بنت الحداده Posted يونيو 21, 2009 Author Report Share Posted يونيو 21, 2009 بنت الحداده / مقررات اللغه الانجلينزيه اول اثنينه الي راح تاخذينهم في اول سنه عباره عن ريدينغ ورايتنغ نفس المدرسه بس موضوعات الرايتنغ عن اشياء قانونيه مثل حقوق الانسان او غسيل الاموال اشياء جذي بس عادي الامتحان نفس السكول اما الباقي اييج انج تدرسين قانون بالانج مثلا القانون التجاري يقعد يقولج عنه كلشي عن العقود ومادري شنو بس انه بالانجلينزي فراح يعتمد على الحفظ اكثر من انج تفهمين شسالفه فيه يعني جفتي شلون قلنالج عن مقررات العربي نفس الطريقه بس بالانج ومقررات الانج اسالتهم ماتيي طويله يعني جم سطر الاجابه او نص صفحه بالكثير ويقولون انه بعض الدكاتره عادي يعطونج الاسئله قبل الامتحان من باب المساعده فكلش لاتخافين كل الي عليج انج تحفظين لج الكلمات القانونيه والمصطلحات الي راح تتعلمينهم فبس يبيلج متابعه واجتهاد شوي وماتخلين الاشياء تتراكم عليج لانه اكيد بيصير صعب عليج ومعليج انج اورنتيشن كلش مايفرق اكا شموخي اورنتيشن ووايد ناس نعرفهم داشي من اورنتيشن الي على قولة الجامعه المفروض انهم كساله لكن جوفيهم شلون امشين بالعكس درجاتهم احسن من الي قبلهم لانه يستفيدون من خبرتهم واغلاطهم والكل يساعدهم ويوقف وياهم اهم شي لاتخافين ولاتأيسين وخلي عندج طموح وتحدي ومعليج دربج خضر ان شاء الله بالتوفيق يارب وسؤالج عن عدد الطلاب ترى كل سنه عن سنه قاعدين يزيدون الطلاب بشكل مو طبيعي واحين ذي السنه الي خلصت تقريبن عدد الي دشو كانو الفصل الاول : تقريبا 50 طالب الفصل الثاني ( الي يايين من اورنتيشن ) : مع ال 150 طالب واكيد السنه اليايه كلنا نتوقع ضعف هالعدد انزين شالفرق بين التمهيدي والعادي .. قصدي الأنج التمهيدي يعطونهم بس انجليزي ولا شلون؟ 8 مواد تخصصية بالأنج وأنا كلش مب اوكيه فيه...!! شموخي .. لو كل الطلاب مثلج بدش وأنا مغمضة ماشاء الله عليج خدومة وشرحج كافي ووافي .. صج شجعتيني وأنا الي احتاجه تشجيع لأني مافكر ادخل شي ثاني لأني شايفة نفسي بالحقوق لأنه طموحي وميولي بس أنا أول كورس بيقطوني تميهيدي لأن التراكمي مالي في السبعين .. بسألج عن الأنج في في الجامعة كـ مادة تخصصية وكلغة .. مادري شنو المستوى ماله؟ لأني بصراحة اييب في الأنج في المدرسة 75 هلون مادري أنا وايد خايفة انا سمعت انكم تاخذون مواد تخصصية بالأنج بس مو 8 انزين بالنسبة للعدد المقبولين كل سنة حوالي جم طالب في الحقوق؟ حبووبة .. و لو تبين معلومات اكثر ان شاء الله اساعدج .. يعني تقريباحالج حال وايد الحقوق كان رغبتهم الاولى بالنسبة للتمهيدي عادي حبووبة اوونه فوق 85 و تميهدي بالعكس احسن تتعرفين على انظمة الجامعة و هالاشياء .. اوونه للحد الحين ما اخذت غير الانج الاول و راسبة فيه لان الدكتورة اممممـ انزين اذا انتي تيبن في المدرسة 75 فأووونه اقل منج هه بس بعد ما كسرني هالشي بتحدي نفسي و بنجح ان شاء الله .. ذيج الدفعة كانت تقريبا 200 و اشووي لان فيه ناس بدلوا من تخصصات ثانية الى حقوق .. انزين بالنسبة لتبديل الرغبة سهل ولا صعب التبديل؟ ويشترطون نسبة وغيره ؟ Quote Link to comment Share on other sites More sharing options...
