السلام عليكم..
ان شاءا لله تنقبلين وتتحقق امنيتج وتصيرين ممرضة كبيرة قد الدنيا..
برد على استفساراتج..انا طالبة تمريض سنة ثالثة..
السؤال اللحين بالنسبة للتمريض ؟؟
شنو طبيعة الدراسة هل هي معقدة و الا شنو ؟؟<<<سمعت انه معقدة و وايد رسوب!ا
والله ما ابي اخوفج..مو صعبة ولا سهلة..يبي لها جد واجتهاد..دراسة اول بأول..حكرة في البيت شووي..وانعزال عن العالم الخارجي لحد ما ..ومن ناحية الرسوب ..الي يدرس ما يرسب..صاحب كل حق ياخذ حقه..
نزين التدريب عقب سمعت انه بيصير بثاني كورس شنو تسوون بالتدريب ..وووو
ثاني كورس من سنة اولى ..بيكون خلصتون مقررات نيرسنج تخص مراحل العمر ..ومن ضمنها حديثي الولادة فتروحون المستشفى قسم الولادة وتشوفون الاطفال تفحصونهم تقيسون وزنهم طولهم ..الخ..
بعدين سن الروضة..والمدرسة الابتدائي والاعدادي...فعشان جذي تزورون روضات ومدارس وتطبقون الي درستنوه على الي تشوفونه ..
و هل المواد تعتمد عالحفظ او الفهم .. لنه صراحه مالي شي بالحفظ ما احب احفظ لنه الحفظ ما ييب شي صراحه ..خخخ..
يعني اقدر اقول لج نسبة الحفظ 70% من المقرر حفظ و30 % فهم...وفي مقررات لازم تفهمينها عشان تحفظينها وفي مقررات حفظ بحت ..
وووو و أي شي بالنسبة لهتخصص قولوه ..
بانتظار اصحاب الخبرة يعنو
التخصص حلو وممتع ويعتمد على العملي بشكل كبيييييييير...يعني اي شي تاخذونه نظري تطبقونه عملي سواء في المدارس او الروضات او المستشفى المكان الاساسي على المرضى..
وفي نفس الوقت الدراسة متعبة جدا جدا جدا... وتحسين وقتج مو ملكج ..وقتج كلة للكلية ..مع الدراسة والتحضير والكوزات والامتحانات والبروجكتات وتسوين بور بوينت وبرزنتيشن .......والخ
ان شاء الله تنقبلين وتجين تشوفين وتعيشين الدور ..وانتي في المستشفى وينادونج سستر ..