نـوفـه Posted فبراير 26, 2005 Report Share Posted فبراير 26, 2005 السلام عليكم ورحمة الله وبركاته ،، تحيه عطره وبعد ،، قوة أخوي علي ،، أختي ناريمان ،، وكل الأعضاء والعضوات ،، أنا وحده من أكثر متابعي البرامج الشبابيه ،، خاصه للمتـألق الأخ علي حسين ،، وللمعده المميزه إيمان مرهون ،، أحس إن كل المواضيع إللي يطرحونها أحب مناقشتها ،، لأني أحب أحاول أساعد وأحل مشاكل الناس ،، خاصه الإجتماعيه منها والعاطفيه والأسريه ،، وبـ الأخص جداً مشاكل الشباب والمراهقين ،، حتى لو ماقدرت أساعد ،، بس أحب أناقش في هـ الأنواع من المواضيع الشبابيه ،، مشكلتي ،، إني خجوله وايد ،، يعني أستحي حتى إني أتصل ،، أفكر دايماً إني أتصل ،، بس من يرن التلفون ،، أستانس إني حصلت خط ،، بس في نفس الوقت قلبي يدق بسرعه ،، وأصك التلفون ،، وأذكر مره ،، ( الله يستر عليها من مره ) ،، كرهت روحي فيها ،، لما شاركت في البرنامج ،، كان في قلبي حجي وايد باقوله ،، وباناقشه ،، وكلام وايد أحس إني فيه باصير عوده في نظر وايد ناس ،، بس لما سألني الأخ العزيز علي سؤال ،، حسيت إن دم جسمي صار كله في ويهي ،، وإنربط لساني ،، وماعرفت أقول كلمه عدله ،، يعني حسيت روحي حدّي غبيه وصغيره ،، الأخ علي ،، يمكن بيعرفني ،، أو لما أقول له متى وشنو الموضوع وكلامي ،، بيتذكرني ،، بس أتمنى محد غيره يتذكرني ،، لأن صج فشييييييييييييييييييييييييله ،، وأحين ،، ساعدوني شاسوي !!! ولكم كل الشكر والتقدير والإحترام ،، تحياتي القلبيه أختكم دووووم ،، نـوفـه Quote Link to comment Share on other sites More sharing options...
فلونة Posted فبراير 26, 2005 Report Share Posted فبراير 26, 2005 (edited) شخبارج نوفة؟زينة انشالله جوفي حبيبتي احسن طريقة انج تنسين ان انتي قاعده تكلمين على مسمع مجموعة عوده من الناس ...بس تكلمي كأنج قاعده تكلمين اختج صديقتج ...وتخيلي اللي يسمعونج كأنهم صمخان(يا كافي الشر) ثاني شي قبل ما تتكلمين في اي مناسبة كانت ...رتبي افكارج زين ,حتى لو كلفج في مثل هالحالة ان ادونينهم في نقاط في ورقة ...او كفاية انج ترتبينهم في مخج ...لأن شي طبيعي في مثل هالحالات الافكار تتدافع وتنسين شنو تبين تقولين ..يعني باختصار استعدي للمناقشة عقب تفكير وبعدين من قال انتي خجولة؟ لو صدق خجولة ما تجرأتي ونشرتي هالموضوع مع ان في ناس غيرج يمكن يتحفظون ان يقولون اللي في قلبهم ...عل المشكله انج ترتبكين ويمكن يبغي لج اشوي تضبطين الموقف...بس . واذا فعلن انتي خجولة ..المفروض ترديين لنفسج (انا مو خجولة )) وبصوت عالي ..وهالطريقة يسمونها تلقين الذات ..وعقب فترة بتجوفين انج ما اقول تغلبتي بس سويتي شي لمشكلتج . وبعد في شي ...ان تتصلين وتصكينه دليل على انج متردده ....ويعني في الحالة حاولي بينج وبين نفسج تكونين ثابته وحازمة عن جد..واذا صار انج رجعتي عن اللي بتسوينه ...لا تتساهلين اهني ....انه ما اقول عاقبي نفسج ..بس تعودي في المواقف اللي تجوفين انج متردده في الحياة العامة انه تحزمين موقفج . وياللا انه هاي الاسبوع حتى لو ما اتابع البرنامج بقعد عنوان عشان تتحفينه برايج. Edited فبراير 26, 2005 by فلونة Quote Link to comment Share on other sites More sharing options...
دبدوب الرفاع Posted فبراير 27, 2005 Report Share Posted فبراير 27, 2005 انا مع فلونه سجلي كل كلامج في ورقة علشان اذا نسيتي او تخربطتي عندج الورقة بارزة و اقريها و اعتبري نفسج انج اتكلمين احد من ربعج و اعتقد في موقع تدرين تكتبين رايج فيه و يقرونه على الهوا Quote Link to comment Share on other sites More sharing options...
