلون اوصفج ؟؟ ما عرف كل الي اعرفه انج طيرتي عقلي سمر ..: هههههههههه طارق .. يودها بحب .. ومشى معاها للكوشة.. هاني دش متأخر .. وريم تنطره .. عند البوابة ريم ..: وينك انت هاني اول ما شافها تم واقف متبسم ملامحة مرتخية يطالعها بهدوء وبتسامة .. ريم ..: ليش تأخرت؟ هاني .... ريم ..: هاني اشفيك؟ هاني ..: انا غلطان ريم .: شصاير هاني ..: ماعندي سالفة ريم ..: اشفيك؟ هاني ..: قاعد اهذر مع الشيوبة ومخلي هالجمال ينطرني والله ما عندي سالفة ريم ..: هههههه خرعتني عبالي في شي صاير هاني..: وحبيبتي على طول عبالها في شي مب زين صاير ريم ابتسمت له بهدوء ..: اتعرف انا بغير الحريم يشوفونك يغازلونك هاني ..: قولي انا .. لو طاحت غشوتج وأنتي طالعة بستخف وبفقد اعصابي .. اذا ريال طالع هالجمال غيري ريم ..: هههههههه انزين يلا؟ راحوا الكوشة .. بو طارق وأم طارق واقفين يم بعض وريهام متوسطتهم .. وكأن هالبنت بترجع لهم شبابهم بعد ما كل عيالهم تزوجوا ردت الروح للبيت وبحكمة ربانية سخر قلب ام طارق لريهام , الي بدورها فجرت البيت من الحيوية والضحك والأبتسامة .. الكل تيمع .. أخذوا صورة تذكارية صورة تذكارية في قلبي وفي ذاكرتي انا شخصياً ,, ايه هذي النهاية , نهاية تهربت احطها ما بغيت اكمل لأني عشت هيام قلبي عشت كل احداثها اليوم زوجت هيام لرامي واعتبر نفسي القسيس فلنتينوا .. لأني انهيت قصتي ببتسامة وفرحة وشي حلو يزرع الفرحة في قلب كل شخص قرأ قصتي ,, حبيت اكتب شي يزرع في قلوبكم الفرحة مو مهم شنو انا انجزت ولا مهم مستوى القصة المتواضع لأن هدفي كان زرع البسمة ,, حياتنا حلوة مابغيت اعطيكم نظرة سوداوية مثل ما سوى غيري ,, بنت الحداده 25\8\ 2009 صباحاً الساعة 5:41.. انهت قصة بلغت من العمر خمس سنوات ونصف .. عاشتها بكل تفاصيلها تم بعون الله انتظروني في تلخيص لشخصيات القصة Quote Link to comment Share on other sites More sharing options...
a7la 7o0ob Posted أغسطس 25, 2009 Report Share Posted أغسطس 25, 2009 اهم شي اني اول وحده تقراها برب باعقب بعدين Quote Link to comment Share on other sites More sharing options...
a7la 7o0ob Posted أغسطس 25, 2009 Report Share Posted أغسطس 25, 2009 كلولولوولووولولولوش عليك سعيييييييييد ومبااااااااااااااارك فن القصه و اخييييرا تحقق حلمهم عقبال مايشووفون عيالهم وعيال عيال عيالهم الف شكر لك بنت الحداده على هالقصه الحلوة و على احلى نهايه الحمدلله الله وفقهم جمعهم مع بعض يا حلو لمه العايله و الفرحه الي تجمعهم ياليت كل عايله نفس عايله بو طارق على قد المشاكل و على قد الهموم الا انهم يتغلبون على كل شي تسلم يدج حبيبتي على كل حرف كتبتيه كلنا نعرف شقد التعب و انتي تكتبين و انتي تنسقين الموضوع احلى قصه قريتها في حياتي و عشت معاها لحظه بلحظه استانسنا وايد و احنا نقراها و أتمنى لج كل التوفيق عقبال مانشوف هيام قلبي روايه في كل مكان منشوه و أهم شي إسم كاتبتها يتعلى الغلاف بتوجشنا جميع الشخصيات و انا بافتقد شيخو وهيام و جسوم و ريمو و رامي و طارق و سمر و كلهم عقال ما نشوف قصه روايه تجمع شخصيه ريهام مع احد ثاني احبج بنت الحداده و أحب كتاباتج و لج مني احلى تحيه و تقدير على هالمجود وفقتي حبيبتي Quote Link to comment Share on other sites More sharing options...
