)(Miss 2Day)( Posted أغسطس 2, 2009 Report Share Posted أغسطس 2, 2009 ماعليها شر ان شاء الله اهم شي تقوم بالسلامه Quote Link to comment Share on other sites More sharing options...
بحرانيهـ كول Posted أغسطس 2, 2009 Report Share Posted أغسطس 2, 2009 الحمدلله على سلامتش خيتي وماتجوفين شر في عدوش ولا فيش اما عن البارت فيصل : طلع فيه شوية قسااوة الكريهـ .. المفروض مايسوي جذي في زوجته حرام ام فيصل : عجوز خيبر سود الله وجهش سامي وحناني : شيماء وتيفي << يوسف : شي شي والبارت وايد اقصير نبي بارت طوويل ويعطيش العافيه غناتي وماتجوفين شر مرة ثانيه ان شاء الله الله يقومش بالسلامه Quote Link to comment Share on other sites More sharing options...
MaNaM!a Posted أغسطس 3, 2009 Author Report Share Posted أغسطس 3, 2009 الله يسلمكم من كل شر وضر انشالله .. الجــ السادس عشـر ــــزء ..} ****************************************** عنـد فيصل .. كان نايم في جناحه من عقب الصداع الي صاده بقـوه والافكار الي تدور في راسه وطيف امل الي مافارقه .. اوتعى من نومته على صوت تلفونه يرن .. كان جاسم المتصل .. فيصل بصوت تعبان ومرهق : الوووووو جاسم استغرب من صوت فيصل !!: السلام عليكم فيصل .. فيصل بتعب شديد : وعليكم السلام هلا جاسم .. جاسم : عسى ماشر فيصل صوتك مو طبيعي صاير شي؟؟! فيصل آآآه ياجاسم شقول بس !!: لا خووي مو صاير شي بس صادني صداع ذبحني من الالم .. جاسم : سلامات سلامات ماتشوف شر يالغالي .. فيصل ياريته صداع يا جاسم جان يهـووون ؟!: الشر مايجيك انشالله .. جاسم: عيل انا اخليك الحين شكلك حدك تعبان وانشالله باجر اكلمك .. فيصل : خير جاسم في شي؟!! جاسم : لا ابد بس يوسف ملعوزني يبي يكلم صديقه زوجتك شيماء او يعرف وين بيتهم على الاقل .. فيصل آآآخ يا جاسم جبتها على الجـرح !! زوجتي !! زوجتي طلعت حقيـرة ونذله ..: انشالله مايصير خاطره الا طيب راح اعطيك العنوان باجر .. جاسم : اوكي عيل اخليك ترتاح .. تحمل بروحك .. فيصل : انشالله وانت بعد .. جاسم: يالله مع السلامه . فيصل : الله يسلمك من الشر .. عقب ماصك التلفون من جاسم قعد يفكر بالي صار اليوووم .. " آآآخ يا امل ليش سويتي فيني جذي انا الي عزيتج وحبيتج من كل قلبي تسوين في امي جذي ؟؟ حتى لو كانت شوي قاسيه معاج المفـروض تتحمليها مو تهينينها جدام صديقاتها !! " قام من مكانه وراح تسبح وهو يحس جسمه متكـسر حده .. طلع من الحمام وهو يحس بشويه انتعاش .. راح صوب سريره لانه كان متوقع انه امل مجهـزة ثيابه على السرير لكـــــن !!!! فيصل بقلبه " هه !! شفيني خرفت !! " وراح للخزانه وطلع ثياب له ولبسهم وتعطـر ونزل تحت متوجه لغرفه الخدامه ... لما وصل غرفه الخدامه وقف عند الباب وهو متردد يفتحه او لا ! يخاف يفتحه ... تشجع وقوه قلبه وفتح الباب بهـدووء .. لما فتحاه شاف امل نايمه على السرير بشكل غريب !! وشعرها متناثر ومتقطع بشكل مو مرتب على وجهها وظهـرها ..