Jump to content
منتدى البحرين اليوم

~~ [27] مـقـال عـجــبــنـــي [27] ~~


Recommended Posts

 

سؤال ؟

 

تفتكرون يوم (عيدميلادكم) يكون چذي عمركم زاد سنه ولا نقص سنه ؟ السؤال ذي سألته لنفسي اليوم اللي هو عيد ميلادي ...

 

يا ترى انه چذي عمري زاد سنه ولا نقص سنه ؟

 

 

((عيدميلادي)) ..

 

عيد ميلادي = اليوم اللي انه انولدت فيه ..

 

انزين ليش يعني اليوم اللي انه انولدت فيه يكون عيد ؟

 

ليش عيد ؟

 

و من اللي حدد اذا كان يوم عيد ولا مب عيد ؟

 

بني آدم كلهم انولدوا في اي يوم من ايام السنه ..

 

شنو؟

 

وين العيد في الموضوع ؟!

 

إنك انولدت ؟

 

اهلا وسهلا يا سيدي.. واحد انولد .. شي عادي جدا .. حالك حال كل الناس الي انولدت على الكره الارضيه من يوم ربنا ماخلقها و خلقنا ..

 

و هو لو كان يوم عيد .. اشمعنى راح يكون لك انت ؟ المفروض ان يكون يوم عيد لأبوك و امك اللي بالنسبه لهم اكيد راح يكونون فرحانين و طايرين بولادتك ، و خصوصا لو كان صاير لهم وااايد ناطرين ان ربنا يأذن بتكوين حضرتك .. و على فكره مش بالضروره يكونون فرحانين وايد ..

يعني في حالة لو كان راتبهم نص نص ممكن يكونون فرحانين نص نص بعد .. و الفرحه بعد بتقل عن النص لو كنت انت الياهل الخامس او السادس في ترتيب اخوانك ..

وممكن اصلا ما يكونون مستانسين فيك كلش ، و خبر بداية وجودك يكون سبب في هوشة عوده بين امك و ابوك اللي كل واحد فيهم يحاول يبرأ روحه من سبب حدوثك اللي مب وقته كلش ، لانهم لحين مب مستعدين لمصاريف ولادة حضرتك :ssm6:

 

بس انا بافترض ان ابوك و امك ميسورين الحال و ناطرينك بفارغ الصبر و انك فعلا انولدت و ييت نورت البيت .. و طبعا اكيد بتنولد في شهر عادي من شهور السنه ، و في يوم من الايام العاديه المعروفه مالت الاسبوع اللي كل مابيينه هاليوم بتقول اليوم عيد ميلادي .. عيد ليش ؟؟

 

المفروض الواحد يقول اليوم يوم ميلادي .. او ذكرى يوم ميلادي .. أو يا جماعه انا انولدت في مثل هاليوم و خلاص ،

 

ولو تبي تحتفل بذكرى ميلادك .. قول اليوم انا باحتفل بذكرى يوم ميلادي .. مب "بعيد ميلادي" ........ ايه البارانويا دي ؟

<<< بارانويا= مرض جنون العظمه :ad12:

 

من اللي حدد ان اليوم اللي حضرتك انولدت فيه عيد ؟ انت من اصلا ؟

 

واحد عادي .. انسان مولود من كذا سنه .. شنو الشي المهم اللي سويته في حياتك علشان تخلي يوم ميلادك عيد ؟ عيد تحتفل فيه انت و اهلك و ربعك ؟! و حتى لو قلت انا باحتفل بيوم ميلادي مب بعيد ميلادي .. تحتفل فيه ليش من اساسه ؟ شصار يعني اذا انولدت ؟ اكيد كنت تصيح و صوتك مزعج ، و مب عارف تقول انت ليش قاعد تصيح ، و ابوك و امك مب عارف يفهمون لك ، ولا يرقدون بسبتك ، و تسويها في ثيابك و على روحك او على ريل اي احد من اللي شايلينك ، و ريحتك خايسه و تراري و تزوّع و تتچده في ويه اي احد :ssm12: و دايما قارف اهلك و مشتت تفكيرهم و مخلي عيونهم وسط راسهم عشان ما تطيح ولا تدعم لك شي و انت تتشيطن .. و راقد وسطهم و مشاركهم في سريرهم .. لا اهمه عارفين يتقلبون ولا يرقدون ولا حتى يحضنون بعض .. وان رقدت على سرير بروحك بعد بلشه .. كل شوي لازم امك تطل عليك و تجيك اذا المهاد انفل عنك أو مطلع يدك ولا ريلك او اذا مصاصتك طاحت من حلجك .. مب قاصر الا يضربونك مسامير :de20:

 

هاي بعد غير الصخونه و الحصبه و الاسهال و الامساك و التطعيم و الجفاف و بوصفار و التسنين .. صح ان ولادتك نعمه من الله .. نشكره عليها ملايين المرات و المرات .. بس بصراحه تربيتك مقرفه و متعبه .. و اخر شي تقص عليهم بضحكه طفوليه بريئه تنسيهم كل القرف اللي سويته و چافوه منك .. و خصوصا امك اللي بالرغم من كل اللي چافته و تچوفه و ياما بتچوف منك .. القهر ان قلبها رجيج عليك و ماتستحمل حتى نسمة الهوه اذا تهف عليك لان في احتمال تضرك .. <<< هاذي الانسانه الي ينقال لها أم اهي اللي المفروض يكون لها عيد او يوم نحتفل بها فيه .. مثل عيد الام .. يوم واضح و صريح و مفهمومه اسبابه .. يوم نحتفل فيه بالام العظيمه اللي ربتك و شالتك و سهرت عليك وحملت فيك تسع شهور تتألم و تتنسى و تزوّع و نفسيتها تعبانه و يايها اكتئاب و شكلها و جسمها يتغير بسبة ان حضرتك مضايقها في بطنها تسع شهور :(

