أسيرة الورد Posted ديسمبر 23, 2009 Report Share Posted ديسمبر 23, 2009 الله الله الله وش ذا الزين ذي كله!!! السموحة حبيبتي بس ظروفي ما سمحت لي اتواصل مثل قبل و جوفي الوقت الي قاعدة اكتب فيه اللحين يعني كلش وقتي متخربط بس اهم شي اني ما نسيتج و متواصلة لو خلف الكواليس و راح تلقين رد محترم بعد البارت الاخير الي اتوقعه بيكون مو طبيعي اترياج Quote Link to comment Share on other sites More sharing options...
girlheart Posted ديسمبر 26, 2009 Author Report Share Posted ديسمبر 26, 2009 البااارت 45 (الاخير) نور : مهند هذاا حلوو؟ مهند و اهو يفكر : لا لا الاحمر احلى نور : امم اوكي مهند : نووني حبوو تعالي شوفي هذا احسه بيطلع عليج رووووعه نور : لا لا ماحب البس هالستايل مهند مسوي زعلان : بس انا يعجبني نور : وع مهند مب حلوو ,, شوف هذا احلى مهند و اهو مصر ع رايه : قلت لج ابا اشوف هذا عليج يعني اباه نور : كيفك والله بس قلت لك مب حلوو مهند : انا بكفيني ابي اشوفج في كل صوره و لو تبين بعد اشتري لج هالمحل كله نور : لا وع مب من ذوقي كل هذلين مهند باستخفاف : هههه مسويه مترقيه الاخت نور طالعته بنظره على جهة و لفت ويهها .. مهند و اهو يهمس لها : اذوووووووب انا تعرفين يعني شوو اذوب من هالنظره نور : جب جب بس ههه لا تفشلنا جدام الناس مهند و اهو ماشي : يلا تعالي نشوف محل ثاني نور : انزين بس شوي على ما ادفع مهند : اوكي انطرج برع المكان صار زحمه نور : اوكي مهند طلع ثواني على ما نور تخلص من المحل .. دفعت و شافت مهند يمه مجموعه بنات نووور بسرعه راحت له و بقهر :ما امدانييي دقيقتين خليتك .. بدينا بالمغازل مهند : والله والله ما طالعت غيرج حياتي نور بقهر : اي مبين بنت من البنات : اآآحـ شميتي عطره .. بنت غيرها : بس عطره حتى شكله انتي شوفيه.. يهبل نور كانت موصله حدها و ايوون هالبنات يقولون هالكلام عن خطيبها .. مهند كان ماسك حاله عن لا يضحك .. مهند و اهو للحين يحاول ما يضحك : خخ نور و اهي تضربه بيدها بدون ما يشوفون الناس : على شنو تضحك انت بعد ؟ مهند : لا ولا شى بعدها تلفون نور رن و اهي في المحل تجرب الثياب .. ايمان : هلووووو يالهبله .. وينج ما تردين قلنا انخطبتي عااد مو جذيي مهند : احم .. السلام ايمان انحرجت و انقلب ويهها احمر اخضر ازرق : و عليكم السلام مهند : نور الحين مشغوله بس تخلص اخليها تدق عليج ايمان : اوكي مع السلامه ايمان بسرعه سكرت الخط ايمان : واااا فشيلتااااااااه .. وااا فشلتاااه يا نورو يالهبله ... احمد : وي ايمان ليكون خرفتي ايمان : هاااااع لا بس ما تدري اشصار احمد : و شالي صار ؟ ايمان : دقيت على نور و اول ما ردت قعدت ازفها وا كتشفت ان مهند الي راد علي احمد بقهر : و انتي ليش تسوين جذي المفروض تسمعين اول من ايمان : و انت الحين ليش معصب علي احمد : لا والله حلفي بس ايمان : والله كلش ما له داعي الي تسويه احمد : ايمانوووو ايمان : اوكي قلنا تحبني و تغار عاد موب لهدرجه احمد : اوكي بسكت خلاااص .. بس لا تقولين بعدين احمد ما يحبني و ما يغار علي ايمان بخبث : احمدي حبي احبك خلاص ولا تزعل انا غلطانه و اعترف بغلطي احمد : و مرة ثانيه قبل ما تقولين شى اسمعي اول من تكلمين ايمان : ان شاء الله عمي احمد عدل قعدته : احم غصب عنج ايمان و اهي تقط عليه المخده : روح زين وايد عطيتك ويه احمد : افا بس افا انا تسوين فيني جذي ؟ ايمان : و اكسر راسك يعد احمد : هييييين يا ايمان انا اعلمج ايمان : هاهاهاهاهاي اوكي علمني بعد ما خلصت نور اتصلت فــ ايمان ايمان : يالهبله ليش تعطينه موبايلج نور : كنت اشوف الثياب اوكي علي ولا لا ايمان : فلحنا .. انزين خلاص كلهم عزمتهم الي قلتي عنهم نور : متاكده ؟ ايمان : اي نور : و اسيرة الورد و مينونه و punk cat و ........ ايمان : بس بس بس دويتي راسي خلاااص كلهم عزمتهم يه نور : انزين ايمو يالدبه الحين لازم اسكر يلا باااااي ايمان : احم اوكي باي فــ البحرين لكن فـ مكان ثاني ميساء بدلع: سعود حوووبي.. العيال بكونون معاك في العرس صووووح ؟؟ سعود : هههه و انا اقدر ارفض لج طلب .. دووووووم البي لج طلباتج ميساء : فديتك يا بعد عمري سعود : ميساء: ايييي سعووودو تدري ان ياسمين بدت شوي تلفظ بعض الكلمات و ياسر ؟ سعود : اممم ,, تبين الصراحه انتي مغبررررررره حدج ميساء : وه وه محد مغبر غيرك يالدب سعود : شوووفيني شحلاتي .. غاوي غاوي لا اله الا الله ميساء : اقووووول .. مااااااااااااالت ع الواثق بس سعود : و اشلون ما اوثق دام القمر كله معاااي ميساء باستهزاء : ههاهاهاي قول جيي من الاول حمد و اهو يكلم بندر .. حمد : مرحبا الساااع بندر : مرحبا مليون .. اشحالك؟ حمد : بخير الحمدلله و انت اشحالك ؟ بندر : والله بخير كل شى تمام حمد : اذا احتجت شى لا تتردد بندر : تسلم ياخوي ادري فيك ما تقصر ظل حمد يكلمه و بعد شوي سكر الخط لان اريج كانت تناديه اريج : حمووود حمد :عيونه ..ٌقلبه حياته انتي امري اريج: ابا اسير السوق في جم غرض اباه حمد هز لها راسه بعلامة الرضا فـ بيت بو نور شمس النهار : انا من انديا بس في جواز بحريني سايق بيت بو شوق : وااااااجد جيين .. انا في بعد جواز بحريني شمس النهار بهيا .. ( احم مو بحيا ) : كم عمر انت ؟ السايق : 35.. انتي شنوو اسم و عمر ؟ شمس النهار اشرت ع الشمس >> حررركات هع هع السايق : اي هلو الشمس اليوم شمس النهار و اهي تحاول تفهمه ان اسمها شمس النهار : لا لا نيييم مال انا ... ( و ردت اشرت له ع الشمس ) السايق : منووو في براا .. ؟؟ ارباب مال انتي ؟ شمس النهار حاولت ما تبين له ان اهو غبي : لا نيم مال انا شمس النهار السايق اتفشل و انقلب ويه الى فحمه محترقه و اهي بعد من شافت توم كروز مستحي صارت بنفسجيه ..... شوق : اي خلتي السايق يودي الاغراض بيتكم نور : مشكووووورة يا شوق ما تقصرين ان شاء الله نخدمج في الافراح شوق : العفو يالغلا نور : مو تنسيييييين باااااااجر اتيين فهمتي ؟ شوق : اي افا عليج انا و هبوله و ميوو و بنت الحداده بنصير اكشخ منج بعد نور : ههههه اوكي يلا مع السلامه شوق : الله يسلمج و يسمنج و يسمرج نور : تكفييييين ما ابيه الا يسلمني مابي الي بعدهم شوق : هههههه اوكي باي فـ الامارات رغد و خالد رايحين مطعم .. ( اتفاقات ما قبل الملجه و الخطوبه ) خالد : هااا شووو الحين بتميين ساكته يعني ؟ رغد احمرت : ههه انت الي ساكت خالد : انا رغد : اي انت خالد : خييييررر .. الحين باجر تبيني ادق على اهلج رغد : انا ما ابا هالشى .. انت الي تباه خالد : شوو ما تبيني يعني ؟ رغد : ..... خالد : اعتبر هذا اي ولا لا رغد و اهي مستحيه : الي يعجبك خالد : فديييييتهم يستحوووووون رغد : خاااااالــــــد خالد : يا لبيييييه مررررت هالليله بسررررررعه اليوم الثاااني نور صحت من الصبح ع صوووت المسج فتحت عينها .. حبي صباح الخير بعد شوي بمر عليج نور ردت عليه محروووووووووم .. مهند على طووول دق عليها بعد ما قرا المسج لكن ما كانت ترد نور اتصلت في ايمان و قعدتها من نومها كالعاده ايمان : بسم الله بسم الله اشصاااير ؟ خلاص ما يبيج ؟ نور: فال الله ولا فالج جب يالدبه لا تدعين .. بس ابيج تخبرينه اني ما بكلمه اليوم الا في يالليل ايمان : دلاعه بنات بعد تسوي نور : احم .. نشوفج ما سويتي هالدلاعه الي تقولين عنها ايمان : ههه استانسي استانسي كلها ليله نور : اوكي دقي عليه و خبريه ايمان دقت على مهند و قالت له .. مهند على طول من بعد المكالمه طرش لنور مسج والله حرام عليج الي تسويه فيني =( نور ما ردت عليه مرر الوقت بسرعه و غابت الشمس ع الساعه 8 نور خلصت من الصالون و كلمت ابوها حق ايي لها لان ما كانت تبي مهند يشوفها الا لين وصلوا الفندق وصل بو نور و شاف بنته الوحيده لابسه فستان العرس الابيض و مغطيه حق محد يشوف ويهها تمشي للسياره ما استحمل هالمنظرة و دموع الفرحه بدون احساس نزلت من عينه مسحهم بسرعه حق ما تشوفه بنته يدمع في ليله عرسها ركبت نور السياره و ابوها ما تكلم لها بولا كلمه حق ما نطق ولا حرف نور : يبه اشفيك ساكت ما عجبتك بو نور : من حلاتج ماعرف شاقول يا بنيتي .. والله و كبرتي و صرتي عروس نور استحت ... وصلوا الفندق و دخلت نور الغرفه المخصصه للعروسين اهي مع ابوها و امها كانت موجوده .. اول ما امها شافتها قلبها صار يدق و اتذكرت يوم يزوجونها بـ ابو نور و اشلون كان احساسها .. نزلت دمعه من عينها ع خدودها بس حاولت تتجاهل هالاحاسيس نور شالت الشال الي ع ويهها و كانت الصدمه ع ويه امها و ابوها مب مصدقيين ان هذي نور بنتهم ام نور لا اراديا: لو ما كنتي بنتي ولا حملت فيج ما قلت هذي انتي .. اللهم صلي على النبي بو نور : الله يهنيج يا بنيتي .. حرام هالقمر ما يعيش معانا .. لا تخليني احس بالذنب اكثر لاني وافقت راح و لم بنته بقوه و كان يفقد شى ثمين بالنسبه له و طبعا ما في اثمن من الضنى نور كانت بكامل حلاها متغيره خمسين مليون الف درجه عن قبل صح كانت قبل تهتم في شكلها و تطلع باحلى صورة ,, لكن اليوم غير و طبعا كل عروس تطلع احلى في ليلتها صورت قبل ما ايي مهند فـ الفندق كانوا مسوين مكان خاص لتصوير العروس صورت و كانت ايمان معاها و بس تطالع و تتمعن في جمالها و مكياجها نور و اهي تضحك : يالخبله ليش تطالعيني جذيي استحي ايمان و اهي سرحاانه : هاااا ... نورو حده فن المكياج نور : ههههههه ايمان :نورو امتى بيي ريلج ابي اشوفه دام انتي و صرتي جذي حلوه اهو شلون ..