وجهها لونه اصفر كله كدمات .. دق قلبه لهالمنظر وانفطـر .. امل حبيبتي امل الهوا الي اتنفسه !! مشى صوبها وحط يده على شعرها وهي من هالحركه اوتعت بسرعه ورجعت على ورا وحاولت تحمي روحها باللحاف لكن يا امل تحمين روحج من من !! ولا الى من !! فيصل حس روحه وحش كاسر !! لهالدرجه خايفه مني ؟!! : امل قومي بوديج المستشفى .. امل تحرك راسها يمين ويسار بمعنى لاا .. والدموع تطيح بدون شعوور على خدها .. فيصل شد على اسنانه وتكلم بالقوة : قلت لج قوومي بوديج المستشفى تفهمين الحجي أو لا ؟!! امل ساكته وماتتكلم كلش .. فيصل فقد اعصابه وضربها كف على وجهها وشالها من شعرها وقال : انتي شكلج تعودتي انج تمشين بالضرب !!!!! ******************************************** عنـد حوراء .. الي مازالت على وضعها نايمه على السرير .. رن تلفونها وكانت المتصله شيماء .. حوراء عدلت روبها وردت على التلفون .. حوراء : الووو شيماء : هلا حوور شخبارج ؟؟ حوراء أي اخبار !! : ها أي زينه شيماء استغربت : شفيج حوراء ؟؟ حوراء وهي بتصيح : مافيني شي .. شيماء : بلا من صوتج يبين انه فيج شي ؟ حوراء الي كل ماتتذكر شكلها بالروب وقدام صديق اخوها مادري من تحس بإنها تبي تصييح : مادري شلووون اقوول لج شيماء : انزين تبيني امر عليج البيت وتقولين لي السالفه ؟؟ حوراء : أي ياريت تعالي .. شيماء : اوكي حبيبتي دقايق وانه عندج . حوراء : اوكي انتظرج شيماء : يالله بااي حوراء : بااياات .. ومن سكرت التلفون قامت تبدل ملابسها وجففت شعرها وهي لحين مو مصدقه الي صار من شووي !! ******************************************** بالصوب الثاني وبالتحديد في غرفه محمود .. في شخص كان قاعد بجسمه بس وعقله في مكان ثاني ؟! " معقووله الي شفته الحين ؟؟؟ يعني اهي من صجها ماتدري اني موجود بالغرفه ؟؟ ههههه والله حركات بنات اخر زمن ؟ حسافه تكون هاي اختك يا محمود حسافه والله !! بس الصراحه مزيوونه هههههههههه " وقطع عليه سرحانه محمود واهو يأشر له بيده انه جهز .. محمد : يالله مشينا .. محمود خذ السويج والبوك ماله ولبس نظارته وطلع اهو ومحمد .. بعرفكم على محمد " محمد شاب عمره 26 سنه .. درس طب عام برى وهو شاب حسن المظهر ويتمتع بجسم رياضي بس الي مكره عيشته انه في الاونه الاخيرة طلعت له دبه صغيرة شوي ههههه من كثر ماياكل وهالشي وايد مضايقنه .. بس اهو بشكل عام حلوو وجذاب .. تعرف على محمود من قبل ولد خاله وصارو ربع من ناحيه اخلاقه فأهو شاب خلووق لكنه يكره شي اسمه بنات يحس انه البنات كلهم خاينات وغشاشات وهالفكره انغرست براسه لسبب معين انشالله مع الاحداث بتعرفونه " ويوم وصلوا لعند الباب البيت محمود نسى يجيب تلفونه وراح يجيبه وقال لمحمد ينتظره برى .. في هالوقت وصلت سيارة شيماء وسوت رنه حق حوراء انه اهي تحت .. طلعت شيماء من الغرفه ولما مرت من على غرفه اخوها شافتها مصكوكه فعرفت انهم يا داخل او طلعوا ودعت داخلها انه مايقول شي حق اخوها ولا بتروح فيها !! نزلت تحت بسرعه بتروح لشيماء وفتحت باب الصاله المطل على الخوش ومشت بدون ماتلفت لا يمين ولا يسار وفتحت باب بيتهم !!!!!!!!!!!!!!!!!!!!!! لالا مستحيل ؟؟ مو صدفه هالمرة ؟؟ ياربييييييي برووووووووووح فيهااا هالمرة !!!! انصدمت صدمه حياتها !!! لانه الي عند الباب ماكانت شيماء !! كان محمد واقف عند الباب ينتظر محمود عشان بيروحون بسيارة محمود !!!!! حوراء هالحزة بغى يغمى عليها .. اما محمد الي الثاني انصدم بعد وتأكدت شكوكه انها تبي تطيحه بشباكها !! المرة الاولى بالروووب !! والحين بثياب كشخه !! والثالثه بشنوو انشالله ؟؟ صج ان كيدهن عظيم ؟؟ حوراء استوعبت الموقف وسكرت الباب بقووة وشردت للصاله واهي مو عارفه شتفكر فييه !! تحس افكارها متلخطبه !! أففففففففف ياربييييييي ليش انه انحط بهالمواقق ليييييش ؟!! ماوتعت الا على صوت رنه تلفونها جافت انها شيماء تتصل لها .. ردت بعصبيه : ويييييينج انتي ؟!! شيماء : انتي الي وينج !! ابي ادخل البيت مو عارفه واحد عند الباب وااقف واستحي انزل من السيارة !! حوراء : ها أي أي دخلي البيت وماعليج " جافت محمود طالع من باب الحوش وحرك لها بإيده بمعنى باااي وهي سوت مثل هالحركه وفتح الباب ومشى " يالله تعالي اكا راح .. شوي ودخلت عليها شيماء : اففف مابغى يتحرك من مكانه حوراء واهي لحين مفهيه : ها !! شيماء : ابي اعرف انتي شفييييييج ؟؟؟ حوراء تسحب ايد شيماء وتروح وياها فوق : تعالي بقولج .. ****************************************************** الساعه 5.30 العصـر .. في بيت ام فيصل .. ام فيصل قاعده في الصاله كعادتها وتتابع التلفزيون .. طبعا اهي لحين بالعده وماتقدر تطلع برى .. لما جافت فيصل جاي من بعيد ومعاه امل الي كانت شبه واعيه ..ووجهها مليان كدمات وعيونها وارمه ... ام فيصل تمثل الحنيه : خير فيصل شفيها امل ؟؟ فيصل : مافيها شي بس بوديها الطبيب شووي وبنرجع ... ام فيصل : انزين تبيني اروح معاكم مسكينه شوف وجها شلون صاير ؟؟ فيصل آآه يا يمه بعد كل الي سوته فيج وتحاتينها ؟؟ : لا يمه انتي مايصير تطلعين من البيت ولا نسيتي انج في العده ؟؟ وبعدين مابنتأخر بوديها وبرجع " وبنظرة ساخرة " هه على الاقل لما يرد ابوها واردها له مايكون فيها ضلع مكسور ولا شي .. امل الي كانت تسمعهم بس مو قادرة تتكلم .. قاعده تسمع اعز شخص على قلبها واهو يهينها ويقلل من شأنها .. يضربها ويقطها بغرفه الخدامه وكأنها حثاله ؟! .. يتهمتها بأشياء مالها خص فيها .. وهي ماتقدر حتى تقول لا ماسويت شي !! نزلت راسها ودموعها تنزل على خدها بحرارة لدرجه انها حرقتها ومسحتها بكف ايدها .. هالحركه اثرت في قلب فيصل الي كان يمشي وياها شوي شوي لين وصل للسيارة وركبت واهي ساكته .. في هاللحظه دخلت دلال وعلاء بيت ام فيصل وجافت فيصل وامل طالعين من البيت وشكل امل مايبشر بالخير ابداا !! استغربت ودخلت تسأل امها شصاير ..؟؟؟ فتحت باب الصاله ومشت لعند امها .. : شلونج يمه .. ام فيصل : هلا والله ببنيتي انه زينه والله انتي شخبارج وينج ماتبينين ؟؟ خليتيني احاتيج ؟؟ دلال وهي تفصخ عبايتها وتقعد : أممممممم يمه بقول لج شي ام فيصل : خير يمه فيج شي ؟؟ علاء مسوي فيج شي ؟؟ دلال : لا يمه مافيني شي وعلاء " ابتسمت لما تذكرت شكله واهو فرحان بالخبر " مريحني على الاخر ... ام فيصل وبدت تحاتي : انزين عيل شفيج ؟ دلال حطت يدها على بطنها ومسحت عليه بحنان وقالت : يمه انه قطعت حبوب منع الحمل الي عطيتيني ايها وقررت اني اصير ام .. ام فيصل منصدمه : شنووووو ؟!!! دلال : أي يمه انه حامل .. ام فيصل : انتي غبيييييه تحملين الحين ؟!!! دلال : ليش يمه غبيه ؟؟ الي تبي تحافظ على زوجها وبيتها تصير غبيه ؟؟ ام فيصل : والله انه قلت لج وحذرتج بس انتي الي ماتسمعين الحجي .. دلال : يمه من بدال ماتفرحين لي تقولين لي جذي ؟؟؟؟ ام فيصل مانكرت انها حست بفرحه لكن بعد خوفها الزايد على بنتها خلاها تخفي هالشي : مبروووك .. زين جذي ؟؟ دلال ابتسمت بحنان لامها : الله يبارك فيج يمه .. " وتذكرت فيصل وامل " أي يمه بقولج يوم علاء موصلني عند البيت جفت فيصل وامل طالعين وامل شكلها مريضه ولا فيها شي !! ام فيصل الي تضايقت من سمعت سيرة امل : وييييييييه عااد الا دلع بناات ... وانتي ماتدرين بالي صاار .. دلال : شنو صار يمه ؟؟ ام فيصل وبدت دموع التماسيح والتمثيل وحكت لها عن كل الي صار وشنو سوت امل فيها .. ************************************************** طوول الطريق والصمت سيد الحديث .. فيصل يفكر في حياته الي انقلبت فوق تحت .. يفكر بالي اخذت قلبه وعقله وظن انها بتكمل وياه حياته .. لكن !! للاسف ماصانت هالشي وجرحت اهم شي في حياته .. وأوهو امه .... " بس يافيصل ياترى هل بتظل على رايك او بيتغير مع الايام ؟!! " اما امل .. هالانسانه الي كانت ترسم البسمه على أي شخص تقابله .. كانت البلسم الشافي لكل الي تكلمه .. كانت تتحمل كلام عمتها ونغزاتها عشانه وتقول مردها بتتغير .. مادرت انه هالطيبه الزايده راح تنقلب عليها .. ومن من !! من اعز شخص على قلبها .. رفعت عيونها وطالعت فيصل الي شكله شارد بأفكاره وقالت بقلبها .." دمرتني يا فيصل .. وماراح اسامحك .. آآه يا يبه وآآه يا يمه الله يردكم بالسلامه ياااارب .." ********************************************* نـرجع إلى سامي .. الي من كلم حنان وارتاح شووي رجعت له ابتسامته المعهووده وراح ويا ربعه قعدمعاهم شووي ورد رجع البيت .. دخل الصاله ولقى امه واخته دلال بالصاله قاعدين كعادتهم ويسولفون .. سامي راح قعد على اول كرسي صادفه وقعد عليه بإرهاق : السلام عليكم .. ام فيصل ودلال : وعليكم السلام .. ام فيصل : غريبه راد البيت من وقت !! دلال حبت تغير الموضوع لانه تدري انه امها وايد تفرق بين سامي وبينها اهي وفيصل ..: سمووي ماباركت حقي .. سامي ابتسم بحنان ممزوج بتعب ورفع راسه من على الكرسي وقال : مبروووكـ بس على شنو عاد ؟؟ لا تقولين حامل ؟؟ دلال ضحكت بخفيف وحطت يدها على بطنها : أييييه وقريبا بصير ام وانت خال واحلى خال بعد .. سامي الي فعلا فرح وتشقق من هالخبر وخصوصا انه اخته صار لها سنتين مو حامله وانه بعد بيصير خال : مبرووووووك يا احلى اخت بهالكوون " ووقف على طووله وقال بمزح" من قدي بصير خاال وناااسه والله .. " وغمز لها " بعلم ولدج على المغازل ههههههههههااي ام فيصل : اييييه هاي الي انت شاطر فيه ماحصلنا منك شي اصلا .. دلال تضايقت من كلام امها وخصوصا لما شافت ملامح سامي الي تغيرت وخفس وجهه : بالعكس يمه اصلا سااامي وفيصل احسن منهم مافي الله يخليهم لي انشالله .. سامي شال سويج ماله وبوكه وتلفونه وراح فوووق بدون مايقول شي .. دلال : يمه زين جذي الحين ؟؟ ام فيصل : سكتي من فضلج وخليني اطالع التلفزيون .. دلال راحت حق سامي فووق تراضيه ... " البنيه صايرة طيبه حدها من حملت هههههه " ********************************************** فـي مكان بعيد عن بلدتنا وبالتحديد مصـر " القاهرة " كانت فاطمه في سكن الجامعه ومتملله توها راجعه من الجامعه وماتبي تفتح ولا كتاب من ضيقه الخلق .. تذكرت امل وابتسمت .. خذت تلفونها من على المكتب مالها ودورت اسم " امووله" وضغطت اتصال .. لكنها تفاجئت من الشخص الي رد عليها او بالاحرى الرساله الاليه الي تخبرها انه تلفون امل مقفول .. استغربت لانه امل ماتقفل تلفونها وهالحزة بعد !! دورت رقم ثاني بعد عزيز على قلبها واتصلت .. والحمدالله هالرقم رن .. شوي وصلها صووت صرااخ : فطووووووووووووووووووووم يالكريييييهااا وحشتنييييييييييييييييييييييييييييييييييييييييييييييييني .. فاطمه باعدت التلفون عن اذونها هههه مسكينه انصدمت من الصراخ : حشى هذا كله شووق لي ؟!! شيماء : هههههههه واكثر حبيبتي شخبارج شمسوويه ها انشالله ماتغيرتي ؟! ضعفتي متنتي ؟؟ قوولي يالله شفييج ساكته ؟؟؟ فاطمه ميته من الضحك على خبال صديقتها : هههههههههههههه شوي شوي عليي انه زينه الحمدالله بخيير " تذكرت شي مضايقها وايد بس ماحبت تبين لصديقتها . لانه حتى لو قالت لها مابتقدر تسوي شي" انتي شخبارج وشخبار حوور وامووله شفيه تلفونها مقفوول؟؟ شيماء الي صوبها حوراء .. سوت التلفون سبيكر وصرخت حوراء : انه اهنيييييييييييي هههههههههه فاطمه عقب ماميزت الصوت : هلااااااااااا حواااري شخبارج حبيبتي .. حوراء : انه تماام اسأل عنج انتي شخبارج شمسوويه ويا الدراسه ؟؟ فاطمه الصيحه واصله حدها متضايقه واهي بروحها ومن المشكله الي صارت لها ومن الغربه !! ذابحتها ..: انه زينه بس .. " ماقدرت تتحمل وصاحت " شيماء وحوراء خافوا عليها : فطووم حبيبتي شفييج ؟؟ فاطمه حاولت تخفف من نوبه الصياح الي اجتاحتها لكنها ماقدرت .. وكل ماتتذكر التهديدات تخاف وتحس انها بتختنق ..: تعبااااانه يا شيماء تعباانه شيماء بحنان : حبيبتي فطووم اهدي شووي خليني افهم شسالفه ؟؟ فاطمه بعد ماهدت شوي بدت تسرد القصه من البدايه .. تحيـاتي MaNaM!a Quote Link to comment Share on other sites More sharing options...
