girlheart Posted أكتوبر 10, 2008 Report Share Posted أكتوبر 10, 2008 •° بينآ بـحۉر ۉ آنتي بالقلب يـآ نـــۉر °• هذي القصة من تأليفي و تأليف صديقتي غرور انثى حبيت أشكر في البداية اعضاء المنتدى الي شجعوني و خصوصا بنت الحداده و maiooo معظم احداث القصة حقيقية البااارت 1 نور بنت عمرها 16 سنة تدرس و متوفقة في دراستها تحب تلعب واييد بس بعد وقت الجد جد عايشة مع اهلها عندها اخويين و ما عندها ولا اخت تعودت كل شى تطلبه يوصلها عنييدة لدرجة محد يتصورها جسمها حلو مو طويلة ولا قصيرة يعني طولها متوسط عينها واسعة و بنية شعرها مو وايد طويل الى نص ظهرها تقريبا ..... ايمان (ايموو) صديقة نور الروح بالروح صار لهم الحين 9 سنوات مع بعض ما فرقتهم الأيام بس مو معاها في نفس المدرسة كل اسبوع وحدة تروح الى الثانية بيتهم او يطلعون مع بعض ايموو بيضة.. شوي قصيرة شعرها بعد قصير و لونه بني فاتح ايموو الثالثة في عائلتهم عندها اخوها محموود اكبر منها و اختها الصغيرة سارة و طبعا باقي الشخصيات بنتعرف عليهم مع احدااث القصة نور تكلم ايموو ع الموبايل .. نور: هاي ايمانوو شخبارج؟! ايمان : الحمدلله بخير انتي شلونج؟ نور : اوكي ... شرايج اليوم نطلع !! ايمان : مادري بسأل امي و برد عليج ... انزين قولي حق الربع بعد نور : اوكي .. ايمان : نطري شوي بسأل امي الحين ...... ايمان : ماااااماااا .... مااامااا ام ايمان : نعم ..( ام ايمان وااايد طيبة و حنووونة و تحب تقعد مع بناتها تسولف معاهم لكن ايمان الله يهداها ما تحب تفتح قلبها الى امها .. امها واايد اجتماعيه و اذا احد من اصدقاء ايمان مروا البيت لها امها تحب تقعد معاهم و تسولف تغير الجو و منها تونسهم ) ايمان : يصير اطلع اليوم مع نور ام ايمان : و انتي كل يوم طالعه لنا بطلعه خاطري يمر اسبوع ما تطلعين من البيت ايمان : البنت تنطر ع الموبايل شقول لها الحين !! ام ايمان : انتي دايما تخليني في هالموقف حزة الحزة تقولين لي عندج جذي و جذي يعني ليش تسألين بعد شبقدر اقول لج !! ايمان : عمري انتي فديتج والله تسلميين لي يالغالية و قعدت ايمان تقول من هالكلام الحلو الى امها .... ايمان : رضت رضت و اخيرااا نور : هههه اوكي يلا بروح الحين حق اتصل في شوق و اشواق ايمان : لكن ما نبي علا تطلع معانا نور : مب عدله ما نعزمها بتقول طلعنا و ما قلنا لها و بتسوي لنا قصة مالها اول ولا تالي ايمان : افففف زين امري لله,, الله يصبرني عليها هالجم ساعة الي بنطلع فيهم نور : اوكي يلا باااي ايمان :باي شوق و اشواق ربع ايمان و نور .. توينز مع ايمان في مدرسة كل وحدة احلى من الثانية ماشالله عليهم وااايد حلويين شوق طبعها انها تحب تتضحك و تنكت واايد اما اشواق شوي فيها خجل يعني تحب تمزح و جذي بس اقل من اختها .. و اي شى تسويه شوق اشواق وراها ..... عـلا انسانه حقوده .. تحب المظااهر تغار من ايمــان ليش انهـا دايم الدوم مع نور تبي تخرب علاقتهم تسوي اي شى بس حق تحرج ايمان وتحــاول تخلي الي تسويه ايمان بمنتهى البشع حتى لو شي عادي ..... لكن ايموو ما تخليها و دايما تسكتها و توقفها عند حدها ..... نور دقت ع الربع و اتفقت معاهم ان يروحون يتعشوون و بعدها يطالعون فلم في السينما طبعا الكل وافق .... السااعة 6:30 في بيت نور نور : ليش توج ياية ترى عاادي بعد لو تأخرتي الى 8 ولا 9 بعد يكون احسن ايمان: والله شسوي اخوي توى فاضي لي حق يوصلني نور : انزين ما علينا بسامحج هالمرة يلا حق نلحق ع الربع ايمان : علا معاهم !! نور: اي اول وحدة وصلت المجمع ايمان : افففف هالملقوفة الحين شفكني منها نور : شوفي من الحين اقولج لا تسوين لنا سوالف معاها و تفشلوونه مثل كل مرة خل هالطلعة تمر ع خير ايمان: والله لو انتي مو معاي منزمان راحت عليها انتي ما تدرين في المدرسة شسوي فيها نور :ههه و من قالج مادري مسكينة دايما تشكي الحال ايمان : انا اوريها و اعلمها شلون تشكي الحال مرة ثانية عدل نور : انزين يلا نمشي بلا هرار ترى ما في وقت الساعة الحين 7 ... الساعهـ 7:30 في مجمع السيف نور , ايمان , علا, شوق و اشواق نور : هلا والله شخباركم؟ شوق و اشواق: الحمدلله بخير ,, انتي شلونج !! نور : انا بخير ,,,, وحشتوووووني علا : يعني بس هم الي تسلميين عليهم و انا وين رحت ولا انا مب معاكم ايمان : يلا عااااد بدينا نور و هي تنغز لايمان انها تسكت : انا يوم اسلم سلمت عليكم كلكم و انتي ساكته ,,, ولا يهمج شخبارج شمسويه ؟ علا : بعد ما سلمتي و خلصتي ,, انا تماام شوق تبي تغير الموضوع: اقول خل نتعشى بسرعة حق نلحق ع الفلم راحوا البنات حق يتعشوون قعدوا ع الطاولات الي صوب المطاعم ايمان و نور طلبوا لهم باستا و شوق و اشواق من مااك و علا : خذت لها شى خفيف (خايفة ع رشاقتها الاخت ) المهم اثناء العشاااء ... كل وحدة همها تااكل حق يروحون بعدها السينما و ايمان حالتها كاانت حدها مأساة الجبن ع ثيابها و تاكل بسرعة بسرعة ما رفعت رااسها الا واحد فاضي قاعد و يطالعها شلون تااكل ايمان انحرجت و صار ويهها احمر ,,,نزلت راسها و قعدت تطالع الطاولة كااانت الاخت حدها متفشلة من الموقف نور : يـــه ايموو شفيج مرة وحدة وقفتي هههه الا يشوفج قبل يقول اول مرة تاكلين و الحيين مرة وحدة نور انتبهت ان ايمان ويهها احمر رفعت راسها و قعدت تتلفت عرفت ان كان واحد يطالع ايمان نور : ههههههههههههههههههههههههههههه تستاهلين حق مرة ثانية ما تاكلييين جذي ظلت نور تضحك تضحك مرة وحدة ايمان طالعتها بنظرة خلها تسكت ايموو ما كلت شى لين ما خلصوا الربع من العشا و بعدين راحوا حق يحجزوون لهم تذاكر شروا التذاكر و دخلوا الفلم كان الفلم رووعة مرت هالساعتييين بسررعة و كل وحدة ردت بيتهم Quote Link to comment Share on other sites More sharing options...
بنت الحداده Posted أكتوبر 10, 2008 Report Share Posted أكتوبر 10, 2008 يلا go a hed مع تمنياتي القلبيــة بأتمام هذهـ ,, القصــة على اكــمل وجهـ تحياتي ,, بنت الحدادهـ Quote Link to comment Share on other sites More sharing options...
maiooo Posted أكتوبر 10, 2008 Report Share Posted أكتوبر 10, 2008 ثااانكس عل باااارت وقلت لج ان العنوااان صاااار احلى وانشالله كل بااارت يكووون احلى من الثاااني.. وابهرييناا باسلوووبج ننطر البااارت اليياااااي Quote Link to comment Share on other sites More sharing options...
girlheart Posted أكتوبر 11, 2008 Author Report Share Posted أكتوبر 11, 2008 يسلوو بنت الحداده maiooo انشالله اشوف هالطلة دوووم Quote Link to comment Share on other sites More sharing options...
بنت الحداده Posted أكتوبر 18, 2008 Report Share Posted أكتوبر 18, 2008 في انتضار التكملة Quote Link to comment Share on other sites More sharing options...
أحلى دليعه Posted أكتوبر 19, 2008 Report Share Posted أكتوبر 19, 2008 Quote Link to comment Share on other sites More sharing options...
Guest LSH_LSH Posted أكتوبر 19, 2008 Report Share Posted أكتوبر 19, 2008 ثاااااااااااااانكس ع القصة الرااااااااااائعة وفي انتظار البقية وبالتوفيق لكم Quote Link to comment Share on other sites More sharing options...