 

"قاتك الأرف يا أخي"

 

تعرف يعني شنو تسع شهور ؟ يعني 270 يوم تقريبا .. انت تقدر تشيل غرشة ماي في يدك مب في بطنك يوم واحد بس ؟ و تظل قاعد قايم داش طالع راقد قايم فيها ؟ اتحداك ... والله من اول ساعه بتشربها او بتكتها في ادنات بالوعه .. و تحذف الغرشه في اجرب خمام :angry:

 

لو انت چايف ان ضروري تحتفل بيوم ميلادك .. لازم نرجع الحق لصاحبه .. يعني من الأولى ان امك و ابوك اهمه اللي يحتفلون فيه .. مب انت .. يحتفلون بالذكرى العظيمه اللي ربك عطاهم فيها نعمة اسمها حمل و ولاده .. و انا اقصد الولاده كولاده في حد ذاتها .. يعني مب شرط تكون انت النعمه ذيي <_<

 

من يدري يمكن تكون انت نقمه عليهم ، و تمشكلهم و اتعبهم بمصاريفك .. تعليم و علاج و ثياب و اكل .. و ممكن جدا اخر شي تطلع فاشل و صايع وضايع .. لابنافع فيك تعليم ولا تدريس .. و تقولنه احتفل بعيد ميلادي ! :ssm11:

 

روح يبه ...

 

و اللي يقهر بعد ان فيوم عيدميلادك العظيم اييبون لك هدايا !! على شنو عاد ؟ هالهدايا كلها المفروض اييبونها للريال و المره اللي صرفوا عليك دم قلبهم .. ياخذون الهدايا كنوع من التعويض المعنوي على اللي جافوه منك .. و تعويض مادي على اللي صرفوه عليك .. يعني اهمه اللي ينطرون يوم ميلادك مب انته .. انت المفروض يوم ميلادك تقضيه اعتذار على اللي سويته فيهم .. مب "تقول عيد ميلادي"

 

يا عم رووووح

 

و لو تبي يكون لك عيد ليوم ميلادك تحتفل فيه و تغني و ترقص و اتيبب حتى :ssm19:

 

يكون في حاله وحده ...... لما العالم كلهم يقولون الحمدلله اللي انولدت في الدنيا و للبشريه لانك سويت و قدمت للناس شي مفيد و مهم للناس اللي حواليك او للبشريه عموما .. حزتها سو مئة عيدميلاد ..

 

وقت اللي نقول الحمدلله انك انولدت في هاليوم .. لان لولا ولادتك مثلا ماكان عندنه اول واحد يروح القمر و يكون بحريني ،

 

مثلا لما نقول الحمدلله انك انولدت لانك اعظم واهم مخترع بحريني ،

 

مثلا نقول الحمدلله لان عندنه اول واحد اخترع القنبله الذريه ..

 

لما نقول الحمدلله انك انولدت لانك سند لامك و ابوك ..

 

لما واحد من هالاشيه و غيرها تتحقق بنقول الحمدلله ان جنابك انولدت .. ساعتها سو لك مليون عيدميلاد .. احتفل فيه لما تكون مسوي شي مهم و مفيد في حياتك .. حزتها قول بأعلى صوتك هاليوم ذي انا انولدت .. وقتها راح تعرف عمرك زاد سنه ولا نقص سنه .. في يوم ميلادك فكر قبل لا تطفي الشمعه .. انت شسويت في هالسنه اللي راحت ؟ لو جفت عمايلك بيضه و ايجابيه زيد شمعه على شموع سنين عمرك اللي انت حاطهم في كيكة عمرك .. يعني نص قلاصك بيكون متروس ... هني راح تعرف ان عمرك زاد سنه مفيده .. و حزتها راح تفكّر في ميلادك الياي شلون يكون (عيدميلاد) مب (يوم ميلاد)

 

اما اذا لقيت روحك مب مفيد ولا مهم ولا لك لزمه و عمايلك سوده و سلبيه .. على طول شيل من شموع عمرك شمعه وحده ..

 

يعني نقّص من عمرك سنه راحت من غير ما تسوي فيها اي شي مهم ..

 

و ذيچ الحزه لازم تعرف ان عمرك نقص سنه ، و كل سنه بينقص سنه ,

 

اعرف انك عايش ريـــوس يعني عايش لوره مب لجدام ..

 

اعرف انك فعلا قاعد تستهبل انت و شموعك و كيكتك و هداياك و حفلتك

 

اعرف ان ان ماعندك من القلاص الا النص الفاضي ...

