Jump to content
منتدى البحرين اليوم

|| هيـــــــــــــــامـ قلبيـــــ || ((3))


Recommended Posts

  • Replies 552
  • Created
  • Last Reply

Top Posters In This Topic

بارت جدا جمييل متنوع وفيه تقريبا اغلب ابطال القصة .. الأحداث حلوة بس حزنتني بالنهاية وايد .. وماتمنى انه سمر تنفصل عن طارق .. تحياتي لج يالغالية .. بانتظار جديدج الحلوو

Link to comment
Share on other sites

حدي متشووقه للباارت :(

 

وييينج :(

 

 

 

 

شكله عندج اختبااراات

 

عسى الله يوووفقج غلااتي

 

 

 

 

تحيـــاتي ...

Link to comment
Share on other sites

ام طارق ,, راحت ولمت ولدها ,

 

طارق ,,: يمة ,, يمة سمر تبي الطلاق ,,

 

ام طارق ,,: لا يمة لا تقول هلون انشالله ما يصير الا الخير ,,

 

طارق ,, وهو يمسح دموعه ! : أنا غلطان , أنا السبب يمة ,,

 

 

 

 

 

هاني ,, ما كان قادر يتكلم ولا يعلق مو قادر يستوعب ان طارق وسمر ممكن يتفرقون بيوم!! كل هل حب ! ,, معقوله بيوم من الأيام يتفرقون! , حس بألم وتذكر ريم ,,

 

طلع من البيت وركب السياره واتصل فيها ,,

 

ريم كانت تتصفح الكتب , ,

 

رن تلفونها شافت رقم هاني وشالته على طول وهي مستانسه ,,

 

ريم ,,: ألوو

 

هاني بتوتر : ريم ,, ابي اشوفج ,,

 

ريم ! ,, : هاني فيك شي؟؟

 

هاني ,,: ابي اشوفج ريم قولي لأأمج وأبوج اني بطلع معاج بنروح نشرب لنا شي ورادين ,,

 

ريم !!! ,, : أخاف ما يرضون ,,

 

هاني ,,: ريم! ,, أنا زوجج على سنة الله ورسولة وبعدين ما بنطول ,, محتاج اشوفج واكلمج ,,

 

ريم ,,: خلاص ,, انا بقولهم وباتجهز ,,

 

هاني ,,: عشر دقايق وأنا عند الباب ,,

 

ريم ,,: أوكي ,,

 

سكرت الخط وراحت لأبوها ,,

 

باسته على راسه ,, وبهدوء ,,: يبة ,,

 

بو رامي ,,: هلا يبة ,,

 

ريم ,,: هاني يبيني اطلع معاه متحتاج يتكلم ,,

 

بو رامي ,,: اي يبة ,, عادي هاذي ريلج المهم ما اتأخرين عشان تشوفين دراستج ,,,

 

ريم ,,: لا تحاتي يبة ,,

 

راحت ريم ,, وتلبست على عجل ,, بس طبعاً بأنااقه ,, مثل عادتها ,,

 

كانت قبال المنظره ,,

 

رن تلفونها , ,

 

ريم : هلا هاني ,, أنطرني شوي ,,

 

هاني ,,: معليه خليني ادش اسلم على عمي وعمتي ,,

 

ريم ,, : انزين ياية ,,

 

طلعت ريم بهروولة ,, وفتحت له الباب ,,

 

هاني شافها ارتاح نفسياً ,, الله لا يحرمني منج ويخليج لي طول العمر ,,: فديت هل طله ,,

 

ريم ابتسمت له ,,: حياك ,,

 

 

دخل هاني الصاله وراحت ريم الدار عشان تخلص تعدلها ,,

 

هاني ,,: هلا عمي ,, شلونك انشالله طيب ,,

 

بو رامي ,,: بخير الحمدلله ,, انت شلونك شمسوي؟

 

ام رامي كانت ياية من السطح تنشر الهدوم ,, دشت شافته ,, : هلا هاني شلوونك؟

 

هاني وقف ,,: بخير الحمدلله انتي شلونج عمتي ,,,

 

ام رامي ,,: بخير الحمدلله بشوفتك ,,

 

هاني ,,: تسلمين والله ,,

 

ام رامي راحت المطبخ عشان اتييب له عصير ,,

 

راحت وثواني وهي راده ,,

 

ام رامي ,,: حي الله من يانه ,,

 

هاني ,,: عمتي ليش متعبه روحج أنا واحد من البيت ما باستحي لو آبي شي ,,

 

بو رامي ,,: لا مايصير بعد هاذي الواجب ,,

 

خذ هاني العصير وشرب نصه ,,

 

طلعت ريم ,, وتمت واقفة تنطره ,,

 

حط هاني القلاص ,, ووقام ,,: يلا عن اذنكم ,,

 

بو رامي ,,: اذنك معاك ,,

 

طلع هاني وهو ماسك يد ريم ,,

 

ركبوا السياره ,, هاني كان شارد ومتضايج الي شافه اليوم خلاه يخاف ,, ويحسب الف حساب ,,

 

ريم ,,: هاني فيك شي؟

 

هاني ,,: اي ريم ,, اليوم صار شي مب زين في بيتنه ,,

 

ريم !! ,,: شصار؟؟

 

هاني ,,: سمر ,, يالريم ,,

 

ريم !!,,: اشفيها سمر!!

 

هاني بضيجه ,,: مافيها عيال ,,

 

ريم !,؟!., :من صجك؟

 

هاني ,,: اي والأكبر من ذي ,, انها راحت بيت ابوها وشايلة فكرة العلاج من بالها ,, واضاهر انها فقدت اعصابها يوم اعرفت وطلبت من طارق الطلاق وطارق طقها ,,

 

ريم !!!!!!!!: طقها!

 

هاني ,,: أنا مادري شصار ,, بس الي اعرفه ان طارق لو تخيرينه بين احلى مره في الدنيا وسمر ما يختار غير سمر يحبها يموت فيها ,,

 

ريم ,,,,: انزين!! ,, اهي ليش رافضة فكرة العلاج؟

 

هاني ,,: مادري والله انا مادري بالتفاصيل بس الي صار اليوم كان شي فضيع خلاني اخاف ,,

 

ريم بخوف !1 ,,: شمنه ؟

 

هاني وقف السياره ولف لها ومسك يدها ,,: خايف اخسرج يالريم ,,

 

ريم حست بنغزه بلقلبها ,,: ليش تقول هلون؟

 

هاني : الي كان يشوف سمر وطارق ما يتخيل انهم بيفترقون بيوم من الأيام مهما يصير ,, ما تتصورين شقد يحبها وتحبه ,,

 

ريم ,,: اهمه ما تفرقوا يا هاني ,, انشالله بيراضيها وبتتعالج وكلشي بيصير تمام ,,

 

هاني ,,: مادري يالريم بس الي صار اليوم هزني ,,وخلاني اركض لج ,, ريم اوعديني انج ما تخليني ,,,

 

ريم ابتسمت له ,,: وعد ,,

 

هاني باس ايدينها ,,: الله لا يحرمني منج ,,

 

ريم سحبت يدها ,,,,,,

 

هاني ,,: انزين وين تبينا انروح؟

 

ريم ,,: مادري كيفك ,,

 

هاني ,,: انا اقول نروح لنا مجمع بالمره نتمشى ونشرب لنا شي واذا تأخرنه شوي تعشينه ,,

 

ريم ,,: ناوي تتأخر للعشى !

