دلوعة رفاعية Posted سبتمبر 11, 2009 Report Share Posted سبتمبر 11, 2009 اشياء تحرج البنات اخيس شي لما تكونين طالعه مع حبيبج ويطالعج وده ياكلج من كثر ماانتي بنظره كتكوته وفجاه يقولج سوي جذي يعني مسحي شويه بيدج على خشمج في شي متعلق ههههه (ودي الارض تبلعني) وتسوين روحج عادي وتقولين شنو فيه هههههههاي ......................................................................... اخيس شي لما تكونين مخطوبة والا عندج مناسبة مهمة وتطلع بويهج نفرة لااا وتتسلط بأماكن خايسة ما تترقع (الخشم - بين الحواجب) اي ليييش ......................................................................... اخيس شي لما يكون مودج زفت مالج خلق تلبسين وتهلقين آخر هلاقة والله مايبقى أحد بالبحرين ماتشوفينه لووول لوكاشخة ماتلقين احد ......................................................................... اخيس شي لما تكونين توج مالجة وطالعة مع ريلج مطعم لبناني وتاكلين تبولة وتلصق بين الضروس !! واااااي والله يالفشلة اذا اشر وقالج اكو شي هني!! ودج تختفييين نصيحة ياللي توكم متزوجات حذااااري من التبولة وتوابعها ......................................................................... اخيس شي لما واحد يسألج جم عمرج وانت تقولين جم تحط علي ويعطيج عمر اكبر من عمرج الصجي الصدمة وضيقة الخلق ......................................................................... اخيس شي لما تطلع اغنية حلوة وانت تحبينها وتسوين روحج حافظتها وانت مو حافظة شي وتقعدين تطلعين بس صوت لحن وتحنين اي سكتيييي اشرفلج ......................................................................... اخيس شي لما تنعزمين على عرس وايد قريب وحدج تشتطين ومايبقى مكياج ماشريتيه ولما تحطينه يطلع ابو الهوالة والجكر ولو عرس مالج خلقه ولا مستعدة حقه يطلع شكلج عجيب ......................................................................... اخيس شي لما تروحين الصالون وتسويلج تسريحة موعاجبتج وتجاملين تقولين ايييي حلوة على بو فشلانة !! وترجعين البيت تفلينها اي ليش التفلسف قولي لا موعاجبتني!! لا وتكون بالسعر الفلاني حرة صج ......................................................................... اخيس شي لما تكونين شارية بدلة وحاطتها بالكبت فترة ولما تيين عقب تلبسينها ماتسكر !! لوووول وتقعدين تشفطين كل الهوا اللي بالدار الا تسكر ! اي لا تقصين على عمرج انت خايرته بالاكل وصايرة شمتنج ......................................................................... اخيس شي لما تكونين ذابحة عمرج بالرجيم وحارمة روحج من كل مالذ وطاب وتوقفين عقب اسبوع عالميزان والا متنحر ماتحرك!! والصدمة اذا زايدة كيلو @@ شلوووووووووون ......................................................................... اخيس شي لما تشوفج وحدة وتقولج متناااانه !! اي سكتي منو سألج !! نحاسة الحريم ياتقولين شي حلو والا احتفظي برايج حق نفسج ......................................................................... اخيس شي لما تشوفين واحد عاجبج ويلحقج عبالج حقج وانت حدج مشتطة ولما تطالعينه يأشر على اللي قاعدة يمج!! يقولج ابيها ناديها يعني يبيج واسطة قمة الدقرة والاحباط ......................................................................... اخيس شي وقت السفر اذا ابوج ولا ريلج قالج لاتاخذين هدوم وايد مانبي وزن زايد ولما تروحون المطار تطلع زايدة بالوزن ويخزج ذيييج الخزة !! وانت بترقعين شلوووون والله موحاطة !! ماخذه كل الكبت وتقول موحاطة من الخرعه ......................................................................... اخيس شي لما تتصنعين اول الزواج جدام ريلج وقت الاكل يعني ذربة وماتاكلين كل الصحن وانت بتموتيييين يوع ومن يدش الدار فجيتي حلجج عاد ياكره اذا رد طلع ناسي شي لوووول لاتعليق على شكلج وانت مشفوحة راح ينصدم ويقولبقلبه اكليني انا بعد ......................................................................... اخيس شي لما يكون ماخذج الطرب وتحطين الipod بالدار وتتعنفصين جدام المنظرة وحركات بالويه يعني اشووووق ويدشون عليج فجأة لووول الشكل غبي ......................................................................... اخيس شي لما تبين تجسين نبض ريلج وتقولين