Jump to content
منتدى البحرين اليوم
Sign in to follow this  
صاصا122

ابي معهد انجليزي زين

Recommended Posts

صاصا122    0

:bahflag: السلام عليكم ورحمة الله وبركاته،،،

مشكورين يعطيكم العافية بس انا عندي مشكلتين اول مشكلة اطرحها بالذي القسم الانجليزي.

انا ابي معهد زين حق انجليزي بسعر حلو بس يكون جريب من الرفاع حق الوقت والمواصلات لاني طالبة بالجامعه وخبرك زحمة علي اطق درب.

ياريت تردون علي بسرعه.

ومشكورين :cc19:

Share this post


Link to post
Share on other sites

Berlitz

معهد Berlitz وايد زين

 

واسعاره وايد مرتفعه بس صراحه تعليمهم على مستوى افضل من المعهد الامريكي

 

معهد بيرلتز في العدليه مقابل اسواق الميناء

 

 

Share this post


Link to post
Share on other sites

برتش كونسل والامريكي احسن شي في البحرين

 

والدكتور الكندي اللي في جامعتنا

 

يقول الامريكي احسن من برتش كونسل

 

والسعر مرتفع شوي

 

وما عندهم مواصلات

Share this post


Link to post
Share on other sites
ذيبوو    0

اي والله اونه بعد

 

اونه سمعت عن معهد على شارع البديع Lingo easy language centr على ماعتقد بس مار ي

 

على ماعتقد الكورس 102 دينار وفيه مواصلات والصف الواحد مو اكثر من 5 او 6 اشخاص

 

بس هاي الي اعرفه واتمنه الي ايعرف عن هاي المعهد يفيدني لانه شكلي باسجل فيه

Share this post


Link to post
Share on other sites
Ahmedy16    0

السلام عليكم ..

 

 

أخوي راح أقولك اللي اعرفه وأتمنى أني أقدر أساعدك ..

 

شفت في الردود البعض نصحك في المركز الأمريكي .. وبرتش كونسل .. والبعض نصحك في بيرلتز

بما أني أدرس في المركز الأمريكي .. راح أتكلم عنه

 

المركز الأمريكي

 

الإيجابيات :

* جدية في الدراسة .

* ألتزام بالنظام .

((يعني تغيب 3 حصص مايعطونك شهادة مثلاً .. وتغيب مادري كم حصة ماتدخل الأمتحان النهائي))

* المعهد حلو ويفتح النفسية للدراسة .

* الصفوف كبار و واسعه .

* الطلاب مايزيدون عن 15 في كل صف .

* المبنى حلو مالهم .

* ماتحس بالوقت .

* الموظفين متعاونين واااااايد والأساتذه بعضهم اوكي من تعاملي معاهم والبعض ماتعاملت معاهم يعني ماقدر اقول زينين او لا ، بس أغلبهم اوكي .. لأني واااايد أتكلم وأسوي روحي ولد ميري معاهم . :n5::n5:

* كل الصفوف فيها الشاشة الذكية .

 

السلبيات :

* الباركات مافيه يم المعهد .. والطلاب واااااايد وتتأذى وانت تدور لك بارك .

* ماعندهم مواصلات .

* الأتزام بالنظام .

(( يعني مثل النقطة اللي ذكرتها فوق عن الغياب ..طبعاً خليتها في الإجابيات علشان تلتزم بالدارسة ..وخليتها هني لأنك ساعات مضطر تغيب وعندك ظروف .. يعني ربعي اللي يشتغلون شفتات يتأذون في هذي النقطة وااااااااااايد .. ولازم يقنع التيجر انه يشيل الغياب عنه .. عاد أذا طلع في حظك واحد أو وحده ماتتافم بيييه شتسوي ؟))

 

بس هذا اللي أشوفه في المعهد ((طبعاً من وجهة نظري))

 

طريقة الدراسة :

وااااااايد على القرامر .