أسيرة الورد Posted أغسطس 25, 2009 Report Share Posted أغسطس 25, 2009 بسم الله الرحمن الرحيم السلام عليكم و رحمة الله وبركاته شخبارج بنتو عساج بخير يالغالية اممم حقج علي ما رديت على القصة من فترة طوويييييييييييلة لج الحق تتشرهين علي و بصراحة تمنيتج تتشرهين و تسالين ليش ما ارد عليج بس للاسف خيبتي ظني المهم يالغالية بصراحة القصة و لا اروووووووووووووووووووع من اول بارت و انا متابعتج ما فاتني و لا بارت ابد في كل بارت اعيش جو القصة و كانها فلم جدامي ومرات كاني شخصية قاعدة وياهم عشت شخصية كل واحد و احساسه هيام و رامي ابطال القصة ما جفت مثلهم بحياتي شيخة و خواتها و ناصر ريم و امها و ابوها هاني و طارق و جاسم و زوجاتهم كلهم باختصار لهم مكان بقلبي يمكن تكون شخصيات من الخيال لكن بالنسبة لي ناس حقيقين عاشوا في قلبي و عشت حياتهم بتفاصيلها من كل شخصية تعلمت شي يفيدني بالحياة الصبر الاخلاص الكفاح العطاء الحب المعزة الرجولة الصدق الطيبة و الحكمة حتى الغيرة ما شاء الله عليج كفيتي ووفيتي و زود فترة القصة كان احلى فترة و بالذات و انا اقراها و اعيش جوها كبرت معاها لها اثر كبير في قلبي و لج انتي اثر كبير في قلبي من خلال شخصيات القصة تعرفت على انسانة رااائعة بكل ما في الكلمة من معنى انسانة لها من المشاعر و الاحساسيس و الطيبة للعطاء بلا حدود لج مني يا بنت الحدادة باقة ورد و لو انها قليلة في حقج على المجهود العظيم الي بذلتيه بالرغم من دراستج و الصعوبات الي واجهتج واصلتي و احنا معاج اتمنى لج كل التوفيق في حياتج ان شاء الله و ان شاء الله اجوف هالقصة بالذات مسلسل بيكون من اسعد ايام حياتي و يااارب نجوف اليوم الي تكونين فيه اعظم كاتبة بحرينية و كلنا مفتخرين فيج و السموحة على القصور اختج أسيرة الورد Quote Link to comment Share on other sites More sharing options...
girlheart Posted أغسطس 25, 2009 Report Share Posted أغسطس 25, 2009 (edited) هلووو بنوووته .. اول شى ابي اقوله احبج احبج احبج احبج احبج احبج احبج اموووت فيج بعد ههههههه كان خاطري في كل رد اكتبه لج بس اقول لا و اتردد هالمرة لا ما بتردد بس احبج مثل اختي لا تفهمينها شى ثاني هع هع و اخيررررررا خلصتي هيام قلبي و قلبي هاام في هالقصة صج بيضيتي الويه في اخر بارت .. احلى قصة في المنتدى و اتمنى لو يعطونج وسام عـ هالشى و انتي مو بس رسمتي على ويه القراء الابتسامه بالعكس .. يمكن البعض ما عرف معنى الحب ولا جربه لكن من قصتج تخليه يحس بكل انواع الحب بعد و كل المشاعر الي فيه من غيرة و حنان و كل شى ما اقصد الحب الي اهو بين البنت و الصبي لا الحب بشكل عام سواء بين الاخوان مثل رامي و ريم ولا بين الزوجين ولا جوو العائلة الي تعيشينه فيه على اختلاف المستويات اغنياء مثل اهل هيام ولا على قد حالهم مثل عائلة رامي اهنيييج على كل بارت كتبتينه لان اثر على القراء و اولهم يمكن اكون انا .. تعلمت وايد اشياء مثل ما غيري تعلم تحركين مشاعري بكلماتج و تلعبين بمزاجي على حسب البارت الي تنزلينه قصة ولا اروع .. ابداع بالنسبة لوحده بعمرج .. تعلمت منج الكتابه و ابي اشكرج على هالشى بفضلج خليتيني افتح موضوع جديد بالمنتدى بينا بحور و انتي بالقلب يا نور و ابي اشكرج مرة ثانية عـ العنوان يمكن ما تحسين اني تعلمت منج وايد اشياء في الكتابه لكن بالعكس من ملاحظي للبارتات الي تنزلينها احاول اتعلم منها و انا اقرى البااارت لكن هالشى عمره ما خرب علي احداث القصة بالعكس كنت اعيش القصة قبل ما اتعلم منها اتمنى يكون عندي لو شوي من الاحساس و الابداع الي تكتبين فيه ما احسدج اللهم صلي على محمد و آل محمد لا تقولين عيني حاره بعد ههه اذا ما تصدقين لمسيها ترى ما في ابرد منها اخر شى اتمنى لج التوفيق في حياتج و القصة تنتشر و تتوزع مثل ما قلتي قبل و يا ريت ما تنسين تقولين لي عنها اذا نشرتيها .. لا و بيي لج عند بيتكم بخليج توقعين مشكوووووورة يا بنت الحداده تعبنااااج معانا في انتظار جديدج اذا كان فيه جديد Edited أغسطس 25, 2009 by girlheart Quote Link to comment Share on other sites More sharing options...
بنت الحداده Posted أغسطس 25, 2009 Author Report Share Posted أغسطس 25, 2009 كلولولوولووولولولوش عليك سعيييييييييد ومبااااااااااااااارك فن القصه و اخييييرا تحقق حلمهم عقبال مايشووفون عيالهم وعيال عيال عيالهم الف شكر لك بنت الحداده على هالقصه الحلوة و على احلى نهايه الحمدلله الله وفقهم جمعهم مع بعض يا حلو لمه العايله و الفرحه الي تجمعهم ياليت كل عايله نفس عايله بو طارق على قد المشاكل و على قد الهموم الا انهم يتغلبون على كل شي تسلم يدج حبيبتي على كل حرف كتبتيه كلنا نعرف شقد التعب و انتي تكتبين و انتي تنسقين الموضوع احلى قصه قريتها في حياتي و عشت معاها لحظه بلحظه استانسنا وايد و احنا نقراها و أتمنى لج كل التوفيق عقبال مانشوف هيام قلبي روايه في كل مكان منشوه و أهم شي إسم كاتبتها يتعلى الغلاف بتوجشنا جميع الشخصيات و انا بافتقد شيخو وهيام و جسوم و ريمو و رامي و طارق و سمر و كلهم عقال ما نشوف قصه روايه تجمع شخصيه ريهام مع احد ثاني احبج بنت الحداده و أحب كتاباتج و لج مني احلى تحيه و تقدير على هالمجود وفقتي حبيبتي احلى حب ابي اشكرج .. شكر خاص لأحاحج ومتابعتج فضل كبير.. في تشجيعي , انا اشوفكم سر هالقصة والسبب في وصولها للنهاية , انا حبيتكم كلكم .. حبيت تشجيعكم الدائم لي , مستحيل انساكم انا اتذكركم على طول وكل ما تكلمت عن قصتي بقول قرائي وأخواني واحب الناس لقلبي , الناس الي فضلهم غطاني من ريلي لي راسي , الناس الي خلوني انجز اول قصة في حياتي شجعوني زادوا ثقتي في نفسي حببوني في الكتابة ووجهوني وصححوا اغلاطي ولفتوا نظري لعيوبي احلى حب مستحيل ايي اليوم الي انساج انتي من اهم قرائي وتأكدوا لو الله كاتب لي توصل كتاباتي , بيكون هالشي بفضلكم بفضلكم انتوا بس مو اي احد غيركم شكرا لكم بسم الله الرحمن الرحيم السلام عليكم و رحمة الله وبركاته شخبارج بنتو عساج بخير يالغالية اممم حقج علي ما رديت على القصة من فترة طوويييييييييييلة لج الحق تتشرهين علي و بصراحة