Sheeva Posted أغسطس 16, 2010 Author Report Share Posted أغسطس 16, 2010 بنوتة انا داشة هالقسم عشانج بس .. و لو إنه ميت و مغبر و كح كح مايشجع ع المشاركة .. شكلج متحمسه حدج للدراسة .. مثلــي ،، جديت أول الأيام و ثاني سنة .. نقط نقط نقط .. عشان ما احبطج ،، انزين .. آنه بشوف لج أوراقي مال سنة أولى ،، إذا ليحين عندي بعطيج إياهم .. و كتاب النيرسنج لا تشترينه و تخسرين روحج .. شسمه انا بعطيج اياه .. ووو أي شي تبين تعرفينه قولي لي انتي بس ،، خبره ،، آنه اكثر وحده معمره في الكلية .. لعنبوه 6 سنوات .. شكلي بموت و بندفن فيها Quote Link to comment Share on other sites More sharing options...
a7la banoOoOota Posted أغسطس 17, 2010 Report Share Posted أغسطس 17, 2010 (edited) الاااااي شيفا هني على طاري الحماس .. أنا already واحشتني الدراسة عددل .. خاطري أجابل كتب و أحل واجبات الكلية تدخل القلب بسرعة .. ارتحت فيها و حبيتها .. حدها مجكلمة و كيوت ما تقصرين شيوف بعد عمري .. ان شاء الله نجوفج هناك بحطج في عيوني Edited أغسطس 17, 2010 by a7la banoOoOota Quote Link to comment Share on other sites More sharing options...
بحر1ني Posted أغسطس 17, 2010 Report Share Posted أغسطس 17, 2010 yup انا تمريض Quote Link to comment Share on other sites More sharing options...
Sheeva Posted أغسطس 17, 2010 Author Report Share Posted أغسطس 17, 2010 إييييييي اُمّي آنه هني .. على طاري الوحشة .. اتصدقين شعور متبادل P= و بآقولج .. شسمه من الحين جهزي نفسج حق الترجمة و فكري شلوووون بتنظمين وقتج وياها لأن اول شي بتسوينه اول الأيام .. كلللللله بتمّين اترجمين .. كلمتن كلمة .. وشششششششششش هالكلام ... آنه اللي لازم احطج في عيوني ،، آنه عيوز و انتي تووووّج بقراطيسج فيها ... عيب علي ما اتحمّل فيج :: يالله شسمه .. بس خل إيي يوم الدوام ( 20 / 9 ) << يوم عيدميلادي ،، باااااخذج و باافتر فييييييج في الكلية و مابخلي ولا داعوووس فديتج .. كم بنوتة آنه عندي ; ) Quote Link to comment Share on other sites More sharing options...
a7la banoOoOota Posted أغسطس 17, 2010 Report Share Posted أغسطس 17, 2010 (edited) بووو بعد ترجمة أنا ما كنت أحب بروجكتات الانجليزي إلا من هالسالفة لكن ما علي ... كل شي عشان التمريض يهون بعد عمري اللي بيتحملون فيني .. بعد احنا ايهل ناس في الكلية فـ لازم شيوف ممكن طلب .. قوليلي أكثر عن التخصص .. شلون الدراسة و الكلية و جذي ؟؟ Edited أغسطس 17, 2010 by a7la banoOoOota Quote Link to comment Share on other sites More sharing options...