 

 

تبي الصراحة .. أنا احس اني ضيعت فلوسي على الفاضي .. صار لي 4 كورسات أدرس معاهم .. واحس اني ماستفدت ذاك الزود يعني .. اللي خلاني استفيد يمكن أني مو خجول .. يعني أهذر مثل ماقلت لك مع الاستاذة حتى اللي مادرسوني وجذي وماأستحي أذا أغلط ولا شي ..وأشارك وعادي أذا أخطأ ..

 

يعني لو صرت مثل بعض الشباب اللي يستحي أذا خطأ جدام البنات .. بيه جان آنه ماستفدت ولا شي بعد ، مادري يمكن لأني أسمر ولوني مايتغير أذا أتفشل ههههههه :up::up: يعني مايصير ويهي هلون أذا اتفشل :n5::n5:

 

يعني خلك أسود ويه في الدراسة بس :ssm9: ولا تستحي لأنك رايح تدرس

 

((طبعاً هذي النقطة في كل شي مو في المعهد الأمريكي أو في دراسة الأنكليزي في كل شي تتعلمه في الحياة)) :ssm18::ssm18:

 

شوف بقولك مواقف مرت علي وانت احكم أذا يفيدك كمبتدئ المعهد الأمريكي أو لا ..

 

أنا طبعاً أول مادخلت 99A يعني (1.1) كل اللي معاي من نفس المستوى مالي ..

الكورس الثاني 99B يعني (1.2) بعد مثل الشي ..

الكورس الثالث 99C يعني (1.3) كانت معانه بنت تتكلم ماشالله عليها بلبل .. تتكلم مثل الأستاذ بسرعة وتعرف تكتب وتقره وكل شي .. بس لأنه في القرمر ضعيفة من جذي صارت معانه .. مع انها كانت تشتغل مديرة HR

الكورس الرابع 99D توه مخلص يوم الخميس (1.4) كان معاي فني مختبر ويدرس اللي يتدربون واهو دارس سنة ونص في برتش كونسل بس حول لأنه الأمريكي 3 أيام وبرتش كل يوم وأهو ساكن في السعودية ، وهذا بعد ماشالله عليه واااايد ممتاز ويتكلم عدل انكليزي بس في القرمر ضعيف .. شوف درس سنة ونص في بريتش كونسل ويوم حول الأمريكي خلوه في البداية كلش (1.4) يعني مبتدئ .. وهذا دليل على أنه الأمريكي يركزون على القرمر والبرتش يركزون على السبيكنغ .

 

اعرف اني عورت راسك وقلت لك قصة حياتي في المعهد بس كان هدفي اوضح لك نقطة وأهي ..

قبل ماتدخل لازم تعرف :

1- تكتب .

2- تقره .

3- تفهم اللي تقراه .

 

لأنه هالأشياء مابعلمونك أياها في المركز الأمريكي يمكن المعاهد الثانية يعلمونك بس في الأمريكي مايعلمونك .

 

امممم وبس ..

 

أذا عندك أي أستفسار .. لاتستحي أسأل

 

تحياتي ..

Ahmedy16

Edited by Ahmedy16

Share this post


Link to post
Share on other sites
Sheeva    0

 

الأخوان ماقصرو :) ... انا عن نفسي درست في برتش كونسل بس ماحس نفسي استفدت لاني ما واصلت فيه

Share this post


Link to post
Share on other sites
Guest khadija   
Guest khadija

انا بصراحه ادور على معهد يكون  مضمون مو مهم السعر بس  ابيه يكون

مضمون لاني  بحاجها ني اتعلم انجليزي باسرع  مايمكن واذا تعرفون معاهد   مضمونه وتتعلم انجلينزي اكيد اتمنى انكم تخبروني  وشكرا .....

Share this post


Link to post
Share on other sites

Create an account or sign in to comment

You need to be a member in order to leave a comment

Create an account

Sign up for a new account in our community. It's easy!

Register a new account

Sign in

Already have an account? Sign in here.

Sign In Now
Sign in to follow this  

×