بدون شى و قمر نور بغيره : نعم نعم ايمان : هه ولا شى بعد فتره وصل مهند بالثوب الاماراتيه المبخره و صاير رزه و كاشخ ع الآخر و طاله مثل القمر اول ما وصل دخل مهند مع اخته اريج و ميساء و اهو وسطهم و جدامهم ملوووكه حامله معاها مجسم لقلب احمر دخل مهند ع رفه و كان لافت انتباه كل بنت موجوده بجماله طبعا ما خلت الزفه من تصفيق و هلاهل الناس و الابتسامه على ويه الكل وصل عند كوشه العرس و تم واقف ينتظر نور تدخل .. كان مشتاق .. ولهان على شوفتها يوم كامل ما سمع صوتها ولا شافها ثواني و طفوا النور و توجه السبوت لايت على الوسط دخلوا مجسم ثاني على شكل قلب احمر مثل الي عند ملاك و فيه مثل العجلات كانوا ثنتين من الفلبينيات الي يشتغلون في الفندق يحركونه و لابسين اهما بعد احمر ... تموا يحركون المجسم لين ما وصلوا لمنتصف المسافه .. و افتحوا القلب من الوسط لان فيه باب .. و طلعت نور منه و مثبت على اطرافه جهاز الدخان .. طبعا اول ما طلعت ما كان يبان شى منها من كثره الدخان .. بدى الدخان شوي شوي يختفي .. و وراها ينثرون عليها ورق من الورد الاحمر و الابيض و كانت نور تمشي بخطوات بطيئه .. خطوات كلها ثقل .. تحس انها مب قادره تمشي .. مو معقوله هذا يوم عرسها .. تمشي و اهي مستحيه و مهند كان يناظرها من اول ما دخلت بنظرات و كانه متشوق لو بس يقرب يمها .. دقات القلوبهم كانت شبه و تنسمع و ودها لو تقول احبك احبك احبك .. زفت العروس على ابيات شعر ليتني في صورتج اسرح واتوه بين عينج وبين ذيج الخدود حمره من الخجل ولمعة العيون تذبح ولا اقدر اتحمل غلاها تنظارني من بين طرف الرموش و قلبي من دلعها دايم يقول آه منج يانور عيني يانور غير حبج ما أبي في هالدنيا يدوم وصلت نور عند مهند و اهو مب مصدق عينه .. مب معقوله هذي نور الي عرفها متغيره لدرجه ان كانت نظراته فيها شوي استغراب .. الناس كانت تتهامس على هالاثنين الي الله جمعهم ببعض .. مهند : لو اقولج قمر اكون اكبر جذاب نور احمرت و تمت ساكته مهند : يعني ما بتسمعيني صوتج؟ نور هزت راسها بعلامه لا و اهي تبتسم مهند : حرام عليج كفايه طول اليوم معذبتني بعد الحين ؟ نور : لو بيدي خليته كل يوم و كل دقيقه و كل ساعه مهند و اهو ماسك يدها بكل حب : يــمه يمه فديتهاااا الي وحشتني نور : اشش الناس يشوفونا مهند : خلاص انتي صرتي لي محد له حق يتكلم نور : هههه مهند : يالبيييييه مهند كان كل ما يبي يقولها شى المصورة مأذتنه و مب مخليته ع راحته طبعا الاغاني كانت ضاجه بالمحل و الكل فرحان بهالليله عند الطاولات .. ايمان ,شوق,اشواق,علا, و ربعهم الي كانوا يعرفونهم ايام المدرسه و الي بالجامعه ايمان : يحليلهم اينون اثنينهم شوق : اي والله الله يهنيهم علا : مهند وااايد احلى من نور اشواق : لا انا اقول نور احلى منه و يا بخته فيها شوفيها طالعه مثل القمر فـ طاوله ثانيه .. ام مهند , ام حمد , العمه رحمه,لمياء ,ازهار,اريج,ميساء,ملاك و باقي الاهل لمياء كانت طوول الوقت تطالع نور بنظرات حقد و كره و حسد لانها اخذت مهند الي كانت طول