 

هاني ,,: يعني عادي اشفيها؟

 

ريم ,,: ولاشي بس علي اختبارات هل اياام ,

 

هاني ,,: اف من هل اختبارات ,, في شنو ,,

 

ريم ,,: باجر علي اختبار فيزيا كرهومغناطيسية ,,

 

هاني ,,: حلو هل مقرر وايد سهل اشرايج ادرسج ,,؟

 

ريم ,,: ههههههههه انزين انا فاهمه كلشي

 

هاني ,,: معليه عن خاااطري

 

ريم ,,: خلاص ,, تحل معاي مسائل والي يحل اسرع ,,

 

هاني ,,: يه شي شي ,, خلاص مب متأخرين ,,

 

 

 

في بيت بو سالم الله يرحمه

 

 

سمر من ادخلت واهي في نوبة بجي في حضن امها وبو طارق مو هاين عليه يشوفها جذي ,, يحاول يهديها بس اهي مو قادره اتيود عمرها ,,

 

 

ام سالم ,,: خلاص يمة بتبجيني معاج ,,

 

سمر ما ترد ,, بس تبجي وتبجي وتبجي ,,

 

بو طارق ,,: سمر اذا لي غلاة عندج لا تبجين ,,

 

سمر ارفعت راسها تطالع عمها ,,: لك كل الغلى يا عمي ,,,,,

 

بس الدموع للحين اربع اربع ,,

 

بو طارق راح ولم بنت اخوه ,, : مسحيها في ويهي ,, وأنا اوريج فيه ,,

 

سمر ,, رفعت راسها والدموع تارسه عينها ترس ,,: لا ,, لا تسوي له شي ,, أنه الغلطانه ,,

 

بو طارق ,,: اشلون انتي الغلطانه واهو ماد ايدينه عليج ,,

 

سمر بغصه ,,: أنه استفزيته ,, ,,,,,

 

بو طارق ,,: مهما كان لازم ما يمد ايدينه عليج ,,

 

ام سالم ,,: خلاص يابو طارق خلها عندي هل جم يوم لين تهدأ اعصابها ,,

 

سمر ,,: يمة انه مب راده خلاص ,,

 

بو طارق ,,: انتي الحين ما تقدرين تاخذين قرارج ,, تمي هني شوي ,, لين ترتاح نفسيتج عقب لكل حادثٍ حديث ,,

 

ام سالم ,,: عدل كلام عمج ,,

 

بو طارق ,,: يلا ما وصيج عليها يا ام سالم هذي العزيزه الغالية ,,

 

ام سالم ,,: لا توصيني انه امها يابو طارق ,, وأنت عارف شمعناة امها ,,

 

بو طارق ,, : يلا انا اترخص ,,

 

ام سالم ,,: مع السلامة ,,

 

بو طارق ,,: الله يسلمج ,,

 

طلع بو طارق ,,

 

وشالة ام سالم شنطة سمر عشان توديها دارها ,,

 

سمر ,,: يمة عنج ,,

 

ام سالم ,,: انتي ما تشوفين روحج! ,, مافيج شده تمشين !!

 

سمر ,,: لا يمة ,, انه مافيني شي ,, خليني آخذها ,,

 

راحت سمر ودخلت الشنطه دارها ,,

 

ام سالم ,,: أمينة ,,

 

أمينة الخدامة ,, عايشة عمر في بيت بو سالم ,,

 

امينة ,,: ها ماما ,,

 

ام سالم ,,: سوي سلطه واقلي لها صدر دياي ويبي عصير خوخ ,, ويبي لها حليب وصحن تمر ,,

 

امينة ,, راحت تسوي لسمر الي قالته لها ام سالم ,,

 

طلعت سمر من الدار بتعب واقعدت على الغنفة ,,

 

وعينها حمممره من كثر الصياح ,, طبعاً شااااااارده ومخها مو وياها ,,

 

ام سالم ,, أنا خلني اروح اساعد امينة على الأكل عشان يخلص بسرعه ,, البنت لاتمت هلون بتموت ,,

 

راحت معاها ,,

 

وتمت سمر شارده وتبي تبجي بس جفوا ادموعها ,, وايد بجت,, وايد ,,

 

على عشر دقايق ,,

 

طلعت ام سالم بالصيينية ,

 

 

ام سالم ,,: يلا يمة تعالي ,,

 

سمر ,,: يمة مالي نفس آكل ,,

 

ام سالم ,,: مب على كيفج!

 

سمر ,, : صدقيني بازوع اذا كليت شي ,,

 

ام سالم ,,: تعالي وسمعي كلام امج ,, شوفي بعد مسوية لج بس صدر ادري بج بتحججين ,, وهذي السلطه الي تحبينها ,, وعصير خوخ من الي يحبه قلبج

 

سمر بلوعه ,,: ماعاد قلبي يحب شي ,,

 

أم سالم ,,: سمر لا تعورين قلبي ,, تعالي أكلي بعدين اكلمج بهل موضوع ,,

 

سمر ,,: يمة صدقيني مابي ,!

 

ام سالم ,,: وأنه اقولج بتاكلين !! ,,

 

سمر ,, : بازوع كيفج ,,

 

أم سالم ,,: أهو تعالي بلقمج ,,

 

سمر ,,: يمة بعد بتلقميني ورا ياهل انه ؟

 

ام سالم ,,: اي ياهل ,, يلا هاج ,,

 

تمت ام سالم اتلقم في سمر واهي لايعه جبدها ,, بس غصبن عليها أكلت ,,

 

سمر ,,: افف مو قادره اتحرك ,,

 

ام سالم ,,: خلاص لا تقعدين اتحندين ,, يلا يمة ,, روحي دارج الحين ,, وردقدي لج ساعه ساعتين , وعقب قومي خليني اتكلم معاج على هداوة ,,

 

سمر ,,: شلون بييني رقاد يمة!

 

ام سالم ,,: انتي ريحي وبعدين انتفاهم مب شرط اترقدين ,,

 

سمر سمعت كلام أمها وراحت الدار شغلت الأيسي وقعدت

 

 

عند هاني وريم ,,

 

خذها هاني وشرى لها اسكريم ,,

 

كان غاص بالحجي كل شوي يبي يقول لها عن سالفة شيماء بس مو قادر ,, خايف من ردت فعلها معنها اكدت له ,, أنها تهتم بالحين مو بأول ,,

 

ريم ,,: هاننننييي وين رحت ,,

 

هاني وتعى ,,: عيوونه انتي ما رحت مكان ,, أنا معاج وسارح فيج ,,

 

ريم ,,: هههه وشلون اتصير هذي؟

 

هاني ببتسامة حب ,,: معاج كلشي يصير ,,

 

ريم احمرت ,,,,

 

تم ساكت يطالعهااا ,,

 

ريم ,, ,,,, :انزين هااني ,, ما بنرد ,,

 

هاني , : تامرين على عيوني انتي ,,

 

ريم ,, : ما يامر عليك عدوو ,,

 

هاني ,,: يلا مشيينه ,,

 

هاني ,, وهو ماشي كانت ساكت حاس بفرحه وخايف عليها تضيع من ايدينه كان ضاغط على ايدين ريييم ,, وكأنه خايف عليها تفلت منه ,,,

 

حتى ريم استغربت ,,,,,

 

 

وصلوا البيت ,,

 

وقعد هاني بالصالة ,,

 

يابت ريم الكتب ,,

 

هاني ,,: اقووولج ,, أنا ماعرف ادرس هلووون ,,

 

ريم ,,!! ,,: عيل شلون ,,

 

هاني سحب الطاولة ,,

 

وخلى الأرض خالية ,, وقعد ,,

 

ريم ,,: على الأرض!

 

هاني ,,: مافي احسن من الارض ,, اتييب الألهااام ,,

 

ريم ,,: ههههه من صجك يعني انت كنت تدرس على الأرض؟؟

 

هاني ,,: تصدقين عااد عندي طاولة شكبرهه في الدار ولا اقعد عليها مسوي لي بسطه على صوووب وافرش بياعتي وآدرس ,,

 

ريم ,,: والله ان طبعك غريب ,,

 

هاني ,,: ههه انزين يلا عطيني مسألة

 

ريم ,, : يلا هذي ,,

 

هاني بدى يحل فيها على السريع ,,

 

هاني ,,: وين الكلكوليتر؟

 

ريم ,,: كااهي ,,

 

هاني , خذ الكلكوليتر وكمل ,,: هاا جم طلع لج ,,

 

ريم!!!!!!!!!!!! ,,: حليتها ؟

 

هاني ,,: ايه

 

ريم !!!!,: ماشالله ماشالله ,, انا للحين في بسم الله ,,

 

هاني ,,: ايي شقدرج اتغلبيني خبره في الفيزيا اناا

 

ريم ,,: لا تتحداااني

 

هاني ,,: اتحدااااااج

 

ريم ,,: حل هذي اشوف

 

ريم تحل بسرعه بسرعه ,,

 

وميوده الكلكوليتر عنه ,,

 

هاني ,,,: ههههههههههه ريمووه لا تغشييين ,,

 

ريم ,,: ما اغش انطر اول انه استخدمها ,,

 