Miss Girl Posted أغسطس 3, 2009 Report Share Posted أغسطس 3, 2009 الحمدالله على سلامتج اوف يا ربي علييها وعلى دمووع التمااسيح " ام فييصل " خخخ ناااااايس الباااااااارتــ يسلمووووووو يعييج العاافيهـ Quote Link to comment Share on other sites More sharing options...
دلـوعـــة محرقيــة Posted أغسطس 3, 2009 Report Share Posted أغسطس 3, 2009 قااهرتتني هاذي البايخه ام فيصل .. عن جـد حقيره Quote Link to comment Share on other sites More sharing options...
البنوتة الصغيرة Posted أغسطس 3, 2009 Report Share Posted أغسطس 3, 2009 ننتظر البارت الياي .. مسكينة امل,,!! الله يساعدها ع هالبلوة مشكورة تسلمين.. والحمدالله على السلامة Quote Link to comment Share on other sites More sharing options...
غلاي قطر Posted أغسطس 4, 2009 Report Share Posted أغسطس 4, 2009 الحمد الله ع سلامتج قلبو وهاي ام فيصل والله قاهرتني الله ينتقم منهاا انشااااا الله تسلمين حبوبه يعطيج العاافيه Quote Link to comment Share on other sites More sharing options...
اياء الشمس Posted أغسطس 4, 2009 Report Share Posted أغسطس 4, 2009 الحمد لله ع السلامة خيتوو منامية .. القصة رووووعة مسكينة أمولة حرام .. لا تطولين عينا خيوو و ما عليج امر طولي البارت شوي Quote Link to comment Share on other sites More sharing options...
جعلتني مجرمآ Posted أغسطس 4, 2009 Report Share Posted أغسطس 4, 2009 بااااااااااااااااااال صج صج قمممة الاحراج اللي صار مع حوراء ,, بس اتوقع ان بحبوون بعض و بعرسوون خخخخخخ آآآه يا فيصل ,, انت تحب امل و تمووت فيها بعد بس طبعآ اكييد بتفضل امك عليها ,, ياريت ما صدقتها و سوييت جذي فيي امل ولله يعني طيبة و مسالمه و عمرها ما أذت احد ما تستاهل اللي صار لها الاااااااااه ,, دلال بتصير ام بعد يه يه من قدها مبروووووووووك و انشالله ولد عااد انا اتوقع ان فيصل و امل بينفصلوون و اعتقد هي اللي بتطلب الطلاق و بتصمم عليه بعد ولا بتغير رايها ,, لأن اللي صار لها مو شويه مسكينه ولله عورت قلبي ,, و انشالله عاااد ما تحمل منه علشان يقدر يطلقها لأن مشكله اذا هي حامل و بإذن الله بتحصل وااحد احسن منه بمليوون مره ,, هي توها بعمر الزهور و الحياة جدامها بل بل ,, ياترى شفيها فطوم؟؟ شصار لها ؟؟ الله يستر الحمدلله على السلامة مناميوووه ما تجوفين شر ولله و بإنتظار البارت الياي Quote Link to comment Share on other sites More sharing options...
الدمعه المقهوره Posted أغسطس 4, 2009 Report Share Posted أغسطس 4, 2009 يعطيج العافيه عالقصه الروعه و بأنتظار البارت الياي Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.