عـــذاااب الـمـزااايـيـن Posted يونيو 10, 2009 Report Share Posted يونيو 10, 2009 السلام عليكم ورحمة الله وبركاته,, صباحكم / مساكم جوري <<< على طاري الجوري...شخبار أميرة الجوري؟ يقولون إنها زعلانه علي..مدري صدق ولا إشاعة..!! ماعليه بعدين راح أتفاهم معاها..وياويلها مني لوطلعت صدق زعلانه.. المهم.. حبيت أقول لكم إني قبل أمس قابلت الفنانه طيف (بالصدفه)...طبعاً مو صدفه بس أنا لعبت عليها وسويت نفسي متفاجئ...ولا هي ماتدري إني أنتظر اللحظه هذي.. خلونا في المهم.. في البدايه سلمت عليها وعرفتها بنفسي..حتى يوم عرفتني قعدت تضحك..مدري شفيها <<< شكلها سامعه عني شيء غلط..!! يعني أحس إنه شئ يفشل..!!(والله أعلم) طبعا أول ماقابلتها (الله لايوريكم) إختبصت ولاعرفت شلون أتكلم وبوقتها تذكرت الأغنيه اللي تقول (شفتك وضاع الكلام) <<<< أبوووووك يالمزاج بعدين جلست معاها ودار بيننا الحوار التالي : عذابوه : كيف حالك ياأم مهدي؟ إن شاء الله بخير.؟ والله وعاش من شافك..هذي الساعه المباركه اللي شفتك فيها.. طيفوه : ير الله يسلمك...عاشت أيامك وأحلامك <<< على طاري الأحلام بعدين تعرفون ليش قالتها *_^ عذابوه : شدعوه يالقاطعه.. وين أيامك ماعاد نشوفك؟ <<مطيح الميانه عذابوه...الأخ قاعد يسولف مع واحد من الربع طيفوه : انا موجوده.. عذابوه : وين موجوده..وإنتي مختفيه ...لاحس ولا خبر...وماعاد شفناك... ولاحتى تدخلين المنتدى <<< من جد طيح الميانه عذابوه هههههههههه طيفوه : بالعكس انا دائماً أدخل المنتدى..أشوفكم وأتطمن عليكم...بس ماعندي وقت أرد عليكم... لكن إن شاء الله من أفضى راح تشوفوني متواجده وبرد عليكم واحد واحد.. عذابوه : أها يعني إنتي تعترفين إنك قاعده تشوفين الأعضاء ومشاركاتهم؟ <<مسوي جاب شيء خطير عذابوه طيفوه : أكيد أشوفكم بين فترة وفترة وأفرح من أشوفكم متواجدين..لأني أحس إنكم صدق تحبوني... إلا قول لي كيفكم مع المنتدى..والمراقبة ريوم كيفها..عسى مو مقصره معاكم..؟ عذابوه : والله ريوم أحس إنها بتفقد عقلها عن قريب (هذا إذا باقي عندها عقل) لكن أتوقع بعد فترة بسيطه بتشوفينها تمشي بالشارع وقاعده تنتف شعر راسها مثل الخبله..والبزارين يلاحقونها ويغنون (المجنونه جات المجنونه جات) طيفوه : ليييييييييييييييييييش <<<< قالتها وهي معصبه عذابوه : لأنها المسكينه شايله المنتدى على راسها وتحاول قد ماتقدر ترضي كل واحد فينا.. والمشكله إنها طاحت معاي وتوهقت فيني...(الله يهديني) أحس إني بكون السبب الرئيسي لوتجننت.. طيفوه : فديتها والله ريوم كنت عارفه إنها مابتقصر معاي...طيب والباقين وينهم؟ ليه مايساعدونها؟ عذابوه : والله كلهم مو مقصرين معاها وخصوصاً أميرة الجوري وبنت الكويت ووين إيفر وإس هوج لوف ونجمة الليل والأكرم ومها ومحبة الكوثر وعرقوب وروح الورد والحاسه السادسه وبسكوته منهوشه وغيرهم كثير.. طيفوه : أدري والله كلهم مايقصرون ...ودائماً متواصلين معاها... إلا صدق عاشقة طيف وعاشق طيف وينهم ماعاد أشوفهم؟ هزيت راسي وخنقتني العبره..ولا عرفت شلون أرد عليها...ماناقصني إلا موسيقى حزينه ويصير مقطع مؤثر رديت عليها قلت والله مدري ... علمي علمك...بس أكيد مشغولين..ولا إنتي عارفه مكانتك عندهم... طيفوه : إي والله أعرفهم زين عشوقه وعشوق هم أكثر ناس يحبوني وماأعتقد إنهم بيتخلون عني <<صوره مع التحيه للأخ عاشق طيف والأخت عاشقة طيف أتمنى إنهم يردون علشانها.. المهم في النهايه انا عصبت عليها وقلت اللحين إنتيي قاعده تسأليني عن الأعضاء كلهم..وانا راز بخشتي قدامك لي ساعه وماسألتيني عن أحوالي...!! طيفوه : ههههههه والله كلكم غالين على قلبي بس ماودي أحد فيكم يغيب أو يقاطعني.. اللي يحبني صدق يثبت لي من خلال تواجده.. شافتني أطالع فوق وأصفر عرفت إني زعلان قالت طيب ولايهمك إنت شخبارك يا(....) فجأة...!!! سمعت صوت يخرع ويقول : (صويلح قوم عطني مفتاح السياره ..بروح أحجز تذاكر للرياض) إخترعت وفزيت..ولا أللاقي خويي قاعد يصحيني من النوم.. والله توقيته كان مضبوط...أشك إنه كان قاعد معانا في الحلم قعدت طالعت في خشته وانا أقول بيني وبين نفسي (الله خلق والله فرق...قبل شوي كنت مقابل طيوف وأكحل عيني فيها..واللحين شوف منو اللي مقابلني) والله قهر هع هع طبعاًَ السالفه طلعت حلم (زي العاده) وانا حبيت تشاركوني أحلامي لو مره وحده..علشان تعرفون شكثر أعاني وللمعلوميه انا ضفت للنص شوي من عندي وسويت حبكة دراميه علشان تدخلون جو معاي.. وحاولت إني ماأستخف دمي علشان تصدقوني هع هع آسف ع الإطاله ... وإن شاء الله نتقابل في أحلام أخرى مع السلامه Quote Link to comment Share on other sites More sharing options...