Sheeva Posted أغسطس 17, 2010 Author Report Share Posted أغسطس 17, 2010 إيييه لازم ترجمه .. شي مهم و ضروري ،، خاصة و إن راح تمر عليج مصطلحات غريبة عجيبة و طويييييييييييلة ،، أوّل سَنه شوي بتتعبين من هالسالفة .. بس بعدين خلاص تتعودين ع الوضع و تلقين نفسج تعرفين معاني الكلمات بدون ماتسألين عنها ; ) و أفا عليج انتي بس .. حاضرين للغالية ،، و انتو أصغر ناس في الكلية مو أيهل ; ) << عدا إن كنتو تجهلون طبيعة الدراسة و الجو العام فيها و العلاقات .. هذا شيء آخر ; ) يا مُتحمّسه .. الدراسة سهله مو صعبة أبداً ،، رُبّما تصعب عليج في البداية بسبب اللغة .. و لكن لما تتعودين عليها بتحسينها سهلة جداً خاصَة إذا ركزتي و اجتهدتي ،، التمريض عشان مايصعَب يبي له مُتابعه أوّل بأوّل .. لأن لو فاتج شي من البداية .. بتتشربك عليج الأمور ليييي النهَاية .. و هذا اللي صار معاي و خلاني أعيد سنتين .. فـ إنتي لا تهملين التحضير و المراجعة عقب الشرح .. و لا تأجلين شي من البحوث و مُتطلبات الدراسة .. تحمّلي تغيبين أو تتأخرين بدون عذر << ترى انا سويتها و حرموني من امتحانين مادشيتهم خلّي علاقتج بمدرساتج قويّه و نسيت اقول لج أهم شي في ( العملي ) ،، الثقـــه ،، ثقتج في نفسج و ثقة المرضى فيج .. و ابتسامتج الحلوة لهم .. و لازم قبل لا تداومين بالمستشفى .. تقرين لج كم كلمة عشان ماتدشين على عماج .. لأن المدرسات مايوضحون لج كل شي في الصف .. و أهم شي في ( النظري ) ،، الحفـــــظ ،، كثر ماتقدرين حاولي انج ماتنسين لأن معظم المعلومات اللي بتييج من أوّل مرّة بتلقينها إتييج في كل مرّة .. و ركزي كثيراً جداً على اللي تقوله التيجر في الكلاس ،، لأن وايد يعتمدون في الإمتحانات على معلومات التيجر و شرحها ... :: بالنسبة لجو الكلية بشكل عام .. فهو لطيف .. يعني ساعات حتى لو مالج سالفة تروحين الكلية .. بتروحين صحيح مبنى الكلية حزر و اييب لي الكآبه بس بعد اعتبره مُتنفس لي << خخخخ لأني احب اقعد بروحي ابحلق في الأوادم و اخز الطالع و الداش B) :: و عن العلاقات و الصداقات .. فـ ( كوني حذره ) لأن لها تأثير كبير جداً على دراستج و مُستقبلج العام .. و موفقه Quote Link to comment Share on other sites More sharing options...
a7la banoOoOota Posted أغسطس 18, 2010 Report Share Posted أغسطس 18, 2010 (edited) حلوين النصايح طمنتيني أكثر من ناحية الدراسة .. أنا متعودة أدرس أول بأول .. بس سالفة اللغة مخوفتني أنا جفت بعض من الكتب في فليكر وحدة من الكلية .. أحجامهم عملاقة حددها شلون تدرسون منهم ؟؟ <<< ترى أنا من اللي يحبون يحفظون كل كلمة محطوطة .. أيام المدرسة أدرس الكتاب من الغلاف إلى الغلاف .. ما أمر على الشي مرور الكرام .. لازم أتسدح و اتبطح فيه و على سالفة التيجرات .. ليش أخلي علاقتي فيهم قوية ؟؟ ما أحب أتلصق أنا سمعت إن يسوونكم قروبات ؟؟ هذي القروبات طول سنوات الدراسة ؟؟ أو الاختيار عشوائي و ترتيب بينكم ؟؟ كأني وايد سألت Edited أغسطس 18, 2010 by a7la banoOoOota Quote Link to comment Share on other sites More sharing options...
