Jump to content
منتدى البحرين اليوم

2 الجزء الثانى من سيناريو مسلسلللمخرج احمد المقلهportsaid55@yahoo


Recommended Posts

 

 

*خليفه ينظر للاستاذ احمد بدهشه

ويقلب يديه كفا بكف

بحسره عبده : يا الف خساره على الرجاله

 

 

قطع

 

 

 

 

 

 

 

مشهد 10 البنك نهار داخلى

 

*سعيد يدخل البنك ويسلم على الجميع

بحب وبصوره تعبر عن حب الجميع له

*ويسلم على احد رجال الامن

 

متسائلا بهمس سعيد:ايش اخبار الامن يا قاسم؟

بابتسامه وثقه قاسم: الامن مستقر والحمد لله

 

يربت سعيد على كتف رجل الامن

 

بابتسامه سعيد: دى فلوس ناس...بين ايديكم

بخوف يا خوفى لتسرقوا البنك انت

وعصابة الامن اللى معاك يا

قاسم

 

-ترتسم الابتسامه على وجه قاسم

 

بثقه وابتسامه قاسم: فكره زين استاذ سعيد ..

ايش رايك نسرقه سوا!!

 

-ينظر اليه احمد بدهشه ثم ترتسم

ابتسامه على وجهه مكان الدهشه

 

بتفكير سعيد: والله فكره زين ...هفكر فيها

ورد عليك بس جهز العصابه

 

 

 

 

قطع

 

 

 

 

فوتومونتاج

 

*لقطه لاحمد وهو فى الفصل يشرح بكل

همه وجديه والطلبه مندمجين معه فى

الشرح والاجابه

*عرض لاحمد وهو يوزع اوراق الاسئله

على الطلبه

*عرض له وهو يصحح اوارق الاجابه

*عرض له وهو يوزع اوراق الاجابه

على الطلبه ويهنىء الطلبه المتفوقين

ويمسك بودان الطلبه الضعفاء ويحثهم

على المذاكره

*عرض له وهو فى طابور المدرسه يوزع

الهدايا على الطلبه المتفوقين ومعه السيد

مدير المدرسه

-عرض له فى غرفة المدرسين وهو يتناول

القهوه مع المعلمين

وهو فى حاله من الالفه والاخوه

مع طاقم المدرسين

 

 

قطع

 

 

 

 

مشهد 11 فصل بنات نهار داخلى

 

 

 

*تظهر فينان وهى تشرح داخل الفصل

لبنات فى المرحله الاعداديه وهى تمسك

عصا فى يدها وتشرح بكل جديه وتلمح

طالبه سرحانه وهى مهتمه بشىء ما فى

الدرج فتتقدم منها فينان بخفه وتنقض

عليها وتخرج الورقه من الدرج وتنظر

للطالبه نظرات غاضبه والفتاه فى حالة رعب

 

 

قطع

 

 

 

 

مشهد 12 فصل بنات نهار داخلى

قاعة الرسم

 

 

*تظهر بانسيه وهى موزعه البنات فى

مجموعات وهن يرسمن وهى تقوم بالاشراف

والمرور عليهم برقه وحب وحنيه والبنات

يعرضن رسومهن على مس بانسيه وهى

تشجعهم وتمدح اداءهم وتقدم النصح بطريق

غير مباشره وحاله من الحب والفرح على

وجوه الطالبلات وهن فى حالة انسجام مع

معلمتهم

 

 

قطع

 

 

مشهد 13 البورصه ن/د

 

يظهر رجل الاعمال المعروف طلال وهو

يتابع بقلق واهتمام اخبار البورصه المحليه

والعالميه ومعه وكيل شاب مصرى هو

القائم على اعماله بالبورصه

 

بقلق طلال:ايش الاخبار ياصلاح طمنى!!

بهدؤ صلاح: اطمن يا طلال باشا...الاسهم

اللى اشتريناها ارتفعت قيمة السهم

بحوالى 10الميه

بابتسامه طلال: ربنا يطمنك يا صلاح...