 

و اياك تجرب او تطالع النص المتروس ,,,

 

 

 

تدري ليش ؟؟

 

 

 

 

لان راح يكون مال واحد قاعد يحتفل بعيد ميلاده

 

Link to comment
Share on other sites

 

 

ههههه الصرااحه اول شي يعطيج 100 الف عافيه يا عشوووووقتي الحلووووة

 

تعبت و انا اقرا و اتوقع انتي تعبتي و انتي تكتبين

 

بالفعل افتحت في ويهي ابواب و ابواب و انا اقراااا

 

حسيييت ان صج شي سخيف و على سخافته

 

حلووو

 

انتي تقولين ان المفروض الهدايا اتكون حق الي ربونا و اتعبوو علينا

 

بالفعل لازم انا اذا عيدميلادي اودي لهم ادنات شي مب اهمه ايبون لي خخخ ما اتوقع ان ذي بتصير

 

لان اذا مر يوم ميلادي و ما يابو لي شي اعايرهم طوول عمري الناس يابو لي انتوا ما يبتوا

 

عظوووني 10 انزين 20 دينار و اذا كلش كلش 25 حق الكيكه اوو تدرووون مااابي

 

باشتري لي كيكه وبروح ويا ربعي ادنات مكان حتى نتفه مب يايبه لكم اي الكيكه ابيزاتي

 

بل صج نحيسه صطييييه

 

لا صج هاي الواااقع في وايد ناس جذي تصدقين من طول الموضوع ماشاء الله لا اله الا الله

 

نسيت شكنت باقووول معني كنت يازعم حاطه رد حلووو و لا منسقته بعد في مخي ان باقول هلون و باقول هلون

 

بس كلم ااقرا ارد مره و انسى شي على العموم صج صج

 

الحمدلله اني انولدت صج اني ما سويت شي حق مجتمعي خخخخخ ولا باسوي شكلي بس

 

الحمدلله الف و مليون مره اني انولدت وسط هالعايله فديييتهم والله الي ربووني و اتعبوو عليي

 

و علمو الصح من الغلط تربيييت تربيية زينه لا زرعووا فيني كرره شي و لا حرضوني على شي

 

ولا قالو لي كسري و سوي و فعلي بالغكس لين جافوني اكسر شي قالو لي هالتصرف غلط و عاقبوني عليه

 

تدرين احبج وعلى هالرد الطويل الي احس ولا شي مهم منه بس بعد خاطري ارد بعدين يمكن لي يه في بالي شي وايد حبيت

 

الموضووع و اسلوبه طبعا دام انتي الي كاتبته شلون ما احبه يعطيج العافيه ابوي على الموضوع و ان شاء الله لي طله ثانيه

 

Edited by a7la ‎7o0ob
Link to comment
Share on other sites

بل بل

:ph34r:

شكلك تكرهيين ( ذكرى ميلادش) من قلب :ssm11:

عاد لا تكرهيني فيه لاني احبه :ssm16:

خخخخخخخ :D

 

لا لا بس دامج تحبينه مابي اكرهج فيه .. تره حددده يوم عجيييييب و فلللللله :up:

 

عادي يعني بس يكون يوم عادي بالنسبه لي و ماحب اكبر و اعطي هاليوم اهميه وايد

 

عموما اي موضوع كان ماحب اعطيه اكبر من حجمه

Link to comment
Share on other sites

 

 

ههههه الصرااحه اول شي يعطيج 100 الف عافيه يا عشوووووقتي الحلووووة

 

تعبت و انا اقرا و اتوقع انتي تعبتي و انتي تكتبين

 

بالفعل افتحت في ويهي ابواب و ابواب و انا اقراااا

 

حسيييت ان صج شي سخيف و على سخافته

 

حلووو

 

انتي تقولين ان المفروض الهدايا اتكون حق الي ربونا و اتعبوو علينا

 

بالفعل لازم انا اذا عيدميلادي اودي لهم ادنات شي مب اهمه ايبون لي خخخ ما اتوقع ان ذي بتصير

 

لان اذا مر يوم ميلادي و ما يابو لي شي اعايرهم طوول عمري الناس يابو لي انتوا ما يبتوا

 

عظوووني 10 انزين 20 دينار و اذا كلش كلش 25 حق الكيكه اوو تدرووون مااابي

 

باشتري لي كيكه وبروح ويا ربعي ادنات مكان حتى نتفه مب يايبه لكم اي الكيكه ابيزاتي

 

بل صج نحيسه صطييييه

 

لا صج هاي الواااقع في وايد ناس جذي تصدقين من طول الموضوع ماشاء الله لا اله الا الله

 

نسيت شكنت باقووول معني كنت يازعم حاطه رد حلووو و لا منسقته بعد في مخي ان باقول هلون و باقول هلون

 

بس كلم ااقرا ارد مره و انسى شي على العموم صج صج

 

الحمدلله اني انولدت صج اني ما سويت شي حق مجتمعي خخخخخ ولا باسوي شكلي بس

 

الحمدلله الف و مليون مره اني انولدت وسط هالعايله فديييتهم والله الي ربووني و اتعبوو عليي

 

و علمو الصح من الغلط تربيييت تربيية زينه لا زرعووا فيني كرره شي و لا حرضوني على شي

 

ولا قالو لي كسري و سوي و فعلي بالغكس لين جافوني اكسر شي قالو لي هالتصرف غلط و عاقبوني عليه

 

تدرين احبج وعلى هالرد الطويل الي احس ولا شي مهم منه بس بعد خاطري ارد بعدين يمكن لي يه في بالي شي وايد حبيت

 