هاني ,,: انزين انتي مو قاعده تستخدمينها ,,

 

ريم ,,: كا الحين بستخدمها ,,

 

استخدمتها ,, وكملت وبعد خاشتها عندها ,,

 

هاني ,,: يلا كملتي يبي ,,

 

ريم ,,: أنطر انطر

 

هاني ,,: يل غشاااااااشه ,, اشوف يبيهااا

 

ريم ,,, ميوودتها لين كملت المسألة ,: كمللللت

 

هاني ,,: انتي غشاشه ,, انا ما اقتنع هلون روحي يبي لي الكلكوليتر,,

 

ريم ,,: ماعندي غير هاذي ,,

 

هاني ,,: خلاص انا عندي واحد بالسياره باروح آييبه وبايي ,,

 

ريم : افف ,,

 

راح هاني ياب الكلكوليتر ,, ويا ,,,

 

هاني ,,: يلا طلعي اصعب مسألة عندج ,,

 

ريم , بغروور,: ماعندي شي صعب ,,

 

هاني ,,: ياويييلي على الوااثقة ,,

 

ريم ,,: يلا حل هذي ,,

 

تم يحل هل مسألة طويلة شوي ,, وهاني ناسي القانون ,,

 

هاني ,,: وين القوانين ,,

 

ريم ,,: هاهاهاي ,, يلخبرره مافي تغش يلا حلها بدون القانون ,,

 

هاني ,,: اي ماصدقتي على الله ,, لكن معليه احلها يعني احلها ,,

 

تم هاني يحاول بطرق ثانية ,,

 

وريم كملت ,,: كمللللللت ,,

 

هاني ,,: انتي كله تفوزين بالغش ,,

 

ريم ,,: مب بالغش بالذكااء ,,

 

هاني ,,: فديت الذكية آآآنه

 

ريم ,,: انزين بطلع لك القوانين والحين صج ,, بلعب بدون غش ,,

 

هاني ,,: هاا كا تعترفين انج غشاشه ,,

 

ريم ,, وهي تسوي نفسها بريئة ,,: يعني مو وايد ,,

 

هاني ,,: هههههههههههههههه ياحبي لج ,,

 

ريم ,, ابستمت له ,, ياني احبه !! ,,: يلا هذي ,,

 

تموا يحلون ,,

 

وكمل هاني ,,

 

هاني ,,: أنا كملت ,,

 

ريم ,,: انطر شوي بكمل وبنشوف جوابك صح ولا غلط ,,

 

هاني ,,: عيل برااجع ,,

 

ريم ,,: هاا اشوف خفت ,,

 

هاني ,,: هههههههه الحين لين راجعت يعني خفت ,,

 

ريم وهي تأشر عليه ,,: ايه ايه لا تنكر اعترف اعترف ,,

 

هاني ,,: ههههههههههههههه مب معتررف ,,

 

ريم ,,: يلا لا تعطلني باجي لي آخر شي ,,

 

كملت ريم ,,

 

ريم ,,: عطني اشووف باصحح لك ,,

 

ريم ,, :اكااااا غلللللللط ,, خسرت خسرتت ,,

 

هاني ,,: يل عياره وين الغلط ,,

 

ريم ,,: اهني ما طلعت الرقم من تحت الجذر وكملت المسألة وطلع لك الجواب كامل غلط ,,

 

هاني ,,: اي والله ,, يله معليه حلال عليج الفووز ,

 

ريم ,,: اي هلوون

 

هاني بنظرة هيمانه ,,: مب بس تستاهلين الفوز انتي تستاهلين عيوني وكل حياتي ,, يا احلى ماخلق ربي ,,

 

ريم ,,: هااني ,, بااقولك ,,

 

هاني ,,: آمريني يانظر عيني ,,

 

ريم ,: بتم هلون اتقولي كلام حلو على طول ,,

 

هاني , , بحب ,,:واثقة من حبي لج ,,

 

ريم ببتسامة ,,: اي ,,

 

هاني ,,: طول ما انا عايش يالريييم ,, باعبر عن مشاعري هذا مو كلام حلو والسلام هذا الكلام يطلع بدون ماحس فيه لأني صج احبج ,,

 

 

ريم ,, : الله يخليك لي ,,

 

هاني تم يطالعها ,, جانزين اقدر اقولج ,, بس قلبي مو طاوعني ,, والله مو مطاوني ,, وفي نفس الوقت ما ودي اخبي عليج ,, يالريم عذرييني بس هذا ماضي ,, وانتهى ,, خلاص ,,

 

 

في بيت بو ناصر ,,

 

شيخه متسببه وكل ما حاجاها حد تهاوشت معاه ,,

 

ندى ,,: اشفيج امشوطه انتي ,,

 

شيخه ,,: أنه مقهووره فيني حرررة حررررررة , بامووت منها

 

ندى ,,: شسالفة ؟ شصاير

 

شيخه قالت لها ,,

 

ندى ,,: ويييييي !! صج انه يااهل!!

 

شيخه ,,: شفتي عااد ,, بس انه لازم اردها له باموووت باموت بانفجر

 

ندى ,,: شيخه عقلي شهل حجي ,, خليه يولي آخرته بيمل ,,

 

شيخه ,,: شنهووو وآتم هلون بحرتي ليمته انشالله !

 

ندى ,,: مردها تبرد ,,

 

شيخه ,,: ما بتبرد الا اذا طلعت حرتي ,,

 

أم ناصر حاطه الدفة على راسها ,,

 

وناصر طلع على عجل مع امه ؟؟؟؟؟!!

 

شيخه ! ,,: شسالفه ؟

 

ندى ,,: شدراني !

 

 

ام ناصر مسافة الدرب ووصلت بيت اختها ,,

 

ام ناصر ,,: خلاص هونيها وتهوون! ,, يعني في هل زمن مافي شي ماله علاج,,

 

ام طارق وهي مهمومه ,,: أنتي ما تعرفين سمر ,, وما شفتي حالتها اهي وطارق ,, طارق من اطلعت وهو مو قاددر يقعد بالبيت ,, طلع ولا ادري وينه ,,

 

ام ناصر ,,: خلاص انه الحين بقول لناصر يدوره ,,

 

ام طارق ,,: نطري بشوفه وين ,,

 

اتصلت فيه ,,

 

طارق ,,: ألو

 

ام طارق ,,: طارق يمة وينك! يعني مو ناوي ترد البيت؟

 

طارق ,,: يمة انه تعباان ومو طايق ادش البيت وسمر مو فيه ,,

 

ام طارق ,,: ليمته يعني يايمة ؟ وين بترقد بعد برع ,,

 

طارق ,,: خلاص يمة لا تحاتيني ,, انا اول ما اتيني النوده بارد البيت ,,

 

ام طارق ,,: لا تصيف ,,

 

طارق ,,: انشالله ,,

 

سكرت الخط ,,,

 

ام ناصر,,: ها تطمنتي ,,

 

ام طارق ,,: لا ما تطمنت ادري به يتقطع من داخل ,,

 

ام ناصر ,,: وكلي الله وأنشالله ما يصير الا الخير ,,

 

 

وعند طارق ,,

 

رامي ,,: والله مو حلو عليك الزعل , خلاص افردها اهي تحبك وما تقدر على بعدك ,,

 

طارق ,,: رامي ,, انا بدال ما اهون عليها بدال ما اقدر حالتها مديت ايديني عليها ,,

 

رامي ,,: اهي تدري ان هلشي ماكنت قاصده ,,

 

طارق ,,: انا تعبااااان تعبان وايد ,, ومتضايج ,, احس الدنيا صاكه فيني ,, كلشي بعيني اسود ,,

 

رامي ,,: اقولك ! ,, قوم معاي ,,

 

طارق ,,: وين! احنا في السياره نقوم نروح وين ,,

 

رامي ,, : قوم معاي وأنت سااكت ,,

 

نزلوا من السياره ,, وتموا يمشون مده ,,

 

طارق ,, : رامي ؟؟ وين موديني ,,

 

رامي ,, : خلاص قربنا ,,

 

طارق ,, !! ,,

 

شوي ووصلوا صوب مسيد عووود ,,

 

رامي ,, : يلا تعال ,,

 

طارق ,, : المسيد؟

 

رامي ,,: هني الواحد يكلم الي يخفف عليه ,, ويشكي له ,, ربك ,, واحد احد اهو بس الي بيدينه يحل مشكلتك ,,

 

طارق ,, حس بالراحه من كلام رامي ,,

 

فصخوا نعلتهم ,, ودخلوا ,,

 

هل مسيد كان مميز ! ,, كبيييير ومبين عليه انه يديد تصميمه يعطي الداخل له رااحه عجيبة ,,

 

رامي ,, : تعال انتيدد ونصلي لنا ركعتين ,,

 

طارق ,, مشى مع رامي ,,

 

تيددوا ,,

 

ووقفوا يصلون ,,

 

كملوا صلاة واقعدوا ,,

 

طارق ,,: اشمعنى يبتني مشي؟

 

رامي ,,: اجر!