بقلق بس انا لن امشى انا جالس لاخر اليوم

حتى طمئن قلبى

 

 

قطع

 

 

 

 

 

 

 

 

 

فوتومونتاج

 

*عرض لسعيد وهو يعمل على جهاز الحاسوب

بكل همه ونشاط

*عرض له وهو يوقع على بعض الاوراق

*عرض له وقد لمح ان هناك مشكلة بين

عميل وموظف فى البنك فيتدخل برقه

وبهدؤ ويحل المشكله بسلاسه

*عرض له وهو يستلم درزن من

الجاتوهات من سالم العامل فى البنك

والذى يحمل وجه رجل طيب وقد تعدى

الخمسين من عمره ويبدو عليه التعب

فيساعده سعيد فى حمل الجاتوهات

وتوزيعها على الموظفين فى البنك بكل

حب واخوه

*عرض له وهو يوزع مشروبات بارده

على زملائه

*عرض لحاله من الحب والاخوه التى

تربط بين سعيد وزملاءه والعمال فى البنك

 

 

 

قطع

 

 

 

 

مشهد 14 بوفيه البنك نهار داخلى

 

 

 

*يظهر سالم وهو جالس بالبوفيه

لوحده ويتسع الكادر ليظهر سعيد حاملا

قطعة جاتوه وزجاجه بارد

 

 

 

بحب سعيد : كيفك يا راجل يا طيب

بحب سالم: بخير طول ما انت بخير يا

استاذ سعيد

بدهشه ايه دا يا استاذ سعيد!!انت

بنفسك جاى لغاية هنا!!

بحب سعيد: اه انا بنفسى ..فيها ايه يا

راجل يا طيب

بدهشه سالم: بس دا كتير يا استاذ سعيد

بحب سعيد: سيبك من الكلام دا وقولى

اخبار بنتك ايه؟

بحب سالم: بخير والحمد لله

 

 

*يظهر سعيد د رزن جاتوه

 

 

بابتسامه سعيد: هذى ليها ..

 

 

 

*يخرج سعيد من البوفيه ويترك خليفه

وهو يتابعه بنظرات كلها حب

 

بحب سالم : ربنا يحبب فيك خلقه

يا سعيديا بنى

 

 

قطع

 

 

 

 

مشهد 15 محل خضار نهار خارجى

 

 

*يظهر سعيد وهو فى سوق الخضار

وهو يشترى بعض الخضار الطازج

ويحاول ان يكون ناصح ويختار الخضار

الجيد وبجواره سيده جميله يبدو على

ملامحها اناه شاميه

وهى تشترى خضار بعنايه

وتنظر اليه بدهشه وهو ينقى الباميه

ويختار الطويله منها فيبتسم اليها

 

بدهشه السيده : ايش بتعمل ايه؟

بابتسامه سعيد : بنقى بطيخ قصدى باميه

بدهشه السيده : وهادى اللى انت

نقيتها!!

بعفويه سعيد : اه

بابتسامه السيده: كلها طويله!!

بمكر سعيد : اصل انا بموت فى كل

حاجه طويله

 

 

*ينظر سعيد بمكر الى قوام السيده

وساقيها الطويلتين

 

بمكر السيده: مش فى كل حاجه الطول

زين

بمكر سعيد : معلومه جديده

بمكر السيده : فى الباميه نقى القصيره

تبقى الز واحلى فى الاكل

بابتسامه سعيد : الوالده هتشكرك قوى

بدهشه السيده : ليه هو مش بتنقى لمراتك

ضاحكا سعيد:مراتى!!لسه شويه على

سجن الزوجيه قصدى عش

الزوجيه

ضاحكه السيده : شكلك مكار ودمك خفيف

يعرف نفسه سعيد : سعيد اسمى سعيد

تسلم عليه السيده: سها مجدى

 

*يتسع الكادر ليظهر بائع الخضار

وهو يراقب الموقف بدهشه

 