الموضووع و اسلوبه طبعا دام انتي الي كاتبته شلون ما احبه يعطيج العافيه ابوي على الموضوع و ان شاء الله لي طله ثانيه

 

 

يعافيج حبو

 

عاد انتي زطـّيه خالصين منج :ssm9:

 

يعني تحبين هاليوم عشان الهدايا و البيزات

 

فلووووووس العن قفدج

 

طايحه تيـمـّـع في هالبيزات مادري شناويه عليه :whistle:

Link to comment
Share on other sites

حسستيني صج انه سخيفه

:o

 

انه عيد ميلادي لازم احتفل فيه يا زعم كيكه وهدايا بس بعدين اتييني الصيحه ضاع من عمري سنه وانه قاعده احتفل :lol: :lol:

 

يسلموو ع المقال العجيب :P

Link to comment
Share on other sites

حسستيني صج انه سخيفه

:o

 

انه عيد ميلادي لازم احتفل فيه يا زعم كيكه وهدايا بس بعدين اتييني الصيحه ضاع من عمري سنه وانه قاعده احتفل :lol: :lol:

 

يسلموو ع المقال العجيب :P

 

محشومه عن السخافه يا اسووووره

 

يعني بيني و بينج عشان ما نظلم احد و خصوصا الجنس الناعم.. احس ان الاكثريه من الناس محتاجين حق يوم مثل ذي عباره صار عرف عند كل الناس

 

خبرج عشان يجوفون بعيونهم حب الناس لهم و يحسون بمعزتهم عند الناس و يحسون بالاهتمام الشبه مبالغ فيه حتى و لو لمده يوم واحد من كل سنه .. و البنات خبرج يحبون يكونون محط انظار و اهتمام الناس و هالشي ما بيتحقق الا في يومين :

 

يا يوم عرسها و يمكن البنت تعنـّـس و تطيح في جبد اهلها و جبد روحها ف ما بتحس بهالاحساس

 

او في يوم ميلادها اللي اهو بالنسبه لها مثل يوم عرسها تقريبا لان تكون فيه نفس الاحداث

 

ف الاسهل و الاجرب لها انها تعوّض هالشي في يوم ميلادها و منها على قولة احله حب انها تحصل هدايا أو فلوس و منها تستانس بالحفله و الرقص و البلعه و هذا غير الفستان و الميك اب و هالسوالف

 

ف الناس ماخذينها برنامج

 

Link to comment
Share on other sites

مادري ليش الناس تحتفل بعيد ميلادها بس يمكن يحبون يقلدون الغير يعني اللي حارني انة قبل محد يحتفل بعيد ميلادة خير شر :ssm11: اشمعنى الحيين كل من قام يحتفل شنو السبب:de20::de20:؟

اصلا احس فشيلة اذا الواحد يحتفل بعيد ميلادة او ذكرى ميلادة مب شي

عيال اختي الصغار ساعات اذا طق في راسهم يحتفلون بعيد ميلادهم يزعم ونسوي كيك وبالونات وخرابيط بس احس شكلنا مصخرة

اذا ع الكيك مو مشكلة نسوي كل يوم كيك اذا ع البالونات والاغاني نسوي اغاني ونشتري بالونات واذا ع الهدايا نشتري هدايا حق بعض ليش لا ونرقص ونستانس بس مب شرط يكون عيد فهمتوا علي ؟

ساعات في الويك ايند نسوي هالحركة نتيمع ونحتفل من غير سبب الكيك والبالونات والاغاني وهالسوالف تصير وناسة يعني جنة عيد ميلاد

لكن اذا مقررين نسوي حفلة عيد ميلاد صج تصير الحفلة بايخة هع الواحد يوقف في الوسط ويطفي الشمعة حركة سخيفة احسها :ssm7:

يعطيج العافية عشوق ع الموضوع الحلو

 

ايي كل سنة واتني بصحة وسلامة توني جفت تحت انة اليوم عيد ميلادج مايحتاي هدايا وخرابيط :ssm9::ssm9::ssm9:

 

ليكون بتحتفلين بعيد ميلادج من تحت لي تحت :whistle::whistle::whistle:

Edited by اسيـــرة الاحزان
Link to comment
Share on other sites

مادري ليش الناس تحتفل بعيد ميلادها بس يمكن يحبون يقلدون الغير يعني اللي حارني انة قبل محد يحتفل بعيد ميلادة خير شر :ssm11: اشمعنى الحيين كل من قام يحتفل شنو السبب:de20::de20:؟

اصلا احس فشيلة اذا الواحد يحتفل بعيد ميلادة او ذكرى ميلادة مب شي

عيال اختي الصغار ساعات اذا طق في راسهم يحتفلون بعيد ميلادهم يزعم ونسوي كيك وبالونات وخرابيط بس احس شكلنا مصخرة

اذا ع الكيك مو مشكلة نسوي كل يوم كيك اذا ع البالونات والاغاني نسوي اغاني ونشتري بالونات واذا ع الهدايا نشتري هدايا حق بعض ليش لا ونرقص ونستانس بس مب شرط يكون عيد فهمتوا علي ؟

ساعات في الويك ايند نسوي هالحركة نتيمع ونحتفل من غير سبب الكيك والبالونات والاغاني وهالسوالف تصير وناسة يعني جنة عيد ميلاد