عمرها تتمنى ريال مثله بمواصفات جماله و اخلاقه و اسلوبه و ماله ميساء و اريج كانوا الثنائي الجميل هع طالعين ولا اروع اليوم و الابتسامه شاقه الحلج ملاك كانت طووول الوقت بالها و بال متى يدخلون اهل المعرس حق تشوف فراس و اهو يشوفها و اهي متعدله و صايره مثل الملاك اسم على مسمى .. ام مهند طبعا الدنيا مب ساعيتها من كثر السعاده , طول عمرها كانت تتمنى تشوف ولدها الكبير متزوج و متهني في حياته و هذا كله قاعد يصير جدام عينها ام حمد تعتبر مهند مثل ولدها و سعادته من سعادتها و كانت تتمنى لهم كل الخير و فئه من الناس الي كانوا يتمنون الخير لنور و مهند كانوا بعد حاضرين العرس لان لهم معرفه بــ نور اسيرة الورد , بنت الحداده , Black Pearl, دموع الورد ,هبله و تهبل,بسمه تحدي ’ ملاكي قمر, Cat Punk, بباي,مينونه,ابيك و ما ابيهم , لونلي بنوته ( و كل من تابع القصه و ما حطيت النك ماله لان رايح عن بالي الاسماء مسامحه) هالبنوتات كانوا محلين العرس و منورينه .. اسيره الورد كانت طالعه اليوم بكامل حلاها بنت الحداده كالعاده طالعه انيقه و محد مثلها هبله و تهبل دايما تنكت لهم و تحلي الجو مينونه : اقول ما بحطون دقني ابي ارقص عليها دموع الورد : مهند متى بيطلع نبي نرقص الصراحه ابيك و ما ابيهم : خليه يستانس معاها كلها ليله في العمر ملاكي قمر : تكفييين بس انا انتظر متى يدخلون اهل المعرس و نشوف لنا واحد جمااال مثل مهند بباي : ويييي مخططه من الحين ههههه عيل اقولج اذا حصلتي لج واحد عطيني اخوه لونلي بنوته : لا والله اشوف كل وحده و اختارت لها واحد و انا مالي رب يعني هبله و تهبل بمسخره: والله محد قالج تثمين روحج لونلي بنوته .. خلاث تتحملين مثئوليتج Punk: اقول بنات بعدين اذا طلع مهند بنروح لنور و بنخليها ترقص ههه اوكي كلهم : اوكي بعد فتره دخلوا اهل المعرس و الريايل من اهل نور عشان يسلمون ع المعرس و ع الاهل حمد كااان طالع معرس مثل المعرس بهالليله .. مهند كان له اخو و صديقه و لازم يستانس له في هاليوم فراس كان كاشخ و مسوي ستايل و حركات شباب لوول و باقي الاهل من بينهم بو مهند و مهند و عبدالله اخو لمياء و سعود ......... دخلوا سلموا عليهم و صوروا و الشباب ما قصروا الله يخلي فراس و حمد الي هزوا لهم المسرح هز و كان الكل يشوفهم و يضحك و بنفس الوقع معجبين فيهم و بطريقه رقصهم الخليجي بعدا صار وقت تقطيع الكيك و كانت الكيكه ولا احلى بعدها طلع مهند مع الريايل و خلوا البنات ياخذون راحتهم ملاكي قمر : تدروون يهبل الي كان يرقص لونلي بنوته : اي حتى الي كان معاه ملاكي قمر : اي واحد انتي تقصدين فيهم لونلي بنوته : الي كاان ستايل<< فراس ملاكي : لا الكبير احلى الصراحه بوايد (لو تسمعج اريج ذبحتج ) اسيره الورد : مالت عليكم الكبير متزوج و الثاني بعده Punk : هههههه الحمدلله و الشكر و بدوا البنات بالرقص و طبعا الربع ما قصروا .. الي مصري و الي خليجي و العراقي و كانت هالليله احلى ليله بحياه نور بعد العرس .. . ملاك طلعت من صاله العرس حق تروح السياره و على طول ركبت في السياره الي مستأجرينها و بدون ما تشوف من