لنفسه البائع : كل دا من الباميه وانا طول

عمرى ببيعها الا ما فيش معزه

او جاموسه عبرتنى

 

 

 

قطع

 

 

 

 

مشهد 16 محل فرارجى نهار داخلى

 

*يظهر احمد وهو فى محل دجاج

وهو يشترى فرخه ويتاكد بحرص انها

تمام التمام والا فينان هتنغص عليه عشته

ويخل فى الكادر بائع الدجاج وهو عوضين

صعيدى من مصر ولم ينذل البلد منذ اكثر

من عشر سنوات

 

 

وهو يختار دجاجه احمد: مش هتنزل البلد يا

عوضين؟

بابتسامه عوضين: لسه ربنا ما اردش

يا استاذ احمد

بدهشه احمد: عشر سنين وربنا ما اردش!!

ناصحا بشده ارحم نفسك بقى يا عوضين

وانزل شوف الحرمه والعيال

تلاقيهم اتجوزوا وخلفوا

 

-ترتسم ابتسامه كبيره على وجه

عوضين وهو يتابع احمد

 

*احمد يمسك بالفرخه ولا تعجبه

فيرجعها للبائع

 

بضيق عوضين : مش عجباك دى يا استاذ

احمد!!

 

*احمد يهز راسه بالايجاب

ضاحكا عوضين : الظاهرالحكومه عندك

شديده جوى يا ا/احمد

بلهجه صعيدى احمد:جوى جوى يا عوضين

ضاحكا عوضين: ربنا يكون فى عونك يا

ا/احمد

 

يقدم له اخرى دى كويسه جوى

متاكدا احمد : اوعى تسلمنى يا عوضين

ضاحكا عوضين: عيب يا ا/احمد ..انا

عارف النوع دا كويس

بيورد عليا منهم كتير جوى

بدهشه احمد: من مين؟

بتلقائيه عوضين: من اللى بياخدوا اومر

عسكريه من حريمهم

 

 

 

*ينفجر عوضين فى الضحك الشديد

 

بضيق احمد : طب ادبح الفرخه وخلصنى

ضاحكا عوضين : مش لم تدبح انت الجطه

 

 

 

*عوضين ينفجر فى الضحك واحمدينظر

اليه بضيق يتحول الى دهشه ثم الى حاله

مماثله من الضحك الشديد هو وعوضين

ويتسع الكادر ليظهر زوج تسحبه زوجته

من يده وكانه تابع لها وهما ينظران لعوضين

واحمد بدهشه وما ان

يراهما عوضين واحمد عى هذا الوضع فينظران

الى بعضهما البعض وينفجران فى الضحك

مرة اخرى والزوجان ينظران اليهما بدهشه

 

 

 

بغضب الزوجه : قلة ادب

لزوجها ياللا بينا

مطيعا الزوج : وراكى يا حبيبتى وراكى

 

 

 

عرض لوقوع عوضين واحمد من الاندماج

فى الضحك

 

 

قطع

 

 

 

 

 

 

 

مشهد 17 امام حضانة نار خارجى

 

 

*يظهر احمد وسعيد وهما ينتظران خروج

ميدو وهمس من الحضانه

 

بجديه سعيد: ما تتاخرش الليله

بابتسامه احمد : هخلص اخر مجموعه

واجيللك هوا

 

*يتسع الكادر ليظهر كلا من مودى

وهمس وهما يخرجان من الحضانه

وهما ممسكان بايدى ايديهما البعض

 

بابتسامه سعيد : هبلغ عنك الضرايب

بابتسامه احمد:تبيع اخوك يا احمد

 

 

*احمد يهز راسه ضاحكا ويحتضن

احمد ميدو وسعيد يحتضن همس

 

 

بابتسامه لميدو احمد: حافظ الفاتحه يا محمد

ببراءه محمد : حافظها يا عمو

بمكر سعيد: انسى تريدنى ازوجه بنتك

محمد هيتزوج اماراتيه

 

ببراءه همس : انا حفظاها يا عمو

 

 

 

 

 

*سعيد يحتضنها ويرفعها فى

الهواء بحب

 

ضاحكا سعيد : علشان خاطر القمر دا بس

وربنا يصبرنا على ابوها و..