لكن اذا مقررين نسوي حفلة عيد ميلاد صج تصير الحفلة بايخة هع الواحد يوقف في الوسط ويطفي الشمعة حركة سخيفة احسها :ssm7:

يعطيج العافية عشوق ع الموضوع الحلو

 

ايي كل سنة واتني بصحة وسلامة توني جفت تحت انة اليوم عيد ميلادج مايحتاي هدايا وخرابيط :ssm9::ssm9::ssm9:

 

ليكون بتحتفلين بعيد ميلادج من تحت لي تحت :whistle::whistle::whistle:

 

لا مو مسألة تقليد الغير .. مثل ما قلت لج .. اتوقع ان يبون يكونون محط انتباه الناس و يبون يجوفون معزتهم و جذي يعني

 

اي اي احين بزوده اجوف الناس شسمه تطلع فيها ولا سمعت ان في ناس اذا يوم ميلادهم صادف عرس احد يروحون يسوونه في العرس !!!

 

اذا توماس اديسون و قراهام بل ما سووا حق روحهم عيد ميلاد :ssm11:

Link to comment
Share on other sites

أحسّج حآقدة على ذكرى ميلآدج مآدري ليييش !

 

انصدمت مِن بدآية الموضوع لأنّي أذكر إنّ اليوم ذكرى ميلآدج بس لمّن دشّيت بروفآيلج مآكو تآريخ :o

 

المهمّ انه في البدآية انصدمت :de20: بعدين لمّن تذكّرت إنّ انتي اللي حآطّة الموضوع فـ قلت عآدي يعني 27 و حركآتهآ :de20:

 

 

 

بالنّسبة لـ سآلفة إنّ العَظيم اهوه اللي يحقّ له يحتِفل بذكرى ميلآده أوّ الشّخص اللي حقّق شيّ أو شسمّونه ، فـ ترآ مِثل هـ الأشخآص مآتهمهم هـ السّوآلف و تلآقين تآريخ ميلآده يمرّ عليه مرور الكِرآم إذآ محّد ذكّره فيه ، مآدري ليش .. يمكن ينشغلون عنّه أو يعتبرونه شيّ تآفه أو مآدري :unsure:

 

 

 

أوّل مرّة أفكّر فيهآ إنّ فعلًا أمّي اهيه اللي تستحقّ إنّ تحتفل بـ هآي اليوم ، و اهيه كمآن مآ لآزم تحتفل بذكرى ميلآدهآ :as19: <- الله و الاحتفآل عآد :o بس وحدة بوحدة -_-

 

 

 

 

انه عَن نفسي ، مآحتفل بعيد ميلآدي كـ حفلة و و و و .. مآدري انه مآ أُحبّذ إنّي أكون شسمه يعني ألفت الانتبآه أو مركز الانتبآه أو مآدري شلون يقولونه يعني :de20:

 

و مآدري بس مآحبّ ، و أتوقّع الهَدآية يعني شكرًا إنّج كِنتي ويّاي هلّون شيّ :de20: يعني الأوآدم اللي يهدونج يبّون يبينون لج إنّج عظيمة و هيييك شي ، مَع إنّ الهَدآيآ و لآ شيّ يمّ كِل عآم و انتي بخير -_-

 

 

 

نسيييت كِل شي بقوووله :ssm7:

Link to comment
Share on other sites

عادي يعني بس يكون يوم عادي بالنسبه لي و ماحب اكبر و اعطي هاليوم اهميه وايد

 

عموما اي موضوع كان ماحب اعطيه اكبر من حجمه

 

...

 

:shutup: اذا في العيد ماهتميتي وقعدتي الظهر وو ماقعدتي ويا هلج وو في عيد ميلادج ماعطيتيه أهمية وايد .. متى تحتفلين ؟

:de20:

Edited by MS.Bishoo
Link to comment
Share on other sites

يعني السآآلفة صج سخآآفة

dde20.gif

شنو عيد ميلآدي قآل عيد ميلآدي و كل وآحد مشتري كيكة و شموع و هدآيآ و ثيآب و حآآلة ohmy.gifhuh.gif

يعني لـ هالدرجة مستآنسيين ان انولدنآآ في هاليوم عشآآن هالحآآلة ohmy.gif

آنآ مآ أحتفل بعيد ميلآدي و لآ أحصل و لآآ شيي .. يعني أصلًا اليووم يمرر كـ أي يووم عآآدي من حيآآتي unsure.gif

حتى مآ أستآآنس و لآ أشق الحلج و لآ أقوول آنه انولدت اليووم sleep.gif

كلششش عآآدي dry.gif .. بس استآآنس على شي وآحد إذآآ ذكرته .. ان في نفسس يوم عييد ميلآدي

ملجة مآدري خطووبة خآآلتي ssm16.gif

 

يعطيييج العآآفيهـ ع الموضوع الحلوو

Link to comment
Share on other sites

أحسّج حآقدة على ذكرى ميلآدج مآدري ليييش !

