asd2009spo Posted مايو 30, 2009 Report Share Posted مايو 30, 2009 طريقـة الأكــل إذا كــنتِ طالعه مع خطيبج آنستي العزيزة .. الخليجية السمينة ......... لو ربي فك عقدتك في يوم من الأيام .. وانخطبتي .. وافتكوا أهلك منج ... وخلاص صار بتأخين خطيبج من مركب الخطوبة إلِّي مثوااااه الأخير ......قصدي إلى قفص الزوجية السعيد.. وجاء يوم وطلعتي في مطعم ولا كافيه ... اسمعي اللي أقوله .. مهم جداً قبل ما تطلعين تحطين مكياج خفيف خفيف مو كل الألوان والصبغات تالي يطلع ويهج جنا صحن لزانيا بالفريك ..... خفيف خليه يحس ببصاتج خل الخرعات بعدين ممدي عليها ... شوفي بنتي ... أجمل ما في الخطوبة العزومات الرومانسية وجلسات الكافي في الليل الحالم الحالم ... مو الحامل .. شعليه مشفوحه تو الناس ..... المهم العزومات والجلسات على أحلى محلات أكل في الديره هي أجمل شىء . واللي عمرك ماراح تشوفينها بعد الزواج .. أهم نصيحه لج عند أي طلعه او عزومة مع خطيبج.. الرقه .. .. العفويه .. النعومه .... بما أنك اغلب الخليجيات والعربيات دباب .. موشايفين خير ...... إذا دشيتي مطعم ولا كافي ... - الأول لازم تعرفي إن الشوكة والسكينة ينمسكون من إيديهم مو من الطرف يعني مو من الوسط ولا من البوز زي الخنجر مو بكل يد ينج .......... بتقولين ليش احتمال ايدج تكون شبيه يد فرس النهر ولا يد فقمه ..... تخرعين ولد الناس خطيبج .... قبل اليلة الخل مالج ... المهم - الساندويش أنتبهي تفضحينا !!! وتقطعينها بسنونك.. ولا تقطعين رغيف الخبز نصين بأيدج وكل نص لقمة وتزطين.. أنتبهي !.. الساندوش يقطعونه بالسكينة في الطبق.. وبعدين تاخدي لقمة.. لقمة.. بالعافية.. سوي نفسك مسدودة.. ضغطي على أعصابك شوي .. وإذا صرتي بروحج .. زطي طرشي مثل ماتبي.... - الشوووربة.. أبوس كعب ريولج.. بند الشوربة ذا مهم جدًاااا.. الشوربة تتشرب من غير صوت ابداً.. ومن غير ماتجلسي تنفخي فيها.. مثل القهوجي اللي بينفخ اليمر في المعسل .. وطبعًاااااا أبغاكِ تنسى تمامًا.. الطاسة اللي حافتها مرسومة على خشتج في بيتكم.. بالمعلقه وبدون صوت.. ساخنة ومولعة برضو بدون صوت..نار جهنم هم بدون صوت ... موية نار فلاش هم بدون صوت .. وتتركي ثلث الطبق على الأقل.. مو تجلسين تميلينها.. كل ما خلصت !!! - الرز طبعاً .. ينوكل بالشوكة.. أنتبي !! إيدك تتمد على المعلقة.. وتغرفي من طبق الرز وتعبي.. انتبهي.. الرز بالشوكة.. وكأنك بتبوسينه مو بتشفطينه ... ضرب بالخمس ماكو !!! - المكرونة.. الاسبكتي.. هم بالشوكة.. تتلف على طرف الشوكة.. لحد ما تخلص وبعدين تحطيها في أثمج بسكات.. من غير شفط ... عود... عود.. باجر اكمل طريقة أكل السمك مع الخطيب ........ وسلامتكم - Quote Link to comment Share on other sites More sharing options...
حشمه Posted مايو 30, 2009 Report Share Posted مايو 30, 2009 خخخخخخخخخخخخخ اشوه انا من الرشيقات واعرف في الاتكيت خخخخ مو دفشه بهذي الطريقه يعطيج العافيه على النصااايح ننتظر طريقة اكل السمج Quote Link to comment Share on other sites More sharing options...
فروق Posted مايو 30, 2009 Report Share Posted مايو 30, 2009 في الانتظار... حبيبتي مو شرط اتكونين رشيقة وتعرفين الاتكيت وتاكلين عدل والله في رشيقات ياكلون جأنه مو شايفين خير .. Quote Link to comment Share on other sites More sharing options...
السندس Posted مايو 30, 2009 Report Share Posted مايو 30, 2009 يسلمو Quote Link to comment Share on other sites More sharing options...
رئيسة الميانين Posted مايو 30, 2009 Report Share Posted مايو 30, 2009 بيــه اشوا اللي اسويــه صــح يسلمــــــــــــــــووؤؤوؤوؤ Quote Link to comment Share on other sites More sharing options...
اسيـــرة الاحزان Posted مايو 30, 2009 Report Share Posted مايو 30, 2009 ههههههههه خوش نصايح يعطيج العافية Quote Link to comment Share on other sites More sharing options...
©المياسة© Posted مايو 30, 2009 Report Share Posted مايو 30, 2009 هههههههههه اي والله في ناس كانهم مو شايفين خير حمدالله والشكر في وايد منهم عاد رشيقه ولا متينه يعطيج العافيه اختي Quote Link to comment Share on other sites More sharing options...
cheekygirl119 Posted مايو 31, 2009 Report Share Posted مايو 31, 2009 احمد ربي على دبابتي لكني اكتشفت ان طريقتي في الاكل مظبوطة يسلمو Quote Link to comment Share on other sites More sharing options...
دلع البنات Posted مايو 31, 2009 Report Share Posted مايو 31, 2009 يعطيش العافية يسلمووو ع الموضوع Quote Link to comment Share on other sites More sharing options...
سكـون الغرام Posted يونيو 1, 2009 Report Share Posted يونيو 1, 2009 يسلمووو على الموضوع كل الاشية نعرفها ونسويها بس اهو بنفسه بيعرف ان البنية تتصنع اول مرة اسمع ان احد يقطع سندويج وياكله بشوكة Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.