بتهديد احمد :وايه؟ما تكمل لو راجل؟

بخوف سعيد: لا يا عم من خاف سلم

مودعا سلام حاكم انتم يا مصريين

فراعنه

ببكاء تمثيلى احمد: دا كا ن زمان...كنا فراعنا

بجد وعملنا احلى مسلات فى

الدنيا

متسائلا بقلق سعيد: وكيف الحال الان؟

بياس وتمثيل احمد: عليه العوض ومنه العوض

خلاص خلصنا وما عدش ولا

فرعون واحد يعمل حتى مسله

واحده

بهمس لميدو احمد: شفت يا ميدو ابوك خواف

ضاحكا سعيد: سبتيلك الشجاعه كلها

يا سبع الفلا

 

لمحمد ياللا يا محمد قبل ما تشوف

عمو وهو بيتاكل

 

*عرض لاحمد وهو يقبل محمد

وهمس ومحمد يتبادلان التحيه

والاشارات ويتجه

كل واحد بابنه وابنته للسياره وينطلقا

 

 

قطع

 

مشهد 18 شقة سعيد نهار داخلى

المطبخ

 

*منال مشغوله باعداد الغداء ويقترب

سعيد ممسكا بتفاحه وهو يغنى لها

 

 

 

مغنيا سعيد: وانا والنعمه دى بحبك

قد النيا دى بحبك

 

 

*تبحث بانسيه عن شىء تحلف عليه فلا

تجد الا بصله

 

مغنيه بانسيه : وانا والنعمه دى بحبك

قد الدنيا دى بحبك

 

*يتسع الكادر ليظهر محمد وهو

ممسكا بعلبة ايس كريم

 

 

مغنيا محمد: وانا والنعمه دى بحبكم

قد الدنيا دى بحبكم

 

 

 

*عرض لهما وهما يحتضناه سويا

وهما فى منتهى الفرحه والسعاده

 

 

 

قطع

 

 

 

 

 

مشهد19 شقة احمد نهار داخلى

المطبخ

 

*يظهراحمد وهو مرتدى المريله ويساعد

فينان وهى فى المطبخ وهو يقطع بصل

وامتلات عيونه دموعا

 

بجديه فينان: خلصت تقطيع البصل!!

بمعاناه احمد : لسه ..انا قلت اغسل وبلاش

حكاية تقطيع البصل يا فينو

بجديه فينان : شهل... شهل..عايزين

نخلص ورايا شغل كتير

 

 

متسائلا احمد: عندك كام مجموعه!!

وهى تطهو فينان :خمسه ...وانت؟

بمعاناه احمد : سته

بجديه فينان: اظبط المنبه لكل مجموعه

60دقيقه بالتمام والكمال

ما تزودش ولا دقيقه

وهو يقطع البصل احمد: ممكن اقلل يا فينو!!

وهى تطهو فينان: فى دى ممكن

 

 

قطع

 

 

 

 

 

 

 

 

 

 

مشهد 20 شقة سعيد نهار داخلى

السفره

 

 

*تظهر الاسره الصغيره وهى تتناول

طعام الغداء

 

*يمسك سعيدبقطعه من الدجاج ويعزم

بها على منال

 

ضاحكا سعيد : من هياكل هدى!!

ضاحكا محمد : ماما

رافضه منال : ما اجدر يا سعيد

بالحاح سعيد : ومن اجل خاطرى

 

ضاحكا محمد: وخاطرى انا كمان

 

 

*تهز منال راسها بالنفى والرفض

وهى تكتم ضحكاتها

 

بغضب سعيد : شفت ماما يا محمد ...ماليش

خاطر انا وانت عندها

بزعل محمد: ليش ماما ليش!!