 

طارق ,,: رامي ,, انت انسان عجيب !؟

 

رامي !! ..؟ : ليش ؟؟

 

طارق ,,: معقوله ان مثالي لهل درجه !

 

رامي ,,: هههه أنا مو مثالي ,,

 

طارق ,,: انت شايلة هلك ,, مكمل دراستك ,, مؤمن ! ,, عندك اسلوب وذووق ,, وغيره وغيره ,

 

رامي ,,: اول شي ,, هلي واجب علي اني اشيلهم ,, دراستي الي مثلي يا طارق ,, اذا ما يدرس ما يمثل ولاشي ولا يساهم في شي في هل دنيا وانا ما احب اكون مجرد عالة على بلادي ,, انا فيني عيوب يا طارق ,, بس يمكن مو وايد او انك ما تشوفهم البيئة الي انا عشت فيها خلتني اصير هلون ,,

 

طارق ,,: والله انك واحد بهل دنيا مافي غيرك!! ,,

 

رامي ,,: هههههههه لا تخليني انتفخ الحين ,, شله تقول هلون ! ,, ترا الدنيا للحين بخير ! ,,

 

طارق ,,: انت ما تشوف الناس شلون صارت ؟؟ شلون تقول ان الدنيا للحين بخير ؟

 

رامي ,,,: مثل مافي انا ,, وأنت وغيرنا وايد احسن مني ومنك ,, لو خليت خربت ,,

 

طارق ,,: ما غلطت يوم اتصلت فيك ,,

 

رامي ,,: افا عليك ,, اذا ما خفف عليك من عليه اخفف ! ,,

 

طارق ,, : تسلم لي ,,

 

رامي ,,: ها لك خاطر نقرا لنا قرآن شوي ؟؟

 

طارق ,,: اي والله ودي ارتاح من الضيجه الي فيني ,,

 

رامي ,,: ربك قادر يحول ضيجتك الى سعتدة وفرحه وأبتسامة ,, بس المطلوب منك طاعته وقربه ,,

 

طارق ,,: خلاص ,, قوم ناخذ لنا قرآئين ونقرا ,,

 

راحوا ,,

 

وتموا يقرأوون ,,

 

عقب ما كملوا

 

رامي ,,: ها ,, بشر شلون نفسيتك ,,

 

طارق ,,: والله ما توقعت اني ارتاح لهل درجة ,, تصدق ما ودي اطلع ,,

 

رامي ,,: اي والله الي يحصل هل راحة ما يحب يرجع لضيجة الدنيا ,,

 

طارق ,,: اقولك , عادل شلونه ,,

 

رامي ,,: والله عادل ,, حالته صعبه ,,

 

طارق ,,: اشفيه عسى ما شر؟

 

رامي ,,: والله في مشاكل بين امه ومرته الثنتين مو قادرين يتقبلون بعض ,,

 

طارق ,,: الله يساعده ,,

 

 

مر اليوم ,,

 

 

وكلــــن يغني على ليلاااااهــ ,,

 

 

قام طارق الصبح ,, وشاف ان سمر مو موجوده ,, ردت له ضيجته ,,

 

انا لازم اردها البيت ,,

 

 

غسل ويهه ولبس ثوبته وغترته وعقاله وطلع ,,

 

ومن صباحة الله خير ,, جرس بيت بو سالم يرقع ,,

 

طلعت له امينة ,,

 

طارق ,, دخل ,,

 

وتم واقف بالصالة

 

طارق ,,: سمر ,, سمر ,, سمممر ,,

 

سمر كانت قاعده ,, رقدت جم ساعه وردت قامت طول اليل وهي تفكر ,, سمعت صوت طارق !!

 

اطلع !! ,, لا لا مابي اضعف ,, مب طالعه

 

 

طارق ,, : سمر , نزلي ولا بصعد لج ,,

 

ام سالم اطلعت لهّ! ,,: طارق !! اشفيك اتصارخ !!

 

طارق ,,: خالتي انا ياي آخذ سمر ,,

 

ام سالم ,,: بهل اسلوب؟

 

طارق ,,: هذي مرتي ,,

 

ام سالم :ما قلنا شي ! ,, بس نسيت الي صار امس ! عبالك كلشي ممكن يرد مثل الأول بسهولة؟

 

 

طارق ,,: شتبوني اسوي ! بسوي كلشي بس اهي ترجع ,,

 

سمر كانت واقفة في الممر وتسمع كل الي ينقال ,,

 

ام سالم ,, : اقعد بالأول خلني أتفاهم معاك ,,

 

طارق قعد ,,

 

ام سالم ,,: شوف ,, اهي يمكن كان الحجي الي قالته امس بسبب الصدمة , عطها وقت تراجع نفسها ,, مب هلون صدقني مافي شي ينحل بهل طريقة ,,

 

طارق ,,: خالتي انا مو قادر اصبر على فراقها والله انا امس مو طايق اقعد بالبيت واليوم قمت من رقادي ما شفتها حسيت كأني صحيت بمكان مو مكاني ,, مكان مو مرتاح فيه ,,

 

ام سالم ,,: كلشي وحده وحده ,, مب مره وحده ,,

 

طارق ,,: اشوفها على الأقل ,,

 

ام سالم ,,: انا بروح اناديها بس مثل ما قلت لك شوي شوي لين تتقبل فكرة العلاج

 

 

سمر ,,: يمة ,, انه قلت ما بتعالج يعني ما بتعالج والطلاق انه مصره عليه وابيه من كل عقلي ,,

 

طارق!! ,,,,,,,,,,!,,!!,!,!,!,!,,!

 

سكت ,, اول مره يحس سمر قاسية ,, قاسية على قلبه ,, قاسية على طارق حبيبها ريلها واخوها وولدها ,, وكلشي بدنيتها ,, اول مره يحس بهل قساوة ماقدر يعلق ولا يتكلم ,,

 

ام سالم ,,: سمر حبيبتي ,, شهل كلام هاذي ريلج ولا انتوا أول ولا آخر ناس ,, تصيدكم هل مشكله ,,

 

سمر ,, وبلهجه جافة وحاده ,,: يمة انه مصره ,, واذا اهو مثل ما يقول يحبني خله يطلقني ,,

 

طارق ساكت ويطالعها معقول! ,, معقول سمر اتقول هل كلام !؟؟! معقوول سمر الحنونه الحساسه الي تحبه وما تقدر على فراقه تقول هل حجي !!

 

ام سالم ,,: سمر !!

 

سمر ,,: هذي حياتي وأنه خذيت هل قرار مو توني افكر فيه ,, في الفتره الي كان فيها ما يدري انه شسرح فيه وشلي مضايقني ومكدرني ,, كنت احسب الف حساب لكل شي واحط القرار المناسب للحالة المناسبه ,,

 

 

طارق ,,,,

 

طلع بدون ما يعلق او حتى يطلع اي صوت ,,

 

وهذا الي ذبح سمر ,,

 

بمجرد ما طلع ركضت دارها ,,

 

وراحت تبجي ,, ياريته طقني ,, ياريتك خذتني غصب ,,ماقدر انه على بعاده ,, والله ماقدر ,, ياربي ساعدني ,, احبه احبه ,, هل ليلة مرت علي كأنها سنة ,, شلون ارقد بدون ماشوف ويهه ,, وشلون اقوم ولا اشوفه قدامي ,, اي حياة هذي الي بتكون بدونك يا طارق ,, اي حياة !! ,,

 

 

طارق بصدمته مو عارف يستوعب شلي صار ,, ! معقوله سمر تتغير في هل فتره القصيره كل هل تغيير !! ,, ماصدق ,, ماصدق الي شفتها اليوم مو سمر ,, ابد مو هذي حبيبتي مو هذي الي انا حبيتها ,,

 

 

خذ الدرب ,, ووصلل الكوفي شوب الي قعد فيه امس ,,

 

 

راح وقعد على نفس الطاولة ,,

 

صفاء كانت رايحة عشانه وتتلفت طول الوقت وبس شافته يا استانست ,, وعقب ما قعد بشوي راحت له ,,

 

صفاء ,,: صدفة حلوة!