انصدمت مِن بدآية الموضوع لأنّي أذكر إنّ اليوم ذكرى ميلآدج بس لمّن دشّيت بروفآيلج مآكو تآريخ :o

المهمّ انه في البدآية انصدمت :de20: بعدين لمّن تذكّرت إنّ انتي اللي حآطّة الموضوع فـ قلت عآدي يعني 27 و حركآتهآ :de20:

بالنّسبة لـ سآلفة إنّ العَظيم اهوه اللي يحقّ له يحتِفل بذكرى ميلآده أوّ الشّخص اللي حقّق شيّ أو شسمّونه ، فـ ترآ مِثل هـ الأشخآص مآتهمهم هـ السّوآلف و تلآقين تآريخ ميلآده يمرّ عليه مرور الكِرآم إذآ محّد ذكّره فيه ، مآدري ليش .. يمكن ينشغلون عنّه أو يعتبرونه شيّ تآفه أو مآدري :unsure:

أوّل مرّة أفكّر فيهآ إنّ فعلًا أمّي اهيه اللي تستحقّ إنّ تحتفل بـ هآي اليوم ، و اهيه كمآن مآ لآزم تحتفل بذكرى ميلآدهآ :as19: <- الله و الاحتفآل عآد :o بس وحدة بوحدة -_-

انه عَن نفسي ، مآحتفل بعيد ميلآدي كـ حفلة و و و و .. مآدري انه مآ أُحبّذ إنّي أكون شسمه يعني ألفت الانتبآه أو مركز الانتبآه أو مآدري شلون يقولونه يعني :de20:

و مآدري بس مآحبّ ، و أتوقّع الهَدآية يعني شكرًا إنّج كِنتي ويّاي هلّون شيّ :de20: يعني الأوآدم اللي يهدونج يبّون يبينون لج إنّج عظيمة و هيييك شي ، مَع إنّ الهَدآيآ و لآ شيّ يمّ كِل عآم و انتي بخير -_-

نسيييت كِل شي بقوووله :ssm7:

اهو مو حقد بمعنى الحقد .. بس في شوية غل :angry:

يعني دايما اقول يا ريت ما انولدت من الاساس ، عشان اقعد اضحك عليكم و انتوا تتبهدلون في الدنيا و تتحاسبون يوم الحساب :ssm9:

بس يله دام هاي اللي الله كاتبه لي ف اكيد راح يكون احسن :ssm18:

 

على قولتج حتى الناس اللي لها الحق انها تحتفل بعد ما تحتفل و احنه رازين ويوهنه :de20:

يا عظيمه انتي :n6:

كل عام وانتي بخير عيل :D

Link to comment
Share on other sites

عادي يعني بس يكون يوم عادي بالنسبه لي و ماحب اكبر و اعطي هاليوم اهميه وايد

 

عموما اي موضوع كان ماحب اعطيه اكبر من حجمه

 

...

 

:shutup: اذا في العيد ماهتميتي وقعدتي الظهر وو ماقعدتي ويا هلج وو في عيد ميلادج ماعطيتيه أهمية وايد .. متى تحتفلين ؟

:de20:

 

ككككككك صاجه والله

مادري في شنو باحتفل! و مادري شنو الشي اللي باعطيه اهميه :ph34r: !!

 

لاني فعلا ماحب المناسبات بجميع انواعها :ssm11:

Edited by TwEnTy SeVeN
Link to comment
Share on other sites

يعني السآآلفة صج سخآآفة

dde20.gif

شنو عيد ميلآدي قآل عيد ميلآدي و كل وآحد مشتري كيكة و شموع و هدآيآ و ثيآب و حآآلة ohmy.gifhuh.gif

يعني لـ هالدرجة مستآنسيين ان انولدنآآ في هاليوم عشآآن هالحآآلة ohmy.gif

آنآ مآ أحتفل بعيد ميلآدي و لآ أحصل و لآآ شيي .. يعني أصلًا اليووم يمرر كـ أي يووم عآآدي من حيآآتي unsure.gif

حتى مآ أستآآنس و لآ أشق الحلج و لآ أقوول آنه انولدت اليووم sleep.gif

كلششش عآآدي dry.gif .. بس استآآنس على شي وآحد إذآآ ذكرته .. ان في نفسس يوم عييد ميلآدي

ملجة مآدري خطووبة خآآلتي ssm16.gif

 

يعطيييج العآآفيهـ ع الموضوع الحلوو

 

جفتينه عاد :de20:

 

تذكرت بعض العيايز الاجانب .. العن قفدهم يحتفلون بيوم ميلادهم التسعين !! مادري على شنو عاد :ssm12:

 

الله يوفقها خالتج .. بس اخاف تكونين كشحه عليهم :ssm9:

 

يعافيج بعد جبدي

Edited by TwEnTy SeVeN
Link to comment
Share on other sites

هههههههههههه آآآآية عشووووق عجيب تصدقين المقآآآل :ssm9:

و انزين ترا من زمان عيد الميلاد شي سخافة ,, يعني تحسينه بياخة يختج

شنو كيكة و شنو حفلة

انا 18 سنة من عمري ما قط سويت لي حفلة ,, و ابوي و امي اصلا ما يتذكرون متى يابوني هع :D

انا بس يعني حدي احب الشخص يتذكرني هو فن ترا يتذكرج و يقولج كل عام و انتي بخير<< عن الخاطر يختج ع الاقل احد يتذكرج لو بكلمة :de20:

بس صج ضحكني شسمه هالمقال كككككككككككككك الله يقطع ابليسج

تصدقين عاد وحشتيني ! :n10:

المهم انا ياية بس ابصم مني في المنتدى بس عشانج

اصلا انا ادش المنتدى بس عشانج :P

ههههههههههههههههه

كل عام و انتي بخير حبيبتي

اجوفج السنة الياية :D

باي

Edited by لط لط
Link to comment
Share on other sites

ســـــــــلام ..