تمنيتج تتشرهين و تسالين ليش ما ارد عليج بس للاسف خيبتي ظني المهم يالغالية بصراحة القصة و لا اروووووووووووووووووووع من اول بارت و انا متابعتج ما فاتني و لا بارت ابد في كل بارت اعيش جو القصة و كانها فلم جدامي ومرات كاني شخصية قاعدة وياهم عشت شخصية كل واحد و احساسه هيام و رامي ابطال القصة ما جفت مثلهم بحياتي شيخة و خواتها و ناصر ريم و امها و ابوها هاني و طارق و جاسم و زوجاتهم كلهم باختصار لهم مكان بقلبي يمكن تكون شخصيات من الخيال لكن بالنسبة لي ناس حقيقين عاشوا في قلبي و عشت حياتهم بتفاصيلها من كل شخصية تعلمت شي يفيدني بالحياة الصبر الاخلاص الكفاح العطاء الحب المعزة الرجولة الصدق الطيبة و الحكمة حتى الغيرة ما شاء الله عليج كفيتي ووفيتي و زود فترة القصة كان احلى فترة و بالذات و انا اقراها و اعيش جوها كبرت معاها لها اثر كبير في قلبي و لج انتي اثر كبير في قلبي من خلال شخصيات القصة تعرفت على انسانة رااائعة بكل ما في الكلمة من معنى انسانة لها من المشاعر و الاحساسيس و الطيبة للعطاء بلا حدود لج مني يا بنت الحدادة باقة ورد و لو انها قليلة في حقج على المجهود العظيم الي بذلتيه بالرغم من دراستج و الصعوبات الي واجهتج واصلتي و احنا معاج اتمنى لج كل التوفيق في حياتج ان شاء الله و ان شاء الله اجوف هالقصة بالذات مسلسل بيكون من اسعد ايام حياتي و يااارب نجوف اليوم الي تكونين فيه اعظم كاتبة بحرينية و كلنا مفتخرين فيج و السموحة على القصور اختج أسيرة الورد اسيرة عيوني .. انا افتقدت ردودج وكنت الاحظ غيابج بس وايد مرات اشوف تواجدج بالموضوع كان اهمشي عندي انج ما تقطعيني . انا قلت يمكن عندج ضروف وماحبيت اضغط عليج بس تراج عارفة معزتج وغلاتج بقلبي انتي من أول قرائي ولردودج اثر ايجابي بحت على نفسي احبج اسيرو هلووو بنوووته .. اول شى ابي اقوله احبج احبج احبج احبج احبج احبج احبج اموووت فيج بعد ههههههه كان خاطري في كل رد اكتبه لج بس اقول لا و اتردد هالمرة لا ما بتردد بس احبج مثل اختي لا تفهمينها شى ثاني هع هع و اخيررررررا خلصتي هيام قلبي و قلبي هاام في هالقصة صج بيضيتي الويه في اخر بارت .. احلى قصة في المنتدى و اتمنى لو يعطونج وسام عـ هالشى و انتي مو بس رسمتي على ويه القراء الابتسامه بالعكس .. يمكن البعض ما عرف معنى الحب ولا جربه لكن من قصتج تخليه يحس بكل انواع الحب بعد و كل المشاعر الي فيه من غيرة و حنان و كل شى ما اقصد الحب الي اهو بين البنت و الصبي لا الحب بشكل عام سواء بين الاخوان مثل رامي و ريم ولا بين الزوجين ولا جوو العائلة الي تعيشينه فيه على اختلاف المستويات اغنياء مثل اهل هيام ولا على قد حالهم مثل عائلة رامي اهنيييج على كل بارت كتبتينه لان اثر على القراء و اولهم يمكن اكون انا .. تعلمت وايد اشياء مثل ما غيري تعلم تحركين مشاعري بكلماتج و تلعبين بمزاجي على حسب البارت الي تنزلينه قصة ولا اروع .. ابداع بالنسبة لوحده بعمرج .. تعلمت منج الكتابه و ابي اشكرج على هالشى بفضلج خليتيني افتح موضوع جديد بالمنتدى بينا بحور و انتي