فيها ملاك : اما رقصت رقص ههههههه ملاك كانت تنتظر رد ميساء ولا تعليق من تعليقات احد من اهلها فراس لف راسه يشوف بعد ما كان مشغول في الموبايل و يعفس فيه و اهو شوي و يفطس من الضحك شاف ملاك و ... كان باين على ويهه ان بموت من الضحك بس ماسك حاله لكن بالنسبه لملاك فكان يبان عليها الاستغراب و بنفس الوقت مب فاهمه شسالفه ملاك استحت توها بتفتح باب السياره و تظهر لكن ناداها فراس فراس : ملاكــ ملاك جمدت مكانها ولا قدرت تسوي اي حركه و لا تخطي اي خطوه فراس : طالعه حلوه ملاك استحت و ظهرت من السياره على طول من نظرة عيونك ومعنى كلامك من عالمك وإحساس راقي بها لكون عايشت إحساسك وروعة غرامك من دون لا اشعر ولا الناس يدرون كني معك لحظة جنون انسجامك مدري غلا وإحساس للي يحسون تدري وش اللي زاد فيني احترامك لونك .هدوك .صمت يا بخت ها اللون عطرك .جنونك .طيش . غاية مرامك كلهم يسووا شيء لو ما يسوون أحس نبضاتي توقف إمامك وأحسني ميت .وعاشق .ومجنون كن الغلا يجتاحني من هيامك وكن الشعور اصدق من اللي يقولون وأنا وإحساسي وباقي حطامك نجمع شتات العشق ونلملم شجون يا بنت فكيها وقولي علامك خلي الشفايف تاخذ الدور بالهون إلى متى وجهك يصارع لثامك والى متى يا بنت والشهد مسجون (ثانكس ع الكلام الي ولا اروع شاعرنا) فـ مكان ثاني اريج وصلها مسج ابسالك,كيف,نتقابل,دامنا,ليل,ونهار؟؟؟ لو,تقابلنا,تموت,الناس,وتقوم,لقيامه كيف,واحنا,بالتناقض,قلب,ثلج,وفلب,نار؟؟ قلب,ماعنده,هيام,ووقلب,ميت,من,هيامه النصيب,اللى,جمعنا,راح,واللى,صار,صار ماعلى,قلبي,ملامه,ولاعلى,قلبك,ملامه لكني,اسف,واقبلي,مني,رساله,اعتذار ظرف,حب,وفيه,ورده,بين,طياته,حمامه كنت,احس,ابضعف,قلبي,لا,سمعتك,ونهزامه ترا,غلاتك,تفوق,الوصف,والحين لين,شفت,ان,الفراق,احيان,مامنه,فرار فيك,تعتبرني اناني ولا مجنون بس ماعلى قلبي ملامه ( يسلمو جرح ع الشعر) اريج شافت المسج و نزلت دمعه من عينها و مسحت بسرعه حق محد يشوفها بحال و مسحت مع هالدمعه المسج و مسحت بندر و ذكرى بندر بالنسبه لبندر كانت هذي اخر مسج يطرشها لاريج و قرر بعدها ينسى الماضي و يفكر بس فـ الحاضر و يعيش حياته بدون هم ولا مشاكل مرت ايام,,اسابيع,,سنوات فـ الامارات فـ فيله نور و مهند مهند : نور انا بظهر مع عزوووز نور : ع وين ان شاء الله ؟ مهند : بنسير بيت ابوي نور : عيل انا و نجود بنروح مع ميساء ناخذ ثياب قالت تبي شرات ياسمين ثياب نور و مهند عايشين احلى عيشه عندهم عبدالعزيز الاكبر و نجود الصغيره فـ مكان ثاني اريج : خلووودووو ادرس لاعت جبدي خالد : لاااا اريج : ادرس لا تخليني اضربك خالد : ككييفييي اريج : هذا الي حافظه للحين ما طلع من الروضه و يتكلم اريج خلووود مطلع لها قرون و عندها الحين 3 اولاد (خالد ,أميرة,احمد) و حمد ساعات يظهر مع ربعه و يخليها لحالهم لكن ما يسلم منها في الليل تيننه و تسوي له الف مشكله لكن على هذا مستانسيين و عايشين بحب ملاك تكلم فارس ع الفون فراس : انزين ملووكه ابا اشوفج هالاسبوع ملاك : اذا الاهل بيوون بيتنا يتغذون تعال معاهم فراس : امم اخاف ايي مثل كل مرة و تكونين نايمه