 

طارق ؟!؟ ,,: ,,,,؟

 

صفاء ,,: ممكن اقعد ,,

 

طارق ,,: تفضلي ,,

 

تمت صفاء تتكلم وتتكلم شي كلام له داعي وكلام ماله داعي ,, كان المهم عندها انها تتكلم وتتعرف على طارق اكثر ,,

 

 

مرت الساعات ,,

 

وفي الهده في مدرسة البنات ,,

 

 

سوسن ,,: شيخه خلي هل افكار عنج ,, خليه يولي حركاته حركات يهال بتصيرين ياهل مثله ؟

 

شيخه ,,: سوسن انا مو قادره ارقد اقولج مقهوره فيني حرة ,,

 

سوسن ,,: شبتسوين مثلا ,,

 

شيخه ,,: مادري مادري انه بموت اذا تميت هلوون ,,

 

سوسن ,,: اسمالله عليج اشففيج اتفاولين على روحج ؟؟

 

شيخه ,,: اقولج مقهوووووووره باموت من حرتي ,,

 

سوسن ,,: شدعوة ماصارت هذي ,,

 

شيخه ,,: شوفي لي دبره لازم ابرد حرتي ,,

 

سوسن ,,: دبره شلون يعني؟؟

 

شيخه ,,: مادري مادري ,,

 

سوسن ,,: بفكر لج ,,

 

 

هيام كانت طول الوقت شارده ,, الي صار ابيتهم هز الكل ,,

 

ريم ,,: هيام ,, وين سرحتي ,,

 

هيام ,,: ها؟

 

ريم ,,: شكلج مو معانه كلش ,,!!

 

هيام ,,: قالج هاني ,,

 

ريم تضايقت ,,: اي ,,

 

هيام ,,: انا بقول لهاني ياخذني عندها ,,

 

ريم ,,: سمليلي عليها ,,

 

هيام ,,: يوصل انشالله ,,

 

راحوا البنات ,, كل وحده على بيتها ,, وقط هاني هيام بيت بو سالم عقب الحنه والزنه لأنه ماكان راضي ,,,,

 

دقت الجرس ودخلت لأن الباب كان مفتوح ,,

 

الهدوء في هل بيت غريييب ,,

 

هيام ,,, : امينه سمر في دارها ؟

 

امينة ,,: اي ,,

 

صعدت هيام ,,

 

دقت الباب ,, ودخلت ,,

 

كانت سمر قاعده مقابله الكمبيوتر في دارها واهو مبند واليتات مبنده والدريشة مصكوكه ,,

 

هيام ,,: سمر ,,

 

سمر لفت على طول لفت لهيام ,,,

 

راحت واحضنتها ,,,,,,,,,,,,

 

ودها تنووح ودها تبجي ,, بس تعبت من البجي عيونها تعبت وايد ,,

 

هيام فتحت اليتات ,: شلي مقعدج بالظلام ؟

 

سمر ,,: حياتي كلها صارت ظلام ,

 

هيام ,,,: شنو كلام اليائسين هذا ,,

 

سمر ,, :لو في لفظة توصف حالتي قلتها ,,

 

هيام ,,: سمر ,, ماحب اشوفج هلون ,,

 

سمر ,, : أنه بعد ما حبيت اصير بهل حاله ,,

 

هيام ,,: ليش رافضة العلاج؟

 

سمر ,,: هيام ,, قلت لج لا يمكن اسمح لنفسي اخلي طارق بين يمكن ولا يمكن !! باجر يشيب متى اييونه العيال! ,, تبيني اكون سبب في حرمانه من العيال! ,,

 

هيام ,,: تبين اتموتين واتذبحينه !

 

سمر ,, بغضه ,,: مرده يحب غيري ,

 

هيام ,: وأنتي فكرتي بروحج!!

 

سمر ,,: أنه !!

 

هيام ., : لا انه !

 

سمر ,,: هيام ,, حبي لطارق اكبر من اني اشوف الشي الي يريحني على الشي الي يريحه اهو ,, ماقدر ابني فرحتي وأنه ادري انه متحسر على شي وأنه واقفة له كعائق,,

 

هيام ,,: سمر اشفيج ! انه متأكده ان طارق مستحيل يطلقج او يفكر يتزوج غيرج ,, وأنتي عارفة هلشي ليش اتكابرين ,,

 

سمر ,,: هيام أنه ما أكابر بس انه اسوي الصح ,,

 

هيام ,,: وين الصح في انج تهدمين حياتج وتحكمين عليها بالعذااب !

 

سمر ,,: هيام الله يخليج صكي هل موضوع لا اتعبيني اكثر من ما انه تعبانه ,,

 

هيام ,, : انزين , ,,

 

سمر ,,: اشلوونج انتي

 

هيام ,,: شوفة عينج بخير والحمدلله ,,

 

سمر ,,, : شلوونه شسممه ,,

 

هيام ,,: صج انج متفرغه شوفي حالتج ياية تسأليني عنه ,,

 

سمر ,,: هيام ,, قلت لج صكي هل موضوع خلينا انغيره الله يخليج ,, تراني بجيت لين جفت دموعي ,, مابي ابجي اكثر تعبت ,,,,

 

هيام ,,: عادي يعني مافي شي ,,

 

سمر ,,: شلون امي منيره وجاسم وهاني ؟؟

 

هيام ,,: بخير الحمدلله ,, جاسم اليوم الصبح يا تريق معانه ,, اهو وسلمى ,,

 

سمر ,,: اتصدقين اوحشتني اليمعة على الريوق والغدى ,,

 

هيام ,,: شفتي شلون انتي سمجه ما تقدرين تطلعين من هلبييت ,,

 

سمر ,,: هيااام وبعدين يعني ,,

 

هيام ,,: أنه ماقلت شي انزين ,,

 

سمر ,,,,,,,,,,

 

هيام ,,: صج انج ما تستحين حتى قلاص ماي ما ييبتي لي ,,

 

سمر ..: البيت بيتج مب محتاجه عزيمة

 

هيام ,,: الا محتاجه ونص متكيسله آروح المطبخ

 

سمر ,.,: امييينة ,, امينة ,,

 

امينه ,,: نعم؟؟

 

سمر,,: يبي لهيام قلاص ماي ,,

 

امينه ,,: انشالله ماما ,,

 

 

 

في بيت بو ناصر ,,

 

شيخه ,,: اي بخلي ناصر يوصلني ,,

 

سوسن ,,: اوكي ناطرتج ,,

 

شيخه سكرت التلفون ,,

 

حنان متخصرت لها ,: وين رايحة

 

شيخه وهي تتخصر مثلها :احفر قبرج

 

حنان ,,: اووووووووه انتوا بهل بيت كله تبوني اموت

 

شيخه ,,:اوووووووه انتي بهل بيت ملوعه جبدي روحي عن ويهي لا صميتج طراق طلعت حرتي فيج

 

حنان ,,: انتي المفروض يسمونج حبربش جنقليه طرزااانه مب شيخه

 

شيخه ,, : نعم؟ بشنو تفضلتي؟

 

حنان ,,: آنه باروح قبل ما تيصيرين لي ثور هايج الحين

 

شيخه ارفستها وطاحت

 

حنان ,, :آآآآآي باقول لأمي وبشوشها عليج وبخليها ما تخليج اتطلعين ,,

 

شيخه ,,: روحي راحت روحج

 

حنان ,, ركضت لأمها ,,

 

حنان وهي اتسوي نفسها اتصيح ,,: يمة شفتي شيخه

 

ام ناصر ,,: شصاير؟

 

حنان ,,: سمعتها اتحاجي ارفيجتها وأتقول لها باطلع معاج ومب راده مثل كل مره عقب الساعه 8 على كيفي جان اقولها ليش شيخه يعني تبين اتزعلين امي ,, جان تقولي كيفي ومايخضج ,, ولا ارفستني بعد

 

 

ام ناصر!! : شييييخه ,,

 

شيخه وهي تحوس بشعرها : ها يمة

 

ام ناصر ,,: صج الي سمعته ؟

 

شيخه ,,: شلي سمعتيه

 

ام ناصر ,,:انج تبين ترووحين وتردين عقب الثمان

 

شيخه اتطالع حنان ,,: قومي يبي لابتوبي ولا تيين اتمسكنين عشان اعطيج شي

 

حنان ,,: لا لا يمة انه كنت امزح معاج

 

ام ناصر !! ,,: امحق مزح !!