girlheart Posted أكتوبر 30, 2008 Author Report Share Posted أكتوبر 30, 2008 سوووري ع التأخير بس تعرفون الامتحانات و الحاله الباارت2 ام نور : صباح الخير توج رادة نور بدلع : هلا يمه شخبارج وينج ما تبينيين اليوم ام نور : ويني لو وينج انتي الي هايمة من المغرب للحين نور : بعد شنسوي يمه ملل والله ملل ام نور : احنا و هالملل مادري وين بنوصل معاكم كل شى قلتوا لنا ملل نور : تامرين على شى يمه رايحة ارتاح شوي ام نور : لا سلامتج نور باست راس امها و راحت غرفتها كانت نور حدها تعبانه تبي تنام ,,,,, صار لها فترة تحاول تنام لكن ما قدرت فتحت المسن كانت بنت خالتها اون قالت تتكلم معاها شوي و بعدين ترد تنام و هي تكلم بنت خالتها فتحت موقع الثيمات حق تسوي لها للموبايل عن الملل شافت ان مطرشيين لها رسالة (هذا موقع بس الي يبي يسوي له ثيم يسجل فيه يعني كأن منتدى شى جذي) ان عادي الاعضاء يتواصلون مع بعض بالرسايل و هالسوالف المهم قرأت الرسالة هلا ممكن نتعرف انا من الامارات كانت نور حدها متمللة و ما تعرف شتسوي غير انها ترد عليه كتبت له هلا خوي نتشرف (( تبي تغير الموضوع )) ما قلت لي شرايك في الثيمات الي اسويهم ؟؟ رد عليها ثيماتج حلوه بس شكله ماعندج غير سوني انا عندي نوكيا ؟ خبريني عنج شوي قالت له لا عندي نوكيا و مسويه ثيمات له و اسمي نور من البحرين طرش لها رسالة هلا نور وانا مهند من الامارات ردت عليه اخاف تقص علي لكن اذا صج خلاص نسوي مسلسل من باجر و نكسل عليهم بعدها حست نور انها تعباانه و استسلمت الى سلطان النووم ...... اليوم الثااني الصبح الساعة 9 تقريبا نور نايمة في غرفتها الي كأنها ثلج من الايسي (( الاخت في سابع نومه)) مرة وحدة يدخل اخوها بدر الصغير حجرتها بدر: نووووووووووووووووووووووووووووووووووووور ,,, نووور نور بتعب : اففف شتبي !! بدر: يصير اخذ الوانج ابي احل الواجب الي علي نور بعصبية : الحين مقعدني بس حق الوان يعني ما تقدر تاخذ بدون ما تقول لي لازم تعور راسي و تقعدني بدر : انتي ما ترضيين اخذ اغراضج بدون ما اسال شسوي يعني نور : هذا الي بذبحه روح روح لا ضربتك بدر : هههه قصيت عليج ما ابي الوان اصلا صرت كبير و ما يعطونا نلون حق واجب و بعد انا عندي الوان ما ابي مالج اصلا مرة وحدة قامت نور من ع السرير الي يشوف حالها و هي نايمة و الحين يقول عاطينها منشط ولا شى جذي ظلت تركض ورى بدر لين ما تعبت و ردت غرفتها و اهي حدها منقهرة عليه راحت خذت لها شوور ع السريع و قعدت ع النت (مالها مزاج الواجبات و تدرس حق الاختبارات ) فتحت المسن و قعدت تكلم صديقاتها مرة وحدة تذكرت سالفة امس و فتحت الموقع بتشوف اذا وصلتها رسالة ولا لا وصلتها رسالتييين الاولى من رفيجتها و الثانية من مهند اذا كنت مهند شو بتسوين للعلم اسمي مهند وابا اجرب الحب مع نور والحمدلله طلعتي انتي نور بس خايف ترفضين نور حست ان ودها تضحك من قلب :يــــه شفيه هذا قوية مرة وحدة عاد ما عرفت شترد عليه توها صغيرة و الفرق بينهم 13 سنه ما شالله الاخ في نهايه العشرييين الله يطول في عمره بس توها ع هالسوالف الرسالة الي طرشتها له توني صغيرة عمري 16 للحين و الفرق بيننا وااايد كتب لها كل العمر بس يكفيني ان قلبك وعقلك كبير و ما شالله عليه الاخ بعد ما يعطل قام طرش لها رسالة بعدها تحبين اعطيج رقمي ع الاقل نتواصل مسجات بس لاني بصراحه استحي نور في قلبها : وييي يقول يستحي الحين الي يسمع وافقت اكلمه ولا لا حق يستحي ما ردت عليه لان كانت تحس ان ما له داعي بس بعدين ردت عليه و قالت له انت مو خاطب ولا شى لان الي في عمرك خطبوا حست ان احرجته على فكرة الموقع كاتبين انه عمره 29 رد عليها:: لا عمري 21 شورايج تخطبيني يانور ونسوي جزء 2 جربتي الحب قالت له شلون تقول عمرك 21 و مكتوب 29 ؟؟ قال : لا تنسين انا اتحكم بعمري مب هم اغير ع كيفي بس ماتردين ع اسئلتي ليش ؟ اذا ماتبين نتعرف انتي حره بس ما اريد اخسرج واتمنى اذا زرت البحرين اشوفج ع فكره زوري صفحتج انا موقعلج ع ثيم هديه لج مسكييين حاط لها ثيم فيه قلبين في صفحتها بعد ما شافتها ..... قالت له هذا من ذوقك و تسلم و ترى مو قصدي ما ارد ع اسئلتك ... بعد ما طرشت له هذي الرسالة طلعت من الموقع Quote Link to comment Share on other sites More sharing options...
maiooo Posted أكتوبر 30, 2008 Report Share Posted أكتوبر 30, 2008 ثاااانكس عل باارت هههه بـــدر صج يقهر.. ومهند وااايد دش feeling ننتظر الباااارت اليااااي بس نبييييه اطووول Quote Link to comment Share on other sites More sharing options...
أحلى دليعه Posted نوفمبر 2, 2008 Report Share Posted نوفمبر 2, 2008 Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.