مهاوي المحرقيه Posted فبراير 27, 2005 Report Share Posted فبراير 27, 2005 سمعي عمري انا قبل كنت مثلج و استحي من كل شي بس الحين عادي اول شي ماله داعي هالخجل و بعدين لازم تقولين رايج بكل حريه و ثقه و محد قاعد يجوفج مجرد انج بتقولين الراي الي انتي مقتنعه منه والكلام اللي في قلوب جزء كبير من الناس لازم تحاولين تكونين شوي اجرأ و ان شاء الله نسمع صوتج هالاسبوع Quote Link to comment Share on other sites More sharing options...
AL7o0oT Posted مارس 4, 2005 Report Share Posted مارس 4, 2005 Quote Link to comment Share on other sites More sharing options...
نـوفـه Posted مارس 7, 2005 Author Report Share Posted مارس 7, 2005 هلا عيوني فلونه ،، تسلمين حبيبة قلبي على كلامج الحلو ،، والله يخليج لنا ولا يحرمنا منج ولا من كلامج وحروفج المميزه ،، وأشكرج على مرورج الكريم حبيبتي ،، والله فرّحتيني وايد ،، الله لا يحرمنا منج ،، وسامحيني على التأخير في الرد ،، دبدوب الرفاع ،، يسلمووووو أخوي على كلامك الطيب ،، ومرورك الأطيب يالطيب ،،، هلا حبيبتي مهاوي ،، كلامج حلو وايد ،، الله يخليج لنا ولا يحرمنا منج ،، أنا مو خجوله كثر ماتتصورون ،، بس لما أحس بـ الخجل ،، أرتبك وايد ،، الحمدلله أنا شخصيتي فيها ثقه بـ النفس وحب إستطلاع ،، وحب إبداء رأي صريح ،،، بس بعض الأحيان استحي وايد ،، عـ العموم ،، تسلمين حبيبتي ،،، وبادز لج رساله خاصه باقول لج الموقف إللي مع علي في البرنامج وخلاني أرتبك وأخربط في الكلام ،، ،، al7oot ،، يسلمووو على مرورك ،،، وإمسح دموعك ،، الدنيا ما تسوى ،، ههه Quote Link to comment Share on other sites More sharing options...
علي حسين Posted مارس 8, 2005 Report Share Posted مارس 8, 2005 أذكرك نوفة جيدا اذكر تلك الفتاة الرقيقة التي شاركتنا في الحلقة الأخيرة من برنامج شات , وأنك شاركتي في الحوار برأي جميل ( حتى أنني قلت في نفسي أنك دليل أخر على أن الجمال و العقل من الممكن ان يلتقيا ) ,اذكر أيضا أنك سلمتي علي حين إنتهى البرنامج وكنت بصحبة والدك , صح أعتقد ذاكرتي ليست سيئة إسمعي نوفة , انت تملكين كل مقومات الثقة ( جميلة شابة منفتحة ومتأكد انك ذكية ) لذلك فقط اعبري الحاجز , واتمنا ان اسمع صوتك في الحلقات القادمة , إنت بس قولي لي إنك نوفة , وما عليك 0 علي Quote Link to comment Share on other sites More sharing options...
محمد الحلو Posted مارس 9, 2005 Report Share Posted مارس 9, 2005 مثل ما قال اخوي علي الواحد في اول مرة لازم يستحي بس بعدين لما يتعوّد بكون عنده عادي Quote Link to comment Share on other sites More sharing options...
نـوفـه Posted مارس 10, 2005 Author Report Share Posted مارس 10, 2005 يا هلا فيك والله أخوي العزيز ،، علي ،، بـ صراحه أحين إنت أحرجتني أكثر ههه خليت لساني ينربط أكثر وما أعرف شنو أقول لك أو أرد عليك ،، بـ رد يستحق شخصك الكريم ،، وإسلوبك المميز ،، اذكر أيضا أنك سلمتي علي حين إنتهى البرنامج وكنت بصحبة والدك , صح أعتقد ذاكرتي ليست سيئة إي ماشاء الله عليك ،، ذاكرتك فــن وعجيييييبه ،، يعطيك العافيه وعساك عـ القوه ،، ولك مني باقة من جزيل الشكر والتقدير والإحترام ،، أقدمها لك بـكل معزه وإحترام أخوي ،، على تشجيعك لي ،، ويارب أكون عند حسن الظن دوماً ،، والله إييب هـ اليوم إللي أتشجع فيه ،، وأعبّر عن كل آرائي إللي في قلبي ،، وبـ كل جرأه محترمه ،، تسلم لنا يا أخوي ،، وربي لا يخلينا منك ،، تحياتي القلبيه أختك دووووم Quote Link to comment Share on other sites More sharing options...
نـوفـه Posted مارس 10, 2005 Author Report Share Posted مارس 10, 2005 صح لسانك أخوي يوم آخر ،، ولما شاركت في البرنامج ،، كانت أول مره في حياتي ،، حتى إني أفكر في الإشتراك ،، مو بس أشترك ،، وإن شاء الله أتجرأ في المرات القادمه ،، إللي أفكر فيها بـ الإشتراك ،، وتسلم لنا على مرورك الطيب يا أخوي ،، تحياتي القلبيه Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.