 

شيخه ,,: يمة لا تصدقينها هذي ام شهاب

 

حنان بمسخره ,,: وشكلييين ما بحكي

 

شيخه ,,: وااااااااي على ثقالة الطينه مادري من وين اتييبينها

 

راحت شيخه تلبس ,,

 

 

فلت شعرها ,, وسوت لها بااف في قذلتها ,, البست جينز وتوب طويلة جبنيز لونها بنفسجي وحطت لها قلوس ,, وشوية بودره وكحل الي نهاية العين عريض وبدايتها حطت شوي كحل فضي ,,,

 

 

طلعت ,,

 

شيخه ,,: نااصر,,

 

ناصر ,, : يلا مشينه !

 

شيخه ,,: ايي ,,

 

وصلها ناصر ,,

 

شيخه وقفت عن الباب ,, وسوت لسوسن رنه ,,

 

طلعت لها سوسن ,,

 

ودخلت ,,

 

 

في بيت بو براهيم ,,

 

 

ام ابراهيم ,,: يلا يا سبيجه اخرتينه ,,

 

ام سلطان ,,: شأخرررتج فييه !

 

ام ابراهيم !! ,,: من مساعه للحين اتدلكين بريولج اعنبووو

 

ام سلطان ,,: بعد ما تعرفين اركبي! ,,

 

ام ابراهيم ,,: هاا سبوووج اشوفج عيزتي ,,

 

ام سلطان ,,: ماعوووزج انا اعيز , انه شباااب

 

ام ابراهيم ,,: عيل شله من مساعه للحين اتهمزين اركبج ؟

 

ام سلطان ,,: هاهاهاي ,, اسوي لروحي مساااج

 

ام ابراهيم ,,: هههههههههههه حسبي الله على بليسج ,,

 

ام سلطان ,,: اقوولج لا اتمسخرين مادري من الي من شوي بتموت علي من الضيجه ,,

 

ام ابراهيم ,,: اصلا الضيجه مرض شبابي شعرفج عاد انتي ,,

 

ام سلطان ,,:هههه واحليلج ورا للمرض عمر بعد ؟

 

ام ابراهيم ,,: الحين شلل الأطفال حق منو؟

 

ام سلطان ,,: بعد حق منوا لليهال ,,

 

ام ابراهيم ,,: خلاص ! ,, يعني لكل عمر مرض ,,

 

ام سلطان ,,: ههههههههههههههههه صج انج ذيبة وما ينقص عليج

 

ام ابراهيم ,,: تف تف الحين بتصخني عين ,, حرام عليج من شوي صاخه الخدامه عين اشدخت اهي بالصيينية مو عين هذي الي عليج

 

ام سلطان ,,: بسج هذره ,, وخلينا نمشي المره تنطرنه ,,

 

 

علي نازل من الدرج ,,

 

 

علي ,,: يمة وين بتروحين؟

 

ام ابراهيم ,,: بين ام ضاري

 

علي ,,: أنزين شرايج ايي وياكم ,,

 

ام ابراهيم ,,: اي تعال غير جو

 

علي ,,: يلا دقايق بييب الغتره وياي ,,

 

ام سلطان ,,: لا اتأخر

 

علي وهو يركب ,,: مب متأخر ,,

 

 

 

في بيت بو ضاري

 

 

سوسن ,,: ايي اقولج نسوان الفريج كلهم بييون

 

شيخه ,,: المهم سبووج الخطابه بتيي؟

 

سوسن ,,: اي اي من شوي تأكدت من امي ,,

 

شيخه ,,: وناااااااااااسه

 

ام ضاري ,,: يلا يمة شيخه ساعدي سوسن ,, تراج مب غريبة ,,

 

شيخه ,,: لا توصيني خالتي عاد ما لقيتي الا آنه آستحي

 

سوسن ,,: ههههههههههههه أول مره اشوف وحده تقول عن روحها ما تستحي على ويها ,,

 

شيخه ,, وهي تلعوز سوسن بالصابون ,,: جبي انتي

 

سوسن ,,: اوهووو ,, الحين بتخليني ارد ابدل صج انج ما تتحاجين ,,

 

شيخه ,,: يلا ذلفي لا بارك الله فيج

 

سوسن , وهي تروح ,,: ولا فيج ولا في ريلج

 

شيخه ,,: حدج عليييه ,,

 

راحت سوسن اتبدل ثيابها ,,

 

ام ضاري يات ! ,, : وين سوسن ؟

 

شيخه ,,: راحت تبدل ,,

 

ام ضاري ,,: وي ! مب توها مبدله ؟

 

شيخه ,,: اي بس لعوزت روحها صابون ,,

 

ام ضاري ,,: قمضية ثيابها كانوا حلوين ..

 

شيخه في قلبها ,, واعليه على خالتي صدقتني بحسن نية ,,

 

أم ضاري ,,: انزين شيخه حبيبتي ,, أنه مسوية البوفيه في الحديقة ,, اذا ما عليج امر ,, تروحين تشوفين الخدم رتبوا الصحون وذي؟؟

 

شيخه ,,: انشالله ,,

 

طلعت شيخه ,,

 

شيخه ,, وهي اتطالعهم ,,: ورا القفاش هلون عدلوهم يلا

 

شيخه قعدت على الكرسي ,,: آآآآآآه ما احلى ان تكون رئيس

 

دقايق ودخلت ام ابراهيم ,, ومعاها ام سلطان ,,

 

 

شيخه قامت اتسلم عليهم ,,

 

ام ابراهيم ,,: انتي بنت منو؟

 

شيخه ,,: آآنه ارفيجة سوسن ,,

 

ام ابراهيم ببتسامة ,,: ماشالله عليج ,,

 

ام سلطان ,,: هلا حبيبتي شلونج ؟؟

 

شيخه ,,: بخير الحمدلله ,,

 

أم ابراهيم ,,: اقولج حبيبتي ,, ضاري ولا بو ضاري موجودين ؟

 

شيخه ,,: لا ! ,, انا الي سمعته انهم مسافرين السعودية اليوم ,,

 

ام ابراهيم ,, : ويي الحين شنسوي؟

 

شيخه ! ,,: في شي؟

 

ام سلطان : ولاشي بس في ريال يعني ياي معانه ,,

 

شيخه ,, : اي خل يدخل الميلس ,,

 

ام ابراهيم ,,: كاهو بره بس اشري له يدخل الميلس

 

شيخه ,, : هاا آآنه !

 

ام ابراهيم ,,: لا تخافين مو من شباب هل يومين ,, بس اشري له انتي

 

دخلوا ,, ام سلطان وام ابراهيم ,,

 

ام سلطان ,,: يعني شكان بيضرج لو رحتي ناديتي وليدج؟

 

ام ابراهيم ,,: عاد أنتي شعرفج بالخطط الجهنمية

 

ام سلطان ,,: تحجي يلا بتسوين روحج علي المحقق كونان

 

ام ابراهيم ,,: واااااااي! صج ياهله تطالعين سبيستون من ورا ي,,

 

ام سلطان ,,: اي اشفيها آتشبب

 

ام ابراهيم ,,: انزين بلا هذره زايده ,, انه شفت البنت حليوة وتهبل صراحه ,, قلت يمكن تعجبه ويخطبها ,,

 

ام سلطان ,,: الحيييييييين خطه جنميه وما عرف لها ومادري شعندج ,, على هل خطه الفااشله !

 

ام ابراهيم ,,: اقولج ,, سكتي سكتي ,, كاهي ام عبد العزيز تعالي نروح نسولف معاها

 

 

برع ,,

 

شيخه ,,: اوهوو شهل ورطه وهل سوسن للحين تبدل عروس عرووس ,,

 

طلعت شيخه ,,

 

وكان واحد واقف لابس حمدانية ,, وعاطيها ضهره ,,

 

شيخه بأدب ,,: لو سمحت ,,

 

علي التفت !!!!!!!!!!!!!!