بالقلب يا نور و ابي اشكرج مرة ثانية عـ العنوان يمكن ما تحسين اني تعلمت منج وايد اشياء في الكتابه لكن بالعكس من ملاحظي للبارتات الي تنزلينها احاول اتعلم منها و انا اقرى البااارت لكن هالشى عمره ما خرب علي احداث القصة بالعكس كنت اعيش القصة قبل ما اتعلم منها اتمنى يكون عندي لو شوي من الاحساس و الابداع الي تكتبين فيه ما احسدج اللهم صلي على محمد و آل محمد لا تقولين عيني حاره بعد ههه اذا ما تصدقين لمسيها ترى ما في ابرد منها اخر شى اتمنى لج التوفيق في حياتج و القصة تنتشر و تتوزع مثل ما قلتي قبل و يا ريت ما تنسين تقولين لي عنها اذا نشرتيها .. لا و بيي لج عند بيتكم بخليج توقعين مشكوووووورة يا بنت الحداده تعبنااااج معانا في انتظار جديدج اذا كان فيه جديد وأنا احبج احبج احبج اكثر ,, واعزج وأغليج واتمنى ياربي تكونين اكبر كاتبة في هالعالم لأنج قدرتي بفترة بسيطة تكونين لج قراء متابعين وهذي بادرة بالنجاح منقطع النظير ان شاء الله , انتي و MIOOO قراب من قلبي , وغلاتكم كبيرة كفاية وقفتكم معاي للنهاية تشجعوني وتصبرون لين تأخرت هذا الشي بس يخليني احس بقوة ورغبة في المواصلة وأنتي موجودة بأيميلي وأن شاء الله مستحيل ننقطع عن بعض بنتم خوات على طول ياجماعة , انا احب تكونون في ايميلي كلكم عدى الشباب يعني .. اي وحدة فيكم حابة تتواصل معاي تطرش لي رسالة وبدز ايميلي لها ,, مابي افقد اي وحدة منكم Quote Link to comment Share on other sites More sharing options...
أسيرة الورد Posted أغسطس 25, 2009 Report Share Posted أغسطس 25, 2009 حبتج العافية غلااي و انا بعد احبج وايد Quote Link to comment Share on other sites More sharing options...
maiooo Posted أغسطس 25, 2009 Report Share Posted أغسطس 25, 2009 الصراااااااحة مااااادري استااانس لان عرفت نهاااية القصة؟؟ ولااا ازعل لان خلصت القصة وماا بعرف احدااااث يديدة عن حياااتهم !! والله يعطيييييج العاااااافية على هالبااارت وعلى احلى قصة قرييتهاا ! وصج انج في هالقصة زرعتي الفرحة في قلووبنا زرعتي فيها التفااؤال بو طااارق وام طااارق -> دليييل على ان الحب يدوووم لو شيصييير وام طااارق قلبهاااا صج ابيض وواااسع !! هيااام ورااامي -> اخيييرا يمعتهم الايااام بعد ماحاولت تفرقهم واايد ! سمر وطااارق -> احلى حب واقوى حب في القصة ! واخييرا الله رزقهم بالولد ريم وهااااني -> الله يخليييهم لبعض شيخة وعلي -> بيوحشني هوااااشهم وحبهم ! سلمى وجاااسم -> الله يعييين سلمى واهيه تخش في الكااافي دلال وعاادل -> ماذكرتيهم في هالباارت بس الله يديم هالحب نااصر -> اهوه الي سوى في رووحه جذي ! بس كاسر خااطري.. وانشاالله يلااقي البنت الي يحبها قلبه وتنسيه شي اسمه هيام وشريفة.. مااادري اذا نسييييت احد بعد بس الله يديييم المحبة في قلووب هالعااايلة يعطيييج الف عاااافية على هالبارت وعلى البارتااات القبلية وعلى القصة كلها وااايد بتوحشني القصة !! ومشكوووورة! (آخر رد لي في القصة ) Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.