.. شموخي } Posted يونيو 21, 2009 Report Share Posted يونيو 21, 2009 حبوووبة .. التمهيدي .. يعطووونج كتاب واحد بالانج قيمته بـ 9 دينار ، اذا تبين الكتاب عندي اياه .. امممـ الكتاب فيه تقريبا اساسيات و اشياء تافهه .. بس اوونه استفدت من التمهيدي ، يعتمد على حسب الدكتور في دكاتره لا يدروسوونج و يعطوونج اشياء و فيه دكاترة حتى الغياب ما يخذوونه و لا يدروون عن شي .. و بالنسبة لتبديل امممـ فيه تبديل يصير بعد اعلان التخصصات تملين ورقة و تحطين فيها 3 تخصصات و يعتمد ع نسبتج مثلا طلاب المحاسبة اقل نسبة انقبلت العام اللي فات كانت 86 او 87 ماكو احد اقل .. يعني هالحالة انتي تحصلين على التخصص ثاني غير اللي حطوج فيه قبل الدراسة التبديل عادة يعتمد على نسبة و التخصص اللي انتي حاطتنه يعني لو واحد نسبته 80 و حاط ورقة التبديل التخصص الاول محاسبة التخصص الثاني حقوق التخصص الثالث ......... فأكيد راح يحصل التخصص الثاني اللي هو الحقوق بس الحالة الثانية لا تحصلين على التخصص بعد ما تبدين الدراسة اممـ يمكن تخلصين كورس او كورسين اعتقد و بعدين فيه تبديل يصير في بداية الكورس الثاني .. و اوونه ما انصح بالحالة الثانية لانج تدرسين كورس او كورسين و تتعبين روحج و بعدين تنتقلين اممـ ما تسوي .. امممـ اذا شي مب واضح قوليلي ههه ادري اسلوبي احيانا صعب تفهمين له Quote Link to comment Share on other sites More sharing options...
عاشق ك.رونالدو Posted يونيو 21, 2009 Report Share Posted يونيو 21, 2009 الشيخه انجلينزي التمهيدي يكون عادي فراغات وتوصيل ومادري شنو مادرسته بس هذي الي جفته وماجفت انه احد منهم كان يدرس ولاشي فاظنه حده سهل واذا على التبديل قصدج عقب ماتدرسين وتنصمين بالوضع خخخخخ شكلنا خوفناج عدل بالعكس تحملي اتدشين وتحطين هالفكره في بالج واذا فركتي تسوينها لازم تقدمين وراقج في التسجيل وتحطين التخصص الي تبين تنقلين له وتكملين الكورس كامل بشرط يكون معدلج فوق ال 2 وبعدين تجوفين اذا يقبلون او لا بس لاتفكرين بالنقل عشان لايكون عذر مخفف لج اذا ماواصلتي عدل Quote Link to comment Share on other sites More sharing options...
.. شموخي } Posted يونيو 21, 2009 Report Share Posted يونيو 21, 2009 ليش انتي تراجعتي عن الحقوق !!.. و لا شنو السالفة !!.. اي كا عاشق ك.رونالد ذكر شرط مهم و هو المعدل اللي يسمح لج بالتبديل اذا بدات الدراسة يعني في الحالة الثانية اما الحالة الاولى لا ما يحتاج معدل لانها قبل الدراسة .. بس اممـ التميهدي مب الكل نحج فيه .. Quote Link to comment Share on other sites More sharing options...
.. شموخي } Posted يونيو 21, 2009 Report Share Posted يونيو 21, 2009 شروط التحويل .. * ان يكون لدى القسم شواعر من حيث اعداد الطلبة ف البرنامج المطلوب التحويل اليه * ان تكون شهادة الثانوية العامة التي حصل لها عليها الطالب في شعبته مقبولة لدى البرنامج الذي يرغب التحويل اليه ( ادبي - علمي - تجاري - صناعي - اخرى ) * يترك للقسم الاكاديمي تحديد اعداد المقبولين للتحويل حسب برامجه الاكاديمة و استيعابه لاعداد الطلبة من جهة و اعضاء الهيئة الاكاديمية من جهة اخرى * يجب ان تتوفر في طالب التحويل الامور التالية في نهاية الفصل الدراسي الذي تقدم فيه بطلب التحويل : 1. الا يكون قد وضع على الانذار الاكاديمي 2. ان يكون قد اجتاز بنجاح 12 ساعة معتمدة كحد ادني 45 ساعة معتمدة كحد اقصى 3. الا يقل معدله التراكمي عن 2.00 من 4.00 لجميع البرامج * تكون المفاضلة بين المتقدمين للتحويل بناء على المعدل التراكمي للطالب . و في حالة تساوي المعدل التراكمي تعطى الاولوية لمن اجتاز ساعة معتمدة اكثر * في حالة اشتراط بعض الاقسام الاكاديمية المقابلة الشخصية فان لها ان ترتب اجراءها بعد تحديد قائمة الطلبة المحولين بصورة نهائية . و في حالة عدم اجتياز الطالب المقابلة الشخصية يلغى تحويله . و لا يحق له المطالبة بتحويله الى برنامج اخر في نفس الفصل الدراسي Quote Link to comment Share on other sites More sharing options...