 

 

*تهز راسها بالنفى

 

بالحاح سعيد : يارب اموت لو ما اكلتيها..

يارب اللى ياكلها غيرك يموت

 

*تنظر اليه منال بعتاب وامام الحاحه

تضطر الى ان تفتح فمها وما ان تفتح

فمها لكى يضع فيه سعيد الاكل يفاجئها

سعيد بوضع الاكل فى فمه هو بلا مبالاه

مع ضحكات محمد وهى تنظر اليه بضيق

وسعيد يتبادل اشارات بيده مع محمد دليلا

على انتصاره على منال

 

قطع

 

 

مشهد 21 شقة احمد نهار داخلى

السفره

 

 

 

*عرض للاسره الصغيره وهم يتناولون

طعام الغداء

 

وهى تاكل فينان : ما تنساش القبض النهارده

وهو ياكل احمد : فاكر

وهى تاكل فينان : اى عيل او بنت ما تدفعش

كل كرشه وكرشها

بدهشه احمد : اكل كرشه!!

بعصبيه فينان : اه مش بدل ما ياكل تعبك

هو ياكل حقنا ونسكت

بهمس احمد: لا يا معلم

بابتسامه عندك حق

 

 

*كل هذا الحديث يتم وهمس تنظر اليهما

بدهشه وقد توقفت عن الاكل

 

بخوف احمد : هو اللى ما بيدفعش عندك

بتاكلى كرشه يا فينو!!

بعصبيه فينان: هو حد يقدر يفكر بينه وبين

نفسه ان ما يدفعش....دا انا

كنت اكل مصارينه

بهمس احمد : مصارين وكرشه هو انا

مجوز المدبح!!

تمسك سكين فينان: بتقول حاجه؟

بتردد احمد : مين انا...لا..لا

بعصبيه فينان : طب خلصنى وكل

لهمس وانت خلصى على الكرشه

بدهشه همس : كرشه ايه يا مامى؟

مصححه فينان: قصدى خلصى اكلك

متسائله همس : مامى؟

بضيق فينان : ايوه

ببراءه همس : هى ايه المصارين دى؟

 

 

*احمد يكتم ضحكاته وهو ينظر لفينان

التى تنظر اليه بغضب

 

قطع

 

 

 

مشهد22 جمعيه نسائيه ل/د

 

لقطه كبيره لاجتماع كبير جدا لكبار

الشخصيات النسائيه فى ابوظبى

ودبى .....

زظهرت على المنصه السيده نوف

زوجة رجل الاعمال الشهير طلال

وهى تلقى كلمتها بثقه امام هذا الحشد

الهائل من سيدات المجتمع الشهيرات

 

 

بثقه وقوه السيده نوف: ان من واجب كل ام ان تبذل

قصارى جهدها للتعبير عن

ذاتها وشخصيتها المنفصله

لكى تشعر ان لها قيمه فعاله

فى المجتمع ....وانها تلعب

دورا ايجابيا فى بلدها وهذا

لن يتاتى الا اذا كانت زوجة

ناجحه فى بيتها واما ناجحه فى

تربية ابنائها

 

-عرض للتصفيق الحاد من قبل جميع

السيدات بالقاعه

 

 

 

قطع

 

 

 

مشهد 23 فيللا فخم جدا ليل داخلى

 

 

*عرض لبهو الفيللا وقد تحول الى

صالة كازينو ليلى وظهر الصبيان

زملاء واصحاب خلود

ابن رجل الاعمال /برهان والسيده

نوف

 

*وفى الدور العلوى يقف الاب رجل

الاعمال وهو ينظر الى ما يحدث فى فيلته

على يد ابنائه وهو فى حالة حسره هو

وزوجته سيدة المجتمع /ميار

والتى لا يفوتها اى اجتماع للجمعيات النسائيه

 

*ويتظران الى بعضهما البعض بحسره

وفجاه ينطلق من بيتهما ابنهما البكرى

طالب الثانويه العامه خلود..