 

شيخه !!!!!!!!!!!!!!!!!!

 

شيخه ,, بعد ما تغيرت ملامحها من بنوته رقيقة ياية تقول للريال ادخل الميلس بأدب ,, الى وحده شرانية وقرفانه من الآدمي الي واقف جدامها ,,: أنتتت!!

 

علي وهو بعد شافها غير ملامحه وصارت عدوانية في عدوانية ,,,: انتي!!

 

شيخه توها بتمشي عنه , لحظة !! ,, جنها يات لي على طبق من ذهب ؟؟ هههه ييت والله يابك ,,

 

شيخه ,,: تفضل الميلس

 

علي ! ,, استغرب من لباقتها معنها من شوي كانت شوي وتعطيه كف ,,

 

علي ,, تقدم وراح الميلس ,,

 

شيخه مشت عقب ما مشى ,,

 

في قلبها هاهاهاهاهاي ,, والله ان الله ما يضيع حقي ,,

 

دخل الميلس وقعد ,, استغرب أن مافي احد من الرياييل بس قال يمكن اييون عقب ,,

 

 

شيخه دخلت وهي راسمة ابتسامة خبث على ويها ,,

 

سوسن نازله ,,,: شيخوو

 

شيخه ,,: تعاليي سوسنوووه ,,

 

سوسنن راحت لها ,,: ها تأخرت ,,

 

شيخه ما تدري سوسن شتقول لأنها قاعده اتكتك في مخها ,,

 

سوسن ,,: هيييي

 

شيخه ,,: جم مره اقوولج ما حب كلمة هي نعية عندج آآنه ولا نعية ؟

 

سوسن ,,: لا لج الحشيمة مب نعية ,, نعية ,,

 

شيخه ,,: اي هلون

 

سوسن ,:هههههههههههه يل مفهيه قلت لج نعية ,,

 

شيخه ,,: اقولج مب فاضية لهل حجي ,, عندي خطه لا زم اسويها ,,

 

شيخه , اتطلع العصير من الثلاجة ,,

 

وطلعت قلاص عوود وحلوو ,, وحطت فيه ثلج ,,

 

سوسن ,,: حق منو هااذي؟

 

شيخه ,,: طلع فراولة ,, وقصيها من النص بس مو كامل ,,

 

سوسن طلعت فراولة وقصت جزء منها ,,

 

سوسن ,,: انزين حق منو هاذي؟

 

شيخه ,,: انتي سوي ولا عليج ,,

 

سوسن ,,: انزين هاج ,,

 

شيخه ,,: يبي لي هاذي العسل ,, الي لونه احمر ,,

 

سوسن ,,: الحين من وين اطلعه ,,

 

شيخه ,,: دبريني بسرعه ,,

 

راحت سوسن اتدوره ,,

 

وشيخه حطت قفشتين ملح من الكباار ,, وأخلطته ,,

 

سوسن للحين تدوره ,,

 

شيخه يابت ورقه صغيره ,, وكتبت فيها نوت ,, " الي يلعب بالنار تجويه يعل تحترق بنار جنهم قول آمين على فكرة فكرت احط لك سم ,, بس أنه مو مجرمه "

 

وحطتها تحت القلاص ,, بحيث ما يقدر يشوفها الا اذا شال القلاص ,,

 

سوسن ,,: شيخو ما لقيته ,,

 

شيخه ,,: أمممم انزين خلاص,,

 

شالت الصينية ,,

 

شيخه ,, تنادي الخدامة ,, : نينا ,,, ,, نينااا

 

نينا ,,: ها ماما

 

شيخه ,,: هاج هاذي وديه الميلس

 

 

خذت نينا الصينية ,, وودتها ,, كان شكل العصير مغري ,,

 

اول ما شافه شاله ,, وشرب منه وايد من غير ما يذوقه ,,

 

عقب ما تطعمه بغى يتفله بس يود روحه وابلعه ,, وقام يكح وياته اللوعه ودار راسه من الملح ,,

 

حط القلاص مكانه وشاف النوت ! ,,

 

 

علي ,,: آآآآآآآآآآيالي ما تستحين على ويهج أنا برويييييييييييييييييج ,, شلون اسلمها ارقبتي ,, انا اوريج ,, ما كون علي اذا طوفتها لج ,,

 

 

علي من القهر ,, طلع ,,

 

شيخه كانت واقفه عند الباب وتطالع الباب الرئيسي شافته طالع وهو معصب ومنقهر ماتت من الضحك ,,

 

سوسن ,,: انتي اشعندج اتكعكعين ,,

 

شيخه وهي شاقه الحلج ,,: دريتها له رديتها ,,

 

سوسن ,,؟؟: شرديتي ولمنوا ,,

 

شيخه ,,: علي السخيف ولد جيرانكم كان ياي ,, جان اسوي له عصير وآترسه ملح هههههههههههههه

 

سوسن ,,: !!!!!!!!! شيخووو الحين ما بيقولون منج بيقولون من بيتنا ,,

 

شيخه ,,: لا تخاافين كتبت له نوت اني كنت ابي احط له سم ,, بس يعني أخاف من ربي ,, وعاد اهو ما بيفكر يشتكي ,, بيفكر يردها لي ,, وهذا الي ما بيصير

 

سوسن ,,: صج انج أنتي وياه ميانيييييييييين

 

شيخه ,,: أنزين ما علينا ,, وينها سبيجة الخطاابة؟

 

سوسن ,,: كااهي ,,

 

راحوا لها وطقوها سوالف ,,

 

 

في بيت بو براهيم ,, علي حده منقهر ,, كلش ما يا في باله انها اتسوي له هل حركة ,, النوت عنده كل سوي يقراه وينقهر اكثر ,, بس في نفس الوقت ماله قلب يرميه ,,

 

مابي ارميه ,, بيكون دليل عليها ,,

 

 

 

سامحوني يا جماعه على التأخير والقصور ,,

 

بس بدون مبالغـــه ما عندي وقت حتى اطالع روحي بالمنظره ..

 

حالياً بندخل في دوامة اختبارات المنتصف ,,, وأعذروني راح انقطع عنكم خلال هذي الفتره ,, بس بكون اكتب كل ما احصل فجه ,, فأنشاء الله بأنقضاء فترت الأختبارات ,, راح يكون في مباشرة بارت طويل يعوضكم عن الفتره الي طافت ,,

 

 

احب اشكركم كلكم على المتابعه ,, الي دايماً تعطيني دفعه الى الأمام ,,

 

والسموحة منكم

 

تحياتي ,,

 

بنت الحداده

Link to comment
Share on other sites

سامحوني يا جماعه على التأخير والقصور ,,

 

بس بدون مبالغـــه ما عندي وقت حتى اطالع روحي بالمنظره ..

 

حالياً بندخل في دوامة اختبارات المنتصف ,,, وأعذروني راح انقطع عنكم خلال هذي الفتره ,, بس بكون اكتب كل ما احصل فجه ,, فأنشاء الله بأنقضاء فترت الأختبارات ,, راح يكون في مباشرة بارت طويل يعوضكم عن الفتره الي طافت ,,

 

 

احب اشكركم كلكم على المتابعه ,, الي دايماً تعطيني دفعه الى الأمام ,,

 

والسموحة منكم

 

تحياتي ,,

 

بنت الحداده

 

لا عاادي بنووته معذووره و كنت حاس انج مشغوله بالاختبارات

تيك يور تايم بنت الحداده

 

و بالتوفيييق انشالله :up:

 

ووووو لي عودة للرد على البارت الي ما قريته حتى خخخخ

Link to comment
Share on other sites

 

عدنـــــــــــا &&& BACK

 

يـــه مو جنه البارت قصير :huh: <<<<< صج طماع خخخخ :ssm16:

خوووش بارت الصراحه مع ان القبلي كان احلى و في اكشنات قوويه بس محزززززن اكثر من ذي!!! ,,,

 

