Jump to content
منتدى البحرين اليوم

๑۩۞۩0 اي نوع من الأطفال كنت ؟؟๑۩۞۩0


Recommended Posts

بسمـ الله الرحمن الرحيمـ

 

*السلامـ عليكمـ ورحمهـ الله وبركاتهـ*

 

الطفل البريء ..

 

 

 

في البيت تلاقيه حبوووب وطبيعي 100 %

لكن مع دخوله المدرسة .. ( تنمحي ) شخصيته ..

فتكثر الاصابات في وجهه .. لأنه مايدافع عن نفسه ..

 

^^^^^^^^^^^^

 

الطفل العنيد

 

 

 

يطبق نظام البيت بالعكس .. يسوي اللي براسه ..

مايخاف من الماما او البابا .. لو قلت له هذا خطر لاتقربه .. عناد فيك يسويه ..

ياكثر ماينضرب في طفولته .. ومع ذلك عنيد مايغير رايه ..

 

^^^^^^^^^^^^

الطفل الحنّـان

 

 

 

يستخدم وسيلة الحنة لتلبية رغباته

له نغمه خاصه في البيت ...

تلبى رغباته غصب عنك .. يعانون اهله من الصداع المستمر ..

 

^^^^^^^^^^^^

 

الطفل المادي

 

 

 

هذا الطفل مايرد السلام الا ( بفلوس ) ..

تعامله مع اهل البيت .. مادي بحت ..

يستخدمونه لتوصيل طلبات المنزل .. ونقل السوالف.. وكل شي بحسابه ..

 

^^^^^^^^^^^^

 

الطفل الفتّــان

 

 

 

تلاقي عند هذا النوع جميع اخبار البيت ..

يلاقي المتعه في اذلال غيره بالفتنه عليه .. ماله خاتمه ..

هذا الطفل حتى لو شريت سكوته بفلوس ..

توقع تلقى اخبارك ثاني يوم في الصفحه الرئيسية .. في الجريدة الرسمية ..

 

^^^^^^^^^^^^

 

الطفل الدلوع

 

 

 

هذا دلوع ماما وبابا .. يكرهونه باقي الاطفال لانه مرفه وشايف نفسه عليهم ..

تلبى رغباته قبل يطلبها .. شخصيته اتكاليه جداً ..

 

^^^^^^^^^^^^

 

الطفل العلّه

 

 

 

يزعجك بأسئلته الي ماتنتهي .. يستفسر من كل شي .. حتى لو عطست ..

قالك شلون عطست .. وليش عطست .. وشلون تكونت العطسه ..

يحرجك احياناً .. ويمكن دائماً بأسئلته .. مره تجاوب عليه ومره تسفهه ..

واكثر الاوقات ماتلقى اجابه لاسئلته ... لانك في الحقيقه تجهلها ..

 

^^^^^^^^^^^^

الطفل الداج

 

 

 

هذا الطفل مستحيل يجلس في البيت ..

يعيش في الشارع اكثر من بيته .. خبره ودليل في كل ممر وطريق ..

يعرف طول الشارع بالسنتيمتر .. من الممكن ان يصبح اذا كبر مهندس طرق ..

 

^^^^^^^^^^^^

 

الطفل الملسون

 

 

 

يستانسون اهله على سوالفه .. فصيح جداً ..

ويلقط العبارات والمفردات بسرعة مذهله ..

يسبب احراج دائم لأهله ... يمكن يقول كلمة بالغلط للضيوف او الاقارب ..

يتميز احياناً بقلة الذووق والوقاحة اذا انفعل ..

لاينصح بأستفزازه ابداً ..

 

^^^^^^^^^^^^

 

الطفل اللزقه

 

 

تلقاه مسنتر عند باب البيت .. محد يطلع الا وهو لازق معاه ..

حتى الضيوف من الممكن تلقاه يلزق فيهم ويطلع معاهم ..

ياكثر ماينضرب .. وخاصه من اخوانه اللي اكبر منه ... او خواته ..

لانه عباره عن رادار على طلعاتهم ..

احياناً يضطرون يطلعون من شباك البيت للهروب منه ..

ولكن للأسف يلاقونه بانتظارهم في السيارة ...ويسألهم ليش تأخرتوا عليّ ..

 

^^^^^^^^^^^^

 

الطفل الهادي

 

 

هذا الطفل ماله صوت .. وين ماتحطه تلقاه ..

احياناً يهملونه اهله ... لانهم ناسينه ..

واحياناً يلقى اهتمام زائد من اهله ..

لو يموت من الجوع ماتكلم ..

في كثير من الاحيان تلقى اهله ناسينه بالسوق او عند الاقارب اثناء الزيارات ..

 

^^^^^^^^^^^^

 

الطفل المرح

 

 

 

هذا الطفل كله مستانس ويضحك على كل شي

حتى تصرخ في وجهه بعد يضحك

مايتعب اهله كثير لانه مايصيح كثير

كله لاهي مع العابه ويونس روحه بروحه

 

^^^^^^^^^^^^

 

الطفل القوي

 

 

 

اهله دائماً في احراج و مشاكل مع الناس ..

هرمون الاجرام مرتفع بنسبة عالية في جسمه ..

في كل جبهة طفل في ( منطقتهم ) تلقى له أثر وتوقيع ..

يمثل القائد والفتوه .. يهابونه الاطفال ..

يتقرب منه الكبار ويتوددون له حفاظاً على سلامة اطفالهم ..

 

 

 

 

انا كنت من النوع البريءوالهادي تقريبا ماكان عندي شخصية قبل طبعا مب الحين ههههه وانتوا ؟؟؟

Edited by اسيـــرة الاحزان
Link to comment
Share on other sites

الطفل الهادي

 

 

هذا الطفل ماله صوت .. وين ماتحطه تلقاه ..

احياناً يهملونه اهله ... لانهم ناسينه ..

واحياناً يلقى اهتمام زائد من اهله ..

لو يموت من الجوع ماتكلم ..

في كثير من الاحيان تلقى اهله ناسينه بالسوق او عند الاقارب اثناء الزيارات ..

 

 

ثنكس اختي ع الموضوع الحلوو ..

 

يعطيج ربي الف عافيه ..

Link to comment
Share on other sites

  • 2 weeks later...

شكراً على الموضوع الجميل والممتع

 

آنه الله يسلمكم نوعيتي كانت

 

طفل بريء اذا مسوي مشكله عوده

 

طفل ملسون حزة احد يعاندني

 

طفل لزقه اذا احس احد يبي يسوي شي وما يبي يقول لي

 

وآنه طفل مرح احب اضحك لليوم وآنه مرح

 

وآنه بعد طفل داج ما كانوا البيت يجوفوني الا اذا الله يعزكم بدش الحمام او بنام او ابي بيزات

Edited by مستر كروك
Link to comment
Share on other sites

Join the conversation

You can post now and register later. If you have an account, sign in now to post with your account.

Guest
الرد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Loading...
×
×
  • Create New...