bo_samraa Posted يونيو 22, 2009 Report Share Posted يونيو 22, 2009 ما شـــاء الله ما شـــاء الله شموخـي .. احلي شعـور عاشق ك. رونالدو ماقصــرتوا اخواني والله في التوضيــح عن تخصص الحقوق واختنا بنت الحداده تستاهل والله منكم هالشرح والله يعطيييييييييييكم ربي الف عافيــــــــه ماقصــرتوا وجعله في ميزان حسناتكم Quote Link to comment Share on other sites More sharing options...
وزز Posted يونيو 23, 2009 Report Share Posted يونيو 23, 2009 مــــا نقدر نضيف شـــي اصحاب الخبره كفووا و وفوا .. بس شي واحد..اقوى شي يمكن يساعده في الجامعه اذا كنتي حابه التخصص.. راح يفرق معااج واايد وبتقدرين تعطين فيه .. على فكره بس اول كورسين بتحسين بصعوبة المعلومات لان شي غريب و ماتعرفينه بس بعدين بيسهل و بتستمتعين فيه بالتوفييق ان شاء الله ونشوفج معانا السنه اليايه Quote Link to comment Share on other sites More sharing options...
بنت الحداده Posted يونيو 24, 2009 Author Report Share Posted يونيو 24, 2009 الشيخه انجلينزي التمهيدي يكون عادي فراغات وتوصيل ومادري شنو مادرسته بس هذي الي جفته وماجفت انه احد منهم كان يدرس ولاشي فاظنه حده سهل واذا على التبديل قصدج عقب ماتدرسين وتنصمين بالوضع خخخخخ شكلنا خوفناج عدل بالعكس تحملي اتدشين وتحطين هالفكره في بالج واذا فركتي تسوينها لازم تقدمين وراقج في التسجيل وتحطين التخصص الي تبين تنقلين له وتكملين الكورس كامل بشرط يكون معدلج فوق ال 2 وبعدين تجوفين اذا يقبلون او لا بس لاتفكرين بالنقل عشان لايكون عذر مخفف لج اذا ماواصلتي عدل لا انا ما افكر في النقل من الحقوق انا افكر لو حطوني شي ثاني اغير الى الحقوق هذا سبب سؤالي انزين جم درجة النجاح عندكم؟ ليش انتي تراجعتي عن الحقوق !!.. و لا شنو السالفة !!.. اي كا عاشق ك.رونالد ذكر شرط مهم و هو المعدل اللي يسمح لج بالتبديل اذا بدات الدراسة يعني في الحالة الثانية اما الحالة الاولى لا ما يحتاج معدل لانها قبل الدراسة .. بس اممـ التميهدي مب الكل نحج فيه .. في ناس يرسبون فيه يعني صعب!! .. أنزين عادتاً يكون عندكم شواغر بالكلية او دائماً في اكتفاء؟ Quote Link to comment Share on other sites More sharing options...
.. شموخي } Posted يونيو 24, 2009 Report Share Posted يونيو 24, 2009 اممـ من جم النجاح ما ادري ، شنو تقصدين هل معدل النجاح من جم في كليات من 2 و فيه كليات م 2.5 بس الحقوق ما ادري .. امممـ درجاتنا نحن بالكلية المشاركة 10 المنتصف 30 النهائي 60 و فيه بعض الدكاترة يخلون المنتصف عليه 40 و النهائي 60 مثل الزعبي .. شواغر كراسي يعني !! يعني شنوو !!.. وضحي حبووبة اكثر .. اوونه اقووولج راح يقبلووونج بالحقوق .. Quote Link to comment Share on other sites More sharing options...
عاشق ك.رونالدو Posted يونيو 24, 2009 Report Share Posted يونيو 24, 2009 ماقط سمعت انه احد حط رغبته حقوق وماعطوه بالعكس ناس تحطه رابع وخامس رغبه ويحصلونه فلاتحاتين من ناحية القبول كلش Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.