وهو مرتدى ملابس غريبه بنطلون جينز

مقطع وتشيرت عليه جماجم وحالق

حلقه غريبه واطلق بعض الشعر

فى لحيته بطريقه اغرب..

 

ينادى طلال على خلود بحسره وياس

 

بياس طلال: خلود....خلود!!

مشيرا بيده خلود: بعدين بابا ...بعدين

 

 

 

و انضم خلود الى اصحابه وهم

يتمايلون على انغام الموسيقى الغربيه

 

وهى تدعو لابنتها نوف: ربنا يحرسك ويبارك فيكى

يا امال يا بنتى

مؤكدا طلال: لا امال ونعم العقل ونعم التربيه

تعالى نطمن عليها

-يتجه الاب والام ناحية غرفة امال

قطع

 

 

 

 

 

 

مشهد 24 خارج غرفة امال ل/د

 

-لقطه متوسطه للام والاب وقد اقتربا

من باب غرفة امال

 

بتاثر نوف:بتدرس اكتر من عش ساعات

يوميا

بتاثر طلال: ليش كدا خطر على صحتها

بتاكيد نوف: امال بتحب الكتب والدراسه

لدرجة انى اخشى عليها من

التعب والارهاق

 

-يفتح الاب طلال باب غرفة امال

ويفاجىء الاثنان بمشهد غريب

قطع

 

 

مشهد 25 غرفة امال ل/د

 

لقطه كتوسطه لامال وقد وضعت سماعات

على اذنيها واندمجت فى الرقص على

نغمات اغنيه لاليسا وقد شغلت الفيديو

كليب للاغنيه على شاشة الكمبيوتر

وينظر الاب والام لبعضهما بحسره

 

بحسره الاب: الله يكون فى عونها...

انا خايف على صحتها من كتر

المراجعه والدراسه

 

وتنظر له الام باسف ولا تعرف ماذا

تقول .......

 

قطع

 

مشهد 26 خارج غرفة امال ل/د

 

-لقطه قريبه للزوج طلال وللزوجه نوف

علامات الياس على وجهيهما

متسائلا بحسره الاب:فين رشود؟

ببساطه الام: أكيد فى سابع نومه

بابتسامه الاب: على الاقل فى واحد عاقل فى البيت دا

 

-ويتجه طلال ونوف الى غرفة رشود وكلاهما

ينظر للاخر وهو يلقى الاتهامات بنظراته على

الاخر.....

 

 

قطع

 

 

 

مشهد 27 غرفة رشود ل/د

 

*عرض لباب الغرفه يفتح ويدخل

الاب والام معا ...ويفاجئان برشود نائم

وفيديو كليب ما زال شغال على شاشة

الحاسوب لاغنيه مصريه مثيره

 

 

 

يغنى وهونائم شادى: هركب الحنطور...

درجن...درجن

واتحنطر

يصرخان معا الاب والام: لأ ..لأ...

 

 

قطع

 

 

 

 

 

 

 

مشهد28 مكتب نت ليل خارجى

 

*يظهر سعيدوهو واقف امام مكتب نت

وهو ينظر لساعته بقلق وهو يدخن سيجاره

 

*ويتسع الكادر ليظهراحمد فى سيارته

وهو يصل بسرعه ويركنها وينزل بسرعه

 

 

 

بضيق سعيد : ما لسه بدرى!!

معتذرا احمد: ما جتش من عشر دقايق

بضيق سعيد : ما هو لو انا واحده ما

كنتش تتاخر دقيقه واحده

مبتسما احمد : اخر مره يا سيدى ياللا

واللا هنتاخر على حمدى

على النت

 

*يضع يده فى يده بحب

ويدخلان مكتب الانترنت

 

 

قطع

 

 

 

 

مشهد 29 مكتب نت ليل داخلى

 

*عرض لسعيد واحمد وهما يتحدثان على

النت مع صديقهما حمدى وتظهر صورته

على الشاشه وهو يتحدث معهما

 

متسائلا احمد : اخبارك ايه يا حمدى؟

مجيبا حمدى : بخير وانتم يا عفاريت

لسه عفاريت!!

