ريم الإمارات Posted أغسطس 28, 2009 Report Share Posted أغسطس 28, 2009 حبايبي اعضاء منتدى الفنانه طيف شخباركم حبايبي .. وحشششششتوني مووووووت ولكم وحشه كبيره في القلب .. فديييتكم والله ا كل عام وانتوا بخير وصحه وسلامه ومبروووووك عليكم الشهر الفضيل .. والله يجعلنا من الصايمين والقائمين في هالشهر ويعوده علينا وعليكم كل سنه وكل حول .. فبعد رجعتي لكم وفرحتي فيكم ... وانا في السفر وانا افكر في مواضيع ترضيكم وتستانسون منها بعد انشغالي عنكم في فعاليات صيف منتدى البحرين اليوم وسفري عنكم .. لذا حبيت انزل لكم مواااضيع وهي من جديدي في هالشهر الفضيل وابغي بعد منكم مشاركتي في المواضيع .. من هاذي المواضيع صور ومتابعات مسلسلات الفنانه طيف لسنة 2009 مائدة طيف الرمضانيه في هالمائده راح تشوفون فيها طبخات فنانات المنتدى واعضاء وإداريين المنتدى من فنانين وفنانات واعضاء وعضوات لقاء مع صائم قفشات ريم الإمارات الرمضانيه مسابقتنا الرمضانيه الكبرى والحينه راح ابدى باول مواضيعي وهي قفشات ريم الإمارات والاعضاء الرمضانيه هالموضوع للتسليه وللضحك والنكة الحلوه ولسولفنا كل يوم بحط لكم موقف او سالفه او موضوع مضحك .. هالموضوع مو بس مقتصر على ريم ألا مارات بعد مقتصر عليكم ابغي تعليقاتكم على سوالفي وابغيكم بعد تحطون قفشاتكم وانا أعلق عليها الموضوووووع واااايد حلو .. واكيييييد راح يعجبكم .. اوكي حبايبي اتفقنا .. بسم الله نبتدي حاله البنات إذا ما عندهم خدامه : كل شوي مالها خلق وتنام طول الوقت واذا نادوا عليها تسوي حالها ما سمعت وتنسى كل شئ كل ما قالوا وين .........قالت هاه نسيت .. اذا شالت الغسيل وراحت تنشره تتخيل نفسها نانسي وتجلس تغني آه ونص وتعيش الجو.. اذا كانت تغسل الصحون آآآآآآآآآآآآه انواع الحالات تجيها تلاقونها تكتب بالأسفنجه اسمها واسماء صديقاتها واللي تبون أو تجلس تتذكر سوالف تضحك وتضحك لحالها بسم الله ..أو تسوي دويره باصابعها وتنفخ تطلع بلونات ههههههههههههههههاي<< اذا جلست تكوي الملابس ما تخلي اغنيه قديمه ولا جديده الا تغنيها تصير كنها شعبولا ههههههههههه واذا كنست الحوش تلاقونها تغني ولا حاطه الإم بي ثري وسماعات وترقص لو يطل ولد الجيران ينتحر ههههههههههههههههههههههههههههه لو راحت تسوي شاي سوت حالها سنعه وسوت العشاء رجعت لأهلها تصارخ يا احترقت يدها من النار او تفرقع الزيت بوجهها أو طاح البريق على رجلها أوكتمتها الريحه او البخار وتصير السالفه حرب بدل ما هي عشاء ......... هههههههههههههههههههههههههههههههههههههههه حبيت اقولكم موقفي يوم ما يكون عندنا خدامه طبعا الشغل يطيح على راسي ايام العطل الاسبوعيه يعني يوم الجمعه والسبت هاليومين قبل هاليومين افكر كيف بعدي هاليومين على خير .. اقولهم شوفوا شغلتي الصبح وبس .. لين اقوم اخم الحوش شي اكيد احط سماعه على اذني واسمع نشيده او اي موضوع تطرحه الإذاعه بس ما انقز وارقص ..لو سويت جيه مو بس ولد الجيران بيوقف قلبه حتى الوالده وميموتي بيوقف قلبهم ,, اخر زمن مريومه تترقص بعد وين في الحوي بس يشوفني الويه احمر والعرق يصب .. فكل يوم افكر في طريقه مختصره اخلص منها ومن من شغل البيت وادعي ليل ونهار بشكارتنا اتي بسرعه .. اما الشاي يوم الشغل علي ما يخصني في احد اسوي الشاي لنفسي وبس .. والله حاله توني خامه الحوي بعد اقوم اسوي ل ..هم شاي مستحييل طبعا شعاري اخدم نفسك بنفسك .. هذا موقفي مع خمام الحوي .. واما باقي المواقف ما بقول لكم .. شو علشان تتطنزون علي .. Quote Link to comment Share on other sites More sharing options...