 

هــــــــاي المواضيع العدله

 

[ حتى لو كوبي بيست ] جذي :up:

 

المهم ،،

 

المفروض ذكرى يوم ميلادي ، بس احنا تعودنا خلاص ، ونقول كلمات غلط ومكس حتى

 

امم يوم عادي ، بس كل شخص المفروض يحب نفسه اكثر من البقيه

 

(حتى لو يحب شخص او اهله ، اهوه اول شي ، عقب هالاوادم)

 

"جنون العظمه" هاي اذا زاد الشي عن حده اي

 

 

ثانكس - nice

 

;)

Edited by A7madG3rashi
Link to comment
Share on other sites

والله شنقولج ياختي :ph34r:

كل الناس تدري ان ذي الشي ماله معنى و بدعة ,,

بس كل واحد مع الخيل يا شقرا :ph34r:

الي يسوونه الناس يقلدوونهم ,,

بس ساعات تكون هالمناسبة مفيدة لان تكون سبب في لمة الاهل و العايلة و صلة القرابة او الربع و قعدتهم ,,

و العيد ميلاد مجرد الواحد يحتفل على ان زاد من عمره سنة واهوة موجود بهالدنيا و حي يرزق :rest1:

 

يعطيج العافيه على الموضوع الزقرت

طرح حلوو و مجهوود رائع ,, ومتعوب عليه B)

Edited by زنجبيل المملكة
Link to comment
Share on other sites

الموضوع عجبني وايد

 

ومب غريبة عليج المواضيع الحلوة ومومجاملة ترى

 

بس يوم قريت الموضوع ياتني الصيحة مادري شلون

 

حسيتج انسانة انطوائية ماتحتفلين ولا شي ماتحبين هالسوالف

 

حياتج عادية بدون اكشن أو سوالف

 

بدون مناسبات وذكريات حلوة

 

انه ماقووول انه الواحد يوم ميلاده يشيل البيت ع راسه لا

 

بس حلو الواحد يذكر اليوم اللي انولد في انحط وسط عايلة فيهاأم وأبو وأخوان

 

المحروم من الأم والأبووو أهوه اللي لازم مايهتم في يوم أو عيد ميلاده

 

وبس هاي اللي أبي اقوووله

 

صكيتي علينه 27 ماقدرنه انقول شي :ssm16:

 

ماشاء الموضوع متعوب عليه ويبين مجهودج ترى

 

يعطيج ألف عافية

Link to comment
Share on other sites

هههههههههههه آآآآية عشووووق عجيب تصدقين المقآآآل :ssm9:

و انزين ترا من زمان عيد الميلاد شي سخافة ,, يعني تحسينه بياخة يختج

شنو كيكة و شنو حفلة

انا 18 سنة من عمري ما قط سويت لي حفلة ,, و ابوي و امي اصلا ما يتذكرون متى يابوني هع :D

انا بس يعني حدي احب الشخص يتذكرني هو فن ترا يتذكرج و يقولج كل عام و انتي بخير<< عن الخاطر يختج ع الاقل احد يتذكرج لو بكلمة :de20:

بس صج ضحكني شسمه هالمقال كككككككككككككك الله يقطع ابليسج

تصدقين عاد وحشتيني ! :n10:

المهم انا ياية بس ابصم مني في المنتدى بس عشانج

اصلا انا ادش المنتدى بس عشانج :P

ههههههههههههههههه

كل عام و انتي بخير حبيبتي

اجوفج السنة الياية :D

باي

 

شيتذكرون فيج بعد انتي ويا خدودج !!

بعد بنقول لو يتذكرونج بروحج معليه .. لكن انتي و خدودج صعبه صراحه :ssm16:

اااايه عليج لطوووو اهم شي بصمتج و اهم شي انج تشرفينه ساعات .. صج انج مسويه روحج ثقيله يزعم من فوق لي فوق بس يله حلوه منج

وانتي بخير بعد جبدي

Link to comment
Share on other sites

ســـــــــلام ..

هــــــــاي المواضيع العدله

[ حتى لو كوبي بيست ] جذي :up:

المهم ،،

المفروض ذكرى يوم ميلادي ، بس احنا تعودنا خلاص ، ونقول كلمات غلط ومكس حتى

امم يوم عادي ، بس كل شخص المفروض يحب نفسه اكثر من البقيه

(حتى لو يحب شخص او اهله ، اهوه اول شي ، عقب هالاوادم)

"جنون العظمه" هاي اذا زاد الشي عن حده اي

ثانكس - nice

;)

 

و عليكم السلام و رحمة الله و بركاته

 

ثانكس من ذوقك :n10:

 

حرام عليك تره مب كوبي و بيست .. اهو هالمقال للبني آدم اللي في توقيعي و انه عدلت فيه شويات و الاهم ان كان باللهجه المصريه و انه سويته بالبحريني مع بعض التعديلات و الاضافه <<<< لا تظلمني :(

 

مشكور على المرور و التعليق الحلووو

Link to comment
Share on other sites

والله شنقولج ياختي :ph34r:

كل الناس تدري ان ذي الشي ماله معنى و بدعة ,,

بس كل واحد مع الخيل يا شقرا :ph34r:

الي يسوونه الناس يقلدوونهم ,,

بس ساعات تكون هالمناسبة مفيدة لان تكون سبب في لمة الاهل و العايلة و صلة القرابة او الربع و قعدتهم ,,

و العيد ميلاد مجرد الواحد يحتفل على ان زاد من عمره سنة واهوة موجود بهالدنيا و حي يرزق :rest1:

 

يعطيج العافيه على الموضوع الزقرت

طرح حلوو و مجهوود رائع ,, ومتعوب عليه B)

صحيح صحيح يالزّنون .. كلام سليم و جميل :ad12:

 

يعافيك و مرورك الغير متوقع اهو الزقرت :D

 

ذوقك الحلو و مشكور مره ثانيه

Link to comment
Share on other sites

الموضوع عجبني وايد

ومب غريبة عليج المواضيع الحلوة ومومجاملة ترى

بس يوم قريت الموضوع ياتني الصيحة مادري شلون

حسيتج انسانة انطوائية ماتحتفلين ولا شي ماتحبين هالسوالف

حياتج عادية بدون اكشن أو سوالف

بدون مناسبات وذكريات حلوة

انه ماقووول انه الواحد يوم ميلاده يشيل البيت ع راسه لا

بس حلو الواحد يذكر اليوم اللي انولد في انحط وسط عايلة فيهاأم وأبو وأخوان

المحروم من الأم والأبووو أهوه اللي لازم مايهتم في يوم أو عيد ميلاده

وبس هاي اللي أبي اقوووله

صكيتي علينه 27 ماقدرنه انقول شي :ssm16:

ماشاء الموضوع متعوب عليه ويبين مجهودج ترى

يعطيج ألف عافية

مشكوره حبي من ذوقج :n10:

كككككككك وييييي شكلج حسيتيني معوّقه :de20:

عادي تره هالأكشنات كلش ماتهمني ولا تشدني .. يعني عادي كاني عايشه و حالي حال الناس مافيني شي قاصر .. ماقط حسيت اني ابي اعيش هالأجواء

 

يعافيج مرووووي ..

 

عاد انتي اللي محد يقدر يصك عليج بس هالأيام راكده ..

 

شكله هاي الهدوء اللي يسبق العاصفه B)

Link to comment
Share on other sites

هههههه ولاقط كتبتي موضوع وماضحكت عليه :whistle:

انه خبري في الاوادم متعودين يشبكون العيد بالميلاد ف مب قصد شي يعني بس في ناس يحتفلون ان مرت عليهم سنة وهيك

عن خاطرهم يعني,حلو ان شخص يذكرك لو بكلمة ع اقل امم اقل شي يعني

عن نفسي انه يمر مرور الكرام ماعطيه اهمية وايد عادي,ع فكرة وحشتني سواليفج" من يوم عرفناج مايعجبج شي هههههههه :ssm16:

Edited by ANGELiA
Link to comment
Share on other sites

ســـــــــلام ..

هــــــــاي المواضيع العدله

[ حتى لو كوبي بيست ] جذي :up:

المهم ،،

المفروض ذكرى يوم ميلادي ، بس احنا تعودنا خلاص ، ونقول كلمات غلط ومكس حتى

امم يوم عادي ، بس كل شخص المفروض يحب نفسه اكثر من البقيه

(حتى لو يحب شخص او اهله ، اهوه اول شي ، عقب هالاوادم)

"جنون العظمه" هاي اذا زاد الشي عن حده اي

ثانكس - nice

;)

 

و عليكم السلام و رحمة الله و بركاته

 

ثانكس من ذوقك :n10:

 

حرام عليك تره مب كوبي و بيست .. اهو هالمقال للبني آدم اللي في توقيعي و انه عدلت فيه شويات و الاهم ان كان باللهجه المصريه و انه سويته بالبحريني مع بعض التعديلات و الاضافه <<<< لا تظلمني :(

 

مشكور على المرور و التعليق الحلووو

 

هلا هلا

 

لا قصدي ان حتى لو كوبي بيست بعد تسلميين وناايس

>> في مواضيع كوبي بيست افف <_< مادري من وين يطلعونهم :de20:

جان كتبتي انج عدلتي ، كاتبه مقال عجبني يعني كوبي :ssm7:

 

اهم شي بالبحريني :ssm9:

 

اممم ماعرفتيني للحين لا :whistle:

Link to comment
Share on other sites

هههههه ولاقط كتبتي موضوع وماضحكت عليه :whistle:

انه خبري في الاوادم متعودين يشبكون العيد بالميلاد ف مب قصد شي يعني بس في ناس يحتفلون ان مرت عليهم سنة وهيك

عن خاطرهم يعني,حلو ان شخص يذكرك لو بكلمة ع اقل امم اقل شي يعني

عن نفسي انه يمر مرور الكرام ماعطيه اهمية وايد عادي,ع فكرة وحشتني سواليفج" من يوم عرفناج مايعجبج شي هههههههه :ssm16:

عسى الضحكه ما تفارقج

 

و عسى مايوحشج غالي انشالله و انتي بعد وحشتيني .. بس على قولة ايهاب توفيئ .. الايام الحلوه ما بترقعش تاني :(

 

هههههههه صاجه مب عاجبني ولا شي :ssm11:

Link to comment
Share on other sites

Join the conversation

You can post now and register later. If you have an account, sign in now to post with your account.

Guest
الرد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Loading...
×
×
  • Create New...