يالدبه ملاك : لا هالمرة بصحى فراس : انزين اي لون البس و شوو تبيني البس اختاري ملاك : هههه والله مينون .. الي يعجبك البسه فراس : لا ابا شى ع ذوقج ,, اي و خلي لي مكان حذاج ابا ايلس ملاك :لا والله شوو رايك اتيي في حظني بعد فراس : خير و بركهـ ملاك : خير ان شاء الله ملاك عايشه قصة روميو و جوليت اهي مع فراس و ان شاء الله يتقدم لها بعد ما تكمل دراستها خالد و رغد خالد اتقدم لرغد و وافقوا عليه .. و الحين رغد حامل و للحين تشتغل سكرتيره خالد بس الحين صار العكس مي اهو الي بتأمر عليها اهي الي تقوله سوو عني جيي <<<< لوووووول ربع نور كلهم تزوجوا و ما بقت الا شوق و اهي للحين تحب محمد و اهو يحبها ... و علا و اخر الايام اشواق عرفت ان في علاقه بين علا و احمد لكن ما قالت لها شى ( الطيور على اشكالها تقع) بندر اتعرف على بنت في الشغل و في انجذاب بينهم و في الاعياد و المناسبات يرجع الامارات و علاقته احسن من ما يكون مع اخوه فــ تكلمه لكن ما لها علاقه بالشخصيات اكملها لكم وقت الي افضى برررررررررب Quote Link to comment Share on other sites More sharing options...
Punk Cat Posted ديسمبر 26, 2009 Report Share Posted ديسمبر 26, 2009 آلبآآآرررت يعني " رؤؤؤؤعه " .. و " جمييييل " .. و " كششخه " .. ؤ كل شيء بقول عنه بعـد شووي عليهْ .. .. عجبتني فكرهـ نكآتنآ ف القصهْ .. .. المهـم البآرت آؤ بالآحرى القصة كلهآ رؤعه جدن جدن .. .. مُـهند ؤ نُـؤر ؤ آخيرنْ ، مبرؤؤك لهـم ، ؤ نؤر لمآ سؤت حركه آن مآ تكلم مهـند عجبتني .. ؤ حتى طريقة دخلتهآ حدهآ كشخهْ ؤنُـؤر ؤآيد تغآر ع مهـند ؤ هآي آحلى شيء تسؤيه ؤ حدهـم ينآسبؤؤن لـ بعضهم ؤ عزؤز ؤ نج ـؤد احسهم كيؤؤت ؤ ايننؤن مثلهـم ، عيؤنهـم خضر ، شعرهـم اشقر ، ؤ يلبسؤنهم ع الموضه .. .. بندر & حمد ، مآ بقوؤآ يتعآمـلؤن كـ " آخؤآن " ، ؤ بندرْ لمآ دز المسجْ ؤ فكر ينسى كل شيء احسسن شيء سؤآه ؤ اللهْ ، لأن مآ بيظل طؤل حيآته بس يفكر فـ آريجْ ؤ هي مستحيل تصير له ، ؤ بعدين اريج آلله يصبرهآ 3 عيآل ؤ حمدؤ يطلع عنها ،، ؤ هذآ خؤيلدْ لسآنه شكله شـ طؤله .. .. امم بخصوص ربع نؤر مبرؤؤك عليهم كلهم الزؤآج ، و شووق تؤقعت محمد بيتقدم لها مرة ثانية ؤ بيوافق ابؤهآ بس مآ بيسؤؤن عرس كبير يعني حفله جدن صغيره ، بس مآ يصير تظل هيكْ مآ تعرس على حسآب اختها ! .. .. ؤ علآ هذي للحينْ مآ تغيرت ؤ لآ بتتغير فـ حيآتهـآ ، بتظلْ سخِيفه يعني تقهرر من قلب ، لكن صج الطيؤر على اشكآلهآ تقع ، هذا اللي تستآهله فـ حيآتهآ اشخاص مثل احمد .. .. ملآك & فرآس ؤه مآ نقدر ع الحب بس ، ضحكت جدن ع موقف ملآك لمآ طلعت من العرس ، ؤ شكلهـم مضبطينْ رؤحهـم للخطؤبه من الحينْ .. ..آيمآن & احمدؤ ، اثنينهم هَـبووليشنْز ؤ حدهـم كيؤؤؤتز .. ..شمسْ النهآر & آلسآيق ، مآ نقدر ع الحب الكشؤخي لوولزْ ، مآ في عليهـم ؤ ع الطريقه اللي تبي تشرح شمس النهآر لـ السايق اسمهآ .. ..سعؤد & ميسآء شكلهآ حيآتهم كل هيكْ ضحكْ ؤ هبل .. .. رغد & خ ـآلد ينآسبؤؤن لبعض حدهم ؤ كيؤت جدن جدن .. .. ف آلآخير احب اقؤؤلج آن نهآية قصة عجييبه مثل نهآيه قصتج مآ شفت ،، قصصة بـ منتهى الرؤعه ؤ ختآمها ارؤع ؤ آرؤع ، متميزه دآئمآً ؤ ستظلين هيكْ ، يعطييج الف الف الف عاافيه ع القصه حبؤؤ ، ؤ عسساج ع القؤؤه انشاء الله ، سللمت يمنآج يـ الغلا .. .. .. Quote Link to comment Share on other sites More sharing options...