مجيبا سعيد : العفاريت عندك فى امريكا يا

جن

بضحك احمد: بطل شقاوه

متسائلا حمدى : اخبار العيال ايه؟

 

*يتسع الكادر لتظهر فتاه فى منتهى الجمال

وهى تتحدث مع الشاب المسؤل عن النت

وهى تطلب جهاز كمبيوتر وعيون احمد وسعيد

متعلقه بها وبجمالها ونسيا تماما حمدى وضاع

صوته هباءا وهو ينادى عليهما

 

باسف الشاب : انا اسف ما فيش الا جهاز

واحد جاهز مع الاخوه

برجاء الفتاه : اوكيه ممكن اكلمهم انا لان

ضرورى اكلم اخويا على النت

 

 

*الشاب يهز لها راسه موافقا فتقترب

الفتاه من سعيد واحمد وهما ينظران

اليها بلهفه

 

صوت حمدى : رحتم فين يا ولاد الايه انا

عارفكم اكيد الموضوع

فيه واحده جميله .....

 

*احمد يكتم صوت السماعه وسعيد

يغلق مربع الصوره وتختفى صورة حمدى

من على الشاشه

 

 

 

بهمس الفتاه: مساء الخير

بصوت واحد الاثنان : مساء الفل والياسمين

بخجل الفتاه: ممكن ان..........!!

يقاطعناها الاثنان : طبعا ممكن

بابتسامه الفتاه : هو ايه اللى ممكن ...انا

ما قلتش حاجه

بصوت واحد الاثنان : اى شىء حضرتك تامرى

بيه ممكن طبعا

بجديه احمد : دى حتى تبقى قلة زوق

مؤيدا سعيد : وما عندهوش دم

ضاحكه الفتاه :طب ممكن الجهاز!!

بصوت واحد الاثنان: ممكن

 

 

*يقوم الاثنان ويحملان جهازالكمبيوتر

بكل جديه

 

بدهشه الفتاه : لا مش الجهاز الجهاز

بصوت واحد الاثنان: عايزه المحل نشيلهولك!!

بابتسامه الفتاه : لا مش قصدى ممكن

اتكلم ..........

 

*الاثنان بسرعه يخرجان اجهزة

المحمول الحديثه جدا ويقدماها لها

 

بابتسامه الفتاه : اتكلم على النت

بصوت واحد الاثنان :اه ممكن طبعا

برقه الفتاه : اخاف اكون هعطلكم

برقه سعيده : ولا تعطلى احنا تحت

امرك

بخجل الفتاه : انتم بتحرجونى بزوقكم

برقه احمد : احرجى ولا يهمك

متسائله الفتاه : وصاحبكم على النت

 

بدهشه الاثنان : صاحب مين؟احنا ما لناش

صاحب

بدهشه الفتاه : دا لسه على الشات وعلى

الكام

بجديه الاثنان : ما نعرفهوش

مؤيدا سعيد : تلقيه فيروس

صوت حمدى : بعتونى يا خونه

 

 

 

 

*احمد يغلق الموقع الخاص بحمدى

ويقوم هو وسعيد ويجلسان الفتاه امام

الجهاز وينظفان لها الكرسى

 

بابتسامه الفتاه : انتم ظراف قوى...

ودمكم خفيف جدا جدا

جدا

 

 

قطع

 

 

 

 

 

 

مشهد 30 غرفة نوم محمد ليل داخلى

 

 

*تظهر منال وهى مستلقيه على الفراش

بجوار محمد

 

بهمس وصوت دافىء منال : كان يا ما كان فى

سالف....

مكملا ميدو : العصر والزمان

بابتسامه بانسيه :وما يحلى الحديث الا

مكملا ميدو : بزكر النبى عليه الصلاة

والسلام

بهمس وحب بانسيه : كان فيه ولد جميل

ودمه خفيف اسمه.....