عـــذاااب الـمـزااايـيـن Posted أغسطس 28, 2009 Report Share Posted أغسطس 28, 2009 ههههههههههههههههههههه حالتكم حاله يالبنات (الله لايبلانا) خلكم بعيدين عن نانسي عجرم وطقتها..مالها داعي الأحلام الخياليه....وش جاب لجاب يعطيك العافيه ريوم..ولي عوده إن شاء الله.. Quote Link to comment Share on other sites More sharing options...
محبة الكوثر Posted أغسطس 28, 2009 Report Share Posted أغسطس 28, 2009 ههه يحلو الموضوع احنا ما عندنا خدامة واعتمد على نفسي انى شغلتى واحب اسوي اخم انظف ارتب والطباخ بعيدة عنااااااااااا انى اللي اسوي حاجة ما احب ازعاج في البيت يعنى انظف الكاشي ما احب احد ايطوف لان ايرد يتوسخ ادا اسوي شي واحد يطوف علي اقعد اصارخ او اضرب باللي عندى ادا اسوي شي اخم او اغسل ما احب احد وياي احب اشتغل ابنفسي وابروحى ....... ساعات اتفنن في الطبخ اسوي واغش علشان ما احد ايعيب على طبخى ومن ايجون اهلنا اختى او مرة اخى طلعت اللي سويتاا واقعد انقهر ..... البيت كل وحد يعتمد على نفسى في اشياء امى اتسويها او انى اقوم اطبخ واللي طبختا اكلة ولا احب احد ايشاركنى في الاكل .. احلى شئ اتسويين هلاشياء وما عندش ارتباطات مثلا دراسة او شغل ادا علي شئ ما اسوي اي شئ لما ارجع ناس اجي ترتاح لو اتنظف احب الحركة بس ما احب الرياضة Quote Link to comment Share on other sites More sharing options...
bent q8 Posted أغسطس 29, 2009 Report Share Posted أغسطس 29, 2009 ههههههههههههههههههههههههههههههههههههههههههههه اي تصدقين ريومه موشي بدون الخدم نسوي رجيم من الشغل اللي يقول الاخت شايله شغل البيت فوق راسها هع احنا اذا ما عندنا خدامه امي تطرشنا نروح نزور اي احد من اهلنا من الظهر لي الليل علشان ما نعفس البيت طبعا ههههههههه مشكووووره حبيبتي ع الموضوع الروعه Quote Link to comment Share on other sites More sharing options...
ريم الإمارات Posted أغسطس 31, 2009 Author Report Share Posted أغسطس 31, 2009 اي نــــوع مـــــن الاطفــــال كـــنت ؟! الطفل البريء .. في البيت تلاقيه حبوووب وطبيعي 100 % لكن مع دخوله المدرسة .. ( تنمحي ) شخصيته .. فتكثر الاصابات في وجهه .. لأنه مايدافع عن نفسه .. الطفل العنيد يطبق نظام البيت بالعكس .. يسوي اللي براسه .. مايخاف من امه وابوه .. لو قلت له هذا خطر لاتقربه .. عناد فيك يسويه .. ياكثر مايضرب في طفولته .. ومع ذلك عنيد مايغير رايه .. الطفل الحنّـان يستخدم وسيلة الحنة لتلبية رغباته له نغمه خاصه في البيت.. تلبى رغباته غصب عنك .. يعانون اهله من الصداع المستمر .. الطفل المادي هذا الطفل مايرد السلام الا ( بفلوس ) .. تعامله مع اهل البيت .. مادي بحت .. يستخدمونه لتوصيل طلبات المنزل .. ونقل السوالف.. وكل شي بحسابه .. الطفل الفتّــان تلاقي عند هذا النوع جميع اخبار البيت .. يلاقي المتعه في اذلال غيره بالفتنه عليه .. هذا الطفل حتى لو شريت سكوته بفلوس .. توقع تلقى اخبارك ثاني يوم في الصفحه الرئيسية .. في الجريدة الرسمية .. الطفل الدلوع هذا دلوع امه وابوه .. يكرهونه باقي الاطفال لانه مرفه وشايف نفسه عليهم.. تلبى رغباته قبل ليطلبها .. شخصيته اتكاليه جداً .. الطفل العله يزعجك بأسئلته الي ماتنتهي .. يستفسر من كل شي .. حتى لو عطست .. قالك شلون عطست .. وليش عطست .. وشلون تكونت العطسه .. يحرجك احياناً .. ويمكن دائماً بأسئلته .. مره تجاوب عليه ومره تسفهه .. واكثر الاوقات ماتلقى اجابه