نجمه الليل Posted يونيو 10, 2009 Report Share Posted يونيو 10, 2009 عـــذاااب الـمـزااايـيـن يعطيك ألف عافيه ع الحلم ههههه ههههههه هههه بصراحه روعه وتسلم وما تقصر.... وأن شاء الله أتشوفها ع الطبيعه أن شاء الله... Quote Link to comment Share on other sites More sharing options...
عـــذاااب الـمـزااايـيـن Posted يونيو 10, 2009 Author Report Share Posted يونيو 10, 2009 (edited) هههههههههههههههههههه الله كريم نجومه...والله صرت أحب النوم هالأيام.علشان أحلم وأستانس شوي..ع الأقل أحسن لي من مقابل وجيه اللي عندي مشكوره ع المرور Edited يونيو 10, 2009 by عـــذاااب الـمـزااايـيـن Quote Link to comment Share on other sites More sharing options...
S_hooj_love Posted يونيو 10, 2009 Report Share Posted يونيو 10, 2009 (edited) لوووووووووووووووووول عذاااابوه ماا تيوووووز عن سواااااالفك عشيتني الدوووووور معااااااااك و اخر شي طلع حلم المهم مشكوور عل الموضوع او بالاصح الحلم الـ كيووت و ان شااء الله تشوووفها صج !! Edited يونيو 10, 2009 by S_hooj_love Quote Link to comment Share on other sites More sharing options...
محبة الكوثر Posted يونيو 10, 2009 Report Share Posted يونيو 10, 2009 عذاب حتى الاحلام ما سلمت منك والله اقول يمكن صدق بعد مشكور يا خوي Quote Link to comment Share on other sites More sharing options...
روح الـورد Posted يونيو 10, 2009 Report Share Posted يونيو 10, 2009 ههههههههههههههههههههههه واالله عبــآلي صج قـــآبلتهـآ هع هع هع وشوي اقرهـ حلللللم هههههههه الله يغرب بليسك على هـ الحلم هع هع ان شالله تشوفها صج هع Quote Link to comment Share on other sites More sharing options...
محرقاويه مفتخره Posted يونيو 10, 2009 Report Share Posted يونيو 10, 2009 هههههههههههههههههههههههههههه تسلم ع الحلم الروعه ان شاالله دوم تحلم مل هالاحلام العجوبيه Quote Link to comment Share on other sites More sharing options...
bent q8 Posted يونيو 10, 2009 Report Share Posted يونيو 10, 2009 هههههههههههههههههههههههههههههههههههههه بس حسافه ماعرفنا نهاية الحلم لوووول تسلم عذابووو ع الموضوع المو صج Quote Link to comment Share on other sites More sharing options...
نـور الزهـراء Posted يونيو 11, 2009 Report Share Posted يونيو 11, 2009 إلا قول لي كيفكم مع المنتدى..والمراقبة ريوم كيفها..عسى مو مقصره معاكم..؟ عذابوه : والله ريوم أحس إنها بتفقد عقلها عن قريب (هذا إذا باقي عندها عقل) لكن أتوقع بعد فترة بسيطه بتشوفينها تمشي بالشارع وقاعده تنتف شعر راسها مثل الخبله..والبزارين يلاحقونها ويغنون (المجنونه جات المجنونه جات) يا حليلها المراقبة حرام أخ عذاب تقول أحس إنها بتفقد عقلها عن قريب (هذا إذا باقي عندها عقل) لكن أتوقع بعد فترة بسيطه ربي يعطيها العافية ان شاء الله تشوف الفنانة طيف بالحقيقة Quote Link to comment Share on other sites More sharing options...
عاشقةa Posted يونيو 11, 2009 Report Share Posted يونيو 11, 2009 ههههه عبالي صج إن شاء الله تشوفها ع طبيعه Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.