Sheeva Posted أغسطس 18, 2010 Author Report Share Posted أغسطس 18, 2010 دام سالفة اللغة مخوفتج عيل تطمني من اللي بقوله لج ألحين ،، بنت خالتي تدرس تمريض في الجامعة الإيرلندية .. تخرجت من الثنوي و اهيه ميييييييييييح في الإنجلش ،، يعني مو ذاك الزود .. تعالي شوفيها .. من كثر ماتقفل على روحها باب الغرفة و تدرس .. ماشاء الله عليها صارت متفوقة بعكس ماكانت في الثانوي ( كانت جيدجداً ) و خالتي وايد مستانسة منها و تمدح فيها : ) :: الكتب أحجامها عملاقة صحيح .. بس مابتحملينها وياج طول الإسبوع .. يومين يمكن بس ،، << هاذي في سنة اولى و ثانية .. و الكتابين اهمه ( الفونديشن "اساسيات التمريض" + ميديكال سيرجيكال ) سنه ثالثة ،، مايحتاج تشترين الكتاب .. يا ان التيجر اهيه اللي تطبع لج الجبتر .. و اذا تيجركم مو متعاونة ،، البنات يروحون الكُتب اللي في المكتبة و يطبعون منها .. لأنج مابتحتاجين الكتاب كله .. بس خسارة فلوس على ماميش .. الحجي المكتوب في الكتب صغييييييير حده و يبط العين ،، و انتي اذا بتقرينه كله بس حق زيادة معلومات أو حق تحضير عشان تكون عندج خلفية للموضوع .. هذا طبعاً بدون ماتتعبين نفسج و تفصفصين كلمة كلمة .. بس حق الإمتحانات ،، بتحددون الأشياء المهمة ويه التيجر .. و بتقول لكم ان مو كل شي تدرسون له ،، بعضه بس حق قراءة ،، و اذا التيجر ماحددت .. فإنتي حددي كل شي تقوله و تابعي وياها وويه الكتاب في نفس الوقت "اثناء الشرح" .. عشان لين ياج الامتحان تعرفين شنو المهم و شنو اللي مب مهم ; ) و حلاته تتسدحين و تتطبحين و انتي تذاكرين .. عشان تحسين بـ لذة الدراسة ،، و عشان ماتملين .. و حبذا تخلين وياج كوب كوفي .. شوي تدرسين و شوي تشربين ،، شوفي حدي اعرف اشجع على هالسوالف .. تعالي لي انتي بس P= :: التيجرات لازم تكون علاقتج فيهم قويّه ،، لأن اذا حبوج .. راعوج ،، و اذا ماحبوج .. طيحوج << عن تجربة =) لا تتلصقين ،، بس مُرّي بين فترة و الثانية .. سلمي ،، قعدي شوي .. سولفي معاهم عن الدراسة .. حسسيهم انج جادّه و مجتهده .. راويهم حماسج .. تراهم يحبون هالنوع من الطلبة .. و صدقيني بيشيلونج فوق راسهم و بيمدحونج بعد << بعد عن تجربة .. ; ) :: إي يسوونا قروبات و تقريبا 4 - 5 قروبات .. و الترتيب اهمه اللي يختارونه من كيفهم ،، يعني شوفي يحطونج ويه أي نوع من الطلبة .. انتي و حظج .. و لو طلبتي تغيرين قروبج .. مايرضون ،، قبل كانو يرضون ،، بس لأن كثُرت الأحزاب و المشاكل .. فـ باعدو كل الربع عن بعضهم ،، بتقولين لهم .. هالقروب اللي فيه مب عاجبيني و مب متعاونين و إلخ ... مستحيل يغيرونج و بيردون عليج ( اذا ماقدرتي تتأقلمين مع زملائج في الدراسة ،، شلون بتتأقلمين معاهم في الوظيفة ؟ ) إلا اذا كان عندج عذر قوي جداً جداً حق التغيير ،، مثلاً جدولج يتعارض مع مواصلاتج .. اهنيه بيراعون لج .. << عن تجربة لوووول .. :: الجدول تستلمينه جاهز في أول يوم دوام .. بتاخذينه من مكتب التسجيل و فيه " المقررات اللي نازلة لج + كل مقرر و متى تدشينه + كل محاضرة و يمها رقم الروم اللي بتدخلينها عشان تدلين + بريكج من الساعه كم ليـ كم + بداية الدوام كم و نهاية الدوام كم + رقم قروبج اللي بتنضمين له ( 1 .. 2 .. 3 إلخ ) " و القروب اللي بتدخلينه ،، بتظلين فيه طوووووووووول السنة ،، ما راح يغيرون بين كل فصل و فصل .. و إسألي بعد يا خلف أمي ،،، أي شي آنه حاضرة لج فديتج Quote Link to comment Share on other sites More sharing options...
a7la banoOoOota Posted أغسطس 30, 2010 Report Share Posted أغسطس 30, 2010 (edited) مشكورة شيفا حبيبتي بصراحة كفيتي و وفيتي شخبار تجهيزاتج للكلية ؟؟ Edited أغسطس 30, 2010 by a7la banoOoOota Quote Link to comment Share on other sites More sharing options...
a7la banoOoOota Posted سبتمبر 1, 2010 Report Share Posted سبتمبر 1, 2010 (edited) اخييييراً تم سحب صلاحياتي الإدارية اليوم رحت كملت أغراض الكلية لحد اللحين .. حاسة بخوف و توتر و أخاف ما أتأقلم مع الوضع توفيقك ياربي Edited سبتمبر 1, 2010 by a7la banoOoOota Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.