لاسئلته .. لانك في الحقيقه تجهلها .. الطفل الداج هذا الطفل مستحيل يجلس في البيت.. يعيش في الشارع اكثر من بيته .. خبره ودليل في كل ممر وطريق .. يعرف طول الشارع بالسنتيمتر .. من الممكن ان يصبح اذا كبر مهندس طرق .. الطفل الملسون يستانسون اهله على سوالفه .. فصيح جداً .. ويلقط العبارات والمفردات بسرعة مذهله .. يسبب احراج دائم لأهله .. يمكن يقول كلمة بالغلط للضيوف او الاقارب .. يتميز احياناً بقلة الذووق والوقاحة اذا انفعل .. لاينصح بأستفزازه ابداً .. الطفل اللزقه تلقاه مسنتر عند باب البيت .. محد يطلع الا وهو لازق معاه .. حتى الضيوف من الممكن تلقاه يلزق فيهم ويطلع معاهم .. ياكثر ماينضرب .. وخاصه من اخوانه اللي اكبر منه .. او خواته .. لانه عباره عن رادار على طلعاتهم .. احياناً يضطرون يطلعون من شباك البيت للهروب منه .. ولكن للأسف يلاقونه بانتظارهم في السيارة .. ويسألهم ليش تأخرتوا عليّ الطفل الهادي هذا الطفل ماله صوت ابد .. وين ماتحطه تلقاه .. احياناً يهملونه اهله .. لانهم ناسينه .. واحياناً يلقى اهتمام زائد من اهله .. لو يموت من الجوع ماتكلم .. في كثير من الاحيان تلقى اهله ناسينه بالسوق او عند الاقارب اثناء الزيارات .. الطفل القوي اهله دائماً في احراج و مشاكل مع الناس .. هرمون الاجرام مرتفع بنسبة عالية في جسمه .. في كل جبهة طفل في ( منطقتهم ) تلقى له أثر وتوقيع ..((تفلع )) يمثل القائد والفتوه .. يهابونه الاطفال .. يتقرب منه الكبار ويتوددون له حفاظاً على سلامة اطفالهم .. Quote Link to comment Share on other sites More sharing options...
عـــذاااب الـمـزااايـيـن Posted أغسطس 31, 2009 Report Share Posted أغسطس 31, 2009 ههههههههههههههههههههه والله ضحكتيني وانا مالي نفس ياحبني لهم الأطفال...دائم أدلعهم لدرجة إنهم مايحترموني.. الطفل الداج هذا الطفل مستحيل يجلس في البيت.. يعيش في الشارع اكثر من بيته .. خبره ودليل في كل ممر وطريق .. يعرف طول الشارع بالسنتيمتر .. من الممكن ان يصبح اذا كبر مهندس طرق .. بس انا مو مهندس طرق Quote Link to comment Share on other sites More sharing options...
ريم الإمارات Posted سبتمبر 2, 2009 Author Report Share Posted سبتمبر 2, 2009 ههههههههههههههههههههههه أخوي عذااااي بسك طلعات قر في البيت .. اخاف من الطلعات ما تدل بيتكم وين .. تعرف أخوي الشباب دايم جيه ما يلسون في البيت خاصه الحينه رمضان اشوفهم في القهاوي يشربون شيشه وبس بدى الدوام وياو تسحروا ورقدوا لنص النهار إلا الدوام خلص وبعدين لين يسالهم المدير ليش متاخر عااااد شوف الأعذار اللي يقولك انا مصخن وتوني ياي من العياده والكثير الكثير من الاعذار اما أنا من الاطفال الهاديين وبعد فيني شوي شطانه اكون هاديه بس ما اسكت عن حقي وما احب أحد يضربني عاااد اللي يسويها ياويله مني الشرار يطلع من عيوني اضربه واخذ حقي والبنت اضربها وامجع شعرها لحد ما تستوي شعشبونه طبعا لين كنت صغيره .. الحينه انا لا ماشي اهدى مني .. Quote Link to comment Share on other sites More sharing options...
نـور الزهـراء Posted سبتمبر 3, 2009 Report Share Posted سبتمبر 3, 2009 واو رووعة الموضوع بنت البلادي الطفل البريء .. في البيت تلاقيه حبوووب وطبيعي 100 % لكن مع دخوله المدرسة .. ( تنمحي ) شخصيته .. فتكثر الاصابات في وجهه .. لأنه مايدافع عن نفسه .. في الصغر بريئة و الحينه ملسونه Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.