مكلا محمد: اسمه محمد

 

 

 

قطع

 

 

 

 

 

مشهد 31 مكتب النت ليل داخلى

 

*عرض لاحمد وسعيد وهما يجلسان

حول الفتاه الجميله واحد من جانب والاخر

من الجانب الاخر

 

*الفتاه تفتح الاميل الخاص بها واحمد

وسعيد مقتربان منها ويتبعان خطواتها

بكل فضول

 

بابتسامه الفتاه : اخويا اتصل بينا من

السعوديه فجاه

متسائلا احمد: انت طالبه؟

مكملا سعيد : اكيد لسه طالبه

برقه احمد : اسمك ايه؟

بهمس الفتاه : نهى

باعجاب سعيد : الله مها اسم جميل

مصححه نهى : نهى اسمى نهى

برقه احمد: وانا احمد

بسرعه سعيد : وانا سعيد

بابتسامه نهى : انتم دمكم خفيف قوى يا

استاذ احمدواستاذ سعيد

 

بابتسامه احمد : نهى .....ممكن اقول نهى

احنا بقينا اخوات!!

 

بابتسامه نهى : زى ما تحب يا استاذ احمد

ضاحكا احمد :ما تخليها احمد حاف

بابتسامه نهى : اوكيه

بابتسامه سعيد : وانا سعيد زيه ...

متسائلا انت مرتبطه!

ضاحكه نهى : لا لسه

بحسره سعيد : هما اتعموا ولا ايه؟

متسائله نهى : هم مين؟

بدهشه احمد : اللى ما يتسموا الشباب

ازاى واحده

موزه زيك..........

بدهشه نهى : موزه!!

متدخلا سعيد: لا موززه ايه!!عايز يقول

ان انتى زى الموز المغربى

متفهمه نهى : اه بحسب

موضحا احمد: قصدى ازاى واحده زى

بتردد القمر زيك ولسه....

ولسه ما تخطبتش

وهى مشغوله نهى : نصيبى بقى

يتنهد سعيد : ملناش فى الطيب نصيب

متسائله نهى : انت متجوز يا استاذ سعيد

قصدى يا سعيد؟

بتاكيد سعيد: انا ..مين ....لا لسه

متسائله نهى : وانت يا احمد؟

بتردد احمد : شرحه ...زي الاخ بالظبط

بحقد سعيد : يا بخته

بابتسامه نهى : هو مين؟

بحقد احمد : ابن المحظوظه

بابتسامه نهى: مين ابن المحظوظه دا؟

بحقد سعيد: اللى امه داعيه ليه فى ليله

بيضا

بهمس سعيد : اللى هياكل الموز المغربى

ضاحكه نهى: مش بقلكم دمكم خفيف

بابتسامه الاثنان: الله يجبر خاطرك

باعتذار نهى: اهو اخويا دخل

بصوت واحد الاثنان: ما يدخل

باعتذار نهى: ما هو اصل علشان يعنى.......

بصوت واحد الاثنان : اه فهمنا ...

عايزه تاخدى راحتك!!

 

-تشير لهما براسها بالايجاب

 

بصوت واحد الاثنان:مش ممكن نقعد جنبك!!

 

-تشير لهما براسها بالنفى

 

-يبتعد الاثنان وهما فى غاية الحزن والاسف

*تبتسم لهما وتشير لهما فيضعان

ايديهما على اكتاف بعضهما ويتجهان

للخارج

 

متسائله نهى: انتم قلتولى ان انتم متجوزين؟

 

 

 

*يلتفت الاثنان بلهفه وشوق ناحية نهى

 

 

 

بصوت واحد الاثنان: لا مش متزوجين

 

 

 

قطع

 

 

 

Link to comment
Share on other sites

Join the conversation

You can post now and register later. If you have an account, sign in now to post with your account.

Guest
الرد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Loading...
×
×
  • Create New...