أسيرة الورد Posted ديسمبر 26, 2009 Report Share Posted ديسمبر 26, 2009 البارت ذي كان باختصار ولا ارووووووع واي واي واي و اخيرا عرسووووووو و انا حضرت العرس واي واي واي ونااااااااااااااااااسة مو طبيعي يا بنت مو طبيعييييييي خياااااااااال خياااااااااااااااااااااااااااااااااااااااااااال ما شاء الله ما شاء الله ابدعتي ابدعتيييييييييييييييييييييييييييييييي و اخيرا تحقق الحلللللللم صج صج صج عشت هالقصة بكل لحظة فيها عشقتها و عشقت كل شخصية فيها حبيتها حب مو طبيعي عشتها حتى في حياتي اليومية و لها مكان خاص بقلبي و لكاتبة هالقصة مكان كبييييييييييييييييييير بقلبي مشكورة فديتج على هالقصة الحلوة و تسلم يمناج الي خطتها استانسنا وياااااااااج واااااااااااايد و صحيح قلتي برب لكن مافيني صبر لازم اررررررررد البارت بصرااااااااحة يبرررررررد القلللللللللللللللللللللب روووووووووعة الكلمات مو قادرة تطلع شررردت هههههههه موفقة يالغالية Quote Link to comment Share on other sites More sharing options...
هبله وتهبل Posted يناير 15, 2010 Report Share Posted يناير 15, 2010 thx 7abibty 3albart o na6reen altakmila yaaaaaaay emoo & a7med fn fn nono & Mohanad a7la thneen waaaaaay al3rs roo3ah allah ye9aber areejoo misaa & s3ood fadithm o 3yalhm Quote Link to comment Share on other sites More sharing options...
lonely banota Posted يناير 15, 2010 Report Share Posted يناير 15, 2010 thaaaaaaaanx ya36eech el3afia 9j elpart kan 7ada fan taslmeen i really loved ur story wa kent mn 2awel motab3een bs sorry makent 2arad 3alich kell mara bs 9j 8a9taach kanat 3ajeeba wa nanta9'er 8a9a yadida gd luck Quote Link to comment Share on other sites More sharing options...
مينونة ومخرفة ومخرخشة Posted يناير 18, 2010 Report Share Posted يناير 18, 2010 نور ومهند : الــــــــف مبروك .. ياااااااااااربي عليهم هالاثنين حدهم يهبلون .. واخيراااا تزوجوا .. وعرسهم احلى منه مافيه .. الله يخلي لهم عزوز ونجود .. اريج وحمد : الله يخليهم حق بعض ويخلي لهم اعيالهم .. عاد حرام 3 شلون تستحملهم .. علا هالتافهه تليق حق التافه احمد .. شوق ومحمد: حرام ليش جذي ماعرستيهم حرام الحب اللي بينهم كل يضيع .. بندر وحمد : اخيرا عقلوا وافهموا انهم اخوان .. ملاااك وفراس : ياعيني عليهم هالاثنين عايشين حياتهم .. يلا عقبال مايعرسون .. رغد وخالد : يهبلون هالاثنين .. حدهم فن .. تسلمين حبيبتي قصتج حدها حدها فن روعة ماعرف شقول لج والله .. بس صج ابدعتي .. يعطيج الف عافية حبيبتي .. يلا عاد نبي قصة يديده منج Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.