افففف اففففف ولله يا هاني انا مثلك حاس ان بصير شي بينك و بين ريم و السبه شيماء بنت ابليس :ssm11: انا من يووم خلت هيفاء تصورهم و انا مو مرتاح ,,, شكله حسب توقعاتي ان بتاخذ الصور و بتسلمهم بنفسها حق ريم اوو يمكن راح ينتشر بالبلووتوث والله اعلم !! ,,, بس اذا ريم تحب هاني صج و غير مبالية لماضيه اكييد ما راح تتركه

و هي اكثر من مرة أكدت على هاني انها مو مهتمة لماضيه اهم شي عندها الحاضر الحين !!,,, بس مع هذا اقوول ان كيدهن عظيــــــــــم ,, :ph34r:

 

سمر,,, آه على هذي البنيه الشخصية المحببه عندي بالقصة و الي واااااااااااااايد متعاطف معاها ,, ولله قاعد اسب و العن في طاارق ان مد ايده عليها و كأن هالشي واقع يصير جدامي !!!! ,,, معذوووره يا سمر انتي لأنج تحبين طارق بصدق و وفاء و امانه و ما تبين تبنين سعادتج و فرحتج على تعاسته ,,, سمر فعلآ كانت قاسية معاه و جافة بس سووت جذي علشان سعادته ,, المسكينه تبي تشووفه مرتاح و مستانس في حياته ,,, و طارررق هالثووور يعني مالقى يرروح غير الكوفي شووب الي تروحه صفاءوووه بنت ابليس ذي الثانية بعد !!! ,, :zq13: بس اذا بعد انعجب فيها ولله بدعي عليه من قللللللللللب :zq13:

بس عجبني تصرف رامي صج صج ريال و مثالي الصراحه ,, فعلآ احسن مكان ممكن يرتاح منه طارق و يطلع من ضيجته شووي ,, !!!

 

ههههههههههههههه حسبي الله على ابليسج يا شيخووووه ههههههه هذي سواة تسوينها في الريال

صج طلعت ام الدوابير الشيطانه افففففففف منهااااا ولله الله يعين الي يحط راسه براسها :ph34r: ,,, بس علي مبين منجذب لها بس هو طبيعته مغرور حتى اهي بعد ,,, حتى يدته ام ابراهيم انعجبت فيها ,,, بس خلاص مفهومه السالفه ,, علي لشيخووه و شيخووه لعلي :ssm19:

 

يعطيج الف الف عافية بنت الحداده و بالتوفييييييييق ياااااارب

و انشالله تجيبين درجات الــ Full Mark في كل المواااااد :up:

خذي راحتج ولا تستعيلين احنا ناطرينج ,, و المنتدى ما بطير ولا بيختفي اهم شي دراستج و مستقبلج ,,, و الي يبي البارت بسررعه عطييه السيــــن ولا تفتكرين جابلي دراستج ولا عليج منهم :up:

 

دعووواتي القلبية لج بنوووته و عساج عالقووه انشالله :ssm18:

Link to comment
Share on other sites

رووووووووووووووووعه الباااااااااااااااارت .. حددددددددده عجاااااااااااااااااايب

 

وخصوصا حركة شوااخه موتتني من الضحـــــــــــــــــــــــك ههههههههههههههههههههههههههههههههههههههههههههههههه

 

 

 

 

حبيبتي عذررج معااج وكنت حاسه انه اختبارااتكم قربت .. ولله يوفقج حبووبه وعسااج عالقووه ياااااااااااااارب

 

 

تحيــاتي ..

Link to comment
Share on other sites

يسلمـــــــــــو على البــــــــــــــــارت

طــــــــــــرح رائــــــــــــــــــــــــــــــــــع

وأسلـــــــــــــــــوب راقـــــــــــــــــــــــــــي

تقبل مروري وتحياتـــــــــــــــــــــــــــــي

أحـــــــــلــــى دليعـــــــــــــه

 

:up:

 

Link to comment
Share on other sites

 

 

ياااااااااااي صج البات قصير بس حلوووو

 

وهاني واعليه عليه حرااااام خليه اهو يقول لريم عن شيماء ولا اتعرف من الناس اهئ اهئ

 

 

 

حركة شيخوووووووووووو صج حدها عجييييييييييييييييييييييييبه

 

فن فن هههههههه

 

عجايب هالاثنين واي بياخذون بعض هههههههه اما اذا اخذو بعض ويتهاوشون كشوخي ههههههه

 

 

تسلميييييييييين والله ع البارت

والله يوفقج في امتحاناتج

عاد تخلصين مني تنزلين لنا بارت اشطووله مني

 

لكِ ودي

Link to comment
Share on other sites

احس انه بصييير شي بين ريم وهاني

ومتى ترجع سمر حق طارق

ونبي شي يصييير بين هياام و رامي

وحركة شيخة عجبتني

وبصرااحهـ الباارت حده رووعه ..تسلم يدج خيتووو ع الباارت .. والله يوفقج ونجحج.. واخذي رأأحتج حبيبتي في تنزيل البارت

Link to comment
Share on other sites

ثانكس ع البارت الحلووو ،،، ومعذورة

وتنتظر البارت الثاني ع احر من الجمر ،،،

Link to comment
Share on other sites

عن جد باااارت حلوو .. عجبني انتقام شيخة ههههههههه يستاهل ههه.. مسموحة حبيبتي ومعذورة اهم شي دراستج ومستقبلج يالغالية .. الله يوفقج يارب واحنا بانتظارج مهما يطول الوقت .. تحياتي

Link to comment
Share on other sites

يسلموووو ع البااارت حده فن عجبتني حركة شيخة

ننتظر البااارت الياي و سوري ما قدرت ارد عليج بسرعة

خبرج الامتحانات و عاذرينج ع التأخير

Link to comment
Share on other sites

ثاااااااانكس عل باااااااااااااااارت :up:

وااااايد حلوو

وسوووري عل تأخييير.. بس لان امتحااناات وماقدرت اقرا القصة الااحيييين..

ننتظر البااارت اليااااي :up:

Link to comment
Share on other sites

وووصلت لكمممممم هاااااااااااي واخيييرا كنت اقرا البارتات القبليه صار لي اسبوع او اكثر وانا اقراهم اهنيييج اختي على القصه الحلوة

 

قصه حلوة من حيث السرد والحوار خليتيني اندمج في كل كلمة انتي كتبتيها خليتيني اتخيل كل موقف يصير وتخيلت كل شخصيه فيها في مواقف ضحكتني سوالف شيخو وعلي وربعها وفي مواقف صيحني اكثر شي موقف سمر وطارق وفي مواقف دخلتني جو سلمى وجاسم هاني وريم هيام ورامي ماشالله عليج بالنسبه لسنج الا انه كتابتج للقصه ابهرتني واستغرب من كل شي فيها استمتع بقرائتها وانتظر البارت الياي على احر من الجمر يعطيج العافيه

Link to comment
Share on other sites

سامحوني يا جماعــة الخيــر بطيـــت عليــكم ,, لكن باجر ان شاء الله بيكون آخر اختبار منتصف في يوم عيد ميلادي :ph34r: : ,, والبارت جاهز كنت اكتب فيــه ما بين الفتره والثانيــة ,,

 

ما اقدر اقولكم الا مشكورين وبيض الله ويوهكم ,,

 

صبرتوا ,, علي ,, ادري ان القصة طولة ويمكن في ناس ملت ,, بس معليه تحملوني شويتين ,,

 

عموماً ,, يعني ما بقى كثر ما مضى ,,

 

كنت ناوية ما أكتب قصــة غيرهــا ,, بس اضاهر الكتابة صارت عندي مثل الأدماان ,,

 

فـ انا حطيت رؤس اقلام في القصــة اليديده ,, الي راح ابدي انزلها عقب ما اخلص هيام قلبي ,,

 

تحياتي لكم ,,

 

بنت الحداده

Edited by بنت الحداده
Link to comment
Share on other sites

أولاً وكل عام وأنتي بألف خير وعقبال بليوون سنة عساها سنة حلوة عليج

مشكووورة حبيبتي عالقصة والله بالنسبة لي ما مليت ولا راح أمل

الله يوفقج يااااارب وينجحج بامتياز ويحقق اللي في بالج

نحن بإنتظاركِ غاليتي :smile:

Link to comment
Share on other sites

Join the conversation

You can post now and register later. If you have an account, sign in now to post with your account.

Guest
الرد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Loading...

×
×
  • Create New...