هدوء الفجر Posted ديسمبر 6, 2010 Report Share Posted ديسمبر 6, 2010 غيرة المراة على لسان البنت الي شافت الموقف تقول وانا اصلي بالحرم الا بذيك الحرمة الكبيرة بالسن الي تصلي وتبكي تصلي وتبكي وتدعي وتبكي انا استغربت منها وقلت اكيد لها سالفة وكان كل ما بين فترة يجيها ولد شاب يكلمها ويروح ويشوف وش تبي انا اخذني الفضول صراحة وجلست بجنبها وسالتها ليش تبكين عسى ما شر قالتلي ما في شي انا اصريت وسالتها مرة ثانية سكتت شوي وبعدين قالت والله من العذاب الي فيني ليش وش السالفة قالت لي اقولك قصتي وبعدين احكمي كنت متزوجة من زوج نعم الازواج يحبني ويحترمني ويعزني بس كان فيني عيب اني ما اجيب عيال وانا حاولت بس الله ما رزقني فشرت عليه انه يتزوج ثانية هو ما رضى في البداية بس انا قعدت احن احن الين وافق فدورت له على زوجة وخطبتها له وتم الزواج بس بعد ما تزوجها شبت نار الغيرة بقلبي لانه بدا يميل لها وفترة بسيطة الاوالمراة حامل زادت غيرتي المهم جابت له ولد والزوج استانس وفرح وقعدت افكر بنفسي كيف انا الي شرت عليه وفي يوم جاني زوجي وقال لي بسافر مع مرتي الثانية وبنخلي الولد عندك وافقت طبعا لان ما في احد يمسك الولد غيري وسافروا وخلو الولد عندي وكان الوقت شتا وكنت شابة جمر والولد عمره تقريبا سنة وكم شهر وهو يلعب ويطامر قدامي وانا بقلبي نار تشتعل مثل الجمر وشلون ياخذها ويسافر ويخلي الولد عندي ومن هالكلام الا وفجاة الولد يمد يده بيلعب بالجمر ومن ناري وغيرتي مسكت يدينه وحطيتها بالجمر اكثر الين ذابت يده وهنا شلتها وبعدها ما يحتاج اقولك وشلون صارت يد الولد وكذا حسيت ان ناري طفت شوي نمنا ذيك الساعة واذا يصلنا خبر وفاة زوجي مع زوجته وهم في طريق العودة بحادث وظليت بروحي عايشة مالي احد غير ربي ومن ثم الولد اللي تشوفينه وصار اكثر من ولدي و اعز ويدور راحتي ويراعيني ومالي حد غيره وهو اللي يشوف طلباتي وطلبات البيت ومو مقصر معاي بشي بس انا كل ما شفت يده يتقطع قلبي على الي سويته فيه وهو يناديني يمه بس الى الان ما قلتله اني انا الي شوهت يده ولا زلت اعاني من العذاب وتانيب الضمير وادعي ربي ان يغفر لي ذنبي سبحان الله وشلون حكمة ربك انه صار خير لي لولا هالولد كان انا حالتي حاله ويرد يجيها الولد وهو مخبي يده ويحب راسها ويسالها يا الغالية تبين شي [و عسى ان تكرهوا شيئا و هو خير لكم ] سبحان الله العظيم Quote Link to comment Share on other sites More sharing options...
محرقي وكلي فخر Posted ديسمبر 16, 2010 Report Share Posted ديسمبر 16, 2010 Quote Link to comment Share on other sites More sharing options...
نغــــــم Posted ديسمبر 22, 2010 Report Share Posted ديسمبر 22, 2010 سبحان الله العظيم يعطيكى العافيه على القصه الموثره Quote Link to comment Share on other sites More sharing options...
مس عذبه Posted فبراير 19, 2011 Report Share Posted فبراير 19, 2011 موضوع رائع كروعة حضورك المميز سلمت على الطرح المبدع والمتالق كالعادة ولا عدمناك دام بحر عطاءك متميزا ومبدع مع تحياتي Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.