وااي احس اني سامنة شوية ودي ادش نادي وانت من داخلج ودج يقول لا ليش نادي شحلوج حياتي مافيج شي 00 بس اهو يقوولج اي دشي من ماسكج لو سااكته احسن ......................................................................... اخيس شي وقت الخطبة لما تتصنعين كل مايكلمج يقولج شنو تاكلين تقولين ساندويتش -- اشرب فراولة يعني كيوت لووول ووقت الزواج يطلبلج فراولة تقولين لااا ماحبه!! ويكتشف جذبتج اي ليييش من الاساس تمثلين ......................................................................... اخيس شي وقت الخطبة لما تتصنعين وتنعمين الصوت بتموتين من النعومة والذرابة ويدق البيت فجأة واييج اخوج والا اختج الصغيرة وانت تصارخين اوووووووه منوووو شالحنة شتبووون !! قمة الدفاشة وهو عالخط يسمع وههههاااي وهههااااااي ......................................................................... اخيس شي لما تجذبين على امج تقولين بروح بيت رفيجتي وتروحين السووق وتشوفج رفيجة امج وتسلم عليج والسلاطة تطلع وحدة ملقوفة وسيدة تدق على امج شفت بنيتج اليوم ههههه ودج تنتفينها مال طراق على هاللقافة ......................................................................... اخيس شي لما تكونين حدج كاشخة ورايحة استقبال وتوج ماخذة الجاي وتطيح منج الاستكانة! ومن الفشلة تقولين عادي ماكوشي وتكونين محترقة بالصج بس من الفشلة توزعين ابتسامات جنه عادي ......................................................................... اخيس شي لما تكونين لابسة كعب وموعارفة تمشين فيه بس غصب تلبسينه لانه ستايل وتمشين وتطيحين على جنب تتعرجبين اي شالله حادج ذابحج الستايل ......................................................................... اخيس شي لما تكونين رايحة عرس وتطلع وحدة لابسة نفسج لووول قمة الدقرة ماتتحركين من مكانج ......................................................................... اخيس شي لما توج تاخذين الليسن تعالي شوفي السواقة الخايسة كله داعمه الرصيف عل جنب طول ما انت تسوقين لوووول ......................................................................... اخيس شي لما يصير شعرج مدهن ومالج خلق تسبحين ولااازم تطلعين وماكو وقت !! تروح الحبيبه تحط جل فوق الدهن ولما يهف الهواا عليه تهف صووبنا الروايح Quote Link to comment Share on other sites More sharing options...
قررت اموت في حبك Posted سبتمبر 12, 2009 Report Share Posted سبتمبر 12, 2009 يسلمو ع الموضوع Quote Link to comment Share on other sites More sharing options...
عيون غزلان Posted سبتمبر 12, 2009 Report Share Posted سبتمبر 12, 2009 يسلموووو .. Quote Link to comment Share on other sites More sharing options...
اسيـــرة الاحزان Posted سبتمبر 12, 2009 Report Share Posted سبتمبر 12, 2009 اخيس شي لما تكونين طالعه مع حبيبج ويطالعج وده ياكلج من كثر ماانتي بنظره كتكوته وفجاه يقولج سوي جذي يعني مسحي شويه بيدج على خشمج في شي متعلق ههههه (ودي الارض تبلعني) وتسوين روحج عادي وتقولين شنو فيه هههههههاي هههههههه حلووووووة يعطيج العافية ع الموضوع الخفيف Quote Link to comment Share on other sites More sharing options...
احلى نوف Posted سبتمبر 13, 2009 Report Share Posted سبتمبر 13, 2009 يسلمووو Quote Link to comment Share on other sites More sharing options...
البـ ريم ـحرين Posted سبتمبر 15, 2009 Report Share Posted سبتمبر 15, 2009 ثانكس Quote Link to comment Share on other sites More sharing options...
a7la 7o0ob Posted سبتمبر 17, 2009 Report Share Posted سبتمبر 17, 2009 مالي بارض اقرا وايد كلامات كاتبين Quote Link to comment Share on other sites More sharing options...
كلمة غرام Posted سبتمبر 20, 2009 Report Share Posted سبتمبر 20, 2009 اخيس شي لما يكون ماخذج الطرب وتحطين الipod بالدار وتتعنفصين جدام المنظرة وحركات بالويه يعني اشووووق ويدشون عليج فجأة لووول الشكل غبي ههههههههههههههـ Quote Link to comment Share on other sites More sharing options...
أحلى دليعه Posted سبتمبر 28, 2009 Report Share Posted سبتمبر 28, 2009 اي صح صح كلامج ههههههـ يسلمو ع الموضوع ^_6 Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.