ريم الإمارات Posted أغسطس 6, 2009 Report Share Posted أغسطس 6, 2009 عطونا حق الله ... عطونا حق الليلة... جدام بيتكم وادي... والخير كله ينادي... جدام بيتكم عيله... عطونا حق الليلة .. جدام بيتكم طاسة .. ويديكم محتاسة ... جدام بيتكم طمطمة ... وعجوزكم متحرطمة............. عطونا عطونا عطونا الله يعطيكم بيت مكه يوديكم كلمات حلووه كنا نرددها زمان اوول ويعرفها كل خليجي أحتفال بليلة النصف من شعبان كل واحد ما شاء الله شال كيسته وياه ويطلب من البيوت حلاوه في الامارات يسمونها :-- حق الليلة في الكويت والبحرين يسمونها :-- كرنكعوه في السلطنة يسمونها :-- القرنقشوه أو الطبلة أما في السعودية يسمونها :--- الكريكعان أو الناصفة أو الكريكشان أسامي حلوووه صح ما زالت العادة لين الحين مستمره بس فيها شوي تطورات حديثة طرت عليها بس ما منسا هذي الايام الحلووه طبعا كل واحد في صغرة سار يليل ويلقط حلاوه صح واولهم انا لين كنت صغيره والله ما ادري اذا انتوا بعدكم محافظين على هالتراث ولا نسيتووه ،، بس نحن بعدنا عايشين عليه ودووم نحتفل به خخخخخخخ يالله اللي يدش الموضوع لازم يحطلي حلاوه ههههه لالالا اللي يبا حياه الله قوولو يالله تراني مجهزتلكم القرقعون على قوله أخوانا الكويتين بعطيكم عنا عيالكم بعدين يقولون لي : جدام بيتكم طاسة .. ويديكم محتاسة ... جدام بيتكم طمطمة ... وعجوزكم متحرطمة .. توني شباب بعدي ما عيزت .. ووين أ كياسكم تفضلوا باب منتدانا مفتوح .. حياكم الله ماما طيف كريمه وأنتوا تستاهلون يالله تفضلوا حبايبي وكل عام وانتو ابخير يالله الحينه وبعد درتوا البيوت وما خليتوا مكان ما رحتوا له .. وأكلتوا حلاوه حق الليله قولوا لنا حبايبي الأعضاء .. عن لمن كنتوا صغار وكيف تحوطون تدورون حق الليله .. قولوا لنا مواقفكم الحلوه في هالليله الغاليه علينا Quote Link to comment Share on other sites More sharing options...
نجمه الليل Posted أغسطس 6, 2009 Report Share Posted أغسطس 6, 2009 تسلمين ريم الامارات ع الموضووووع الحلووووووو والله وبهذه المناسبه الغاليه حبيت أهني الفنانه طيف الغاليه ع قلوبنا بها المناسبه أللي دايما نحتفل فيها كل سنه وأقولكم كل عام وأنتو بألف خير...... «عطونا الله يعطيكم بيت مكة يوديكم»، هذا هو المقطع الأشهر في ما يردده الأطفال كل عام من الأغاني، وهي ليلة تراثية عرفت منذ أجدادنا وتوافق ليلة النصف من شهر شعبان وكان الجميع كباراً وصغاراً يستعد لها بشراء الحلويات، والمكسرات، والتأهب لاستقبال الأطفال بوضع «الجفير» عند فناء المنزل وانتظار قدوم الأطفال. هذه المناسبة هي «حق الليلة» التي يحتفل بها ليلة النصف من شعبان، واختلفت حالياً طرق الاستعداد لها حيث تقوم كل أسرة بشراء «حق الليلة»، وتخرجه في أكياس مزركشة، وعلب، وصناديق بطريقة مبتكرة ويحمل الأطفال أكياساً عليها صور محببة لشخصيات كرتونية وابتكرت طرق جميلة تحمل عبارات التهنئة بهذه الليلة.. و«حق الليلة» من أهم العادات الشعبية في الإمارات، وهي رحلة للأطفال الذين يجوبون الشوارع مرتدين الملابس الشعبية، ويحملون أكياساً تخاط خصيصاً لهذه المناسبة ليجمعوا، فيها الحلوى، والمكسرات التي يحصلون عليها من أصحاب البيوت مبتهجين بهذه المناسبة التي توارثتها الأجيال. Quote Link to comment Share on other sites More sharing options...
bent q8 Posted أغسطس 7, 2009 Report Share Posted أغسطس 7, 2009 الله ونااااااااسه ابي ههههههه لما كنت صغيره ما درت ع البيوت الا مره او مرتين بس احب يوصلني جاهز بدون اتعب عمري ههههههه بس كان وناااااسه والله الا ليت الطفولة تعود يوما لوووول في الكويت والبحرين يسمونها :-- كرنكعوه تصحيح معلومه احنا بالكويت نسميه قرقيعان وبالبحرين يسمونه قرقاعون تسلمييييين ريومه حبيبتي ع الموضوع الروعه وكل عام وانتوا بالف خير Quote Link to comment Share on other sites More sharing options...
روح الـورد Posted أغسطس 7, 2009 Report Share Posted أغسطس 7, 2009 كل عـآم واتتوآ بـ خـير يـوم انـآ بيبي اخليهم يودوني مـآبي اتعب عمري ههههههه Quote Link to comment Share on other sites More sharing options...
ريم الإمارات Posted أغسطس 8, 2009 Author Report Share Posted أغسطس 8, 2009 فديتكم والله كل عام وانتوا بألف خير Quote Link to comment Share on other sites More sharing options...
محبة الكوثر Posted أغسطس 10, 2009 Report Share Posted أغسطس 10, 2009 كل عام وانتم بالف خير ناصفة حلاوة على النبى صلوة عطونا من مالكم الل ايخلى اولادكم شكرا على الحلاوة يا اختى العزيزة الله ايعودكم Quote Link to comment Share on other sites More sharing options...
Guest LSH_LSH Posted أغسطس 11, 2009 Report Share Posted أغسطس 11, 2009 كل عام وانتوا بخير يعطيج ألف عافية أختي ريم Quote Link to comment Share on other sites More sharing options...
سارووونه Posted أغسطس 17, 2009 Report Share Posted أغسطس 17, 2009 كل عام وانتوا بألف خير يسلموو Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.